☆ ᠴᠤ᠋·ᠣᠷᠭᠢᠯᠳᠤ
ᠨᠤᠳᠤᠭ ᠤᠨ ᠪᠠᠷᠠ
ᠨᠤᠳᠤᠭ ᠤᠨ ᠪᠠᠷᠠ
ᠬᠠᠢ᠌ᠷᠠ ᠶᠢᠨ ᠥᠯᠦᠭᠡᠢ ᠶᠤᠯᠴᠣᠢ᠌ᠨ ᠳᠠᠯᠠ
ᠦᠳᠡ ᠶᠢᠨ ᠨᠠᠷᠠᠨ ᠰᠢᠭ᠌
ᠨᠢᠯᠴᠡᠭᠡᠨᠡᠵᠤ ᠬᠠᠷᠠᠭᠳᠠᠨᠠ
ᠬᠠᠯᠠᠭᠤᠨ ᠬᠤᠰᠢᠭᠤᠳᠤ ᠶᠢᠨ ᠪᠠᠷᠠ ᠳᠠᠰᠤᠷᠠᠭᠠᠤᠨ
ᠨᠠᠮ ᠵᠢᠮᠭᠡᠨ ᠡᠵᠡᠭᠦᠢᠷᠡᠵᠤ
ᠬᠠᠷᠠᠭᠳᠠᠨᠠ
ᠡᠳᠦᠷ ᠤᠨ ᠣᠳᠠᠭᠠᠨ ᠳᠤ ᠰᠢᠷᠠᠭᠳᠠᠵᠤ ᠥᠭᠢᠷᠡᠭ᠍ᠰᠡᠨ
ᠭᠡᠢ ᠮᠤᠷᠢ ᠶᠢᠨ ᠳᠠᠷᠴᠤᠭ
ᠰᠤᠳᠣᠢ᠌ᠵᠤ ᠬᠠᠷᠠᠭᠳᠠᠨᠠ
ᠬᠤᠨᠤᠭ ᠤᠨ ᠭᠡᠷ
ᠭᠦᠢᠳᠡᠨ ᠪᠠᠢ᠌ᠰᠢᠩ ᠲᠦᠯᠭᠡᠭ᠍ᠳᠡᠭᠡᠳ
ᠤᠨᠢ ᠨᠢᠷᠤᠭᠤ ᠠᠷᠰᠠᠢ᠌ᠵᠤ ᠬᠠᠷᠠᠭᠳᠠᠨᠠ
ᠬᠣᠢ᠌ᠨᠠ ᠡᠴᠠ ᠣᠷᠤᠰᠳᠠᠭ
ᠵᠡᠭᠡᠰᠦᠳᠡᠢ ᠶᠢᠨ ᠴᠠᠢ᠌ᠳᠠᠮ ᠬᠤᠵᠢᠷᠰᠢᠭᠠᠤᠨ
ᠴᠠᠭᠠᠨ ᠳᠤᠭᠤᠰᠤ ᠪᠣᠷᠭᠢᠯᠵᠤ ᠬᠠᠷᠠᠭᠳᠠᠨᠠ
ᠬᠤᠨᠢ ᠢᠮᠠᠭᠠᠨ ᠤ ᠰᠠᠷᠠᠪᠴᠢ ᠵᠠᠳᠠᠭᠠᠢ᠌ᠷᠠᠭᠠᠤᠨ
ᠡᠩᠭᠡᠷ ᠦᠭᠡᠶ ᠨᠡᠭᠡᠢ ᠰᠢᠭ᠌
ᠭᠦᠯᠭᠦᠢᠵᠤ ᠬᠠᠷᠠᠭᠳᠠᠨᠠ
ᠮᠠᠰᠢᠨ ᠬᠤᠳᠳᠤᠭ ᠤᠨ ᠣᠨᠢᠰᠤᠳᠤ ᠭᠡᠷ
ᠡᠪᠳᠡᠷᠡᠭᠡᠳ
ᠣᠩᠭ᠋ᠣᠢ᠌ᠵᠤ ᠬᠠᠷᠠᠭᠳᠠᠨᠠ
ᠬᠠᠭᠠᠰ ᠪᠣᠯᠠᠭᠳᠠᠭᠰᠠᠨ ᠠᠷᠠᠯ ᠳᠡᠷᠭᠡ
ᠮᠠᠩᠬᠠᠨ ᠳᠤ ᠳᠠᠷᠤᠭᠳᠠᠭᠠᠤᠨ
ᠶᠤᠤᠯᠠᠵᠤ ᠬᠠᠷᠠᠭᠳᠠᠨᠠ
ᠠᠪᠣ ᠶᠢᠨ ᠳᠠᠷᠢᠭᠰᠠᠨ ᠪᠣᠷᠭᠠᠰᠤᠨ ᠳᠦᠭᠦᠮ
ᠠᠩᠭ᠋ᠠᠭᠠᠤᠨ
ᠬᠤᠷᠪᠠᠢ᠌ᠵᠤ ᠬᠠᠷᠠᠭᠳᠠᠨᠠ
ᠡᠵᠢ ᠶᠢᠨ ᠬᠠᠷᠠᠮᠨᠠᠳᠠᠭ ᠰᠢᠭᠡᠷ ᠤᠨ ᠴᠠᠢ᠌ᠳᠠᠮ
ᠣᠯᠠᠢ᠌ᠭᠠᠤᠨ
ᠣᠬᠤᠵᠤ ᠮᠠᠯᠳᠠᠭᠰᠠᠨ ᠬᠠᠷᠠᠭᠳᠠᠨᠠ
ᠪᠠᠯᠴᠢᠭᠡᠷ ᠬᠠᠮᠠᠭᠠᠯᠠᠭᠰᠠᠨ ᠳᠠᠮᠤᠷ ᠳᠤᠤᠷ ᠤᠳ ᠬᠤᠭᠤᠰᠤᠷᠠᠭᠠᠤᠨ
ᠱᠣᠢ᠌ᠨᠢ ᠪᠠᠭᠠᠨᠠ ᠡ᠊ᠨᠳᠡ ᠳᠠᠠᠳᠠ
ᠬᠤᠭᠤᠷᠠᠵᠤ ᠬᠠᠷᠠᠭᠳᠠᠨᠠ
ᠬᠤᠨᠢ ᠢᠮᠠᠭᠠᠨ ᠤ ᠭᠦᠷᠵᠡᠩ
ᠬᠤᠳᠠ ᠬᠤᠷᠤᠭᠠ ᠡᠴᠠ ᠵᠥᠭᠡᠭᠡᠪᠦᠷᠢᠯᠡᠭ᠍ᠳᠡᠭᠡᠳ
ᠳᠠᠢ᠌ᠨ ᠪᠣᠯᠤᠭᠠᠤᠨ ᠥᠩᠭᠡᠷᠡᠭ᠍ᠰᠡᠨ ᠰᠢᠭ᠌ ᠬᠠᠷᠠᠭᠳᠠᠨᠠ
ᠠᠯᠤᠰ ᠡᠴᠠ ᠪᠠᠷᠠᠯᠠᠬᠤ ᠳ᠋ᠤ
ᠥᠯᠦᠭᠡᠢ ᠨᠤᠳᠤᠭ ᠮᠢᠨᠢ ᠪᠦᠷᠳᠡᠯᠵᠡᠭᠡᠳ
ᠨᠢᠯᠪᠣᠰᠤᠨ ᠳᠤ ᠦᠶᠡᠷᠯᠠᠵᠤ ᠬᠠᠷᠠᠭᠳᠠᠨᠠ
ᠠᠭᠤᠳᠠᠮ ᠳᠠᠯᠠ ᠡᠴᠠ ᠪᠠᠨ ᠰᠠᠯᠤᠭᠰᠠᠨ ᠪᠢ
ᠰᠡᠯᠭᠢᠨ ᠳᠤ ᠳᠠᠭᠤᠭᠳᠠᠭᠰᠠᠨ ᠬᠠᠮᠬᠤᠤᠯ ᠪᠣᠯᠵᠤ
ᠪᠦᠮᠪᠦᠷᠡᠵᠤ ᠬᠠᠷᠠᠭᠳᠠᠨᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠷᠳᠤᠰ ᠬᠤᠳᠠ ᠶᠢᠨ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠳᠤᠪᠴᠢᠶᠠ
ᠵᠤᠬᠢᠶᠠᠭᠴᠢ᠄ ᠴᠤ᠋·ᠣᠷᠭᠢᠯᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2976
ᠴᠠᠭ᠄ 2011 ᠤᠨ ᠤ 12 ᠰᠠᠷᠠ ᠶᠢᠨ 10
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ