☆ ᠭᠦᠭᠡᠳᠠᠪᠠᠯᠭᠠᠨ
ᠨᠤᠳᠤᠭ ᠤᠨ ᠨᠠᠷᠠ
ᠬᠠᠯᠳᠠᠷ ᠪᠣᠯᠳᠠᠷ ᠨᠢᠯᠬᠠ ᠨᠠᠰᠤᠨ ᠡᠴᠡ
ᠬᠠᠷᠭᠠᠠᠳᠤ ᠶᠢᠨ ᠬᠤᠶᠠᠷ ᠬᠤᠧᠨ ᠠᠯᠤᠰ ᠰᠥᠡᠳᠡᠷᠯᠡᠭ᠍ᠰᠡᠨ
ᠬᠠᠷᠭᠠᠨᠠ ᠭᠢᠯᠭᠠᠨᠠ ᠨᠢ ᠬᠤᠴᠢᠯᠭᠠ ᠪᠣᠯᠤᠭᠠᠤᠨ
ᠬᠠᠷᠠᠭᠠᠨ ᠤ ᠥᠵᠦᠭᠦᠷ ᠭᠦᠪᠭᠦᠰ ᠭᠦᠪᠭᠦᠰ
ᠬᠠᠪᠣᠷ ᠡᠪᠦᠯ ᠨᠢ ᠡᠭᠡᠯᠵᠢᠯᠳᠦᠭᠡᠳ
ᠬᠠᠨ ᠨᠠᠷᠠᠨ ᠠᠭᠠᠷ ᠲᠠᠭᠠᠨ ᠭᠡᠷᠡᠯᠳᠡᠢ
ᠬᠠᠴᠢᠷᠬᠠᠨ ᠬᠠᠢ᠌ᠷᠠᠯᠠᠨ ᠳᠠᠯᠠ ᠪᠠᠨ ᠰᠢᠷᠳᠡᠭᠦ ᠳ᠋ᠤ
ᠬᠠᠨᠠᠭᠠᠷ ᠳᠠᠯᠠᠢ ᠴᠡᠭᠡᠵᠢᠨᠡ ᠳᠤᠯᠭᠢᠶᠠᠯᠠᠨᠠ
ᠣᠭᠤᠷᠠᠭ ᠰᠦ᠋ ᠶᠢᠨ ᠰᠢᠮᠠ ᠲᠡᠶ ᠬᠠᠳᠠᠳᠤ ᠶᠢᠨ ᠭᠤᠤᠯ
ᠣᠭᠠᠯᠵᠠᠯᠠᠨ ᠣᠷᠤᠰᠤᠭᠠᠤᠨ ᠭᠢᠯᠪᠠᠭᠠ ᠳᠠᠳᠠᠨᠠ
ᠣᠶᠠᠩᠭ᠋ᠠ ᠡᠭᠡᠰᠢᠭ᠌ ᠲᠡᠶ ᠭᠠᠯᠠᠭᠤᠳ ᠶᠢᠡᠨ ᠭᠠᠩᠭ᠋ᠠᠨᠠᠭᠤᠯᠤᠭᠠᠤᠨ
ᠥᠩᠭᠡᠰᠢᠭ᠌ ᠰᠥᠷᠦᠭ᠌ ᠶᠢᠡᠨ ᠳᠠᠩ ᠳᠤ ᠪᠠᠨ ᠡᠷᠭᠡᠯᠡᠭᠦᠯᠦᠨᠡ
ᠠᠯᠳᠠᠨ ᠨᠠᠷᠠᠨ ᠠᠶᠠᠯᠠᠭᠠᠤᠨ ᠶᠠᠳᠠᠪᠠᠤ
ᠠᠢ᠌ᠯ ᠤᠨ ᠪᠠᠷᠠᠭᠤᠨ ᠠᠭᠤᠯᠠᠨᠠ ᠭᠦᠯ ᠳᠠᠯᠪᠢᠨᠠ
ᠠᠪᠣ ᠶᠢᠨ ᠨᠦᠮᠦᠷᠢ ᠲᠡᠶ ᠥᠭᠡᠷ ᠳᠠᠪᠠᠭᠠ ᠳ᠋ᠤ
ᠠᠮᠠᠷᠠᠵᠤ ᠨᠣᠢ᠌ᠷᠰᠤᠬᠤ ᠪᠠᠷ ᠭᠦᠰᠢᠭᠡ ᠳᠠᠳᠠᠨᠠ
ᠳᠤᠷᠤᠨᠠ ᠮᠠᠠᠳᠤᠭᠠᠤᠨ ᠦᠷᠦᠨᠠ ᠵᠢᠷᠭᠠᠳᠠᠭ ᠨᠤᠳᠤᠭ ᠤᠨ ᠨᠠᠷᠠ
ᠳᠤᠯᠠᠭᠠᠨ ᠬᠠᠯᠠᠭᠤᠨ ᠳᠦᠭᠡᠮᠡᠯ ᠬᠠᠢ᠌ᠷᠠ ᠪᠠᠨ ᠰᠠᠴᠤᠨᠠ
ᠵᠤᠨ ᠨᠠᠮᠤᠷ ᠭᠡᠮᠡᠨ ᠵᠢᠮᠠ ᠲᠡᠶ ᠡᠷᠭᠢᠳᠡᠭ᠌ ᠨᠤᠳᠤᠭ ᠤᠨ ᠨᠠᠷᠠ
ᠵᠠᠶᠠᠭᠠᠳᠠᠢ ᠮᠢᠨᠤ ᠮᠥᠩᠭᠡ ᠶᠢᠨ ᠨᠠᠷᠠ ᠡ︕
ᠵᠤᠬᠢᠶᠠᠭᠴᠢ᠄ ᠭᠦᠭᠡᠳᠠᠪᠠᠯᠭᠠᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3025
ᠴᠠᠭ᠄ 2009 ᠤᠨ ᠤ 02 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ