☆ ᠡ᠊·ᠳᠠᠮᠤᠷ
ᠳᠦᠷᠦᠭᠡᠨ ᠳᠠᠭᠤᠨ
᠊᠊᠊᠊᠊᠊᠊᠊᠊᠊᠊᠊᠊᠊᠊ (ᠭᠦᠳᠦᠯᠦᠭᠡ ᠭᠤᠷᠪᠠ)
ᠮᠢᠩᠭ᠋ᠠᠨ ᠣᠨ ᠤ ᠳᠡᠦᠭᠡᠨ ᠡᠴᠡ
ᠮᠥᠩᠭᠡᠷᠡᠵᠤ ᠥᠯᠡᠳᠡᠭ᠍ᠰᠡᠨ ᠳᠤᠤᠯᠢᠰ
ᠮᠠᠨ ᠤ ᠦᠶᠡ ᠳᠤᠯᠤᠭᠠᠤᠨ
ᠮᠠᠩᠰᠢᠭᠤᠷᠠᠵᠤ ᠣᠷᠭᠢᠭᠰᠠᠨ ᠵᠡᠭᠦᠳᠤ
ᠲ᠋ᠠᠯᠠ ᠶᠢᠨ ᠴᠠᠭᠠᠨ ᠮᠠᠩᠬᠠᠨ ᠡᠴᠡ
ᠳᠡᠭ᠍ᠷᠢ ᠴᠤᠷᠭᠢᠭᠰᠠᠨ ᠭᠦᠭ᠌
ᠳᠡᠦᠭᠡ ᠦᠨᠡᠨ ᠤ ᠬᠤᠭᠤᠷᠤᠠᠳᠤ
ᠳᠦᠭᠡᠷᠢᠵᠤ ᠬᠤᠯᠠᠳᠠᠭᠠ ᠭᠤᠨᠢᠭ
ᠬᠠᠨᠠᠳᠤ ᠭᠡᠷ ᠶᠢᠡᠨ ᠥᠭᠡᠢ᠌ᠯᠡᠭ᠍ᠰᠡᠨ
ᠬᠤᠷᠸᠠ ᠣᠶᠠᠷᠠᠭᠤᠯᠤᠮᠠ ᠠᠶᠠ
ᠬᠤᠭᠤᠷ ᠤᠨ ᠡᠭᠡᠰᠢᠭ᠌ ᠲᠤ ᠰᠢᠩᠭᠡᠭ᠍ᠰᠡᠨ
ᠰᠤᠨᠤᠷ ᠲᠤ ᠬᠠᠳᠠᠬᠤ ᠰᠤᠮᠤ
ᠣᠢ ᠶᠢᠨ ᠪᠠᠷᠭᠡ ᠭᠦᠰᠡᠭ᠍ᠰᠡᠨ
ᠦᠨᠦᠴᠢᠨ ᠪᠣᠷᠤ ᠪᠣᠯᠵᠤᠮᠤᠷ
ᠣᠳᠤᠷ ᠶᠢᠡᠨ ᠥᠭᠡᠢ᠌ᠯᠡᠨ ᠰᠡᠭᠦᠷᠡᠰᠦᠯᠡᠭ᠍ᠰᠡᠨ
ᠥᠯᠦᠰᠭᠦᠯᠡᠩ ᠨᠢᠴᠦᠭᠦᠨ ᠨᠢᠷᠤᠭᠤᠳ
ᠮᠤᠩᠭ᠋ᠤᠯ ᠮᠤᠷᠢ
ᠴᠤᠯᠮᠤᠨ ᠰᠡᠷᠢᠭᠡᠭ᠍ᠰᠡᠨ ᠢᠠᠴᠠᠭᠠᠯ
ᠴᠤᠬᠤᠷᠯᠠᠭᠰᠠᠨ ᠳᠠᠯᠠ ᠡᠴᠡ ᠪᠠᠨ ᠣᠭᠢᠯᠠᠵᠤ ᠬᠤᠯᠠᠳᠠᠨᠠ
ᠨᠤᠳᠤᠭ ᠶᠢᠡᠨ ᠴᠢᠮᠡᠭ᠍ᠰᠡᠨ ᠵᠢᠰᠤᠮ ᠰᠦᠷᠦᠭ᠌
ᠮᠤᠩᠭ᠋ᠤᠯ ᠳᠡᠦᠭᠡᠨ ᠳᠤ ᠪᠠᠨ ᠬᠠᠢ᠌ᠯᠵᠤ ᠠᠭᠤᠰᠤᠨᠠ
ᠠᠳᠠᠷ ᠤᠨ ᠳᠤᠷᠭᠠᠨ ᠭᠦᠷᠦᠰᠤᠨ ᠳᠤ ᠪᠠᠨ
ᠠᠰᠢᠳᠠ ᠶᠢᠨ ᠵᠠᠶᠠᠭᠠᠳᠠᠢ ᠠᠳᠤᠭᠤᠳ ᠮᠢᠨᠢ
ᠠᠵᠠ ᠭᠢᠴᠢᠶᠡᠭ᠍ᠰᠡᠨ ᠵᠠᠶᠠᠭᠠᠨ ᠡᠴᠡ
ᠭᠢᠯᠭᠠᠰᠤᠨ ᠳᠡᠭᠡᠰᠤ ᠲᠡᠶ ᠭᠡᠶᠦᠷᠡᠭ᠍ᠰᠡᠭᠡᠷ
ᠣᠳᠤᠷ ᠤᠨ ᠠᠢ᠌ᠯ ᠤᠨ ᠣᠶᠠᠭᠠ
ᠦᠨᠡᠨ ᠤ ᠡᠭᠦᠳᠡᠨ ᠳᠤ ᠬᠤᠭᠤᠰᠤᠷᠠᠨ
ᠣᠷᠤᠯᠳᠤᠭᠠᠨ ᠤ ᠭᠠᠭᠴᠠᠬᠠᠨ ᠣᠨᠤᠭᠠ
ᠣᠬᠠᠭᠠᠨ ᠳᠤ ᠮᠢᠨᠢ ᠭᠦᠡᠳᠤ ᠴᠠᠭᠢᠯᠤᠨᠠ ᠡ᠂᠂᠂᠂
ᠪᠠᠭᠠᠯ
ᠬᠤᠷᠤᠭᠠ ᠪᠠᠨ ᠰᠠᠭᠢᠭᠰᠠᠨ ᠬᠤᠳᠠᠴᠢ ᠨᠤᠬᠠᠢ
ᠬᠤᠯᠠ ᠶᠢᠨ ᠠᠨᠢᠷ ᠶᠢᠡᠷ ᠬᠤᠴᠠᠯᠳᠤᠨᠠ
ᠬᠣᠢ᠌ᠮᠤᠷ ᠡᠵᠡᠯᠡᠭ᠍ᠰᠡᠨ ᠦᠴᠦᠭᠡᠨ ᠪᠠᠭᠠᠯ
ᠬᠤᠷᠮᠤᠢ ᠳᠠᠭᠠᠵᠤ ᠪᠦᠮᠪᠦᠷᠢᠨᠡ
ᠨᠠᠰᠢ ᠴᠠᠰᠢ ᠡᠷᠭᠡᠯᠡᠭ᠍ᠰᠡᠭᠡᠷ
ᠬᠠᠳᠠᠭᠤ ᠠᠯᠪᠠ ᠡᠴᠡ ᠭᠡᠯᠳᠦᠷᠢᠨᠡ
ᠪᠠᠭᠠᠰᠢ ᠪᠠᠰᠢᠷ ᠭᠡᠷᠡᠭᠯᠡᠭ᠍ᠰᠡᠭᠡᠷ
ᠴᠠᠪ ᠤᠨ ᠡᠯᠪᠠᠭ᠌ ᠲᠤ ᠪᠠᠭᠤᠨᠠ
ᠭᠦᠯ ᠭᠠᠷ ᠲᠡᠶ ᠣᠷᠢᠶᠠᠯᠳᠤᠨ ᠵᠠᠭᠤᠷᠠᠯᠳᠤᠭᠠᠤᠨ
ᠭᠦᠭᠡᠷᠦᠭᠦᠢ ᠳᠦᠷᠢ ᠶᠢ ᠬᠠᠭᠤᠷᠮᠠᠭ ᠪᠦᠳᠦᠭᠡᠨᠡ
ᠵᠠᠯᠢ ᠪᠠᠰᠢᠷ ᠢ ᠢᠳᠡᠭᠡᠳᠡᠯᠡ ᠭᠡᠷᠡᠭᠯᠡᠭᠡᠳ
ᠵᠠᠪᠰᠠᠷ ᠤᠨ ᠳᠦᠷᠢ ᠶᠢ ᠦᠨᠡᠩᠬᠦ ᠱᠤᠤᠭᠤᠨᠠ
ᠰᠢᠷᠬᠠ
ᠬᠠᠷᠠᠭᠠᠨ ᠳᠤ ᠡᠮᠵᠡᠭᠯᠡᠨ ᠳᠤᠰᠬᠤ
ᠬᠠᠭᠤᠴᠢᠨ ᠳᠠᠯᠠ ᠶᠢᠨ ᠮᠢᠨᠢ ᠪᠠᠭᠤᠷᠢ
ᠰᠡᠳᠭᠢᠯ ᠳᠤ ᠭᠦᠡᠳᠦᠭᠡᠨ ᠣᠨᠠᠬᠤ
ᠰᠥᠰᠦᠭ᠌ ᠤᠨ ᠮᠢᠨᠢ ᠨᠤᠳᠤᠭ ᠣᠰᠤᠨ
ᠣᠶᠤᠨ ᠳᠤ ᠮᠢᠨᠢ ᠳᠤᠮᠤᠭᠵᠢᠵᠤ ᠮᠥᠩᠭᠡᠷᠡᠭ᠍ᠰᠡᠨ
ᠠᠪᠣ ᠶᠢᠨ ᠮᠢᠨᠢ ᠴᠤᠭᠤᠷ ᠤᠨ ᠡᠭᠡᠰᠢᠭ᠌
ᠣᠬᠠᠭᠠᠨ ᠳᠤ ᠮᠢᠨᠢ ᠳᠤᠭᠤᠰᠤᠷᠠᠵᠤ ᠬᠠᠳᠠᠩᠰᠢᠭᠰᠠᠨ
ᠡᠵᠢ ᠶᠢᠨ ᠮᠢᠨᠢ ᠮᠠᠩᠨᠤᠭ ᠳᠡᠷᠯᠢᠭ᠌
ᠣᠢ ᠶᠢᠨ ᠭᠦᠨ ᠡᠴᠡ ᠴᠤᠤᠷᠢᠶᠳᠤᠬᠤ
ᠦᠳᠡᠰᠢ ᠶᠢᠨ ᠪᠣᠭᠤ ᠶᠢᠨ ᠦᠷᠤᠮᠳᠤᠯ
ᠰᠠᠭᠤᠷᠢᠰᠢᠯ ᠤᠨ ᠬᠠᠰᠢᠶᠠᠨ ᠡᠴᠡ ᠰᠤᠨᠤᠷᠳᠠᠬᠤ
ᠬᠤᠨᠢᠳ ᠤᠨ ᠭᠦᠩᠭᠡᠭᠡᠨ ᠮᠠᠢ᠌ᠯᠠᠭᠠ
ᠡᠨᠡ ᠪᠦᠭᠦᠨ ᠳᠤ ᠰᠤᠷᠪᠢ ᠰᠠᠭᠤᠯᠠ᠁
ᠡᠯᠢᠭᠡ ᠵᠢᠷᠦᠭᠡᠨ ᠳᠤ ᠮᠢᠨᠢ ᠰᠢᠷᠬᠠ ᠰᠠᠭᠤᠯᠠ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠲᠦᠰᠢᠶᠠᠳᠤ ᠬᠤᠰᠢᠭᠤᠨ ᠤ ᠭᠦᠡᠳᠡᠯᠡᠨ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠡ᠊·ᠳᠠᠮᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2627
ᠴᠠᠭ᠄ 2011 ᠤᠨ ᠤ 04 ᠰᠠᠷᠠ ᠶᠢᠨ 26
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ