☆ ᠬᠠ᠊·ᠯᠢᠩᠬᠸᠠ
ᠬᠤᠶᠠᠷ ᠮᠢᠩᠭᠠ ᠠᠷᠪᠠᠨ ᠬᠤᠶᠠᠷ ᠣᠨ ᠮᠢᠨᠢ ᠪᠠᠶᠠᠷᠳᠠᠢ
ᠪᠦᠳᠤᠨ ᠵᠢᠯ ᠳᠦᠡᠳᠡᠭᠡᠨᠡᠵᠤ ᠮᠤᠩᠭᠢᠨᠠᠭᠠᠤᠨ
ᠪᠦᠳᠦᠭᠡᠭ᠍ᠰᠡᠨ ᠶᠠᠭᠤᠮᠠ ᠶᠠᠭᠤ ᠪᠠᠢ᠌ᠨᠠ ᠪᠣᠢ ⁈
ᠪᠦᠭᠦᠨ ᠢ ᠡᠷᠭᠢᠴᠡᠭᠦᠯᠤᠨ ᠳᠤᠩᠭ᠋ᠠᠨ ᠪᠣᠳᠤᠭᠠᠤᠨ
ᠪᠠᠷᠭᠡ ᠶᠢᠨ ᠶᠡᠭᠡ ᠣᠯᠵᠠ ᠲᠡᠶ ᠰᠠᠨᠠᠭᠳᠠᠨᠠ ︕
ᠭᠠᠷᠴᠠᠭᠠ ᠦᠭᠡᠶ ᠠᠵᠢᠯ ᠡᠴᠠ ᠠᠮᠠᠷᠠᠭᠠᠤᠨ
ᠬᠠᠭᠠᠰ ᠵᠢᠯ ᠢ ᠨᠢ ᠭᠡᠶᠦᠷᠡᠭᠡᠳ ᠥᠩᠭᠡᠷᠡᠵᠡᠢ
ᠬᠠᠷᠢᠨ ᠳᠦᠭᠡᠷᠢᠭ᠍ᠰᠡᠨ ᠭᠠᠯᠠᠭᠤ ᠰᠢᠭ ᠭᠠᠩᠭ᠋ᠠᠨᠠᠭᠰᠠᠭᠠᠷ
ᠬᠤᠯᠪᠣᠭᠠ ᠳᠤ ᠣᠷᠤᠭᠠᠤᠨ ᠭᠦᠯ ᠳᠤᠭᠳᠠᠯᠠ ︕
ᠵᠤᠨ ᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠡᠷᠡᠨ ᠳ᠋ᠤ
ᠵᠤᠭᠠᠳᠠᠢ ᠬᠤᠪᠢᠨ ᠤ ᠪᠦᠷᠭᠡ ᠪᠠᠨ ᠨᠡᠭᠡᠭᠡᠯᠡ
ᠳᠤᠭᠤᠷ ᠤᠨ ᠮᠤᠳᠤ ᠵᠠᠢ᠌ᠯᠠᠨ ᠣᠷᠭᠤᠭᠤᠯᠤᠯᠠ
ᠳᠤᠮᠳᠠᠢ ᠠᠷᠠᠴᠢᠯᠠᠭᠠ ᠣᠰᠤᠯᠭᠠ ᠭᠢᠯᠠ
ᠮᠥᠩᠭᠡ ᠭᠠᠯ ᠰᠤᠹᠲ᠋ᠸᠠᠢ᠌ᠷ ᠢ ᠣᠭᠰᠠᠷᠠᠯᠠ
ᠮᠤᠩᠭ᠋ᠤᠯ ᠦᠰᠦᠭ᠌ ᠨᠢᠳᠤᠨᠡ ᠳᠤᠳᠤᠷᠠᠯᠠ
ᠮᠤᠬᠤᠰᠢ ᠦᠭᠡᠶ ᠵᠤᠷᠢᠭ ᠢ ᠡᠷᠴᠢᠯᠡᠯᠡ
ᠮᠤᠩᠭ᠋ᠤᠯ ᠦᠰᠦᠭ᠌ ᠪᠣᠰᠴᠤ ᠵᠤᠭᠰᠤᠯᠠ
ᠡᠵᠢ ᠪᠠᠨ ᠦᠵᠡᠭ᠍ᠰᠡᠨ ᠰᠢᠭ᠌ ᠪᠠᠶᠠᠷᠯᠠᠯᠠ
ᠠᠩᠬᠠᠨ ᠤ ᠰᠢᠯᠦᠭ᠌ ᠶᠢᠡᠨ ᠡᠷᠭᠦᠨ ᠪᠠᠷᠢᠯᠠ
ᠡᠯᠡᠷ ᠪᠠᠯᠠᠷ ᠥᠩᠭᠡᠷᠡᠭ᠍ᠰᠡᠨ ᠳᠡᠦᠭᠡ
ᠬᠠᠰᠢᠯᠭᠠ ᠨᠢ ᠰᠡᠳᠡᠷᠡᠭ᠍ᠰᠡᠨ ᠰᠢᠭ᠌ ᠪᠠᠭᠤᠯᠠ
ᠪᠣᠯᠤᠭᠰᠠᠨ ᠳᠦᠭᠦᠭᠡᠢ ᠶᠢ ᠬᠠᠮᠢᠶᠠᠷᠤᠯ ᠥᠭᠡᠢ
ᠪᠣᠳᠤᠵᠤ ᠣᠯᠪᠠᠯ ᠳᠤᠪᠰᠢᠵᠤ ᠯᠠ ᠪᠠᠢ᠌ᠭᠰᠠᠨ
ᠰᠤᠯᠢᠶᠠᠷᠠᠭᠰᠠᠨ ᠶᠤᠮ ᠰᠢᠭ᠌ ᠰᠤᠢ᠌ᠳ ᠪᠣᠯᠤᠭᠠᠤᠨ
ᠰᠦᠨᠢ ᠶᠢᠨ ᠵᠡᠭᠦᠳᠤᠨ ᠳᠤ ᠴᠤ ᠰᠢᠯᠦᠭ᠌ ᠡ
ᠢᠴᠢᠮᠠᠷ ᠰᠤᠴᠢᠮᠠᠷ ᠶᠠᠭᠤᠮᠠ ᠨᠠᠢ᠌ᠳᠠᠯᠠᠵᠠᠢ
ᠦᠪᠡᠷ ᠤᠨ ᠪᠢᠴᠢᠵᠤ ᠪᠠᠢ᠌ᠭᠠ ᠶᠠᠭᠤᠮᠠᠨ ᠳ᠋ᠠᠭᠠᠨ
ᠱᠤᠭᠰᠢᠵᠤ ᠪᠦᠭ᠍ᠰᠢᠨ ᠣᠭᠢᠯᠠᠨ ᠬᠠᠢ᠌ᠯᠠᠯᠠ
ᠰᠠᠨᠠᠨ ᠰᠠᠨᠠᠨ ᠭᠦᠭᠡᠷᠡᠵᠤ ᠴᠤ ᠪᠠᠢ᠌ᠯᠡ
ᠪᠦᠷᠭᠡ ᠶᠢᠨ ᠭᠠᠢ᠌ᠬᠠᠮᠰᠢᠭᠳᠤ ᠶᠢᠷᠳᠢᠠᠴᠤ ᠳ᠋ᠤ
ᠪᠣᠳᠤᠯ ᠤᠨ ᠥᠭᠡ ᠪᠠᠨ ᠯᠠᠪᠰᠢᠷᠠᠭᠤᠯᠤᠨ ᠳᠡᠯᠭᠡᠵᠤ
ᠪᠦᠳᠦᠭᠡᠯ ᠴᠤ ᠪᠣᠯᠤᠭ ᠳᠠᠰᠬᠠᠯ ᠴᠤ ᠪᠣᠯᠤᠭ
ᠪᠦᠭᠦᠯᠢ ᠬᠠᠭᠠᠰ ᠵᠢᠯ ᠢ ᠪᠦᠷᠢᠨ ᠡᠳ᠋ᠯᠡᠯᠡ
ᠰᠢᠨᠡᠯᠡᠵᠤ ᠭᠤᠨᠢᠭᠯᠠᠵᠤ ᠵᠤᠪᠠᠬᠤ ᠶᠢᠨ ᠣᠷᠤᠨ ᠳ᠋ᠤ
ᠰᠢᠪᠬᠠᠭᠠᠤᠨ ᠪᠦᠭᠦᠨ ᠢ ᠺᠤᠮᠫᠢᠦ᠋ᠲ᠋ᠧᠷ ᠲᠤ ᠭᠢᠴᠢᠭᠡᠪᠠᠯ
ᠰᠡᠳᠭᠢᠯ ᠤᠨ ᠳᠠᠷᠤᠭᠠᠰᠤ ᠦᠭᠡᠶ ᠪᠣᠯᠵᠤ
ᠰᠠᠨᠠᠭᠠ ᠳᠠᠯᠪᠢᠭᠤᠷᠠᠨ ᠠᠭᠤᠵᠢᠷᠠᠬᠤ ᠶᠤᠮ ᠪᠢᠯᠠ
ᠳᠤᠷᠠ ᠳᠤ ᠰᠢᠷᠠ ᠦᠭᠡᠶ ᠭᠡᠳᠡᠭ᠌
ᠳᠤᠷᠠᠰᠤᠮᠵᠢ ᠪᠠᠨ ᠭᠡᠯᠭᠢᠶᠡᠷᠡᠭᠦᠯᠤᠨ ᠳᠤᠭᠤᠷᠪᠢᠨᠠ
ᠳᠤᠭᠤᠷ ᠭᠡᠵᠢᠶᠡ ᠪᠣᠯᠪᠠᠰᠤᠷᠠᠬᠤ ᠶᠢ ᠦᠯᠤ ᠮᠠᠳᠠᠨᠡ
ᠳᠠᠰᠪᠣᠷᠢᠳᠠᠢ ᠭᠦᠯᠢᠭᠡᠯᠵᠡᠨ ᠪᠠᠢ᠌ᠭᠠᠷᠠᠢ
ᠨᠠᠢ᠌ᠵᠠ ᠨᠥᠭᠦᠤᠨ ᠣᠷᠠᠮᠰᠢᠭᠤᠯᠤᠨ ᠳᠠᠭᠠᠯᠠᠵᠤ
ᠨᠠᠷᠮᠠᠢ ᠣᠯᠠᠨ ᠠᠯᠵᠢᠶᠠᠯ ᠦᠭᠡᠶ ᠰᠠᠭᠠᠳᠤᠵᠤ
ᠳᠠ ᠪᠦᠭᠦᠨ ᠲᠡᠶ ᠵᠤᠪᠠᠯ ᠵᠢᠷᠭᠠᠯ ᠶᠢᠡᠨ ᠬᠤᠪᠢᠶᠠᠯᠴᠠᠯᠠ
ᠳᠠᠨᠠᠷ ᠲᠠᠭᠠᠨ ᠭᠦᠨ ᠳᠠᠯᠠᠷᠬᠠᠯ ᠶᠢᠡᠨ ᠳᠡᠪᠰᠢᠭᠦᠯᠦᠶᠡ
ᠰᠢᠨᠡ ᠵᠢᠯ ᠳᠤ ᠴᠥᠭᠦᠷᠡᠯ ᠦᠭᠡᠶ ᠴᠢᠷᠮᠠᠢ᠌ᠶᠠ
ᠰᠢᠨᠡᠭᠡᠨ ᠵᠤᠬᠢᠶᠠᠯ ᠰᠠᠳᠭᠢᠵᠤ ᠣᠷᠤᠯᠳᠤᠶᠠ
ᠬᠠᠭᠤᠴᠢᠨ ᠵᠢᠯ ᠶᠢᠡᠨ ᠬᠠᠨᠤᠮᠵᠢᠳᠠᠢ ᠦᠳᠡᠯᠠ
ᠬᠤᠶᠠᠷ ᠮᠢᠩᠭᠠ ᠠᠷᠪᠠᠨ ᠬᠤᠶᠠᠷ ᠣᠨ ᠮᠢᠨᠢ ᠪᠠᠶᠠᠷᠳᠠᠢ ︕
2013 ᠣᠨ ᠤ 1 ᠰᠠᠷᠠ ᠵᠢᠨ 1 ᠊ᠤ ᠡᠳᠦᠷ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤ
ᠵᠤᠬᠢᠶᠠᠭᠴᠢ᠄ ᠬᠠ᠊·ᠯᠢᠩᠬᠸᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2683
ᠴᠠᠭ᠄ 2013 ᠤᠨ ᠤ 01 ᠰᠠᠷᠠ ᠶᠢᠨ 16
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ