（ᠳᠠᠭᠤᠤ ᠶᠢᠨ ᠥᠭᠡ）

ᠦᠨᠳᠦᠷ ᠳᠡᠭ᠍ᠷᠢ ᠶᠢᠨ ᠬᠠᠶᠠᠭ᠎ᠠ ᠪᠠᠷ

ᠡᠭᠦᠯᠡᠨ ᠳᠤᠯᠤᠭᠠᠢ ᠭᠦᠪᠪᠦᠯᠵᠡᠨ᠎ᠡ

ᠡᠨᠡᠷᠢᠯ ᠶᠡᠭᠡᠳᠡᠢ ᠪᠠᠭᠰᠢ ᠶᠢᠨ ᠮᠢᠨᠢ

ᠡᠷᠳᠡᠨᠢ ᠶᠢᠨ ᠰᠤᠷᠭᠠᠯ ᠨᠢ ᠪᠣᠳᠤᠭᠳᠠᠨ᠎ᠠ

ᠬᠠᠢ᠌ᠷ᠎ᠠ ᠶᠢᠨ ᠰᠢᠳᠦᠭᠡᠨ ᠪᠠᠭᠰᠢ ᠳᠠᠭᠠᠨ

ᠬᠠᠯᠠᠭᠤᠨ ᠮᠠᠠᠳᠤᠴᠢᠯᠠᠯ ᠭᠦᠷᠭᠡᠵᠤ ᠪᠠᠢ᠌ᠨ᠎ᠠ᠃

ᠠᠭᠤᠳᠠᠮ ᠳᠠᠯ᠎ᠠ ᠶᠢᠨ ᠦᠷᠦᠴᠠ ᠪᠠᠷ

ᠣᠰᠤᠨ ᠵᠡᠷᠭᠡᠯᠭᠡᠨ ᠮᠢᠷᠠᠯᠵᠠᠨ᠎ᠠ

ᠣᠶᠠᠬᠠᠨ ᠰᠠᠤᠠᠭᠢᠯᠳᠤ ᠪᠠᠭᠰᠢ ᠶᠢᠨ ᠮᠢᠨᠢ

ᠣᠴᠢᠷ ᠲᠡᠶ ᠰᠤᠷᠭᠠᠯ ᠨᠢ ᠰᠠᠨᠠᠭᠳᠠᠨ᠎ᠠ

ᠪᠢᠯᠢᠭ᠌ ᠤᠨ ᠰᠢᠳᠦᠭᠡᠨ ᠪᠠᠭᠰᠢ ᠳ᠋ᠠᠭᠠᠨ

ᠪᠠᠶᠠᠷ ᠤᠨ ᠮᠠᠠᠳᠤᠴᠢᠯᠠᠯ ᠭᠦᠷᠭᠡᠵᠤ ᠪᠠᠢ᠌ᠨ᠎ᠠ᠃

ᠨᠠᠭᠤᠷ ᠪᠦᠷᠢᠳᠤ ᠶᠢᠨ ᠭᠦᠪᠠᠭᠡ ᠪᠠᠷ

ᠨᠠᠮᠤᠷ ᠤᠨ ᠰᠢᠪᠠᠭᠤᠳ ᠭᠠᠩᠭ᠋ᠠᠨᠠᠯᠳᠤᠨ᠎ᠠ

ᠨᠠᠰᠤᠳᠠᠨ ᠪᠣᠭᠤᠷᠠᠯ ᠪᠠᠭᠰᠢ ᠶᠢᠨ ᠮᠢᠨᠢ

ᠨᠠᠠᠳᠢᠨ ᠰᠤᠷᠭᠠᠯ ᠥᠭᠡᠢ᠌ᠯᠡᠭ᠍ᠳᠡᠨ᠎ᠡ

ᠡᠪᠦᠭᠡ ᠪᠣᠭᠤᠷᠤᠯ ᠪᠠᠭᠰᠢ ᠳ᠋ᠠᠭᠠᠨ

ᠡᠷᠭᠢᠮ ᠮᠠᠠᠳᠤᠴᠢᠯᠠᠯ ᠭᠦᠷᠭᠡᠵᠤ ᠪᠠᠢ᠌ᠨ᠎ᠠ᠃