☆ ᠪ᠊·ᠳᠡᠭᠦᠯᠢᠨ
ᠠᠰᠠᠭᠤᠯᠳᠠ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠡᠭᠡᠳᠤ ᠨᠠᠢ᠌ᠰᠯᠠᠯ ᠤᠨ ᠪᠠᠭᠤᠷᠢ ᠳ᠋ᠠᠭᠢ ᠭᠡᠦᠭᠡᠯᠳᠡᠢ ᠴᠢᠯᠠᠭᠤ ᠡᠴᠠ ᠠᠰᠠᠭᠤᠬᠤᠢ
ᠭᠦᠢᠳᠡᠨ ᠪᠠᠭᠤᠷᠢ ᠶᠢᠨ ᠭᠡᠦᠭᠡᠯᠳᠡᠢ ᠴᠢ
ᠭᠦᠦᠷ ᠰᠠᠭᠢᠭᠰᠠᠨ ᠨᠠᠪᠳᠠᠭ ᠴᠢᠯᠠᠭᠤ ᠦᠦ ︖
ᠭᠦᠯᠦᠭ᠌ ᠣᠶᠠᠭᠠᠨ ᠤ ᠪᠠᠭᠠᠨᠠ ᠴᠢᠯᠠᠭᠤ ᠦᠦ ︖
ᠭᠦᠭᠡᠷᠦᠭᠡᠨ ᠬᠡᠦᠬᠡᠳ ᠤᠨ ᠭᠦᠷᠦᠭ᠌ ᠴᠢᠯᠠᠭᠤ ᠦᠦ ︖
ᠭᠦᠭᠡ ᠰᠦᠮᠡ ᠶᠢᠨ ᠪᠠᠠᠳᠢ ᠴᠢᠯᠠᠭᠤ ᠦᠦ ︖
ᠭᠦᠷᠢᠶᠡ ᠬᠠᠭᠠᠯᠭᠠᠨ ᠤ ᠣᠩᠭ᠋ᠤᠳ ᠴᠢᠯᠠᠭᠤ ᠤᠤ ︖
ᠭᠦᠳᠡᠷ ᠬᠠᠳᠠᠨ ᠤ ᠪᠠᠴᠢᠨ ᠴᠢᠯᠠᠭᠤ ᠦᠦ ︖
ᠭᠦᠭ᠍ᠵᠢᠶᠡᠡᠳᠤ ᠴᠡᠴᠡᠷᠯᠢᠭ᠌ ᠤᠨ ᠣᠷᠠᠨ ᠴᠢᠯᠠᠭᠤ ᠦᠦ ︖
ᠭᠦᠳᠡᠭᠡ ᠪᠣᠩᠬᠤᠨ ᠤ ᠰᠠᠪᠳᠠᠭ ᠴᠢᠯᠠᠭᠤ ᠦᠦ ︖
ᠭᠦᠮᠤᠨ ᠶᠤᠮ ᠦᠦ᠂ ᠰᠠᠮᠵᠠ ᠶᠤᠮ ᠦᠦ ︖
ᠭᠦᠭᠡᠷᠦᠭᠦᠢ ᠴᠢ ᠶᠠᠭᠤ ᠪᠣᠢ ︖
ᠭᠦᠭ᠍ᠰᠢᠨ ᠳᠠᠷᠬᠠᠨ ᠴᠢᠨᠢ ᠬᠠᠮᠢᠭᠠ ᠪᠣᠢ ︖
ᠭᠦᠰᠢᠶᠡ ᠱᠤᠭᠤᠭᠰᠠᠨ ᠣᠴᠢᠷ ᠶᠠᠭᠤ ᠪᠣᠢ ︖
ᠭᠦᠡᠳᠦᠷᠡᠨ ᠵᠤᠭᠰᠤᠬᠤ ᠰᠢᠯᠳᠠᠭᠠᠨ ᠶᠠᠭᠤ ᠪᠣᠢ ︖
ᠭᠦᠩᠭᠡᠭᠡᠨ ᠰᠢᠪᠠᠨᠡᠭ᠍ᠰᠡᠨ ᠬᠠᠢ᠌ᠷᠠ ᠶᠠᠭᠤ ᠪᠣᠢ ︖
ᠭᠦᠭ᠍ᠵᠢᠮ ᠴᠢᠩᠨᠠᠭᠰᠠᠨ ᠢᠨᠠᠭ ᠶᠠᠭᠤ ᠪᠣᠢ ︖
ᠭᠦᠩᠭᠡᠨ ᠳᠡᠭ᠍ᠵᠢᠨ ᠨᠠᠢ᠌ᠵᠠ ᠶᠠᠭᠤ ᠪᠣᠢ ︖
ᠭᠦᠭᠯᠡᠭ᠍ᠰᠡᠨ ᠳᠣᠢ᠌ᠮᠠᠷ ᠤᠨ ᠳᠦᠷᠡᠯᠵᠡᠭᠡᠨ ᠳᠤ
ᠭᠤᠷᠡᠰᠢᠵᠤ ᠰᠢᠳᠠᠭᠠᠤᠨ ᠪᠠᠷᠠᠪᠠ ᠦᠦ ᠳᠠᠳᠠ ︖
ᠭᠡᠷᠴᠡᠭᠡᠢ ᠴᠡᠷᠢᠭ᠌ ᠤᠨ ᠪᠠᠯᠳᠠᠨ ᠳ᠋ᠤ
ᠭᠡᠮᠭᠡᠷᠡᠵᠤ ᠨᠢᠴᠠᠷᠠᠭᠠᠤᠨ ᠳᠠᠭᠤᠰᠪᠠ ᠦᠦ ᠳᠠᠳᠠ ︖
ᠭᠡᠳᠤᠨ ᠵᠠᠭᠤᠨ ᠤ ᠰᠢᠭᠤᠷᠭᠠᠨ ᠳᠤ
ᠭᠡᠭᠡᠷᠡ ᠳᠡᠨᠦᠭᠡᠳ ᠳᠦᠭᠡᠷᠡᠪᠡ ᠦᠦ ᠳᠠᠳᠠ ︖
ᠰᠢᠯᠵᠢᠵᠤ ᠳᠡᠷᠪᠠᠭ᠍ᠰᠡᠨ ᠢᠷᠭᠡᠳ ᠤᠨ
ᠰᠢᠳᠦᠭᠡᠨ ᠪᠣᠯᠤᠭᠠᠤᠨ ᠨᠢᠭᠤᠭᠳᠠᠪᠠ ᠦᠦ ᠳᠠᠳᠠ ︖
ᠰᠢᠪᠠᠷ ᠳᠤᠭᠤᠰᠬᠠᠨ ᠪᠠᠢ᠌ᠰᠢᠩ ᠤᠨ ᠭᠢᠨᠢ
ᠰᠠᠭᠤᠷᠢ ᠪᠣᠯᠤᠭᠠᠤᠨ ᠪᠣᠯᠠᠭᠳᠠᠪᠠ ᠦᠦ ᠳᠠᠳᠠ ︖
ᠵᠠᠭᠤᠨ ᠵᠠᠭᠤᠨ ᠢ ᠡᠯᠡᠳᠡᠯᠡ
ᠵᠤᠵᠢᠭᠯᠠᠵᠤ ᠵᠤᠭᠰᠤᠬᠤ ᠴᠢᠨᠢ ᠶᠠᠭᠤ ᠪᠣᠢ ︖
ᠭᠡᠷᠡᠯᠳᠤᠨ ᠮᠡᠯᠮᠡᠷᠡᠭᠦ ᠭᠤᠤᠯ ᠤᠨ ᠵᠢᠠᠨ
ᠳᠤᠯᠭᠢᠰ ᠢ ᠳᠠᠭᠤᠯᠠᠨ ᠵᠤᠭᠰᠤᠭᠠ ᠦᠦ ︖
ᠭᠡᠷᠡᠯᠳᠤ ᠦᠨᠳᠦᠷ ᠪᠠᠭᠢᠯᠠᠯᠳᠠ ᠵᠢᠨ
ᠳᠠᠢ᠌ᠴᠢᠳ ᠢ ᠮᠦᠷᠦᠭᠡᠳᠴᠤ ᠵᠤᠭᠰᠤᠭᠠ ᠦᠦ ︖
ᠭᠡᠮᠰᠢᠯ ᠰᠢᠯᠦᠭᠯᠡᠭ᠍ᠰᠡᠨ ᠬᠠᠭᠠᠤᠨ ᠤᠨ
ᠭᠤᠳᠤᠷᠠᠯ ᠢ ᠣᠶᠠᠩᠭ᠋ᠠᠯᠠᠵᠤ ᠵᠤᠭᠰᠤᠭᠠ ᠦᠦ ︖
ᠭᠡᠷ ᠲᠤ ᠨᠢᠭᠤᠭᠳᠠᠭᠰᠠᠨ ᠵᠠᠯᠢᠬᠠᠢ ᠵᠢᠨ
ᠨᠢᠭᠤᠴᠠ ᠶᠢ ᠢᠯᠠᠴᠢᠯᠠᠨ ᠵᠤᠭᠰᠤᠭᠠ ᠦᠦ ︖
ᠭᠡᠷᠡᠯᠳᠦᠮᠡ ᠢᠷᠳᠤ ᠮᠠᠰᠠᠰ ᠤᠨ
ᠠᠯᠠᠯᠳᠤᠭᠠ ᠶᠢ ᠳᠦᠷᠰᠤᠯᠠᠵᠤ ᠵᠤᠭᠰᠤᠭᠠ ᠦᠦ ︖
ᠭᠢᠯᠠᠯᠵᠠᠨ ᠢᠰᠭᠡᠷᠭᠦ ᠰᠤᠮᠤᠳ ᠤᠨ
ᠱᠤᠤᠭᠢᠶᠠ ᠶᠢ ᠳᠠᠪᠳᠠᠨ ᠵᠤᠭᠰᠤᠭᠠ ᠦᠦ ︖
ᠭᠡᠳᠥᠢᠨ ᠳᠤᠩᠭ᠋ᠣᠢ᠌ᠨ ᠤᠢ᠌ᠴᠢᠭᠰᠠᠨ
ᠬᠤᠶᠠᠭ ᠢ ᠳᠠᠭᠤᠳᠠᠨ ᠵᠤᠭᠰᠤᠭᠠ ᠦᠦ ︖
ᠭᠡᠶᠦᠷᠡᠨ ᠣᠷᠤᠰᠤᠭᠰᠠᠨ ᠭᠤᠤᠯ ᠤᠨ
ᠭᠡᠭᠦᠷ ᠦᠳᠡᠨ ᠵᠤᠭᠰᠤᠭᠠ ᠦᠦ ︖
ᠭᠡᠭᠡᠨ ᠴᠡᠴᠡᠭ᠍ᠳᠤ ᠨᠠᠭᠤᠷ ᠤᠨ
ᠴᠢᠰᠤᠨ ᠢ ᠰᠢᠩᠬᠤᠯᠠᠨ ᠵᠤᠭᠰᠤᠭᠠ ᠦᠦ ︖
ᠭᠡᠷ ᠪᠠᠢ᠌ᠰᠢᠩ ᠣᠷᠳᠤᠳ ᠤᠨ
ᠳᠣᠢ᠌ᠮᠠᠷ ᠢ ᠬᠠᠷᠠᠰᠠᠨ ᠵᠤᠭᠰᠤᠭᠠ ᠦᠦ ︖
ᠭᠡᠨᠡᠳᠡᠵᠤ ᠰᠥᠢᠳᠦᠭ᠍ᠰᠡᠨ ᠡᠭᠡᠴᠦᠦᠯ ᠤᠨ
ᠭᠤᠮᠤᠳᠠᠯ ᠢ ᠳᠤᠭᠠᠴᠢᠵᠤ ᠵᠤᠭᠰᠤᠭᠠ ᠦᠦ ︖
ᠭᠡᠨᠡᠨ ᠴᠠᠭᠠᠨ ᠬᠡᠦᠬᠡᠳ ᠤᠨ
ᠰᠦᠨᠠᠰᠤ ᠶᠢ ᠳᠠᠯᠠᠯᠵᠤ ᠵᠤᠭᠰᠤᠭᠠ ᠦᠦ ︖
ᠭᠡᠨᠡᠳᠲᠡ ᠰᠥᠨᠦᠭ᠍ᠰᠡᠨ ᠬᠤᠳᠠ ᠶᠢᠨ
ᠰᠦᠯᠳᠡ ᠶᠢ ᠬᠠᠢ᠌ᠵᠤ ᠵᠤᠭᠰᠤᠭᠠ ᠦᠦ ︖
ᠭᠡᠮᠳᠡᠨ ᠠᠳᠤᠭᠤᠰᠤ ᠳᠡᠭᠡᠷᠡᠮ ᠤᠨ
ᠶᠠᠯᠠ ᠶᠢ ᠵᠠᠭᠠᠯᠳᠤᠨ ᠵᠤᠭᠰᠤᠭᠠ ᠦᠦ ︖
ᠭᠡᠭᠡᠨ ᠰᠦᠷᠯᠢᠭ᠌ ᠣᠷᠳᠤᠳ ᠤᠨ
ᠵᠢᠪᠬᠤᠭᠠ ᠶᠢ ᠥᠭᠦᠯᠡᠨ ᠵᠤᠭᠰᠤᠭᠠ ᠦᠦ ︖
ᠬᠠᠢ᠂ ᠴᠢ ᠴᠤᠬᠤᠮ ᠶᠠᠭᠤᠬᠠᠨ ᠭᠡᠵᠤ
ᠦᠷᠴᠢ᠌ᠨ ᠦᠷᠴᠢ᠌ᠨ ᠵᠤᠭᠰᠤᠬᠤ ᠪᠣᠢ ︖
2013,10.19
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠯᠢ ᠶᠢᠨ ᠭᠤᠤᠯ ᠠᠢ᠌ᠮᠠᠭ᠂ ᠰᠢᠯᠤᠭᠤᠨ ᠭᠦᠪᠠᠭᠡᠳᠤ ᠴᠠᠭᠠᠨ ᠬᠤᠰᠢᠭᠤᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠪ᠊·ᠳᠡᠭᠦᠯᠢᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 12608
ᠴᠠᠭ᠄ 2013 ᠤᠨ ᠤ 11 ᠰᠠᠷᠠ ᠶᠢᠨ 08
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ