☆ ᠳᠦᠭᠦᠷᠡᠩᠰᠦ᠋ᠷᠦᠩ
ᠨᠤᠲᠤᠭ ᠤᠰᠤᠨ ᠤ ᠦᠪ ᠡᠴᠡ ᠁
ᠨᠢᠭᠡ
ᠳᠦᠷᠦᠭ᠍ᠰᠡᠨ ᠨᠤᠳᠤᠭ ᠳᠤᠯᠢᠨ ᠴᠡᠩᠭᠡᠷ ᠪᠣᠯᠠᠩᠭᠢᠷ ᠮᠢᠨᠢ ︕ ᠲᠦᠰᠢᠵᠤ ᠰᠥᠡᠳᠡᠷᠯᠡᠭᠦ ᠠᠭᠤᠯᠠ ᠨᠢᠷᠤᠭᠤ ᠦᠭᠡᠶ᠂ ᠳᠤᠷᠭᠠᠨ ᠨᠤᠭᠤᠭᠠᠨ ᠳᠠᠯᠠ ᠂ ᠳᠤᠭᠤᠷᠤᠤ ᠴᠤᠬᠤᠷ ᠡᠯᠡᠰᠤ ᠂ ᠳᠤᠭᠤᠷᠢᠮ ᠭᠦᠭᠡ ᠱᠠᠯᠠ ᠂ ᠳᠤᠰᠤᠯᠢᠭ ᠣᠯᠠᠭᠠᠨ ᠰᠤᠬᠠᠢ ᠂ ᠳᠤᠭᠤᠰᠤᠳᠠᠢ ᠴᠠᠭᠠᠨ ᠪᠣᠳᠠ ᠪᠠᠷ ᠬᠤᠴᠢᠭᠳᠠᠵᠤ ᠭᠦᠪᠠᠭᠡ ᠭᠢᠵᠠᠭᠠᠷ ᠨᠢ ᠳᠡᠯᠡᠭ᠍ᠳᠡᠭ᠍ᠰᠡᠨ ᠥᠷᠭᠡᠨ ᠠᠭᠤᠳᠠᠮ ᠳᠠᠯᠠ ᠴᠠᠢ᠌ᠳᠠᠮ ᠪᠠᠢ᠌ᠭᠠ ᠶᠤᠮ ᠃ ᠪᠠᠯᠴᠢᠷ ᠣᠬᠠᠭᠠᠨ ᠳᠤ ᠮᠢᠨᠢ ᠭᠦᠨ ᠬᠠᠳᠠᠩᠰᠢᠭᠰᠠᠨ ᠡᠴᠢᠭᠡ ᠶᠢᠨ ᠮᠢᠨᠢ ᠨᠤᠳᠤᠭ ᠣᠰᠤ ᠣᠳᠤᠮ ᠣᠭᠰᠠᠭᠠ ᠂ ᠭᠠᠷᠤᠯ ᠳᠡᠦᠭᠡ ᠂ ᠡᠯᠢᠭᠡᠨ ᠰᠠᠳᠤᠨ ᠪᠦᠭᠦᠨ ᠰᠠᠤᠠᠭᠢᠯ ᠤᠨ ᠭᠢᠵᠠᠭᠠᠷ ᠲᠤ ᠪᠠᠯᠠᠷᠠᠰᠢ ᠦᠭᠡᠶ ᠦᠪ ᠪᠣᠯᠤᠨ ᠦᠯᠠᠳᠠᠵᠠᠢ ᠃ ᠬᠤᠷᠢᠨ ᠭᠡᠳᠤᠨ ᠵᠢᠯ ᠤᠨ ᠡᠮᠦᠨᠡᠭᠢ ᠴᠥᠷᠭᠦᠯᠡᠭ᠍ᠰᠡᠨ ᠣᠨᠠᠭᠠᠨ ᠪᠠᠭᠠ ᠶᠢᠨ ᠠᠵᠤ ᠠᠮᠢᠳᠤᠷᠠᠯ ᠂ ᠠᠵᠢᠭᠰᠠᠨ ᠂ ᠥᠵᠡᠭ᠍ᠰᠡᠨ ᠂ ᠪᠣᠯᠭᠤᠭᠠᠭᠰᠠᠨ ᠪᠦᠭᠦᠨ ᠮᠥᠩᠭᠡ ᠣᠷᠤᠰᠢᠬᠤ ᠣᠩᠭ᠋ᠤᠨ ᠨᠤᠳᠤᠭ ᠤᠨ ᠦᠪ ᠡᠴᠡ ᠰᠠᠮᠠᠷᠠᠨ ᠰᠡᠷᠡᠭ᠍ᠳᠡᠵᠤ ᠳᠤᠷᠠᠤᠠᠬᠠᠯ ᠴᠤᠪᠣᠷᠠᠨᠠ ᠃
ᠰᠠᠨᠠᠭᠠᠨ ᠳᠤ ᠰᠠᠭᠠᠳᠠᠭ ᠤᠨ ᠰᠤᠮᠤ ᠰᠢᠭ ᠰᠢᠭᠢᠳᠦᠭ᠍ᠰᠡᠨ1974 ᠣᠨ ᠤ ᠣᠷᠢᠬᠠᠨ ᠬᠠᠪᠣᠷ ᠤᠨ ᠣᠯᠠᠷᠢᠯ ᠡᠭᠢᠯᠡᠭᠦ ᠪᠠᠷ ᠪᠣᠯᠠᠩᠭᠢᠷ ᠵᠡᠭᠦᠨ ᠬᠤᠶᠠᠷ ᠬᠤᠰᠢᠭᠤᠨ ᠤ ᠮᠢᠯᠠᠭᠠ ᠳᠠᠭᠠᠵᠤ ᠂ ᠵᠢᠯᠤᠭᠤ ᠪᠠᠷᠢᠭᠰᠠᠨ ᠪᠦᠭᠦᠨ ᠴᠤᠭᠯᠠᠷᠠᠵᠤ ᠂ ᠣᠮᠤᠭ ᠶᠡᠭᠡ ᠡᠷᠭᠢ ᠦᠨᠳᠦᠷ ᠳᠠᠪᠭᠢ ᠶᠢᠨ ᠭᠤᠤᠯ ᠢ ᠳᠠᠰᠤ ᠪᠣᠭᠤᠵᠤ ᠂ ᠵᠡᠭᠦᠨ ᠬᠤᠰᠢᠭᠤ ᠡᠪᠠᠰᠤ ᠪᠠᠯᠴᠢᠭᠡᠷ ᠵᠢᠠᠨ ᠦᠶᠡᠷ ᠊ᠤᠨ ᠣᠰᠤᠨ ᠳᠤ ᠳᠤᠭᠤᠭᠳᠠᠬᠤ ᠡᠴᠡ ᠬᠠᠯᠠᠰᠢᠷᠠᠨ ᠬᠠᠮᠠᠭᠠᠯᠠᠬᠤ ᠳᠤ ᠪᠣᠯᠠᠩᠭᠢᠷ ᠬᠤᠰᠢᠭᠤ ᠦᠶᠡᠷ ᠤᠨ ᠣᠰᠤ ᠠᠰᠢᠭᠯᠠᠵᠤ ᠂ ᠡᠪᠠᠰᠤ ᠪᠠᠯᠴᠢᠭᠡᠷ ᠳᠠᠭᠢ ᠭᠦᠷᠵᠡ ᠬᠤᠵᠢᠷ ᠶᠢᠡᠨ ᠳᠤᠭᠤᠯᠭᠠᠵᠤ ᠂ ᠨᠤᠳᠤᠭ ᠣᠰᠤᠨ ᠤ ᠪᠠᠨ ᠭᠦᠷᠦᠰᠤ ᠰᠢᠷᠤᠢ ᠶᠢ ᠥᠭᠡᠷᠡᠴᠢᠯᠡᠭᠦ ᠪᠠᠷ ᠳᠦᠰᠤᠪᠯᠠᠨ ᠬᠤᠶᠠᠷ ᠬᠤᠰᠢᠭᠤᠨ ᠤ ᠳᠠᠯᠠᠭᠠᠤᠨ ᠭᠦᠮᠤᠨ ᠣᠨᠤᠭᠠ ᠬᠤᠰᠢ ᠲᠡᠶ ᠪᠠᠨ ᠪᠠᠢ᠌ᠯᠳᠤᠭᠠᠨ ᠤ ᠭᠠᠵᠠᠷ ᠊᠊᠊᠊᠊᠊᠊᠊᠊ ᠳᠠᠪᠭᠢ ᠶᠢᠨ ᠭᠤᠤᠯ ᠤᠨ ᠡᠷᠭᠢ ᠳᠡᠭᠡᠷᠡ ᠴᠤᠭᠯᠠᠷᠠᠪᠠ ᠃ ᠪᠢ ᠴᠤ ᠨᠢᠭᠡ ᠭᠦᠮᠤᠨ ᠤ ᠳᠤᠭᠠ ᠡᠵᠡᠯᠡᠭᠡᠤᠨ ᠠᠷᠪᠠᠨ ᠳᠠᠪᠤᠨ ᠨᠠᠰᠤᠨ ᠤ ᠪᠠᠨ ᠣᠷᠤᠭᠠ ᠪᠤᠰᠤᠭᠠ ᠥᠵᠦᠭᠦᠷ ᠥᠭᠡᠳᠡ ᠴᠠᠭᠢᠯᠠᠵᠤ ᠶᠠᠪᠣᠭᠠ ᠡᠷᠡ ᠶᠢᠨ ᠰᠢᠭᠢᠷᠠ ᠪᠣᠰᠬᠠᠵᠤ ᠂ ᠡᠷᠭᠢ ᠪᠠᠨ ᠠᠯᠬᠤᠵᠤ ᠬᠤᠯᠠ ᠶᠠᠪᠣᠭᠰᠠᠨ ᠪᠣᠯᠤᠭᠠᠤᠨ ᠡᠭᠡᠮ ᠰᠠᠴᠠᠭᠤᠳᠠᠨ ᠲᠡᠶ ᠪᠠᠨ ᠲᠠᠨᠢᠯᠴᠠᠭᠰᠠᠨ ᠶᠤᠮ ᠃
ᠥᠩᠭᠡᠷᠡᠭ᠍ᠰᠡᠨ ᠤ ᠬᠠᠷᠠ ᠰᠢᠷᠠ ᠪᠠᠷ ᠬᠤᠤᠠᠬᠤᠯᠳᠤᠭᠰᠠᠨ ᠣᠨ ᠵᠢᠯ ᠤᠳ ᠲᠤ 《ᠠᠩᠭᠢ ᠶᠢᠨ ᠭᠠᠷᠤᠯ》 ᠳᠤᠭᠳᠠᠭᠠᠭᠰᠠᠨ ᠂ ᠦᠪ ᠳᠡᠦᠭᠡ ᠵᠢ ᠮᠠᠯᠳᠠᠵᠤ ᠴᠡᠪᠠᠷᠯᠡᠭ᠍ᠰᠡᠨ ᠂ ᠦᠨᠡᠨ ᠬᠤᠳᠠᠯ ᠢ ᠵᠢᠭᠤᠷᠠᠯᠳᠤᠭᠤᠯᠤᠭᠰᠠᠨ᠂ ᠦᠷᠡ ᠭᠡᠦᠭᠡᠤᠨ ᠨᠢ ᠠᠪᠣ ᠡᠵᠢ ᠡᠴᠡ ᠪᠠᠨ ᠠᠩᠭᠢᠵᠢᠷᠠᠭᠰᠠᠨ ᠂ 《ᠬᠤᠪᠢᠰᠬᠠᠯ ᠤᠨ ᠭᠠᠯ ᠣᠯᠠᠭᠠᠨ ᠵᠠᠯᠭᠠᠮᠵᠢᠯᠠᠭᠴᠢ》 ᠶᠢ ᠭᠠᠷᠤᠯ ᠳᠡᠦᠭᠡ ᠪᠠᠷ ᠨᠢ ᠵᠤᠷᠢᠭᠵᠢᠭᠤᠯᠤᠭᠰᠠᠨ ᠂ 《ᠱᠤᠭᠤᠮ ᠤᠨ ᠭᠦᠮᠦᠵᠢᠯ 》 ᠦᠨ ᠭᠦᠳᠡᠯᠭᠡᠭᠡᠨ ᠳᠤ ᠰᠢᠳᠤᠷᠭᠤ ᠵᠢᠦᠡᠭᠦᠭ᠍ᠰᠡᠨ ᠴᠠᠭ ᠦᠶᠡ ᠪᠠᠢ᠌ᠯᠠ ︕ ᠪᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠭᠡᠴᠢᠭᠡᠤᠨ ᠪᠠᠶᠠᠨ ᠮᠠᠯᠴᠢᠨ ᠤ ᠦᠷᠡ ᠭᠡᠦᠭᠡᠤᠨ ᠴᠢᠨ᠋ᠸᠠ ᠶᠢᠨ ᠪᠠᠯᠳᠡᠷᠡᠭᠡ ᠶᠢ ᠴᠤ ᠭᠦᠷᠭᠦ ᠦᠭᠡᠶ ᠪᠣᠯᠵᠤ ᠰᠤᠶᠤᠯ ᠪᠢᠴᠢᠭ᠌ ᠡᠴᠡ ᠬᠤᠴᠤᠷᠤᠨ ᠭᠦᠳᠡᠭᠡ ᠶᠢᠨ ᠭᠦᠷᠦᠰᠤᠨ ᠳᠤ ᠭᠦᠳᠦᠰᠤᠨ ᠳᠠᠪᠠᠯ ᠳᠡᠭᠡᠨ ᠠᠯᠢᠪᠠ ᠪᠠᠨ ᠨᠢᠭᠤᠵᠤ ᠶᠠᠪᠣᠭᠰᠠᠨ ᠶᠤᠮ ᠃ ᠪᠠᠶᠠᠨ ᠮᠠᠯᠴᠢᠨ ᠤ ᠪᠠᠯᠴᠢᠷ ᠭᠦᠪᠠᠭᠦᠨ ᠳᠤ ᠬᠠᠨᠠᠭᠠᠷ ᠳᠠᠯᠠ ᠶᠢᠨ ᠥᠩᠭᠡ ᠦᠵᠡᠮᠵᠢ ᠂ ᠬᠠᠯᠭᠢᠭᠰᠠᠨ ᠠᠭᠳᠠ ᠶᠢᠨ ᠰᠦᠷ ᠰᠦᠯᠳᠡ ᠂ ᠬᠠᠮᠳᠤ ᠶᠢᠨ ᠰᠥᠷᠦᠭ᠌ ᠤᠨ ᠴᠠᠭᠠᠨ ᠳᠤᠭᠤᠰᠤ ᠠᠯᠢᠪᠠ ᠣᠢ᠌ᠤᠠᠬᠠᠷ ᠪᠣᠳᠤᠯ ᠢ ᠭᠡᠢ᠌ᠰᠭᠡᠨ ᠠᠷᠢᠯᠭᠠᠵᠤ ᠂ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠡᠴᠡ ᠠᠶᠠᠷᠯᠠᠨ ᠰᠠᠯᠤᠭᠠᠤᠨ ᠡᠷᠡ ᠪᠣᠯᠬᠤ ᠶᠢᠨ ᠣᠬᠠᠭᠠᠨ ᠳᠡᠭ᠍ᠰᠢᠷᠡᠵᠤ ᠪᠢᠯᠠ ᠃
ᠭᠦᠳᠡᠭᠡ ᠶᠢᠨ ᠠᠭᠤᠳᠠᠮ ᠴᠡᠩᠭᠡᠷ ᠳᠠᠯᠠ ᠨᠤᠳᠤᠭ ᠲᠤ ᠡᠢ᠌ᠮᠦᠷᠭᠦ ᠴᠤᠭᠯᠠᠭᠠᠨ ᠪᠣᠯᠵᠤ ᠬᠤᠶᠠᠷ ᠬᠤᠰᠢᠭᠤᠨ ᠤ ᠳᠠᠨᠢᠬᠤ ᠂ ᠳᠠᠨᠢᠬᠤ ᠦᠭᠡᠶ ᠭᠦᠮᠦᠰ ᠣᠨᠤᠭᠠ ᠮᠠᠯ ᠲᠡᠶ ᠪᠠᠨ ᠣᠢ᠌ᠮᠠᠯᠳᠤᠨ ᠱᠤᠤᠭᠢᠬᠤ ᠭᠡᠭ᠍ᠴᠢ ᠵᠠᠯᠠᠭᠤ ᠪᠠᠭᠠᠴᠤᠳ ᠤᠨ ᠬᠤᠷᠤᠬᠠᠢ ᠪᠣᠴᠠᠯᠭᠠᠭᠰᠠᠨ ᠣᠯᠳᠠᠰᠢ ᠦᠭᠡᠶ ᠵᠠᠪᠰᠢᠶᠠᠨ ᠂ ᠵᠠᠶᠠᠭᠠ ᠪᠠᠷ ᠵᠠᠮ ᠳᠠᠭᠠᠷᠠᠭᠰᠠᠨ ᠪᠦᠰᠡᠳᠡᠢ ᠂ ᠪᠦᠰᠡᠭᠦᠢ᠌ᠴᠦᠳ ᠤᠨ ᠬᠤᠪᠣᠷᠬᠠᠨ ᠣᠯᠵᠠ ᠣᠯᠬᠤ ᠣᠷᠴᠢᠯᠠᠩ ᠪᠠᠢ᠌ᠯᠠ ︕ ᠳᠠᠪᠭᠢ ᠶᠢᠨ ᠭᠤᠤᠯ ᠭᠡᠭ᠍ᠴᠢ ᠵᠠᠭᠤᠨ ᠠᠷᠭᠠᠮᠵᠢ ᠶᠢᠨ ᠬᠠᠭᠤᠷᠠᠢ ᠡᠯᠡᠰᠤᠨ ᠭᠤᠤᠯ ᠪᠠᠢ᠌ᠵᠤ ᠡᠷᠭᠢ ᠡᠴᠡ ᠪᠠᠨ ᠴᠠᠭᠠᠰᠢ ᠪᠣᠳᠠ ᠰᠤᠬᠠᠢ ᠱᠠᠭᠰᠢᠭ ᠡᠪᠠᠰᠤ ᠢᠭᠴᠤᠷᠠᠨ ᠣᠷᠭᠤᠭᠰᠠᠨ ᠣᠢ ᠰᠢᠭᠤᠢ ᠂ ᠬᠤᠶᠠᠷ ᠭᠦᠮᠤᠨ ᠣᠷᠤᠪᠠᠯ ᠨᠢᠭᠡ ᠨᠢᠭᠡᠨ ᠶᠢᠡᠨ ᠭᠡᠭᠡᠴᠢᠭᠡᠮᠡᠷ ᠪᠣᠢ᠌ᠳᠠ ᠪᠦᠭ᠍ᠯᠡᠭᠦᠤ ᠪᠠᠢ᠌ᠭᠠᠯᠢ ᠪᠠᠢ᠌ᠭᠰᠠᠨ ᠶᠤᠮ ᠃ ᠭᠦᠮᠤᠨ ᠭᠦᠮᠤᠨ ᠲᠡᠶ ᠪᠠᠨ ᠢᠵᠢᠯᠢᠳᠡᠭᠦ ᠭᠡᠭ᠍ᠴᠢ ᠶᠠᠮᠠᠷᠬᠠᠨ ᠬᠤᠷᠳᠤᠨ ᠪᠠᠢ᠌ᠳᠠᠭ ᠶᠤᠮ ᠪᠣᠢ ︕ ᠬᠤᠶᠠᠷ ᠡᠳᠦᠷ ᠤᠨ ᠠᠵᠢᠯ ᠭᠦᠳᠡᠯᠮᠦᠷᠢ ᠂ ᠠᠮᠠᠷᠠᠯᠳᠠ ᠶᠢᠨ ᠨᠠᠭᠠᠳᠤᠮ ᠳᠤᠭᠯᠠᠭᠠᠮ ᠶᠢᠡᠷ ᠳᠠᠮᠵᠢᠵᠤ ᠬᠤᠶᠠᠷ ᠬᠤᠰᠢᠭᠤᠨ ᠤ ᠭᠦᠭ᠍ᠰᠢᠨ ᠵᠠᠯᠠᠭᠤ ᠦᠭᠡᠶ ᠭᠦᠨ ᠨᠥᠭᠦᠷᠯᠡᠯ ᠤᠨ ᠨᠡᠯᠦᠭᠡᠷ ᠳᠠᠯᠠᠢ ᠳᠤ ᠱᠤᠩᠪᠠᠵᠤ ᠪᠢᠯᠠ ︕ ᠨᠠᠳᠠ ᠡᠴᠡ ᠠᠬᠠ ᠨᠤᠳᠤᠭ ᠤᠨ ᠮᠠᠨᠢ ᠭᠡᠳᠤᠨ ᠡᠷᠡᠴᠦᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠮᠢᠬᠠᠯᠢᠭ ᠮᠠᠷᠮᠠᠬᠠᠨ ᠭᠡᠦᠭᠡᠡᠴᠦᠳ ᠢ ᠭᠡᠳᠥᠢ᠌ᠨ ᠳᠠᠨᠢᠵᠤ ᠂ ᠬᠠᠢ᠌ᠷᠠ ᠰᠤᠨᠭᠢᠯᠭᠡ ᠪᠠᠨ ᠬᠠᠷᠠᠮ ᠦᠭᠡᠶ ᠰᠤᠯᠢᠯᠴᠠᠬᠤ ᠰᠢᠪᠠᠨᠡᠭᠡ ᠨᠢ ᠵᠡᠭᠦᠤ ᠣᠳᠠᠰᠤ ᠰᠥᠪᠠᠯᠡᠭᠦ ᠰᠢᠭ᠌ ᠡᠶᠡᠯᠳᠡᠭ᠌ ᠪᠣᠯᠵᠤ ᠵᠢᠷᠦᠭᠡ ᠵᠢᠷᠦᠭᠡ ᠪᠠᠨ ᠴᠢᠩᠨᠠᠵᠤ ᠪᠠᠯ ᠪᠣᠷᠠᠮ ᠤᠨ ᠠᠮᠳᠠ ᠶᠢ ᠭᠡᠯᠡ ᠪᠠᠷ ᠪᠢᠰᠢ ᠰᠢᠪᠠᠨᠡᠭᠡ ᠪᠠᠷ ᠶᠢᠡᠨ ᠰᠢᠮᠠᠨ ᠵᠠᠯᠭᠢᠯᠠᠵᠤ ᠂ ᠢᠴᠢᠵᠤ ᠰᠢᠷᠪᠠᠭᠡᠳᠡᠭ᠍ᠰᠡᠨ ᠬᠠᠢ᠌ᠷᠠ ᠨᠢ ᠰᠠᠷᠠᠨ ᠤ ᠳᠤᠶᠠᠭᠠᠨ ᠳᠤ ᠵᠠᠩᠭᠢᠷᠠᠨ ᠂ ᠰᠠᠳᠠᠷᠠᠵᠤ ᠥᠶᠡᠷᠯᠡᠭ᠍ᠰᠡᠨ ᠳᠤᠷᠠᠯᠠᠯ ᠨᠢ ᠳᠠᠪᠭᠢ ᠶᠢᠨ ᠭᠤᠤᠯ ᠤᠨ ᠬᠠᠭᠤᠷᠠᠢ ᠭᠦᠭᠡ ᠰᠠᠢ ᠣᠷᠤᠭᠤ ᠰᠤᠪᠣᠤᠨ ᠰᠢᠭ ᠠᠰᠬᠠᠷᠠᠨᠠ ᠃
ᠪᠢ ᠴᠤ ᠡᠷᠡ ᠶᠢᠨ ᠰᠢᠩᠰᠢ ᠵᠢᠪᠠᠷᠯᠠᠵᠤ ᠡᠡᠭ᠌ ᠰᠠᠴᠠᠭᠤ ᠨᠠᠰᠤ ᠲᠡᠶ ᠱᠢᠯᠠ ᠭᠡᠭ᠍ᠴᠢ ᠣᠷᠳᠤ ᠰᠠᠢ᠌ᠬᠠᠨ ᠭᠡᠵᠢᠭᠡ ᠨᠢ ᠨᠢᠷᠤᠭᠤ ᠶᠢᠨ ᠳᠤᠮᠳᠠ ᠪᠠᠨ ᠥᠶᠡᠯᠡᠭ᠍ᠰᠡᠨ ᠂ ᠭᠦᠷᠡᠩ ᠣᠯᠠᠭᠠᠨ ᠴᠢᠷᠠᠢ ᠳᠡᠭᠠᠨ ᠭᠡᠵᠢᠶᠡᠳᠡ ᠢᠨᠢᠶᠡᠮᠰᠦᠭᠯᠡᠯ ᠳᠤᠳᠤᠷᠠᠭᠤᠯᠤᠭᠰᠠᠨ ᠭᠡᠦᠭᠡᠨ ᠲᠡᠶ ᠳᠠᠨᠢᠯᠴᠠᠵᠤ ᠠᠴᠢᠶᠠ ᠲᠡᠶ ᠳᠡᠮᠡᠭᠡ ᠭᠦᠳᠦᠯᠤᠨ ᠳᠠᠭᠠᠷᠠᠯᠳᠤᠵᠤ ᠶᠠᠪᠣᠭᠰᠠᠨ ᠶᠤᠮ ᠃ ᠰᠠᠤᠠᠭᠢᠯ ᠳᠤ ᠰᠢᠷᠠᠵᠤ ᠳᠠᠯᠪᠢᠭᠰᠠᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠭᠡᠦᠭᠡᠡᠴᠦᠳ ᠡᠴᠡ ᠥᠷᠭᠦᠯᠵᠢ ᠢᠨᠢᠶᠠᠵᠤ ᠴᠠᠭᠢᠭᠤᠷ ᠴᠠᠭᠠᠨ ᠰᠢᠳᠤ ᠪᠠᠨ ᠢᠷᠠᠯᠵᠠᠭᠤᠯᠵᠤ ᠶᠠᠪᠣᠳᠠᠭ ᠽᠤᠮᠤᠤ ᠡᠭᠡᠴᠢ ᠂ ᠪᠠᠶᠠᠰᠬᠤ ᠭᠤᠮᠤᠳᠠᠬᠤ ᠨᠢ ᠠᠮᠠᠷᠬᠠᠨ ᠪᠠᠢ᠌ᠳᠠᠭ ᠱᠢᠮᠤᠤ ᠭᠡᠦᠭᠡᠨ ᠂ ᠴᠡᠷᠢᠭ᠌ ᠰᠢᠭ᠌ ᠬᠤᠪᠴᠠᠰᠤ ᠲᠡᠶ ᠴᠠᠴᠠᠨ ᠭᠡᠯᠡᠨ ᠳᠡᠭᠡᠨ ᠢᠨᠢᠶᠠᠳᠤ ᠣᠶᠤᠭᠰᠠᠨ ᠴᠡᠴᠡᠭ᠌ ᠭᠡᠦᠭᠡᠨ ᠂ ᠳᠠᠭᠤᠤ ᠰᠠᠢ᠌ᠬᠠᠨ ᠳᠠᠭᠤᠯᠠᠵᠤ ᠥᠭᠡ ᠰᠠᠢ᠌ᠬᠠᠨ ᠶᠠᠷᠢᠳᠠᠭ ᠣᠰᠬᠠᠯ ᠴᠤᠬᠤᠷ ᠨᠢᠳᠤ ᠲᠡᠶ ᠳ᠋ᠠᠰᠢᠳᠤᠯᠮᠠ ᠭᠡᠦᠭᠡᠨ ᠂ ᠰᠡᠷᠭᠦᠯᠡᠩ ᠵᠠᠩ ᠲᠡᠶ ᠰᠠᠳᠠᠷ ᠣᠬᠠᠭᠠᠨ ᠲᠡᠶ ᠰᠠᠷᠠᠨᠠ ᠭᠡᠦᠭᠡᠨ ᠁ ᠨᠤᠭᠦᠳ ᠪᠠᠢ᠌ᠯᠴᠠᠯᠠ ᠃ ᠪᠠᠰᠠ ᠴᠤ ᠢᠷᠭᠤᠢ ᠰᠠᠢ᠌ᠬᠠᠨ ᠳᠠᠭᠤ ᠬᠤᠭᠤᠯᠠᠢ ᠲᠡᠶ ᠳᠠᠩᠰᠤᠭ ᠰᠠᠢ᠌ᠬᠠᠨ ᠦᠨᠦᠷ ᠳᠠᠨᠤᠷ ᠶᠢᠡᠨ ᠬᠠᠩᠬᠤᠯᠤᠭᠤᠯᠤᠭᠰᠠᠨ ᠭᠤᠶᠤ ᠴᠡᠮᠴᠡᠭᠡᠷ ᠪᠦᠰᠡᠭᠦᠢ᠌ᠴᠦᠳ ᠴᠤ ᠣᠯᠠᠨ ᠣᠯᠠᠨ ᠪᠠᠢ᠌ᠯᠴᠠᠯᠠ ᠃ ᠪᠢ ᠳᠠᠳᠠ ᠨᠡᠷ ᠢ ᠡᠭᠡᠴᠢ ᠳᠠᠭᠤᠳᠠᠵᠤ ᠠᠪᠣᠭᠠᠢ᠌ᠯᠠᠬᠤ ᠳᠤ ᠳᠠᠳᠠ ᠨᠠᠮᠠᠶ᠋ᠢ ᠳᠡᠭᠦᠤ ᠪᠠᠨ ᠭᠡᠵᠤ ᠥᠭᠦᠭᠡᠷᠳᠡᠨ ᠬᠠᠢ᠌ᠷᠠᠯᠠᠵᠤ ᠂ ᠳᠡᠨᠡᠭ᠌ ᠠᠮᠢᠳᠠᠨ ᠬᠤᠷᠳᠤᠨ ᠡᠷᠡ ᠪᠣᠯ ᠭᠡᠭᠦ ᠰᠢᠭ᠌ ᠠᠷᠢᠭᠤᠨ ᠰᠠᠢ᠌ᠬᠠᠨ ᠰᠠᠤᠠᠭᠢᠯ ᠵᠢᠷᠦᠭᠡᠨ ᠡᠴᠡ ᠪᠠᠨ ᠢᠯᠡᠭᠦᠤ ᠣᠯᠵᠠᠷᠬᠠᠭᠰᠠᠨ ᠥᠯᠢᠭᠡᠷ ᠳᠤᠮᠤᠭ ᠰᠢᠤᠬᠠᠨ ᠶᠠᠭᠤᠮᠠ ᠪᠠᠨ ᠶᠠᠷᠢᠵᠤ ᠂ ᠵᠢᠭᠠᠬᠠᠨ ᠵᠠᠪ ᠭᠠᠷᠪᠠᠯ ᠭᠦᠵᠦᠷ ᠨᠠᠭᠠᠤᠠᠴᠤ ᠨᠠᠮᠠᠶ᠋ᠢ ᠣᠨᠠᠭᠠᠭᠠᠤᠨ ᠳᠠᠭᠤᠤ ᠳᠠᠭᠤᠯᠠᠭᠤᠯᠵᠤ ᠳᠤᠭᠯᠠᠳᠠᠭ ᠪᠠᠢ᠌ᠯᠠ ᠃ ᠳᠠᠷᠠ ᠦᠶᠡᠰ ᠪᠦᠰᠡᠭᠦᠢ ᠭᠦᠮᠤᠨ ᠤ ᠣᠷᠢᠨ ᠵᠥᠭᠡᠯᠡᠨ ᠵᠠᠩ ᠠᠭᠠᠯᠢ ᠂ ᠠᠵᠢᠯ ᠣᠢ᠌ᠯᠠ ᠶᠢ ᠣᠢ᠌ᠯᠠᠭᠠᠵᠤ ᠂ ᠱᠢᠯᠠ ᠬᠤᠵᠢᠮ ᠪᠠᠰᠠ ᠴᠤ ᠡᠢ᠌ᠮᠤ ᠰᠠᠢ᠌ᠬᠠᠨ ᠪᠦᠰᠡᠭᠦᠢ ᠪᠠᠢ᠌ᠬᠤ ᠴᠤ ᠪᠣᠢ ᠭᠡᠵᠤ ᠵᠥᠩᠳᠡᠭᠡᠨ ᠪᠤᠳᠤᠬᠳᠡᠨᠡ ᠃ ᠳᠠᠳᠠᠨ ᠤ ᠬᠠᠢ᠌ᠷᠠ ᠰᠠᠤᠠᠭᠢᠯ ᠤᠨ ᠭᠦᠳᠡᠯᠭᠡᠭᠡᠨ ᠣᠬᠠᠭᠠᠨ ᠪᠣᠳᠤᠯ ᠢ ᠮᠢᠨᠢ ᠡᠪᠳᠡᠵᠤ ᠂ ᠠᠮᠤᠷᠯᠢᠩᠭ᠋ᠤᠢ ᠪᠠᠢ᠌ᠭᠰᠠᠨ ᠡᠮᠨᠡᠭ᠌ ᠪᠠᠭᠠ ᠨᠠᠰᠤ ᠶᠢ ᠮᠢᠨᠢ ᠥᠷᠭᠦᠭᠡᠨ ᠰᠤᠴᠢᠭᠠᠪᠠ ︕ ᠪᠣᠯᠴᠢᠩ ᠰᠢᠷᠪᠣᠰᠤ ᠨᠢ ᠭᠦᠢᠴᠡᠭ᠍ᠰᠡᠨ ᠬᠤᠶᠠᠷ ᠬᠤᠰᠢᠭᠤᠨ ᠤ ᠳᠤᠮᠤ ᠡᠷᠡᠴᠦᠳ ᠢ ᠭᠠᠢ᠌ᠬᠠᠵᠤ ᠬᠤᠶᠠᠷ ᠤᠨ ᠬᠤᠭᠤᠷᠤᠠᠳᠤ ᠭᠤᠷᠪᠠ ᠶᠢᠨ ᠳᠤᠮᠳᠠ ᠬᠤᠴᠤᠷᠤᠨᠠ ᠃
ᠴᠠᠭ ᠬᠤᠭᠤᠴᠠᠭᠠ ᠶᠢᠨ ᠥᠩᠭᠡᠷᠡᠭᠦ ᠭᠡᠭ᠍ᠴᠢ ᠶᠠᠭᠤᠳᠠᠢ ᠬᠤᠷᠳᠤᠨ ᠠᠵᠠᠢ︕ ᠠᠷᠪᠠᠨ ᠳᠠᠪᠤᠨ ᠡᠳᠦᠷ ᠤᠨ ᠳᠡᠮᠡᠴᠡᠭᠡᠨ ᠳᠤ ᠠᠯᠠᠩ ᠪᠣᠯᠬᠤ ᠪᠣᠳᠠ ᠰᠤᠬᠠᠢ ᠪᠠᠷ ᠳᠡᠪᠢᠰᠭᠡᠷ ᠳᠠᠯᠪᠢᠭᠰᠠᠨ ᠥᠷᠭᠡᠨ ᠦᠨᠳᠦᠷ ᠬᠠᠰᠢᠯᠭᠠ ᠪᠣᠰᠴᠤ ᠪᠣᠯᠠᠩᠭᠢᠷ ᠵᠥᠭ᠌ ᠬᠠᠠᠳᠤᠭᠰᠠᠨ ᠳᠡᠷᠭᠡ ᠣᠨᠤᠭᠠ ᠳᠠᠯᠳᠠᠷᠠᠮᠠ ᠰᠤᠪᠠᠭ ᠵᠥᠰᠦᠭ᠍ᠳᠡᠨ ᠬᠠᠭᠠᠷᠠᠵᠤ ᠡᠯᠡᠰᠤᠨ ᠬᠠᠮᠠᠷ ᠤᠳ ᠢ ᠳᠠᠰᠤ ᠭᠡᠷᠴᠢᠨ ᠡᠷᠭᠢ ᠭᠠᠷᠭᠠᠭᠰᠠᠨ ᠪᠠᠢ᠌ᠯᠠ ᠃ ᠠᠵᠢᠯ ᠳᠠᠭᠤᠰᠤᠭᠰᠠᠨ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠣᠷᠤᠢ ᠬᠤᠶᠠᠷ ᠬᠤᠰᠢᠭᠤᠨ ᠤ ᠳᠠᠷᠤᠭᠠ ᠱᠦᠵᠢ ᠠᠭᠤ ᠳᠦᠭᠦᠷᠵᠡ ᠂ ᠠᠪᠠᠷᠢ ᠫᠠᠯᠠᠩ ᠂ ᠠᠬᠠ ᠫᠧᠯᠵᠢ ᠨᠡᠷ ᠣᠯᠠᠨ ᠲᠡᠶ ᠪᠠᠨ ᠵᠦᠪᠳᠠᠯᠴᠠᠵᠤ ᠠᠵᠢᠯ ᠤᠨ ᠠᠮᠵᠢᠯᠳᠠ ᠪᠦᠳᠦᠭᠡᠯ ᠶᠢᠡᠨ ᠳ᠋ᠦ᠋ᠩᠨᠠᠨ ᠬᠠᠢ᠌ᠷᠠ ᠳᠠᠯᠠᠷᠬᠠᠯ ᠶᠢᠡᠨ ᠰᠤᠯᠢᠯᠴᠠᠵᠤ ᠂ ᠳᠠᠭᠤᠤ ᠪᠦᠵᠢᠭ᠌ ᠤᠨ ᠣᠷᠤᠯᠳᠤᠭᠠᠨ ᠲᠡᠶ ᠨᠠᠢ᠌ᠷ ᠪᠣᠯᠪᠠ ᠃ ᠨᠠᠰᠤᠳᠠᠢ᠌ᠴᠤᠳ ᠠᠷᠢᠭᠢ ᠶᠠᠷᠢᠶᠠᠨ ᠳᠠᠭᠠᠨ ᠰᠤᠭᠳᠤᠭᠤᠷᠠᠵᠤ ᠳᠤᠮᠤᠭ ᠳᠡᠦᠭᠡ ᠪᠠᠨ ᠡᠬᠦᠰᠬᠡᠵᠤ ᠭᠦᠭᠡ ᠵᠠᠭ ᠤᠨ ᠴᠤᠭ ᠮᠠᠨᠠᠨᠠ ᠃ ᠵᠠᠯᠠᠭᠤ ᠢᠳᠠᠷᠴᠤᠳ ᠤᠨ ᠭᠦᠭᠡᠷᠡᠵᠤ ᠭᠦᠪᠦᠯᠵᠡᠭ᠍ᠰᠡᠨ ᠬᠠᠢ᠌ᠷᠠ ᠰᠤᠨᠭᠢᠯᠭᠡ ᠶᠢᠨ ᠰᠢᠪᠠᠨᠡᠭᠡ ᠴᠡᠩᠭᠡᠷ ᠳᠡᠭ᠍ᠷᠢ ᠳᠤ ᠴᠠᠯᠭᠢᠯᠠᠵᠤ ᠂ ᠳᠠᠯᠠ ᠶᠢᠨ ᠰᠠᠯᠭᠢ ᠪᠠᠷ ᠢᠰᠭᠢᠷᠡᠭᠦᠯᠤᠨ ᠳᠠᠩᠨᠠᠢ ᠶᠢᠨ ᠰᠤᠳᠠᠯ ᠡᠴᠡ ᠨᠢ ᠬᠠᠢ᠌ᠷᠠ ᠰᠢᠭᠦᠷᠡᠨᠡ᠃ ᠰᠠᠯᠵᠤ ᠶᠠᠳᠠᠭᠰᠠᠨ ᠬᠠᠢ᠌ᠷᠠ ᠶᠢᠨ ᠰᠢᠪᠠᠨᠡᠭᠡ ᠳᠠᠪᠭᠢ ᠶᠢᠨ ᠭᠤᠤᠯ ᠶᠢᠡᠷ ᠳᠠᠯᠪᠠᠵᠤ ᠣᠷᠤᠰᠤᠭᠠᠤᠨ ᠪᠣᠯᠵᠤᠭᠠᠨ ᠤ ᠬᠠᠰᠢᠯᠭᠠ ᠳᠤ ᠳᠤᠯᠵᠤ ᠳᠤᠨᠤᠨᠠ ᠃ ᠪᠠᠭᠠᠴᠤᠳ ᠭᠡᠦᠭᠡᠤᠨ ᠰᠠᠷᠠᠨ ᠤ ᠳᠤᠶᠠᠭᠠᠨ ᠳᠤ ᠠᠯᠴᠢᠭᠤᠷ ᠬᠠᠶᠠᠵᠤ ᠳᠠᠭᠤᠤ ᠠᠶᠠᠯᠠᠭᠤᠯᠵᠤ ᠪᠠᠢ᠌ᠭᠠᠤᠨ ᠬᠠᠷᠠ ᠨᠣᠢ᠌ᠷ ᠶᠢᠡᠷ ᠶᠢᠡᠨ ᠨᠠᠮ ᠴᠤᠭᠢᠭᠤᠯᠵᠤ ᠣᠠᠳᠠᠵᠤ ᠬᠤᠴᠤᠷᠤᠨᠠ ᠃ ᠮᠠᠷᠭᠠᠰᠢ ᠥᠷᠯᠦᠭᠡ ᠨᠢ ᠨᠢᠳᠤ ᠠᠨᠢᠭᠰᠠᠨ ᠦᠭᠡᠶ ᠬᠤᠨᠤᠭᠰᠠᠨ ᠠᠷᠢᠭᠢ ᠂ ᠬᠠᠢ᠌ᠷᠠ ᠂ ᠵᠡᠭᠦᠳᠤ ᠭᠤᠷᠪᠠ ᠪᠠᠷ ᠭᠡᠯᠭᠢᠯᠳᠦᠭ᠍ᠰᠡᠨ ᠭᠦᠭ᠍ᠰᠢᠨ ᠵᠠᠯᠠᠭᠤ ᠪᠠᠭᠠᠴᠤᠳ ᠪᠠᠷᠠᠭᠠ ᠶᠡᠭᠦᠢ ᠪᠠᠨ ᠳᠢᠭᠯᠡᠨ ᠭᠡᠷ ᠮᠠᠢ᠌ᠬᠠᠨ ᠶᠢᠡᠨ ᠪᠠᠭᠤᠯᠭᠠᠵᠤ ᠣᠨᠤᠭᠠ ᠮᠠᠯ ᠶᠢᠡᠨ ᠬᠤᠰᠢᠯᠠᠵᠤ ᠳᠤᠬᠤᠭᠠᠤᠨ ᠬᠤᠶᠠᠷ ᠵᠥᠭ᠌ ᠰᠠᠯᠤᠨ ᠮᠤᠷᠳᠠᠬᠤ ᠪᠣᠯᠤᠯᠠ ᠃
ᠳᠠᠪᠭᠢ ᠶᠢᠨ ᠭᠤᠤᠯ ᠬᠠᠢ᠌ᠷᠠ ᠪᠠᠷ ᠦᠶᠡᠷᠯᠠᠵᠤ ᠂ ᠳᠡᠮᠡᠭᠡᠨ ᠤ ᠪᠦᠭᠦᠭ ᠰᠢᠭ᠌ ᠵᠠᠮ ᠰᠠᠯᠠᠭᠠᠯᠠᠬᠤ ᠣᠴᠢᠷ ᠲᠤ ᠪᠠᠷᠢᠭᠳᠠᠨ ᠪᠠᠶᠠᠷ ᠭᠤᠮᠤᠳᠠᠯ ᠂ ᠣᠢ᠌ᠤᠠᠬᠠᠷ ᠵᠤᠪᠠᠨᠢᠯ ᠶᠢᠡᠨ ᠳᠠᠠᠳᠠ ᠬᠤᠴᠤᠷᠭᠠᠭᠠᠤᠨ ᠪᠦᠯᠦᠭ᠌ ᠪᠦᠯᠦᠭ᠌ ᠶᠢᠡᠷ ᠳᠠᠰᠤᠷᠠᠨ ᠳᠠᠨᠢᠯ ᠳᠠᠰᠤᠯ ᠳᠠᠩᠨᠠᠢ ᠶᠢᠨ ᠰᠤᠳᠠᠯ ᠶᠢᠡᠨ ᠰᠠᠯᠭᠠᠵᠤ ᠬᠤᠰᠢᠭᠤ ᠨᠤᠳᠤᠭ ᠤᠨ ᠶᠢᠡᠨ ᠵᠥᠭ᠌ ᠠᠶᠠᠷᠯᠠᠨ ᠤᠳᠤᠨᠡ︕ ᠡᠨᠡ ᠊ᠭ᠍ᠱᠡᠨ ᠳᠤ ᠽᠤᠮᠤᠤ ᠡᠭᠡᠴᠢ ᠢᠷᠠᠵᠤ ᠬᠠᠴᠠᠷ ᠡᠴᠡ ᠮᠢᠨᠢ ᠣᠷᠤᠮ ᠭᠠᠷᠳᠠᠯᠠ ᠥᠨᠦᠰᠴᠢᠭᠡᠤᠨ 《ᠬᠤᠵᠢᠮ ᠮᠠᠨ ᠤ ᠨᠤᠳᠤᠭ ᠲᠤ ᠭᠦᠷᠭᠡᠨ ᠪᠣᠯᠬᠤ ᠪᠠᠷ ᠢᠷᠠ》 ᠭᠡᠵᠤ ᠵᠡᠭᠦᠳᠤᠨ ᠳᠤ ᠦᠭᠡᠶ ᠥᠭᠡ ᠂ ᠵᠢᠷᠦᠭᠡᠨ ᠳᠤ ᠦᠭᠡᠶ ᠦᠨᠦᠰᠤᠯᠳᠠ ᠪᠠᠨ ᠥᠯᠡᠳᠡᠭᠡᠭᠡᠤᠨ ᠳᠡᠮᠡᠭᠡᠨ ᠳᠡᠭᠡᠨ ᠮᠤᠷᠳᠠᠵᠤ ᠡᠷᠭᠢᠵᠤ ᠬᠠᠷᠠᠯ ᠦᠭᠡᠶ ᠳᠤᠭᠤᠰᠤ ᠳᠠᠳᠠᠭᠤᠯᠤᠨ ᠶᠠᠪᠣᠯᠠ ᠃ ᠪᠢ ᠬᠣᠢ᠌ᠨᠠ ᠡᠴᠡ ᠨᠢ ᠡᠭᠡᠴᠢ ᠡ ︕ ᠭᠦᠯᠢᠶᠡᠵᠤ ᠪᠠᠢ ᠭᠡᠤᠨ ᠭᠦᠶᠦᠯᠭᠡᠮᠡᠷ ᠪᠣᠯᠤᠭᠰᠠᠨ ᠴᠤ ᠶᠠᠮᠠᠷ ᠠᠷᠭᠠ ᠪᠢᠯᠠ ︕ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠳᠡᠮᠡᠭᠡᠨ ᠤ ᠪᠠᠨᠬᠠᠮᠠᠷ ᠢ ᠳᠠᠳᠠᠨ ᠡᠷᠭᠢᠭᠦᠯᠵᠤ ᠣᠯᠠᠨ ᠤ ᠪᠠᠨ ᠠᠷᠤ ᠡᠴᠡ ᠵᠠᠬᠠ ᠦᠭᠡᠶ ᠪᠣᠳᠤᠯ ᠂ ᠪᠣᠢ᠌ᠵᠢᠭᠠ ᠦᠭᠡᠶ ᠣᠬᠠᠭᠠᠨ ᠳᠠᠭᠠᠨ ᠪᠠᠯᠠᠷᠠᠵᠤ ᠰᠡᠭᠡᠯᠡᠭᠦᠯᠦᠨᠡ ᠃ ᠪᠠᠷᠤᠭᠯᠠᠪᠠᠯ ᠽᠤᠮᠤᠤ ᠡᠭᠡᠴᠢ ᠪᠠᠯᠰᠠᠩ ᠠᠬᠠ ᠳᠤ ᠥᠯᠡᠳᠡᠭᠡᠭᠦ ᠬᠠᠢ᠌ᠷᠠ ᠶᠢᠨ ᠦᠨᠦᠰᠤᠯᠳᠠ ᠪᠠᠨ ᠮᠢᠨᠤ ᠬᠠᠴᠠᠷ ᠳᠡᠭᠡᠷᠡ ᠳᠠᠮᠠᠭᠠᠯᠠᠭᠰᠠᠨ ᠪᠠᠢ᠌ᠬᠠ ︕
ᠨᠤᠳᠤᠭ ᠤᠨ ᠮᠢᠨᠢ ᠢᠷᠭᠤᠢ ᠰᠠᠢ᠌ᠬᠠᠨ ᠬᠠᠪᠣᠷ ᠣᠢ ᠲᠦᠮᠡᠨ ᠪᠣᠳᠠᠰ ᠢ ᠦᠯᠢᠶᠠᠨ ᠰᠡᠷᠭᠦᠭᠡᠵᠤ ᠴᠡᠩᠭᠡᠷ ᠳᠤᠷᠭᠠᠨ ᠣᠨᠢᠶᠠᠷ ᠳᠠᠯᠠ ᠶᠢ ᠵᠦᠰᠤᠨ ᠵᠢᠷᠢᠯᠵᠡᠭᠦ ᠳᠤ ᠳᠠᠪᠭᠢ ᠶᠢᠨ ᠭᠤᠤᠯ ᠤᠨ ᠣᠯᠠᠭᠠᠨ ᠦᠶᠡᠷ ᠳᠡᠮᠡᠭᠡᠨ ᠰᠥᠷᠦᠭ᠌ ᠪᠦᠭᠦᠯᠡᠭᠦ ᠰᠢᠭ᠌ ᠣᠪᠣᠯᠵᠠᠨ ᠳᠠᠪᠠᠯᠠᠭᠠᠯᠠᠵᠤ ᠳᠤᠪᠣᠩ ᠳᠤᠯᠤᠭᠠᠢ ᠂ ᠳᠠᠷᠠᠰᠤ ᠬᠤᠯᠤᠰᠤ ᠶᠢ ᠬᠤᠭᠤᠴᠠᠨ ᠳᠡᠭ᠍ᠰᠢᠯᠡᠵᠤ ᠦᠬᠢᠷᠠᠵᠤ ᠭᠠᠩᠳᠠᠭᠰᠠᠨ ᠬᠠᠭᠤᠷᠠᠢ ᠭᠦᠷᠦᠰᠤ ᠰᠢᠷᠠ ᠳᠠᠯᠠ ᠶᠢ ᠪᠦᠷᠭᠦᠨ ᠣᠷᠤᠰᠴᠤ ᠭᠦᠷᠳᠤ ᠶᠢᠨ ᠭᠦᠳᠡᠭᠡ ᠂ ᠵᠠᠯᠠ ᠪᠣᠳᠠ ᠂ ᠬᠤᠤᠠᠳᠤᠭ ᠨᠠᠮᠤᠭᠠ ᠂ ᠪᠠᠭᠠ ᠰᠠᠢ᠌ᠷ ᠂ ᠬᠠᠷᠠ ᠮᠤᠷᠢᠨ ᠤ ᠭᠦᠯ ᠂ ᠭᠦᠭᠡ ᠬᠤᠯᠤᠰᠤᠨ ᠵᠡᠷᠭᠡ ᠭᠠᠵᠠᠷ ᠣᠷᠤᠨ ᠢ ᠦᠪᠴᠢ ᠣᠰᠤᠯᠠᠵᠤ ᠭᠦᠯ ᠦᠭᠡᠶ ᠳᠠᠯᠠᠢ ᠪᠣᠯᠭᠠᠪᠠ ᠃ ᠪᠣᠯᠠᠩᠭᠢᠷ ᠤᠨ ᠠᠷᠠᠤᠨ ᠲᠦᠮᠡᠨ ᠴᠤ ᠰᠠᠨᠠᠭᠠᠨ ᠳᠠᠭᠠᠨ ᠭᠦᠷᠴᠤ ᠂ ᠪᠣᠶᠠᠨ ᠶᠢᠡᠨ ᠳᠠᠷᠠᠯᠠᠵᠤ ᠂ ᠪᠣᠬᠠ ᠨᠢ ᠳᠤᠭᠤᠯᠯᠠᠭᠠᠤᠨ ᠭᠠᠩᠳᠠᠵᠤ ᠬᠠᠳᠠᠭᠰᠠᠨ ᠭᠠᠵᠠᠷ ᠤᠨ ᠭᠦᠷᠦᠰᠤ ᠰᠢᠷᠤᠢ ᠂ ᠡᠪᠠᠰᠤ ᠣᠷᠭᠤᠮᠠᠯ ᠣᠮᠳᠠ ᠪᠠᠨ ᠣᠯᠵᠤ ᠂ ᠦᠨᠳᠦᠰᠦ ᠪᠠᠨ ᠰᠤᠩᠭ᠋ᠠᠬᠤ ᠳᠤ ᠭᠦᠷᠵᠡ ᠬᠤᠵᠢᠷ ᠭᠦᠯ ᠠᠯᠳᠠᠵᠤ ᠳᠤᠭᠤᠭᠳᠠᠵᠤ ᠠᠷᠢᠯᠪᠠ ᠃ ᠵᠡᠭᠦᠨ ᠬᠤᠰᠢᠭᠤᠨ ᠤ ᠬᠤᠩᠬᠠᠳᠤ ᠡᠷᠭᠢ ᠡᠴᠡ ᠣᠯᠠᠭᠠᠨ ᠪᠦᠭᠡᠷᠡᠭ᠌ ᠭᠤᠷᠪᠠᠨ ᠳᠤᠯᠤᠭᠠᠢ ᠂ ᠬᠠᠢ᠌ᠷᠠᠳᠤ ᠶᠢᠨ ᠬᠠᠯᠵᠠᠨ ᠂ ᠰᠢᠷᠠ ᠭᠤᠤᠯ ᠂ ᠴᠠᠭᠠᠨ ᠨᠠᠮᠤᠭᠠ ᠁ ᠵᠡᠷᠭᠡ ᠭᠠᠵᠠᠷ ᠨᠤᠳᠤᠭ ᠤᠨ ᠡᠪᠠᠰᠤ ᠳᠤᠭᠤᠰᠤ ᠦᠶᠡᠷ ᠤᠨ ᠭᠦᠯ ᠡᠴᠡ ᠵᠠᠢ᠌ᠯᠠᠵᠤ ᠂ ᠦᠷᠦᠮᠡ ᠳᠤᠭᠳᠠᠵᠤ ᠥᠭᠡᠭᠦ ᠪᠦᠮᠪᠦᠯᠵᠡᠭ᠍ᠰᠡᠨ ᠦᠩ ᠰᠢᠮᠡᠯᠢᠭ᠌ ᠬᠤᠷᠸᠠ ᠪᠣᠯᠪᠠ ᠃ ᠡᠨᠡᠭᠦ ᠣᠢ᠌ᠯᠠᠰ ᠪᠦᠳᠦᠭᠡᠯ ᠤᠨ ᠶᠢᠡᠨ ᠦᠷᠡ ᠳ᠋ᠦ᠋ᠩ ᠳᠤ ᠬᠤᠶᠠᠷ ᠬᠤᠰᠢᠭᠤᠨ ᠤ ᠠᠷᠠᠤᠨ ᠮᠠᠩᠨᠠᠢ ᠳᠠᠨᠢ᠌ᠨ ᠪᠠᠶᠠᠷᠯᠠᠵᠤ ᠂ ᠠᠰᠬᠠᠷᠠᠭᠰᠠᠨ ᠭᠦᠯᠦᠰᠤ ᠠᠯᠳᠠ ᠪᠣᠯᠤᠨ ᠪᠦᠷᠢᠯᠳᠦᠵᠤ ᠂ ᠠᠯᠢᠶᠠ ᠭᠦᠭᠡᠷᠦᠭᠦᠨ ᠦᠷᠡ ᠬᠣᠢ᠌ᠴᠢᠰ ᠤᠨ ᠵᠠᠶᠠᠭᠠ ᠳᠠᠪᠢᠯᠠᠩ ᠳᠡᠷᠭᠡᠯᠰᠢᠵᠤ ᠂ ᠵᠠᠬᠠ ᠨᠢ ᠨᠡᠢ᠌ᠯᠡᠭ᠍ᠰᠡᠨ ᠳᠤᠷᠭᠠᠨ ᠨᠤᠳᠤᠭ ᠤᠨ ᠶᠢᠡᠨ ᠡᠯᠢᠭᠡᠨ ᠳᠡᠭᠡᠷᠡ ᠵᠠᠩ ᠶᠢᠡᠨ ᠮᠡᠳᠡᠯᠴᠡᠭ᠍ᠰᠡᠨ ᠵᠠᠯᠠᠭᠤᠰ ᠤᠨ ᠬᠠᠢ᠌ᠷᠠ ᠨᠤᠳᠤᠭ ᠬᠤᠯᠪᠤᠨ ᠰᠤᠯᠤᠩᠭ᠋ᠠᠷᠠᠵᠤ ᠂ ᠬᠤᠶᠠᠷ ᠬᠤᠰᠢᠭᠤᠨ ᠳᠤ ᠬᠤᠤᠰᠯᠠᠨ ᠨᠢᠰᠭᠦ ᠬᠤᠨ ᠤ ᠨᠡᠭᠦᠳᠡᠯ ᠴᠤ ᠣᠯᠠᠰᠢᠷᠠᠪᠠ ᠃
ᠨᠤᠳᠤᠭ ᠣᠰᠤᠨ ᠤ ᠦᠪ ᠭᠦᠷᠦᠩᠭᠡ ᠂ ᠥᠩᠭᠡ ᠦᠵᠡᠮᠵᠢ ᠵᠠᠭᠠᠭ ᠱᠤᠭᠤᠮ ᠭᠡᠭ᠍ᠴᠢ ᠣᠢ ᠣᠬᠠᠭᠠᠠᠳᠤ ᠭᠦᠮᠦᠰ ᠤᠨ ᠴᠢᠰᠤ ᠭᠦᠯᠦᠰᠤ ᠪᠠᠷ ᠪᠦᠷᠢᠯᠳᠦᠭ᠍ᠰᠡᠨ ᠪᠠᠢ᠌ᠳᠠᠭ ᠶᠤᠮ ᠪᠠᠢ᠌ᠵᠠᠢ ᠃ ᠨᠤᠳᠤᠭ ᠣᠰᠤ ᠪᠠᠨ ᠠᠮᠢ ᠭᠤᠤᠯ ᠲᠡᠶ ᠪᠠᠨ ᠬᠤᠯᠪᠣᠵᠤ ᠶᠠᠪᠣᠭᠰᠠᠨ ᠠᠬᠠᠮᠠᠤᠨ ᠳᠡᠭᠡᠳᠦᠰ ᠠᠪᠠᠷᠢ ᠫᠠᠯᠠᠩ ᠂ ᠠᠭᠤ ᠳᠦᠭᠦᠷᠵᠡ ᠂ ᠠᠬᠠ ᠫᠧᠯᠵᠢ ᠁ ᠨᠡᠷ ᠠᠷᠠᠤᠨ ᠣᠯᠠᠨ ᠳᠠᠭᠠᠨ ᠮᠥᠩᠭᠦᠨ ᠳᠦᠷᠦᠭᠡ ᠥᠯᠡᠳᠡᠭᠡᠵᠤ ᠠᠷᠢᠭᠤᠨ ᠨᠤᠳᠤᠭ ᠤᠨ ᠶᠢᠡᠨ ᠭᠦᠷᠦᠰᠤᠨ ᠳᠤ ᠠᠯᠳᠠ ᠪᠣᠯᠤᠨ ᠰᠢᠭᠢᠳᠦᠭ᠍ᠰᠡᠨ ︕ ᠦᠪ ᠶᠢᠡᠨ ᠳᠡᠭᠡᠳᠦᠯᠡᠵᠤ ᠦᠨᠳᠦᠰᠦ ᠪᠠᠨ ᠬᠠᠢ᠌ᠬᠤ ᠳᠤ ᠳᠠᠨᠠᠷ ᠮᠢᠨᠢ ᠦᠨᠢ ᠮᠥᠩᠭᠡ ᠣᠷᠤᠰᠢᠭᠰᠠᠭᠠᠷ ︕ ᠣᠳᠤ ᠰᠤᠳᠤ ᠪᠣᠯᠤᠭᠰᠠᠨ ᠭᠠᠪᠢᠶᠠ ᠵᠢᠦᠡᠭᠦᠯ ᠨᠢ ᠪᠠᠯᠠᠷᠠᠰᠢ ᠦᠭᠡᠶ ᠦᠪ ᠶᠢᠡᠨ ᠮᠠᠨᠠᠵᠤ ᠭᠦᠭ᠍ᠵᠢᠭ᠍ᠰᠡᠭᠡᠷ ︕
ᠬᠤᠶᠠᠷ
ᠳᠡᠭ᠍ᠷᠢ ᠰᠥᠯᠳᠡᠯᠡᠭ᠍ᠰᠡᠨ ᠨᠤᠳᠤᠭ ᠤᠨ ᠬᠠᠢ᠌ᠷᠠ ᠳᠡᠭᠡᠷᠡ ᠦᠰᠴᠦ ᠂ ᠠᠭᠳᠠ ᠮᠤᠷᠢᠨ ᠤ ᠢᠳᠡᠭᠡᠯ ᠶᠢᠡᠷ ᠨᠤᠳᠤᠭ ᠶᠢᠡᠨ ᠮᠠᠨᠠᠭᠰᠠᠨ ᠮᠤᠩᠭ᠋ᠤᠯ ᠲᠦᠮᠡᠨ ᠳᠤ ᠴᠡᠴᠡᠭᠡᠰ ᠤᠨ ᠦᠨᠦᠷ ᠂ ᠴᠡᠩᠭᠡᠷ ᠠᠭᠠᠷ ᠂ ᠣᠤᠭᠤᠭᠰᠠᠨ ᠣᠰᠤ ᠂ ᠣᠨᠠᠭᠰᠠᠨ ᠰᠢᠷᠤᠢ ᠂ ᠭᠦᠭᠡ ᠭᠤᠯᠤᠮᠳᠠ ᠂ ᠭᠦᠯᠪᠠᠷᠢᠭ᠍ᠰᠡᠨ ᠨᠤᠳᠤᠭ ᠨᠢ ᠯᠠ ᠠᠮᠢᠨ ᠭᠤᠤᠯ ᠤᠨ ᠭᠢᠨᠢ ᠠᠯᠳᠠ ᠪᠠᠢ᠌ᠵᠤ ᠂ ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠦᠶᠡ ᠦᠶᠡ ᠥᠯᠡᠳᠡᠭᠡᠵᠤ ᠂ ᠬᠠᠢ᠌ᠷᠠᠯᠠᠵᠤ ᠬᠠᠮᠠᠭᠠᠯᠠᠵᠤ ᠢᠷᠡᠭ᠍ᠰᠡᠨ ᠦᠪ ᠨᠢ ᠭᠠᠭᠴᠠᠬᠠᠨ ᠨᠤᠳᠤᠭ ᠪᠢᠯᠠ ︕ ᠬᠠᠷᠢᠨ ᠪᠠᠢ᠌ᠭᠠᠯᠢ ᠶᠢ ᠪᠠᠷᠠᠬᠤ ᠪᠠᠷ ᠦᠷᠡᠵᠢᠵᠤ ᠪᠣᠰᠤᠳ ᠢ ᠯᠠ ᠮᠦᠯᠵᠢᠨ ᠳᠤᠩᠭᠢᠳᠠᠭ ᠦᠨᠳᠦᠰᠦᠳᠠᠨ ᠡᠴᠡ ᠪᠦᠮᠪᠦᠷᠴᠡᠭ᠌ ᠴᠤ ᠠᠶᠤᠨ ᠳᠠᠭᠵᠢᠨᠠ ᠪᠠᠢ᠌ᠬᠠ ︕ ᠮᠦᠨᠴᠤ ᠨᠤᠳᠤᠭ ᠪᠠᠯᠴᠢᠭᠡᠷ ᠤᠨ ᠵᠠᠭᠠᠭ ᠱᠤᠭᠤᠮ ᠳ᠋ᠠᠭᠢ ᠮᠥᠷᠭᠦᠯᠳᠦᠭᠡᠨ ᠵᠢᠭᠤᠷᠠᠯᠳᠤᠭᠠᠨ ᠨᠢ ᠠᠷᠠᠤᠨ ᠲᠦᠮᠡᠨ ᠤ ᠡᠷᠡᠭᠦᠯ ᠡᠩᠭᠡ ᠶᠢᠨ ᠴᠢᠰᠤᠳᠤ ᠰᠤᠷᠭᠠᠮᠵᠢ ᠂ ᠴᠠᠭᠠᠰᠤᠳᠤ ᠳᠡᠦᠭᠡ ᠪᠣᠯᠤᠨ ᠦᠶᠡ ᠦᠶᠡ ᠥᠷᠭᠦᠯᠵᠢᠯᠡᠨᠡ ᠃
ᠣᠨᠠᠭᠠᠨ ᠪᠠᠭᠠ ᠶᠢᠨ ᠮᠦᠷ ᠶᠢᠡᠷ ᠶᠢᠡᠨ ᠳᠠᠮᠠᠭᠠᠯᠠᠵᠤ ᠂ ᠨᠢᠯᠪᠣᠰᠤ ᠪᠠᠷ ᠶᠢᠡᠨ ᠣᠭᠢᠶᠠᠭᠰᠠᠨ ᠨᠤᠳᠤᠭ ᠮᠢᠨᠢ ᠭᠡᠭ᠍ᠰᠡᠭᠡᠷ ᠭᠡᠯᠡᠭᠦ ᠥᠭᠡ ᠮᠢᠨᠢ ᠭᠡᠯᠡᠨ ᠳᠤ ᠣᠷᠢᠶᠠᠯᠳᠤᠨ ᠭᠡᠨ ᠡᠴᠡ ᠠᠰᠠᠭᠤᠭᠰᠠᠨ ᠴᠤ ᠮᠡᠳᠡᠭᠦ ᠦᠭᠡᠶ ᠭᠡᠭᠡᠭ᠍ᠳᠡᠭᠦ ᠰᠢᠬᠠᠭᠰᠠᠨ1976 ᠣᠨ ᠤ ᠭᠦᠭᠡᠭᠡ ᠡᠪᠦᠯ ᠤᠨ ᠭᠤᠷᠪᠠᠨ ᠶᠢᠰᠤ ᠶᠢᠨ ᠶᠠᠰᠤ ᠶᠠᠩᠭᠢᠨᠠᠮᠠ ᠭᠦᠢᠳᠡᠨ ᠳᠤ ᠪᠣᠯᠤᠭᠰᠠᠨ ᠨᠤᠳᠤᠭ ᠪᠣᠯᠢᠶᠠᠯᠳᠤᠭᠰᠠᠨ ᠴᠢᠰᠤᠳᠤ ᠭᠡᠷᠡᠭ᠌ ᠂ ᠨᠤᠳᠤᠭ ᠶᠢᠡᠨ ᠭᠡᠵᠤ ᠯᠠ ᠨᠢᠭᠦᠯ ᠭᠢᠭ᠍ᠰᠡᠨ ᠬᠠᠷᠠᠰᠠᠯᠳᠤ ᠣᠴᠢᠷ ᠳᠡᠦᠭᠡᠨ ᠳᠤ ᠴᠢᠰᠤᠨ ᠳᠤᠯᠪᠣ ᠂ ᠴᠠᠭᠠᠰᠤᠨ ᠳᠤ ᠣᠰᠤᠨ ᠳᠤᠯᠪᠣ ᠪᠣᠯᠤᠨ ᠥᠯᠡᠳᠡᠭᠦ ᠪᠠᠷ ᠮᠢᠨᠤ ᠪᠢᠷ ᠤᠨ ᠥᠵᠦᠭᠦᠷ ᠡᠴᠡ ᠣᠷᠤᠰᠤᠨᠠ ᠃
ᠴᠠᠭᠠᠠᠠᠤᠰᠤᠨ （ᠳᠤᠯᠠᠭᠠᠨ ᠰᠢᠶᠠᠨ） ᠤ ᠰᠢᠷᠠᠭᠠ ᠭᠠᠴᠠᠭᠠ ᠶᠢᠨ ᠱᠢ ᠾᠧ ᠳᠠᠨ ᠳᠤᠰᠬᠤᠨ ᠤ ᠭᠢᠳᠠᠤᠨ ᠲᠦᠪᠡᠳᠴᠤᠳ ᠶᠠᠪ ᠤᠨ ᠨᠥᠭᠡ ᠪᠠᠷ ᠨᠠᠷᠠ ᠡᠭᠡᠭᠡᠵᠤ ᠂ ᠶᠠᠩᠭ᠋ᠠᠷᠴᠠᠭ ᠤᠨ ᠤᠯᠦᠡᠭ᠌ ᠶᠢᠡᠷ ᠡᠯᠵᠢᠭᠡ ᠬᠤᠰᠢᠯᠠᠭᠠᠤᠨ ᠪᠣᠯᠠᠩᠭᠢᠷ ᠤᠨ ᠪᠤᠯᠦᠩ ᠳᠡᠰᠭᠡᠨ ᠂ ᠪᠠᠮᠪᠣᠳᠤ ᠶᠢᠨ ᠴᠤᠬᠤᠷ ᠂ ᠭᠦᠷᠡᠩ ᠭᠦᠳᠡᠭᠡ ᠵᠡᠷᠭᠡ ᠦᠩ ᠰᠢᠮᠡᠯᠢᠭ᠌ ᠡᠪᠠᠰᠤ ᠣᠷᠭᠤᠮᠠᠯ ᠲᠡᠶ ᠨᠤᠳᠤᠭ ᠪᠠᠯᠴᠢᠭᠡᠷ ᠢ ᠡᠵᠡᠷᠭᠡᠭ᠍ᠯᠡᠨ ᠡᠵᠡᠯᠡᠵᠤ ᠂ ᠣᠨᠤᠭᠠ ᠮᠠᠯ ᠬᠤᠯᠠᠭᠠᠢ᠌ᠯᠠᠨ ᠠᠢ᠌ᠯ ᠰᠠᠭᠠᠬᠠᠯᠳᠠ ᠶᠢ ᠥᠢᠮᠡᠭᠦᠯᠵᠤ ᠢᠷᠡᠭᠦ ᠪᠠᠷ ᠳᠠᠪᠢᠨ ᠨᠠᠰᠤ ᠶᠢ ᠴᠠᠭᠢᠵᠤ ᠳᠠᠯᠠ ᠶᠢᠨ ᠬᠠᠷᠴᠠᠭᠠᠢ ᠰᠢᠭ ᠱᠤᠤᠭᠢᠵᠤ ᠶᠠᠪᠣᠭᠰᠠᠨ ᠠᠪᠠᠷᠢ ᠫᠠᠯᠠᠩ ᠣᠯᠠᠨ ᠳᠠᠭᠠᠨ ᠵᠠᠷ ᠳᠠᠯᠪᠢᠵᠤ 《ᠠᠯᠳᠠᠨ ᠨᠤᠳᠤᠭ ᠲᠤ ᠮᠢᠨᠢ ᠭᠡᠨ ᠬᠠᠯᠳᠠᠵᠤ ᠂ ᠠᠷᠠᠤᠨ ᠤᠨ ᠠᠮᠤᠭᠤᠯᠠᠩ ᠢ ᠭᠡᠨ ᠡᠪᠳᠡᠪᠠᠯ ᠪᠢᠳᠠ ᠡᠰᠡᠷᠭᠦᠴᠡᠭᠦ ᠶᠤᠰᠤᠳᠠᠢ》 ᠭᠡᠵᠤ ᠠᠷᠪᠠᠨ ᠳᠠᠪᠤᠨ ᠨᠠᠰᠤᠨ ᠡᠴᠡ ᠥᠭᠡᠳᠡᠭᠢ ᠱᠤᠪᠣᠢ᠌ᠭᠰᠠᠨ ᠡᠷᠡ ᠭᠦᠢᠰᠤ ᠲᠡᠶ ᠪᠦᠭᠦᠨ ᠶᠢᠡᠨ ᠴᠤᠭᠯᠠᠭᠤᠯᠤᠨ ᠂ ᠠᠳᠠᠨ ᠳᠡᠮᠡᠭᠡ ᠠᠭᠰᠤᠮ ᠪᠣᠤᠷᠠ ᠪᠠᠨ ᠣᠨᠤᠵᠤ ᠮᠤᠳᠤ ᠴᠢᠯᠠᠭᠤ ᠮᠢᠯᠠᠭᠠ ᠰᠢᠳᠠᠮ ᠶᠢᠡᠨ ᠪᠠᠷᠢᠭᠠᠤᠨ ᠭᠠᠷᠴᠤ ᠢᠷᠠᠯᠠ ᠃ ᠡᠨᠡᠭᠦ ᠴᠤᠭ ᠰᠦᠯᠳᠡ ᠪᠠᠳᠠᠷᠠᠭᠰᠠᠨ ᠴᠢᠭᠢᠷᠠᠭ ᠪᠠᠵᠢᠷᠠᠭᠤᠨ ᠰᠢᠷᠠ ᠡᠷᠡ ᠬᠠᠷᠠ ᠭᠦᠪᠠᠭᠡ ᠲᠡᠶ ᠴᠠᠭᠠᠨ ᠳᠠᠪᠠᠯ ᠢ ᠴᠢᠪ ᠳᠤᠰᠳᠠᠯᠠ ᠪᠦᠰᠡᠯᠡᠵᠤ ᠬᠠᠮᠵᠢᠭ ᠳᠠᠳᠠᠭᠰᠠᠨ ᠪᠣᠯᠭᠠᠷᠢᠨ ᠭᠤᠳᠤᠯ ᠢᠰᠭᠦᠯᠦᠭᠡᠤᠨ ᠣᠯᠠᠨ ᠶᠢᠡᠨ ᠳᠠᠭᠠᠭᠤᠯᠤᠨ ᠵᠠᠷᠯᠢᠭᠳᠠᠵᠤ ᠪᠠᠢ᠌ᠬᠤ ᠨᠢ ᠰᠲ᠋ᠠᠯᠢᠨ ᠤ ᠣᠳᠤᠷᠢᠳᠤᠭᠰᠠᠨ ᠵᠦᠪᠯᠠᠯᠳᠤ ᠬᠤᠯᠪᠣᠭᠠᠳᠤ ᠣᠯᠤᠰ ᠤᠨ ᠨᠤᠳᠤᠭ ᠳᠡᠪᠢᠰᠭᠡᠷ ᠶᠢᠡᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠭᠧᠷᠮᠡᠨ ᠲᠡᠶ ᠳᠤᠯᠤᠯᠳᠤᠭᠰᠠᠨ 《ᠮᠤᠰᠺᠧᠨ ᠶᠢ ᠬᠠᠮᠠᠭᠠᠯᠠᠬᠤ ᠳᠠᠢ᠌ᠯᠠᠯᠳᠤᠭᠠᠨ》 ᠤ ᠣᠬᠠᠭᠠᠨ ᠪᠣᠳᠤᠯᠭᠠ ᠲᠡᠶ ᠳᠦᠰᠦᠭᠡ ᠲᠡᠶ ᠪᠠᠢ᠌ᠯᠠ ᠃
ᠡᠨᠡ ᠣᠳᠠᠭᠠ ᠳᠠᠪᠢ ᠭᠠᠷᠤᠢ ᠭᠦᠮᠤᠨ ᠭᠣᠢ᠌ᠪᠢᠯ ᠭᠦᠶᠦᠭ᠍ᠰᠡᠨ ᠰᠡᠷᠡᠭᠡ ᠠᠳᠠᠤᠨ ᠶᠢᠡᠨ ᠣᠨᠤᠵᠤ ᠡᠳᠦᠷ ᠰᠦᠨᠢ ᠬᠤᠶᠠᠷ ᠤᠨ ᠵᠠᠢ ᠪᠠᠷ ᠰᠢᠷᠠᠭᠠ ᠶᠢᠨ ᠭᠢᠳᠠᠤᠨ ᠳᠦᠪᠠᠳᠴᠤᠳ ᠢ ᠡᠯᠵᠢᠭᠡ ᠲᠡᠶ᠂ ᠡᠵᠡᠨ ᠲᠡᠶ᠂ ᠮᠠᠯ ᠲᠡᠶ ᠨᠢ ᠬᠤᠯᠢᠵᠤ ᠬᠤᠤᠠᠬᠤᠭᠠᠤᠨ ᠨᠤᠳᠤᠭ ᠤᠨ ᠵᠠᠭᠠᠭ ᠪᠤᠯᠦᠩ ᠳᠡᠰᠭᠡᠨ ᠢ ᠭᠠᠳᠤᠯᠤᠭᠤᠯᠵᠤ ᠳᠠᠯᠪᠢᠪᠠ ᠃ ᠡᠨᠡ ᠣᠳᠠᠭᠠᠨ ᠤ ᠰᠢᠷᠦᠭᠦᠨ ᠭᠦᠳᠡᠯᠭᠡᠭᠡᠨ ᠳᠡᠭᠡᠨ ᠰᠠᠷᠠᠮᠵᠢ ᠳᠠᠯᠪᠢᠵᠤ ᠂ ᠬᠠᠷᠠᠭᠤᠯ ᠮᠠᠨᠠᠭᠠ ᠵᠤᠭᠰᠤᠨ ᠠᠢ᠌ᠯ ᠰᠠᠭᠠᠬᠠᠯᠳᠠ ᠪᠠᠨ ᠡᠷᠭᠢᠵᠤ ᠮᠠᠯ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠵᠤ ᠳᠥᠪᠬᠢᠨᠡᠬᠦᠯᠵᠤ ᠪᠠᠢ᠌ᠳᠠᠯᠠ ᠰᠢᠷᠠᠭᠠ ᠶᠢᠨ ᠭᠢᠳᠠᠤᠨ ᠲᠦᠪᠡᠳ ᠬᠠᠮᠳᠤᠷᠠᠭᠰᠠᠨ ᠵᠠᠭᠤ ᠵᠡᠷᠭᠡ ᠭᠦᠮᠦᠰ ᠳᠡᠷᠭᠡ ᠣᠨᠤᠭᠠ ᠪᠠᠨ ᠪᠤᠯᠦᠩ ᠳᠡᠰᠭᠡᠨ ᠳᠤ ᠬᠠᠶᠠᠭᠠᠤᠨ ᠶᠠᠪᠠᠭᠠᠨ ᠶᠢᠡᠷ ᠭᠠᠷ ᠲᠠᠭᠠᠨ ᠭᠦᠷᠵᠡ ᠂ ᠰᠠᠪᠠᠷ ᠂ ᠱᠤᠷᠤ ᠪᠠᠷᠢᠭᠠᠤᠨ ᠴᠤᠬᠤᠷ ᠡᠯᠡᠰᠤ ᠳᠠᠮᠵᠢᠨ ᠭᠠᠷᠴᠤ ᠢᠷᠠᠪᠠ ᠃ ᠡᠨᠡ ᠦᠶᠡᠰ ᠭᠡᠷᠪᠡ ᠬᠤᠤᠠᠬᠤᠯᠳᠤᠨ ᠪᠠᠷᠢᠯᠳᠤᠵᠤ ᠴᠤᠭᠢᠷᠠᠯᠳᠤᠭᠰᠠᠨ ᠪᠣᠯ ᠮᠠᠨ ᠤ ᠭᠢᠨ ᠴᠢᠰᠤᠨ ᠳᠠᠯᠠᠢ ᠪᠣᠯᠵᠤ ᠳᠡᠮᠡᠭᠡ ᠣᠨᠤᠭᠠ ᠪᠠᠨ ᠴᠤ ᠰᠢᠷᠬᠠᠳᠤᠭᠤᠯᠬᠤ ᠶᠤᠮ ᠪᠠᠢ᠌ᠯᠠ ᠃ ᠡᠨᠡᠭᠦ ᠪᠠᠴᠢᠮ ᠵᠠᠩᠭᠢᠯᠠᠭᠠ ᠶᠢᠨ ᠦᠶᠡ ᠳᠤ ᠠᠪᠠᠷᠢ ᠫᠠᠯᠠᠩ ᠣᠯᠠᠨ ᠶᠢᠡᠨ ᠳᠠᠢ᠌ᠴᠢᠯᠠᠵᠤ ᠂ ᠳᠠᠳᠠᠨ ᠤ ᠭᠦᠮᠤᠨ ᠣᠯᠠᠨ ᠵᠡᠪᠰᠡᠭ᠌ ᠬᠤᠷᠴᠠ ᠪᠢᠳᠠ ᠭᠡᠰᠡᠭ᠌ ᠣᠬᠤᠷᠢᠵᠤ ᠳᠠᠰᠤᠭ ᠪᠦᠯᠦᠭ᠌ ᠬᠤᠪᠢᠶᠠᠵᠤ ᠴᠤᠭᠢᠬᠤ ᠭᠡᠷᠡᠭ᠍ᠳᠡᠢ ᠃ ᠣᠳᠤ ᠵᠠᠷᠢᠮ ᠨᠢ ᠳᠡᠮᠡᠭᠡᠨ ᠤ ᠪᠠᠨ ᠵᠤᠭᠳᠤᠷ ᠬᠠᠢ᠌ᠴᠢᠯᠠᠵᠤ ᠳᠦᠭᠦᠪᠦᠷᠢ ᠶᠠᠰᠤ ᠂ ᠵᠠᠷᠢᠮ ᠨᠢ ᠳᠠᠯᠢᠩ ᠰᠠᠪᠠ ᠪᠠᠨ ᠠᠪᠴᠤ ᠳᠦᠭᠦᠪᠦᠷᠢ ᠵᠢᠨ ᠴᠢᠯᠠᠭᠤ ᠳᠡᠭᠦᠭᠦ ᠪᠠᠷ ᠮᠤᠷᠳᠠ ᠭᠡᠯᠡ ᠃ ᠣᠳᠠᠭᠰᠠᠨ ᠳᠦᠳᠡᠭ᠍ᠰᠡᠨ ᠦᠭᠡᠶ ᠳᠦᠭᠦᠪᠦᠷᠢ ᠶᠢᠨ ᠴᠢᠯᠠᠭᠤ ᠲᠦᠩᠭᠢᠨᠠᠵᠤ ᠂ ᠡᠴᠡᠭ᠍ᠰᠡᠨ ᠢᠮᠠᠭᠠ ᠰᠢᠭ ᠡᠯᠡᠰᠤ ᠳᠠᠮᠵᠢᠭᠠᠤᠨ ᠰᠤᠪᠣᠷᠠᠵᠤ ᠪᠠᠢ᠌ᠭᠰᠠᠨ ᠭᠦᠮᠦᠰ ᠤᠨ ᠳᠤᠯᠤᠭᠠᠢ ᠳᠦᠷᠦᠭᠦᠤ ᠳᠡᠭᠡᠷᠡ ᠮᠦᠨᠳᠤᠷ ᠰᠢᠭ᠌ ᠪᠠᠭᠤᠬᠤ ᠳᠤ ᠪᠣᠳᠠᠷᠠᠵᠤ ᠳᠤᠳᠠᠭᠠᠨ ᠰᠢᠪᠠᠭ ᠰᠢᠷᠠᠯᠵᠢ ᠳᠤ ᠪᠠᠶᠠ ᠪᠠᠨ ᠳᠠᠯᠳᠠᠯᠠᠨᠠ︕ ᠡᠨᠡ ᠊ᠭ᠍ᠱᠡᠨ ᠳᠤ ᠪᠦᠭᠦᠳᠡᠭᠡᠷ ᠶᠢᠡᠨ ᠬᠠᠢ᠌ᠭᠢᠷᠠᠵᠤ ᠳᠡᠮᠡᠭᠡ ᠪᠠᠷ ᠶᠢᠡᠨ ᠳᠠᠪᠠᠯᠭᠠᠵᠤ ᠭᠦᠷᠦᠭᠡᠤᠨ ᠭᠦᠷᠵᠡ ᠱᠤᠷᠤ ᠂ ᠰᠠᠪᠠᠷ ᠳᠠᠮᠤᠷ ᠢ ᠨᠢ ᠪᠣᠯᠢᠶᠠᠵᠤ ᠠᠪᠤᠯᠡ᠃
ᠡᠨᠡ ᠨᠢ ᠬᠡᠳᠦᠢ᠌ᠪᠡᠷ ᠬᠠᠤᠯᠢ ᠶᠤᠰᠤᠨ ᠳᠤ ᠨᠡᠢ᠌ᠴᠡᠭᠦ ᠦᠭᠡᠶ ᠴᠢᠰᠤᠳᠤ ᠭᠡᠷᠡᠭ᠌ ᠪᠣᠯᠤᠭᠰᠠᠨ ᠪᠣᠯᠪᠠᠴᠤ ᠣᠤᠭᠤᠭᠰᠠᠨ ᠣᠰᠤ ᠣᠨᠠᠭᠰᠠᠨ ᠰᠢᠷᠤᠢ ᠪᠠᠨ ᠬᠡᠬᠦ ᠳᠤ ᠠᠮᠢ ᠪᠠᠨ ᠭᠡᠭᠡᠪᠠᠴᠤ ᠪᠣᠴᠠᠬᠤ ᠦᠭᠡᠶ ᠵᠤᠷᠢᠭ ᠰᠦᠰᠦ ᠲᠡᠶ ᠪᠠᠭᠠᠳᠤᠷ ᠡᠷᠡᠴᠦᠳ ᠢ ᠶᠠᠭᠤ ᠪᠠᠷ ᠬᠤᠷᠢᠭᠯᠠᠵᠤ ᠴᠤ ᠳᠡᠢ᠌ᠯᠭᠦ ᠦᠭᠡᠶ ᠪᠠᠢ᠌ᠯᠠ ᠃ ᠣᠬᠠᠭᠠᠨ ᠰᠠᠨᠠᠭᠠ ᠬᠤᠷᠴᠠ ᠠᠬᠠᠮᠠᠤᠨ ᠨᠠᠰᠤᠳᠠᠢ᠌ᠴᠤᠳ ᠣᠴᠢᠷ ᠶᠠᠪᠣᠳᠠᠯ ᠶᠢᠡᠨ ᠵᠦᠪᠳᠠᠯᠴᠠᠵᠤ ᠥᠭᠡ ᠵᠠᠩᠭᠢ ᠪᠠᠨ ᠠᠪᠣᠯᠴᠠᠨᠠ ᠃ ᠰᠦᠷ ᠰᠦᠯᠳᠡ ᠪᠠᠳᠠᠷᠠᠭᠰᠠᠨ ᠳᠤᠮᠤ ᠪᠠᠵᠢᠷᠠᠭᠤᠨ ᠡᠷᠡᠴᠦᠳ ᠣᠨᠢ ᠡᠴᠡ ᠪᠦᠳᠦᠭᠦᠨ ᠣᠯᠠᠭᠠᠨ ᠰᠤᠬᠠᠢ ᠳᠠᠯᠠᠯᠵᠤ ᠬᠠᠢ᠌ᠭᠢᠷᠠᠵᠤ ᠢᠷᠡᠭᠦ ᠳᠤ ᠭᠡᠴᠢᠨᠡᠨ ᠭᠦᠮᠤᠨ ᠴᠤ ᠭᠡᠤᠨ ᠡᠮᠦᠨᠡ ᠨᠢ ᠭᠠᠷᠬᠤ ᠦᠭᠡᠶ ᠰᠦᠷ ᠵᠢᠪᠬᠤᠭᠠ ᠲᠡᠶ ᠪᠠᠢ᠌ᠯᠠ ᠃ ᠪᠣᠯᠴᠢᠩ ᠰᠢᠷᠪᠣᠰᠤ ᠵᠠᠩᠭᠢᠳᠤᠭᠰᠠᠨ ᠳᠠᠮᠢᠷ ᠳᠡᠩᠭᠡᠭᠡ ᠲᠡᠶ ᠡᠷᠡᠴᠦᠳ ᠳᠡᠮᠡᠭᠡ ᠪᠣᠤᠷᠠ ᠪᠠᠷ ᠶᠢᠡᠨ ᠳᠠᠪᠠᠯᠭᠠᠵᠤ ᠳᠤᠭᠤᠰᠤ ᠮᠠᠨᠠᠨ ᠪᠤᠳᠡᠷᠡᠭᠤᠯᠵᠤ ᠶᠠᠪᠣᠬᠤ ᠨᠢ ᠨᠡᠭᠡᠷᠡᠨ ᠴᠤ ᠣᠮᠤᠭ ᠰᠥᠷ ᠬᠠᠷᠠᠭᠳᠠᠨᠠ ᠃ ᠪᠠᠷ （ ᠪᠠᠷᠰ ） ᠪᠠᠷᠢᠮᠠ ᠱᠠᠷ ᠱᠤᠯᠤᠮᠠ ᠡᠷᠡᠴᠦᠳ ᠤᠨ ᠴᠤᠭ ᠰᠦᠯᠳᠡ ᠶᠢ ᠭᠡᠯᠡᠭᠡᠤᠨ ᠶᠠᠭᠠᠭᠢᠬᠤ ᠪᠣᠢ ︖ ᠡᠭᠦᠨ ᠡᠴᠡ ᠬᠣᠢ᠌ᠰᠢ ᠯᠠ ᠭᠢᠳᠠᠤᠨ ᠲᠦᠪᠡᠳ ᠮᠠᠯᠴᠢᠨ ᠨᠤᠳᠤᠭ ᠪᠠᠯᠴᠢᠭᠡᠷ ᠣᠷᠤᠭᠤ ᠳᠦᠷᠢᠮᠡᠭᠡᠢ᠌ᠯᠡᠭᠦ ᠪᠠᠨ ᠵᠤᠬᠰᠤᠵᠤ ᠪᠠᠭᠠ ᠴᠤ ᠭᠡᠰᠡᠨ ᠭᠦᠯ ᠳᠠᠪᠵᠢᠶᠠᠷᠠᠯᠠ ︕
ᠡᠨᠡᠭᠦ ᠠᠷᠠᠤᠨ ᠤᠨ ᠳᠤᠳᠤᠭᠠᠳᠤ ᠶᠢᠨ ᠵᠦᠷᠢᠴᠠᠯ ᠮᠥᠷᠭᠦᠯᠳᠦᠭᠡᠨ ᠳᠤ ᠶᠠᠰᠤ ᠬᠤᠭᠤᠷᠠᠵᠤ ᠴᠢᠰᠤ ᠣᠷᠤᠰᠬᠠᠭᠰᠠᠨ ᠠᠬᠠ ᠳᠡᠭᠦᠤ ᠦᠨᠳᠦᠰᠦᠳᠠᠨ ᠤ ᠳᠤᠳᠠᠭᠤ ᠵᠡᠮᠳᠡᠭ᠌ ᠪᠣᠯᠤᠭᠰᠠᠨ ᠣᠯᠤᠰ ᠤᠳ ᠲᠤ ᠦᠷᠦ ᠡᠪᠠᠦᠡᠴᠤ ᠰᠠᠤᠠᠭᠢᠯ ᠵᠤᠪᠠᠬᠤ ᠦᠭᠡᠶ ᠪᠠᠢ᠌ᠬᠤ ᠶᠢᠨ ᠠᠷᠭᠠ ᠦᠭᠡᠶ ᠪᠢᠯᠠ ︕ ᠭᠦᠮᠤᠨ ᠭᠡᠭ᠍ᠴᠢ ᠬᠤᠷᠸᠠ ᠳᠤ ᠢᠩᠭᠢᠵᠤ ᠯᠠ ᠵᠤᠪᠠᠯᠠᠩ ᠶᠢᠡᠨ ᠬᠠᠢ᠌ᠵᠤ ᠵᠦᠷᠢᠴᠠᠯ ᠶᠢᠡᠷ ᠳᠦᠭᠦᠷᠴᠤ ᠂ ᠡ᠊ᠯᠳᠡᠪ ᠶᠢᠡᠷ ᠡᠷᠭᠢᠯᠳᠦᠵᠤ ᠪᠠᠢ᠌ᠭᠠᠤᠨ ᠣᠯᠠᠷᠢᠵᠤ ᠣᠬᠠᠭᠠᠷᠠᠵᠤ ᠂ ᠥᠷᠡᠭ᠍ᠳᠡᠵᠤ ᠣᠰᠠᠤᠠᠴᠤ ᠶᠠᠪᠣᠳᠠᠭ ᠰᠠᠨ ︕ ᠡᠨᠡᠭᠦ ᠨᠢᠳᠤ ᠪᠠᠷ ᠦᠵᠡᠵᠤ ᠪᠠᠶᠠ ᠪᠠᠷ ᠳᠤᠭᠤᠯᠤᠭᠰᠠᠨ ᠠᠷᠠᠤᠨ ᠤᠨ ᠳᠤᠳᠤᠭᠠᠳᠤ ᠶᠢᠨ ᠮᠥᠷᠭᠦᠯᠳᠦᠭᠡᠨ ᠳᠤ ᠦᠶᠡ ᠦᠶᠡ ᠵᠢᠷᠦᠭᠡ ᠰᠢᠮᠰᠢᠷᠠᠵᠤ ᠳᠠᠭᠢᠵᠤ ᠡᠢ᠌ᠮᠤ ᠭᠡᠷᠡᠭ᠌ ᠡᠭᠦᠰᠭᠦ ᠦᠭᠡᠶ ᠪᠣᠯᠳᠤᠭᠠᠢ ᠭᠡᠵᠤ ᠵᠠᠯᠪᠠᠷᠢᠵᠤ ᠶᠠᠪᠣᠯᠠ ︕ ᠨᠤᠳᠤᠭ ᠤᠨ ᠦᠪ ᠠᠯᠳᠠᠨ ᠰᠢᠷᠤᠢ ᠂ ᠠᠷᠢᠭᠤᠨ ᠣᠰᠤ ᠶᠠᠭᠠᠭᠢᠵᠤ ᠪᠦᠳᠤᠨ ᠪᠦᠯᠢᠶᠡᠨ ᠶᠢᠡᠷ ᠶᠢᠡᠨ ᠦᠶᠡ ᠣᠯᠠᠷᠢᠨ ᠣᠯᠠᠮᠵᠢᠯᠠᠭᠳᠠᠵᠤ ᠬᠣᠢ᠌ᠴᠢᠰ ᠤᠨ ᠮᠥᠩᠭᠡ ᠥᠯᠦᠭᠡᠢ ᠪᠣᠯᠵᠤ ᠶᠠᠪᠣᠭᠠ ᠶᠢ ᠣᠬᠠᠭᠠᠷᠠᠵᠤ ᠦᠪᠯᠠᠵᠤ ᠂ ᠬᠠᠢ᠌ᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠨᠢ ᠵᠣᠢ᠌ᠳᠠᠢ ︕
ᠨᠠᠰᠤ ᠵᠢᠯ ᠤᠨ ᠰᠡᠭᠦᠳᠡᠷ ᠳᠠᠭᠠᠵᠤ ᠣᠬᠠᠭᠠᠨ ᠰᠠᠨᠠᠭᠠ ᠳᠡᠭ᠍ᠰᠢᠷᠡᠭᠦ ᠳᠤᠰᠤᠮ ᠥᠯᠦᠭᠡᠢ ᠨᠤᠳᠤᠭ ᠶᠢᠡᠨ ᠣᠯᠠᠮ ᠴᠤ ᠰᠠᠨᠠᠬᠤ ᠶᠤᠮ ᠪᠢᠯᠠ ︕ ᠦᠷᠦ ᠵᠥᠭᠡᠯᠡᠨ ᠶᠠᠰᠤ ᠬᠠᠳᠠᠭᠤ ᠨᠠᠰᠤᠳᠠᠨ ᠪᠣᠭᠤᠷᠤᠯᠴᠤᠳ ᠶᠢᠡᠨ ᠰᠠᠨᠠᠨ ᠰᠠᠨᠠᠨ ᠨᠢᠯᠪᠣᠰᠤᠷᠠᠵᠤ ᠰᠠᠨᠠᠭᠠ ᠠᠬᠠᠷ ᠂ ᠰᠤᠷᠪᠢ ᠣᠯᠠᠨ ᠦᠷᠢ ᠪᠠᠨ ᠪᠥᠭ᠍ᠯᠡᠵᠤ ᠶᠠᠳᠠᠨᠠ ᠃ ᠬᠤᠷᠸᠠ ᠳᠤ ᠮᠥᠩᠭᠡ ᠣᠷᠤᠰᠢᠬᠤ ᠦᠭᠡᠶ ᠶᠢᠨ ᠣᠴᠢᠷ ᠡᠷᠯᠢᠭ ᠳᠠᠮᠤ ᠡ᠊ᠯᠳᠡᠪ ᠣᠷᠢᠯᠭᠠ ᠪᠠᠷ ᠡᠨᠡ ᠣᠯᠠᠨ ᠳᠠᠮᠢᠷ ᠳᠦᠰᠢᠭ᠌ ᠲᠡᠶ ᠨᠠᠰᠤᠳᠠᠢ᠌ᠴᠤᠳ ᠢ ᠮᠢᠨᠢ ᠠᠪᠴᠤ ᠶᠠᠪᠣᠬᠤ ᠳᠤ ᠡᠯᠢᠭᠡ ᠡ᠊ᠮᠳᠡᠷᠡᠨ ᠨᠢᠯᠪᠣᠰᠤ ᠳᠤᠰᠤᠯᠠᠭᠤᠯᠵᠤ ᠡᠨᠡ ᠳᠤᠷᠠᠤᠠᠬᠠᠯ ᠤᠨ ᠶᠢᠡᠨ ᠡᠭᠢ ᠠᠳᠠᠭ ᠢ ᠳᠡᠪᠳᠦᠭᠡᠵᠤ ᠪᠢᠯᠠ ︕ ᠨᠤᠳᠤᠭ ᠣᠰᠤᠨ ᠤ ᠦᠪ ᠳ᠋ᠠᠭᠢ ᠨᠠᠷᠠ ᠴᠤᠤᠳᠠᠢ ᠨᠠᠰᠤᠳᠠᠢ᠌ᠴᠤᠳ ᠠᠪᠣ ᠶᠢᠨ ᠮᠢᠨᠢ ᠠᠠᠳᠠ ᠡᠯᠢᠭᠡᠨ ᠰᠠᠳᠤᠨ ᠨᠡᠷ ᠪᠠᠢ᠌ᠭᠰᠠᠨ ᠶᠤᠮ ᠃ ᠭᠠᠯ ᠪᠦᠯᠤ ᠠᠪᠠᠷᠢ ᠫᠠᠯᠠᠩ ︕ ᠭᠠᠳᠤᠰᠤᠨ ᠡᠴᠡ ᠭᠡᠯᠭᠢᠵᠤ ᠣᠶᠠᠭᠰᠠᠨ ᠢᠭᠡᠷᠡ ᠢᠰᠢᠭᠡ ᠰᠢᠭ᠌ ᠨᠤᠳᠤᠭ ᠤᠨ ᠶᠢᠡᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠳᠤ ᠬᠠᠮᠳᠤ ᠥᠰᠦᠭ᠍ᠰᠡᠨ ᠶᠤᠮ ᠃ ᠳᠠᠭᠤᠤ ᠬᠤᠭᠤᠯᠠᠢ ᠪᠠᠷ ᠶᠢᠡᠨ ᠳᠠᠭᠤᠷᠢᠰᠤᠯᠴᠠᠵᠤ ᠳᠤᠮᠳᠠ ᠴᠢᠮᠦᠭᠡ ᠪᠠᠷ ᠶᠢᠡᠨ ᠳᠠᠨᠢᠯᠴᠠᠵᠤ ᠶᠠᠪᠣᠭᠰᠠᠨ ᠠᠭᠤ ᠳᠦᠭᠦᠷᠵᠡ ᠃ ᠵᠢᠷᠤᠭᠠ ᠮᠤᠷᠢᠨ ᠤ ᠬᠤᠪᠢ ᠲᠡᠶ᠂ ᠵᠤᠷᠢᠭ ᠶᠢᠡᠷ ᠶᠢᠡᠨ ᠣᠬᠠᠭᠠᠨ ᠰᠠᠷᠠᠵᠤ ᠵᠠᠪ ᠭᠠᠷᠪᠠᠯ ᠠᠷᠢᠭᠢ ᠰᠠᠨᠠᠳᠠᠭ ᠳᠦᠷᠦᠭ᠍ᠰᠡᠨ ᠵᠢᠭᠡ ᠴᠤᠭᠳᠤᠪ ᠃ ᠣᠭᠤᠨᠤ ᠶᠢᠨ ᠬᠤᠶᠠᠷ ᠡᠪᠠᠷ ᠰᠢᠭ᠌ ᠳᠤᠭᠠᠯᠠᠪᠠᠯ ᠨᠠᠰᠤ ᠰᠠᠴᠠᠭᠤ ᠂ ᠳᠦᠭᠡᠯᠡᠪᠠᠯ ᠨᠢᠷᠤᠭᠤ ᠰᠠᠴᠠᠭᠤ ᠢᠵᠢᠯᠢ ᠳᠠᠰᠤᠯ ᠶᠠᠪᠣᠯᠴᠠᠭᠰᠠᠨ ᠨᠠᠨᠠᠢ ᠨᠠᠠᠳᠠᠭ ᠁
ᠭᠤᠷᠪᠠ
ᠮᠤᠩᠭ᠋ᠤᠯ ᠂ ᠮᠤᠷᠢ ᠂ ᠨᠤᠳᠤᠭ ᠭᠤᠷᠪᠠ ᠯᠠ ᠡᠭᠡ ᠦᠷᠡ ᠰᠢᠭ᠌ ᠡᠯᠢᠭᠡᠨ ᠬᠠᠢ᠌ᠷᠠ ᠪᠠᠷ ᠢᠵᠢᠯᠢᠰᠢᠵᠤ ᠮᠤᠩᠭ᠋ᠤᠯ ᠨᠢ ᠮᠤᠷᠢ ᠪᠠᠨ ᠰᠠᠨᠠᠬᠤ ᠳᠤ ᠮᠤᠷᠢ ᠨᠢ ᠨᠤᠳᠤᠭ ᠶᠢᠡᠨ ᠰᠠᠨᠠᠵᠤ ᠂ ᠨᠤᠳᠤᠭ ᠨᠢ ᠮᠥᠷᠦᠭᠡᠳᠦᠯ ᠶᠢᠡᠷ ᠴᠡᠯᠭᠡᠷᠡᠵᠤ ᠂ ᠭᠤᠷᠪᠠᠯᠵᠢᠨ ᠬᠠᠢ᠌ᠷᠠ ᠳᠡᠭᠡᠷᠡ ᠥᠩᠭᠡ ᠲᠡᠶ᠂ ᠦᠨᠡ ᠲᠡᠶ᠂ ᠦᠨᠳᠦᠰᠦ ᠲᠡᠶ ᠶᠠᠪᠣᠵᠤ ᠢᠷᠠᠪᠠ ᠃ ᠨᠤᠳᠤᠭ ᠤᠨ ᠠᠯᠳᠠᠨ ᠭᠦᠷᠦᠰᠤᠨ ᠣᠷᠤᠭᠤ ᠮᠤᠩᠭ᠋ᠤᠯ ᠂ ᠮᠤᠷᠢ ᠬᠤᠶᠠᠷ ᠤᠨ ᠴᠢᠰᠤ ᠭᠦᠯᠦᠰᠤ ᠠᠭᠤᠰᠤᠨ ᠰᠢᠩᠭᠡᠵᠤ ᠂ ᠠᠭᠤᠳᠠᠮ ᠬᠠᠩᠭ᠋ᠠᠢ ᠶᠢᠨ ᠡᠭᠡ ᠠᠳᠠᠭ ᠂ ᠣᠰᠤᠨ ᠤ ᠴᠡᠩᠭᠡᠷ ᠳᠤᠯᠭᠢᠶᠠᠨ ᠳᠤ ᠮᠤᠩᠭ᠋ᠤᠯ ᠤᠨ ᠠᠶᠠᠯᠭᠤ ᠳᠠᠭᠤᠤ ᠮᠤᠷᠢᠨ ᠤ ᠳᠤᠭᠰᠢᠨ ᠳᠦᠪᠠᠷᠭᠡᠨ ᠮᠥᠩᠭᠡ ᠬᠠᠳᠠᠩᠰᠢᠭᠰᠠᠨ ᠪᠠᠢ᠌ᠳᠠᠭ ᠃ ᠡᠬᠡ ᠪᠠᠢ᠌ᠭᠠᠯᠢ ᠶᠢᠨ ᠡᠨᠡᠷᠢᠯᠳᠤ ᠡᠵᠡᠨ ᠨᠢ ᠮᠤᠩᠭ᠋ᠤᠯ ᠂ ᠮᠤᠷᠢ ᠬᠤᠶᠠᠷ ᠯᠠ ᠪᠠᠢ᠌ᠯᠠ ᠭᠡᠭᠦ ᠳᠤ ᠠᠬᠠᠳᠠᠬᠤ ᠣᠴᠢᠷ ᠦᠭᠡᠶ᠃
ᠡᠭᠡ ᠨᠤᠳᠤᠭ ᠤᠨ ᠶᠢᠡᠨ ᠡᠵᠡᠨ ᠨᠢ ᠪᠣᠯᠬᠤ ᠭᠡᠭ᠍ᠴᠢ ᠭᠡᠴᠡᠭᠦᠤ ᠪᠣᠯᠤᠭᠰᠠᠨ ᠦᠨᠦᠳᠤᠷ ᠮᠤᠩᠭ᠋ᠤᠯ ᠂ ᠮᠤᠷᠢ ᠬᠤᠶᠠᠷ ᠨᠤᠳᠤᠭ ᠠᠯᠤᠰᠯᠠᠨ ᠰᠠᠤᠠᠭᠢᠯ ᠡᠵᠡᠭᠦᠢ᠌ᠷᠡᠵᠤ ᠂ ᠡᠯᠡᠷ ᠪᠠᠯᠠᠷ ᠣᠬᠠᠭᠠᠨ ᠡᠴᠡ ᠲᠦᠷᠦ ᠶᠢᠨ ᠭᠠᠯ ᠲᠦᠷᠦᠯᠵᠠᠨ ᠲᠦᠮᠡᠨ ᠤ ᠨᠢᠳᠤᠨ ᠳᠤ ᠳᠡᠭ᠍ᠰᠢᠷᠡᠭᠦ ᠦᠭᠡᠶ ᠨᠤᠳᠤᠭ ᠣᠰᠤ ᠳᠡᠩᠴᠡᠭᠦᠷᠢ ᠪᠠᠨ ᠠᠯᠳᠠᠨ ᠬᠠᠢ᠌ᠪᠠᠯᠵᠠᠬᠤ ᠳᠤ ᠳᠠᠪᠢᠨ ᠵᠢᠯ ᠤᠨ ᠣᠬᠤᠷ ᠨᠠᠰᠤ ᠲᠡᠶ ᠨᠤᠳᠤᠭ ᠪᠠᠯᠴᠢᠭᠡᠷ ᠤᠨ ᠳᠠᠭᠠᠭᠠᠴᠢᠯᠠᠯᠳᠠ ᠶᠢ ᠳᠠᠯᠠ ᠶᠢᠨ ᠪᠣᠷᠤ ᠮᠠᠯᠴᠢᠤᠨ ᠮᠠᠨᠢ ᠯᠠ ᠳᠤᠰᠴᠤ ᠣᠷᠳᠤ ᠴᠠᠯᠮᠠᠨ ᠳᠤ ᠪᠦᠳᠦᠭᠦᠨ ᠭᠤᠶᠠ ᠪᠠᠨ ᠣᠭᠤᠰᠤᠷᠯᠠᠭᠤᠯᠪᠠ ︕ ᠵᠠᠶᠠᠭᠠᠨ ᠳᠠᠭᠠᠨ ᠪᠢᠰᠢ ᠂ ᠲᠦᠷᠦ ᠳᠡᠭᠡᠨ ᠭᠤᠮᠤᠳᠠᠵᠤ ᠂ ᠲᠦᠷᠦ ᠳᠡᠭᠡᠨ ᠪᠢᠰᠢ ᠦᠪᠡᠷ ᠤᠨ ᠪᠠᠶᠠ ᠶᠢᠨ ᠬᠠᠷᠢᠭᠤᠴᠠᠯᠭᠠ ᠂ ᠠᠮᠤᠷ ᠳᠠᠢ᠌ᠪᠣᠩ ᠂ ᠵᠠᠯᠬᠠᠭᠤ ᠵᠠᠢ᠌ᠳᠠᠩ ᠳᠠᠭᠠᠨ ᠯᠠ ᠭᠡᠮᠰᠢᠭᠦ ᠪᠣᠯᠪᠠ ︕ ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠴᠠᠢ᠌ᠷᠠᠬᠤ ᠪᠣᠭᠤᠷᠤᠯ ᠳᠡᠭᠡᠳᠦᠰ ᠴᠢᠰᠤᠨ ᠨᠢᠯᠪᠣᠰᠤ ᠪᠠᠷ ᠣᠭᠢᠯᠠᠨᠠ ᠃ ᠬᠤᠶᠠᠷ ᠡᠳᠦᠷ ᠤᠨ ᠵᠢᠷᠭᠠᠯ ᠭᠦᠰᠡᠵᠤ ᠂ ᠬᠤᠷᠢᠨ ᠵᠢᠯ ᠤᠨ ᠰᠤᠶᠤᠯ ᠪᠣᠯᠪᠠᠰᠤᠷᠠᠯ ᠡᠴᠡ ᠬᠤᠴᠤᠷᠤᠭᠰᠠᠨ ᠣᠨ ᠵᠢᠯ ᠤᠨ ᠬᠠᠰᠭᠢᠷᠤᠯ ᠨᠤᠳᠤᠭ ᠣᠰᠤᠨ ᠤ ᠦᠪ ᠡᠴᠡ ᠵᠢᠷᠦᠭᠡ ᠣᠷᠤᠭᠤ ᠵᠡᠭᠦᠤ ᠱᠠᠭᠠᠨᠠ ︕
ᠵᠤᠬᠢᠶᠠᠭᠴᠢ᠄ ᠳᠦᠭᠦᠷᠡᠩᠰᠦ᠋ᠷᠦᠩ
ᠢᠷᠡᠯᠲᠡ᠄ ᠨᠠᠷᠠᠨᠴᠡᠴᠡᠭ ᠬᠠᠩᠭᠠᠪᠠ
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 12725
ᠴᠠᠭ᠄ 2007 ᠤᠨ ᠤ 09 ᠰᠠᠷᠠ ᠶᠢᠨ 14
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ