☆ ᠪᠣᠷᠵᠢᠭᠢᠨ·ᠮᠥᠩᠭᠡᠤ᠋ᠳᠽᠡᠷ
ᠰᠤᠯᠤᠩᠭ᠋ᠠ
ᠮᠠᠠᠳᠠᠯ ᠳᠡᠭ᠍ᠷᠢ ᠶᠢᠨ ᠳᠠᠭᠢᠨᠢ ᠭᠡᠦᠭᠡᠨ
ᠮᠤᠩᠭ᠋ᠤᠯ ᠵᠠᠯᠠᠭᠤ ᠳᠤ ᠬᠠᠢ᠌ᠷᠠ ᠲᠡᠶ ᠪᠣᠯᠪᠠᠤ ︖
ᠠᠮᠠᠷᠠᠭ ᠰᠡᠳᠭᠢᠯ ᠤᠨ ᠳᠤᠭᠳᠤᠢ ᠵᠠᠭᠢᠳᠠᠯ ᠶᠢᠡᠨ
ᠠᠯᠴᠢᠭᠤᠷ ᠲᠡᠶ ᠪᠠᠨ ᠴᠤᠭ ᠳᠠᠯᠠ ᠵᠥᠭ᠌ ᠰᠢᠳᠠᠪᠠᠤ ︖
ᠠᠷᠢᠯᠤᠭᠰᠠᠨ ᠪᠣᠷᠤᠭᠠᠨ ᠤ ᠳᠠᠷᠠᠭᠠᠭᠢ ᠣᠭᠳᠠᠷᠭᠤᠢ
ᠠᠷᠴᠢᠭᠰᠠᠨ ᠳᠤᠯᠢ ᠰᠢᠭ ᠴᠠᠯᠮᠠᠢ᠌ᠨ ᠭᠦᠭᠡᠷᠡᠭᠡᠳ
ᠠᠷᠪᠠᠨ ᠥᠩᠭᠡ ᠶᠢᠨ ᠭᠡᠷᠡᠯᠳᠤ ᠰᠤᠯᠤᠩᠭ᠋ᠠ
ᠠᠳᠠᠷ ᠭᠡᠭᠡᠷᠡ ᠶᠢ ᠳᠡᠭ᠍ᠷᠢ ᠲᠡᠶ ᠬᠤᠯᠪᠣᠨᠠ᠂
ᠮᠠᠩᠨᠤᠭ ᠳᠠᠯᠠ ᠳᠤ ᠴᠢᠨᠢ ᠮᠠᠩᠬᠠ ᠠᠬᠠᠳᠤᠵᠤ
ᠮᠠᠯ ᠶᠢᠡᠨ ᠮᠠᠯᠯᠠᠬᠤ ᠪᠠᠯᠴᠢᠭᠡᠷ ᠦᠭᠡᠶ ᠪᠣᠯᠪᠠᠯ
ᠮᠠᠨᠠᠢ᠌ᠭᠢᠨ ᠳᠤ ᠢᠷᠠᠵᠤ ᠣᠳᠤᠷᠯᠠᠭᠠᠷᠠᠢ ᠭᠡᠭᠦ ᠰᠢᠭ᠌
ᠮᠢᠷᠠᠯᠵᠠᠬᠤ ᠰᠤᠯᠤᠩᠭ᠋ᠠ ᠭᠦᠭᠦᠷᠭᠡ ᠳᠠᠳᠠᠨᠠ
ᠠᠯᠳᠠᠨ ᠭᠦᠭᠦᠷᠭᠡ ᠪᠠᠷ ᠨᠢ ᠠᠮᠵᠢᠵᠤ ᠪᠢᠳᠠᠨ
ᠠᠭᠳᠠ ᠲᠡᠶ ᠪᠠᠨ ᠴᠤᠭ ᠮᠠᠴᠤᠵᠤ ᠦᠵᠡᠶᠠ ᠭᠡᠵᠤ
ᠪᠣᠷᠭᠠᠰᠤᠨ ᠭᠦᠯᠦᠭ᠌ ᠲᠡᠶ ᠭᠡᠳᠤᠨ ᠬᠡᠦᠬᠡᠳ
ᠪᠠᠶᠠᠰᠤᠯᠳᠤᠨ ᠢᠨᠢᠶᠡᠯᠳᠦᠭ᠍ᠰᠡᠭᠡᠷ ᠰᠤᠯᠤᠩᠭ᠋ᠠ ᠶᠢ ᠴᠢᠭ᠍ᠯᠡᠨᠡ
ᠲ᠋ᠠᠪᠭᠢᠭᠠᠤᠨ ᠭᠦᠷᠭᠦ ᠳᠤ ᠵᠠᠢ᠌ᠯᠠᠭᠠᠤᠨ ᠶᠠᠪᠣᠳᠠᠭ
ᠲᠤᠩ ᠴᠤ ᠶᠸᠯᠢ ᠲᠡᠶ ᠰᠤᠯᠤᠩᠭ᠋ᠠ ᠪᠠᠢ᠌ᠨᠠ ᠭᠡᠵᠤ
ᠠᠰᠠᠯᠠᠭᠠᠤᠨ ᠭᠦᠷᠦᠭ᠍ᠰᠡᠨ ᠭᠡᠳᠤᠨ ᠬᠡᠦᠭᠡᠳ
ᠠᠷᠤ ᠳᠤᠬᠤ ᠪᠠᠨ ᠮᠠᠭᠠᠵᠢᠵᠤ ᠵᠤᠭᠰᠤᠨᠠ
ᠲᠦᠷᠦᠯᠭᠢ ᠭᠡᠯᠡ ᠶᠢᠡᠨ ᠰᠠᠢ᠌ᠨ ᠰᠤᠷᠴᠢᠬᠠᠪᠠᠯ
ᠳᠡᠭ᠍ᠷᠢ ᠳᠤ ᠭᠠᠷᠬᠤ ᠵᠢᠭᠦᠷ ᠲᠡᠶ ᠪᠣᠯᠤᠨᠠ ᠭᠡᠵᠤ
ᠪᠠᠭᠰᠢ ᠶᠢᠨ ᠵᠠᠭᠢᠭᠰᠠᠨ ᠢ ᠴᠡᠭᠡᠵᠢᠯᠡᠭᠡ ᠪᠣᠯᠤᠯᠳᠠᠢ
ᠪᠣᠷᠭᠠᠰᠤᠨ ᠮᠤᠷᠢᠨ ᠳᠠᠭᠠᠨ ᠳᠠᠭᠢᠨ ᠮᠤᠷᠳᠠᠵᠠᠭᠠᠯᠠ
ᠡᠨ᠂ ᠡ᠂ ᠡᠢ ᠭᠡᠵᠤ ᠠᠶᠠᠯᠠᠭᠤᠯᠤᠨ ᠳᠠᠭᠤᠯᠠᠬᠤ ᠳᠤ
ᠠᠯᠳᠠᠨ ᠭᠤᠤᠷᠭᠤᠯᠳᠠᠢ ᠴᠤ ᠪᠠᠶᠠᠰᠤᠨ ᠳᠤᠩᠭ᠋ᠤᠤᠠᠴᠤ
ᠠᠯᠠᠭ ᠴᠡᠴᠡᠭ᠌ ᠪᠠᠳᠠᠷᠠᠨ ᠳᠡᠯᠭᠡᠭᠡᠳ
ᠠᠷᠢᠯᠤᠭᠰᠠᠨ ᠰᠤᠯᠤᠩᠭ᠋ᠠ ᠴᠤ ᠳᠠᠭᠢᠨ ᠳᠤᠳᠤᠷᠠᠯᠠ᠂᠂
2009᠂ ᠪᠠᠭᠡᠵᠢᠩ ᠳ᠋ᠤ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠭᠡᠵᠢᠩ ᠤᠨ ᠨᠠᠢ᠌ᠷᠠᠯᠳᠤ ᠨᠠᠢ᠌ᠷᠠᠮᠳᠠᠬᠤ ᠰᠦᠮᠡ ᠶᠢᠨ 12 ᠨᠤᠮᠸᠷ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ·ᠮᠥᠩᠭᠡᠤ᠋ᠳᠽᠡᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2604
ᠴᠠᠭ᠄ 2010 ᠤᠨ ᠤ 04 ᠰᠠᠷᠠ ᠶᠢᠨ 21
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ