☆ ᠭᠠᠩᠭᠠ
ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠳᠦᠷᠦᠭᠦ ᠳᠤ ᠡᠵᠢ ᠶᠢᠨ ᠰᠥ᠋ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠳᠤᠷᠨᠢᠬᠤ ᠳᠤ ᠠᠪᠣ ᠶᠢᠨ ᠰᠤᠷᠭᠠᠯ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠣᠬᠠᠭᠠᠷᠠᠬᠤ ᠳᠤ ᠪᠠᠭᠰᠢ ᠶᠢᠨ ᠭᠦᠮᠦᠵᠢᠯ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠣᠭᠤᠴᠢᠬᠤ ᠳᠤ ᠠᠮᠠᠷᠠᠭ ᠤᠨ ᠰᠡᠳᠬᠢᠯ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠵᠤᠪᠠᠬᠤ ᠳᠤ ᠬᠠᠨᠢ ᠶᠢᠨ ᠠᠷᠭᠠᠳᠠᠯ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠵᠢᠷᠭᠠᠬᠤ ᠳᠤ ᠠᠮᠢᠳᠤᠷᠠᠯ ᠤᠨ ᠢᠨᠢᠶᠠᠳᠤ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠣᠭᠢᠯᠠᠬᠤ ᠳᠤ ᠨᠢᠳᠤᠨ ᠤ ᠨᠢᠯᠪᠣᠰᠤ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠳᠠᠭᠤᠯᠠᠬᠤ ᠳᠤ ᠳᠠᠭᠤᠨ ᠤ ᠡᠭᠡᠰᠢᠭ᠌ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠪᠠᠷᠢᠬᠤ ᠳᠤ ᠰᠦᠨᠢ ᠶᠢᠨ ᠵᠡᠭᠦᠳᠤ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠪᠣᠳᠤᠬᠤ ᠳᠤ ᠨᠠᠰᠤᠨ ᠤ ᠳᠤᠷᠠᠳᠬᠠᠯ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠳᠠᠭᠠᠷᠠᠬᠤ ᠳᠤ ᠨᠠᠷᠠᠨ ᠤ ᠢᠯᠴᠢ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ
ᠳᠠᠯᠠᠢ᠌ᠬᠤ ᠳᠤ ᠪᠣᠷᠬᠠᠨ ᠤ ᠠᠪᠰᠠ ᠠᠮᠲᠠᠳᠠᠢ᠌ᠬᠠᠨ ᠭᠡᠨᠡ ᠯᠠᠢ᠁
ᠪᠣᠯᠠᠭ
ᠪᠢ ᠪᠣᠯ ᠭᠠᠵᠠᠷ ᠡᠵᠢ ᠶᠢᠨ ᠴᠠᠭᠠᠨ ᠰᠥ᠋
ᠪᠠᠶᠠᠨ ᠳᠡᠯᠡᠭᠡᠢ ᠶᠢᠨ ᠠᠮᠢᠨ ᠳᠡᠵᠢᠭᠡᠯ
ᠪᠠᠳᠠᠭ ᠰᠢᠯᠦᠭ᠌ ᠤᠨ ᠳᠤᠷᠭᠠᠨ ᠭᠡᠯᠭᠢᠶᠡ︕
ᠣᠷᠭᠢᠯᠤᠨ ᠪᠣᠴᠠᠯᠤᠭᠰᠠᠨ ᠬᠠᠢ᠌ᠷᠠ ᠶᠢᠨ ᠨᠠᠭᠤᠷ
ᠣᠠᠳᠤᠷᠤᠨ ᠳᠡᠪᠠᠷᠢᠭ᠍ᠰᠡᠨ ᠵᠢᠷᠦᠭᠡᠨ ᠤ ᠮᠦᠷᠠᠨ
ᠣᠴᠠᠷᠠᠯ ᠠᠢ᠌ᠯᠠᠳᠬᠤ ᠰᠠᠨᠠᠭᠠᠨ ᠤ ᠳᠠᠯᠠᠢ︕
ᠳᠤᠠᠳᠠᠷᠯᠠᠰᠢ ᠦᠭᠡᠶ ᠡᠭᠡ ᠶᠢᠨ ᠠᠷᠢᠭᠤᠨ ᠬᠠᠢ᠌ᠷᠠ
ᠳᠠᠭᠤᠰᠤᠰᠢ ᠦᠭᠡᠶ ᠬᠠᠢ᠌ᠷᠠ ᠶᠢᠨ ᠴᠡᠩᠭᠡᠷ ᠭᠦᠷᠭᠢᠷᠡ
ᠳᠡᠭ᠍ᠷᠢ ᠳᠤᠯᠢᠳᠠᠭᠰᠠᠨ ᠠᠯᠳᠠᠨ ᠳᠤᠯᠢ︕
ᠨᠠᠷᠠ ᠣᠭᠢᠶᠠᠭᠰᠠᠨ ᠪᠣᠯᠤᠷ ᠳᠠᠭᠢᠯ
ᠰᠠᠷᠠ ᠳᠡᠪᠳᠦᠭᠡᠭ᠍ᠰᠡᠨ ᠡᠷᠳᠡᠨᠢ ᠰᠠᠭᠢᠯ
ᠣᠳᠤ ᠨᠠᠭᠠᠳᠤᠭᠤᠯᠤᠭᠰᠠᠨ ᠮᠦᠩᠭᠦᠨ ᠭᠦᠭᠢᠯ︕
ᠪᠢ ᠪᠣᠯ ᠭᠠᠵᠠᠷ ᠡᠵᠢ ᠶᠢᠨ ᠴᠠᠭᠠᠨ ᠴᠢᠰᠤ
ᠪᠠᠶᠠᠨ ᠳᠡᠯᠡᠭᠡᠢ ᠶᠢᠨ ᠠᠮᠢᠨ ᠰᠢᠮᠠ
ᠪᠠᠳᠠᠭ ᠰᠢᠯᠦᠭ᠌ ᠤᠨ ᠷᠠᠰᠢᠶᠠᠨ ᠬᠤᠷᠠ︕
ᠭᠠᠭᠴᠠᠭᠠᠷ ᠠᠷᠢᠭᠢᠳᠠᠬᠤᠢ
ᠨᠠᠮᠢ᠋ᠢ ᠬᠠᠷᠠᠯᠠᠳᠠᠯᠠ ᠭᠦᠷᠯᠡᠵᠤ
ᠨᠠᠳᠠᠳᠤ ᠦᠷᠢᠳᠡᠭ᠍ᠰᠡᠨ ᠤ ᠣᠴᠢᠷ ᠲᠤ ᠴᠢᠨᠢ
ᠨᠢᠪᠰᠢᠷᠡᠳᠠᠯᠠ ᠪᠠᠨ ᠰᠤᠭᠳᠤᠭᠰᠠᠨ ᠪᠢᠰᠢ ᠪᠢ︕
ᠰᠤᠭᠳᠤᠭᠤ ᠶᠢᠨ ᠠᠭᠠᠭ ᠣᠮᠤᠭ ᠵᠢᠠᠷ
ᠱᠤᠷᠪᠣᠭ ᠭᠠᠰᠢᠭᠤᠨ ᠨᠢᠯᠪᠣᠰᠤ ᠪᠠᠨ
ᠰᠦᠨᠢ ᠶᠢᠨ ᠭᠡᠪᠠᠯᠢ ᠳᠤ ᠠᠰᠬᠠᠭᠰᠠᠨ ᠢ ᠮᠢᠨᠢ ᠪᠣᠷᠬᠠᠨ ᠮᠠᠳᠠᠨᠡ
ᠦᠷᠦᠭᠡᠯ ᠪᠣᠰᠤᠳ ᠤᠨ ᠡᠮᠤᠨᠡ
ᠥᠡᠳᠡᠭᠡᠨ ᠡᠴᠠ ᠥ ᠡᠷᠢᠵᠤ
ᠡᠷᠭᠦᠨ ᠮᠠᠭᠳᠠᠭᠰᠠᠨ ᠳᠤ ᠴᠢᠨᠢ ᠳᠠᠯᠠᠷᠬᠠᠶᠠ
ᠪᠢ ᠯᠢ ᠪᠠᠢ ᠶᠢᠨ ᠴᠠᠭᠠᠨ ᠰᠠᠷᠠ ᠶᠢ
ᠪᠣᠯᠤᠷ ᠬᠤᠠᠳᠠᠭᠠᠨ ᠳᠤᠳᠤᠷᠠ ᠡᠴᠠ ᠰᠢᠮᠡᠭ᠍ᠰᠡᠨ ᠳ᠋ᠡᠭᠡᠨ
ᠪᠠᠬᠠᠳᠤᠵᠤ ᠰᠤᠭᠳᠤᠭᠰᠠᠨ ᠪᠢᠯᠠ ᠡ
ᠨᠠᠮᠢ᠋ᠢ ᠰᠤᠭᠳᠤᠬᠤ ᠳᠤ ᠰᠢᠯᠳᠠᠭ ᠪᠣᠯᠵᠤ
ᠨᠠᠢ᠌ᠷᠠᠭ ᠳᠠᠳᠠᠯᠠᠬᠤ ᠳᠤ ᠣᠩᠭ᠋ᠤᠳ ᠳᠠᠭᠤᠳᠠᠭᠰᠠᠨ
ᠨᠤᠪᠰᠢ ᠴᠢᠮᠠᠳᠤ ᠭᠡᠯᠡᠢ᠌ᠯᠡ︕
ᠠᠷᠢᠭᠤᠨ ᠰᠠᠨᠠᠭᠠ ᠭᠢᠭᠡᠳ
ᠠᠷᠢᠶᠠᠪᠠᠯᠤ ᠪᠣᠷᠬᠠᠨ ᠤ ᠡᠮᠤᠨᠡ
ᠠᠳᠤᠭᠤᠰᠤ ᠴᠢᠮᠠ ᠰᠢᠭ ᠣᠰᠤᠯᠳᠠᠭᠠ ᠦᠭᠡᠶ ᠪᠢ︕
ᠴᠠᠩᠭ᠋ᠠᠭᠰᠠᠨ ᠭᠡᠷᠢᠶᠡ
ᠭᠡᠷ ᠡᠴᠠ ᠳᠡᠯᠭᠡᠭᠦᠷ ᠳᠤ
ᠳᠡᠯᠭᠡᠭᠦᠷ ᠡᠴᠠ ᠭᠡᠷ ᠳᠤ
ᠭᠡᠷᠢᠶᠡᠨ ᠤ ᠮᠦᠷ ᠰᠢᠭ᠌ ᠮᠦᠷ ᠵᠢᠠᠨ
ᠳᠠᠷᠠ ᠦᠨᠢᠳᠠ ᠪᠠᠷᠯᠠᠵᠠᠢ᠃
ᠳᠡᠯᠭᠡᠭᠦᠷᠴᠢ ᠠᠪᠠᠬᠠᠢ ᠱᠤᠭ ᠲᠡᠶ ᠪᠠᠷ
ᠳᠡᠭᠦᠨ ᠳᠤ ᠨᠠᠷᠠ ᠬᠠᠢ᠌ᠷᠠᠯᠠᠵᠠᠢ᠂
ᠳᠡᠭᠦᠨ ᠡᠴᠠ ᠡᠭᠢᠯᠡᠭᠡᠳ ᠳᠠᠷᠠ
ᠳᠡᠯᠡᠭᠡᠢ ᠳᠤ ᠨᠠᠷᠠ ᠳᠠᠭᠤᠷᠠᠵᠠᠢ᠃
《ᠣᠰᠤ ᠣᠤᠭᠤᠳᠠᠭ ᠭᠡᠷᠢᠶᠡ
ᠦᠷᠯᠦᠭᠡ ᠦᠷᠯᠦᠭᠡ ᠢᠷᠠᠨᠡ
ᠣᠷᠴᠢᠯᠠᠩ ᠢ ᠮᠠᠷᠳᠠᠵᠤ ᠣᠷᠭᠢᠭᠠᠤᠨ
ᠦᠳᠡᠰᠢ ᠦᠳᠡᠰᠢ ᠬᠠᠷᠢᠨᠠ᠁》
ᠨᠠᠰᠤᠨ ᠤ ᠣᠳᠤ
ᠴᠢ ᠬᠤᠷᠭᠢᠷᠠᠨ ᠣᠠᠳᠠᠭᠰᠠᠭᠠᠷ ᠬᠤᠷᠸᠠ ᠶᠢ ᠮᠠᠷᠳᠠᠨᠠ
ᠵᠠᠭᠤᠨ ᠴᠡᠴᠡᠭ᠌ ᠰᠦᠨᠢ ᠶᠢᠨ ᠭᠢᠷᠠᠭᠤᠨ ᠳᠤ ᠪᠣᠳᠠᠷᠠᠨᠠ᠂
ᠪᠢ ᠣᠭᠢᠯᠠᠨ ᠳᠠᠭᠤᠯᠠᠭᠰᠠᠭᠠᠷ ᠰᠦᠨᠢ ᠶᠢ ᠪᠠᠷᠠᠨᠠ
ᠵᠢᠰᠤᠷ ᠪᠣᠷᠤᠭᠠᠨ ᠳᠤ ᠳᠠᠪᠳᠠᠷ ᠤᠨ ᠬᠠᠭᠤᠳᠠᠰᠤ ᠳᠠᠪᠳᠤᠨᠡ᠃
ᠴᠢ ᠮᠠᠩᠰᠢᠭᠤᠷᠠᠨ ᠵᠡᠭᠦᠳᠦᠯᠡᠭ᠍ᠰᠡᠭᠡᠷ ᠨᠠᠷᠠ ᠶᠢ ᠠᠷᠭᠠᠮᠵᠢᠭᠤᠯᠤᠨᠠ
ᠴᠠᠭ ᠤᠨ ᠵᠡᠭᠦᠤ ᠶᠢ ᠰᠢᠷᠠ ᠵᠢᠪᠠ ᠳᠠᠷᠤᠨᠠ᠂
ᠪᠢ ᠶᠠᠭᠠᠷᠠᠪᠭᠢᠯᠠᠨ ᠪᠣᠵᠢᠭᠢᠨᠠᠭᠰᠠᠭᠠᠷ ᠰᠠᠷᠠ ᠶᠢ ᠴᠢᠪᠪᠦᠭᠡᠨᠡ
ᠪᠢᠯᠢᠭ᠌ ᠤᠨ ᠳᠡᠭ᠍ᠷᠢ ᠲᠤ ᠮᠢᠨᠤ ᠣᠳᠤ ᠭᠢᠯᠠᠯᠵᠠᠨᠠ︕
ᠬᠤᠷᠠᠯ
ᠬᠠᠮᠤᠭ ᠴᠢᠭᠢ ᠨᠤᠭᠦᠳ ᠭᠠᠰᠯᠤᠨᠠ
ᠬᠠᠷᠠᠩᠭ᠋ᠤᠢ ᠳᠡᠭ᠍ᠷᠢ ᠳᠤ ᠣᠳᠤ ᠳᠦᠭᠡᠳᠡᠯᠡ ᠱᠠᠰᠢᠯᠠ᠂
ᠬᠠᠢ᠌ᠷᠠᠨ ᠴᠠᠭ ᠣᠷᠤᠰᠴᠢᠬᠠᠯᠠ
ᠬᠤᠭᠤᠰᠤᠨ ᠥᠭᠡ ᠥᠳᠡᠭ᠍ᠰᠡᠨ ᠰᠢᠤ᠁
ᠦᠵᠡᠮᠵᠢ
ᠮᠢᠩᠭ᠋ᠠᠨ ᠥᠩᠭᠡ ᠶᠢᠨ ᠴᠡᠴᠡᠭ᠌
ᠨᠠᠷᠠᠨ ᠤ ᠳᠤᠤᠷᠠ ᠳᠦᠷᠭᠦᠯᠡᠨᠡ᠂
ᠮᠢᠨᠤ ᠦᠯᠤᠩ ᠨᠢᠳᠤ ᠵᠢ
ᠨᠠᠢ᠌ᠷᠠᠭ ᠤᠨ ᠠᠢ᠌ᠷᠠᠭ ᠱᠠᠩᠳᠠᠷᠠᠭᠤᠯᠤᠨᠠ ᠁
ᠣᠳᠠᠰᠤ
ᠨᠢᠳᠤ ᠦᠭᠡᠶ ᠰᠤᠬᠤᠷ ᠱᠠᠪᠢ
ᠳᠠᠮᠪᠠᠷᠠᠤ ᠪᠠᠨ ᠵᠢᠩᠭᠡᠷᠳᠡᠭᠦᠯᠤᠨ ᠡᠷᠭᠢᠭᠦᠯᠤᠨᠡ᠂
〈ᠨᠢᠭᠤᠷ〉 ᠦᠭᠡᠶ ᠭᠦᠭ᠍ᠰᠢᠨ ᠪᠠᠭᠰᠢ ᠨᠢ
ᠳᠠᠯᠠᠢ ᠶᠢᠨ ᠳᠡᠷᠳᠡᠭᠡ ᠡᠴᠠ ᠨᠤᠮᠯᠠᠨᠠ᠃
ᠬᠤᠷᠢᠶᠠᠯᠳᠠ(1)
ᠣᠶᠤᠨ᠂ ᠴᠠᠭᠢᠯᠭᠠᠨ ᠳ᠋ᠸᠩ ᠰᠢᠭ᠌ ᠳᠤᠸᠠᠯᠠᠵᠤ ᠠᠰᠠᠨᠠ
ᠣ ᠶᠢᠨ ᠴᠠᠰᠤ ᠰᠠᠮᠪᠠᠷᠠ ᠶᠢ ᠦᠷᠭᠡᠭᠦᠤ ᠳ᠋ᠤᠨᠢ ᠬᠤᠴᠢᠨᠠ᠂
ᠣᠬᠠᠭᠠᠨ ᠤ ᠦᠷᠡ ᠴᠡᠭᠡᠵᠢᠨ ᠠᠳᠠᠷ ᠲᠤ ᠰᠤᠶᠤᠭᠠᠯᠠᠨᠠ
ᠣᠭᠳᠠᠷᠭᠤᠢ ᠶᠢ ᠰᠤᠢᠯᠠᠵᠤ ᠪᠢᠯᠢᠭ᠌ ᠤᠨ ᠣᠳᠤᠳ ᠳᠤᠶᠠᠭᠠᠷᠠᠨᠠ᠃
ᠬᠤᠷᠢᠶᠠᠯᠳᠠ (2)
ᠰᠠᠮᠪᠠᠷᠠ ᠶᠢᠨ ᠳᠡᠭ᠍ᠷᠢ ᠡᠴᠠ ᠴᠠᠰᠤ ᠯᠠᠪᠰᠠᠯᠠᠵᠤ ᠣᠨᠠᠨᠠ
ᠰᠠᠠᠴᠢᠭ ᠪᠣᠭᠤᠷᠤᠯ ᠪᠠᠭᠰᠢ ᠡᠴᠠ ᠭᠦᠯᠦᠰᠤ ᠳᠤᠰᠤᠯᠠᠨᠠ᠂
ᠰᠢᠳᠤ ᠨᠢ ᠭᠢᠷᠦᠭᠡ ᠰᠢᠭ᠌ ᠥᠰᠦᠭ᠌ ᠬᠠᠷᠠᠩᠭ᠋ᠤᠢ ᠶᠢ ᠭᠢᠷᠦᠭᠡᠳᠤᠨᠡ
ᠰᠢᠨᠡ ᠡᠭᠡ ᠬᠠᠭᠤᠷᠠᠢ ᠳᠤ ᠮᠡᠳᠡᠯᠭᠡ ᠶᠢᠨ ᠣᠢ ᠰᠢᠭᠣᠢ᠌ᠷᠠᠨᠠ᠃
ᠲᠦᠯᠭᠢᠭᠦᠷ
ᠪᠢ ᠲᠦᠯᠭᠢᠭᠦᠷ ᠬᠠᠢ᠌ᠵᠤ ᠶᠠᠪᠣᠨᠠ
ᠪᠠᠶᠠ ᠪᠠᠨ ᠨᠡᠭ᠍ᠵᠢᠵᠤ
ᠪᠢᠯᠢᠭ᠌ ᠶᠢᠡᠨ ᠠᠭᠤᠳᠠᠯᠠᠵᠤ
ᠪᠣᠳᠤᠯᠢᠶᠠᠨ ᠢ ᠪᠣᠳᠠ ᠬᠠᠭᠠᠴᠢᠵᠤ᠁
ᠵᠠᠭᠤᠭᠠᠭᠠᠴᠢ ᠬᠠᠷᠠ ᠨᠤᠬᠠᠢ ᠰᠢᠭ
ᠨᠢᠭᠡᠨ ᠪᠣᠵᠠᠭᠠᠢ ᠣᠨᠢᠰᠤ
ᠵᠠᠮ ᠳᠤᠷᠳᠤᠨ ᠭᠡᠷᠰᠡᠢ᠌ᠵᠤ
ᠨᠠᠳᠠ ᠣᠷᠤᠭᠤ ᠭᠦᠷᠭᠢᠯᠡᠨᠡ
ᠡᠷᠭᠢᠭᠡᠳ ᠪᠣᠴᠠᠬᠤ ᠵᠠᠪ ᠠᠯᠠᠭᠠ
ᠡᠮᠦᠨᠡᠰᠢ ᠪᠠᠨ ᠶᠠᠪᠣᠬᠤ ᠵᠠᠮ ᠠᠯᠠᠭᠠ
ᠡᠳᠦᠷ ᠤᠨ ᠨᠠᠷᠠ ᠡᠴᠠ ᠬᠠᠶᠠᠭᠳᠠᠵᠤ
ᠦᠳᠡᠰᠢ ᠶᠢᠨ ᠰᠠᠷᠠ ᠡᠴᠠ ᠬᠤᠵᠢᠭᠳᠠᠵᠤ᠁
ᠲᠦᠯᠭᠢᠭᠦᠷ ᠢ ᠪᠢ
ᠳᠡᠭ᠍ᠷᠢ ᠡᠴᠠ ᠡᠷᠢᠭᠦ ᠥᠭᠡᠢ
ᠳᠠᠷᠠ ᠭᠦᠯᠥᠢᠵᠤ ᠪᠠᠢ᠌ᠭᠠ ᠨᠤᠬᠠᠢ ᠰᠢᠭ ᠣᠨᠢᠰᠤ ᠵᠢᠨ
ᠳᠠᠭ ᠨᠢᠳᠤᠨ ᠡᠴᠠ ᠰᠦᠪᠡᠯᠠᠨᠠᠮ︕
ᠰᠦᠨᠢ
ᠰᠠᠷᠬᠤᠤᠨ ᠠᠬᠠᠳᠠᠭᠤᠯᠤᠨ ᠵᠤᠭᠤᠭᠯᠠᠭᠰᠠᠨ
ᠰᠤᠭᠳᠤᠭᠤ ᠠᠪᠣ ᠶᠢᠨ ᠬᠤᠷᠭᠢᠷᠠᠭᠠ ᠳ᠋ᠤ
ᠰᠤᠭᠳᠤᠭᠠᠤᠨ ᠣᠠᠳᠠᠨᠠ
ᠰᠠᠭᠠᠯᠢᠴᠢᠨ ᠡᠵᠢ ᠶᠢᠨ ᠰᠠᠭᠤᠯᠠᠭᠠᠨ ᠳ᠋ᠤ
ᠱᠠᠭᠢᠬᠤ ᠰᠦᠨ ᠪᠣᠷᠤᠭᠠᠨ ᠳᠤ
ᠰᠤᠴᠢᠭᠠᠤᠨ ᠰᠠᠷᠠᠨᠡ
ᠬᠠᠢ᠌ᠷᠠ ᠶᠢᠨ ᠪᠠᠯᠡᠭ᠌
ᠪᠠᠯᠴᠢᠷ ᠴᠠᠭ ᠲᠤ ᠮᠢᠨᠢ
〈ᠪᠤᠤᠪᠤ〉 ᠢᠳᠡᠭᠦᠯᠦᠭ᠍ᠰᠡᠨ ᠠᠯᠠᠭᠠ ᠳᠠᠨᠢ
ᠪᠠᠢ᠌ᠨ ᠪᠠᠢ᠌ᠨ ᠪᠣᠳᠤᠭᠳᠤᠨᠠ
ᠪᠠᠢ᠌ᠨ ᠪᠠᠢ᠌ᠨ ᠬᠤᠷᠤᠰᠤᠭᠳᠤᠨᠠ
ᠥᠭᠡᠯᠡ ᠪᠣᠯᠬᠤ ᠳᠤ ᠮᠢᠨᠢ
ᠦᠨᠦᠭᠢ ᠠᠯᠠᠭᠠᠨ 〈ᠪᠣᠤᠪᠣ〉 ᠳᠠᠨᠢ
ᠦᠶᠡ ᠦᠶᠡ ᠰᠠᠨᠠᠭᠳᠠᠨᠠ
ᠦᠶᠡ ᠦᠶᠡ ᠳᠤᠷᠠᠰᠤᠭᠳᠠᠨᠠ
ᠬᠠᠯᠠ ᠲᠡᠶ ᠵᠠᠩᠨᠠᠵᠤ
ᠬᠠᠳᠠᠭᠤ ᠪᠠᠷ ᠦᠭᠭᠦᠭ᠍ᠰᠡᠨ
ᠬᠠᠢ᠌ᠷᠠ ᠶᠢᠨ ᠪᠠᠯᠡᠭ᠌ ᠢ ᠴᠢᠨᠢ
ᠬᠠᠷᠢᠨ ᠣᠳᠤ ᠪᠢ ᠠᠴᠢ ᠲᠤ ᠴᠢᠨᠢ ᠪᠠᠯᠡᠭᠯᠵᠤ ᠪᠠᠢ᠌ᠨᠠᠮ ᠠᠪᠣ ᠡ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠰᠢᠠᠵᠢᠶᠠᠩ ᠤᠨ ᠢᠯᠢ ᠵᠸᠤ ᠶᠢᠨ ᠳᠤᠷᠰᠢᠯᠳᠠ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠭᠠᠩᠭᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2635
ᠴᠠᠭ᠄ 2010 ᠤᠨ ᠤ 05 ᠰᠠᠷᠠ ᠶᠢᠨ 29
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ