☆ ᠬᠠᠨ ᠵᠢᠷᠤᠮᠳᠤ
ᠨᠤᠳᠤᠭ ᠤᠨ ᠳᠤᠷᠠᠰᠤᠮᠵᠢ
ᠨᠠᠷᠠᠨ ᠤ ᠳᠤᠶᠠᠭᠠ ᠳᠤᠩᠭ᠋ᠠᠯᠠᠭᠰᠢᠨ
ᠨᠠᠢ᠌ᠷᠠᠰᠠᠭ ᠰᠠᠯᠭᠢ ᠥᠯᠢᠶᠡᠭᠦ ᠪᠦᠷᠢ
ᠨᠠᠰᠤᠨ ᠤ ᠳᠤᠭᠠ ᠨᠡᠮᠡᠭ᠍ᠳᠡᠨ
ᠨᠠᠷᠢᠰᠠᠭ ᠠᠳᠤᠷᠢᠶᠠ ᠤᠯᠡᠰᠢᠷᠡᠬᠤ ᠪᠦᠷᠢ
ᠡᠵᠢ ᠶᠢᠨ ᠨᠤᠳᠤᠭ ᠪᠣᠳᠤᠭᠳᠠᠨᠠ
ᠡᠯᠢᠭᠡ ᠵᠢᠷᠦᠭᠡ ᠮᠢᠨᠢ ᠳᠠᠳᠠᠭᠳᠠᠨᠠ
ᠰᠠᠷᠠᠨ ᠤ ᠳᠤᠶᠠᠭᠠ ᠭᠡᠢ᠌ᠪᠠᠷᠳᠡᠨ
ᠰᠠᠯᠭᠢᠨ ᠤ ᠴᠢᠮᠡᠭᠡ ᠱᠠᠷᠴᠢᠭᠢᠨᠠᠬᠤ ᠪᠦᠷᠢ
ᠰᠠᠠᠴᠢᠭ ᠤᠨ ᠥᠩᠭᠡ ᠴᠠᠢ᠌ᠪᠠᠷᠳᠠᠨ
ᠰᠠᠨᠠᠭᠠᠨ ᠤ ᠡᠷᠭᠢᠴᠡᠭᠦᠯᠦᠯ ᠳᠤ ᠤᠨᠡᠬᠤ ᠪᠦᠷᠢ
ᠠᠪᠣ ᠶᠢᠨ ᠨᠤᠳᠤᠭ ᠪᠣᠳᠤᠭᠳᠠᠨᠠ
ᠠᠭᠤᠰᠭᠢ ᠵᠢᠷᠦᠭᠡ ᠮᠢᠨᠢ ᠳᠠᠳᠠᠭᠳᠠᠨᠠ
ᠠᠯᠮᠠᠨ ᠬᠤᠤᠠᠳᠤᠭ
ᠳᠤᠯᠢᠨ ᠠᠭᠤᠷ ᠤᠨ ᠪᠠᠷᠠᠭᠤᠨ ᠡᠷᠭᠢ ᠳ᠋ᠤ
ᠳᠤᠳᠢ ᠶᠢᠨ ᠨᠢᠳᠤ ᠰᠢᠭ᠌ ᠮᠡᠯᠳᠡᠭᠡᠨᠡᠳᠡᠭ᠌
ᠳᠤᠷᠭᠠᠨ ᠨᠤᠳᠤᠭ ᠤᠨ ᠠᠯᠮᠠᠨ ᠬᠤᠤᠠᠳᠤᠭ
ᠳᠤᠮᠤᠵᠢᠬᠤ ᠨᠠᠰᠤᠨ ᠤ ᠷᠠᠰᠢᠶᠠᠨ ᠪᠣᠯᠠᠭ ᠡ
ᠳᠦᠯᠵᠢᠭᠦ ᠠᠮᠢᠳᠤᠷᠠᠯ ᠤᠨ ᠠᠶᠠᠨ ᠢ ᠳᠠᠭᠠᠨ
ᠳᠦᠭᠡᠭᠡᠯ ᠤᠰᠤᠨ ᠤ ᠤᠯᠡᠷᠢᠯ ᠳᠤ ᠤᠷᠦᠪᠠᠴᠤ
ᠳᠠᠭᠯᠠᠷᠠᠭᠰᠠᠨ ᠤᠷᠦᠮ ᠢ ᠴᠢᠨᠢ ᠪᠢ ᠴᠡᠭᠡᠵᠢᠯᠡᠭᠡᠳ
ᠳᠠᠯᠠᠷᠬᠠᠯ ᠤᠨ ᠳᠠᠭᠤᠤ ᠲᠡᠶ ᠰᠠᠨᠠᠵᠤ ᠪᠠᠢ᠌ᠨᠠ
ᠡᠷᠡᠭᠡᠢ ᠪᠠᠶᠠ ᠶᠢ ᠥᠰᠭᠡᠨᠡ ᠭᠡᠳ
ᠡᠵᠢ ᠮᠢᠨᠢ ᠴᠢᠮᠠ ᠡᠴᠡ ᠤᠮᠳᠡ ᠳᠠᠮᠨᠠᠭᠰᠠᠨ
ᠡᠰᠨᠢᠭᠦ ᠠᠮᠢᠳᠤᠷᠠᠯ ᠶᠢᠡᠨ ᠴᠤᠭᠴᠠᠯᠠᠨᠠ ᠭᠡᠳ
ᠡᠴᠢᠭᠡ ᠮᠢᠨᠢ ᠴᠢᠮᠠ ᠡᠴᠡ ᠳᠡᠵᠢᠭᠡᠯ ᠳᠠᠮᠨᠠᠭᠰᠠᠨ
ᠪᠠᠢ᠌ᠳᠠᠭ ᠶᠢᠡᠨ ᠪᠦᠷ ᠡᠷᠭᠦᠭ᠍ᠰᠡᠨ ᠪᠣᠯᠪᠠᠴᠤ
ᠪᠠᠷᠢᠴᠠᠯᠠᠬᠤ ᠪᠣᠳᠤᠯ ᠴᠢᠮᠠ ᠳᠤ ᠤᠷᠤᠭᠠ ᠥᠭᠡᠢ
ᠪᠠᠷᠠ ᠴᠢᠨᠢ ᠪᠠᠯᠠᠷᠠᠵᠤ ᠤᠳᠦᠭᠰᠡᠨ ᠪᠣᠯᠪᠠᠴᠤ
ᠪᠠᠭ᠍ᠳᠡᠷᠡᠯ ᠭᠤᠮᠤᠳᠠᠯ ᠴᠢᠮᠠ ᠳᠤ ᠪᠠᠢ᠌ᠭᠠ ᠥᠭᠡᠢ
ᠵᠥᠷᠢᠭ᠌ ᠵᠠᠮ
ᠡᠭᠦᠳᠡᠨ ᠡᠴᠡ ᠰᠤᠨᠤᠯᠵᠠᠭᠰᠠᠨ ᠵᠥᠷᠢᠭ᠌ ᠵᠠᠮ ᠤᠨ
ᠥᠵᠦᠭᠦᠷ ᠨᠢ ᠬᠠᠮᠢᠭᠠ ᠪᠠᠢ᠌ᠳᠠᠭ ᠢ
ᠡᠪᠦᠭᠡ ᠮᠢᠨᠢ ᠨᠠᠳᠠ ᠭᠡᠯᠡᠭᠡ ᠥᠭᠡᠢ
ᠥᠷᠡ ᠵᠤᠯᠵᠠᠭᠠ ᠲᠡᠶ ᠪᠠᠨ ᠢᠷᠡᠭᠡᠳ
ᠥᠭᠯᠢᠭᠡ ᠭᠤᠶᠤᠭᠰᠠᠤᠨ ᠤᠨ ᠨᠤᠳᠤᠭ ᠬᠠᠮᠢᠭᠠ ᠭᠡᠵᠤ
ᠡᠮᠡᠭᠡ ᠮᠢᠨᠢ ᠶᠠᠷᠤ ᠠᠰᠠᠭᠤᠳᠠᠭ ᠥᠭᠡᠢ
ᠠᠩᠭᠢ ᠶᠢᠨ ᠳᠠᠮᠠᠴᠠᠯ ᠤᠨ ᠰᠢᠷᠦᠭᠦᠨ ᠭᠠᠯ ᠳ᠋ᠤ
ᠠᠪᠣ ᠮᠢᠨᠢ ᠳᠠᠪᠳᠠᠭᠳᠠᠬᠤ ᠪᠠᠷ
ᠳᠠᠷᠠ ᠵᠥᠷᠢᠭ᠌ ᠪᠠᠷ ᠶᠠᠪᠣᠭᠰᠠᠨ ᠶᠤᠮ
ᠠᠩᠭ᠋ᠠ ᠪᠠᠨ ᠡᠭᠦᠷᠴᠤ ᠡᠵᠢ ᠮᠢᠨᠢ
ᠠᠪᠣ ᠶᠢᠨ ᠴᠢᠮᠡᠭᠡ ᠶᠢ ᠤᠯᠬᠤ ᠪᠠᠷ
ᠳᠠᠷᠠ ᠵᠠᠮ ᠶᠢᠡᠷ ᠰᠤᠷᠠᠭᠰᠠᠨ ᠶᠤᠮ
ᠠᠬᠠ ᠶᠢᠨ ᠰᠤᠷᠭᠠᠭᠤᠯᠢ ᠳᠠᠪᠰᠢᠭᠰᠠᠨ ᠵᠠᠭᠢᠶᠠ
ᠠᠮᠠᠷᠠᠭ ᠤᠨ ᠭᠢᠨᠢ ᠬᠠᠢ᠌ᠷᠠ ᠪᠢᠯᠬᠠᠭᠰᠠᠨ ᠬᠠᠭᠤᠳᠠᠰᠤ
ᠳᠠᠷᠠ ᠵᠥᠷᠢᠭ᠌ ᠶᠢᠡᠷ ᠢᠷᠡᠭ᠍ᠰᠡᠨ ᠪᠢᠯᠠ
ᠠᠯᠢᠶᠠ ᠳᠡᠭᠦᠤ ᠶᠢᠨ ᠠᠯᠤᠰ ᠭᠦᠰᠡᠯᠡᠩ
ᠠᠵᠤ ᠠᠮᠢᠳᠤᠷᠠᠯ ᠤᠨ ᠥᠭᠡᠳᠡᠯ ᠮᠠᠠᠳᠤᠯ
ᠳᠠᠷᠠ ᠵᠠᠮ ᠶᠢᠡᠷ ᠪᠠᠶᠡᠯᠡᠭ᠍ᠳᠡᠭᠦ ᠪᠢᠯᠠ
ᠳᠠᠪᠠᠭᠠ ᠴᠠᠭᠠᠨ
ᠳᠡᠭᠡᠳᠤ ᠨᠤᠳᠤᠭ ᠤᠨ ᠳᠦᠰᠢᠭ᠌ ᠪᠣᠯᠤᠭᠰᠠᠨ
ᠳᠠᠪᠠᠭᠠ ᠴᠠᠭᠠᠨ ᠥᠡᠳᠦᠷ ᠡᠴᠡ ᠥᠡᠳᠦᠷ ᠡ
ᠳᠠᠷᠪᠠᠨ ᠨᠢᠰᠦᠭᠡᠳ ᠥᠰᠦᠷᠴᠤ ᠪᠠᠭᠤᠬᠤ ᠳ᠋ᠤ
ᠳᠡᠭ᠍ᠳᠡᠭᠡᠭᠡᠢ ᠰᠢᠪᠠᠭᠤ ᠰᠢᠭ᠌ ᠳᠡᠭ᠍ᠳᠡᠮᠡᠷ ᠳᠡᠭ᠍ᠳᠡᠮᠡᠷ ᠡ
ᠳᠠᠪᠤᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠳᠠᠪᠤᠨ ᠳ᠋ᠤ
ᠳᠠᠪᠣ ᠠᠷᠪᠠᠭᠤᠯᠠ ᠭᠦᠷᠦᠭᠡᠳ ᠤᠴᠢᠳᠠᠭ
ᠳᠠᠭᠢᠶᠠ ᠶᠢᠨ ᠥᠡᠳᠦᠭᠡ ᠥᠩᠭᠦᠷᠢᠭᠦᠯᠤᠨ ᠪᠠᠢ᠌ᠵᠤ
ᠳᠡᠭ᠍ᠷᠢ ᠪᠣᠷᠬᠠᠨ ᠡᠴᠡ ᠠᠪᠣᠷᠠᠯ ᠭᠤᠶᠤᠳᠠᠭ
ᠳᠡᠯᠡᠭᠡᠢ ᠠᠭᠤᠳᠠᠮ ᠭᠡᠭᠦᠳᠡᠩ ᠴᠡᠭᠡᠵᠢ ᠵᠢ
ᠳᠠᠪᠠᠭᠠ ᠴᠠᠭᠠᠨ ᠤᠯᠭᠤᠭᠰᠠᠨ ᠪᠢᠵᠠ ᠳ᠋ᠠ
ᠳᠠᠯᠠᠢ ᠭᠦᠨ ᠳᠠᠩᠰᠤᠭ ᠠᠮᠢᠳᠤᠷᠠᠯ ᠢ
ᠳᠠᠪᠠᠭᠠ ᠴᠠᠭᠠᠨ ᠭᠦᠷᠳᠡᠭᠡᠭ᠍ᠰᠡᠨ ᠪᠢᠵᠠ ᠳ᠋ᠠ
ᠢᠭᠢᠷᠡ ᠨᠠᠭᠤᠷ
ᠬᠠᠭ ᠤᠨ ᠡᠦᠰᠤ᠂ ᠬᠤᠮᠤᠭ ᠤᠨ ᠤᠰᠤ ᠭᠡᠭᠦ
ᠬᠠᠨᠢᠯᠠᠭᠰᠠᠨ ᠬᠤᠶᠠᠷ ᠨᠠᠭᠤᠷ
ᠬᠠᠢ᠌ᠷᠠᠳᠠᠢ ᠨᠤᠳᠤᠭ ᠤᠨ ᠮᠠᠯᠮᠠᠢ ᠰᠢᠭ᠌
ᠬᠠᠷᠠᠳᠠᠢ ᠬᠤᠨᠤᠭ ᠢ ᠳᠤᠭᠤᠯᠠᠭᠰᠠᠭᠠᠷ ᠢᠷᠠᠪᠠ
ᠬᠠᠮᠤᠭ ᠪᠠᠶᠠ ᠶᠢᠨ ᠬᠠᠷᠠ ᠪᠣᠷᠳᠤᠭ ᠡᠴᠡ
ᠬᠠᠮᠠᠷ ᠤᠨ ᠨᠢᠰᠤ᠂ ᠬᠠᠠᠴᠤᠢ ᠶᠢᠨ ᠊ᠭ᠍ᠬᠢᠷ ᠭᠦᠷᠳᠡᠯᠡ
ᠬᠠᠯᠠᠭᠤᠨ ᠪᠣᠯᠠᠭ ᠶᠢᠡᠷ ᠶᠢᠡᠨ ᠷᠠᠰᠢᠶᠠᠯᠠᠵᠤ
ᠬᠠᠷᠠᠮᠨᠠᠯ ᠥᠭᠡᠢ ᠤᠬᠢᠶᠠᠭᠰᠠᠭᠠᠷ ᠢᠷᠠᠪᠠ
ᠬᠠᠭ ᠤᠨ ᠤᠰᠤ ᠶᠢᠨ ᠵᠢᠭᠠᠰᠤ ᠵᠢᠷᠭᠠᠬᠠᠢ
ᠬᠠᠯᠢᠨ ᠱᠤᠩᠪᠠᠯᠳᠠ ᠶᠢ ᠵᠢᠭᠠᠭᠰᠠᠨ ᠶᠤᠮᠰᠢᠭ
ᠬᠤᠮᠤᠭ ᠤᠨ ᠤᠰᠤ ᠶᠢᠨ ᠬᠠᠷᠠᠭᠤ ᠨᠤᠭᠤᠰᠤ
ᠬᠤᠯᠭᠢᠨ ᠤᠮᠪᠠᠯᠳᠡ ᠶᠢ ᠰᠤᠷᠭᠠᠭᠰᠠᠨ ᠶᠤᠮᠰᠢᠭ
ᠬᠠᠨᠢ ᠨᠠᠢ᠌ᠵᠠ ᠲᠡᠶ ᠪᠠᠨ ᠪᠦᠯᠭᠦᠮᠳᠡᠨ ᠨᠢᠭᠡᠳᠭᠦ ᠵᠢ
ᠬᠠᠭ ᠤᠨ ᠭᠠᠯᠠᠭᠤᠳ ᠮᠡᠳᠡᠭᠦᠯᠦᠭ᠍ᠰᠡᠨ ᠶᠤᠮᠰᠢᠭ
ᠬᠤᠪᠢᠷᠠᠰᠢ ᠥᠭᠡᠢ ᠳᠠᠮᠠᠴᠠᠯ ᠤᠨ ᠡᠷᠴᠢ ᠵᠢ
ᠬᠤᠮᠤᠭ ᠤᠨ ᠬᠠᠪᠳᠠᠭᠠᠯᠵᠢ ᠰᠤᠶᠤᠷᠬᠠᠭᠰᠠᠨ ᠶᠤᠮᠰᠢᠭ
ᠳᠡᠭᠡᠳᠦᠰ ᠤᠨ ᠪᠠᠷᠠ
ᠡᠷᠡᠮᠳᠤ ᠶᠢᠨ ᠡᠭᠢᠨ ᠤ ᠡᠪᠦᠭᠡᠵᠢᠶᠡᠷ ᠬᠠᠢ᠌ᠯᠠᠰᠤ ᠵᠢ
ᠡᠴᠡᠩᠭᠡᠢ ᠡᠪᠦᠭᠡ ᠶᠢᠨ ᠪᠠᠷᠠ ᠭᠡᠵᠤ ᠪᠣᠳᠤᠳᠠᠭ
ᠡᠷᠪᠠᠢ᠌ᠭ᠍ᠰᠡᠨ ᠭᠡᠳᠤᠨ ᠰᠠᠯᠠᠭᠠ ᠨᠠᠮᠠᠭᠠ ᠨᠢ
ᠡᠯᠡᠭ᠍ᠳᠡᠵᠤ ᠰᠢᠩᠭᠡᠷᠡᠭ᠍ᠰᠡᠨ ᠰᠠᠬᠠᠯ ᠶᠤᠮ ᠭᠡᠵᠤ ᠪᠣᠳᠤᠳᠠᠭ
ᠨᠠᠷᠢᠳ ᠤᠨ ᠡᠩᠭᠡᠷ ᠤᠨ ᠭᠦᠭ᠍ᠰᠢᠷᠡᠮᠡᠯ ᠤᠳᠡ ᠵᠢ
ᠨᠠᠰᠤᠳᠠᠨ ᠡᠮᠡᠭᠡ ᠶᠢᠨ ᠪᠠᠷᠠ ᠭᠡᠵᠤ ᠪᠣᠳᠤᠳᠠᠭ
ᠨᠠᠰᠢᠯᠠᠵᠤ ᠤᠷᠭᠤᠭᠰᠠᠨ ᠨᠢᠭᠡ ᠰᠠᠯᠠᠭᠠ ᠨᠢ
ᠨᠠᠮᠠ ᠶᠢ ᠰᠠᠷᠠᠪᠴᠢᠯᠠᠬᠤ ᠭᠠᠷ ᠶᠤᠮ ᠭᠡᠵᠤ ᠪᠣᠳᠤᠳᠠᠭ
ᠠᠢ᠌ᠯ ᠶᠢᠠᠨ ᠰᠠᠭᠢᠭᠰᠠᠨ ᠪᠠᠳᠤᠴᠠᠭᠠᠨ ᠢ
ᠠᠴᠢᠳᠤ ᠠᠪᠣ ᠶᠢᠨ ᠪᠠᠷᠠ ᠭᠡᠵᠤ ᠪᠣᠳᠤᠳᠠᠭ
ᠠᠴᠢᠨᠠᠷ ᠬᠡᠦᠬᠡᠳ ᠶᠢᠡᠨ ᠡᠩᠭᠡᠵᠢᠭᠦᠯᠭᠦ ᠶᠢᠨ ᠳᠦᠯᠦᠭᠡ
ᠠᠯᠵᠢᠶᠠᠷᠠᠯ ᠥᠭᠡᠢ ᠮᠠᠨᠠᠵᠤ ᠪᠠᠢ᠌ᠨᠠ ᠭᠡᠵᠤ ᠪᠣᠳᠤᠳᠠᠭ
ᠡᠷᠦᠭᠡ ᠶᠢᠨ ᠳᠡᠷᠭᠡᠳᠡᠭᠢ ᠴᠠᠭᠠᠨ ᠬᠤᠠᠳᠠᠷ ᠢ
ᠡᠨᠡᠷᠢᠯᠳᠤ ᠡᠵᠢ ᠶᠢᠨ ᠪᠠᠷᠠ ᠭᠡᠵᠤ ᠪᠣᠳᠤᠳᠠᠭ
ᠡᠳᠦᠷᠵᠢᠨ ᠰᠦᠨᠢᠵᠢᠨ ᠤᠶᠡᠷᠡᠯ ᠤᠨ ᠨᠢᠳᠦᠯᠡᠭᠡᠳ
ᠡᠩᠭᠦᠷᠡᠢ ᠥᠷᠡ ᠪᠠᠨ ᠰᠠᠨᠠᠵᠤ ᠪᠠᠢ᠌ᠨᠠ ᠭᠡᠵᠤ ᠪᠣᠳᠤᠳᠠᠭ
2009-5-9 ᠲᠦᠩᠯᠢᠶᠤᠤ ᠬᠤᠳᠠᠨᠠ
ᠵᠤᠬᠢᠶᠠᠭᠴᠢ᠄ ᠬᠠᠨ ᠵᠢᠷᠤᠮᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3091
ᠴᠠᠭ᠄ 2009 ᠤᠨ ᠤ 05 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ