☆ ᠠᠮᠤᠷ
ᠮᠠᠨ ᠤ ᠭᠢ
ᠪᠦᠭᠡᠰᠤ ᠨᠠᠢ᠌ᠳᠠᠭᠠᠬᠤ ᠳᠤ ᠰᠢᠷ ᠭᠡᠳ ᠭᠢᠮᠤᠷᠠᠴᠢᠬᠠᠳᠠᠭ
ᠪᠦᠳᠦᠨᠡ ᠥᠷᠭᠦᠭᠦ ᠳᠤ ᠰᠠᠷ ᠭᠡᠳ ᠬᠤᠯᠭᠢᠴᠢᠬᠠᠳᠠᠭ
ᠪᠣᠮᠪᠣ ᠶᠢᠨ ᠶᠤᠰᠤ ᠪᠢᠴᠢᠭ᠌ ᠤᠨ ᠰᠤᠷᠭᠠᠯ ᠢ
ᠪᠣᠭᠳᠠ ᠪᠠᠭᠰᠢ ᠡᠴᠡ ᠨᠢ ᠢᠯᠡᠭᠦᠤ ᠣᠬᠠᠭᠰᠠᠨ
ᠭᠡᠷᠡᠮ ᠤᠨ ᠰᠡᠭᠦᠳᠡᠷ ᠶᠢᠡᠷ ᠭᠡᠷᠰᠤᠯᠡᠵᠤ ᠵᠢᠷᠤᠭᠠᠯᠠᠳᠠᠭ
ᠭᠡᠷᠡᠭ᠌ ᠤᠨ ᠰᠡᠵᠢᠭ᠌ ᠡᠴᠡ ᠬᠠᠯᠳᠤᠰᠭᠢᠵᠤ ᠵᠠᠢ᠌ᠯᠠᠳᠠᠭ
ᠭᠡᠯᠡᠭᠦ ᠳᠡᠭᠡᠨ ᠭᠡᠳᠤ ᠣᠳᠠᠭᠠ ᠳᠤᠩᠭ᠋ᠠᠳᠠᠭ
ᠭᠢᠭᠦ ᠳᠡᠭᠡᠨ ᠭᠡᠭᠦᠳᠡᠭ᠌ ᠳᠦᠭᠦᠷᠡᠩ ᠪᠢᠰᠢᠯᠭᠠᠳᠠᠭ
ᠳᠤᠯᠤᠭᠠᠢ ᠶᠢ ᠨᠢ ᠭᠢᠰᠭᠢᠭᠦ ᠳᠤ ᠳᠤᠭᠤᠰᠤ ᠯᠠ ᠭᠡᠳ ᠳᠤᠩᠭᠣᠢ᠌ᠳᠠᠭ
ᠳᠤᠭᠤᠭᠠᠨ ᠳ᠋ᠤᠨᠢ ᠪᠠᠭᠠᠬᠤ ᠳᠤ ᠳᠤᠰᠤ ᠭᠡᠳ ᠯᠠ ᠳᠠᠮᠰᠢᠶᠠᠯᠠᠳᠠᠭ
ᠳᠤᠪᠴᠢ ᠶᠢᠨ ᠶᠢᠡᠨ ᠳᠤᠭᠠ ᠶᠢ ᠨᠢ ᠡᠳᠦᠷᠵᠢᠨ ᠳᠤᠭᠠᠯᠠᠳᠠᠭ
ᠳᠦᠪᠦᠩᠭᠡᠢ ᠶᠢᠨ ᠶᠢᠡᠨ ᠴᠠᠷ ᠢ ᠰᠦᠨᠢᠵᠢᠨ ᠵᠠᠯᠭᠢᠳᠠᠭ
ᠬᠤᠠᠳᠠᠭᠠ ᠣᠷᠤᠭᠤᠯ ᠤᠨ ᠬᠤᠶᠠᠷ ᠦᠨᠦᠰᠤᠯᠳᠠ ᠪᠠᠷ
ᠬᠤᠷᠤᠢ ᠭᠡᠢ᠌ᠮᠦᠷᠢ ᠨᠢ ᠳᠠᠷᠤᠢ ᠰᠡᠷᠭᠦᠳᠡᠭ᠌
ᠪᠠᠯᠭᠤᠭᠰᠠᠭᠠᠷ ᠪᠠᠭᠠᠳᠤᠷ ᠰᠡᠷᠭᠦᠭ᠍ᠰᠡᠭᠡᠷ ᠰᠡᠷᠡᠮᠵᠢᠭᠦᠨ
ᠪᠠᠬᠠᠷᠤᠯᠳᠠᠢ ᠭᠦᠭᠡᠷᠦᠭᠦᠢᠯᠡᠯᠳᠡᠢ ᠮᠠᠨ ᠤ ᠭᠢᠳ᠃
ᠰᠠᠷᠠ ᠴᠤ ᠦᠭᠡᠶ ᠨᠠᠷᠠ ᠴᠤ ᠦᠭᠡᠶ ᠳᠤ
ᠰᠡᠮᠭᠡᠨ ᠬᠤᠯᠭᠤᠵᠤ ᠬᠤᠨᠢ ᠪᠠᠨ ᠪᠠᠯᠴᠢᠭᠡᠳᠡᠭ᠌
ᠰᠠᠯᠭᠢ ᠴᠤ ᠦᠭᠡᠶ ᠴᠢᠭᠢ ᠴᠤ ᠦᠭᠡᠶ ᠳᠤ
ᠰᠡᠷᠭᠡᠢ ᠴᠢᠩᠨᠠᠵᠤ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠶᠠᠷᠢᠳᠠᠭ
ᠨᠤᠳᠤᠭ ᠤᠨ ᠠᠯᠳᠠ ᠪᠠᠨ ᠰᠢᠷᠤᠢ ᠰᠢᠭ᠌ ᠥᠵᠡᠳᠡᠭ᠌
ᠨᠤᠳᠤᠭ ᠤᠨ ᠰᠢᠷᠤᠢ ᠪᠠᠨ ᠬᠤᠮᠠᠭ ᠭᠡᠵᠤ ᠪᠣᠳᠤᠳᠠᠭ
ᠨᠤᠭᠤᠰᠤᠯᠠᠨᠠ ᠭᠡᠭᠦ ᠳᠤ ᠨᠣᠢ᠌ᠷ ᠭᠡᠵᠤ ᠭᠦᠯᠢᠶᠡᠳᠡᠭ᠌
ᠨᠢᠳᠤᠯᠠᠨᠠ ᠭᠡᠭᠦ ᠳᠤ ᠨᠢᠭᠦᠯ ᠭᠡᠳ ᠭᠡᠪᠳᠡᠳᠡᠭ᠌᠃
ᠳᠡᠯᠡᠭᠡᠢ ᠪᠠᠷ ᠶᠢᠠᠨ ᠮᠠᠭᠳᠠᠳᠠᠭ ᠳᠡᠭᠡᠳᠦᠰ ᠤᠨ ᠥᠰᠦᠭ᠌ ᠶᠢᠡᠨ
ᠳᠡᠭᠡᠵᠢᠯᠡᠭᠦ ᠶᠢ ᠪᠠᠢ᠌ᠳᠤᠭᠠᠢ ᠬᠠᠮᠠᠭᠤ ᠭᠡᠳ ᠣᠭᠤᠷᠳᠠᠭ
ᠳᠡᠯᠡᠭᠡᠢ ᠪᠠᠷ ᠶᠢᠡᠨ ᠮᠡᠳᠡᠷᠡᠳᠡᠭ᠌ ᠳᠡᠭᠡᠳᠦᠰ ᠤᠨ ᠳᠡᠦᠭᠡ ᠪᠠᠨ
ᠳᠡᠯᠭᠡᠷᠡᠭᠦᠯᠭᠦ ᠶᠢ ᠪᠠᠢ᠌ᠳᠤᠭᠠᠢ ᠬᠠᠯᠠᠭᠤ ᠭᠡᠳ ᠣᠠᠳᠤᠭᠤᠴᠠᠳᠠᠭ
ᠠᠮᠠᠷ ᠳᠠᠷᠢᠭᠢ ᠠᠮᠤᠷ ᠰᠠᠨᠠᠭᠠ ᠲᠡᠶ
ᠠᠯᠳᠠᠢ ᠶᠢᠨ ᠠᠷᠤᠭ ᠡᠭᠦᠷᠦᠭ᠍ᠰᠡᠨ ᠭᠣᠢ᠌ᠷᠠᠠᠴᠢ
ᠠᠮᠢ ᠰᠥᠰᠦᠭ᠌ ᠶᠢᠡᠨ ᠠᠷᠠᠭ ᠮᠢᠬᠠ ᠭᠡᠵᠤ
ᠠᠰᠳᠠᠭᠠᠨ ᠰᠠᠯᠭᠠᠭᠰᠠᠨ ᠮᠠᠨ ᠤ ᠭᠢ᠃
2009/09/18 ᠪᠣᠭᠤᠳᠤ
ᠵᠤᠬᠢᠶᠠᠭᠴᠢ᠄ ᠠᠮᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2622
ᠴᠠᠭ᠄ 2009 ᠤᠨ ᠤ 09 ᠰᠠᠷᠠ ᠶᠢᠨ 21
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ