☆ ᠡᠷᠳᠡᠨᠢᠪᠠᠭᠠᠨᠠ
ᠡᠷᠡ ᠭᠦᠮᠤᠨ ᠤ ᠭᠦᠭᠡ ᠳᠡᠭ᠍ᠷᠢ
ᠡᠷᠡ ᠭᠦᠮᠤᠨ ᠤ ᠳᠡᠭ᠍ᠷᠢ ᠪᠣᠯ ᠡᠷᠢᠯ ᠳᠤ ᠪᠠᠨ ᠪᠦᠳᠦᠷᠢᠵᠤ ᠴᠡᠴᠡᠭᠯᠡᠭ᠍ᠰᠡᠨ
ᠬᠠᠢ᠌ᠷᠠ ᠶᠢᠨ ᠭᠦᠭᠡ ᠴᠠᠭᠢᠯᠳᠠᠭ ᠲᠡᠶ ᠥᠨᠡᠨ ᠰᠢᠯᠦᠭ᠌ ᠶᠤᠮ
ᠡᠷᠡ ᠭᠦᠮᠤᠨ ᠤ ᠳᠡᠭ᠍ᠷᠢ ᠪᠣᠯ ᠡᠷᠭᠡᠯᠵᠡᠯ ᠳᠤ ᠪᠠᠨ ᠪᠠᠳᠠᠷᠢᠵᠤ ᠨᠢᠳᠦᠯᠡᠭ᠍ᠰᠡᠨ
ᠭᠦᠮᠦᠷᠭᠡᠨ ᠴᠡᠩᠭᠡᠷ ᠰᠢᠭᠦᠷ ᠲᠡᠶ ᠰᠦᠨᠠᠰᠤᠨ ᠤ ᠠᠮᠢᠰᠬᠤᠭᠠ ᠶᠤᠮ
ᠡᠷᠡ ᠭᠦᠮᠤᠨ ᠤ ᠳᠡᠭ᠍ᠷᠢ ᠪᠣᠯ ᠣᠢ᠌ᠯᠠᠰ ᠤᠨ ᠮᠠᠠᠳᠠᠯ ᠳᠤ ᠪᠦᠭᠦᠢᠵᠤ ᠮᠥᠰᠢᠶᠡᠭ᠍ᠰᠡᠨ
ᠭᠦᠮᠦᠡᠯᠢᠭ᠌ ᠶᠤᠰᠤᠨ ᠤ ᠳᠡᠨᠢᠭᠦᠨ ᠬᠤᠭᠤᠰ ᠵᠡᠭᠦᠳᠤᠨ ᠤ ᠳᠠᠨᠢᠯ ᠶᠤᠮ
ᠡᠷᠡ ᠭᠦᠮᠤᠨ ᠤ ᠳᠡᠭ᠍ᠷᠢ ᠪᠣᠯ ᠦᠯᠦᠰᠭᠦᠯᠡᠩ ᠶᠤᠰᠤᠨ ᠶᠢᠡᠨ ᠬᠤᠪᠢᠶᠠᠵᠤ ᠠᠮᠰᠠᠭᠰᠠᠨ
ᠭᠦᠭᠡ ᠮᠤᠩᠭ᠋ᠤᠯ ᠭᠡᠯᠡᠨ ᠤ ᠷᠠᠰᠢᠶᠠᠨ ᠪᠣᠯᠠᠭ ᠤᠨ ᠷᠢᠳᠢ ᠰᠢᠳᠢ ᠶᠤᠮ
ᠡᠷᠡ ᠭᠦᠮᠤᠨ ᠤ ᠳᠡᠭ᠍ᠷᠢ ᠪᠣᠯ ᠳᠡᠷᠭᠡᠯ ᠰᠡᠷᠡᠨ ᠤ ᠳᠤᠤᠷᠠ ᠬᠠᠨᠤᠳᠠᠯᠠ ᠲ᠋ᠠᠭᠤᠯᠠᠭᠰᠠᠨ
ᠦᠨᠦᠴᠢᠨ ᠭᠡᠢ᠌ᠪᠦᠩ ᠣᠳᠤᠨ ᠤ ᠨᠣᠢ᠌ᠷᠮᠤᠭ ᠨᠣᠢ᠌ᠳᠠᠨ ᠰᠤᠷᠮᠤᠤᠰᠤ ᠶᠤᠮ
ᠡᠷᠡ ᠭᠦᠮᠤᠨ ᠤ ᠳᠡᠭ᠍ᠷᠢ ᠪᠣᠯ ᠶᠢᠰᠤᠨ ᠪᠣᠯᠠᠭ ᠤᠨ ᠣᠰᠤᠨ ᠤ ᠵᠢᠷᠤᠭ ᠢ ᠰᠤᠨᠢᠷᠬᠠᠭᠰᠠᠨ
ᠣᠯᠠᠨ ᠤ ᠣᠷᠤᠰᠬᠠᠯ ᠳ᠋ᠠᠭᠢ ᠠᠮᠢᠳᠤ ᠭᠠᠭᠴᠠᠭᠠᠷᠳᠠᠮᠠᠯ ᠳᠠᠷᠠᠰᠤᠨ ᠤ ᠠᠮᠳᠠᠷᠬᠠᠯ ᠶᠤᠮ
ᠡᠷᠡ ᠭᠦᠮᠤᠨ ᠤ ᠳᠡᠭ᠍ᠷᠢ ᠪᠣᠯ ᠬᠤᠯᠪᠤᠨ ᠪᠣᠳᠤᠯᠳᠠ ᠳᠤ ᠪᠠᠨ ᠳᠠᠷᠪᠠᠯᠵᠠᠨ ᠵᠢᠭᠦᠷᠯᠡᠭ᠍ᠰᠡᠨ
ᠣᠶᠠᠬᠠᠨ ᠨᠠᠷᠠᠨ ᠤ ᠢᠪᠠᠭᠡᠯ ᠲᠡᠶ ᠨᠠᠢ᠌ᠷ ᠤᠨ ᠵᠠᠮ ᠤᠨ ᠭᠢᠴᠢᠶᠡᠩᠭᠦᠢ ᠭᠦᠰᠡᠯ ᠶᠤᠮ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠢᠩᠭ᠋ᠠᠨ ᠤ ᠳᠤᠮᠳᠠᠳᠤ ᠬᠤᠰᠢᠭᠤ
ᠵᠤᠬᠢᠶᠠᠭᠴᠢ᠄ ᠡᠷᠳᠡᠨᠢᠪᠠᠭᠠᠨᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 13508
ᠴᠠᠭ᠄ 2013 ᠤᠨ ᠤ 03 ᠰᠠᠷᠠ ᠶᠢᠨ 04
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ