☆ ᠰᠢᠵᠢᠷ
ᠴᠢᠮᠠ ᠶᠢ ᠪᠠᠨ ᠬᠠᠢ᠌ᠷᠠᠯᠠᠵᠤ ᠶᠠᠪᠣᠯᠠ
ᠴᠢᠮᠠ ᠶᠢ ᠪᠠᠨ ᠪᠢ ᠬᠠᠢ᠌ᠷᠠᠯᠠᠵᠤ ᠶᠠᠪᠣᠯᠠ
ᠦᠨᠦᠴᠢᠨ ᠨᠢᠭᠡ ᠭᠦᠤ ᠪᠠᠢ᠌ᠭᠰᠠᠨ ᠡ
ᠥᠭᠦᠭᠡᠷᠳᠡᠮᠡᠷ ᠨᠢᠭᠡ ᠵᠢᠷᠦᠭᠡ ᠪᠠᠢ᠌ᠭᠰᠠᠨ ᠡ
ᠡᠷᠳᠡᠮ ᠰᠤᠶᠤᠯ ᠤᠨ ᠠᠩᠬᠠᠨ ᠤ ᠮᠦᠷ ᠳᠤ
ᠡᠩᠭᠦᠷᠡᠢ᠌ᠯᠡᠭ᠍ᠳᠡᠨ ᠪᠠᠢ᠌ᠯᠠ ᠴᠤ ᠡᠵᠡᠮᠰᠢᠭᠦ ᠴᠢᠳᠠᠯ ᠬᠤᠮᠰᠠ
ᠡᠩ ᠤᠨ ᠡᠷᠡᠭᠦᠯ ᠰᠠᠷᠠᠭᠤᠯ ᠬᠡᠦᠬᠡᠳ ᠤᠨ ᠳᠤᠮᠳᠠ
ᠡᠳᠡᠭᠡᠳ ᠵᠦᠷᠢᠭᠦᠤᠨ ᠴᠤ ᠥᠭ᠍ᠭᠢᠶᠡᠮᠦᠷᠴᠢ ᠴᠠᠢ᠌ᠯᠭᠠᠨ ᠳᠠ
ᠣᠶᠤᠨ ᠪᠣᠳᠤᠯ ᠳᠤ ᠮᠢᠨᠢ ᠣᠷᠤᠮᠳᠠᠭᠰᠠᠨ
ᠣᠠᠴᠠ ᠶᠢᠨ ᠡᠩᠭᠦᠷᠡᠢ᠌ᠯᠡᠭ᠍ᠳᠡᠯ ᠪᠠᠢ᠌ᠭᠰᠠᠨ
ᠣᠬᠠᠭᠠᠨ ᠰᠠᠮᠪᠠᠭᠠ ᠳᠤ ᠮᠢᠨᠢ ᠭᠤᠭᠴᠤᠭᠠᠯᠠᠭᠳᠠᠭᠰᠠᠨ
ᠥᠭᠦᠭᠡᠷᠳᠡᠮᠡᠷ ᠨᠢᠭᠡᠨ ᠵᠢᠷᠦᠭᠡ ᠪᠣᠯᠤᠭᠰᠠᠨ
ᠴᠠᠭ ᠤᠨ ᠣᠷᠤᠰᠬᠠᠯ ᠳᠤ ᠣᠭᠢᠶᠠᠭᠳᠠᠭᠠ ᠥᠭᠡᠢ
ᠴᠠᠢ᠌ᠯᠭᠠᠨ ᠰᠡᠳᠭᠢᠯ ᠢ ᠴᠢᠨᠢ ᠮᠠᠳᠠᠷᠠᠨ
ᠴᠢᠳᠠᠯ ᠴᠢᠳᠠᠪᠣᠷᠢ ᠡᠴᠡ ᠪᠠᠨ ᠭᠡᠳᠦᠷᠡᠳᠡᠯᠡ
ᠴᠢᠮᠠ ᠪᠠᠨ ᠪᠢ ᠬᠠᠢ᠌ᠷᠠᠯᠠᠵᠤ ᠶᠠᠪᠣᠯᠠ᠃
ᠡᠭᠡ ᠶᠢᠨ ᠬᠠᠢ᠌ᠷᠠ ᠳᠤ ᠪᠠᠨ ᠥᠳᠦᠷᠢᠭ᠍ᠳᠦᠭ᠍ᠰᠡᠨ
ᠡᠨᠡᠷᠢᠯ ᠳᠤᠳᠠᠮᠠᠭ ᠵᠠᠶᠠᠭᠠ ᠶᠢ ᠴᠢᠨᠢ ᠦᠷᠤᠪᠳᠤᠨ
ᠡᠮᠵᠡᠭ᠌ ᠰᠡᠳᠭᠢᠯ ᠤᠨ ᠴᠢᠨᠢ ᠡᠮᠳᠡᠷᠭᠡᠢ ᠳᠤ ᠴᠢᠨᠢ
ᠥᠭᠡᠳᠡᠰᠤ ᠴᠤ ᠪᠣᠯᠤᠭᠰᠠᠨ ᠴᠤ ᠨᠥᠭᠦᠪᠦᠷᠢᠯᠡᠶᠡ ᠰᠠᠨᠠᠭᠠᠰᠢᠷᠠᠨ
ᠬᠠᠢ᠌ᠷᠠ ᠪᠠᠷ ᠳᠤᠳᠠᠬᠤ ᠦᠭᠡᠶ ᠬᠤᠷᠸᠠ ᠳ᠋ᠤ
ᠬᠠᠢ᠌ᠷᠠᠯᠠᠭᠳᠠᠵᠤ ᠴᠢᠳᠠᠯ ᠦᠭᠡᠶ ᠳᠠᠪᠢᠯᠠᠩ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠷᠠᠰᠠᠯ ᠪᠠᠢ᠌ᠭᠰᠠᠨ ᠢ
ᠬᠠᠢ᠌ᠷᠬᠠᠨ ᠴᠢᠨᠤ ᠡᠮᠵᠡᠭ᠌ ᠪᠦᠭᠦᠨ ᠡᠴᠡ
ᠬᠠᠮᠤᠵᠤ ᠮᠠᠳᠠᠷᠠᠨ ᠬᠠᠷᠠᠮᠨᠠᠨ ᠡᠷᠭᠢᠮᠨᠡᠨ ᠭᠢᠮᠠᠭᠠᠳᠤᠯᠠ︕
ᠦᠨᠦᠴᠢᠨ ᠵᠢᠷᠦᠭᠡ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥᠭᠡᠯᠡᠭᠡᠴᠢ ᠪᠠᠢ᠌ᠭᠰᠠᠨ
ᠥᠭᠡᠯᠡᠭᠦ ᠳᠤᠳᠤᠮ ᠡᠮᠵᠡᠭᠯᠡᠳᠡᠭ᠌ ᠪᠠᠢ᠌ᠭᠰᠠᠨ
ᠡᠮᠵᠡᠭᠯᠡᠭᠦ ᠳᠤᠳᠤᠮ ᠦᠨᠦᠴᠢᠷᠠᠨ ᠭᠤᠳᠤᠷᠠᠳᠠᠭ ᠪᠠᠢ᠌ᠭᠰᠠᠨ ᠢ
ᠦᠷᠠᠴᠢᠯᠠᠨ ᠬᠠᠢ᠌ᠷᠠᠯᠠᠬᠤ ᠳᠤ ᠪᠠᠨ ᠣᠢ᠌ᠮᠤᠷᠠᠨ ᠰᠡᠷᠡᠭ᠍ᠰᠡᠨ ᠡ᠃
ᠦᠨᠦᠴᠢᠨ ᠵᠢᠷᠦᠭᠡ ᠴᠢᠨᠢ ᠡᠮᠵᠡᠭᠯᠡᠳᠡᠭ᠌ ᠢ
ᠦᠨᠡᠨ ᠤ ᠭᠠᠯᠪᠠ ᠡᠴᠡ ᠦᠨᠡᠮᠰᠢᠨ ᠮᠡᠳᠡᠷᠡᠭ᠍ᠰᠡᠨ
ᠦᠷᠦᠪᠴᠡᠭᠡᠨ ᠰᠡᠳᠭᠢᠯ ᠳᠤ ᠪᠠᠨ ᠳᠠᠨ ᠢ ᠪᠠᠨ
ᠦᠷᠡ ᠶᠢᠨ ᠭᠠᠭᠴᠠ ᠭᠡᠦᠭᠡᠨ ᠶᠢᠡᠨ ᠡᠩᠭᠦᠷᠡᠢ᠌ᠯᠡᠳᠡᠭ᠌
ᠡᠭᠡ ᠶᠢᠨ ᠬᠠᠢ᠌ᠷᠠ ᠪᠠᠷ ᠬᠠᠷᠠᠮᠯᠠᠨ
ᠥᠰᠭᠦ ᠨᠠᠰᠤᠨ ᠤ ᠭᠦᠭᠡᠷᠦᠭᠦᠨ ᠳᠠᠪᠢᠯᠠᠩ ᠳᠤ ᠴᠢᠨᠢ
ᠦᠨᠦᠴᠢᠷᠠᠯ ᠡᠴᠡ ᠴᠢᠨᠢ ᠰᠠᠯᠭᠠᠶᠠ ᠰᠠᠨᠠᠭᠰᠠᠨ ᠳᠤ ᠪᠠᠨ
ᠰᠠᠨᠠᠭᠰᠠᠨ ᠢ ᠴᠢᠨᠢ ᠰᠠᠨᠠᠭᠠᠰᠢᠯᠭᠠ ᠲᠡᠶ ᠪᠠᠷ ᠳᠡᠯᠭᠡᠯᠭᠡᠵᠤ
ᠰᠡᠳᠭᠢᠯ ᠢ ᠴᠢᠨᠢ ᠵᠤᠷᠢᠯᠭᠠ ᠲᠡᠶ ᠪᠠᠷ ᠠᠭᠤᠳᠠᠯᠠᠭᠤᠯᠵᠤ
ᠰᠡᠵᠢᠭ᠌ ᠢ ᠴᠢᠨᠢ ᠭᠢᠨᠠᠭᠤᠷ ᠠᠯᠳᠠᠷᠭᠠᠨ
ᠰᠦᠰᠦ ᠵᠤᠷᠢᠭ ᠢ ᠴᠢᠨᠢ ᠭᠠᠷᠮᠠᠭᠠᠢ ᠡᠷᠡᠭᠦᠯᠵᠢᠭᠦᠯᠦᠶᠡ︕ ᠵᠢᠯᠤᠭᠤᠳᠤᠯᠠ︕
ᠰᠤᠷᠤᠭᠴᠢ ᠮᠢᠨᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠴᠢᠮᠠ ᠶᠢ ᠪᠠᠨ ᠪᠢ ᠬᠠᠢ᠌ᠷᠠᠯᠠᠵᠤ ᠶᠠᠪᠣᠯᠠ︕
(200907 ᠣᠨ ᠳᠤ ᠳᠡᠭᠦᠰᠦᠭᠡᠳ ᠶᠠᠪᠣᠴᠢᠬᠠᠭᠰᠠᠨ ᠴᠢᠮᠠ ᠪᠠᠨ ᠰᠠᠨᠠᠵᠤ ᠪᠢᠴᠢᠯᠠ︕)
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠤᠤᠯᠢᠨ ᠭᠤᠤᠯ
ᠵᠤᠬᠢᠶᠠᠭᠴᠢ᠄ ᠰᠢᠵᠢᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2688
ᠴᠠᠭ᠄ 2010 ᠤᠨ ᠤ 10 ᠰᠠᠷᠠ ᠶᠢᠨ 15
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ