☆ ᠳᠠᠪᠬᠤᠷᠪᠠᠶᠠᠷ
ᠭᠦᠳᠡᠭᠡ ᠶᠢᠨ ᠰᠠᠢ᠌ᠬᠠᠨ ᠱᠤᠩ ᠳᠡᠭᠡᠷᠡ ᠡᠴᠡ
ᠨᠠᠮᠠ ᠶᠢ ᠪᠠᠭᠠ ᠪᠠᠢ᠌ᠬᠤ ᠳᠤ ᠮᠠᠨ ᠤ ᠨᠤᠳᠤᠭ ᠤᠨ ᠠᠢ᠌ᠯ ᠪᠣᠯᠭᠠᠨ ᠤ ᠡᠭᠦᠳᠡᠨ ᠵᠠᠮ ᠡᠴᠡ ᠵᠠᠢ᠌ᠳᠠᠭᠤᠬᠠᠨ ᠪᠠᠢ᠌ᠷᠢ ᠠᠪᠴᠤ ᠱᠤᠩ ᠪᠠᠢ᠌ᠳᠠᠭ᠃ ᠱᠤᠩ ᠭᠡᠳᠡᠭ᠌ ᠨᠢ ᠣᠨᠤᠵᠤ ᠭᠡᠷᠡᠭᠯᠡᠳᠡᠭ᠌ ᠠᠭᠳᠠ ᠮᠤᠷᠢ ᠪᠣᠶᠤ ᠭᠦᠯᠦᠰᠢᠨ ᠳᠤ ᠵᠠᠷᠤᠳᠠᠭ ᠱᠠᠷ ᠶᠢᠡᠨ ᠣᠶᠠᠵᠤ ᠠᠮᠠᠷᠠᠭᠤᠯᠬᠤ ᠪᠠᠷ ᠪᠣᠰᠬᠠᠭᠰᠠᠨ ᠮᠤᠳᠤ ᠶᠤᠮ᠃ ᠶᠠᠷᠤ ᠳᠤ ᠪᠠᠨ ᠮᠤᠷᠤᠢ ᠣᠷᠭᠤᠭᠰᠠᠨ ᠰᠠᠯᠠᠭᠠ ᠣᠯᠠᠨ ᠲᠡᠶ ᠬᠠᠢ᠌ᠯᠠᠰᠤ ᠴᠠᠷᠠᠰᠤ ᠵᠡᠷᠭᠡ ᠶᠢ ᠪᠣᠯᠠᠵᠤ ᠪᠣᠰᠬᠠᠳᠠᠭ᠃ ᠨᠢᠭᠡ ᠱᠤᠩ ᠳᠡᠭᠡᠷᠡ ᠣᠯᠠᠨ ᠮᠤᠷᠢ ᠣᠨᠤᠭᠠ ᠣᠶᠠᠵᠤ ᠪᠣᠯᠳᠠᠭ᠃ ᠱᠤᠩ ᠣᠯᠠᠠᠳᠠᠢ ᠠᠢ᠌ᠯ ᠨᠢ ᠪᠠᠶᠠᠨ ᠠᠢ᠌ᠯ ᠪᠣᠯᠬᠤ ᠨᠢ ᠳᠠᠮᠵᠢᠭ ᠦᠭᠡᠶ᠃
ᠱᠤᠩ ᠳᠡᠭᠡᠷᠡ ᠶᠠᠮᠠᠷ ᠴᠤ ᠣᠨᠤᠭᠠ ᠶᠢ ᠪᠦᠷ ᠣᠶᠠᠵᠤ ᠪᠣᠯᠳᠠᠭ ᠴᠤ ᠪᠠᠯᠴᠢᠷ ᠦᠶᠡ ᠶᠢᠨ ᠮᠢᠨᠤ ᠣᠢ ᠪᠣᠳᠤᠯ ᠳᠤ ᠭᠦᠨ ᠰᠠᠭᠤᠭᠳᠠᠯ ᠥᠭ᠍ᠴᠤ ᠣᠳᠤ ᠪᠣᠯᠳᠠᠯᠠ ᠣᠶᠠᠭᠠᠨ ᠤ ᠱᠤᠩ ᠤᠨ ᠳᠤᠬᠠᠢ ᠣᠯᠠᠨ ᠶᠠᠭᠤᠮᠠ ᠪᠣᠳᠤᠭᠤᠯᠵᠤ ᠶᠠᠭᠤ ᠨᠢᠭᠡ ᠶᠢ ᠭᠡᠯᠡᠮᠡᠷ ᠪᠢᠴᠢᠮᠠᠷ ᠪᠣᠯᠭᠠᠳᠠᠭ ᠨᠢ ᠣᠷᠤᠰᠤᠮᠠ ᠵᠢᠷᠤᠭᠠ ᠭᠡᠭᠡᠷ᠂ ᠣᠷᠤᠯᠳᠤᠭᠠᠨ ᠤ ᠮᠡᠡᠭᠯᠡᠢ ᠭᠦᠯᠦᠭ᠌ ᠣᠮᠤᠭᠯᠠᠩ ᠳᠡᠪᠭᠡᠴᠡᠭᠦᠯᠦᠭ᠍ᠰᠡᠨ ᠮᠢᠨᠤ ᠭᠡᠷ ᠤᠨ ᠡᠮᠦᠨᠡᠭᠢ ᠮᠤᠷᠢᠨ ᠱᠤᠩ ᠪᠣᠯᠬᠤ ᠶᠤᠮ᠃ ᠨᠢᠭᠡ ᠪᠤᠳᠦᠬᠤ ᠡᠴᠡ ᠱᠤᠩ ᠭᠡᠵᠤ ᠮᠢᠩᠭ᠋ᠠ ᠰᠠᠯᠠᠭᠠᠯᠠᠵᠤ ᠲᠦᠮᠡ ᠮᠥᠴᠢᠷᠯᠡᠭ᠍ᠰᠡ ᠮᠤᠠᠳᠠᠭ ᠶᠡᠭᠡ ᠮᠤᠩᠭ᠋ᠤᠯ ᠰᠤᠶᠤᠯ ᠤᠨ ᠱᠠᠩᠰᠢ ᠶᠢᠨ ᠢᠳᠡᠷᠡᠭᠦᠨ ᠣᠷᠭᠤᠭᠰᠠᠨ ᠮᠦᠴᠢᠷ ᠨᠢᠭᠡᠨ ᠪᠠᠢ᠌ᠭᠠ ︕
ᠱᠤᠩ᠂ ᠳᠡᠭᠡᠳᠦᠰ ᠤᠨ ᠮᠢᠨᠢ ᠣᠷᠢ ᠣᠬᠠᠭᠠᠨ ᠤ ᠳᠦᠷᠤᠳᠠᠰᠤ᠂ ᠮᠤᠩᠭ᠋ᠤᠯ ᠰᠤᠶᠤᠯ ᠤᠨ ᠮᠢᠨᠢ ᠪᠣᠰᠤᠭᠠ ᠳᠡᠮᠳᠡᠭ᠌ ︕
ᠱᠤᠩ᠂ ᠭᠠᠵᠠᠷ ᠡᠴᠡ ᠪᠠᠨ ᠪᠣᠰᠤᠭᠰᠠᠨ ᠡᠷᠡ ᠭᠦᠮᠤᠨ ᠤ ᠨᠢᠭᠡᠨ ᠰᠠᠨᠠᠭᠠ᠂ ᠳᠡᠭ᠍ᠷᠢ ᠳᠤ ᠪᠠᠨ ᠵᠥᠭᠯᠡᠭ᠍ᠰᠡᠨ ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠨᠢᠭᠡᠨ ᠣᠬᠠᠭᠠ ᠪᠣᠶᠤ ︕ ᠭᠦᠳᠡᠭᠡ ᠶᠢᠨ ᠰᠠᠢ᠌ᠬᠠᠨ ᠠᠮᠢᠳᠤᠷᠠᠯ ᠱᠤᠩ ᠳᠡᠭᠡᠷᠡ ᠡᠴᠡ ᠡᠭᠢᠯᠡᠳᠡᠭ᠌᠂ ᠭᠦᠳᠡᠭᠡ ᠶᠢᠨ ᠰᠠᠢ᠌ᠬᠠᠨ ᠪᠦᠭᠦᠨ ᠱᠤᠩ ᠶᠢᠡᠨ ᠳᠤᠭᠤᠷᠢᠨ ᠳᠡᠯᠭᠡᠷᠡᠳᠡᠭ᠌᠃
ᠬᠤᠯᠠ ᠶᠠᠪᠣᠭᠰᠠᠨ ᠠᠪᠣ ᠮᠢᠨᠢ ᠰᠠᠨᠠᠭᠠ ᠶᠠᠭᠠᠷᠠᠭᠤᠯᠤᠨ ᠪᠣᠴᠠᠬᠤ ᠳᠤ ᠪᠠᠨ ᠱᠤᠩ ᠶᠢᠡᠨ ᠵᠥᠭᠯᠡᠨ ᠳᠠᠪᠭᠢᠳᠠᠭ᠃ ᠬᠤᠷᠳᠤᠨ ᠭᠡᠭᠡᠷ ᠲᠡᠶ ᠭᠦᠡᠳᠦᠳᠤ ᠵᠤᠴᠢᠨ ᠱᠤᠩ ᠳᠡᠭᠡᠷᠡ ᠢᠨᠢᠶᠡᠭ᠍ᠰᠡᠭᠡᠷ ᠪᠠᠭᠤᠳᠠᠭ᠃ ᠬᠤᠯᠠ ᠶᠢᠨ ᠰᠤᠷᠠᠭ ᠭᠦᠷᠭᠡᠳᠡᠭ᠌ ᠰᠢᠤᠳᠠᠠᠴᠢ ᠱᠤᠩ ᠳᠡᠭᠡᠷᠡ ᠶᠠᠭᠠᠷᠠᠭᠰᠠᠭᠠᠷ ᠢᠷᠡᠳᠡᠭ᠌᠃ ᠮᠠᠨᠠᠭᠠᠨ ᠳᠤ ᠶᠠᠪᠣᠭᠰᠠᠨ ᠠᠬᠠ ᠱᠤᠩ ᠳᠡᠭᠡᠷᠡ ᠪᠠᠨ ᠢᠰᠭᠢᠷᠦᠭ᠍ᠰᠡᠭᠡᠷ ᠪᠣᠴᠠᠳᠠᠭ ᠁ ᠡᠳᠡᠭᠡᠷ ᠪᠣᠯ ᠮᠢᠨᠤ ᠪᠣᠷᠠᠮ ᠰᠢᠭ ᠠᠮᠳᠠᠳᠠᠢ ᠪᠠᠯᠴᠢᠷ ᠠᠬᠤᠢ ᠶᠢᠨ ᠰᠤᠯᠤᠩᠭ᠋ᠠᠨ ᠥᠩᠭᠡᠳᠡᠢ ᠵᠡᠭᠦᠳᠤᠨ ᠵᠢᠷᠤᠭ ᠪᠠᠢ᠌ᠭᠠ ︕
ᠱᠤᠩ ᠳᠡᠭᠡᠷᠡ ᠮᠤᠷᠢᠳᠠᠢ ᠠᠪᠣ ᠮᠢᠨᠢ ᠪᠠᠭᠤᠬᠤ ᠰᠠᠢ᠌ᠬᠠᠨ᠃
ᠬᠠᠷᠠᠭᠠ ᠶᠢ ᠮᠢᠨᠢ ᠴᠢᠳᠦᠷᠯᠡᠭ᠍ᠰᠡ ᠨᠠᠮᠬᠠᠨ ᠪᠣᠷᠤ ᠭᠦᠳᠦᠯ ᠳᠠᠪᠠᠨ ᠬᠠᠨᠠᠢ᠌ᠭᠰᠠᠭᠠᠷ ᠰᠠᠨᠠᠭᠠ ᠪᠣᠯᠤᠭᠰᠠᠨ ᠡᠵᠢ ᠶᠢᠨ ᠮᠢᠨᠢ ᠭᠢᠩᠰᠢᠭ᠍ᠰᠡᠨ ᠰᠡᠳᠭᠢᠯ ᠢ ᠨᠠᠮᠳᠠᠭᠤᠯᠤᠭᠰᠠᠭᠠᠷ ᠬᠤᠨᠤᠭ ᠣᠳᠠᠭᠰᠠᠨ ᠬᠠᠢ᠌ᠷᠠ ᠪᠠᠨ ᠳᠡᠩᠨᠡᠭᠦᠯᠤᠨ ᠠᠴᠢᠭᠰᠠᠭᠠᠷ ᠬᠤᠯᠠ ᠶᠠᠪᠣᠭᠰᠠᠨ ᠠᠪᠣ ᠮᠢᠨᠢ ᠬᠠᠭᠤᠴᠢᠷᠠᠵᠤ ᠡᠯᠡᠭ᠍ᠳᠡᠭ᠍ᠰᠡᠨ ᠬᠠᠢ᠌ᠯᠠᠰᠤᠨ ᠱᠤᠩ ᠳᠡᠭᠡᠷᠡ ᠪᠠᠨ ᠰᠠᠵᠢᠯᠠᠨ ᠪᠠᠭᠤᠬᠤ ᠰᠠᠢ᠌ᠬᠠᠨ᠂ ᠬᠠᠯᠠᠭᠤ ᠳᠦᠭᠡᠨᠡᠭ᠍ᠰᠡᠨ ᠭᠡᠷ ᠪᠦᠯᠢ ᠪᠦᠷᠢᠳᠦᠭᠦ ᠰᠠᠢ᠌ᠬᠠᠨ ᠡ ︕
ᠱᠤᠩ ᠳᠡᠭᠡᠷᠡ ᠮᠤᠷᠢᠳᠠᠢ ᠠᠬᠠ ᠮᠢᠨᠢ ᠪᠠᠭᠤᠬᠤ ᠰᠠᠢ᠌ᠬᠠᠨ᠃
ᠠᠷᠠᠤᠨ ᠤᠨ ᠳᠠᠭᠤᠤ ᠶᠢᠨ ᠰᠢᠷᠤᠩᠬᠠᠢ ᠣᠷᠳᠤᠯᠠᠭᠰᠠᠭᠠᠷ ᠮᠠᠨᠠᠭᠠᠨ ᠳᠤ ᠶᠠᠪᠣᠭᠰᠠᠨ ᠠᠬᠠ ᠮᠢᠨᠢ ᠱᠤᠩ ᠳᠡᠭᠡᠷᠡ ᠪᠠᠨ ᠢᠰᠭᠢᠷᠦᠭ᠍ᠰᠡᠭᠡᠷ ᠪᠣᠴᠠᠨᠠ᠃ ᠮᠠᠠᠳᠤᠬᠤ ᠨᠠᠷᠠᠨ ᠠᠭᠳᠠ ᠲᠡᠶ ᠨᠢ ᠣᠭᠢᠶᠠᠭᠰᠠᠭᠠᠷ ᠭᠦᠭᠡᠷᠦᠨᠡ᠃ ᠠᠮᠢᠳᠤᠷᠠᠯ ᠰᠤᠨᠢᠶᠠᠭᠰᠠᠭᠠᠷ ᠪᠣᠰᠤᠨᠠ᠃ ᠮᠠᠷᠭᠠᠰᠢ ᠪᠢᠳᠠ ᠬᠤᠶᠠᠷ ᠢᠨᠢᠶᠡᠭ᠍ᠰᠡᠭᠡᠷ ᠬᠤᠪᠴᠠᠰᠤᠯᠠᠨᠠ ᠁
ᠱᠤᠩ ᠳᠡᠭᠡᠷᠡ ᠮᠤᠷᠢᠳᠠᠢ ᠵᠤᠴᠢᠨ ᠪᠠᠭᠤᠬᠤ ᠰᠠᠢ᠌ᠬᠠᠨ᠃
ᠠᠢ᠌ᠯ ᠪᠠᠢ᠌ᠬᠤ ᠶᠢᠨ ᠳᠡᠮᠳᠡᠭ᠌ ᠭᠡᠯᠳᠡᠢ᠂ ᠠᠮᠢᠳᠤᠷᠠᠯ ᠪᠣᠰᠬᠤ ᠶᠢᠨ ᠪᠠᠯᠭᠡ ᠭᠡᠯᠳᠡᠢ᠃ ᠠᠭᠳᠠ ᠶᠢᠨ ᠱᠤᠩ ᠳᠡᠭᠡᠷᠡ ᠠᠯᠠᠭ ᠱᠠᠭᠠᠵᠠᠭᠠᠢ ᠨᠠᠷᠠᠨ ᠤ ᠳᠠᠭᠤᠨ ᠶᠢᠡᠷ ᠱᠠᠭᠰᠢᠬᠤ ᠳᠤ ᠡᠪᠠᠢ ᠬᠠᠯᠠᠭ ᠭᠡᠭᠦ ᠡᠮᠧ ᠶᠢᠨ ᠪᠠᠯᠠᠩᠴᠠᠯ ᠲᠡᠶ ᠦᠨᠦᠳᠤᠷ ᠡᠭᠢᠯᠡᠵᠤ ᠠᠮᠢᠳᠤᠷᠠᠯ ᠰᠥᠯᠡᠭ᠍ᠳᠡᠨᠡ᠃ ᠮᠤᠷᠢ ᠲᠡᠶ ᠵᠤᠴᠢᠨ ᠣᠳᠠᠵᠤ ᠳᠦᠳᠠᠯ ᠦᠭᠡᠶ ᠡᠮᠧ ᠶᠢᠨ ᠰᠤᠪᠢᠨ ᠲᠡᠶ ᠬᠠᠮᠳᠤ ᠱᠤᠩ ᠳᠡᠭᠡᠷᠡ ᠪᠠᠭᠤᠨᠠ᠃ ᠠᠮᠤᠷ ᠦᠦ ︖᠂ ᠰᠠᠢ᠌ᠨ ᠦᠦ ︖ ᠮᠠᠠᠳᠤ ᠪᠠᠨ ᠮᠡᠳᠡᠯᠴᠡᠭᠡᠳ ᠪᠠᠭᠤᠬᠤ ᠳᠤ ᠰᠢᠷᠢᠨ ᠭᠦᠯᠢᠮ ᠰᠢᠯᠭᠡᠰᠭᠢᠵᠤ᠂ ᠰᠠᠠᠵᠢᠳᠠᠢ ᠳᠦᠷᠦᠭᠡ ᠬᠠᠩᠭᠢᠰ ᠠᠯᠳᠠᠨ ᠰᠡᠳᠭᠢᠯ ᠤᠨ ᠪᠠᠬᠠ ᠳᠠᠪᠢᠳᠠᠷ ᠠᠯᠳᠠᠨ ᠭᠦᠳᠡᠭᠡ ᠶᠢᠨ ᠰᠠᠢ᠌ᠬᠠᠨ ᠭᠢᠯᠠᠰᠭᠢᠨᠠ ᠡ ︕
ᠱᠤᠩ ᠳᠡᠭᠡᠷᠡ ᠮᠤᠷᠢᠳᠠᠢ ᠰᠤᠨᠢᠨ ᠪᠠᠭᠤᠬᠤ ᠰᠠᠢ᠌ᠬᠠᠨ᠃
ᠦᠴᠦᠭᠡᠳᠦᠷ ᠤᠨ ᠰᠤᠨᠢᠨ ᠢ ᠪᠣᠭᠴᠤ ᠳᠦᠭᠦᠷᠡᠩ ᠰᠠᠪᠠᠯᠠᠭᠰᠠᠭᠠᠷ ᠦᠨᠦᠳᠤᠷ ᠤᠨ ᠰᠠᠢ᠌ᠬᠠᠨ ᠢ ᠨᠢᠭᠤᠷ ᠳᠦᠭᠦᠷᠡᠩ ᠣᠴᠢᠷᠯᠠᠭᠰᠠᠭᠠᠷ ᠮᠠᠷᠭᠠᠰᠢ ᠶᠢᠨ ᠣᠬᠠᠭᠠᠨ ᠢ ᠮᠠᠯᠮᠠᠢ ᠳᠦᠭᠦᠷᠡᠩ ᠳᠤᠶᠠᠭᠠᠷᠠᠭᠤᠯᠤᠭᠰᠠᠭᠠᠷ ᠮᠤᠩᠭ᠋ᠤᠯ ᠰᠤᠨᠢᠨ ᠮᠢᠨᠢ ᠱᠤᠩ ᠳᠡᠭᠡᠷᠡ ᠪᠠᠭᠤᠬᠤ ᠳᠤ ᠪᠣᠰᠤᠭᠠ ᠠᠶᠠᠯᠭᠤ ᠭᠦᠩᠭᠢᠨᠡᠰᠭᠢᠨ ᠪᠠᠭᠤᠴᠠ ᠭᠡᠷ ᠴᠠᠯᠭᠢᠰᠭᠢᠨ ᠦᠪ ᠰᠤᠶᠤᠯ ᠦᠨᠳᠠᠰᠭᠢᠨᠠ᠃
ᠱᠤᠩ ᠳᠡᠭᠡᠷᠡ ᠮᠤᠷᠢᠳᠠᠢ ᠪᠠᠭᠤᠬᠤ ᠰᠠᠢ᠌ᠬᠠᠨ ᠪᠠᠢ᠌ᠭᠰᠠᠨ᠂ ᠰᠠᠢ᠌ᠬᠠᠨ ᠯᠠ ᠪᠠᠢ᠌ᠭᠰᠠᠨ ᠡ ᠁
ᠠᠷᠭᠤᠮᠠᠭ ᠭᠦᠯᠦᠭ᠌ ᠳᠡᠪᠭᠡᠴᠡᠳᠡᠭ᠌ ᠠᠢ᠌ᠯ ᠤᠳ ᠤᠨ ᠱᠤᠩ ᠳᠡᠭᠡᠷᠡ ᠠᠠᠵᠢᠰᠤᠨ ᠤ ᠨᠤᠮᠤᠬᠠᠨ ᠱᠠᠷ ᠭᠢᠪᠢᠳᠡᠭ᠌ ᠪᠣᠯᠤᠭᠰᠠᠨ ᠨᠢ ᠭᠡᠵᠢᠶᠡᠨ ᠡᠴᠡ ᠪᠣᠯᠤᠭᠰᠠᠨ ᠨᠢ ᠳᠠᠭ ᠮᠠᠷᠳᠠᠭᠳᠠᠵᠠᠢ᠃ ᠪᠣᠳᠤᠬᠤ ᠶᠢᠨ ᠵᠤᠷᠢᠭ ᠭᠦᠷᠭᠦ ᠦᠭᠡᠶ ᠶᠠᠭ ᠮᠠᠷᠳᠠᠭᠳᠠᠵᠠᠢ ᠡ ︕ ᠨᠢᠭᠡ ᠪᠣᠳᠤᠪᠠᠯ ᠠᠰᠬᠠ ᠬᠠᠳᠠ ᠰᠢᠭ ᠳᠦᠰᠢᠭ᠌ ᠠᠪᠣ ᠶᠢᠨ ᠮᠢᠨᠢ ᠨᠢ᠌ᠷᠤᠭᠤ ᠪᠦᠭ᠍ᠳᠥᠢᠵᠤ ᠡᠮᠨᠢᠭ᠌ ᠰᠤᠷᠳᠠᠭ ᠠᠬᠠ ᠶᠢᠨ ᠮᠢᠨᠢ ᠠᠭᠠᠰᠢ ᠠᠷᠠᠯ ᠤᠨ ᠱᠠᠷ ᠶᠢᠡᠨ ᠰᠢᠭ ᠨᠤᠮᠤᠬᠠᠷᠠᠭᠰᠠᠨ ᠦᠶᠡ ᠪᠠᠢ᠌ᠵᠤ ᠳᠠᠭᠠᠷᠠᠨᠠ᠃ ᠣᠳᠤ ᠪᠣᠯᠬᠤ ᠳᠤ ᠠᠢ᠌ᠯ ᠤᠳ ᠤᠨ ᠱᠤᠩ ᠣᠷᠤ ᠮᠦᠷ ᠦᠭᠡᠶ ᠣᠰᠠᠳᠤᠨ ᠠᠷᠢᠯᠤᠭᠠᠤᠨ ᠣᠷᠤᠨ ᠳ᠋ᠤᠨᠢ ᠬᠠᠷᠢᠨ ᠡᠪᠳᠡᠷᠭᠡᠢ ᠪᠣᠯᠤ ᠡᠯᠡᠭ᠍ᠳᠡᠭ᠍ᠰᠡᠨ ᠬᠤᠰᠢᠭᠤ ᠭᠦᠭᠯᠡᠷᠡᠭᠦ ᠪᠣᠯᠵᠠᠢ᠃ ᠡᠷᠭᠢᠵᠤ ᠢᠷᠡᠭᠦ ᠦᠭᠡᠶ ᠡᠷᠡ ᠭᠦᠮᠤᠨ ᠤ ᠭᠤᠮᠤᠳᠠᠯ ᠡᠪᠦᠷᠯᠡᠭᠡᠳ ᠱᠤᠩ ᠤᠨ ᠬᠠᠢ᠌ᠯᠠᠰᠤ ᠴᠤ ᠣᠷᠭᠤᠬᠤ ᠪᠠᠨ ᠪᠣᠯᠢᠵᠠᠢ ᠡ ︕ ᠭᠦᠳᠡᠭᠡ ᠭᠡᠳᠡᠭ᠌ ᠳᠡᠭ᠍ᠷᠢᠯᠢᠭ᠌ ᠠᠪᠢᠶᠠ ᠬᠠᠵᠠᠭᠠᠢ ᠱᠤᠤᠭᠢᠯᠳᠤᠭᠠᠤᠨ ᠵᠢᠰᠤ ᠪᠠᠨ ᠠᠯᠳᠠᠵᠠᠢ ᠡ ︕
ᠭᠦᠳᠡᠭᠡ ᠶᠢᠨ ᠰᠠᠢ᠌ᠬᠠᠨ ᠱᠤᠩ ᠲᠡᠶ ᠪᠠᠨ ᠬᠠᠮᠢᠭᠠᠰᠢ ᠡᠴᠢᠪᠡ᠂ ᠬᠠᠮᠢᠭᠠᠰᠢ ᠡᠴᠢᠨᠡᠮ ︖
ᠭᠦᠳᠡᠭᠡ ᠶᠢᠨ ᠰᠠᠢ᠌ᠬᠠᠨ ᠱᠤᠩ ᠳᠡᠭᠡᠷᠡ ᠡᠴᠡ ᠡᠭᠢᠯᠡᠨᠡ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠲᠦᠰᠢᠶᠠᠳᠤ ᠶᠢᠨ ᠭᠦᠡᠳᠡᠯᠡᠨ
ᠵᠤᠬᠢᠶᠠᠭᠴᠢ᠄ ᠳᠠᠪᠬᠤᠷᠪᠠᠶᠠᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6135
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 15
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ