ᠰᠥᠯᠳᠡᠯᠡᠭ᠍ᠰᠡᠨ ᠣᠯᠢᠯᠳᠠ ᠳᠤ ᠴᠢᠨᠢ ᠰᠦᠨᠢ ᠶᠢᠨ ᠨᠠᠮ ᠭᠦᠮ ᠡᠭᠡᠰᠢᠭᠯᠡᠵᠤ

ᠰᠥᠰᠦᠭᠯᠡᠭ᠍ᠰᠡᠨ ᠭᠢᠰᠭᠢᠯᠳᠠ ᠳᠤ ᠴᠢᠨᠢ ᠳᠠᠯ᠎ᠠ ᠶᠢᠨ ᠰᠠᠯᠭᠢ ᠪᠦᠵᠢᠭᠯᠡᠨ᠎ᠡ᠂

ᠰᠦᠷᠳᠤ ᠬᠠᠷᠠᠴᠠᠨ ᠳᠤ ᠴᠢᠨᠢ ᠣᠨ ᠤ ᠭᠦᠷᠳᠤ ᠳᠠᠭᠵᠢᠰᠭᠢᠵᠤ

ᠰᠦᠮᠪᠦᠷ ᠬᠠᠢ᠌ᠷᠬᠠᠤᠨ ᠴᠢᠨᠤ ᠣᠯᠤᠨ ᠳᠤᠤᠷ᠎ᠠ ᠪᠦᠭᠦᠢᠰᠭᠢᠨ᠎ᠡ ᠁

ᠳᠠᠢ᠌ᠮᠤ ᠡ᠂ ᠴᠢᠨ᠋ᠸ᠎ᠠ ᠶᠢᠨ ᠮᠦᠷ ᠳᠡᠦᠭᠡ ᠶᠢᠨ ᠳᠠᠮᠠᠭ᠎ᠠ ᠪᠣᠯᠤᠨ ᠦᠯᠠᠳᠠᠪᠠᠢ᠂

ᠳᠡᠭ᠍ᠷᠢ ᠶᠢᠨ ᠬᠠᠶᠠᠭ᠎ᠠ ᠶᠢ ᠬᠠᠷᠠᠵᠤ᠂

ᠠᠭᠤᠯᠠᠨ ᠦᠨᠳᠦᠷ ᠲᠤ ᠰᠡᠭᠦᠢᠭᠦ ᠴᠢᠨᠤ ᠰᠦᠷ

ᠳᠠᠮᠤᠷ ᠰᠤᠮᠤᠨ ᠡᠴᠡ ᠭᠢᠴᠢᠶᠠᠮᠵᠢᠯᠠᠵᠤ᠂

ᠠᠯᠬᠤᠭ᠎ᠠ ᠰᠤᠯᠳᠠᠭᠰᠠᠨ ᠴᠢᠨᠤ ᠰᠤᠷᠭᠠᠭ᠂

ᠳᠡᠩᠭᠡᠯᠢᠭ᠌ ᠤᠨ ᠵᠠᠶᠠᠭᠠᠨ ᠳᠤ ᠴᠢ ᠵᠤᠷᠢᠭ ᠲᠡᠶ ᠳᠠᠭᠠᠨ ᠰᠥᠰᠦᠭᠯᠡᠵᠤ᠂

ᠵᠤᠪᠠᠯᠠᠩ ᠳᠤ ᠰᠥᠭᠦᠷᠡᠭ᠍ᠰᠡᠨ ᠥᠭᠡᠢ

ᠳᠡᠦᠭᠡ ᠶᠢᠨ ᠣᠷᠪᠠᠭᠠᠨ ᠳᠤ ᠴᠢ ᠰᠢᠷᠬᠠᠳᠤᠵᠤ ᠨᠢᠭᠡ ᠣᠨᠠᠯ᠎ᠠ᠂

ᠰᠢᠭᠤᠤᠠᠴᠤ ᠪᠠᠰᠠ ᠭᠠᠷᠤᠯ᠎ᠠ ᠁

ᠳᠠᠢ᠌ᠮᠤ ᠡ᠂ ᠴᠢᠨ᠋ᠸ᠎ᠠ ᠶᠢᠨ ᠳᠡᠭ᠍ᠷᠢ ᠬᠠᠳᠠᠭᠤ ᠴᠤ ᠵᠠᠶᠠᠭᠠᠨ ᠳᠠᠭᠠᠨ ᠦᠨᠡᠠᠴᠢ᠂

ᠬᠤᠨᠢᠳ ᠤᠨ ᠭᠡᠳᠦᠯᠦᠭ᠍ᠰᠡᠨ ᠣᠰᠤ ᠳᠤᠯᠢᠶᠠᠭᠰᠠᠨ ᠴᠤ᠂

ᠬᠤᠭᠢᠮᠠᠯ ᠳᠤᠯᠤᠭᠠᠢ᠌ᠳᠠᠨ ᠢ ᠰᠢᠳᠦᠭᠡ ᠥᠭᠡᠢ

ᠦᠪᠡᠷ ᠤᠨ ᠭᠠᠷ ᠶᠢᠡᠨ ᠵᠠᠵᠠᠯᠵᠤ ᠠᠮᠢ ᠭᠠᠷᠤᠭᠰᠠᠨ ᠴᠤ᠂

ᠥᠭᠦᠯ ᠤᠨ ᠮᠥᠩᠭᠡᠷᠡᠯ ᠭᠦᠰᠡᠭᠡ ᠥᠭᠡᠢ

ᠦᠨᠦᠴᠢᠨ ᠵᠤᠪᠠᠯᠠᠩ᠂ ᠥᠯᠦᠰᠭᠦᠯᠡᠩ ᠭᠠᠴᠢᠭᠳᠠᠯ ᠶᠢᠡᠷ ᠳᠣᠢ᠌ᠯᠳᠠᠭᠰᠠᠨ ᠴᠤ

ᠬᠠᠨ ᠳᠡᠭ᠍ᠷᠢ ᠶᠢᠨ ᠡᠯᠴᠢᠨ

ᠬᠠᠷᠭᠢᠰ ᠭᠡᠷᠴᠡᠭᠡᠢ ᠬᠠᠷ᠎ᠠ ᠨᠠᠷ᠎ᠠ ᠵᠡᠭᠦᠭ᠍ᠰᠡᠨ ᠴᠤ᠂

ᠬᠠᠳᠠᠭᠤ ᠵᠤᠷᠢᠭ ᠤᠨ ᠣᠮᠤᠭᠰᠢᠯ ᠁

ᠳᠠᠢ᠌ᠮᠤ ᠡ᠂ ᠴᠢᠨ᠋ᠸ᠎ᠠ ᠶᠢᠨ ᠳᠦᠷᠪᠡᠨ ᠮᠦᠴᠡ᠂

ᠳᠠᠮᠤᠷ ᠭᠦᠷᠳᠤ ᠶᠢ ᠳᠡᠢ᠌ᠯᠡᠭᠦᠶ᠎ᠡ ᠪᠠᠷᠭᠡ᠂

ᠬᠠᠷᠠᠩᠭ᠋ᠤᠢ ᠶᠢ ᠰᠢᠪᠳᠤᠯᠤᠭᠰᠠᠨ ᠭᠢᠯᠪᠠᠭᠡᠨ ᠭᠡᠷᠡᠯ᠂

ᠰᠤᠷ ᠶᠢᠡᠷ ᠴᠢᠨᠢ ᠪᠣᠰᠤᠭᠰᠠᠨ ᠳᠤᠭᠤᠰᠤ ᠪᠣᠯᠤᠨ ᠪᠣᠳᠠᠷᠠᠬᠤ ᠳ᠋ᠤ

ᠬᠠᠷᠠᠮᠰᠠᠯ ᠤᠨ ᠰᠡᠭᠦᠷᠡᠰᠤ ᠲᠡᠶ ᠣᠯᠢᠯᠳᠠ ᠴᠤ

ᠳᠠᠮᠤᠷ ᠳᠤᠤᠷ ᠤᠨ ᠳᠤᠳᠤᠷ᠎ᠠ ᠡᠴᠡ ᠨᠢᠯᠪᠣᠰᠤ ᠪᠣᠯᠤᠨ ᠠᠯᠳᠠᠷᠠᠨ᠎ᠠ

ᠴᠢᠯᠡᠭ᠍ᠰᠡᠨ ᠭᠦᠯ ᠤᠨ ᠠᠯᠬᠤᠭ᠎ᠠ ᠶᠢ ᠠᠷᠭᠠᠴᠠᠵᠤ᠂

ᠴᠢᠨᠦᠷᠡᠭ᠍ᠰᠡᠨ ᠳᠠᠯ᠎ᠠ ᠪᠠᠷ ᠠᠮᠢᠳᠤ ᠶᠢᠨ ᠡᠷᠢᠯ ᠶᠢᠡᠷ ᠡᠷᠭᠢᠴᠡᠭᠦ ᠳ᠋ᠤ

ᠴᠢᠨ᠋ᠸ᠎ᠠ ᠶᠢᠨ ᠳᠡᠭ᠍ᠷᠢ ᠳᠠᠩᠴᠤ ᠭᠡᠴᠡᠭᠦᠤ ᠶᠤᠮ ᠦᠦ᠂

ᠴᠢᠨ᠋ᠸ᠎ᠠ ᠶᠢ ᠰᠢᠳᠦᠭ᠍ᠰᠡᠨ ᠮᠢᠨᠤ ᠰᠡᠳᠭᠢᠯ ᠳᠠᠩᠴᠤ ᠵᠡᠷᠯᠢᠭ᠌ ᠶᠤᠮ ᠦᠦ᠁

ᠲᠦᠪ ᠤᠨ ᠦᠨᠳᠦᠰᠦᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ

ᠬᠠᠶᠠᠭ᠄ 〈burjken_naqin@yahoo.com.cn〉