☆ ᠬᠠᠨ ᠵᠢᠷᠤᠮᠳᠤ
ᠱᠤᠩᠬᠤᠷ ᠡᠴᠡ ᠳᠡᠭᠦᠭ᠍ᠰᠡᠨ ᠰᠢᠯᠦᠭ᠌
᠊᠊᠊᠊᠊᠊᠊᠊᠊᠊᠊᠊᠊᠊᠊ 2009 ᠡᠳ ᠤ ᠳᠠᠪᠤᠨ ᠰᠠᠷᠠ ᠶᠢᠨ ᠰᠢᠨᠠ ᠵᠢᠨ ᠳᠠᠪᠤᠨ ᠤ ᠱᠤᠩᠬᠤᠷ ᠤᠨ ᠴᠤᠭᠯᠠᠭᠠᠨ ᠤ ᠨᠠᠢ᠌ᠷ ᠳᠤ
ᠳᠡᠭᠡᠭ᠍ᠰᠢᠯᠡᠭᠦ ᠨᠠᠷᠠᠨ ᠲᠡᠶ ᠮᠥᠴᠦᠭᠡᠷᠭᠡᠨ
ᠳᠠᠮᠤᠯᠠᠵᠤ ᠪᠠᠢ᠌ᠨᠠ ᠵᠢᠷᠦᠭᠡ ᠮᠢᠨᠢ
ᠳᠠᠮᠤᠭᠰᠠᠨ ᠵᠠᠮ ᠲᠡᠶ ᠥᠰᠢᠶᠡᠷᠭᠡᠨ
ᠳᠠᠪᠭᠢᠵᠤ ᠪᠠᠢ᠌ᠨᠠ ᠳᠡᠷᠭᠡ ᠮᠢᠨᠢ
ᠨᠢᠯᠬᠠ ᠡᠴᠡ ᠳᠤᠭᠤᠯᠠᠭᠰᠠᠨ ᠭᠠᠵᠠᠷ
ᠨᠢᠰᠭᠦ ᠳᠤᠮᠤᠭ ᠲᠡᠶ ᠤᠷᠤᠨ ᠶᠤᠮ
ᠨᠠᠷᠭᠢᠮᠠ ᠳᠤ ᠠᠵᠢᠯᠯᠠᠭᠰᠠᠨ ᠰᠤᠮᠤ
ᠨᠠᠴᠢᠨ ᠱᠤᠩᠬᠤᠷ ᠠᠭᠤᠯᠠ ᠶᠤᠮ
ᠠᠬᠠᠮᠠᠤᠨ ᠳᠠᠷᠤᠭᠠ
ᠠᠷᠪᠠᠨ ᠡᠳ ᠠᠭᠤᠯᠵᠠᠭᠠ ᠥᠭᠡᠢ
ᠠᠬᠠᠮᠠᠤᠨ ᠤᠯᠡᠨ ᠳᠠᠷᠤᠭᠠ ᠨᠠᠷ
ᠠᠯᠪᠠᠨ ᠤ ᠤᠷᠢᠯᠭᠠ ᠪᠠᠨ ᠪᠠᠷᠢᠭᠠᠤᠨ
ᠠᠳᠤᠷᠢᠶᠠᠳᠤ ᠮᠠᠩᠨᠠᠢ ᠪᠠᠨ ᠳᠡᠨᠢ᠌ᠯᠭᠡᠨ
ᠭᠦᠮᠤᠨ ᠤ ᠳᠠᠯᠠᠢ ᠶᠢᠨ ᠳᠤᠮᠳᠠᠭᠤᠷ
ᠭᠦᠷᠦᠭᠡᠳ ᠢᠷᠠᠯᠠ ᠰᠢᠤ ᠱᠤᠩᠬᠤᠷ ᠮᠢᠨᠢ
ᠠᠮᠢᠳᠤᠷᠠᠯ ᠳᠠᠮᠠᠴᠠᠯ ᠤᠨ ᠮᠥᠷᠦᠭᠡᠳᠦᠯ ᠲᠡᠶ
ᠠᠵᠢᠯ ᠤᠨ ᠳᠡᠦᠭᠡ ᠪᠠᠨ ᠡᠷᠢᠭᠦ ᠪᠠᠷ
ᠠᠭᠤᠰᠭᠢᠨ ᠬᠠᠯᠠᠭᠤᠨ ᠰᠠᠨᠠᠯ ᠳᠠᠢ
ᠠᠠᠳᠠ ᠨᠥᠭᠦᠤᠨ ᠶᠢᠡᠨ ᠥᠵᠡᠭᠦ ᠪᠠᠷ
ᠭᠦᠮᠤᠨ ᠤ ᠳᠠᠯᠠᠢ ᠶᠢᠨ ᠳᠤᠮᠳᠠᠭᠤᠷ
ᠭᠦᠷᠦᠭᠡᠳ ᠢᠷᠠᠯᠠ ᠰᠢᠤ ᠱᠤᠩᠬᠤᠷ ᠮᠢᠨᠢ
ᠪᠣᠶᠠᠠᠳᠠᠢ ᠵᠢᠷᠭᠠᠬᠤ ᠮᠠᠯᠴᠢᠳ ᠶᠢᠡᠨ ᠬᠠᠷᠠᠭᠠᠤᠨ
ᠪᠣᠷᠤ ᠵᠢᠷᠦᠭᠡ ᠨᠢ ᠳᠤᠯᠭᠢᠰᠴᠤ ᠪᠠᠢ᠌ᠨᠠ
ᠪᠣᠳᠤᠯ ᠬᠤᠨᠤᠭᠰᠢᠬᠤ ᠬᠠᠢ᠌ᠷ ᠶᠢᠡᠨ ᠠᠳᠬᠤᠭᠠᠤᠨ
ᠪᠣᠷᠭᠢᠷᠬᠤ ᠰᠡᠳᠭᠢᠯ ᠶᠢᠡᠨ ᠴᠢᠩᠭ᠋ᠠᠯᠠᠵᠤ ᠪᠠᠢ᠌ᠨᠠ
ᠭᠦᠭ᠍ᠰᠢᠷᠡᠵᠤ ᠶᠠᠳᠠᠷᠠᠭᠰᠠᠨ ᠠᠭᠮᠠᠤᠨ ᠳᠠᠷᠤᠭᠠ ᠪᠠᠨ
ᠭᠦᠭᠡᠷᠭᠦᠢᠯᠡᠨ ᠠᠪ ᠳ᠋ᠠ ᠱᠤᠩᠬᠤᠷ ᠮᠢᠨᠢ
ᠠᠷᠠᠤᠨ ᠤᠨ ᠳᠠᠭᠤᠤ
ᠮᠢᠩᠭ᠋ᠠᠨ ᠮᠢᠩᠭ᠋ᠠᠨ ᠭᠠᠯᠪᠠ ᠳᠠᠭᠤᠷᠢᠰᠬᠤ
ᠮᠢᠨᠤ ᠮᠤᠩᠭ᠋ᠤᠯ ᠠᠷᠠᠤᠨ ᠤᠨ ᠳᠠᠭᠤᠤ ᠶᠤᠮ
ᠮᠢᠩᠭ᠋ᠠᠨ ᠮᠢᠩᠭ᠋ᠠᠨ ᠭᠠᠯᠪᠠ ᠮᠥᠩᠭᠡᠵᠢᠭᠦ
ᠮᠢᠨᠤ ᠬᠠᠢ᠌ᠷᠠᠳᠤ ᠱᠤᠩᠬᠤᠷ ᠠᠭᠤᠯᠠ ᠶᠤᠮ
ᠭᠠᠳᠠ ᠮᠠᠢ᠌ᠷᠠᠨ ᠭᠡᠵᠤ ᠳᠠᠭᠤᠯᠠᠵᠤ ᠡᠭᠢᠯᠡᠭᠡᠳ
ᠵᠠᠨᠠ ᠪᠠᠯᠵᠢᠨᠢᠮᠠ ᠪᠠᠨ ᠮᠠᠷᠳᠠᠭᠠ ᠥᠭᠡᠢ
ᠳᠠᠨᠠᠪᠠᠯ ᠵᠢᠠᠰᠢᠶᠠᠩ᠂ ᠳᠠᠭᠤᠯᠠ᠂ ᠤᠭ᠍ᠶᠦᠡᠽᠡ᠊ᠨᠳᠡᠨ ᠳᠠᠢ
ᠳᠦᠭᠦᠷᠡᠩᠵᠡᠨᠡ ᠪᠠᠷ ᠭᠦᠰᠢᠭᠡ ᠬᠠᠭᠠᠪᠠ
ᠮᠤᠷᠢᠨ ᠤᠷᠦᠯᠳᠦᠭᠠᠨ
ᠮᠤᠬᠤᠷᠳᠠᠯ ᠡᠴᠡ ᠠᠶᠤᠭᠠ ᠥᠭᠡᠢ
ᠮᠤᠩᠭ᠋ᠤᠯ ᠮᠤᠷᠢᠨ ᠤ ᠤᠨᠠᠭᠠ ᠡ
ᠮᠤᠰᠢᠭᠠᠢ ᠡᠴᠡ ᠰᠥᠷᠳᠡᠭᠡ ᠥᠭᠡᠢ
ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠥᠷᠡᠰ ᠡ
ᠬᠤᠳᠠ ᠡᠴᠡ ᠢᠷᠡᠭ᠍ᠰᠡᠨ ᠮᠤᠷᠢ ᠳ᠋ᠤ
ᠬᠤᠴᠤᠷᠬᠤ ᠴᠢᠨᠢ ᠶᠠᠭᠤ ᠪᠣᠢ
ᠬᠤᠯᠠᠳᠤᠭᠰᠠᠨ ᠳᠡᠦᠭᠡ ᠶᠢᠨ ᠮᠦᠷ
ᠬᠤᠪᠳᠤᠯ ᠳᠤ ᠴᠢᠨᠢ ᠪᠠᠰᠠ ᠪᠠᠢ᠌ᠭᠠ ᠶᠤ
ᠮᠤᠩᠭ᠋ᠤᠯ ᠪᠦᠭᠡ
ᠰᠢᠯᠢᠨ ᠨᠤᠳᠤᠭ ᠤᠨ ᠰᠠᠢ᠌ᠨ ᠡᠷᠡ
ᠰᠢᠯᠭᠠᠷᠠᠭᠰᠠᠨ ᠮᠤᠩᠭ᠋ᠤᠯ ᠪᠦᠭᠡᠴᠢᠨ ᠤ
ᠬᠠᠳᠠ ᠳᠠᠢ᠌ᠪᠠᠯᠵᠠᠬᠤ ᠬᠠᠢ᠌ᠯᠠᠭᠠᠨ ᠳ᠋ᠤ
ᠬᠠᠪᠢᠳᠠᠭᠰᠠᠨ ᠭᠦᠮᠤᠨ ᠴᠥᠭᠡᠨ ᠳ᠋ᠠ
ᠵᠤᠭᠰᠤᠭᠠ ᠪᠦᠭᠡ ᠶᠢᠨ ᠤᠳᠦᠮ ᠲᠡᠶ
ᠵᠠᠭᠠᠨᠠ ᠠᠷᠰᠯᠠᠨ ᠤ ᠭᠦᠴᠤᠨ ᠳᠠᠢ
ᠰᠤᠴᠢᠭᠠᠮᠠ ᠶᠡᠭᠡ ᠤᠮᠤᠭ ᠳᠠᠢ
ᠱᠤᠩᠬᠤᠷ ᠠᠭᠤᠯᠠ ᠶᠢᠨ ᠰᠦᠷ ᠳᠠᠢ
ᠠᠷᠭᠠ ᠲᠡᠶ ᠭᠡᠰᠡᠨ ᠨᠢᠭᠡ ᠶᠢ ᠨᠢ
ᠠᠳᠬᠤᠵᠤ ᠠᠪᠣᠭᠠᠤᠨ ᠰᠢᠳᠠᠵᠤ ᠪᠠᠢ᠌ᠨᠠ
ᠠᠶᠤᠬᠤ ᠥᠭᠡᠢ ᠭᠡᠰᠡᠨ ᠨᠢᠭᠡ ᠶᠢ ᠨᠢ
ᠠᠷᠤ ᠳᠤᠬᠤ ᠪᠠᠷ ᠨᠢ ᠭᠡᠪᠳᠡᠭᠦᠯᠵᠤ ᠪᠠᠢ᠌ᠨᠠ
ᠮᠤᠳᠤᠨ ᠤ ᠮᠥᠷᠭᠦᠯ
ᠠᠷᠵᠠ ᠰᠠᠷᠬᠤᠤᠨ ᠤᠨ ᠳᠡᠭᠡᠵᠢ ᠪᠠᠨ
ᠠᠰᠤᠷᠢ ᠳᠡᠭ᠍ᠷᠢ ᠳᠤ ᠡᠷᠭᠦᠵᠤ ᠪᠠᠢ᠌ᠨᠠ
ᠠᠵᠢᠯ ᠠᠮᠢᠳᠤᠷᠠᠯ ᠢ ᠢᠪᠠᠭᠡᠭᠡᠷᠡᠢ ᠭᠡᠵᠤ
ᠠᠭᠢᠨ ᠳᠠᠭᠢᠨ ᠭᠤᠶᠤᠵᠤ ᠪᠠᠢ᠌ᠨᠠ
ᠭᠤᠷᠪᠠᠨ ᠠᠷᠢᠭᠤᠨ ᠭᠦᠵᠢ ᠪᠠᠨ
ᠭᠠᠵᠠᠷ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠵᠤ ᠪᠠᠢ᠌ᠨᠠ
ᠭᠠᠴᠢᠭᠳᠠᠯ ᠡᠴᠡ ᠠᠪᠣᠷᠠᠯᠠ ᠭᠡᠵᠤ
ᠭᠤᠷᠣᠢ᠌ᠳᠠᠯᠠ ᠰᠥᠭᠦᠳᠡᠨ ᠳᠠᠭᠠᠳᠬᠠᠵᠤ ᠪᠠᠢ᠌ᠨᠠ
ᠮᠤᠩᠭ᠋ᠤᠯ ᠢᠳᠡᠭᠡᠨ ᠤ ᠤᠬᠢ ᠪᠠᠨ
ᠮᠤᠳᠤᠨ ᠰᠠᠭᠢᠭᠤᠯᠰᠤᠨ ᠳᠤ ᠡᠷᠭᠦᠵᠤ ᠪᠠᠢ᠌ᠨᠠ
ᠮᠤᠬᠤᠷᠳᠠᠯ ᠡᠴᠡ ᠠᠪᠣᠷᠠᠯᠠ ᠭᠡᠵᠤ
ᠮᠥᠷᠭᠦᠨ ᠮᠥᠷᠭᠦᠨ ᠵᠠᠯᠪᠠᠷᠢᠵᠤ ᠪᠠᠢ᠌ᠨᠠ
2009 ᠡᠳ ᠤ ᠳᠠᠪᠤᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠳᠠᠪᠤᠨ ᠤ ᠤᠷᠦᠢ ᠲᠦᠩᠯᠢᠶᠤᠤ ᠬᠤᠳᠠᠨᠠ ᠪᠢᠴᠢᠪᠠ
ᠵᠤᠬᠢᠶᠠᠭᠴᠢ᠄ ᠬᠠᠨ ᠵᠢᠷᠤᠮᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 11704
ᠴᠠᠭ᠄ 2009 ᠤᠨ ᠤ 05 ᠰᠠᠷᠠ ᠶᠢᠨ 31
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ