☆ ᠪᠣᠷᠵᠢᠭᠢᠨ ᠰᠦᠶᠠ
ᠰᠠᠯᠬᠤ ᠶᠢᠨ ᠠᠯᠬᠤᠮ ᠳ᠋ᠤ
(ᠭᠠᠳᠠᠨᠠ ᠨᠢᠭᠡ)
ᠴᠢᠨᠤ
ᠣᠷᠭᠤᠳᠠᠯᠠ ᠣᠶᠠᠩᠭ᠋ᠠᠯᠠᠳᠠᠭ ᠣᠷᠠᠨ ᠳᠦᠷᠢ ᠪᠣᠶᠤ
ᠣᠶᠠᠷᠠᠳᠠᠯᠠ ᠳᠠᠭᠤᠯᠠᠳᠠᠭ ᠮᠤᠩᠭ᠋ᠤᠯ ᠠᠮᠢᠰᠬᠤᠭᠠ ᠡᠴᠡ
ᠣᠳᠤ ᠬᠤᠯᠠᠳᠠᠯᠠ ᠭᠡᠭᠦ ᠳᠤ
ᠮᠢᠨᠤ
ᠰᠡᠭᠦᠷᠡᠰᠤ ᠦᠶᠡᠷᠯᠠᠵᠤ
ᠰᠡᠳᠭᠢᠭᠦᠢ ᠡᠮᠵᠡᠭᠯᠡᠵᠤ
ᠰᠢᠯᠦᠭ᠌ ᠵᠦᠰᠠᠷᠠᠵᠤ
ᠰᠡᠳᠭᠢᠯ ᠭᠠᠩᠳᠠᠨᠠ ᠡ
ᠠᠢ ᠭᠦᠭᠡᠷᠦᠭᠦᠢ ᠨᠠᠢ᠌ᠵᠠ ᠮᠢᠨᠢ
ᠡ᠊ᠨᠳᠡ ᠡᠴᠡ ᠪᠢᠳᠠ
ᠭᠡᠵᠢᠶᠡ ᠠᠭᠤᠯᠵᠠᠬᠤ ᠪᠠᠨ ᠮᠡᠳᠡᠭᠦ ᠦᠭᠡᠶ
ᠡᠰᠡᠷᠭᠦ ᠴᠢᠭᠯᠡᠯ ᠵᠥᠭ᠌ ᠶᠢᠠᠨ ᠠᠶᠠᠷᠯᠠᠬᠤ ᠳᠤ
ᠳᠤᠷᠠᠰᠤᠯ ᠳᠡᠭᠡᠷᠡ ᠪᠠᠷᠠᠭᠠᠨ ᠡᠭᠦᠯᠡ ᠭᠦᠪᠪᠦᠵᠤ
ᠨᠣᠢ᠌ᠳᠠᠨ ᠠᠶᠤᠩᠭ᠋ᠠ ᠨᠢᠵᠢᠭᠢᠨᠠᠨᠠ
ᠡᠷᠡ ᠭᠦᠮᠤᠨ ᠤ ᠬᠤᠪᠣᠷᠬᠠᠨ ᠨᠢᠯᠪᠣᠰᠤ
ᠡᠯᠢᠭᠡᠨ ᠡᠴᠡ ᠴᠢᠨᠢ ᠰᠢᠪᠠᠷᠠᠵᠤ
ᠪᠠᠳᠤᠴᠠᠭᠠᠨ ᠤ ᠨᠠᠪᠴᠢᠰ
ᠪᠣᠷᠤᠭᠠᠨ ᠪᠣᠯᠵᠤ ᠰᠠᠩᠰᠠᠷᠠᠨᠠ
ᠪᠣᠷᠤᠭᠠᠨ ᠤ ᠳᠤᠮᠳᠠ ᠴᠢ
ᠴᠤᠪᠣᠭᠠ ᠴᠢᠭ᠍ᠵᠢᠵᠤ
ᠮᠢᠨᠤ ᠬᠤᠷᠸᠠ ᠳᠤ ᠵᠦᠰᠠᠷᠠᠨᠠ ᠁
ᠦᠪᠡᠷ ᠢ ᠪᠠᠨ ᠡᠷᠢᠨ -- ᠪᠢ
ᠴᠢᠨᠤ ᠮᠠᠯᠮᠠᠢ ᠵᠥᠭ᠌ ᠬᠤᠷᠠ ᠵᠦᠰᠤᠨ ᠰᠢᠭᠤᠷᠠᠨᠠ ᠡ
ᠰᠡᠳᠭᠢᠯ ᠢ ᠠᠷᠭᠠᠮᠵᠢᠳᠠᠭ ᠰᠢᠯᠦᠭ᠌ ᠪᠣᠶᠤ
ᠰᠢᠯᠦᠭ᠌ ᠢ ᠬᠤᠷᠭᠤᠳᠠᠭᠤᠯᠳᠠᠭ ᠰᠡᠳᠭᠢᠯ ᠭᠡᠵᠤ
ᠰᠠᠯᠬᠤ ᠶᠢᠨ ᠠᠯᠬᠤᠮ ᠳᠤ ᠣᠢ᠌ᠤᠠᠬᠠᠷᠯᠠᠨ ᠪᠣᠰᠤᠭᠰᠠᠨ
ᠰᠢᠨᠠᠯᠬᠤ ᠶᠢᠨ ᠰᠠᠢ᠌ᠬᠠᠨ ᠳᠠᠭᠤᠤ ᠪᠠᠢ᠌ᠪᠠᠤ ⁈
ᠴᠢᠨᠤ ᠰᠤᠷᠠᠭ ᠦᠭᠡᠶ ᠦᠳᠡᠰᠢ
ᠴᠢᠨᠤ ᠰᠤᠷᠠᠭ ᠦᠭᠡᠶ ᠦᠳᠡᠰᠢ
ᠴᠠᠭᠢᠮ ᠴᠢᠮᠡᠭᠡ ᠶᠢ ᠴᠢᠨᠢ ᠭᠦᠰᠡᠵᠤ ᠰᠡᠳᠭᠢᠯ ᠡᠵᠡᠭᠦᠢᠷᠡᠨᠡ
ᠴᠤᠭᠢᠯᠠᠬᠤ ᠵᠢᠷᠦᠭᠡᠨ ᠤ ᠴᠢᠨᠢ ᠠᠢ᠌ᠵᠢᠮ ᠴᠢᠩᠨᠠᠵᠤ
ᠴᠥᠩᠭᠦᠨ ᠳ᠋ᠠᠭᠢ ᠣᠳᠠᠰᠤ ᠪᠠᠨ ᠳᠠᠭᠢᠨ ᠳᠠᠭᠢᠨ ᠠᠭᠤᠳᠠᠯᠠᠨᠠ
ᠴᠠᠭ ᠥᠩᠭᠡᠷᠡᠵᠤ ᠦᠭᠭᠦ ᠥᠭᠡᠢ ᠵᠢᠷᠦᠭᠡ ᠶᠢ ᠣᠷᠠᠨᠠ
ᠴᠢᠩ ᠬᠠᠢ᠌ᠷᠠ ᠶᠢᠨ ᠴᠢᠨᠢ ᠠᠶᠠᠯᠭᠤ ᠮᠥᠷᠦᠭᠡᠳᠴᠤ
ᠴᠢᠮᠠ ᠳᠤ ᠣᠳᠠᠰᠤᠳᠠᠬᠤ ᠭᠡᠰᠡᠨ ᠪᠣᠳᠤᠯ ᠶᠢᠡᠨ ᠬᠠᠰᠢᠨᠠ
ᠴᠢᠨᠤ ᠰᠤᠷᠠᠭ ᠦᠭᠡᠶ ᠦᠳᠡᠰᠢ
ᠴᠠᠭᠢᠮ ᠴᠢᠮᠡᠭᠡ ᠶᠢ ᠴᠢᠨᠢ ᠭᠦᠰᠡᠵᠤ ᠰᠡᠳᠭᠢᠯ ᠡᠵᠡᠭᠦᠢᠷᠡᠨᠡ
ᠴᠢᠮᠠ ᠪᠠᠨ ᠥᠭᠡᠢ᠌ᠯᠡᠭᠡᠳ ᠰᠢᠯᠦᠭ᠌ ᠮᠢᠨᠢ ᠣᠭᠢᠯᠠᠨᠠ
ᠴᠢᠯᠠᠵᠤ ᠶᠠᠳᠠᠬᠤ ᠶᠢ ᠮᠡᠳᠡᠳᠡᠭ᠌ ᠦᠭᠡᠶ ᠣᠬᠠᠭᠠ ᠮᠢᠨᠢ ᠰᠢᠨᠠᠯᠤᠨᠠ
ᠴᠢᠨᠤ ᠰᠤᠷᠠᠭ ᠦᠭᠡᠶ ᠦᠳᠡᠰᠢ
ᠴᠢᠮᠠ ᠪᠠᠨ ᠵᠡᠭᠦᠳᠦᠯᠡᠵᠤ ᠨᠣᠢ᠌ᠷ ᠦᠭᠡᠶ ᠬᠤᠨᠤᠨᠠ ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠭᠢᠩᠭ᠋ᠠᠨ ᠠᠢ᠌ᠮᠠᠭ ᠤᠨ ᠵᠠᠯᠠᠢ᠌ᠳ ᠬᠤᠰᠢᠭᠤ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠰᠦᠶᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2634
ᠴᠠᠭ᠄ 2009 ᠤᠨ ᠤ 12 ᠰᠠᠷᠠ ᠶᠢᠨ 01
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ