ᠡᠭᠦᠯᠡᠨ ᠳᠤ ᠱᠠᠳᠤᠯᠠᠬᠤ ᠳᠡᠭ᠍ᠵᠢᠩᠭᠡᠨ ᠭᠦᠰᠡᠯ

ᠡᠩᠭᠡᠵᠢᠨ ᠳᠦᠯᠵᠢᠭᠦ ᠣᠬᠠᠭ᠎ᠠ ᠮᠢᠨᠢ ᠪᠠᠢ᠌ᠵᠠᠢ

ᠡᠷᠢᠭ᠍ᠳᠡᠨ ᠪᠣᠳᠤᠭᠳᠠᠬᠤ ᠠᠯᠢᠶᠠᠬᠠᠨ ᠨᠠᠰᠤ

ᠡᠭᠡᠨᠡᠭ᠍ᠳᠡ ᠳᠠᠢ᠌ᠪᠣᠰᠢᠷᠠᠬᠤ ᠵᠠᠢ ᠮᠢᠨᠢ ᠪᠠᠢ᠌ᠵᠠᠢ

ᠡᠨᠡ ᠪᠦᠭᠦᠨ ᠢ ᠵᠤᠯᠳᠠᠢ᠌ᠬᠠᠨ ᠬᠤᠪᠢᠳᠠᠬᠤ ᠳᠤ

ᠡᠨᠡᠷᠢᠯ ᠬᠠᠢ᠌ᠷ᠎ᠠ ᠪᠠᠷ ᠶᠢᠡᠨ ᠣᠭᠵᠢᠵᠤ ᠥᠰᠭᠡᠭ᠍ᠰᠡᠨ

ᠡᠵᠢ ᠠᠪᠣ ᠬᠤᠶᠠᠷ ᠮᠢᠨᠢ

ᠠᠯᠢ ᠨᠢ ᠴᠤ ᠳᠤᠳᠠᠵᠤ ᠪᠣᠯᠳᠠᠭ ᠦᠭᠡᠶ

ᠡᠩᠭᠡᠷ ᠤᠨ ᠬᠤᠶᠠᠷ ᠳᠤᠪᠴᠢ ᠪᠢᠯᠠ᠃

ᠡᠯᠢᠭᠡ ᠪᠠᠨ ᠣᠷᠠᠮ᠎ᠠ ᠬᠠᠯᠠᠭᠤᠴᠠᠵᠤ ᠳᠠᠪᠴᠢᠭᠤᠷᠠᠬᠤ ᠳᠤ

ᠡᠪᠯᠢᠭ᠌ ᠮᠤᠩᠭ᠋ᠤᠯ ᠳᠡᠷᠯᠢᠭ᠌ ᠤᠨ ᠮᠢᠨᠢ

ᠡᠩᠭᠡᠷ ᠢ ᠨᠢ ᠵᠠᠳᠠᠭᠠᠢ᠌ᠯᠠᠵᠤ ᠰᠡᠷᠢᠭᠦᠴᠡᠭᠦᠯᠳᠡᠭ᠌

ᠡᠷᠳᠡ ᠶᠢᠨ ᠵᠢᠭᠡᠭᠦᠨ ᠳᠤ ᠵᠢᠩᠭᠢᠨᠡᠭᠦ ᠡᠴᠡ ᠭᠢᠴᠢᠶᠠᠨ

ᠡᠪᠴᠢᠭᠦᠨ ᠪᠠᠶ᠎ᠠ ᠶᠢ ᠮᠢᠨᠢ ᠪᠠᠭᠢᠯᠠᠵᠤ ᠶᠠᠪᠣᠳᠠᠭ

ᠡᠩᠭᠡᠷ ᠤᠨ ᠬᠤᠶᠠᠷ ᠳᠤᠪᠴᠢ ᠯᠠ

ᠡᠪᠦᠯ ᠵᠤᠨ ᠬᠠᠪᠣᠷ ᠨᠠᠮᠤᠷ ᠭᠡᠵᠤ

ᠡᠷᠭᠢᠭᠦ ᠪᠦᠮᠪᠦᠷᠴᠡᠭ᠌ ᠲᠤ ᠣᠯᠠᠷᠢᠯ ᠡᠭᠡᠯᠵᠢᠯᠡᠳᠡᠭ᠌ ᠦᠭᠡᠶ

ᠡᠷᠪᠠᠢ ᠪᠠᠶ᠎ᠠ ᠶᠢ ᠰᠠᠭᠢᠵᠤ ᠰᠠᠭᠤᠳᠠᠭ

ᠡᠵᠢ ᠠᠪᠣ ᠶᠢᠨ ᠮᠢᠨᠢ ᠥᠮᠦᠭ᠍‍ᠭᠡᠨ ᠬᠠᠢ᠌ᠷ᠎ᠠ ᠶᠢ

ᠡᠷ᠎ᠡ ᠨᠠᠰᠤᠨ ᠳᠤ ᠮᠢᠨᠢ ᠬᠠᠳᠠᠵᠤ ᠪᠠᠢ᠌ᠨ᠎ᠠ ᠡ ︕

ᠡᠩᠭᠡᠷ ᠤᠨ ᠬᠤᠶᠠᠷ ᠳᠤᠪᠴᠢ ᠣᠨᠠᠬᠤ ᠡᠴᠡ ᠢᠯᠡᠭᠦᠤ

ᠡᠨᠡ ᠳᠡᠯᠡᠭᠡᠢ ᠳᠤ ᠵᠤᠪᠠᠯᠠᠩ ᠭᠡᠵᠤ ᠠᠯᠠᠭ᠎ᠠ ᠪᠢᠯᠠ ︕

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ ᠄ ᠨᠢ᠋ᠮᠠᠨ ᠬᠤᠰᠢᠭᠤᠨ ᠤ ᠣᠰᠤᠨ ᠤ ᠶᠠᠪᠣᠳᠠᠯ ᠤᠨ ᠳᠤᠪᠴᠢᠶ᠎ᠠ