☆ ᠦ᠊·ᠠᠯᠳᠠᠠᠪᠣᠯᠠᠭ
ᠠᠬᠠ ᠶᠢ ᠪᠠᠨ ᠮᠦᠷᠦᠭᠡᠳᠦᠭ᠍ᠰᠡᠨ ᠰᠢᠯᠦᠭ᠌
1
《ᠣᠯᠠᠭᠠᠨ ᠪᠣᠷᠴᠠᠭ》᠊ᠤᠨ ᠮᠤᠳᠤᠨ ᠳᠤᠤᠷᠠ
ᠣᠨ ᠰᠠᠷᠠ ᠶᠢ ᠱᠤᠭᠤᠵᠤ
ᠣᠶᠠᠷᠠᠯ ᠤᠨ ᠮᠢᠩᠭ᠋ᠠᠨ ᠮᠥᠭᠦᠯᠢᠭ᠌ ᠭᠡᠯᠭᠢᠨ
ᠣᠴᠠᠷᠠᠯ ᠤᠨ ᠪᠠᠳᠤ ᠢᠳᠡᠭᠡᠯ ᠰᠠᠢ᠌ᠯᠵᠤ
ᠮᠠᠷᠳᠠᠵᠤ ᠴᠢᠳᠡᠬᠤ ᠥᠭᠡᠢ ᠳᠤᠷᠠᠰᠤᠯ
ᠮᠠᠨᠠᠨ ᠲᠡᠶ ᠳᠡᠭ᠍ᠷᠢ ᠳᠤ ᠭᠦᠪᠪᠦᠨ
ᠢᠨᠢᠶᠠᠳᠤ ᠬᠠᠨᠢᠶᠠᠳᠤ ᠲᠡᠶ ᠡᠳᠦᠷ ᠦᠳ
ᠶᠢᠯᠸᠢ ᠲᠡᠶ ᠶᠤᠮ ᠰᠢᠭ ᠵᠢᠭᠤᠷᠯᠠᠳᠤᠨ
ᠶᠢᠷᠢᠳᠢᠠᠴᠤ ᠶᠢᠨ ᠭᠦᠮᠤᠨ ᠤ ᠵᠠᠩᠰᠢᠯ ᠳ᠋ᠤ
ᠬᠠᠬᠤᠵᠤ ᠬᠠᠭᠰᠢᠨ ᠶᠠᠪᠣᠭᠰᠠᠨ
ᠬᠠᠯᠠᠭᠤᠨ ᠨᠠᠷᠠᠨ ᠤ ᠰᠡᠭᠦᠳᠡᠷ ᠳᠤ
ᠬᠠᠯᠠᠵᠤ ᠭᠡᠰᠦᠵᠤ ᠰᠡᠭᠡᠭᠡᠷᠡᠭ᠍ᠰᠡᠨ
ᠣᠷᠠᠢ ᠨᠠᠰᠤᠨ ᠤ ᠣᠴᠠᠷᠠᠯ ᠤᠳ
ᠣᠶᠠᠩᠭ᠋ᠠᠨ ᠰᠠᠨᠠᠭᠠ ᠲᠡᠶ ᠡᠷᠭᠢᠭᠦ ᠳ᠋ᠤ
ᠣᠷᠳᠤ ᠬᠤᠷᠮᠤᠢ ᠲᠡᠶ ᠳᠠᠪᠭᠢᠯᠳᠤᠭᠰᠠᠨ
ᠣᠷᠢᠳᠤ ᠶᠢᠨ ᠳᠠᠭᠤᠤ ᠴᠤᠤᠷᠢᠶᠠᠯᠠᠵᠤ
ᠣᠩᠭ᠋ᠤᠨ ᠨᠢ ᠢᠪᠠᠭᠡᠭ᠍ᠰᠡᠨ ᠳᠡᠭ᠍ᠷᠢ ᠳ᠋ᠡᠭᠡᠨ
ᠡᠷᠭᠡᠯᠡᠵᠤ ᠠᠮᠢᠳᠤᠷᠠᠭᠰᠠᠨ ᠪᠣᠳᠤᠭᠳᠠᠵᠤ
ᠣᠶᠤᠨ ᠰᠦᠨᠠᠰᠤ ᠶᠢ ᠳᠠᠯᠠᠯᠤᠭᠰᠠᠨ
ᠣᠩᠭ᠋ᠤᠨ ᠰᠠᠷᠠᠯ ᠤᠨ ᠦᠣᠷᠰᠦᠭᠡ
ᠣᠰᠤᠨ ᠳᠤᠩᠭ᠋ᠠᠯᠠᠭ ᠨᠠᠭᠤᠷ ᠤᠨ
ᠨᠤᠭᠤᠰᠤᠨ ᠤ ᠭᠠᠩᠭ᠋ᠠᠨᠠᠭᠠ ᠰᠤᠨᠤᠰᠳᠠᠵᠤ
ᠴᠡᠩᠭᠡᠷ ᠳᠡᠭ᠍ᠷᠢ ᠳᠤ ᠴᠡᠴᠡᠭᠯᠡᠭ᠍ᠰᠡᠨ
ᠡᠭᠦᠯᠡᠰ ᠤᠨ ᠭᠡ ᠬᠠᠷᠠᠭᠳᠠᠵᠤ
ᠴᠡᠯᠡᠭᠡᠷ ᠳᠠᠠᠵᠢᠨ ᠳᠤ ᠪᠠᠯᠴᠢᠭ᠍ᠰᠡᠨ
ᠮᠠᠯ ᠤᠨ ᠭᠡᠰᠢᠭ᠌ ᠠᠮᠰᠠᠭᠳᠠᠵᠤ
ᠴᠡᠪᠠᠷᠭᠡᠨ ᠠᠭᠠᠷ ᠲᠡᠶ ᠨᠤᠳᠤᠭ ᠤᠨ
ᠴᠡᠴᠡᠭ᠌ ᠰᠢᠪᠠᠭᠤᠳ ᠲᠡᠶ ᠡᠷᠡᠭᠡᠯᠡᠨ
ᠡᠡᠯᠳᠡᠢ᠂ ᠭᠡᠨᠳᠡᠢ᠂ ᠭᠢᠩᠭ᠋ᠡᠨ ᠳ᠋ᠤ
ᠠᠪᠣ ᠶᠢᠨ ᠭᠤᠮᠤᠮᠳᠠ ᠪᠠᠳᠠᠷᠠᠭᠠᠵᠤ
ᠠᠷᠤ᠂ ᠦᠪᠣᠷ᠂ ᠤᠢ᠌ᠷᠠᠤᠨ᠁
ᠭᠡᠯᠡ ᠣᠯᠠ ᠪᠠᠨ ᠣᠯᠤᠯᠴᠠᠵᠤ
ᠠᠠᠳᠠ ᠨᠥᠭᠦᠤᠨ ᠪᠦᠭᠦᠳᠡᠭᠡᠷ
ᠠᠷᠢᠭᠤᠨ ᠰᠡᠳᠭᠢᠯ ᠶᠢᠡᠨ ᠨᠠᠪᠳᠠᠷᠠᠯᠴᠠᠵᠤ
ᠠᠵᠠ ᠵᠶᠠᠶᠠᠭᠠᠨ ᠤ ᠳᠡᠩᠨᠡᠭᠦᠡᠷ ᠵᠢᠠᠨ
ᠡᠵᠡᠨ ᠭᠦᠮᠤᠨ ᠰᠢᠭ᠌ ᠲ᠋ᠡᠩᠴᠡᠭᠦᠯᠵᠤ
ᠡᠭᠡᠯ ᠵᠢᠷ ᠤᠨ ᠠᠮᠢᠳᠤᠷᠠᠯ ᠳ᠋ᠤ
ᠡᠷᠡ ᠮᠦᠰᠤ ᠪᠠᠨ ᠲᠦᠰᠢᠯᠴᠠᠵᠤ
ᠡᠶᠡᠯᠡᠵᠤ ᠡᠪᠯᠡᠭᠦ ᠡᠷᠳᠡᠮ ᠢ
ᠦᠰᠭᠦ ᠨᠠᠰᠤᠨ ᠳ᠋ᠤ ᠰᠤᠷᠤᠯᠴᠠᠵᠤ
ᠥᠩᠭᠡᠳᠤ ᠶᠢᠨ ᠥᠩᠭᠡᠷᠡᠤ ᠡᠭᠡᠳᠡᠷᠡᠭᠡᠨ ᠳ᠋ᠤ
ᠦᠰᠤᠷᠴᠤ ᠳᠡᠭ᠍ᠳᠡᠨ ᠳᠡᠩᠳᠡᠭᠦ ᠳ᠋ᠡᠭᠡᠨ
ᠦᠨᠡ ᠲᠡᠶ ᠶᠠᠭᠤᠮᠠ ᠪᠠᠨ ᠮᠡᠳᠡᠭᠡ ᠥᠭᠡᠢ
ᠦᠪᠡᠷ ᠶᠢᠡᠨ ᠴᠢᠯᠠᠭᠤᠳᠠᠵᠤ ᠶᠠᠪᠣᠯᠠ ᠳ᠋ᠠ
ᠦᠯᠵᠡᠢ ᠪᠣᠶᠠᠨ ᠤ ᠭᠦᠷᠦᠩᠭᠡ ᠪᠠᠨ
ᠥᠭᠯᠢᠭᠡ ᠪᠤᠯᠭᠠᠨ ᠦᠷᠡᠭᠡᠯᠡ ᠳᠡ᠃
2
ᠵᠠᠯᠢ ᠲᠡᠶ ᠢᠪᠠᠭᠡᠰᠤ ᠳᠤ ᠵᠠᠢ᠌ᠳᠠᠨ
ᠵᠠᠮ ᠵᠠᠮ ᠶᠢᠡᠨ ᠭᠦᠭᠡᠭᠡᠯᠡ ᠦᠦ ︖
ᠵᠠᠢ ᠵᠠᠢ ᠳᠠᠭᠠᠨ ᠬᠤᠯᠠᠳᠠᠭᠰᠠᠭᠠᠷ
ᠵᠠᠨᠤᠯ ᠭᠤᠮᠤᠳᠠᠯ ᠨᠡᠮᠡᠭ᠍ᠳᠡᠯᠡ ᠤᠤ
ᠪᠣᠰᠤᠳ ᠤᠨ ᠣᠬᠠᠭᠠᠨ ᠳᠤ ᠡ᠊ᠨᠳᠡᠵᠤ
ᠪᠣᠭᠤᠮᠢᠨ ᠳ᠋ᠤ ᠭᠦᠵᠦᠭᠦᠤ ᠪᠠᠨ ᠭᠢᠯᠠ ᠤᠤ
ᠪᠣᠷᠤᠭᠤ ᠵᠦᠪ ᠤᠨ ᠠᠭᠤᠯᠵᠠᠭᠤᠷ ᠳᠤ
ᠪᠣᠳᠤᠯ ᠶᠢᠡᠨ ᠡ᠊ᠨᠳᠡᠭᠦᠤ ᠰᠤᠩᠭ᠋ᠤᠯᠠ ᠤᠤ
ᠠᠷᠢᠶᠠᠳᠠᠨ ᠵᠠᠷᠤᠳᠠᠭ ᠵᠡᠪᠰᠡᠭ᠌ ᠵᠢᠠᠨ
ᠠᠬᠠ ᠳᠡᠭᠦᠤ ᠬᠤᠭᠤᠷᠤᠠᠳᠤ ᠪᠠᠨ ᠭᠦᠳᠡᠯᠭᠡᠯᠡ
ᠠᠶᠠᠨ ᠳᠠᠢ᠌ᠨ ᠤ ᠡᠴᠦᠰ ᠳᠤ
ᠠᠯᠳᠠᠭᠰᠠᠨ ᠨᠢ ᠣᠯᠠᠨ ᠪᠣᠯᠤᠯᠠ ᠤᠤ
ᠰᠠᠨᠠᠭᠠ ᠮᠠᠭᠤᠳᠤ ᠶᠢᠨ ᠥᠭᠡ ᠪᠠᠷ
ᠰᠠᠮᠵᠠ ᠰᠢᠭ᠌ ᠯᠠ ᠳᠤᠭᠯᠠᠯᠠ ᠳ᠋ᠠ
ᠰᠠᠳᠤᠨ ᠳᠦᠷᠤᠯ ᠬᠤᠭᠤᠷᠤᠠᠳᠤ ᠪᠠᠨ
ᠰᠠᠯᠵᠤ ᠪᠣᠳᠠᠷᠠᠵᠤ ᠣᠳᠠᠯᠠ ᠳ᠋ᠠ᠃
ᠣᠷᠴᠢᠯᠠᠩ ᠤᠨ ᠭᠢᠵᠠᠭᠠᠷ ᠳᠡᠭᠦᠤ ᠴᠢᠨᠢ
ᠣᠶᠠᠷᠠᠵᠤ ᠳᠤᠷᠠᠰᠤᠨ ᠮᠦᠷᠦᠭᠡᠳᠬᠦ ᠳ᠋ᠤ
ᠣᠷᠣᠢ᠌ᠳᠠᠵᠤ ᠴᠤᠭᠤᠷᠤᠭᠰᠠᠨ ᠣᠬᠠᠭᠠᠨ ᠮᠢᠨᠢ
ᠣᠴᠢᠷ ᠪᠠᠨ ᠣᠯᠬᠤ ᠦᠭᠡᠶ ᠰᠢᠨᠤᠯᠤᠨᠠ
ᠡᠭᠡ ᠶᠢᠨ ᠭᠡᠪᠠᠯᠢ ᠨᠢᠭᠡᠳᠴᠦ
ᠡᠩᠬᠦᠷᠡᠢ ᠬᠠᠢ᠌ᠷᠠ ᠶᠢ ᠨᠢ ᠬᠤᠪᠢᠶᠠᠯᠴᠠᠯᠠ
ᠡᠴᠢᠭᠡ ᠶᠢᠨ ᠭᠡᠰᠢᠭ᠌ ᠲᠤ ᠪᠠᠭᠳᠠᠵᠤ
ᠡᠶᠡ ᠵᠢᠷᠤᠮ ᠲᠡᠶ ᠶᠠᠪᠣᠭᠰᠠᠨ ᠶᠤᠮ
ᠡᠰᠢ ᠶᠤᠰᠤ ᠪᠠᠨ ᠪᠣᠳᠤᠭᠠᠤᠨ
ᠡᠶᠡᠳᠡᠵᠤ ᠪᠣᠯᠬᠤ ᠦᠭᠡᠶ ᠨᠢ ᠶᠠᠭᠤ ᠶᠤᠮ᠃
ᠠᠪᠳᠠᠷᠠ ᠳᠦᠭᠦᠷᠡᠩ ᠠᠯᠳᠠ ᠮᠥᠩᠭᠦ
ᠠᠭᠢᠭᠠᠤᠨ ᠣᠯᠳᠠᠬᠤ ᠳᠤ ᠠᠮᠠᠷᠬᠠᠨ
ᠠᠮᠠᠷᠠᠭ ᠰᠠᠳᠤᠨ ᠤ ᠬᠤᠯᠪᠣᠭᠠ
ᠡᠨᠡ ᠨᠢᠭᠡᠭᠡᠨ ᠳᠦᠷᠤᠯ ᠳᠤ ᠶᠤᠮ᠃
3
ᠡᠡᠩ ᠵᠠᠩ ᠶᠢᠡᠨ ᠪᠢᠳᠠ
ᠡᠡᠮᠡ ᠭᠡᠯᠡ ᠪᠠᠷ ᠣᠯᠤᠯᠴᠠᠶᠠ
ᠠᠯᠳᠠᠨ ᠳᠡᠯᠡᠭᠡᠢ ᠶᠢᠨ ᠭᠡᠰᠢᠭ᠌ ᠢ
ᠠᠷᠢᠭᠤᠨ ᠳᠡᠭ᠍ᠰᠢ ᠪᠠᠷ ᠬᠤᠪᠢᠶᠠᠯᠴᠠᠶᠠ
ᠨᠠᠷᠠᠨ ᠤ ᠬᠤᠶᠠᠷ ᠥᠵᠦᠭᠦᠷ ᠢ ᠪᠢᠳᠠ
ᠨᠠᠭᠠᠳᠤᠮ ᠶᠢᠡᠷ ᠮᠠᠳᠠᠵᠤ ᠥᠩᠭᠡᠷᠡᠭ᠍ᠰᠡᠨ ᠶᠤᠮ
ᠨᠠᠮᠤᠳᠠᠷᠢᠶᠠ ᠮᠦᠷᠠᠨ ᠤ ᠭᠦᠪᠠᠭᠡ ᠵᠢ
ᠮᠤᠷᠢ ᠪᠠᠷ ᠬᠤᠯᠪᠣᠵᠤ ᠶᠠᠪᠣᠭᠰᠠᠨ ᠶᠤᠮ
ᠮᠥᠭᠦᠰ ᠤᠬᠠᠭᠠᠨ ᠲᠡᠶ ᠳᠡᠭᠦᠤ ᠨᠢ
ᠮᠦᠰᠤᠨ ᠳᠤ ᠬᠠᠯᠳᠤᠷᠢᠵᠤ ᠰᠡᠷᠭᠦᠯᠡ
ᠮᠥᠮᠥ ᠶᠢᠨ ᠠᠯᠳᠠᠨ ᠰᠤᠷᠭᠠᠯ ᠢ
ᠮᠦᠨ ᠶᠤᠰᠤ ᠪᠠᠷ ᠨᠢ ᠣᠬᠠᠭᠠᠷᠠᠯᠠ
ᠠᠶᠠᠭᠠ ᠲᠡᠶ ᠴᠠᠢ ᠪᠠᠨ ᠬᠤᠪᠢᠶᠠᠯᠴᠠᠭᠰᠠᠨ
ᠠᠮᠠᠷᠠᠭ ᠡᠳᠦᠷ ᠤᠳ ᠰᠠᠨᠠᠭᠳᠠᠨᠠ
ᠠᠪᠠ ᠶᠢᠨ ᠭᠦᠷᠢᠶᠡ ᠪᠢᠳᠡᠭᠦᠯᠡᠭ᠍ᠰᠡᠨ
ᠠᠭᠤᠤ ᠬᠤᠷᠤᠮ ᠤᠳ ᠡᠷᠢᠭ᠍ᠳᠡᠨᠡ
ᠠᠪᠣ ᠶᠢᠨ ᠵᠠᠭᠢᠶᠠ ᠡᠴᠡ ᠳᠠᠯᠳᠠᠭᠤᠷ
ᠠᠳᠠᠭᠠ ᠲᠡᠶ ᠶᠠᠪᠣᠭᠰᠠᠨ ᠳᠠᠭᠠᠨ ᠭᠡᠮᠰᠢᠨᠡ᠃
ᠠᠬᠠ ᠳᠠᠨ ᠤ ᠨᠢᠳᠤᠨ ᠳ᠋ᠤ
ᠰᠢᠷᠤᠢ ᠰᠠᠴᠤᠭᠰᠠᠨ ᠳᠠᠭᠠᠨ ᠭᠡᠮᠰᠢᠨᠡ
ᠵᠠᠰᠠᠵᠤ ᠪᠣᠯᠳᠠᠭ ᠪᠣᠷᠤᠭᠤ ᠪᠠᠨ
ᠵᠠᠯᠠᠵᠤ ᠠᠪᠬᠤ ᠶᠢ ᠭᠢᠴᠢᠶᠠᠶᠠ
ᠵᠠᠩ ᠰᠠᠢ᠌ᠳᠠᠢ ᠠᠬᠠ ᠮᠢᠨᠢ
ᠵᠠᠭᠠᠮᠠ ᠲᠡᠶ ᠡᠡᠭ᠍ᠭᠢᠷ ᠶᠢᠡᠨ ᠳᠡᠯᠭᠡᠨᠡᠤ
ᠠᠭᠤᠳᠠᠮ ᠳᠡᠨᠢᠭᠡᠷ ᠨᠤᠲᠤᠭ ᠳᠠᠭᠠᠨ
ᠠᠭᠤᠰᠴᠤ ᠬᠠᠮᠳᠤ ᠪᠠᠷ ᠪᠠᠭᠳᠠᠯᠴᠠᠶᠠ
ᠣᠷᠤᠰᠬᠠᠯ ᠳᠤᠩᠭ᠋ᠠᠯᠠᠭ ᠣᠰᠤ ᠪᠠᠨ
ᠣᠤᠭᠤᠵᠤ ᠬᠠᠮᠳᠤ ᠪᠠᠷ ᠠᠮᠢᠳᠤᠷᠠᠶᠠ ︕
ᠭᠦᠨ ᠴᠡᠩᠭᠡᠷ ᠳᠡᠭ᠍ᠷᠢ ᠪᠠᠨ
ᠭᠦᠷᠤᠨ ᠤ ᠶᠤᠰᠤ ᠪᠠᠷ ᠳᠡᠭᠡᠳᠦᠯᠡᠶᠡ
ᠭᠦᠪᠠᠭᠦᠨ ᠠᠴᠢᠨᠠᠷ ᠣᠮᠪᠣᠯᠤ ᠁ ᠪᠠᠨ
ᠭᠦᠮᠤᠨ ᠤ ᠶᠤᠰᠤ ᠪᠠᠷ ᠨᠥᠭᠦᠷᠯᠡᠭᠦᠯᠦᠶᠡ
ᠭᠦᠮᠦᠵᠢᠯ ᠤᠨ ᠬᠠᠳᠠᠭᠤ ᠬᠠᠷᠭᠤᠢ ᠳ᠋ᠤ
ᠭᠦᠯ ᠳ᠋ᠤᠨᠢ ᠳᠡᠩᠴᠡᠭᠦᠯᠵᠤ ᠳᠠᠯᠪᠢᠶᠠ
ᠭᠦᠭ᠍ᠵᠢᠵᠤ ᠪᠠᠢ᠌ᠬᠤ ᠡᠷᠡᠨ ᠤ
ᠭᠦᠴᠦᠳᠡᠨ ᠤ ᠡᠡᠭ᠍ᠨᠡᠭᠡᠨ ᠳᠤ ᠣᠷᠤᠭᠤᠯᠤᠶᠠ ︕
ᠴᠠᠭ ᠳᠦᠷᠤ ᠶᠢᠨ ᠳᠤᠭᠤᠰᠤᠨ ᠳ᠋ᠤ
ᠴᠠᠯᠠᠭᠠᠢ ᠪᠣᠤ ᠯᠠ ᠶᠠᠪᠣᠭᠤᠯᠤᠶᠠ
4
《 ᠴᠤᠪᠣᠵᠤ ᠶᠠᠪᠣᠭᠰᠠᠨ ᠪᠠᠷᠰ
ᠴᠤᠭᠯᠠᠷᠠᠵᠤ ᠰᠠᠭᠤᠭᠰᠠᠨ ᠱᠠᠭᠠᠵᠠᠭᠠᠢ》ᠶ᠋ᠢᠨ ᠳᠤᠬᠠᠢ
ᠥᠩᠭᠡᠷᠡᠭ᠍ᠰᠡᠨ ᠲ᠋ᠡᠦᠭᠡ ᠮᠡᠨᠦᠰ ᠳᠤ
ᠥᠯᠢᠭᠡᠷ ᠶᠠᠷᠢᠭᠠᠳ ᠪᠠᠢ᠌ᠬᠤ ᠶᠤᠮ᠃
ᠦᠨᠡᠨ ᠶᠠᠭᠤᠮᠠᠨ ᠤ ᠡᠮᠦᠨᠡ ᠪᠢᠳᠠ
ᠥᠩᠭᠡᠷᠡᠤ ᠵᠦᠷᠢᠭᠦᠳᠯᠡᠵᠤ ᠶᠠᠭᠤ ᠭᠢᠨᠠ
ᠥᠭᠡᠷ ᠳᠡᠷᠭᠡ ᠪᠠᠷ ᠲ᠋ᠤᠯᠡᠢ ᠭᠦᠢᠴᠡᠭᠦ
ᠣᠯᠳᠤᠢ ᠣᠬᠠᠭᠠᠠᠳᠤ ᠠᠮᠢᠳᠤᠷᠠᠯ
ᠠᠢ ᠳ᠋ᠠ ︕ ᠠᠬᠠ ᠮᠢᠨᠢ
ᠠᠯᠢ ᠭᠡᠳᠥᠢᠨ ᠥᠩᠭᠡᠷᠡᠵᠡᠢ᠃
ᠠᠬᠠ ᠳᠡᠭᠦᠤ ᠭᠡᠳᠦᠭᠦᠯᠡ ᠪᠠᠨ
ᠠᠯᠤᠰ ᠢ ᠪᠣᠳᠤᠬᠤ ᠣᠴᠢᠷ ᠳᠠᠢ
ᠰᠥᠰᠦᠭ᠌ ᠰᠥᠵᠢᠭ᠌ ᠶᠢᠡᠨ ᠣᠳᠤ
ᠰᠦᠰᠦ ᠶᠡᠭᠡᠳᠡᠢ ᠨᠢᠭᠡᠳᠭᠡᠵᠤ
ᠰᠦᠷᠭᠡᠤ ᠶᠠᠭᠤᠮᠠᠨ ᠤ ᠥᠭᠡᠳᠡ ᠡᠴᠡ
ᠰᠦᠷᠴᠤ ᠪᠣᠰᠬᠤ ᠴᠠᠭ ᠪᠣᠯᠵᠠᠢ᠃
ᠠᠢ ᠳ᠋ᠠ᠂ ᠠᠬᠠ ᠮᠢᠨᠢ ︕
ᠠᠢ᠌ᠯᠴᠢᠯᠠᠵᠤ ᠮᠠᠨ ᠤ ᠳᠤ ᠢᠷᠡᠭᠡᠷᠡᠢ
ᠠᠯᠢ ᠡᠷᠳᠡᠨ ᠤ ᠵᠢᠷᠤᠮ ᠵᠢᠠᠨ
ᠥᠨᠡᠡᠴᠢ ᠭᠡᠪ ᠶᠢᠡᠷ ᠨᠢ ᠰᠡᠷᠭᠦᠭᠡᠶᠡ
ᠠᠷᠢᠭᠤᠨ ᠴᠠᠢ᠌ᠯᠭᠠᠨ ᠡᠯᠢᠭᠡ ᠪᠠᠷ ᠵᠢᠠᠨ
ᠨᠠᠢ᠌ᠷ ᠲᠡᠶ ᠰᠠᠢ᠌ᠬᠠᠨ ᠵᠤᠯᠭᠠᠯᠠᠳᠤᠶᠠ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠵᠢᠭᠠᠬᠤ ᠶᠢ ᠰᠤᠳᠤᠯᠬᠤ ᠳᠠᠰᠤᠭ
ᠵᠤᠬᠢᠶᠠᠭᠴᠢ᠄ ᠦ᠊·ᠠᠯᠳᠠᠠᠪᠣᠯᠠᠭ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2677
ᠴᠠᠭ᠄ 2012 ᠤᠨ ᠤ 04 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ