ᠳᠡᠭ᠍ᠷᠢ ᠶᠢᠨ ᠵᠠᠷᠯᠢᠭ ᠵᠢᠠᠷ

ᠨᠦᠵᠢ ᠠᠳᠬᠤᠵᠤ ᠳᠦᠷᠦᠭ᠍ᠰᠡᠨ

ᠳᠠᠮᠤᠵᠢᠨ ᠭᠦᠪᠡᠭᠦᠨ ᠤ ᠳᠤᠭᠤᠨᠤᠳᠤ ᠳᠠᠢ

ᠳᠠᠩᠴᠠᠵᠤ ᠪᠣᠰᠴᠤ ᠥᠰᠭᠦ ᠳ᠋ᠤᠨᠢ

ᠥᠭᠡᠯᠤᠨ ᠡᠭᠡ ᠲᠡᠶ ᠨᠢ ᠠᠴᠢᠯᠠᠭᠰᠠᠨ

ᠥᠷᠭᠡᠨ ᠣᠶᠤᠨ ᠤ ᠢᠪᠠᠭᠡᠯ ᠲᠡᠶ

ᠳᠡᠭ᠍ᠷᠢ ᠶᠢᠨ ᠠᠭᠤᠯᠠ - ᠪᠣᠷᠬᠠᠨ ᠬᠠᠯᠳᠤᠨ

ᠴᠢᠩᠭᠢᠰ ᠤᠨ ᠮᠢᠨᠢ ᠠᠭᠤᠯᠠ ᠡ᠃

ᠳᠤᠭᠤᠷᠭ᠎ᠠ ᠲ᠋ᠤᠰᠭᠠᠷ ᠮᠤᠩᠭ᠋ᠤᠯ ᠤᠨ ᠮᠢᠨᠢ

ᠳᠤᠯᠭ᠎ᠠ ᠶᠢᠨ ᠴᠢᠯᠠᠭᠤ ᠠᠭᠤᠯᠠ ᠡ᠃

ᠳᠡᠯᠡᠭᠡᠢ ᠶᠢᠨ ᠳᠠᠯ᠎ᠠ ᠶᠢ ᠭᠡᠷ ᠤᠨ

ᠪᠠᠭᠤᠷᠢ ᠪᠠᠷ ᠶᠢᠡᠨ ᠳᠠᠮᠠᠭᠠᠯᠠᠭᠰᠠᠨ

ᠳᠡᠭᠡᠪᠦᠷ ᠴᠡᠩᠭᠡᠷ ᠣᠷᠴᠢᠯᠠᠩ ᠶᠢᠡᠷ

ᠠᠯᠳᠠᠷ ᠰᠤᠤ ᠪᠠᠨ ᠪᠠᠳᠠᠷᠠᠭᠠᠭᠰᠠᠨ

ᠮᠤᠷᠢᠳᠠᠨ ᠲᠦᠮᠡᠨ ᠤ ᠳᠠᠷᠨᠢ ᠲᠡᠶ

ᠳᠡᠭ᠍ᠷᠢ ᠠᠭᠤᠯᠠ - ᠪᠣᠷᠬᠠᠨ ᠬᠠᠯᠳᠤᠨ

ᠴᠢᠩᠭᠢᠰ ᠤᠨ ᠮᠢᠨᠢ ᠠᠭᠤᠯᠠ ᠡ᠃

ᠠᠪᠠᠰᠢᠭ ᠭᠠᠯ ᠲᠡᠶ ᠮᠤᠩᠭ᠋ᠤᠯ ᠤᠨ ᠮᠢᠨᠢ

ᠠᠯᠳᠠᠨ ᠰᠤᠶᠤᠩᠪᠣ ᠠᠭᠤᠯᠠ ᠡ᠃

ᠨᠢ᠋ᠮᠠᠨ ᠲᠦᠮᠡᠨ ᠠᠳᠤᠭᠤ ᠪᠠᠷ

ᠭᠢᠰᠭᠢᠭᠦᠯᠵᠤ ᠣᠩᠭ᠋ᠤᠯᠠᠭᠰᠠᠨ

ᠳᠡᠭᠡᠳᠦᠰ ᠡᠵᠡᠨ ᠤ ᠪᠣᠩᠬᠤᠨ ᠲᠡᠶ

ᠨᠠᠷᠠ ᠵᠦᠪ ᠳᠤᠭᠤᠷᠢᠭᠰᠠᠭᠠᠷ

ᠳᠡᠯᠡᠭᠡᠢ ᠶᠢ ᠪᠦᠰᠡᠯᠡᠭᠦᠷᠳᠡᠨ ᠤᠷᠤᠰᠬᠭᠰᠡᠨ

ᠪᠠᠯᠴᠢᠷ ᠭᠤᠷᠪᠠᠨ ᠭᠤᠤᠯ ᠲᠡᠶ᠃

ᠳᠡᠭ᠍ᠷᠢ ᠶᠢᠨ ᠠᠭᠤᠯᠠ ᠪᠣᠷᠬᠠᠨ ᠬᠠᠯᠳᠤᠨ

ᠴᠢᠩᠭᠢᠰ ᠤᠨ ᠮᠢᠨᠢ ᠠᠭᠤᠯᠠ

ᠲᠦᠰᠢᠶ᠎ᠠ ᠨᠦᠮᠦᠷᠢ ᠮᠤᠩᠭ᠋ᠤᠯ ᠤᠨ ᠮᠢᠨᠢ

ᠲᠦᠷᠦ ᠶᠢᠨ ᠳᠠᠮᠠᠭ᠎ᠠ ᠲᠡᠶ ᠠᠭᠤᠯᠠ ᠡ᠃