☆ ᠰᠠᠷᠠᠭᠤᠯ
ᠨᠢ᠋ᠮᠠᠨ ᠠᠢ᠌ᠯ ᠮᠢᠨᠢ
ᠬᠤᠷᠴᠢᠨ ᠤ ᠴᠡᠯᠡᠭᠡᠷ ᠳᠠᠯᠠ ᠶᠢᠨ ᠳᠠᠠᠵᠢᠨ ᠳᠤ ᠰᠠᠭᠤᠷᠢᠰᠢᠨ ᠨᠤᠳᠤᠭᠯᠠᠭᠰᠠᠨ ᠳᠦᠷᠤᠯᠭᠢ ᠨᠤᠳᠤᠭ ᠨᠢ᠋ᠮᠠᠨ ᠠᠢ᠌ᠯ ᠮᠢᠨᠢ ᠴᠠᠭᠠᠰᠤᠨᠠ ᠨᠠᠷᠠ ᠦᠭᠡᠶ ᠴᠠᠰᠤᠨᠠ ᠮᠦᠷ ᠠᠯᠠᠭᠠ ᠴᠤ ᠭᠡᠦᠭᠡᠨ ᠨᠠᠳᠠ ᠳᠤ ᠪᠠᠨ ᠳ᠋ᠸᠪᠠᠵᠠᠨ ᠪᠠᠢ᠌ᠵᠤ ᠳᠠᠭᠠᠷᠠᠨᠠ᠃ ᠨᠢ᠋ᠮᠠᠨ ᠠᠢ᠌ᠯ ᠮᠢᠨᠢ ᠭᠤᠴᠢᠭᠠᠳᠬᠠᠨ ᠡᠷᠦᠭᠡ ᠪᠠᠷ ᠪᠦᠷᠢᠯᠳᠦᠭ᠍ᠰᠡᠨ ᠵᠢᠵᠢᠭ᠍ᠬᠡᠨ ᠳᠤᠰᠬᠤᠨ ᠪᠣᠯᠪᠠᠴᠤ ᠪᠠᠭᠠ ᠶᠢᠨ ᠳᠤᠷᠠᠰᠤᠯ ᠢ ᠣᠷᠠᠯᠠᠵᠤ ᠬᠠᠳᠠᠭᠠᠯᠭᠰᠠᠨ ᠮᠥᠩᠭᠡ ᠶᠢᠨ ᠰᠠᠢ᠌ᠬᠠᠨ ᠵᠢᠷᠤᠭ ᠪᠠᠢ᠌ᠭᠠ ᠶᠤᠮ ᠡ ︕
ᠨᠠᠷᠢᠬᠠᠨ ᠭᠤᠤᠯ ᠤᠨ ᠭᠦᠪᠠᠭᠡᠨ ᠳ᠋ᠤ
ᠨᠢ᠋ᠮᠠᠨ ᠠᠢ᠌ᠯ ᠤᠨ ᠡᠮᠦᠨᠡᠭᠦᠷ ᠮᠤᠷᠤᠯᠵᠠᠨ ᠣᠷᠤᠰᠳᠠᠭ ᠳᠤᠩᠭ᠋ᠠᠯᠠᠭ ᠴᠠᠪᠠᠷ ᠨᠠᠷᠢᠬᠠᠨ ᠭᠤᠤᠯ ᠪᠠᠢ᠌ᠳᠠᠭ᠃ ᠭᠤᠤᠯ ᠤᠨ ᠭᠦᠪᠠᠭᠡ ᠳᠠᠭᠠᠤ ᠬᠤᠯᠤᠰᠤ ᠵᠡᠭᠡᠰᠤ ᠳᠤᠮᠤ ᠭᠦᠮᠤᠨ ᠳᠠᠪᠠᠮᠠ ᠣᠷᠭᠤᠵᠤ ᠮᠠᠨ ᠤ ᠭᠡᠳᠤᠨ ᠭᠡᠷᠡᠭ᠌ ᠤᠨ ᠡᠵᠡᠨ ᠭᠡᠩᠭᠡᠷᠭᠡ ᠶᠢᠨ ᠳᠤᠭᠢᠭᠤᠷ ᠤᠳ ᠤᠨ ᠨᠢᠭᠤᠯᠴᠠᠭᠠ ᠭᠢᠳᠡᠭ᠌ ᠰᠠᠢ᠌ᠬᠠᠨ ᠣᠷᠴᠢᠨ ᠪᠠᠢ᠌ᠭᠰᠠᠨ ᠶᠤᠮ᠃
ᠲ᠋ᠤᠩᠭ᠋ᠠᠯᠠᠭ ᠰᠠᠢ᠌ᠬᠠᠨ ᠭᠠᠷᠠᠭ ᠤᠨ ᠡᠳᠦᠷ ᠤᠨ ᠳᠠᠷᠠᠭᠠᠬᠠᠨ ᠪᠠᠢ᠌ᠯᠠ᠃ ᠭᠡᠷᠡᠭ᠌ ᠤᠨ ᠡᠵᠡᠳ ᠪᠢᠳᠠ ᠭᠤᠤᠯ ᠤᠨ ᠭᠦᠪᠠᠭᠡᠨ ᠳᠤ ᠴᠤᠭᠯᠠᠷᠠᠨ ᠵᠢᠭᠠᠰᠤ ᠱᠥᠭᠦᠨ ᠣᠷᠤᠯᠳᠤᠬᠤ ᠪᠠᠷ ᠪᠣᠯᠪᠠ᠃ ᠮᠦᠷᠤᠢ ᠳᠤ ᠢᠯᠠᠭᠴᠢᠳ ᠨᠢ ᠨᠥᠭᠦᠭᠡ ᠳᠤᠭᠣᠢ᠌ᠯᠠᠩ ᠤᠨ ᠶᠢᠡᠨ ᠣᠯᠤᠭᠰᠠᠨ ᠪᠦᠭᠦᠨ ᠢ ᠬᠤᠷᠢᠶᠠᠮᠵᠢᠯᠠᠬᠤ ᠡᠷᠭᠡ ᠲᠡᠶ ᠪᠠᠢ᠌ᠵᠠᠢ᠃ ᠣᠷᠤᠯᠳᠤᠭᠠᠨ ᠡᠭᠢᠯᠡᠯᠡ᠂ ᠮᠠᠨ ᠤ ᠭᠡᠳᠤᠨ ᠱᠠᠯᠠᠮᠠᠭᠠᠢ ᠨᠥᠭᠦᠤᠨ ᠭᠡᠳᠥᠢᠨ ᠣᠰᠤᠨ ᠳᠤ ᠣᠷᠤᠯᠳᠤᠨ ᠣᠷᠤᠵᠤ ᠨᠢᠮᠪᠠᠢ ᠱᠥᠭᠦᠵᠤ ᠡᠭᠢᠯᠡᠯᠡ᠃ ᠮᠠᠨ ᠤ ᠭᠡᠳᠤᠨ ᠡᠮᠡᠭ᠍ᠳᠡᠢ ᠬᠡᠦᠬᠡᠳ ᠣᠰᠤ ᠰᠢᠪᠠᠷ ᠡᠴᠠ ᠬᠠᠯᠢᠷᠠᠨ ᠡᠭ᠌ ᠮᠡᠭ᠌ ᠭᠡᠵᠤ ᠪᠠᠢ᠌ᠭᠰᠠᠨ ᠴᠤ ᠨᠠᠭᠠᠳᠤᠮ ᠤᠨ ᠣᠷᠮᠠ ᠭᠦᠭ᠍ᠵᠢᠭ᠍ᠰᠡᠨ ᠬᠣᠢ᠌ᠨᠠ ᠶᠠᠭᠤ ᠪᠦᠭᠦᠨ ᠢ ᠭᠡᠳᠥᠢᠨ ᠮᠠᠷᠳᠠᠵᠤ ᠣᠷᠭᠢᠵᠠᠢ᠃ ᠦᠳᠡ ᠭᠡᠯᠪᠠᠢ᠌ᠭᠦ ᠠᠯᠳᠠ ᠳᠤ ᠮᠠᠨᠠᠢ᠌ᠭᠢᠳ ᠭᠢᠳ ᠭᠠᠤᠨ ᠢᠨᠢᠶᠠᠯᠴᠠᠨ ᠳᠠᠭᠤᠯᠴᠠᠭᠰᠠᠭᠠᠷ ᠠᠩ ᠤᠨ ᠣᠯᠵᠠ ᠪᠠᠨ ᠰᠡᠢᠳᠪᠦᠷᠢᠯᠡᠭᠦ ᠪᠠᠷ ᠭᠤᠤᠯ ᠤᠨ ᠰᠠᠢ᠌ᠷ ᠳᠡᠭᠡᠷᠡ ᠴᠤᠭᠯᠠᠷᠠᠯᠠ᠃ ᠭᠤᠤᠯ ᠤᠨ ᠰᠠᠢ᠌ᠷ ᠵᠤᠨ ᠤ ᠨᠠᠷᠠᠨ ᠳᠤ ᠭᠠᠯ ᠬᠠᠯᠠᠵᠤ ᠭᠦᠯ ᠨᠢᠴᠦᠭᠦᠨ ᠮᠠᠨ ᠢ ᠬᠠᠤᠯᠢᠳᠠᠬᠤ ᠭᠡᠰᠡᠨ ᠰᠢᠭ᠌ ᠰᠢᠷᠠᠬᠤ ᠨᠢ ᠭᠡᠴᠡᠭᠦᠤ᠃ ᠪᠢᠳᠠ ᠣᠯᠤᠭᠰᠠᠨ ᠠᠩ ᠶᠢᠡᠨ ᠭᠡᠷᠭᠢᠨ ᠬᠤᠪᠢᠶᠠᠯᠴᠠᠬᠤ ᠪᠠᠷ ᠬᠠᠯᠠᠭᠤᠨ ᠡᠯᠡᠰᠤᠨ ᠳᠡᠭᠡᠷᠡ ᠳᠠᠯᠪᠢᠯᠠ᠃ ᠭᠦᠭᠡᠷᠦᠭᠦᠢ ᠵᠢᠵᠢᠭ᠌ ᠵᠢᠭᠠᠰᠤ ᠨᠤᠭᠤᠳ ᠮᠠᠳᠠᠷᠠᠨ ᠮᠠᠳᠠᠷᠠᠨ ᠦᠰᠦᠷᠭᠢᠯᠠᠵᠤ ᠮᠠᠨᠤᠰ ᠢ ᠣᠰᠤᠨ ᠳᠤ ᠳᠦᠷᠭᠡᠨ ᠳᠠᠯᠪᠢᠭᠠᠴᠢ ᠭᠡᠵᠤ ᠭᠤᠶᠤᠵᠤ ᠪᠠᠢ᠌ᠭᠠ ᠰᠢᠭ ᠨᠢ ᠮᠠᠨ ᠤ ᠣᠰᠤᠨ ᠳᠡᠨᠡᠭ᠌ ᠤᠳ ᠢ ᠨᠠᠩ ᠴᠤ ᠭᠦᠭᠡᠷᠦᠭᠦᠯᠵᠤ ᠣᠷᠭᠢᠵᠠᠢ᠃ ᠭᠦᠭᠡᠷᠦᠭᠦᠢ ᠣᠰᠤᠨ ᠡᠴᠠ ᠰᠠᠯᠤᠭᠰᠠᠨ ᠵᠢᠵᠢᠭ᠌ ᠠᠮᠢ ᠨᠤᠭᠤᠳ ᠣᠳᠠᠯ ᠦᠭᠡᠶ ᠭᠦᠳᠡᠯᠭᠦ ᠪᠠᠨ ᠪᠣᠯᠢᠪᠠ᠃ ᠥᠭᠦᠭ᠍ᠰᠡᠨ ᠵᠢᠭᠠᠰᠤ ᠨᠢ ᠶᠠᠮᠠᠷ ᠴᠤ ᠰᠤᠨᠢᠷᠬᠠᠯ ᠦᠭᠡᠶ ᠪᠣᠯᠬᠤᠷ ᠪᠢᠳᠠ ᠬᠤᠪᠢᠶᠠᠯᠴᠠᠬᠤ ᠪᠠᠨ ᠪᠣᠯᠢᠵᠤ ᠭᠤᠤᠯ ᠤᠨ ᠣᠰᠤᠨ ᠳᠤ ᠰᠢᠳᠠᠵᠤ ᠨᠠᠭᠠᠳᠤᠯᠠ᠃ ᠭᠤᠤᠯ ᠤᠨ ᠣᠰᠤ ᠪᠣᠯᠠᠩᠭᠢᠷ ᠳᠠᠳᠠᠨ ᠱᠤᠤᠭᠢᠨᠠ᠃ ᠭᠦᠪᠠᠭᠡᠨ ᠳ᠋ᠠᠭᠢ ᠨᠤᠭᠤᠰᠤ ᠭᠠᠯᠠᠭᠤ ᠴᠤ ᠪᠢᠳᠠ ᠡᠴᠠ ᠬᠤᠯᠠ ᠵᠠᠢ᠌ᠳᠠᠨ ᠨᠢᠰᠤᠨᠠ᠃
ᠨᠠᠮᠵᠢᠭᠤᠨ ᠳᠤᠩᠭ᠋ᠠᠯᠠᠭ ᠨᠠᠷᠢᠬᠠᠨ ᠭᠤᠤᠯ ᠮᠢᠨᠢ ︕ ᠣᠬᠠᠵᠢᠭᠠ ᠦᠭᠡᠶ ᠪᠠᠭᠠ ᠨᠠᠰᠤ ᠶᠢ ᠳᠠᠮᠠᠭᠠᠯᠠᠵᠤ ᠥᠯᠡᠳᠡᠭᠡᠭ᠍ᠰᠡᠨ ᠪᠣᠷᠬᠠᠨ ᠭᠤᠤᠯ ᠮᠢᠨᠢ ᠡ ︕
ᠰᠡᠳᠭᠢᠯ ᠳᠤ ᠬᠤᠨᠤᠭᠰᠢᠭᠰᠠᠨ ᠭᠤᠷᠪᠠᠨ ᠬᠠᠭ ᠮᠢᠨᠢ
ᠨᠢ᠋ᠮᠠᠨ ᠠᠢ᠌ᠯ ᠤᠨ ᠠᠷᠤ ᠳᠤ ᠳᠤᠯᠢ ᠮᠠᠳᠤ ᠳᠤᠩᠭ᠋ᠠᠯᠠᠭ ᠭᠤᠷᠪᠠᠨ ᠳᠦᠭᠦᠷᠢᠭ᠌ ᠨᠠᠭᠤᠷ ᠪᠠᠢ᠌ᠳᠠᠭ᠃ ᠨᠤᠳᠤᠭ ᠤᠨ ᠮᠢᠨᠢ ᠭᠦᠮᠦᠰ ᠳᠡᠭᠦᠨ ᠢ ᠭᠤᠷᠪᠠᠨ ᠬᠠᠭ ᠭᠡᠳᠡᠭ᠌᠃ ᠭᠤᠷᠪᠠᠨ ᠬᠠᠭ ᠤᠨ ᠳᠤᠭᠤᠷᠢᠨ ᠡᠪᠠᠰᠤ ᠪᠠᠯᠴᠢᠭᠡᠷ ᠰᠠᠢ᠌ᠳᠠᠢ ᠪᠦᠭᠡᠳ ᠣᠳᠠ ᠬᠠᠢ᠌ᠯᠠᠰᠤ ᠰᠥᠭᠯᠡᠢ᠌ᠭ᠍ᠰᠡᠨ ᠭᠣᠢ᠌ᠳᠠ ᠰᠠᠢ᠌ᠬᠠᠨ ᠦᠵᠡᠮᠵᠢ ᠪᠠᠢ᠌ᠳᠠᠭ᠃ ᠡ᠊ᠨᠳᠡ ᠨᠤᠳᠤᠭ ᠤᠨ ᠭᠦᠮᠦᠰ ᠤᠨ ᠢᠳᠠᠰᠢᠨ ᠨᠤᠭᠤᠭᠠᠨ ᠳᠠᠯᠠᠪᠠᠢ ᠭᠡᠮᠡᠷ ᠳᠠᠭᠠᠨᠠ᠂ ᠭᠤᠭᠤᠳ᠂ ᠮᠠᠩᠭᠢᠷ᠂ ᠭᠠᠰᠢᠭᠤᠨ ᠨᠤᠭᠤᠭᠠ ᠭᠡᠰᠡᠭ᠌ ᠭᠡᠰᠡᠭ᠌ ᠶᠢᠡᠷ ᠪᠠᠭᠰᠢᠷᠠᠨ ᠣᠷᠭᠤᠭᠠᠤᠨ ᠪᠠᠢ᠌ᠭᠠᠯᠯᠢᠭ ᠥᠩᠭᠡ ᠦᠵᠡᠮᠵᠢ ᠪᠦᠷᠢᠳᠦᠭ᠍ᠰᠡᠨ ᠭᠣᠢ᠌ᠳᠠ ᠰᠠᠢ᠌ᠬᠠᠨ ᠣᠷᠤᠨ ᠪᠠᠢ᠌ᠵᠠᠢ᠃
ᠬᠠᠪᠣᠷ ᠪᠣᠯᠤᠭᠰᠠᠭᠠᠷ ᠮᠠᠨ ᠤ ᠭᠡᠳᠤᠨ ᠨᠠᠰᠤ ᠬᠤᠷᠠᠭᠴᠤᠤᠯ ᠵᠢᠵᠢᠭ᠌ ᠰᠠᠭᠰᠤ ᠪᠠᠨ ᠳᠤᠬᠣᠢ᠌ᠯᠠᠨ ᠳᠠᠭᠠᠨᠠ ᠭᠤᠭᠤᠳ ᠳᠡᠭᠦᠭᠦ ᠪᠠᠷ ᠭᠤᠷᠪᠠᠨ ᠬᠠᠭ ᠥᠭᠡᠳᠡ ᠬᠤᠷᠮᠤᠢ ᠳᠡᠷᠪᠠᠯᠵᠡᠭᠦᠯᠤᠨ ᠳᠡᠷᠪᠠᠳᠡᠭ᠌ ᠪᠠᠢ᠌ᠭᠰᠠᠨ᠃ ᠭᠤᠭᠤᠳ ᠳᠡᠭᠦᠭᠦ ᠭᠡᠭᠦ ᠡᠴᠠ ᠨᠠᠭᠤᠷ ᠤᠨ ᠭᠦᠪᠠᠭᠡ ᠪᠠᠷ ᠨᠤᠭᠤᠰᠤᠨ ᠥᠡᠳᠡᠭᠡ ᠳᠡᠭᠦᠭᠦ ᠨᠢ ᠨᠠᠩ ᠠᠵᠠ ᠲᠡᠶ ᠭᠡᠷᠡᠭ᠌ ᠰᠢᠭ᠌ ᠰᠠᠨᠠᠭᠳᠠᠵᠤ ᠪᠠᠢ᠌ᠭᠰᠠᠨ ᠢ ᠭᠡᠷᠭᠢᠯᠳᠡᠢ ︖
ᠬᠠᠩᠰᠢ ᠶᠢᠨ ᠳᠠᠷᠠᠭᠠᠬᠠᠨ ᠨᠠᠷᠠ ᠳᠤᠶᠠᠭᠠᠷᠠᠭᠰᠠᠨ ᠰᠠᠢ᠌ᠬᠠᠨ ᠴᠤ ᠡᠳᠦᠷ ᠪᠠᠢ᠌ᠯᠠ᠃ ᠮᠠᠨ ᠤ ᠭᠡᠳᠤᠨ ᠡᠮᠡᠭ᠍ᠳᠡᠢ ᠬᠡᠦᠬᠡᠳ ᠳᠠᠭᠤᠨ ᠬᠤᠭᠤᠯᠠᠢ ᠪᠠᠨ ᠠᠪᠣᠯᠴᠠᠨ ᠵᠢᠵᠢᠭ᠌ ᠰᠠᠭᠰᠤ ᠪᠠᠨ ᠳᠤᠬᠣᠢ᠌ᠯᠠᠨ ᠭᠤᠷᠪᠠᠨ ᠬᠠᠭ ᠲᠤ ᠳᠡᠭ᠍ᠳᠡᠨ ᠭᠦᠷᠦᠯᠡ᠃ ᠭᠤᠷᠪᠠᠨ ᠬᠠᠭ ᠤᠨ ᠭᠤᠭᠤᠳ ᠶᠤᠰᠤᠳᠠᠢ ᠳᠠᠷᠢᠭᠰᠠᠨ ᠶᠤᠮ ᠰᠢᠭ ᠳᠠᠯᠠ ᠪᠦᠷᠭᠦᠨ ᠬᠠᠯᠢᠭᠤᠷᠠᠵᠤ ᠶᠢᠷᠳᠢᠠᠴᠤ ᠶᠢᠨ ᠥᠵᠡᠰᠭᠦᠯᠡᠩ ᠢ ᠱᠤᠭᠤᠨ ᠪᠦᠳᠦᠭᠡᠵᠡᠢ᠃ ᠰᠠᠭᠰᠤ ᠪᠠᠨ ᠳᠦᠭᠦᠷᠭᠡᠭᠦ ᠶᠢᠨ ᠳᠠᠰᠢᠷᠠᠮ ᠳᠤ ᠮᠢᠨᠤ ᠠᠯᠢᠶᠠ ᠭᠦᠳᠡᠯᠵᠤ ᠭᠤᠤᠯ ᠤᠨ ᠣᠰᠤᠨ ᠳᠤ ᠳᠤᠭᠯᠠᠬᠤ ᠪᠠᠷ ᠡᠭᠡᠴᠢ ᠶᠢᠨ ᠵᠢᠮᠠᠯᠠᠯ ᠢ ᠭᠦᠯᠢᠶᠡᠯ ᠦᠭᠡᠶ ᠭᠤᠷᠪᠠᠨ ᠬᠠᠭ ᠥᠭᠡᠳᠡ ᠳᠡᠭ᠍ᠳᠡᠯᠵᠡᠨ ᠭᠦᠶᠦᠯᠡ᠃ ᠭᠡᠨᠡᠳᠲᠡ ᠫᠦᠷᠳ᠋ ᠭᠡᠭᠦ ᠳᠠᠭᠤ ᠭᠠᠷᠬᠤ ᠲᠡᠶ ᠵᠡᠷᠭᠡ ᠨᠢᠭᠡᠨ ᠪᠦᠳᠦᠭᠦᠨ ᠨᠤᠭᠤᠰᠤ ᠡᠭᠦᠷ ᠡᠴᠠ ᠪᠠᠨ ᠪᠣᠯᠳᠠᠨ ᠬᠠᠴᠠᠷ ᠢ ᠱᠦᠷᠭᠦᠭᠡᠨ ᠨᠢᠰᠤᠯᠠ᠃ ᠠᠶᠤᠬᠤ ᠳᠤ ᠪᠠᠨ ᠪᠢ ᠳᠤᠯᠤᠭᠠᠢ ᠳᠠᠪᠠᠷᠢᠨ ᠳᠤᠷᠤᠭᠰᠢ ᠬᠠᠷᠠᠭᠰᠠᠨ ᠴᠢᠨᠢ ᠥᠡᠳᠡᠭᠡ᠂ ᠪᠦᠳᠦᠭᠦᠨ ᠪᠦᠳᠦᠭᠦᠨ ᠳᠤᠮᠤ ᠨᠤᠭᠤᠰᠤᠨ ᠥᠡᠳᠡᠭᠡ ᠨᠠᠷᠠᠨ ᠳᠤ ᠭᠢᠯᠠᠯᠵᠠᠨ ᠬᠠᠷᠠᠭᠳᠠᠨᠠ᠃ ᠣᠤᠯᠭᠠ ᠠᠯᠳᠠᠨ ᠪᠠᠶᠠᠷᠯᠠᠬᠤ ᠳᠤ ᠪᠠᠨ ᠳᠠᠪᠠᠯ ᠶᠢᠡᠨ ᠳᠡᠭᠡᠷᠡ ᠳᠡᠭᠡᠷᠡ ᠡᠷᠭᠢᠭᠦᠯᠤᠨ ᠬᠠᠰᠭᠢᠷᠤᠭᠰᠠᠨ ᠴᠢᠨᠢ ᠪᠠᠢ᠌ᠵᠤ ᠦᠦ ︖ ᠮᠠᠨᠠᠢ᠌ᠭᠢᠳ ᠭᠦᠶᠦᠯᠴᠡᠨ ᠢᠷᠠᠵᠤ ᠪᠣᠯᠢᠶᠠᠯᠳᠤᠯᠠ᠃
ᠥᠡᠳᠡᠭᠡ ᠪᠠᠨ ᠪᠣᠯᠢᠶᠠᠭᠳᠠᠭᠰᠠᠨ ᠨᠤᠭᠤᠰᠤ ᠡᠵᠢ ᠮᠢᠨᠤ ᠳᠡᠭᠡᠭᠦᠷ ᠡᠨᠡᠯᠤᠨ ᠰᠢᠨᠠᠯᠤᠨ ᠨᠢᠰᠤᠨᠠ᠃ ᠣᠯᠠᠭᠠᠨ ᠭᠡᠷᠡᠭᠦᠯ ᠪᠣᠯᠤᠭᠰᠠᠨ ᠳᠠᠷᠠ ᠮᠦᠴᠡ ᠳᠤ ᠪᠢ ᠶᠠᠭᠤ ᠪᠣᠳᠤᠭᠰᠠᠨ ᠢ ᠪᠣᠤ ᠮᠠᠳᠠ ᠭᠤᠷᠪᠠᠨ ᠬᠠᠭ ᠵᠥᠭ᠌ ᠨᠢᠭᠤᠷ ᠨᠢᠳᠤ ᠦᠭᠡᠶ ᠭᠦᠶᠦᠯᠡ᠃
ᠪᠣᠳᠤᠯ ᠤᠨ ᠰᠠᠢ᠌ᠬᠠᠨ ᠭᠤᠷᠪᠠᠨ ᠬᠠᠭ ᠮᠢᠨᠢ ︕ ᠪᠣᠯᠪᠠᠢ᠌ᠷᠬᠠᠨ ᠨᠠᠰᠤᠨ ᠤ ᠳᠤᠷᠠᠰᠤᠯ ᠮᠦᠷᠦᠭᠡᠳᠦᠯ ᠢ ᠱᠤᠭᠤᠨ ᠬᠠᠳᠠᠭᠠᠯᠠᠭᠰᠠᠨ ᠭᠤᠷᠪᠠᠨ ᠡᠵᠢ ᠮᠢᠨᠢ ᠡ ︕
ᠳᠠᠭᠤᠧᠨ ᠰᠠᠭᠢᠭᠴᠢ ᠡᠪᠦᠭᠡ ᠮᠢᠨᠢ
ᠲ᠋ᠠᠯᠠᠭᠠᠤᠨ ᠣᠨ ᠤ ᠦᠶᠡ ᠪᠠᠷ ᠮᠠᠨ ᠤ ᠭᠢᠨ ᠳᠤᠩ ᠣᠯᠠᠨ ᠳᠠᠭᠤᠧᠨ ᠳᠠᠷᠢᠵᠤ ᠪᠠᠢ᠌ᠭᠰᠠᠨ ᠶᠤᠮ᠃ ᠡᠪᠠᠰᠤ ᠴᠡᠴᠡᠭ᠌ ᠪᠣᠯᠪᠠᠰᠤᠷᠠᠭᠰᠠᠨ ᠬᠤᠩᠭ᠋ᠤᠷ ᠨᠠᠮᠤᠷ ᠤᠨ ᠡᠷᠡᠨ ᠪᠣᠯᠤᠭᠰᠠᠭᠠᠷ ᠠᠮᠳᠠ ᠭᠦᠢᠴᠡᠭ᠍ᠰᠡᠨ ᠳᠤᠮᠤ ᠳᠤᠮᠤ ᠳᠠᠭᠤᠧᠨ ᠳᠠᠯᠠ ᠵᠤ᠋ ᠦᠭᠡᠶ ᠪᠣᠮᠪᠠᠢ᠌ᠨ ᠬᠠᠷᠠᠭᠳᠠᠵᠤ ᠮᠠᠨ ᠤ ᠭᠡᠳᠤᠨ ᠭᠤᠧᠨ ᠶᠢᠨ ᠬᠤᠷᠤᠬᠠᠢ ᠨᠤᠭᠤᠳ ᠤᠨ ᠠᠷᠭᠠ ᠠᠭᠠᠰᠢ ᠶᠢ ᠪᠠᠷᠠᠭᠤᠯᠳᠠᠭ ᠪᠠᠢ᠌ᠭᠰᠠᠨ ᠶᠤᠮ᠃ ᠭᠤᠧᠨ ᠰᠠᠭᠢᠭᠴᠢ ᠡᠪᠦᠭᠡ ᠴᠤ ᠡᠨᠡ ᠦᠶᠡ ᠳᠤ ᠳᠤᠮᠤ ᠮᠠᠢ᠌ᠬᠠᠨ ᠶᠢᠡᠨ ᠪᠣᠰᠬᠠᠵᠤ ᠬᠠᠷᠠᠭᠤᠯ ᠤᠨ ᠠᠵᠢᠯ ᠶᠢᠡᠨ ᠡᠭᠢᠯᠡᠳᠡᠭ᠌ ᠪᠠᠢ᠌ᠯᠠ᠃
ᠭᠤᠧᠨ ᠰᠠᠭᠢᠭᠴᠢ ᠡᠪᠦᠭᠡ ᠮᠠᠨᠢ ᠮᠠᠨ ᠢ ᠣᠴᠢᠬᠤ ᠪᠣᠯᠭᠠᠨ ᠠᠮᠳᠠᠳᠤ ᠭᠤᠧᠨ ᠰᠤᠩᠭ᠋ᠤᠵᠤ ᠦᠭᠭᠦ ᠶᠢᠨ ᠬᠠᠮᠳᠤ ᠠᠯᠢᠶᠠ ᠳᠦᠢᠳᠭᠡᠷ ᠮᠠᠨᠤᠰ ᠢ ᠢᠮ ᠴᠢᠮ ᠦᠭᠡᠶ ᠥᠯᠢᠭᠡᠷ ᠶᠢᠡᠷ ᠮᠠᠨᠠᠵᠤ ᠠᠮᠳᠠᠳᠤ ᠭᠤᠧᠨ ᠶᠢᠨ ᠬᠠᠯᠢᠰᠤ ᠰᠠᠭᠰᠤ ᠳᠦᠭᠦᠷᠡᠩ ᠵᠡᠷᠭᠡᠯᠡᠨ ᠪᠣᠴᠠᠭᠠᠳᠠᠭ ᠨᠢ ᠮᠠᠨ ᠳᠤ ᠭᠡᠵᠢᠶᠡᠳᠡ ᠳᠤᠷᠠᠰᠤᠯ ᠪᠣᠯᠵᠤ ᠮᠥᠩᠭᠡᠷᠡᠭ᠍ᠰᠡᠨ ᠶᠤᠮ᠃ ᠡᠪᠦᠭᠡ ᠶᠠᠷᠤ ᠳᠤ ᠪᠠᠨ 《ᠪᠠᠯᠤ ᠶᠢᠨ ᠥᠯᠢᠭᠡᠷ》 ᠶᠠᠷᠢᠳᠠᠭ᠃ ᠳᠡᠭᠦᠨ ᠤ ᠥᠯᠢᠭᠡᠷ ᠳᠠᠭᠢ ᠪᠠᠯᠤ ᠨᠢ ᠷᠢᠳᠢ ᠰᠢᠳᠢ ᠲᠡᠶ ᠬᠤᠪᠢᠯᠭᠠᠨ ᠵᠠᠩᠵᠤᠨ ᠰᠢᠭ ᠬᠠᠠᠳᠤᠭᠰᠠᠨ ᠵᠥᠭ᠌ ᠲᠤ ᠳᠠᠢ᠌ᠰᠤᠨ ᠦᠭᠡᠶ ᠪᠠᠢ᠌ᠳᠠᠭ ᠨᠢ ᠮᠠᠨ ᠢ ᠬᠠᠭᠠ ᠪᠠᠶᠠᠷᠯᠠᠭᠤᠯᠵᠤ ᠣᠷᠭᠢᠳᠠᠭ ᠰᠠᠨ᠃ ᠡᠪᠦᠭᠡ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠪᠠᠶᠠ ᠪᠢᠯᠳᠠᠷ ᠰᠠᠢ᠌ᠳᠠᠢ ᠭᠦᠩᠭᠢᠨᠡᠮᠡ ᠬᠤᠭᠤᠯᠠᠢ ᠲᠡᠶ ᠳᠠᠷᠢ ᠳᠡᠭ᠍ᠰᠢ ᠡᠮᠦᠰᠴᠤ ᠵᠡᠭᠦᠳᠡᠭ᠌ ᠭᠦᠮᠤᠨ ᠪᠠᠢ᠌ᠭᠰᠠᠨ ᠶᠤᠮ᠃
ᠨᠢᠭᠡ ᠣᠳᠠᠭᠠ ᠪᠢ ᠪᠦᠭᠦᠯᠢ ᠭᠤᠧᠨ ᠰᠠᠭᠰᠤᠯᠠᠵᠤ ᠭᠡᠷ ᠲᠤ ᠪᠠᠨ ᠠᠪᠠᠴᠢᠨᠠ ᠭᠡᠵᠤ ᠪᠠᠢ᠌ᠭᠰᠠᠭᠠᠷ ᠡᠪᠦᠭᠡ ᠳᠤ ᠪᠠᠨ ᠮᠡᠳᠡᠭ᠍ᠳᠡᠴᠢᠭᠡᠯᠡ᠃ ᠡᠪᠦᠭᠡ ᠮᠢᠨᠢ ᠦᠰᠦ ᠶᠢ ᠢᠯᠪᠢᠭ᠍ᠰᠡᠭᠡᠷ 《ᠰᠤᠷᠤᠭᠴᠢ ᠭᠦᠮᠤᠨ ᠢᠩᠭᠢᠭᠦ ᠨᠢ ᠳᠠᠭᠠᠷᠠᠬᠤ ᠦᠭᠡᠶ ᠰᠢᠤ᠂ ᠠᠩᠭᠢ ᠨᠠᠢ᠌ᠳᠠ ᠶᠢᠨ ᠶᠢᠡᠨ ᠡᠳ᠋ ᠬᠤᠭᠰᠢᠯ ᠢ ᠬᠠᠢ᠌ᠷᠠᠯᠠᠬᠤ ᠲᠡᠶ ᠠᠳᠠᠯᠢ ᠪᠠᠷ ᠨᠠᠢ᠌ᠳᠠ ᠶᠢᠨ ᠭᠤᠧᠨ ᠶᠢᠨ ᠦᠷᠡ ᠶᠢ ᠴᠤ ᠬᠠᠢ᠌ᠷᠠᠯᠠᠬᠤ ᠭᠡᠷᠡᠭ᠍ᠳᠡᠢ ᠰᠢᠤ ︕》 ᠭᠡᠵᠤ ᠡᠶᠡᠯᠳᠡᠭ᠌ ᠶᠢᠡᠷ ᠰᠤᠷᠭᠠᠨ ᠪᠦᠭᠦᠯᠢ ᠭᠤᠧᠨ ᠶᠢ ᠠᠷᠢᠯᠭᠠᠨ ᠥᠭ᠍ᠴᠤ ᠪᠢᠯᠠ᠃
ᠥᠯᠢᠭᠡᠷ ᠤᠨ ᠣᠭᠤᠳᠠ ᠡᠪᠦᠭᠡ ᠮᠢᠨᠢ ︕ ᠨᠢᠯᠬᠠᠰᠠᠭ ᠣᠶᠤᠨ ᠳᠤ 《ᠨᠠᠢ᠌ᠳᠠ》 ᠭᠡᠭᠦ ᠳᠤᠮᠤᠬᠠᠨ ᠥᠰᠦᠭ᠌ ᠢ ᠳᠠᠨᠢᠭᠤᠯᠵᠤ ᠦᠭᠭᠦᠭ᠍ᠰᠡᠨ ᠬᠤᠪᠢᠰᠬᠠᠯᠴᠢ ᠡᠪᠦᠭᠡ ᠮᠢᠨᠢ ᠡ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠭᠢᠩᠭ᠋ᠠᠨ ᠠᠢ᠌ᠮᠠᠭ ᠤᠨ ᠬᠤᠷᠴᠢᠨ ᠪᠠᠷᠠᠭᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶᠠᠠᠬᠤᠰᠢᠭᠤ ᠳᠦᠷᠪᠠᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠰᠠᠷᠠᠭᠤᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6167
ᠴᠠᠭ᠄ 2011 ᠤᠨ ᠤ 10 ᠰᠠᠷᠠ ᠶᠢᠨ 14
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ