☆ ᠭᠢᠶᠠᠨ ᠠᠵᠢᠨᠠᠢ
ᠡᠯᠢᠭᠡ ᠥᠡᠳᠡᠯᠵᠡᠭᠦ ᠶᠢᠨ ᠡᠭᠡ ᠨᠤᠳᠤᠭ
1
ᠪᠦᠮᠪᠦᠷᠴᠡᠭ᠌ ᠤᠨ ᠨᠤᠭᠤᠭᠠᠨ ᠠᠮᠢᠰᠤᠭᠠ ᠪᠣᠶᠤ
ᠪᠦᠷᠳᠡ ᠴᠢᠨ᠋ᠸᠡ ᠶᠢᠨ ᠮᠥᠩᠭᠡ ᠶᠢᠨ ᠵᠡᠭᠦᠳᠤᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠮᠢᠨᠤ ᠡᠯᠢᠭᠡ ᠥᠡᠳᠡᠯᠵᠡᠭᠦ ᠶᠢᠨ ᠡᠭᠡ ᠨᠤᠳᠤᠭ
ᠮᠢᠨᠤ ᠣᠭᠢᠯᠠᠵᠤ ᠢᠷᠡᠭ᠍ᠰᠡᠨ ᠥᠯᠦᠭᠡᠢ
ᠮᠢᠨᠤ ᠳᠠᠭᠤᠯᠠᠵᠤ ᠶᠠᠪᠣᠬᠤ ᠳᠡᠯᠡᠭᠡᠢ
ᠥᠨᠦᠰᠭᠦ ᠳᠤ ᠡᠭᠡ ᠶᠢᠨ ᠰᠦ᠋ ᠪᠠᠷ ᠰᠠᠩᠭᠢ ᠳᠠᠳᠠᠵᠤ
ᠥᠭᠡᠢ᠌ᠯᠡᠭᠦ ᠳᠤ ᠡᠴᠢᠭᠡ ᠶᠢᠨ ᠳᠦᠷᠢ ᠪᠠᠷ ᠪᠣᠰᠤᠭᠠ ᠬᠠᠷᠠᠭᠳᠠᠳᠠᠭ
ᠮᠢᠨᠤ ᠭᠡᠯᠡ ᠳᠤ ᠣᠷᠤᠵᠤ ᠭᠦᠯ ᠳᠤ ᠣᠷᠤᠭᠰᠠᠨ
ᠭᠦᠨᠡᠢ᠌ᠭᠡᠷᠡᠵᠤ ᠪᠣᠯᠳᠠᠭ ᠦᠭᠡᠶ ᠭᠠᠵᠠᠷ ᠣᠰᠤᠨ
ᠮᠢᠨᠤ ᠭᠦᠰᠡᠯ ᠵᠢᠷᠭᠢᠵᠤ ᠳᠠᠮᠢᠷ ᠰᠡᠯᠪᠢᠭ᠍ᠰᠡᠨ ᠬᠤᠪᠢ ᠵᠠᠶᠠᠭᠠᠨ ᠤ
ᠴᠡᠩᠭᠡᠷ ᠪᠠᠭᠤᠴᠠ
2
ᠮᠤᠩᠭ᠋ᠤᠯ ᠮᠤᠷᠢᠳ ᠤᠨ ᠳᠤᠭᠰᠢᠨ ᠣᠮᠤᠭ
ᠡ᠊ᠨᠳᠡ ᠡᠴᠡ ᠰᠣᠢ᠌ᠭᠳᠠᠵᠤ
ᠮᠦᠷᠠᠨ ᠳᠠᠩᠭᠢᠰ ᠢ ᠣᠯᠤᠮ ᠦᠭᠡᠶ ᠭᠠᠳᠤᠯᠠᠪᠠ
ᠮᠠᠭᠢᠷ ᠰᠠᠯᠠᠮᠠ ᠶᠢᠨ ᠳᠤᠷᠭᠤᠨ ᠢᠷ
ᠡ᠊ᠨᠳᠡ ᠡᠴᠡ ᠬᠤᠷᠴᠠᠯᠠᠭᠳᠠᠵᠤ
ᠮᠤᠩᠭ᠋ᠤᠯ ᠤᠨ ᠰᠠᠯᠭᠢᠨ ᠳᠡᠯᠡᠭᠡᠢ ᠱᠤᠤᠭᠢᠭᠤᠯᠪᠠ
ᠮᠠᠠᠳᠤᠬᠠᠢ ᠬᠠᠳᠤᠨ ᠤ ᠭᠠᠯᠪᠢᠷ ᠵᠢᠪᠬᠤᠭᠠ
ᠡ᠊ᠨᠳᠡ ᠴᠡᠮᠴᠡᠭᠡᠷᠴᠤ
ᠮᠢᠩᠭ᠋ᠠᠨ ᠣᠨ ᠤ ᠴᠠᠳᠢᠭ ᠳᠤ
ᠦᠬᠢᠨ ᠴᠢᠩᠭᠢᠰ ᠶᠢᠡᠷ ᠭᠢᠯᠠᠷᠠᠪᠠ
ᠮᠤᠷᠢᠨ ᠬᠤᠭᠤᠷ ᠤᠨ ᠣᠶᠠᠭᠨ ᠡᠭᠡᠰᠢᠭ᠌
ᠡ᠊ᠨᠳᠡ ᠢᠷᠠᠭᠤᠰᠴᠤ
ᠮᠤᠯᠤᠷ ᠡᠷᠳᠡᠨᠢ ᠰᠤᠶᠤᠯ ᠵᠢᠠᠷ
ᠬᠤᠷᠸᠠ ᠳᠤ ᠭᠠᠢ᠌ᠬᠠᠭᠳᠠᠪᠠ᠁
ᠡᠭᠡᠰᠢᠭ᠌ ᠳᠤᠯᠤᠭᠠ ᠢᠷᠠᠭᠤᠬᠠᠨ ᠠᠶᠯᠭᠤ
ᠢᠷᠭᠤᠢ ᠨᠢᠳᠦᠯᠡᠭ᠍ᠰᠡᠨ ᠳᠠᠯᠠ ᠶᠢᠨ ᠴᠢᠨᠢ ᠡᠯᠢᠭᠡᠨ ᠳᠤ ᠣᠷᠭᠤᠵᠤ
ᠡᠪ ᠤᠨ ᠰᠤᠷᠭᠠᠯ ᠳᠠᠪᠤᠨ ᠮᠦᠰᠤ
ᠡᠭ᠍ᠴᠡ ᠬᠠᠳᠠ ᠶᠢᠨ ᠴᠢᠨᠢ ᠡᠩᠭᠡᠷ ᠲᠤ ᠴᠢᠯᠠᠭᠤᠵᠢᠵᠤ
ᠡᠷᠭᠢᠰ ᠪᠦᠮᠪᠦᠷᠴᠡᠭ᠌ ᠤᠨ ᠵᠤᠯᠠᠢ ᠳᠡᠭᠡᠷᠡ
ᠥᠷᠯᠦᠭ᠌ ᠮᠤᠩᠭ᠋ᠤᠯ ᠭᠡᠵᠤ ᠪᠣᠰᠤᠭᠠ ᠪᠠᠷ ᠪᠢᠴᠢᠭ᠍ᠳᠡᠪᠡ
ᠡᠯᠢᠭᠡ ᠥᠡᠳᠡᠯᠵᠡᠭᠦ ᠶᠢᠨ ᠡᠭᠡ ᠨᠤᠳᠤᠭ ᠡ
ᠳᠡᠭᠡᠳᠦᠰ ᠤᠨ ᠥᠪᠯᠡᠭ᠍ᠰᠡᠨ ᠡᠵᠡᠨ ᠳᠠᠮᠠᠭᠠ ᠪᠣᠶᠤ
ᠳᠡᠭᠡᠳᠦᠯᠡᠵᠤ ᠰᠢᠳᠦᠭᠦ ᠶᠢᠨ ᠭᠢᠶᠠᠨ ᠰᠦᠯᠳᠡ ᠪᠣᠶᠤ
3
ᠥᠩᠰᠢᠭ᠌ ᠳᠠᠩᠰᠤᠭ ᠳᠠᠯᠠ ᠳᠡᠭᠡᠷᠡ ᠴᠢᠨᠢ
ᠡᠷᠡ ᠭᠦᠮᠤᠨ ᠭᠡᠵᠤ ᠡᠷᠪᠠᠢ᠌ᠵᠤ ᠶᠠᠪᠣᠬᠤ ᠳ᠋ᠠᠭᠠᠨ
ᠦᠯᠴᠢᠷ ᠪᠠᠶᠠᠨ ᠬᠠᠢ᠌ᠷᠠ ᠳᠡᠭᠡᠷᠡ ᠴᠢᠨᠢ
ᠦᠷᠡ ᠶᠢᠨ ᠬᠤᠪᠢ ᠪᠠᠷ ᠵᠢᠷᠭᠠᠵᠤ ᠰᠠᠭᠤᠬᠤ ᠳ᠋ᠠᠭᠠᠨ
ᠡᠯᠢᠭᠡ ᠥᠡᠳᠡᠯᠵᠡᠭᠦ ᠶᠢᠨ ᠡᠭᠡ ᠨᠤᠳᠤᠭ ᠴᠢᠮᠠ ᠳ᠋ᠠᠭᠠᠨ
ᠡᠯᠳᠡᠩ ᠵᠤᠵᠠᠭᠠᠨ ᠦᠷᠢ ᠲᠡᠶ ᠶᠠᠪᠣᠭᠠ ᠪᠠᠨ
ᠰᠠᠶᠢ ᠮᠠᠳᠠᠯᠠ ᠁
ᠬᠷᠠᠭᠠ ᠮᠤᠬᠤᠭᠤᠮᠠ ᠴᠡᠯᠭᠡᠷ ᠳᠠᠯᠠ ᠴᠢᠨᠢ
ᠬᠠᠰᠢᠯᠠᠭᠳᠠᠵᠤ ᠳᠤᠤᠷᠯᠠᠭᠳᠠᠵᠤ ᠨᠢᠮᠭᠡᠷᠡᠵᠤ ᠢᠷᠡᠭᠦ ᠪᠠᠷ
ᠬᠤᠪᠢ ᠲᠦᠰᠤᠷ ᠶᠢᠡᠨ ᠴᠢᠨᠤ ᠮᠢᠨᠤᠭᠢ ᠭᠡᠵᠤ
ᠪᠣᠯᠢᠶᠠᠯᠴᠠᠬᠤ ᠶᠢᠨ ᠵᠠᠪᠰᠠᠷ
ᠭᠦᠯᠦᠰᠤᠨ ᠬᠤᠨᠢᠴᠢᠨ ᠴᠢᠨᠢ ᠬᠤᠢ᠌ᠮᠤᠷ ᠡᠵᠡᠯᠡᠭᠡᠳ
ᠭᠡᠳᠡᠢ᠌ᠵᠤ ᠰᠠᠭᠤᠬᠤ ᠪᠠᠷ
ᠬᠤᠶᠠᠷ ᠦᠭᠡᠶ ᠪᠣᠰᠤᠭᠠ ᠥᠰᠦᠭ᠌ ᠶᠢᠡᠨ ᠭᠤᠯᠤᠵᠤ
ᠬᠠᠷᠢ ᠭᠡᠯᠡ ᠳᠤ ᠴᠠᠭᠠᠷᠠᠨᠠ ᠭᠡᠮᠡᠨ
ᠪᠣᠵᠢᠭᠢᠨᠠᠵᠤ ᠢᠷᠡᠭᠦ ᠪᠠᠷ
ᠭᠡᠯᠡᠵᠤ ᠳᠡᠢ᠌ᠯᠦᠭᠦ ᠦᠭᠡᠶ ᠪᠢᠳᠡᠭᠦᠤ ᠭᠤᠨᠢᠭ
ᠠᠮᠢᠰᠤᠭᠠ ᠳᠠᠪᠬᠤᠴᠠᠭᠤᠯᠵᠤ
ᠬᠠᠷᠠᠮᠰᠠᠵᠤ ᠭᠡᠮᠰᠢᠭᠦ ᠶᠢᠨ ᠶᠡᠭᠡ ᠵᠤᠪᠠᠭᠤᠷᠢ ᠶᠢ ᠰᠠᠶᠢ ᠠᠮᠰᠠᠯᠠ ᠁
ᠰᠦᠨᠢ ᠶᠢᠨ ᠭᠦᠨ ᠶᠢᠡᠷ ᠢᠵᠢᠯᠢ ᠪᠠᠨ ᠥᠭᠡᠢ᠌ᠯᠡᠨ
ᠰᠠᠷᠠᠯᠵᠢ ᠶᠢᠨ ᠳᠤᠳᠤᠷᠠᠭᠢ ᠴᠢᠳᠤᠷ ᠲᠡᠶ ᠮᠤᠷᠢᠨ ᠤ ᠥᠤᠷᠰᠦᠭᠡᠨ ᠳ᠋ᠤ
ᠰᠡᠳᠭᠢᠯ ᠡᠮᠵᠡᠭᠯᠡᠵᠤ ᠰᠡᠮᠡᠭᠡᠷ ᠪᠢ ᠮᠡᠭ᠍ᠰᠢᠪᠡ
ᠰᠡᠷᠢᠭᠦᠨ ᠥᠤᠷ ᠶᠢᠡᠷ ᠳᠤᠭᠤᠰᠤᠨ ᠳᠤ ᠬᠠᠬᠠᠵᠤ
ᠰᠠᠯᠭᠢᠨ ᠳᠤ ᠰᠢᠩᠭᠡᠷᠡᠭᠦ ᠰᠢᠪᠠᠭᠤᠳ ᠤᠨ ᠵᠢᠷᠭᠢᠭᠡᠨ ᠳ᠋ᠤ
ᠰᠢᠯᠦᠭ᠌ ᠤᠨ ᠣᠩᠭ᠋ᠤᠳ ᠮᠠᠨᠢ ᠡᠯᠡᠰᠤᠨ ᠳᠤ ᠪᠦᠳᠦᠴᠢᠪᠡ ᠁
ᠠᠢ ᠭᠦ ᠡᠯᠢᠭᠡ ᠥᠡᠳᠡᠯᠵᠡᠭᠦ ᠶᠢᠨ ᠡᠭᠡ ᠨᠤᠳᠤᠭ ᠡ
ᠡᠭᠡᠯ ᠮᠢᠨᠤᠭᠢ ᠵᠤᠪᠠᠵᠤ ᠵᠢᠷᠭᠠᠬᠤ ᠶᠢᠨ ᠰᠡᠳᠭᠢᠯ ᠤᠨ ᠣᠶᠠᠭᠠ ᠪᠠᠢ᠌ᠯᠠ
4
ᠠᠰᠬᠠᠭᠰᠠᠨ ᠣᠰᠤ ᠶᠢ ᠬᠤᠮᠢᠵᠤ ᠳᠡᠢ᠌ᠯᠦᠭᠡ ᠦᠭᠡᠶ ᠴᠤ
ᠠᠯᠳᠠᠭᠤᠯᠤᠭᠰᠠᠨ ᠠᠳᠤᠭᠤ ᠪᠠᠨ ᠡᠷᠢᠵᠤ ᠣᠯᠬᠤ ᠣᠴᠢᠷ ᠲᠡᠶ ᠪᠣᠯᠬᠤᠷ
ᠦᠨᠦᠳᠤᠷ ᠪᠢ
ᠡᠪᠦᠭᠡᠳ ᠤᠨ ᠣᠩᠭ᠋ᠤᠨ ᠰᠦᠷ ᠲᠤ ᠰᠢᠳᠤᠵᠤ
ᠡᠷᠡᠨ ᠤ ᠮᠡᠷᠭᠡᠨ ᠪᠣᠳᠤᠯᠭᠠ ᠳᠤ ᠲᠦᠰᠢᠵᠤ
ᠦᠷᠡ ᠭᠦᠮᠤᠨ ᠤ ᠬᠠᠢ᠌ᠷᠠ ᠶᠢᠨ ᠦᠨᠡᠨ ᠶᠢᠡᠷ
ᠡᠵᠡᠨ ᠭᠦᠮᠤᠨ ᠤ ᠰᠡᠳᠭᠢᠯ ᠤᠨ ᠳᠠᠮᠢᠷ ᠵᠢᠠᠷ
ᠡᠯᠢᠭᠡ ᠥᠡᠳᠡᠯᠵᠡᠭᠦ ᠶᠢᠨ ᠡᠭᠡ ᠨᠤᠳᠤᠭ ᠴᠢᠮᠠ ᠳ᠋ᠠᠭᠠᠨ
ᠡᠰᠨᠢᠯ ᠤᠨ ᠨᠤᠭᠤᠭᠠᠨ ᠬᠤᠷᠤᠢ ᠬᠤᠷᠣᠢ᠌ᠯᠠᠨᠠᠮ
ᠡᠩᠭᠡᠵᠢᠯ ᠤᠨ ᠭᠦᠭᠡ ᠳᠠᠯᠠᠯᠤᠭᠠ ᠠᠪᠣᠨᠠᠮ ᠁
ᠡᠯᠡᠰᠦᠷᠡᠵᠤ ᠪᠠᠢ᠌ᠭᠠ ᠨᠤᠳᠤᠭ ᠳᠠᠭᠠᠨ
ᠴᠡᠴᠡᠭ᠌ ᠤᠨ ᠬᠤᠷᠠ ᠬᠤᠷᠣᠢ᠌ᠯᠠᠨᠠᠮ
ᠡᠯᠡᠭ᠍ᠳᠡᠵᠤ ᠪᠠᠢ᠌ᠭᠠ ᠪᠠᠢ᠌ᠭᠠᠯᠢ ᠳ᠋ᠠᠭᠠᠨ
ᠨᠠᠪᠴᠢᠨ ᠨᠤᠭᠤᠭᠠᠨ ᠬᠤᠷᠣᠢ᠌ᠯᠠᠨᠠᠮ
ᠡᠭᠦᠷᠳᠦᠵᠤ ᠶᠠᠪᠣᠭᠠ ᠵᠤᠷᠢᠭ ᠳᠠᠭᠠᠨ
ᠡᠷᠭᠦᠨᠡ ᠬᠤᠨ ᠤ ᠳᠤᠮᠤᠭ ᠬᠤᠷᠣᠢ᠌ᠯᠠᠨᠠᠮ
ᠡᠷᠭᠦᠵᠤ ᠶᠠᠪᠣᠭᠠ ᠳᠤᠭ ᠳᠠᠭᠠᠨ
ᠡᠵᠡᠨ ᠵᠢᠪᠬᠤᠭᠠ ᠬᠤᠷᠣᠢ᠌ᠯᠠᠨᠠᠮ
ᠠᠯᠳᠠᠵᠤ ᠪᠠᠢ᠌ᠭᠠ ᠰᠤᠶᠤᠯ ᠳ᠋ᠠᠭᠠᠨ
ᠠᠢ᠌ᠷᠠᠭ ᠤᠨ ᠠᠮᠢᠯᠠᠯ ᠬᠤᠷᠣᠢ᠌ᠯᠠᠨᠠᠮ
ᠣᠬᠠᠭᠠᠵᠢᠵᠤ ᠶᠠᠪᠣᠭᠠ ᠭᠦᠮᠦᠰ ᠲᠡᠭᠡᠨ
ᠣᠤᠭᠠᠯ ᠬᠠᠢ᠌ᠷᠠ ᠬᠤᠷᠣᠢ᠌ᠯᠠᠨᠠᠮ ᠁
5
ᠢᠷᠠᠭᠤ ᠨᠠᠢ᠌ᠷᠠᠭ ᠶᠢᠡᠷ ᠰᠡᠷᠵᠢᠮᠯᠡᠭ᠍ᠰᠡᠨ
ᠡᠷᠡᠭᠦᠯ ᠴᠠᠭᠠᠨ ᠠᠠᠳᠠᠭᠠᠢ
ᠢᠳᠡᠭᠡᠯ ᠬᠠᠢ᠌ᠷᠠ ᠨᠡᠷᠡᠭ᠍ᠰᠡᠨ ᠡᠷᠢᠯ ᠳᠠᠮᠤᠯᠠᠯ ᠤᠨ ᠬᠤᠷᠤᠢ
ᠡᠯᠢᠭᠡ ᠥᠡᠳᠡᠯᠵᠡᠭᠦ ᠶᠢᠨ ᠡᠭᠡ ᠨᠤᠳᠤᠭ ᠲᠤ ᠮᠠᠨᠢ
ᠡᠭᠦᠷᠢ ᠪᠠᠳᠤ ᠣᠷᠤᠰᠢᠬᠤ ᠪᠣᠯᠳᠤᠭᠠᠢ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠬᠤᠷᠴᠢᠨ ᠪᠠᠷᠠᠭᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠳᠠᠪᠢᠨ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠭᠢᠶᠠᠨ ᠠᠵᠢᠨᠠᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2909
ᠴᠠᠭ᠄ 2009 ᠤᠨ ᠤ 05 ᠰᠠᠷᠠ ᠶᠢᠨ 16
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ