☆ ᠬᠠᠰᠪᠠᠭᠠᠨᠠ
ᠬᠠᠢ᠌ᠷᠠ
ᠵᠢᠷᠭᠠᠯ ᠤᠨ ᠳᠤᠶᠠᠭᠠ ᠳᠠᠳᠠᠭᠤᠯᠤᠨ ᠭᠦᠯᠦᠭ᠌ ᠤᠨ ᠰᠤᠷ ᠬᠣᠢ᠌ᠯᠠᠷᠠᠨᠠ᠂
ᠵᠠᠶᠠᠭᠠᠨ ᠤ ᠬᠠᠨᠢ ᠪᠠᠨ ᠪᠣᠳᠤᠭᠠᠤᠨ ᠰᠡᠳᠭᠢᠯ ᠤᠨ ᠣᠶᠠᠩᠭ᠋ᠠ ᠣᠠᠳᠤᠷᠠᠨᠠ᠂
ᠳᠦᠭᠦᠷᠦᠭᠡ ᠦᠭᠡᠶ ᠵᠠᠶᠠᠭᠠᠨ ᠤ ᠮᠢᠨᠢ ᠦᠯᠡᠮᠵᠢ ᠶᠢᠨ ᠳᠤᠷᠠᠯᠠᠯ ᠰᠤᠯᠤᠩᠭ᠋ᠠᠷᠠᠨᠠ᠂
ᠳᠦᠷᠦᠭ᠍ᠰᠡᠨ ᠨᠤᠳᠤᠭ ᠤᠨ ᠬᠤᠩᠭ᠋ᠤᠷ ᠴᠢᠮᠠᠳᠠᠭᠠᠨ ᠡᠷᠭᠡᠯᠡᠭᠡᠳ ᠵᠢᠷᠭᠠᠨᠠ᠂
ᠳᠤᠷᠭᠠᠨ ᠮᠠᠯᠠᠮᠠᠢ ᠶᠢ ᠴᠢᠨᠢ ᠰᠢᠷᠳᠠᠨ ᠵᠢᠷᠦᠭᠡᠨ ᠤ ᠳᠠᠭᠤᠤ ᠰᠢᠩᠭᠡᠨᠡ
ᠳᠤᠯᠤᠭᠠᠨ ᠪᠣᠷᠬᠠᠤᠨ ᠤᠨ ᠳᠤᠮᠤᠭ ᠰᠢᠭ ᠥᠨᠡᠡᠴᠢᠭᠡᠨ ᠰᠡᠳᠭᠢᠯ ᠭᠦᠪᠦᠷᠡᠨᠡ᠂
ᠳᠤᠭᠰᠢᠨ ᠳᠠᠪᠠᠯᠭᠠᠨ ᠤ ᠰᠦᠷ ᠲᠤ ᠬᠠᠳᠠᠭᠤᠬᠠᠨ ᠳᠤᠷᠠᠯᠠᠯ ᠰᠦᠨᠳᠠᠷᠯᠠᠨᠠ᠂
ᠳᠤᠭᠤᠨᠤᠳᠤ ᠭᠡᠷ ᠤᠨ ᠮᠢᠨᠢ ᠬᠣᠢ᠌ᠮᠤᠷ ᠲᠤ ᠴᠢ ᠮᠢᠨᠢ ᠨᠠᠳᠠ ᠳᠠᠭᠠᠨ ᠡᠷᠭᠡᠯᠡᠨᠡ᠃
ᠬᠠᠢ᠌ᠷᠠᠳᠠᠢ ᠪᠦᠭᠦᠨ ᠶᠢᠡᠨ ᠪᠣᠳᠤᠭᠠᠤᠨ ᠰᠡᠳᠭᠢᠯ ᠤᠨ ᠳᠦᠷᠦᠭᠡ ᠳᠠᠪᠭᠢᠷᠠᠨᠠ᠂
ᠬᠠᠯᠠᠭᠤᠬᠠᠨ ᠴᠢᠮᠠ ᠪᠠᠨ ᠪᠣᠳᠤᠭᠠᠤᠨ ᠢᠨᠠᠭ ᠤᠨ ᠵᠡᠭᠦᠳᠤ ᠭᠦᠪᠦᠷᠢᠨᠡ᠂
ᠬᠠᠨᠢᠬᠠᠨ ᠵᠢᠷᠭᠠᠯ ᠤᠨ ᠬᠤᠷᠮᠤᠢ ᠳᠤ ᠬᠤᠶᠠᠭᠤᠯᠠ ᠪᠠᠨ ᠴᠡᠩᠭᠡᠵᠤ ᠪᠠᠶᠠᠰᠤᠨᠠ᠂
ᠬᠠᠨ ᠳᠡᠯᠡᠭᠡᠢ ᠶᠢ ᠴᠤ ᠥᠮᠴᠢᠷᠭᠡᠮᠡᠷ ᠨᠠᠳᠠ ᠳᠠᠭᠠᠨ ᠡᠷᠭᠡᠯᠡᠨ ᠵᠢᠷᠭᠠᠨᠠ᠂
ᠠᠮᠢᠳᠤᠷᠠᠯ ᠤᠨ ᠬᠠᠶᠢᠭ ᠳᠠᠷᠠᠯᠠᠵᠤ ᠢᠳᠡᠭᠡᠯ ᠤᠨ ᠣᠴᠢ ᠣᠠᠳᠤᠷᠤᠨᠠ᠂
ᠠᠮᠠᠷᠠᠭ ᠰᠡᠳᠭᠢᠯ ᠨᠢᠯᠬᠠᠷᠠᠵᠤ ᠬᠠᠢ᠌ᠷᠠ ᠶᠢᠨ ᠳᠠᠭᠤᠤ ᠶᠠᠷᠢᠭᠳᠠᠨᠠ᠂
ᠠᠯᠤᠰ ᠤᠨ ᠰᠤᠪᠢᠩ ᠳᠦᠭᠦᠷᠡᠵᠤ ᠮᠥᠷᠦᠭᠡᠳᠦᠯ ᠭᠦᠯᠦᠭᠯᠡᠵᠤ ᠮᠤᠷᠳᠠᠨᠠ
ᠠᠮᠢᠨ ᠤ ᠵᠢᠷᠦᠭᠡ ᠳᠤᠭᠳᠤᠯᠵᠤ ᠢᠳᠡᠭᠡᠯ ᠢᠩᠭᠢᠵᠤ ᠠᠭᠤᠰᠤᠨᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠯᠢ ᠶᠢᠨ ᠭᠤᠤᠯ ᠠᠢ᠌ᠮᠠᠭ ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤᠨ ᠤ ᠰᠠᠩ ᠤᠨ ᠳᠠᠯᠠᠢ ᠪᠠᠯᠭᠠᠰᠤᠨ ᠤ ᠭᠠᠩᠭ᠋ᠠᠠᠳᠠᠯᠠ ᠭᠠᠴᠠᠭᠠ
ᠵᠤᠬᠢᠶᠠᠭᠴᠢ᠄ ᠬᠠᠰᠪᠠᠭᠠᠨᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2622
ᠴᠠᠭ᠄ 2010 ᠤᠨ ᠤ 03 ᠰᠠᠷᠠ ᠶᠢᠨ 04
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ