☆ ᠭᠦᠷᠵᠡᠪ
ᠳᠠᠤᠯᠠᠢ ᠠᠪᠠᠯᠠᠬᠤ ᠳᠤᠬᠠᠢ ᠣᠴᠢᠷᠯᠠᠬᠤᠢ
ᠳᠠᠤᠯᠠᠢ ᠪᠣᠯ ᠬᠤᠷᠴᠠ ᠰᠡᠷᠭᠡᠭ᠌᠂ ᠪᠣᠰᠢᠭᠤ ᠱᠠᠯᠠᠮᠠᠭ᠂ ᠠᠵᠢᠭᠴᠢ ᠭᠢᠷᠠᠬᠠᠢ᠂ ᠳᠡᠭ᠍ᠳᠡᠵᠤ ᠬᠠᠷᠠᠢ᠌ᠬᠤ ᠨᠢ ᠬᠤᠯᠠ᠂ ᠦᠰᠦᠷᠴᠤ ᠭᠦᠶᠦᠭᠦ ᠨᠢ ᠳᠦᠷᠭᠡᠨ ᠠᠮᠢᠳᠠᠨ ᠪᠣᠯᠬᠤ ᠶᠤᠮ᠃ ᠳᠠᠤᠯᠠᠢ ᠭᠡᠭᠡᠷᠡ ᠳᠠᠯᠠ᠂ ᠭᠤᠪᠢ ᠴᠠᠢ᠌ᠳᠠᠮ᠂ ᠳᠠᠷᠠᠰᠤ ᠰᠢᠪᠠᠭ᠂ ᠪᠣᠳᠠ ᠪᠣᠷᠤᠯᠵᠢ᠂ ᠪᠠᠯᠠᠷ ᠮᠠᠩᠬᠠ᠂ ᠣᠢ ᠰᠢᠭᠤᠢ ᠵᠡᠷᠭᠡ ᠭᠦᠮᠤᠨ ᠠᠮᠢᠳᠠᠨ ᠴᠥᠭᠡᠨ᠂ ᠳᠠᠭᠤ ᠴᠢᠮᠡᠭᠡ ᠰᠡᠢ᠌ᠷᠡᠭ᠌ ᠭᠠᠵᠠᠷ ᠭᠤᠤᠯᠳᠠᠭᠤ ᠡᠭᠦᠷᠯᠡᠵᠤ ᠠᠮᠢᠳᠤᠷᠠᠳᠠᠭ᠃
ᠳᠠᠤᠯᠠᠢ (ᠭᠡᠭᠡᠷᠡ ᠶᠢᠨ ᠳᠠᠤᠯᠠᠢ) ᠴᠢᠭᠢ ᠨᠢ ᠣᠷᠳᠤ᠂ ᠡᠮᠦᠨᠡᠰᠢ ᠳᠠᠷᠤᠪᠠᠯ ᠬᠠᠮᠠᠷ ᠲᠤ ᠨᠢ ᠳᠤᠯᠵᠤ᠂ ᠬᠣᠢ᠌ᠰᠢ ᠳᠠᠷᠤᠪᠠᠯ ᠬᠠᠭᠠᠰ ᠵᠤ᠋ ᠨᠢᠷᠤᠭᠤ ᠶᠢ ᠨᠢ ᠪᠦᠷᠭᠦᠳᠡᠭ᠌᠃ ᠣᠷᠤᠭᠤᠯ ᠨᠢ ᠰᠡᠳᠡᠷᠭᠡᠢ᠂ ᠠᠮᠠᠷ ᠳᠠᠮᠠᠷ ᠭᠡᠳᠤᠨ ᠰᠠᠬᠠᠯ ᠲᠡᠶ᠂ ᠰᠡᠭᠦᠯ ᠨᠢ ᠪᠣᠭᠤᠨᠢ᠂ ᠬᠨ ᠨᠢ ᠣᠬᠤᠷ᠂ ᠭᠤᠶᠠ ᠨᠢ ᠣᠷᠳᠤ᠃ ᠭᠦᠶᠦᠭᠦ ᠳᠤ ᠴᠢᠭᠢ ᠨᠢ ᠳᠠᠯᠳᠠᠢ᠌ᠵᠤ ᠰᠡᠭᠦᠯ ᠨᠢ ᠣᠳᠤᠩ ᠣᠳᠤᠩ ᠭᠡᠵᠤ᠂ ᠨᠢᠭᠡ ᠦᠰᠦᠷᠪᠠᠯ ᠠᠷᠪᠠᠨ ᠭᠡᠳᠤᠨ ᠮᠸᠲ᠋ᠷ (ᠪᠠᠷᠤᠭ ᠠᠷᠪᠠᠨ ᠬᠤᠶᠠᠷ ᠭᠤᠷᠪᠠᠨ ᠮᠸᠲ᠋ᠷ) ᠦᠰᠦᠷᠴᠤ᠂ ᠪᠣᠳᠠ ᠳᠠᠷᠠᠰᠤ᠂ ᠪᠣᠷᠭᠠᠰᠤ ᠰᠢᠪᠠᠭ᠂ ᠪᠣᠷᠤᠯᠵᠢ ᠰᠢᠨᠠ ᠳᠠᠮᠵᠢᠭᠠᠤᠨ ᠠᠯᠠᠭᠠ ᠪᠣᠯᠴᠢᠬᠠᠳᠠᠭ ᠰᠦᠷᠡᠭᠡᠢ ᠱᠠᠯᠠᠮᠠᠭ ᠠᠮᠢᠳᠠᠨ ᠶᠤᠮ᠃ ᠪᠠᠷᠤᠭ ᠤᠨ ᠭᠦᠮᠤᠨ ᠠᠮᠢᠳᠠᠨ ᠳᠡᠭᠦᠨ ᠢ ᠠᠪᠠᠯᠠᠵᠤ ᠪᠠᠷᠢᠵᠤ ᠴᠢᠳᠠᠳᠠᠭ ᠦᠭᠡᠶ᠂ ᠠᠩᠴᠢᠨ ᠭᠦᠷᠦᠭᠡᠴᠢᠨ ᠭᠦᠮᠤᠨ ᠪᠣᠶᠤ ᠠᠩᠴᠢᠨ ᠭᠦᠷᠦᠭᠡᠴᠢᠨ ᠠᠮᠢᠳᠠᠨ ᠯᠠ ᠰᠠᠶᠢ ᠳᠡᠭᠦᠨ ᠢ ᠠᠪᠠᠯᠠᠵᠤ ᠪᠠᠷᠢᠳᠠᠭ᠃
ᠳᠠᠤᠯᠠᠢ ᠶᠢ ᠥᠩᠭᠡ ᠵᠢᠰᠤ ᠪᠠᠷ ᠨᠢ ᠴᠠᠭᠠᠨ ᠳᠠᠤᠯᠠᠢ᠂ ᠬᠠᠷᠠ ᠳᠠᠤᠯᠠᠢ᠂ ᠭᠦᠭᠡ ᠳᠠᠤᠯᠠᠢ᠂ ᠪᠣᠷᠤ ᠳᠠᠤᠯᠠᠢ ᠭᠡᠵᠤ ᠢᠯᠭᠠᠳᠠᠭ᠃ ᠮᠢᠨᠤ ᠡ᠊ᠨᠳᠡ ᠭᠡᠯᠡᠵᠤ ᠪᠠᠢ᠌ᠭᠠ ᠳᠠᠤᠯᠠᠢ ᠪᠣᠯ ᠭᠦᠳᠡᠭᠡ ᠶᠢᠨ ᠪᠣᠷᠤ ᠳᠠᠤᠯᠠᠢ ᠪᠣᠯᠬᠤ ᠶᠤᠮ᠃ ᠭᠦᠳᠡᠭᠡ ᠶᠢᠨ ᠳᠠᠤᠯᠠᠢ ᠣᠯᠠᠩᠭᠢ ᠨᠢ ᠪᠣᠷᠤᠪᠳᠤᠷ ᠥᠩᠭᠡ ᠲᠡᠶ᠂ ᠵᠤ᠋ ᠨᠢᠷᠤᠭᠤ ᠪᠠᠷ ᠶᠢᠡᠨ ᠬᠠᠷᠠ ᠪᠣᠷᠤᠪᠳᠤᠷ᠂ ᠡᠯᠢᠭᠡ ᠪᠣᠶᠤ ᠳᠦᠷᠪᠠᠨ ᠮᠦᠴᠢ ᠨᠢ ᠴᠠᠭᠠᠪᠳᠤᠷ ᠪᠣᠶᠤ ᠴᠠᠭᠠᠨ ᠰᠢᠷᠠᠭᠠᠯ ᠪᠠᠢ᠌ᠳᠠᠭ ᠶᠤᠮ᠃ ᠳᠠᠭᠠᠭᠤᠯᠡᠷ ᠭᠦᠮᠦᠰ (ᠬᠡᠦᠬᠡᠳ ᠴᠤ ᠪᠠᠭᠳᠠᠨᠠ) 《ᠪᠣᠳᠠᠨ ᠤ ᠪᠣᠷᠤ ᠳᠠᠤᠯᠠᠢ᠂ ᠪᠣᠷᠤᠯᠵᠢᠨ ᠤ ᠬᠠᠷᠠ ᠳᠠᠤᠯᠠᠢ᠂ ᠰᠢᠯᠢ ᠶᠢᠨ ᠰᠢᠷᠭᠠ ᠳᠠᠤᠯᠠᠢ (ᠪᠣᠷᠤᠪᠳᠤᠷ ᠵᠤ᠋ ᠨᠢᠷᠤᠭᠤ ᠲᠡᠶ ᠰᠢᠷᠠᠭᠠᠯ ᠳᠠᠤᠯᠠᠢ)᠂ ᠠᠭᠤᠯᠠ ᠶᠢᠨ ᠣᠯᠠᠭᠠᠨ ᠳᠠᠤᠯᠠᠢ (ᠪᠣᠷᠤ ᠭᠦᠷᠡᠩᠪᠳᠦᠷ ᠵᠤ᠋ ᠲᠡᠶ ᠰᠢᠷᠠᠭᠠᠯ ᠳᠠᠤᠯᠠᠢ)᠂ ᠣᠢ ᠶᠢᠨ ᠣᠷᠤᠭ ᠳᠠᠤᠯᠠᠢ᠂ ᠳᠠᠷᠠᠰᠤᠨ ᠤ ᠳᠠᠯᠳᠠᠩ ᠳᠠᠤᠯᠠᠢ᠁》 ᠭᠡᠵᠤ ᠠᠮᠠᠨ ᠤ ᠠᠶᠠ ᠪᠠᠷ ᠬᠤᠯᠪᠣᠵᠤ ᠭᠡᠯᠡᠳᠡᠭ᠌ ᠪᠦᠭᠡᠳ 《ᠪᠦᠭᠡᠷᠡᠩᠭᠡᠢ ᠪᠣᠷᠤ ᠳᠠᠤᠯᠠᠢ ᠪᠢ᠂ ᠪᠣᠩ ᠪᠣᠩ ᠭᠦᠶᠦᠳᠡᠯ ᠲᠡᠶ᠁》 ᠭᠡᠵᠤ ᠳᠠᠭᠤᠯᠠᠵᠤ ᠰᠢᠯᠦᠭᠯᠡᠳᠡᠭ᠌ ᠴᠤ ᠪᠠᠢ᠌ᠭᠠ ᠶᠤᠮ ︕ ᠳᠠᠤᠯᠠᠢ ᠶᠢᠨ ᠥᠩᠭᠡ ᠨᠢ ᠣᠯᠠᠷᠢᠯ ᠢ ᠳᠠᠭᠠᠭᠠᠤᠨ ᠬᠤᠪᠢᠷᠠᠳᠠᠭ᠃ ᠨᠠᠮᠤᠷ ᠬᠠᠪᠣᠷ ᠪᠣᠯ ᠪᠣᠷᠤ ᠭᠦᠭᠡ ᠥᠩᠭᠡᠳᠡᠢ᠂ ᠡᠪᠦᠯ ᠪᠣᠯ ᠴᠠᠭᠠᠨ ᠪᠣᠭᠤᠷᠤᠯ᠂ ᠵᠤᠨ ᠳᠠᠭᠠᠨ ᠪᠣᠯ ᠵᠤ᠋ ᠨᠢᠷᠤᠭᠤ ᠪᠠᠷ ᠶᠢᠡᠨ ᠬᠠᠷᠠᠪᠳᠤᠷ ᠭᠦᠷᠡᠩ ᠵᠤᠷᠪᠣᠰ ᠲᠡᠶ ᠪᠣᠯᠵᠤ ᠬᠤᠪᠢᠷᠠᠳᠠᠭ᠃
ᠳᠠᠤᠯᠠᠢ ᠳᠦᠷᠤᠵᠤ ᠥᠰᠭᠦ ᠨᠢ ᠲᠤᠢ᠌ᠯ ᠤᠨ ᠬᠤᠷᠳᠤᠨ᠃ ᠳᠠᠪᠢ ᠵᠢᠷᠠ ᠬᠤᠨᠤᠭ ᠲᠤ ᠨᠢᠭᠡ ᠣᠳᠠᠭᠠ ᠵᠤᠯᠵᠠᠭᠠᠯᠠᠵᠤ᠂ ᠵᠢᠯ ᠴᠠᠭᠠᠨ ᠰᠠᠷᠠ ᠪᠣᠯᠳᠠᠯᠠ ᠪᠦᠵᠦᠩᠯᠡᠵᠤ᠂ ᠳᠠᠪᠣ ᠭᠤᠷᠪᠠᠨ ᠳᠠᠤᠯᠠᠢ ᠪᠠᠢ᠌ᠭᠰᠠᠨ ᠶᠢᠡᠨ ᠳᠠᠯᠠ ᠪᠠᠭᠳᠠᠬᠤ ᠦᠭᠡᠶ ᠭᠡᠮᠡᠷ ᠣᠯᠠᠨ ᠳᠠᠤᠯᠠᠢ ᠪᠣᠯᠵᠤ ᠦᠷᠡᠵᠢᠳᠡᠭ᠌᠃ ᠴᠢᠩᠭᠢᠭᠦᠯᠡᠷ ᠭᠦᠮᠦᠰ (ᠮᠤᠩᠭ᠋ᠤᠯᠴᠤᠳ) ᠳᠤᠭᠳᠠᠭᠰᠠᠨ ᠴᠠᠭ ᠭᠠᠷᠭᠠᠵᠤ ᠳᠠᠤᠯᠠᠢ ᠶᠢ ᠠᠪᠠᠯᠠᠳᠠᠭ᠃
ᠮᠤᠩᠭ᠋ᠤᠯᠴᠤᠳ ᠳᠠᠤᠯᠠᠢ ᠠᠪᠠᠯᠠᠬᠤ ᠳᠤ᠂ ᠭᠡᠵᠢᠶᠡ ᠠᠪᠠᠯᠠᠨᠠ ᠭᠡᠪᠠᠯ ᠭᠡᠵᠢᠶᠡ ᠠᠪᠠᠯᠠᠴᠢᠬᠠᠳᠠᠭ ᠦᠭᠡᠶ᠃ ᠴᠠᠭ ᠣᠯᠠᠷᠢᠯ᠂ ᠠᠭᠤᠷ ᠠᠮᠢᠰᠬᠤᠯ᠂ ᠵᠢᠴᠢ ᠳᠠᠤᠯᠠᠢ ᠶᠢᠨ ᠦᠰᠦᠯᠳᠠ ᠪᠣᠢ᠌ᠵᠢᠯᠳᠠ᠂ ᠦᠷᠠᠵᠢᠯᠳᠠ ᠲᠦᠯᠵᠢᠯᠳᠠ ᠶᠢᠨ ᠪᠠᠢ᠌ᠳᠠᠯ ᠢ ᠬᠠᠷᠠᠵᠤ᠂ ᠨᠠᠮᠤᠷ ᠡᠪᠦᠯ ᠳᠡᠭᠡᠨ ᠭᠤᠤᠯᠳᠠᠭᠤ ᠠᠪᠠᠯᠠᠳᠠᠭ᠃ ᠡᠨᠡ ᠦᠶᠡ (ᠣᠯᠠᠷᠢᠯ) ᠪᠣᠯ ᠠᠯᠢᠪᠠ ᠠᠮᠢᠳᠠᠨ ᠣᠷᠭᠤᠮᠠᠯ᠂ ᠠᠮᠢ ᠭᠤᠤᠯᠳᠠᠨ ᠤ ᠭᠦᠢᠴᠡᠳ ᠲᠦᠯᠵᠢᠵᠤ ᠦᠷᠠᠵᠢᠵᠤ᠂ ᠦᠰᠦᠯᠳᠠ ᠪᠣᠢ᠌ᠵᠢᠯᠳᠠ ᠨᠢ ᠳᠦᠭᠦᠷᠴᠤ ᠳᠤᠯᠤᠭᠰᠠᠨ ᠬᠤᠭᠤᠴᠠᠭᠠ ᠪᠣᠯᠬᠤᠷ ᠳᠠᠤᠯᠠᠢ ᠠᠪᠠᠯᠠᠬᠤ ᠳᠤ ᠳᠤᠭᠢᠷᠠᠳᠠᠭ᠃ ᠳᠠᠤᠯᠠᠢ ᠨᠢ ᠴᠤ ᠡᠨᠡ ᠦᠶᠡ ᠳᠤ᠂ ᠪᠠᠶᠠ ᠪᠢᠯᠳᠠᠷ ᠦᠰᠴᠦ ᠳᠦᠭᠦᠷᠴᠤ᠂ ᠦᠰᠦ ᠵᠢᠰᠤ ᠪᠦᠷᠢᠳᠴᠤ᠂ ᠮᠢᠬᠠ ᠠᠷᠠᠰᠤ ᠨᠢ ᠪᠦᠷᠢᠨ ᠣᠷᠭᠤᠨ ᠭᠦᠢᠴᠡᠭ᠍ᠰᠡᠨ ᠪᠠᠢ᠌ᠳᠠᠭ᠃ ᠬᠠᠶᠠ ᠳᠠᠭᠠᠨ ᠵᠠᠷᠢᠮ ᠭᠦᠮᠤᠨ ᠮᠤᠷᠢ ᠪᠠᠨ ᠭᠦᠯᠦᠰᠦᠯᠡᠨᠡ᠂ ᠮᠤᠷᠢᠨ ᠤ ᠪᠠᠨ ᠮᠠᠭᠤ ᠭᠦᠯᠦᠰᠤ ᠶᠢ ᠭᠠᠷᠭᠠᠨᠠ ᠭᠡᠵᠤ ᠬᠠᠪᠣᠷ ᠲᠠᠭᠠᠨ ᠳᠠᠤᠯᠠᠢ ᠠᠪᠠᠯᠠᠳᠠᠭ᠃ ᠭᠡᠪᠠᠴᠤ ᠡᠨᠡ ᠦᠶᠡ ᠳ᠋ᠠᠭᠢ ᠳᠠᠤᠯᠠᠢ ᠶᠢᠨ ᠮᠢᠬᠠ ᠶᠢ ᠭᠦᠮᠦᠰ ᠳᠠᠮᠠᠢ ᠢᠳᠡᠳᠡᠭ᠌ ᠦᠭᠡᠶ᠂ ᠠᠷᠠᠰᠤ ᠶᠢ ᠨᠢ ᠴᠤ ᠳᠠᠮᠠᠢ ᠭᠡᠷᠡᠭ᠍ᠴᠡᠭᠡᠳᠡᠭ᠌ ᠦᠭᠡᠶ᠃ ᠣᠴᠢᠷ ᠨᠢ᠂ ᠬᠠᠪᠣᠷ ᠴᠠᠭ ᠪᠣᠯ ᠬᠠᠴᠢᠭ ᠴᠠᠭ ᠣᠴᠢᠷ ᠡᠴᠡ ᠠᠯᠢᠪᠠ ᠠᠮᠢᠳᠠᠨ ᠤ ᠠᠷᠠᠰᠤ ᠮᠢᠬᠠ ᠨᠢ ᠰᠢᠮᠠ ᠰᠢᠭᠦᠰᠤ ᠪᠠᠷ ᠮᠠᠭᠤ᠂ ᠭᠡᠷᠡᠭ᠍ᠴᠡᠭᠡ ᠣᠢ᠌ᠯᠠᠳᠤᠯ ᠶᠢᠡᠷ ᠠᠨᠠᠢ ᠪᠠᠢ᠌ᠳᠠᠭ ᠶᠤᠮ᠃ ᠳᠡᠭᠦᠨ ᠡᠴᠡ ᠯᠠ ᠪᠣᠯᠤᠭᠰᠠᠨ ᠪᠠᠢ᠌ᠬᠠ᠃
ᠮᠤᠩᠭ᠋ᠤᠯᠴᠤᠳ ᠳᠠᠤᠯᠠᠢ ᠶᠢ ᠮᠤᠷᠢ ᠪᠠᠷ ᠪᠣᠶᠤ ᠨᠤᠬᠠᠢ ᠪᠠᠷ᠂ ᠪᠢᠯᠠᠭᠤ ᠪᠠᠷ ᠭᠤᠤᠯᠳᠠᠭᠤ ᠠᠪᠠᠯᠠᠳᠠᠭ᠃ ᠬᠠᠶᠠ ᠳᠠᠭᠠᠨ ᠬᠠᠪᠬᠠ᠂ ᠣᠷᠬᠠ ᠳᠠᠯᠪᠢᠬᠤ ᠪᠣᠶᠤ ᠨᠥᠭᠡ ᠶᠢ ᠨᠢ ᠣᠳᠤᠵᠤ (ᠣᠳᠤᠭᠠ ᠳᠠᠯᠪᠢᠵᠤ) ᠴᠤᠭᠤᠯᠳᠠᠵᠤ (ᠡᠭᠦᠷ ᠢ ᠨᠢ ᠣᠬᠤᠵᠤ ᠮᠠᠯᠳᠠᠵᠤ) ᠠᠪᠠᠯᠠᠳᠠᠭ᠃ ᠭᠡᠪᠠᠴᠤ ᠡᠳᠡᠭᠡᠷ ᠨᠢ ᠴᠥᠭᠡᠨ ᠭᠡᠷᠡᠭᠯᠡᠭ᠍ᠳᠡᠳᠡᠭ᠌᠃
ᠳᠠᠤᠯᠠᠢ ᠶᠢ ᠠᠪᠠᠯᠠᠬᠤ ᠳᠤ᠂ ᠡᠭᠡ ᠳᠠᠤᠯᠠᠢ ᠪᠣᠶᠤ ᠦᠷᠡ ᠵᠤᠯᠵᠠᠭᠠ ᠶᠢ ᠨᠢ ᠠᠪᠠᠯᠠᠬᠤ᠂ ᠠᠯᠠᠵᠤ ᠬᠤᠷᠤᠭᠠᠬᠤ ᠶᠢ ᠴᠢᠩᠳᠠ ᠴᠡᠭᠡᠷᠯᠡᠳᠡᠭ᠌᠃ ᠡᠷᠡ ᠭᠦᠢᠰᠦᠳᠡᠨ᠂ ᠨᠠᠰᠤ ᠭᠦᠢᠴᠡᠭ᠍ᠰᠡᠨ ᠪᠣᠶᠤ ᠪᠣᠵᠠᠭᠠᠢ ᠳᠤᠮᠤ ᠶᠢ ᠨᠢ ᠠᠪᠠᠯᠠᠳᠠᠭ᠃ ᠡᠪᠡᠳᠴᠢᠨ ᠳᠠᠬᠤᠤᠯ ᠲᠡᠶ ᠪᠣᠶᠤ ᠡᠷᠭᠦᠳᠡᠭ᠌ ᠳᠤᠭᠤᠯᠠᠩ᠂ ᠪᠠᠭᠤᠷᠠᠢ ᠳᠤᠷᠤᠢ᠂ ᠭᠡᠮᠳᠦᠵᠤ ᠰᠢᠷᠠᠬᠠᠳᠠᠭᠰᠠᠨ ᠳᠠᠤᠯᠠᠢ ᠶᠢ ᠠᠪᠠᠯᠠᠳᠠᠭ ᠦᠭᠡᠶ᠃ ᠡᠪᠡᠳᠴᠢᠨ ᠳᠠᠬᠤᠤᠯ ᠤᠨ ᠬᠤᠭᠤᠴᠠᠭᠠ (ᠭᠤᠤᠯ ᠨᠢ ᠬᠠᠪᠣᠷ ᠵᠤᠨ ᠤ ᠣᠠᠯᠷᠢᠯ) ᠪᠣᠶᠤ ᠦᠷᠠᠵᠢᠵᠤ ᠲᠦᠯᠵᠢᠭᠦ ᠬᠤᠭᠤᠠᠭᠠ᠂ ᠵᠢᠴᠢ ᠠᠭᠤᠷ ᠠᠮᠢᠰᠬᠤᠯ ᠪᠦᠭ᠍ᠴᠢᠮᠡ ᠬᠠᠯᠠᠭᠤᠨ ᠴᠠᠭ ᠲᠤ ᠦᠨᠳᠦᠰᠦᠨ ᠳᠡᠭᠡᠨ ᠳᠠᠤᠯᠠᠢ ᠠᠪᠠᠯᠠᠳᠠᠭ ᠦᠭᠡᠶ᠃ ᠡᠪᠡᠳᠴᠢᠨ ᠳᠠᠬᠤᠤᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠳᠠᠤᠯᠠᠢ ᠠᠪᠠᠯᠠᠬᠤ ᠨᠢ ᠡᠪᠡᠳᠴᠢᠨ ᠳᠠᠬᠤᠤᠯ ᠬᠠᠯᠳᠠᠪᠣᠷᠢᠯᠠᠬᠤ᠂ ᠳᠡᠯᠭᠡᠷᠡᠭᠦ ᠠᠶᠤᠯᠳᠠᠢ ᠭᠡᠵᠤ᠂ ᠡᠷᠭᠦᠳᠡᠭ᠌ ᠳᠤᠭᠤᠯᠠᠩ᠂ ᠪᠠᠭᠤᠷᠠᠢ ᠳᠤᠷᠤᠢ᠂ ᠭᠡᠮᠳᠦᠵᠤ ᠰᠢᠷᠬᠠᠳᠠᠭᠰᠠᠨ ᠪᠣᠶᠤ ᠦᠷᠠᠵᠢᠵᠤ ᠲᠦᠯᠵᠢᠭᠦ ᠬᠤᠭᠤᠴᠠᠭᠠᠨ ᠤ ᠭᠢ ᠶᠢ ᠠᠪᠠᠯᠠᠬᠤ ᠨᠢ ᠦᠷᠤᠰᠢᠶᠠᠯ ᠡᠯᠪᠠᠷᠢᠯ ᠦᠭᠡᠶ᠂ ᠠᠮᠢᠳᠠᠨ ᠭᠤᠤᠯᠳᠠᠨ ᠢ ᠦᠷᠤᠪᠳᠤᠵᠤ ᠦᠷᠦᠰᠢᠶᠡᠭᠦ ᠰᠡᠳᠭᠢᠯ ᠦᠭᠡᠶ ᠭᠡᠵᠤ ᠥᠵᠡᠳᠡᠭ᠌᠃ ᠬᠠᠯᠠᠭᠤᠨ ᠴᠠᠭ ᠲᠤ ᠳᠠᠤᠯᠠᠢ ᠠᠪᠠᠯᠠᠪᠠᠯ᠂ ᠮᠢᠬᠠ ᠠᠷᠠᠰᠤ ᠶᠢ ᠨᠢ ᠡᠳ᠋ᠯᠡᠵᠤ ᠭᠡᠷᠡᠭᠯᠡᠭᠦ ᠪᠣᠶᠤ ᠡᠯᠳᠡᠵᠤ ᠬᠠᠳᠠᠭᠠᠯᠠᠬᠤ ᠳᠤ ᠠᠰᠢᠭ ᠦᠭᠡᠶ ᠪᠠᠢ᠌ᠳᠠᠭ᠃
ᠳᠠᠤᠯᠠᠢ ᠠᠪᠠᠯᠠᠬᠤ ᠪᠣᠯ ᠮᠤᠩᠭ᠋ᠤᠯᠴᠤᠳ ᠤᠨ ᠣᠯᠠᠮᠵᠢᠯᠠᠯᠳᠤ ᠠᠪᠠ ᠠᠩᠨᠠᠯ ᠤᠨ ᠵᠠᠩ ᠵᠠᠩᠰᠢᠯ ᠤᠨ ᠨᠢᠭᠡᠨ ᠪᠣᠯᠬᠤ ᠪᠦᠭᠡᠳ ᠠᠪᠠᠯᠠᠵᠤ ᠠᠩᠨᠠᠬᠤ ᠶᠤᠰᠤ ᠵᠠᠩᠰᠢᠯ᠂ ᠠᠭᠤᠯᠭᠠ ᠵᠤᠷᠢᠯᠭᠠ ᠨᠢ ᠠᠰ ᠠᠰᠳᠠᠭᠠᠨ᠂ ᠦᠪᠡᠷ ᠦᠪᠡᠷ ᠤᠨ ᠣᠠᠴᠠᠯᠢᠭ᠂ ᠰᠢᠠᠵᠢ ᠲᠡᠶ ᠪᠠᠢ᠌ᠳᠠᠭ᠃
ᠮᠤᠩᠭ᠋ᠤᠯᠴᠤᠳ ᠠᠪᠠ ᠶᠢᠨ ᠬᠤᠷᠤᠬᠠᠢ ᠪᠠᠨ ᠳᠠᠷᠤᠨᠠ ᠭᠡᠵᠤ ᠳᠠᠤᠯᠠᠢ ᠶᠢᠨ ᠠᠪᠠ ᠳᠤ ᠭᠠᠷᠳᠠᠭ᠃ ᠣᠨᠤᠵᠤ ᠪᠠᠢ᠌ᠭᠠ ᠮᠤᠷᠢ ᠪᠣᠶᠤ ᠳᠡᠵᠢᠭᠡᠵᠤ ᠪᠠᠢ᠌ᠭᠠ ᠨᠤᠬᠠᠢ ᠶᠢᠨ ᠶᠢᠡᠨ ᠭᠦᠶᠦᠳᠡᠯ᠂ ᠬᠤᠷᠳᠤᠴᠠ ᠶᠢ ᠰᠤᠷᠢᠨᠡ᠂ ᠰᠢᠯᠭᠠᠨᠠ ᠭᠡᠵᠤ ᠴᠤ ᠳᠠᠤᠯᠠᠢ ᠶᠢᠨ ᠠᠪᠠ ᠳᠤ ᠭᠠᠷᠳᠠᠭ᠃ ᠪᠠᠷᠢᠵᠤ ᠪᠠᠢ᠌ᠭᠠ ᠪᠢᠯᠠᠭᠤ ᠶᠢᠨ ᠶᠢᠡᠨ ᠳᠤᠰᠤᠯᠳᠠ ᠶᠢ ᠦᠵᠡᠨᠠ ᠭᠡᠵᠤ ᠳᠠᠤᠯᠠᠢ ᠶᠢᠨ ᠠᠪᠠ ᠳᠤ ᠭᠠᠷᠳᠠᠭ᠃ 《ᠪᠣᠭᠤᠨᠢ ᠴᠤ ᠪᠣᠯᠤᠭ᠂ ᠪᠣᠷᠤ ᠳᠠᠤᠯᠠᠢ ᠶᠢᠨ ᠬᠨ》᠂ 《ᠮᠦᠴᠢ ᠴᠤ ᠪᠣᠯᠤᠭ᠂ ᠮᠥᠡᠳᠦᠭᠡᠷ ᠳᠠᠤᠯᠠᠢ ᠶᠢᠨ ᠮᠢᠬᠠ》᠂ 《ᠪᠣᠭᠳᠠ ᠶᠢᠨ ᠪᠣᠷᠤ ᠱᠦᠯᠦ ᠣᠤᠭᠤᠨᠠ》᠂ 《ᠬᠠᠭᠠᠨ ᠤ ᠬᠠᠷᠠ ᠱᠦᠯᠦ ᠡᠴᠡ ᠠᠮᠬᠠᠷᠠᠨᠠ》 ᠭᠡᠵᠤ ᠴᠤ ᠳᠠᠤᠯᠠᠢ ᠶᠢᠨ ᠠᠪᠠ ᠳᠤ ᠭᠠᠷᠳᠠᠭ᠃
ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠠᠪᠠ ᠶᠢᠨ ᠭᠡᠢ᠌ᠮᠦᠷᠢ᠂ ᠠᠮᠠᠨ ᠭᠡᠰᠢᠭ᠌ ᠶᠠᠷᠤ ᠨᠢ ᠰᠠᠢ᠌ᠨ ᠶᠤᠮ᠃ ᠠᠯᠢ ᠨᠢᠭᠡᠨ ᠭᠦᠮᠤᠨ ᠨᠢ ᠳᠠᠤᠯᠠᠢ ᠶᠢᠨ ᠠᠪᠠ ᠳᠤ ᠮᠤᠷᠳᠠᠭᠰᠠᠨ ᠴᠤ ᠭᠠᠷ ᠬᠤᠭᠤᠰᠤᠨ ᠭᠠᠠᠵᠤᠭᠠ ᠳᠤᠠᠳᠠᠭᠤᠷ ᠬᠠᠷᠢᠵᠤ ᠢᠷᠡᠳᠡᠭ᠌ ᠦᠭᠡᠶ᠃ ᠠᠷᠪᠠ ᠳᠠᠪᠤᠨ ᠳᠠᠤᠯᠠᠢ ᠪᠣᠶᠤ ᠠᠳᠠᠭ ᠪᠠᠭᠠ ᠳᠠᠭᠠᠨ ᠨᠢᠭᠡ ᠬᠤᠶᠠᠷ ᠢ ᠴᠤ ᠭᠡᠰᠡᠨ ᠭᠠᠠᠵᠤᠭᠠᠯᠠᠭᠠᠤᠨ ᠢᠷᠡᠳᠡᠭ᠌᠃ ᠢᠷᠡᠮᠡᠭ᠍ᠴᠡ ᠳᠠᠤᠯᠠᠢ ᠪᠠᠨ ᠬᠠᠯᠠᠭᠤᠨ ᠳᠡᠭᠡᠷᠡ ᠨᠢ ᠦᠪᠴᠢᠵᠤ ᠰᠠᠯᠭᠠᠵᠤ᠂ ᠴᠢᠨᠠᠵᠤ ᠪᠣᠯᠭᠤᠭᠠᠵᠤ᠂ 《ᠪᠣᠭᠳᠠ ᠶᠢᠨ ᠪᠣᠷᠤ ᠱᠦᠯᠦ》᠂ 《ᠬᠠᠭᠠᠨ ᠤ ᠬᠠᠷᠠ ᠱᠦᠯᠦ》 ᠭᠡᠮᠡᠨ ᠠᠮᠳᠠᠷᠬᠠᠨ ᠢᠳᠡᠵᠡᠭᠡᠳᠡᠭ᠌᠃
ᠳᠠᠤᠯᠠᠢ ᠶᠢᠨ ᠮᠢᠬᠠ ᠨᠢ ᠥᠭᠡᠭᠦ ᠦᠭᠡᠶ ᠴᠤᠯᠤ ᠬᠠᠷᠠ ᠮᠢᠬᠠ ᠪᠣᠯᠬᠤ ᠪᠦᠭᠡᠳ ᠢᠳᠡᠭᠦ ᠳᠤ ᠵᠥᠭᠡᠯᠡᠨ᠂ ᠠᠮᠳᠠᠳᠠᠢ᠂ ᠵᠠᠵᠢᠯᠠᠭᠤᠷ ᠰᠠᠢ᠌ᠳᠠᠢ ᠪᠠᠢ᠌ᠳᠠᠭ᠃ ᠳᠠᠤᠯᠠᠢ ᠨᠢ ᠡᠪᠠᠰᠤᠨ ᠤ ᠦᠷᠡ᠂ ᠦᠨᠳᠦᠰᠦ ᠪᠣᠶᠤ ᠡᠯᠳᠡᠪ ᠵᠣᠢ᠌ᠯ ᠤᠨ ᠡᠮᠳᠤ ᠡᠪᠠᠰᠤ ᠣᠷᠭᠤᠮᠠᠯ ᠢ ᠢᠳᠡᠳᠡᠭ᠌᠃ ᠡᠢ᠌ᠮᠤ ᠡᠴᠡ ᠮᠢᠬᠠ ᠨᠢ ᠪᠣᠭᠢᠷᠳᠠᠯ ᠦᠭᠡᠶ ᠮᠦᠷᠳᠡᠭᠡᠨ ᠰᠢᠮᠠ ᠳᠡᠵᠢᠭᠡᠯ ᠶᠢᠡᠷ ᠣᠠᠴᠠ ᠰᠠᠢ᠌ᠨ᠂ ᠢᠯᠴᠢ ᠢᠯᠭᠠᠷᠠᠭᠤᠯᠬᠤ ᠨᠢ ᠳᠦᠷᠭᠡᠨ᠂ ᠭᠦᠮᠤᠨ ᠤ ᠪᠠᠶᠠ ᠶᠢᠨ ᠳᠠᠮᠢᠷ ᠵᠢᠯᠭᠠ ᠶᠢ ᠰᠡᠯᠭᠦᠭᠦ᠂ ᠭᠦᠴᠤ ᠴᠢᠳᠠᠯ ᠢ ᠨᠡᠮᠡᠭ᠍ᠳᠡᠭᠦᠯᠭᠦ᠂ ᠵᠢᠴᠢ ᠡᠪᠡᠳᠴᠢᠨ ᠡᠮᠭᠡᠭ᠌ ᠢ ᠵᠠᠰᠠᠬᠤ ᠳᠤ ᠳᠤᠰᠠᠯᠠᠬᠤ ᠣᠢ᠌ᠯᠠᠳᠤᠯ ᠲᠡᠶ᠃ ᠥᠳᠡᠯᠦᠭᠡ ᠨᠠᠰᠤᠳᠠᠢ ᠭᠦᠮᠤᠨ ᠪᠣᠶᠤ ᠪᠠᠶᠠ ᠮᠠᠭᠤᠳᠠᠢ᠂ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠲᠡᠶ ᠭᠦᠮᠤᠨ ᠢᠳᠡᠭᠦ ᠳᠤ ᠮᠠᠰᠢ ᠳᠤᠭᠢᠷᠠᠳᠠᠭ᠃ ᠳᠠᠤᠯᠠᠢ ᠶᠢᠨ ᠮᠢᠬᠠᠨ ᠱᠦᠯᠦ ᠨᠢ ᠥᠭᠡᠭᠦ ᠳᠤᠰᠤ ᠦᠭᠡᠶ ᠴᠤᠯᠤ ᠬᠠᠷᠠ ᠱᠦᠯᠦ ᠪᠣᠯᠬᠤᠷ ᠦᠰᠪᠦᠷᠢ ᠶᠢᠨ ᠵᠢᠭᠠᠯ ᠪᠠᠭᠠᠴᠤᠳ᠂ ᠥᠳᠡᠯᠦᠭᠡ ᠪᠣᠭᠤᠷᠤᠯ ᠨᠠᠰᠤᠳᠠᠤᠨ᠂ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠲᠡᠶ ᠭᠦᠮᠤᠨ ᠣᠤᠭᠤᠬᠤ ᠳᠤ ᠳᠤᠭᠢᠷᠠᠬᠤ ᠢᠳᠡᠭᠡᠨ ᠤ ᠳᠡᠷᠢᠭᠦᠨ᠂ ᠳᠡᠵᠢᠭᠡᠯ ᠤᠨ ᠳᠡᠭᠡᠳᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠱᠦᠯᠦ ᠪᠣᠯᠬᠤ ᠪᠢᠯᠠ ︕᠁
ᠳᠠᠤᠯᠠᠢ ᠶᠢᠨ ᠠᠷᠠᠰᠤ ᠶᠢ ᠢᠳᠡᠭᠡᠯᠡᠵᠤ (ᠢᠳᠡᠰᠢᠭᠦᠯᠵᠤ) ᠡᠯᠳᠡᠴᠢᠭᠡᠪᠠᠯ᠂ ᠳᠠᠪᠠᠯ ᠤᠨ ᠳᠤᠷᠤᠤ᠂ ᠬᠤᠯᠭᠤᠪᠴᠢ ᠪᠣᠶᠤ ᠮᠠᠯᠠᠭᠠᠢ ᠭᠢᠭᠦ ᠳᠤ ᠬᠠᠪᠣᠳᠠᠢ (ᠳᠠᠭᠠᠳᠠᠢ)᠂ ᠵᠥᠭᠡᠯᠡᠨ᠂ ᠳᠤᠯᠠᠭᠠᠨ᠂ ᠢᠯᠴᠢ ᠰᠠᠢ᠌ᠳᠠᠢ ᠪᠠᠢ᠌ᠳᠠᠭ᠃ ᠡᠷᠳᠡ ᠦᠶᠡ ᠳᠤ᠂ ᠵᠠᠷᠢᠮ ᠪᠠᠶᠠᠨ ᠰᠠᠷᠳᠠᠭ᠂ ᠵᠤᠭᠤᠰ ᠮᠦᠩᠭᠦ ᠲᠡᠶ᠂ ᠳᠡᠭᠡᠳᠤ ᠳᠠᠪᠬᠤᠷᠭᠠᠳᠠᠨ ᠭᠦᠮᠦᠰ ᠳᠠᠤᠯᠠᠢ ᠶᠢᠨ ᠠᠷᠠᠰᠤ ᠪᠠᠷ ᠵᠤᠪᠴᠠᠭᠠ (ᠳᠠᠤᠯᠠᠢ ᠶᠢᠨ ᠠᠷᠠᠰᠤᠨ ᠳᠤᠳᠤᠷ ᠲᠡᠶ ᠳᠤᠷᠭᠠᠨ ᠳᠠᠪᠠᠯ) ᠭᠢᠵᠤ ᠡᠮᠦᠰᠳᠡᠭ᠌ ᠭᠡᠯᠴᠡᠳᠡᠭ᠌᠃
ᠳᠠᠤᠯᠠᠢ ᠶᠢᠨ ᠪᠦᠭᠦ ᠪᠠᠶᠠ ᠨᠢ ᠴᠦᠮ ᠡᠷᠳᠡᠨᠢ ᠶᠤᠮ᠃ ᠳᠠᠤᠯᠠᠢ ᠶᠢᠨ ᠮᠢᠬᠠ᠂ ᠳᠠᠷᠢᠭᠢ᠂ ᠡᠯᠢᠭᠡ᠂ ᠠᠭᠤᠰᠭᠢ᠂ ᠵᠢᠷᠦᠭᠡ᠂ ᠳᠡᠯᠢᠭᠦᠤ᠂ ᠪᠦᠭᠡᠷᠡ᠂ ᠪᠠᠭᠠᠰᠤ ᠨᠢ ᠴᠦᠮ ᠡᠮ ᠤᠨ ᠨᠠᠢ᠌ᠷᠠᠯᠳᠠ ᠳᠤ ᠣᠷᠤᠳᠠᠭ ᠪᠣᠶᠤ ᠡᠪᠡᠳᠴᠢᠨ ᠵᠠᠰᠠᠬᠤ ᠳᠤ ᠭᠡᠷᠡᠭᠯᠡᠭ᠍ᠳᠡᠳᠡᠭ᠌᠃ ᠳᠠᠤᠯᠠᠢ ᠶᠢᠨ ᠵᠢᠷᠦᠭᠡ ᠪᠣᠯ ᠭᠡᠢ ᠶᠢ ᠳᠠᠷᠤᠬᠤ᠂ ᠵᠢᠷᠦᠭᠡ ᠶᠢ ᠳᠠᠢ᠌ᠤᠠᠬᠤᠷᠠᠭᠤᠯᠬᠤ᠂ ᠵᠢᠷᠦᠭᠡᠨ ᠤ ᠬᠠᠳᠬᠤᠯᠭᠠ ᠶᠢ ᠳᠠᠷᠤᠬᠤ ᠣᠢ᠌ᠯᠠᠳᠤᠯ ᠲᠡᠶ᠃ ᠴᠡᠭᠡᠵᠢ ᠠᠭᠰᠠᠬᠤ᠂ ᠪᠠᠶᠠ ᠴᠡᠴᠡᠷᠡᠭᠦ᠂ ᠨᠣᠢ᠌ᠷ ᠬᠤᠯᠵᠢᠬᠤ᠂ ᠰᠡᠳᠭᠢᠯ ᠰᠠᠨᠠᠭᠠ ᠰᠠᠮᠭᠠᠷᠳᠠᠬᠤ᠂ ᠳᠤᠳᠤᠷᠠ ᠪᠠᠴᠢᠮᠳᠠᠬᠤ᠂ ᠵᠢᠷᠦᠭᠡᠨ ᠤ ᠭᠡᠢ ᠪᠠᠷ ᠮᠡᠳᠡᠭᠡ ᠠᠯᠳᠠᠬᠤ ᠵᠡᠷᠭᠡ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠳᠤ ᠳᠠᠤᠯᠠᠢ ᠶᠢᠨ ᠵᠢᠷᠦᠭᠡ ᠶᠢ ᠭᠡᠷᠡᠭᠯᠡᠳᠡᠭ᠌᠃ ᠪᠢᠳᠠᠨ ᠢ ᠪᠠᠭᠠ ᠳᠤ᠂ ᠣᠳᠤ ᠡᠴᠡ ᠳᠦᠴᠢᠭᠡᠳ ᠵᠢᠯ ᠤᠨ ᠡᠮᠤᠨᠡ᠂ ᠮᠠᠨ ᠤ ᠨᠤᠳᠤᠭ ᠤᠨ ᠠᠬᠠᠮᠠᠤᠨ ᠳᠤᠷᠰᠢᠯᠭᠠ ᠲᠡᠶ ᠨᠤᠳᠤᠭ ᠤᠨ ᠡᠮᠴᠢ ᠨᠡᠷ ᠡᠴᠡ᠂ ᠵᠢᠷᠦᠭᠡᠨ ᠡᠪᠡᠳᠴᠢᠨ ᠲᠡᠶ (ᠭᠡᠢ ᠰᠤᠯᠢᠶᠠᠳᠠᠢ ᠶᠤᠮ ᠰᠢᠭ ᠣᠠᠳᠠᠵᠤ ᠭᠡᠪᠳᠡᠵᠤ ᠠᠮᠠᠷᠠᠵᠤ ᠴᠢᠳᠠᠬᠤ ᠦᠭᠡᠶ ᠪᠣᠯᠤᠭᠰᠠᠨ) ᠭᠦᠮᠤᠨ ᠳᠤ᠂ ᠳᠠᠤᠯᠠᠢ ᠠᠪᠠᠯᠠᠭᠤᠯᠤᠨ ᠠᠪᠴᠢᠷᠠᠵᠤ᠂ ᠵᠢᠷᠦᠭᠡ ᠶᠢ ᠨᠢ ᠪᠠᠷᠢᠨ ᠳᠤᠤᠷᠠ ᠨᠢ ᠭᠠᠷᠭᠠᠨ ᠠᠪᠴᠤ᠂ ᠴᠢᠰᠤ (ᠵᠢᠷᠦᠭᠡᠨ ᠤ ᠭᠢᠨᠢ) ᠶ᠋ᠢ ᠨᠢ ᠰᠢᠬᠠᠨ ᠭᠠᠷᠭᠠᠵᠤ᠂ ᠬᠠᠯᠠᠭᠤᠨ ᠶᠢᠡᠷ ᠨᠢ ᠣᠤᠭᠤᠯᠭᠠᠵᠤ ᠪᠠᠢ᠌ᠭᠰᠠᠨ ᠢ ᠪᠢᠳᠠ ᠦᠵᠡᠵᠤ ᠪᠠᠢ᠌ᠭᠰᠠᠨ᠃ ᠡᠨᠡ ᠨᠢ ᠳᠠᠤᠯᠠᠢ ᠶᠢᠨ ᠵᠢᠷᠦᠭᠡ ᠵᠢᠷᠦᠭᠡᠨ ᠡᠪᠡᠳᠴᠢᠨ ᠲᠡᠶ ᠭᠦᠮᠤᠨ ᠤ ᠵᠢᠷᠦᠭᠡ ᠶᠢ ᠵᠠᠰᠠᠬᠤ ᠣᠢ᠌ᠯᠠᠳᠤᠯ ᠲᠡᠶ ᠭᠡᠳᠡᠭ᠌ ᠤᠨ ᠣᠨᠤᠯ ᠤᠨ ᠪᠠᠷᠢᠮᠳᠠᠯᠠᠯ᠂ ᠥᠯᠡᠳᠦᠯᠭᠡ ᠶᠢᠨ ᠭᠡᠷᠡᠴᠢᠯᠡᠯ ᠨᠢ ᠳᠠᠷᠠ ᠪᠠᠢ᠌ᠬᠠ ︕ 《ᠳᠠᠤᠯᠠᠢ ᠶᠢᠨ ᠮᠢᠬᠠ ᠨᠢ ᠰᠢᠷᠬᠠ ᠶᠢ ᠠᠨᠠᠭᠠᠵᠤ᠂ ᠶᠠᠰᠤᠨ ᠤ ᠡᠤ ᠶᠢ ᠬᠤᠪᠬᠤᠯᠠᠬᠤ ᠴᠢᠳᠠᠯᠳᠠᠢ᠃ ᠳᠠᠤᠯᠠᠢ ᠶᠢᠨ ᠠᠭᠤᠰᠭᠢ᠂ ᠵᠢᠷᠦᠭᠡ᠂ ᠳᠡᠯᠢᠭᠦᠤ᠂ ᠪᠦᠭᠡᠷᠡ ᠪᠣᠯ ᠮᠦᠨ ᠭᠦᠮᠤᠨ ᠤ ᠳᠤᠰ ᠳᠤᠰ ᠡᠷᠭᠡᠳᠡᠨ ᠨᠤᠭᠦᠳ ᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠴᠢᠳᠠᠯᠳᠠᠢ》 ᠭᠡᠵᠤ 《ᠮᠤᠩᠭ᠋ᠤᠯ ᠡᠮ ᠤᠨ ᠣᠢ᠌ᠯᠠᠯᠭᠠ》 ᠪᠣᠶᠤ 《ᠮᠤᠩᠭ᠋ᠤᠯ ᠡᠮ ᠤᠨ ᠨᠠᠢ᠌ᠷᠠᠯᠭᠠ》 ᠨᠤᠭᠤᠳ ᠳᠤ ᠪᠢᠴᠢᠵᠤ ᠳᠡᠮᠳᠡᠭᠯᠡᠵᠤ ᠪᠣᠢ᠃ 《ᠳᠠᠤᠯᠠᠢ ᠶᠢᠨ ᠪᠠᠭᠠᠰᠤ (ᠬᠠᠳᠠᠭᠰᠠᠨ ᠬᠤᠷᠭᠤᠤᠯ) ᠶ᠋ᠢ ᠭᠠᠯ ᠳᠡᠭᠡᠷᠡ ᠨᠤᠮᠤᠳᠬᠠᠨ ᠳᠠᠯᠠᠬᠠᠳᠠᠭᠠᠤᠨ᠂ ᠡᠮ ᠲᠡᠶ ᠬᠤᠯᠢᠵᠤ ᠰᠢᠭᠡᠷᠡᠩ ᠡᠪᠡᠳᠴᠢᠨ ᠲᠡᠶ ᠬᠡᠦᠬᠡᠳ ᠪᠣᠶᠤ ᠳᠤᠤᠷᠠ ᠪᠠᠨ (ᠣᠷᠤᠨ ᠳᠠᠭᠠᠨ) ᠰᠢᠭᠡᠳᠡᠭ᠌ ᠬᠡᠦᠬᠡᠳ ᠲᠤ ᠣᠤᠭᠤᠯᠭᠠᠪᠠᠯ᠂ ᠰᠢᠭᠡᠷᠡᠩ ᠡᠪᠡᠳᠴᠢᠨ ᠪᠣᠶᠤ ᠳᠤᠤᠷᠠ ᠪᠠᠨ ᠰᠢᠭᠡᠳᠡᠭ᠌ ᠡᠪᠡᠳᠴᠢᠨ ᠢ ᠨᠢ ᠵᠠᠰᠠᠨᠠ》 ᠭᠡᠵᠤ ᠠᠬᠠᠮᠠᠤᠨ ᠡᠮᠴᠢ ᠨᠡᠷ ᠶᠠᠷᠢᠳᠠᠭ᠃ ᠮᠠᠨ ᠤ ᠭᠢᠨ ᠤ ᠠᠬᠠᠮᠠᠳᠴᠤᠤᠯ᠂ ᠣᠤᠯ ᠨᠢ (ᠬᠠᠭᠤᠴᠢᠨ ᠨᠡᠢ᠌ᠭᠡᠮ ᠳᠤ) ᠳᠠᠮᠠᠭᠢ ᠬᠤᠪᠣᠷ ᠴᠠᠭ ᠦᠶᠡ ᠳᠤ᠂ ᠳᠠᠤᠯᠠᠢ ᠶᠢᠨ ᠪᠠᠭᠠᠰᠤ (ᠬᠠᠳᠠᠭᠠᠰᠠᠨ ᠬᠤᠷᠭᠤᠤᠯ) ᠶ᠋ᠢ ᠭᠡᠮᠭᠢᠯᠡᠭᠡᠳ᠂ ᠳᠠᠮᠠᠭᠢᠨ ᠤ ᠣᠷᠤᠨ ᠳᠤ ᠳᠠᠳᠠᠵᠤ ᠪᠠᠢ᠌ᠯᠠ ᠭᠡᠵᠤ ᠬᠠᠭᠤᠴᠢᠯᠠᠳᠠᠭ᠃ ᠭᠡᠭᠡᠷᠡ ᠶᠢᠨ ᠳᠠᠤᠯᠠᠢ ᠨᠢ ᠡᠪᠠᠰᠤᠨ ᠤ ᠦᠷᠡ ᠦᠨᠳᠦᠰᠦ ᠪᠣᠶᠤ ᠬᠤᠪᠣᠷ ᠴᠤᠬᠠᠭ ᠡᠮᠳᠤ ᠡᠪᠠᠰᠤ ᠣᠷᠭᠤᠮᠠᠯ ᠢ ᠢᠳᠡᠳᠡᠭ᠌ ᠣᠴᠢᠷ ᠡᠴᠡ᠂ ᠡᠨᠡ ᠯᠠᠪ ᠪᠣᠯᠬᠤ ᠪᠠᠢ᠌ᠬᠠ᠃ ᠭᠡᠪᠠᠴᠤ ᠣᠳᠤ ᠭᠡᠷ ᠤᠨ ᠳᠠᠤᠯᠠᠢ ᠶᠢᠨ ᠪᠠᠭᠠᠰᠤ ᠶᠢ ᠭᠡᠮᠭᠡᠯᠡᠵᠤ ᠳᠠᠮᠠᠭᠢᠨ ᠤ ᠣᠷᠤᠨ ᠳᠤ ᠳᠠᠳᠠᠨᠠ ᠭᠡᠪᠠᠯ᠂ ᠳᠠᠷᠠ ᠴᠤᠬᠤᠮ ᠱᠠᠯ ᠣᠠᠳᠤᠤ ᠣᠴᠢᠷ᠂ ᠬᠠᠷᠠ ᠢᠨᠢᠶᠠᠳᠤᠮ ᠪᠣᠯᠬᠤ ᠪᠠᠢ᠌ᠬᠠ ︕᠁
2011.10.23 ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠊᠊᠊᠊᠊᠊᠊᠊᠊᠊᠊᠊᠊᠊᠊ 24 ᠳ᠋ᠤ᠂ ᠪᠠᠭᠡᠵᠢᠩ ᠬᠤᠳᠠᠨᠡ ᠪᠢᠴᠢᠪᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠦᠬᠡᠬᠤᠲᠠ ᠶᠢᠨ ᠦᠨᠳᠦᠰᠦᠳᠠᠨ ᠤ ᠳᠤᠷᠰᠢᠯᠳᠠ ᠶᠢᠨ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠭᠦᠷᠵᠡᠪ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6179
ᠴᠠᠭ᠄ 2012 ᠤᠨ ᠤ 02 ᠰᠠᠷᠠ ᠶᠢᠨ 26
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ