☆ ᠭᠦᠷᠵᠡᠪ
ᠬᠠᠪᠣᠷ
（ᠬᠡᠦᠬᠡᠳ ᠤᠨ ᠰᠢᠯᠦᠭ᠌）
1᠂ ᠬᠠᠯᠳᠠᠷ ᠨᠤᠬᠠᠢ ᠭᠦᠯ ᠶᠢᠡᠨ ᠳᠤᠯᠢᠶᠠᠨᠠ
ᠬᠠᠯᠳᠠᠷ ᠨᠤᠬᠠᠢ ᠭᠦᠯ ᠶᠢᠡᠨ ᠳᠤᠯᠢᠶᠠᠨᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠬᠠᠪᠣᠷ ᠴᠠᠭ ᠪᠣᠯᠤᠭᠰᠠᠨ ᠰᠢᠤ
ᠬᠠᠮᠤᠭ ᠪᠣᠳᠠᠰ ᠠᠮᠢᠯᠠᠭᠰᠠᠨ ᠰᠢᠤ
ᠬᠠᠩᠭ᠋ᠠᠢ ᠳᠠᠯᠠ ᠭᠦᠭᠡᠷᠴᠤ
ᠬᠠᠪᠣᠷᠵᠢᠶᠠᠨ ᠳᠤ ᠠᠢ᠌ᠯ ᠤᠳ ᠨᠡᠭᠦᠭ᠍ᠰᠡᠨ ᠰᠢᠤ ᠭᠡᠳ
ᠬᠠᠯᠳᠠᠷ ᠨᠤᠬᠠᠢ ᠭᠦᠯ ᠶᠢᠡᠨ ᠳᠤᠯᠢᠶᠠᠨᠠ᠃
ᠬᠠᠯᠳᠠᠷ ᠨᠤᠬᠠᠢ ᠭᠦᠯ ᠶᠢᠡᠨ ᠳᠤᠯᠢᠶᠠᠨᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠨᠠᠭᠤᠷ ᠭᠤᠤᠯ ᠨᠡᠯᠥᠢᠭ᠍ᠰᠡᠨ ᠰᠢᠤ
ᠨᠤᠭᠤᠰᠤ ᠭᠠᠯᠠᠭᠤ ᠡᠷᠭᠢᠭ᠍ᠰᠡᠨ ᠰᠢᠤ
ᠨᠢᠭᠤᠷ ᠶᠢᠡᠨ ᠥᠷᠭᠦᠯᠵᠢ ᠣᠭᠢᠶᠠᠵᠤ ᠪᠠᠢ᠌ᠶᠠ
ᠨᠢᠰᠤ ᠪᠠᠨ ᠡᠭᠦᠷᠢᠳᠡ ᠠᠷᠴᠢᠵᠤ ᠪᠠᠢ᠌ᠶᠠ ᠭᠡᠳ
ᠬᠠᠯᠳᠠᠷ ᠨᠤᠬᠠᠢ ᠭᠦᠯ ᠶᠢᠡᠨ ᠳᠤᠯᠢᠶᠠᠨᠠ᠃
ᠬᠠᠯᠳᠠᠷ ᠨᠤᠬᠠᠢ ᠭᠦᠯ ᠶᠢᠡᠨ ᠳᠤᠯᠢᠶᠠᠨᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠭᠦᠮᠤᠨ ᠪᠣᠯᠭᠠᠨ ᠳᠤ ᠡᠷᠡᠭᠦᠯ ᠭᠡᠷᠡᠭ᠍ᠳᠡᠢ ᠰᠢᠤ
ᠭᠡᠵᠢᠶᠡ ᠪᠣᠯᠪᠠᠴᠤ ᠠᠷᠢᠭᠤᠨ ᠰᠠᠢ᠌ᠬᠠᠨ ᠰᠢᠤ
ᠬᠡᠦᠬᠡᠳ ᠠᠬᠤᠢ ᠡᠴᠡ ᠪᠠᠨ ᠮᠡᠳᠡᠭᠦ ᠴᠢᠬᠤᠯᠠᠳᠠᠢ ᠰᠢᠤ
ᠭᠡᠴᠢᠶᠡᠵᠤ ᠠᠩᠬᠠᠷᠴᠤ ᠶᠠᠪᠣᠪᠠᠯ ᠵᠤᠭᠢᠯᠳᠠᠢ ᠰᠢᠤ ᠭᠡᠳ
ᠬᠠᠯᠳᠠᠷ ᠨᠤᠬᠠᠢ ᠭᠦᠯ ᠶᠢᠡᠨ ᠳᠤᠯᠢᠶᠠᠨᠠ᠃
2᠂ ᠮᠤᠳᠤ ᠰᠠᠭᠤᠯᠭᠠᠶᠠ
ᠮᠤᠳᠤ ᠰᠠᠭᠤᠯᠭᠠᠶᠠ᠂ ᠮᠤᠳᠤ ᠰᠠᠭᠤᠯᠭᠠᠶᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠮᠣᠢ᠌ᠯ᠂ ᠦᠷᠢᠯ᠂ ᠴᠠᠷᠠᠰᠤᠨ ᠮᠤᠳᠤ ᠵᠢ
ᠮᠤᠩᠭ᠋ᠤᠯ ᠤᠨ ᠰᠠᠢ᠌ᠬᠠᠨ ᠨᠤᠳᠤᠭ ᠲᠠᠭᠠᠨ ᠰᠠᠭᠤᠯᠭᠠᠶᠠ᠂
ᠮᠤᠨᠢ᠂ ᠠᠯᠳᠠᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠭᠤᠯᠠᠰ ᠬᠠᠢ᠌ᠷᠬᠠᠤᠨ ᠳᠠᠭᠠᠨ
ᠮᠥᠩᠭᠡ ᠨᠤᠭᠤᠭᠠᠨ ᠬᠤᠪᠴᠠᠰᠤ ᠨᠥᠮᠦᠷᠭᠡᠶᠡ᠃
ᠮᠥᠩᠭᠦᠨ ᠰᠠᠬᠠᠯᠳᠤ ᠪᠣᠭᠤᠷᠤᠯ ᠨᠠᠰᠠᠳᠠᠤᠨ ᠲᠠᠭᠠᠨ
ᠮᠤᠷᠠᠯ ᠭᠦᠳᠡᠯᠮᠦᠷᠢ ᠲᠡᠶ ᠰᠠᠢ᠌ᠨ ᠬᠡᠦᠬᠡᠳ ᠭᠡᠵᠤ
ᠮᠠᠭᠳᠠᠭᠳᠠᠵᠤ ᠰᠠᠢ᠌ᠰᠢᠶᠠᠭᠳᠠᠵᠤ ᠶᠠᠪᠣᠶᠠ᠁
3᠂ ᠭᠠᠯᠠᠭᠤ ᠠᠢ᠌ᠰᠤᠢ
ᠭᠠᠯᠠᠭᠤ ᠠᠢ᠌ᠰᠤᠢ
ᠭᠠᠯᠠᠭᠤ ᠠᠢ᠌ᠰᠤᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠭᠠᠩᠭ᠋ᠠᠩ ᠵᠢᠭᠦᠷ ᠵᠢᠠᠨ
ᠳᠡᠪᠢᠭ᠍ᠰᠡᠭᠡᠷ ᠠᠢ᠌ᠰᠤᠢ᠂
ᠭᠠᠷ ᠭᠠᠷ ᠵᠢᠠᠨ
ᠬᠤᠯᠪᠣᠭᠰᠠᠭᠠᠷ ᠠᠢ᠌ᠰᠤᠢ᠂
ᠭᠨ ᠭᠨ ᠬᠠᠪᠣᠷ ᠢ
ᠣᠷᠢᠭᠰᠠᠭᠠᠷ ᠠᠢ᠌ᠰᠤᠢ᠃
ᠭᠠᠯᠠᠭᠤ ᠠᠢ᠌ᠰᠤᠢ
ᠭᠠᠯᠠᠭᠤ ᠠᠢ᠌ᠰᠤᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠭᠠᠵᠠᠷ ᠣᠰᠤ ᠪᠠᠨ
ᠳᠤᠷᠠᠰᠤᠭᠰᠠᠭᠠᠷ ᠠᠢ᠌ᠰᠤᠢ᠂
ᠭᠠᠩᠭ᠋ᠠᠷ ᠭᠤᠩᠭ᠋ᠤᠷ
ᠳᠠᠭᠤᠯᠠᠭᠰᠠᠭᠠᠷ ᠠᠢ᠌ᠰᠤᠢ᠂
ᠭᠠᠢ᠌ᠬᠠᠮᠰᠢᠭᠳᠤ ᠣᠢ᠌ᠯᠠᠰ ᠢ ᠮᠢᠨᠢ
ᠮᠠᠭᠳᠠᠭᠰᠠᠭᠠᠷ ᠠᠢ᠌ᠰᠤᠢ᠃
4᠂ ᠭᠠᠯᠠᠭᠤ ᠪᠢ
ᠦᠨᠳᠦᠷ ᠭᠦᠭᠡ ᠣᠭᠳᠠᠷᠭᠤᠢ ᠵᠢᠨ
ᠢᠳᠡᠭᠡᠨ ᠠᠭᠠᠷ ᠢ ᠵᠥᠰᠦᠭ᠍ᠰᠡᠭᠡᠷ
ᠥᠷᠭᠡᠨ ᠨᠤᠭᠤᠭᠠᠨ ᠳᠠᠯᠠ ᠵᠢᠨ
ᠦᠨᠢᠷ ᠴᠡᠴᠡᠭ᠌ ᠢ ᠰᠤᠨᠢᠷᠬᠠᠭᠰᠠᠭᠠᠷ
ᠭᠠᠯᠠᠭᠤ ᠪᠢ ᠨᠢᠰᠴᠤ ᠯᠠ ᠶᠠᠪᠣᠨᠠ᠂
ᠭᠠᠵᠠᠷ ᠤᠨ ᠬᠤᠯᠠ ᠶᠢ ᠵᠤᠷᠢᠵᠤ ᠯᠠ ᠶᠠᠪᠣᠨᠠ᠃
ᠭᠦᠰᠡᠯᠳᠤ ᠠᠮᠢᠳᠤᠷᠠᠯ ᠤᠨ ᠳᠠᠯᠠᠢ ᠡᠴᠡ
ᠰᠤᠪᠣᠤᠨ ᠳᠠᠨᠠ ᠶᠢ ᠱᠥᠭᠦᠭᠦ ᠪᠠᠷ
ᠭᠦᠮᠤᠨ ᠤ ᠠᠮᠢᠳᠤᠷᠠᠯ ᠤᠨ ᠰᠠᠢ᠌ᠬᠠᠨ ᠳ᠋ᠤ
ᠳᠤᠰᠤᠯ ᠭᠦᠯᠦᠰᠤ ᠪᠠᠨ ᠨᠡᠮᠡᠷᠢᠯᠡᠭᠦ ᠪᠠᠷ
ᠭᠠᠯᠠᠭᠤ ᠪᠢ ᠨᠢᠰᠴᠤ ᠯᠠ ᠶᠠᠪᠣᠨᠠ᠂
ᠭᠠᠵᠠᠷ ᠤᠨ ᠬᠤᠯᠠ ᠶᠢ ᠵᠤᠷᠢᠵᠤ ᠯᠠ ᠶᠠᠪᠣᠨᠠ᠃
（ᠵᠤᠭᠢᠶᠠᠭᠴᠢ ᠶᠢᠨ 《ᠮᠢᠨᠤ ᠬᠠᠯᠳᠠᠷ ᠭᠦᠯᠦᠭᠡ》᠂ 《ᠨᠠᠷᠠ ᠲᠡᠶ ᠭᠠᠵᠠᠷ ᠨᠠᠭᠠᠳᠬᠤ ᠰᠠᠢ᠌ᠬᠠᠨ》 ᠭᠡᠭᠦ ᠬᠤᠶᠠᠷ ᠬᠡᠦᠬᠡᠳ ᠤᠨ ᠰᠢᠯᠦᠭ᠌ ᠤᠨ ᠳᠡᠭᠦᠪᠦᠷᠢ ᠡᠴᠡ ᠰᠤᠩᠭ᠋ᠤᠪᠠ）
ᠵᠤᠬᠢᠶᠠᠭᠴᠢ᠄ ᠭᠦᠷᠵᠡᠪ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2869
ᠴᠠᠭ᠄ 2009 ᠤᠨ ᠤ 03 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ