☆ ᠡᠰᠨᠢᠯ
ᠨᠤᠳᠤᠭ ᠤᠨ ᠡᠮᠵᠡᠭ᠍ᠭᠡᠨ ᠬᠠᠢ᠌ᠯᠠᠯ
1
ᠵᠤᠨ ᠤ ᠠᠭᠤᠷ ᠳᠤ
ᠵᠤᠪᠴᠠᠭᠠ ᠡᠴᠠ ᠪᠠᠨ ᠰᠠᠯᠳᠠᠭ ᠥᠭᠡᠢ
ᠮᠢᠨᠤ ᠨᠤᠳᠤᠭ ᠳᠤ
ᠣᠯᠠᠭᠠᠨ ᠨᠢᠴᠦᠭᠦᠨ ᠰᠠᠯᠭᠢ
ᠠᠭᠤᠯᠠᠰ ᠤᠨ ᠣᠷᠤᠢ ᠪᠠᠷ
ᠥᠭ᠍ᠰᠤᠨ ᠣᠷᠤᠭᠤᠳᠠᠨ ᠮᠥᠯᠭᠦᠨᠡ᠃
ᠬᠤᠷᠠ ᠭᠦᠰᠡᠭ᠍ᠰᠡᠨ
ᠬᠠᠯᠠᠭᠠᠢ ᠨᠤᠭᠤᠭᠠ
ᠬᠠᠩᠭ᠋ᠠᠢ ᠲᠦᠰᠢᠵᠤ ᠥᠡᠳᠡᠢ᠌ᠭᠦ ᠳ᠋ᠤ
ᠬᠠᠮᠬᠤᠤᠯ ᠪᠠ ᠠᠯᠠᠭᠳᠠᠭᠠ
ᠬᠠᠮᠳᠤ ᠳᠤ ᠨᠢ ᠮᠥᠩᠭᠡᠷᠡᠨᠡ᠃
ᠠᠭᠤᠯᠠ ᠪᠠᠨ ᠠᠯᠳᠠᠭᠰᠠᠨ ᠳᠠᠤᠯᠠᠢ
ᠣᠰᠤᠨ ᠨᠢᠳᠦᠯᠡᠭᠦ ᠳ᠋ᠤ
ᠣᠯᠠ ᠪᠠ ᠵᠤᠯᠠ ᠨᠢ
ᠪᠦᠭᠦᠵᠤ ᠣᠳᠤᠨᠠ᠃
ᠳᠠᠤᠯᠠᠢ ᠵᠢᠨ
ᠡᠮᠭᠦᠵᠤ ᠪᠠᠭᠳᠠᠬᠤ ᠥᠭᠡᠢ
ᠡᠮᠳᠡᠷᠭᠡᠢ ᠣᠷᠤᠭᠤᠯ ᠪᠠ
ᠦᠵᠡᠵᠤ ᠬᠠᠨᠤᠰᠢ ᠥᠭᠡᠢ
ᠣᠯᠠᠭᠠᠨ ᠨᠢᠳᠤ ᠨᠢ
ᠥᠩᠭᠡ ᠮᠥᠩᠭᠦ ᠵᠢᠨ
ᠦᠨᠢᠳᠠ ᠶᠢᠨ ᠴᠢᠨᠠᠷ ᠢ ᠪᠠᠳᠤᠯᠠᠨᠠ᠃
2
ᠨᠠᠭᠤᠷ ᠤᠨ ᠣᠰᠤᠨ ᠳᠤ ᠰᠠᠷᠠ
ᠨᠣᠢ᠌ᠳᠠᠨ ᠪᠣᠳᠤᠯ ᠲᠡᠶ ᠴᠤᠭ
ᠨᠦᠰᠠᠷ ᠨᠤᠷᠠᠨᠠ
ᠨᠣᠢ᠌ᠷ
ᠵᠢᠮᠠ ᠪᠠᠨ ᠠᠯᠳᠠᠵᠤ
ᠥᠩᠭᠡᠷᠡᠭ᠍ᠰᠡᠨ ᠪᠠ ᠦᠨᠦᠳᠤᠷ ᠤᠨ ᠳᠤᠬᠠᠢ
ᠥᠭᠦᠯ ᠪᠠ ᠮᠥᠩᠭᠡ ᠶᠢᠨ ᠳᠤᠬᠠᠢ
ᠦᠨᠡᠨ ᠤ ᠳᠤᠮᠤᠭ ᠳᠠᠢ
ᠵᠡᠭᠦᠳᠤ ᠮᠠᠨᠠᠨᠠ᠃
3
ᠣᠳᠠᠨ ᠤ ᠮᠦᠴᠢᠷ ᠲᠤ ᠵᠠᠭᠠᠭᠯᠠᠭᠳᠠᠭᠰᠠᠨ
ᠣᠳᠤᠨ ᠮᠠᠴᠢᠳ
ᠣᠷᠴᠢᠯᠠᠩ ᠤᠨ ᠴᠤᠭᠴᠠᠰ ᠪᠣᠯᠬᠤ ᠪᠠ
ᠡᠰᠡᠭᠦᠯᠡ
ᠰᠤᠯᠢᠷᠵᠢᠬᠤ ᠵᠠᠶᠠᠭᠠ ᠪᠠᠨ ᠲᠦᠰᠢᠵᠤ
ᠳᠡᠯᠡᠭᠡᠢ ᠶᠢᠨ ᠪᠦᠮᠪᠦᠷᠴᠡᠭ᠌ ᠤᠨ ᠳᠤᠬᠠᠢ
ᠳᠡᠭᠡᠷᠡᠭᠢ ᠭᠦᠮᠤᠨ ᠵᠤᠨ ᠤ ᠭᠢᠨᠢ ᠳᠤᠬᠠᠢ
ᠳᠡᠭᠡᠳᠤ ᠶᠢᠨ ᠴᠠᠳᠢᠭ ᠥᠭᠡᠢ
ᠱᠠᠰᠳᠢᠷ ᠳᠡᠯᠭᠡᠨᠡ᠃
4
ᠦᠶᠡᠷ ᠵᠢᠯ ᠤᠨ ᠨᠠᠷᠠ
ᠡᠪᠠᠰᠤᠨ ᠰᠡᠭᠦᠳᠡᠷ ᠳᠤ
ᠡᠪᠭᠡᠷᠡᠵᠤ ᠭᠡᠪᠳᠡᠨᠡ
ᠦᠯᠦᠨ ᠰᠠᠯᠭᠢ ᠳᠡᠭᠦᠨ ᠤ ᠳᠡᠭᠡᠭᠦᠷ
ᠥᠩᠭᠦᠷᠢᠵᠤ ᠭᠠᠷᠤᠨᠠ᠃
ᠦᠴᠦᠭᠡᠳᠦᠷ ᠤᠨ ᠰᠠᠯᠭᠢ
ᠥᠡᠳᠦᠷᠯᠢᠭ᠌ ᠥᠭ᠍ᠰᠦᠵᠤ
ᠨᠡᠭᠦᠳᠡᠯᠯᠡᠵᠤ ᠪᠠᠢ᠌ᠯᠠ
ᠦᠨᠦᠳᠤᠷ ᠤᠨ ᠰᠠᠯᠭᠢ
ᠥᠯᠢᠶᠡᠭ᠍ᠳᠡᠭ᠍ᠰᠡᠭᠡᠷ ᠥᠯᠢᠶᠡᠭ᠍ᠳᠡᠭ᠍ᠰᠡᠭᠡᠷ
ᠡᠪᠦᠭᠡᠳ ᠤᠨ ᠬᠠᠭᠤᠴᠢᠨ ᠪᠠᠭᠤᠷᠢ ᠳᠡᠭᠡᠷᠡ
ᠳᠤᠰᠤᠯ ᠨᠢᠯᠪᠣᠰᠤ ᠪᠣᠯᠵᠤ
ᠳᠤᠭᠣᠢ᠌ᠷᠠᠵᠤ ᠪᠠᠭᠤᠨᠠ
ᠥᠨᠡ᠊ᠨᠳᠡᠭᠡᠨ ᠡᠭᠦᠯᠡᠨ ᠤ ᠳᠦᠰᠢᠭ᠌ ᠨᠢ
ᠥᠡᠳᠦᠷᠯᠢᠭ᠌ ᠯᠠ ᠪᠠᠢ᠌ᠵᠠᠢ ᠡ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠢᠩᠭ᠋ᠠᠨ ᠤ ᠲᠦᠰᠢᠶᠠᠳᠤ
ᠵᠤᠬᠢᠶᠠᠭᠴᠢ᠄ ᠡᠰᠨᠢᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2628
ᠴᠠᠭ᠄ 2011 ᠤᠨ ᠤ 09 ᠰᠠᠷᠠ ᠶᠢᠨ 29
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ