☆ ᠭᠦᠷᠵᠠᠪ
ᠴᠠᠭᠠᠨ ᠢᠳᠡᠬᠡᠨ
ᠴᠠᠭᠠᠨ ᠢᠳᠡᠭᠡᠡ ᠭᠡᠵᠤ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠰᠥ᠋ ᠰᠠᠭᠠᠯᠢ ᠪᠠᠷ ᠭᠢᠭ᠍ᠰᠡᠨ ᠢᠳᠡᠭᠡᠨ ᠢ ᠭᠡᠯᠡᠳᠡᠭ᠌᠃ ᠴᠠᠭᠠᠨ ᠢᠳᠡᠭᠡᠡ ᠪᠣᠯ ᠮᠤᠩᠭ᠋ᠤᠯ ᠦᠠᠳᠤᠰᠤᠳᠠᠨ ᠤ ᠠᠵᠤ ᠠᠮᠢᠳᠤᠷᠠᠯ ᠤᠨ ᠪᠠᠯᠭᠡ ᠳᠡᠮᠳᠡᠭ᠌᠂ ᠠᠷᠢᠭᠤᠨ ᠭᠦᠳᠡᠯᠮᠦᠷᠢ ᠶᠢᠨ ᠣᠷᠠ ᠪᠦᠳᠦᠭᠡᠯ᠂ ᠴᠠᠢ᠌ᠯᠭᠠᠨ ᠰᠠᠨᠠᠭᠠᠨ ᠤ ᠡᠭᠢ ᠡᠭᠦᠰᠦᠯ᠂ ᠴᠢᠨᠠᠭᠰᠢᠳᠠ ᠶᠢᠨ ᠪᠣᠶᠠᠨ ᠤ ᠭᠡᠰᠢᠭ᠌ ᠳᠠᠯᠠᠯᠭᠠ ᠪᠣᠯᠤᠭᠰᠠᠨ ᠠᠮᠳᠠ ᠳᠡᠭᠦᠯᠳᠡᠷ᠂ ᠰᠢᠮᠠ ᠪᠦᠷᠢᠨ ᠢᠳᠡᠭᠡᠨ ᠪᠣᠯᠬᠤ ᠶᠤᠮᠰᠠᠨ ! ᠭᠡᠭᠦ ᠳᠡᠭᠡᠨ᠂ ᠮᠤᠩᠭ᠋ᠤᠯᠴᠤᠳ ᠮᠠᠨᠢ ᠡᠨᠡᠭᠦ ᠢᠳᠡᠭᠡᠨ ᠶᠢᠡᠨ ᠴᠠᠭᠠᠨ ᠢᠳᠡᠭᠡᠡ ᠭᠡᠮᠡᠨ ᠨᠠᠷᠠᠢ᠌ᠤᠠᠴᠠᠢ᠃
ᠴᠠᠭᠠᠨ ᠢᠳᠡᠭᠡᠡ ᠪᠣᠯ ᠮᠤᠩᠭ᠋ᠤᠯᠴᠤᠳ ᠤᠨ ᠢᠳᠡᠭᠡᠨ ᠤ ᠭᠤᠤᠯ ᠵᠣᠢ᠌ᠯ ᠪᠣᠯᠬᠤ ᠢᠳᠡᠭᠡᠨ ᠪᠤᠯᠤᠨᠡ᠃ ᠮᠤᠩᠭ᠋ᠤᠯᠴᠤᠳ ᠮᠠᠯ ᠤᠨ ᠰᠥ᠋ ᠰᠠᠭᠠᠯᠢ ᠪᠠᠷ ᠣᠯᠠᠨ ᠵᠣᠢ᠌ᠯ ᠤᠨ ᠠᠮᠳᠠᠳᠤ ᠰᠠᠢ᠌ᠬᠠᠨ ᠢᠳᠡᠭᠡᠡ ᠣᠮᠳᠠᠭᠠᠨ ᠭᠢᠳᠡᠭ᠌᠃ ᠬᠤᠨᠢ᠂ ᠢᠮᠠᠭᠠ᠂ ᠦᠨᠢᠶᠠᠨ ᠰᠥ᠋ ᠡᠴᠡ ᠦᠷᠤᠮᠠ᠂ ᠵᠥᠭᠡᠭᠡᠢ᠂ ᠰᠢᠷᠠ ᠳᠤᠰᠤ᠂ ᠴᠥᠴᠦᠭᠡᠢ ᠢᠯᠭᠠᠷᠠᠭᠤᠯᠵᠤ ᠪᠣᠯᠪᠠᠰᠤᠷᠠᠭᠤᠯᠤᠨ ᠠᠪᠴᠤ᠂ ᠢᠳᠠᠰᠢ ᠣᠤᠭᠤᠰᠢ᠂ ᠴᠠᠢ ᠣᠮᠳᠠ ᠪᠠᠨ ᠪᠣᠯᠭᠠᠳᠠᠭ᠃ ᠵᠠᠷᠢᠮ ᠳᠡᠮᠡᠭᠡ ᠡᠯᠪᠠᠭ᠌ ᠭᠠᠵᠠᠷ ᠤᠨ ᠭᠢᠨ ᠳᠡᠮᠡᠭᠡᠨ ᠰᠥ᠋ ᠶᠢ ᠴᠤ ᠡᠳ᠋ᠯᠡᠵᠤ ᠵᠠᠷᠤᠳᠠᠭ᠃ ᠳᠡᠮᠡᠭᠡᠨ ᠰᠥ᠋ ᠪᠠᠷ ᠦᠷᠤᠮᠠ ᠭᠢᠵᠤ ᠰᠢᠷᠠ ᠳᠤᠰᠤ ᠪᠣᠯᠪᠠᠰᠤᠷᠠᠭᠤᠯᠤᠨ ᠭᠠᠷᠭᠠᠵᠤ ᠢᠳᠠᠵᠤ ᠵᠠᠷᠤᠳᠠᠭ᠃
ᠬᠤᠨᠢ᠂ ᠢᠮᠠᠭᠠ᠂ ᠦᠨᠢᠶᠠᠨ ᠰᠥ᠋ ᠶᠢ ᠢᠰᠭᠡᠵᠤ ᠠᠢ᠌ᠷᠠᠭ᠂ ᠳᠠᠷᠠᠭ ᠭᠢᠳᠡᠭ᠌᠃ ᠠᠢ᠌ᠷᠠᠭ ᠢ ᠪᠣᠴᠠᠯᠭᠠᠵᠤ ᠠᠭᠠᠷᠴᠠ ᠪᠠᠯᠡᠦᠡᠭᠡᠨ ᠠᠭᠠᠷᠤᠤᠯ᠂ ᠬᠤᠷᠤᠳ ᠭᠢᠳᠡᠭ᠌᠃ ᠬᠤᠷᠤᠳ ᠢ ᠰᠥ᠋ ᠵᠢᠨ ᠬᠤᠷᠤᠳ ᠪᠠ ᠠᠭᠠᠷᠴᠠᠨ ᠬᠤᠷᠤᠳ ᠭᠡᠵᠤ ᠬᠤᠶᠠᠷ ᠠᠩᠭᠢᠯᠠᠨᠠ᠃ ᠴᠤᠯᠤ ᠰᠥ᠋ ᠪᠡᠷ ᠢᠯᠭᠠᠷᠠᠭᠤᠯᠵᠤ ᠭᠢᠭ᠍ᠰᠡᠨ ᠬᠤᠷᠤᠳ ᠢ ᠰᠥ᠋ ᠵᠢᠨ ᠬᠤᠷᠤᠳ ᠭᠡᠵᠤ ᠂ ᠰᠥ᠋ ᠶᠢ ᠢᠰᠭᠡᠵᠤ ᠠᠢ᠌ᠷᠠᠭ ᠪᠣᠯᠭᠠᠭᠠᠤᠨ ᠂ ᠳᠠᠭᠢᠨ ᠠᠢ᠌ᠷᠠᠭ ᠢ ᠪᠣᠴᠠᠯᠭᠠᠵᠤ ᠠᠭᠠᠷᠴᠠ ᠪᠣᠯᠭᠠᠵᠤ ᠢᠯᠭᠠᠷᠠᠭᠤᠯᠤᠨ ᠭᠢᠭ᠍ᠰᠡᠨ ᠬᠤᠷᠤᠳ ᠢ ᠠᠭᠠᠷᠴᠠᠨ ᠬᠤᠷᠤᠳ ᠭᠡᠳᠡᠭ᠌᠃ ᠰᠥ᠋ ᠵᠢᠨ ᠬᠤᠷᠤᠳ ᠪᠣᠯ ᠠᠮᠳᠠᠯᠢᠭ᠂ ᠠᠭᠠᠷᠴᠠᠨ ᠬᠤᠷᠤᠳ ᠪᠣᠯ ᠭᠦᠴᠢᠯᠯᠢᠭ᠌ ᠬᠤᠷᠤᠳ ᠪᠣᠯᠤᠨᠡ᠃
ᠠᠢ᠌ᠷᠠᠭ ᠢ ᠨᠠᠷᠠᠵᠤ ᠠᠷᠢᠭᠢ ᠢᠯᠭᠠᠷᠠᠭᠤᠯᠤᠨ ᠭᠠᠷᠭᠠᠳᠠᠭ ᠃ ᠪᠠᠰᠠ ᠰᠥ᠋ ᠶᠢ ᠡᠭᠡᠳᠡᠭᠦᠯᠵᠤ ᠡᠭᠡᠳᠡᠮ᠂ ᠪᠢᠰᠢᠯᠠᠭ᠂ ᠡᠭᠡᠵᠡᠭᠡᠢ᠂ ᠱᠥᠭᠦᠮᠡᠯ ᠵᠡᠷᠭᠡ ᠶᠢ ᠭᠢᠳᠡᠭ᠌᠃
ᠠᠢ᠌ᠷᠠᠭ ᠳᠠᠷᠠᠭ ᠢ ᠠᠰ ᠶᠢᠡᠷ ᠨᠢ ᠣᠤᠭᠤᠪᠠᠯ ᠣᠮᠳᠠ ᠳᠡᠵᠢᠭᠡᠯ ᠪᠣᠯᠳᠠᠭ ᠮᠥᠷᠳᠡᠭᠡᠨ ᠬᠤᠤᠷ ᠢ ᠳᠠᠢ᠌ᠯᠤᠨ ᠢᠳᠠᠰᠢ ᠶᠢ ᠳᠡᠭ᠍ᠰᠢᠦᠡᠭᠡᠵᠤ᠂ ᠪᠠᠶᠠ ᠮᠠᠬᠠᠪᠣᠤᠨ ᠢ ᠴᠢᠭᠢᠷᠠᠭᠵᠢᠭᠤᠯᠤᠨ ᠡᠪᠠᠦᠡᠴᠢᠨ ᠡᠮᠭᠡᠭ᠌ ᠢ ᠠᠷᠢᠯᠭᠠᠳᠠᠭ᠃ ᠦᠷᠤᠮᠠ᠂ ᠵᠥᠭᠡᠭᠡᠢ᠂ ᠰᠢᠷᠠ ᠳᠤᠰᠤ᠂ ᠴᠥᠴᠦᠭᠡᠢ᠂ ᠡᠭᠡᠳᠡᠮ᠂ ᠪᠢᠰᠢᠯᠠᠭ᠂ ᠡᠭᠡᠵᠡᠭᠡᠢ᠂ ᠠᠭᠠᠷᠴᠠ᠂ ᠬᠤᠷᠤᠳ᠂ ᠠᠭᠠᠷᠤᠤᠯ᠂ ᠱᠥᠭᠦᠮᠡᠯ ᠵᠡᠷᠭᠡ ᠨᠢ ᠴᠤ ᠦᠯ ᠰᠢᠮᠠ ᠡᠯᠪᠠᠭ᠌ ᠪᠦᠭᠡᠤᠨ ᠳᠤᠰ ᠳᠤᠰ ᠲᠠᠭᠠᠨ ᠦᠪᠠᠷ ᠦᠪᠠᠷ ᠤᠨ ᠣᠢ᠌ᠯᠠᠳᠤᠯ ᠭᠡᠷᠡᠭ᠍ᠴᠡᠭᠡ ᠲᠡᠶ ᠪᠠᠢ᠌ᠳᠠᠭ᠃ ᠡᠭᠦᠨ ᠳᠤ᠂ ᠰᠢᠷᠠ ᠳᠤᠰᠤᠨ ᠤ ᠣᠢ᠌ᠯᠠᠳᠤᠯ ᠭᠡᠷᠡᠭᠯᠡᠭᠡ ᠬᠠᠮᠤᠭ ᠡᠴᠡ ᠶᠡᠭᠡ᠃ ᠰᠢᠷᠠ ᠳᠤᠰᠤ ᠨᠢ ᠢᠳᠠᠵᠤ ᠪᠣᠯᠬᠤ ᠮᠥᠷᠳᠡᠭᠡᠨ ᠡᠮᠨᠡᠯᠭᠡ ᠳᠤᠮᠨᠠᠯᠭᠠ ᠳᠤ ᠴᠤ ᠥᠷᠭᠡᠨ ᠶᠢᠡᠷ ᠭᠡᠷᠡᠭᠯᠡᠭ᠍ᠳᠡᠳᠡᠭ᠌᠃ ᠭᠦᠮᠤᠨ ᠥᠷᠭᠦᠯᠵᠢ ᠰᠢᠷᠠ ᠳᠤᠰᠤ ᠢᠳᠡᠭᠡᠤᠨ ᠪᠠᠢ᠌ᠪᠠᠯ᠂ ᠦᠰᠤ ᠭᠡᠵᠢᠭᠡ ᠰᠢᠮᠠᠵᠢᠵᠤ᠂ ᠵᠢᠰᠤ ᠴᠢᠷᠠᠢ ᠥᠩᠭᠡᠵᠢᠵᠤ᠂ ᠴᠤᠭ ᠵᠢᠯᠢ ᠰᠡᠷᠭᠦᠵᠤ᠂ ᠴᠢᠳᠠᠯ ᠭᠦᠴᠤᠨ ᠨᠡᠮᠡᠭ᠍ᠳᠡᠳᠡᠭ᠌᠃ ᠭᠦᠯᠳᠡᠵᠤ ᠰᠢᠷᠬᠠᠳᠠᠭᠰᠠᠨ ᠪᠣᠶᠤ ᠴᠠᠰᠤ ᠪᠣᠷᠤᠭᠠᠨ ᠳᠤ ᠳᠠᠭᠠᠷᠠᠵᠤ ᠪᠠᠭᠡᠷᠡᠭ᠍ᠰᠡᠨ ᠂ ᠭᠦᠯ ᠭᠠᠷ ᠪᠠᠷᠳᠠᠵᠤ ᠭᠦᠴᠤ ᠳᠠᠮᠢᠷ ᠳᠤᠷᠣᠢ᠌ᠳᠠᠭᠰᠠᠨ ᠭᠦᠮᠤᠨ ᠰᠢᠷᠠ ᠳᠤᠰᠤ ᠣᠤᠭᠤᠬᠤ ᠪᠣᠶᠤ ᠢᠳᠠᠪᠠᠯ ᠂ ᠡᠳᠡᠭᠡᠷᠡᠵᠤ ᠳᠡᠩᠭᠡᠷᠡᠭᠦ ᠨᠢ ᠳᠤᠩ ᠳᠦᠷᠭᠡᠨ ᠪᠠᠢ᠌ᠳᠠᠭ᠃ ᠠᠭᠠᠷᠤᠤᠯ ᠂ ᠱᠥᠭᠦᠮᠡᠯ ᠪᠣᠶᠤ ᠠᠭᠠᠷᠴᠠᠨ ᠬᠤᠷᠤᠳ ᠨᠢ ᠢᠰᠭᠦᠯᠡᠩ ᠭᠦᠴᠢᠯᠯᠢᠭ᠌ ᠪᠠᠢ᠌ᠳᠠᠭ ᠳᠤᠯᠠ᠂ ᠬᠤᠭᠤᠯᠠ ᠪᠣᠳᠠᠭᠠ ᠶᠢ ᠰᠢᠩᠭᠡᠭᠡᠵᠤ ᠬᠤᠳᠤᠭᠠᠳᠤ ᠭᠡᠳᠡᠰᠤ ᠶᠢ ᠴᠢᠭᠢᠷᠠᠭᠵᠢᠭᠤᠯᠬᠤ ᠳᠤ ᠬᠠᠮᠤᠭ ᠡᠴᠡ ᠳᠤᠰᠠᠳᠠᠢ ᠢᠳᠡᠭᠡᠨ ᠪᠣᠯᠬᠤ ᠶᠤᠮ ᠃ ᠭᠦᠮᠤᠨ ᠭᠡᠷᠪᠡ ᠭᠡᠵᠢᠶᠡᠳᠡ ᠠᠭᠠᠷᠤᠤᠯ ᠂ ᠱᠥᠭᠦᠮᠡᠯ ᠪᠣᠶᠤ ᠠᠭᠠᠷᠴᠠᠨ ᠬᠤᠷᠤᠳ ᠢ ᠢᠳᠡᠭᠡᠤᠨ ᠪᠠᠢ᠌ᠪᠠᠯ ᠂ ᠰᠤᠩᠭᠢᠨᠠ ᠂ ᠰᠠᠷᠢᠮᠰᠤᠭ ᠂ ᠵᠶᠠᠡᠭ ᠶᠢᠤ ᠂ ᠽᠤᠤ ᠮᠠᠳᠤ ᠶᠢᠨ ᠬᠤᠭᠤᠯᠠ ᠪᠣᠳᠠᠭᠠ ᠶᠢ ᠰᠢᠩᠭᠡᠭᠡᠵᠤ ᠬᠤᠳᠤᠭᠠᠳᠤ ᠭᠡᠳᠡᠰᠤ ᠶᠢ ᠰᠠᠢ᠌ᠵᠢᠷᠠᠭᠤᠯᠬᠤ ᠳᠤ ᠳᠤᠰᠠᠯᠠᠬᠤ ᠶᠠᠮᠠᠷ ᠴᠤ ᠢᠳᠡᠭᠡᠨ ᠢ ᠢᠳᠡᠭ᠍ᠰᠡᠨ ᠤ ᠭᠡᠷᠡᠭ᠌ ᠶᠠᠷᠤ ᠨᠢ ᠠᠯᠠᠭᠠ ᠶᠤᠮ ︕
ᠭᠡᠭᠦᠤ ᠶᠢᠨ ᠰᠥ᠋ ᠶᠢ ᠢᠰᠭᠡᠵᠤ ᠠᠢ᠌ᠷᠠᠭ ᠴᠡᠭᠡ ᠪᠣᠯᠭᠠᠨ ᠣᠤᠭᠤᠳᠠᠭ᠃ ᠭᠡᠭᠦᠤ ᠶᠢᠨ ᠰᠥ᠋ ᠶᠢ ᠪᠠᠰᠠ ᠳᠦᠭᠦᠭᠡᠢ ᠪᠠᠷ ᠨᠢ ᠰᠢᠭᠤᠳ ᠣᠤᠭᠤᠵᠤ ᠪᠣᠯᠳᠠᠭ᠃ ᠭᠡᠭᠦᠤ ᠶᠢᠨ ᠰᠥ᠋ ᠶᠢᠨ ᠰᠢᠮᠠ ᠳᠡᠵᠢᠭᠡᠯ ᠨᠢ ᠪᠣᠰᠤᠳ ᠠᠯᠢ ᠴᠤ ᠰᠥ᠋ ᠡᠴᠡ ᠪᠠᠨ ᠡᠯᠪᠠᠭ᠌ ᠥᠳᠭᠡᠨ ᠪᠠᠢ᠌ᠳᠠᠭ ᠃ ᠴᠡᠭᠡ ᠨᠢ ᠰᠡᠷᠢᠭᠦᠨ ᠰᠠᠢ᠌ᠬᠠᠨ ᠣᠮᠳᠠᠭᠠᠨ ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠶ ᠰᠢᠮᠠ ᠳᠡᠵᠢᠭᠡᠯ ᠶᠢᠡᠷ ᠡᠯᠪᠠᠭ᠌᠂ ᠰᠢᠠᠵᠢ ᠴᠢᠨᠠᠷ ᠶᠢᠡᠷ ᠰᠠᠢ᠌ᠨ ᠳᠡᠭᠡᠳᠤ ᠵᠡᠷᠭᠡ ᠶᠢᠨ ᠢᠳᠡᠭᠡᠨ ( ᠣᠮᠳᠠᠭᠠᠨ ) ᠪᠣᠯᠬᠤ ᠶᠤᠮ ᠃ ᠴᠡᠭᠡ ᠨᠢ ᠡᠯᠳᠡᠪ ᠵᠣᠢ᠌ᠯ ᠤᠨ ᠣᠵᠢᠭ ( ᠵᠠᠰᠠᠬᠤ ᠳᠤ ᠭᠦᠴᠢᠷ ᠳᠦᠪᠠᠭ᠍ᠳᠡᠢ ) ᠡᠪᠠᠦᠡᠴᠢᠨ ᠢ ᠵᠠᠰᠠᠳᠠᠭ ᠃ ᠣᠴᠠᠭᠠᠢ᠌ᠯᠠᠨ ᠵᠢᠷᠦᠭᠡ᠂ ᠴᠢᠰᠤᠨ ᠤ ᠡᠪᠠᠦᠡᠴᠢᠨ ᠪᠣᠶᠤ ᠠᠭᠤᠰᠭᠢ᠂ ᠬᠤᠳᠤᠭᠠᠳᠤ ᠭᠡᠳᠡᠰᠤᠨ ᠤ ᠡᠪᠠᠦᠡᠴᠢᠨ᠂ ᠬᠠᠨᠢᠶᠠᠳᠤ᠂ ᠰᠢᠷᠠ ᠣᠰᠤᠨ ᠤ ᠡᠪᠠᠦᠡᠴᠢᠨ ᠂ ᠭᠦᠯ ᠨᠢᠷᠤᠭᠤᠨ ᠤ ᠡᠪᠠᠦᠡᠴᠢᠨ ᠵᠡᠷᠭᠡ ᠶᠢ ᠵᠠᠰᠠᠬᠤ ᠳᠤ ᠰᠠᠢ᠌ᠨ ᠃ ᠬᠤᠤᠷ ᠳᠠᠢ᠌ᠯᠠᠬᠤ ᠂ ᠬᠤᠭᠰᠢᠵᠤ ᠪᠣᠭᠰᠢᠭᠰᠠᠨ ᠡᠪᠠᠦᠡᠴᠢᠨ ᠢ ᠵᠠᠰᠠᠬᠤ ᠳᠤ ᠣᠠᠴᠠ ᠳᠤᠭᠢᠷᠠᠮᠵᠢᠳᠠᠢ᠂ ᠭᠦᠶᠦᠯᠭᠡ ( ᠵᠠᠰᠠᠯᠭᠠ ) ᠰᠠᠢ᠌ᠳᠠᠢ᠂ ᠣᠢ᠌ᠯᠠᠳᠤᠯ ᠶᠢᠡᠷ ᠳᠣᠢ᠌ᠯ ᠤᠨ ᠳᠦᠷᠭᠡᠨ ᠪᠠᠢ᠌ᠳᠠᠭ᠃ ᠳᠡᠭᠡᠭᠦ ᠳᠡᠭᠡᠨ ᠮᠤᠩᠭ᠋ᠤᠯ ᠡᠮᠨᠡᠯᠭᠡ ᠳᠤ ᠭᠡᠵᠢᠶᠡᠳᠡ ᠪᠠᠨ ᠴᠡᠭᠡ ᠶᠢ ᠭᠦᠴᠢᠷ ᠳᠦᠪᠠᠭ᠍ᠳᠡᠢ ᠡᠪᠠᠦᠡᠴᠢᠨ ᠢ ᠵᠠᠰᠠᠬᠤ ᠭᠤᠤᠯ ᠭᠠᠷ ᠠᠪᠣᠯᠭᠠ ᠪᠣᠯᠭᠠᠳᠠᠭ ᠪᠦᠭᠡᠤᠨ ᠢᠳᠡᠭᠡᠨ ᠵᠠᠰᠠᠯᠭᠠ ᠭᠢᠨᠡ ᠭᠡᠵᠤ ᠣᠳᠠᠭᠠᠨ ᠵᠢᠯ ᠡᠮ ᠣᠤᠭᠤᠭᠰᠠᠨ ᠭᠦᠮᠤᠨ ᠪᠣᠶᠤ ᠡᠮᠨᠡᠯᠭᠡ ᠵᠠᠰᠠᠯᠭᠠ ᠳᠠᠮᠠᠢ ᠠᠪᠬᠤ ᠦᠭᠡᠶ ᠪᠣᠯᠤᠭᠰᠠᠨ ᠡᠪᠠᠦᠡᠴᠢᠳᠡᠨ ᠳᠤ ᠴᠡᠭᠡ ᠣᠤᠭᠤᠯᠭᠠᠵᠤ ᠴᠢᠡᠭᠭᠠ ᠨᠢᠮᠪᠠᠢ ᠰᠤᠪᠢᠯᠭᠠ ᠰᠤᠷᠢᠯᠭᠠ ( ᠵᠠᠰᠠᠯᠭᠠ) ᠭᠢᠳᠡᠭ᠌ ᠪᠠᠢ᠌ᠭᠠ ᠪᠢᠯᠠ︕
ᠮᠠᠯ ᠤᠨ ᠰᠥ᠋ ᠵᠢᠨ ᠠᠰᠢᠭ ᠰᠢᠮᠠ ᠠᠷᠪᠢᠨ ᠳᠤᠯᠠ ᠮᠤᠩᠭ᠋ᠤᠯᠴᠤᠳ ᠰᠥ᠋ ᠶᠢ ᠳᠣᠢ᠌ᠯ ᠶᠢᠡᠷ ᠡᠷᠭᠢᠮᠯᠡᠨ ᠳᠡᠭᠡᠳᠦᠯᠡᠳᠡᠭ᠌᠃ ᠳᠡᠭᠡᠳᠤ ᠳᠡᠭ᠍ᠷᠢ ᠪᠣᠶᠤ ᠭᠠᠵᠠᠷ ᠯᠤᠤᠰ ᠢ ᠳᠡᠭᠡᠳᠦᠯᠡᠨ ᠭᠦᠡᠳᠦᠦᠡᠭᠡᠵᠤ ᠢᠳᠡᠭᠡᠨ ᠤ ᠳᠡᠭᠡᠳᠤ ᠊᠊᠊᠊᠊᠊ ᠰᠥ᠋ ᠰᠠᠭᠠᠯᠢ ᠪᠣᠶᠤ ᠠᠭᠠᠷᠴᠠ ᠬᠤᠷᠤᠳ ᠶᠢᠡᠨ ᠡᠷᠭᠦᠳᠡᠭ᠌᠃ ᠳᠡᠯᠭᠡᠷ ᠦᠯᠵᠠᠢ᠌ᠳᠤ ᠠᠵᠢᠯᠯᠠᠭᠠ ᠣᠢ᠌ᠯᠠ ᠶᠢ ᠡᠷᠭᠢᠯᠡᠨ ᠶᠠᠪᠣᠭᠳᠠᠭᠤᠯᠬᠤ ᠳᠠᠭᠠᠨ᠂ ᠳᠠᠮᠪᠠᠷᠢ ᠪᠠᠯᠭᠡ ᠶᠢ ᠪᠣᠳᠤᠵᠤ ᠮᠦᠠᠴᠤ ᠢᠳᠡᠭᠡᠨ ᠤ ᠳᠡᠭᠡᠳᠤ ᠊᠊᠊᠊᠊᠊ ᠰᠥ᠋ ᠰᠠᠭᠠᠯᠢ ᠂ ᠠᠭᠠᠷᠴᠠ ᠬᠤᠷᠤᠳ ᠶᠢᠡᠨ ᠡᠷᠭᠦᠵᠤ ᠪᠠᠷᠢᠵᠤ᠂ ᠳᠡᠭᠡᠳᠦᠯᠡᠵᠤ ᠰᠠᠴᠤᠳᠠᠭ᠃
ᠮᠤᠩᠭ᠋ᠤᠯᠴᠤᠳ ᠰᠥ᠋ ᠰᠠᠭᠠᠯᠢ ᠶᠢ ᠳᠤᠷᠠ ᠪᠠᠷ ( ᠭᠠᠵᠠᠷ ) ᠠᠰᠬᠠᠵᠤ ᠴᠢᠤᠠᠬᠤᠬᠤ ᠶᠢ ᠣᠠᠴᠠ ᠴᠡᠭᠡᠷᠯᠡᠳᠡᠭ᠌᠃ ᠪᠠᠰᠠ ᠰᠥ᠋ ᠳᠤ ᠬᠤᠷᠤᠭᠤ ᠳᠦᠷᠦᠭᠦ᠂ ᠣᠰᠤ ᠭᠢᠭᠦ᠂ ᠪᠣᠵᠠᠷ ᠪᠣᠷᠳᠠᠭ ᠶᠠᠭᠤᠮᠠ ᠳᠤᠰᠬᠠᠬᠤ᠂ ᠴᠠᠭᠠᠨ ᠢᠳᠡᠭᠡᠨ ᠤ ᠵᠣᠢ᠌ᠯᠠᠰ ᠢ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠶ ᠭᠡᠭᠡᠵᠤ ᠬᠠᠶᠠᠬᠤ ᠵᠡᠷᠭᠡ ᠶᠢ ᠡᠷᠡᠰ ᠴᠡᠭᠡᠷᠯᠡᠳᠡᠭ᠌᠃
ᠮᠤᠩᠭ᠋ᠤᠯᠴᠤᠳ ᠰᠥ᠋ ᠰᠠᠭᠠᠯᠢ ᠶᠢ ᠭᠠᠵᠠᠷ ᠠᠰᠬᠠᠵᠤ ᠴᠢᠤᠠᠬᠤᠬᠤ᠂ ᠰᠥ᠋ ᠳᠤ ᠬᠤᠷᠤᠭᠤ ᠳᠦᠷᠦᠭᠦ ᠂ ᠣᠰᠤ ᠭᠢᠭᠦ᠂ ᠴᠠᠭᠠᠨ ᠢᠳᠡᠭᠡᠨ ᠤ ᠵᠣᠢ᠌ᠯᠠᠰ ᠢ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠶ ᠭᠡᠭᠡᠵᠤ ᠬᠠᠶᠠᠬᠤ ᠵᠡᠷᠭᠡ ᠶᠢ ᠪᠠᠯᠭᠡ ᠳᠠᠮᠪᠠᠷᠠᠯ ᠦᠭᠡᠶ᠂ ᠮᠠᠭᠤ ᠶᠤᠷᠸᠠ ᠲᠡᠶ ᠠᠵᠢᠯᠯᠠᠭᠠ ᠭᠢᠳᠠᠯ ᠭᠡᠵᠤ ᠥᠵᠡᠳᠡᠭ᠌᠃《 ᠪᠣᠶᠠᠨ ᠶᠢᠡᠨ ᠪᠠᠷᠠᠨᠠ ᠂ ᠪᠠᠢ᠌ᠳᠠᠭ ᠶᠢᠡᠨ ᠭᠦᠮᠦᠷᠡᠨᠡ ᠂ ᠪᠠᠢ᠌ᠭᠰᠠᠨ ᠶᠢᠡᠨ ᠬᠤᠭᠤᠰᠤᠯᠠᠨᠠ 》 ᠂ 《 ᠪᠣᠷᠬᠠᠨ ᠳᠡᠭ᠍ᠷᠢ ᠪᠣᠷᠤᠭᠤ ᠪᠠᠷ ᠬᠠᠷᠠᠨᠠ ᠂ ᠡᠳ᠋ ᠤᠨ ᠭᠡᠰᠢᠭ᠌ ᠳᠤᠠᠳᠠᠷᠠᠨᠠ ᠂ ᠡᠳ᠋ᠯᠡᠵᠤ ᠭᠡᠷᠡᠭᠯᠡᠭᠦ ( ᠶᠠᠭᠤᠮᠠ ) ᠨᠢᠮᠭᠡᠷᠡᠨᠡ》 ᠭᠡᠵᠤ ᠴᠤ ᠥᠵᠡᠳᠡᠭ᠌ ᠃ ᠡᠨᠡ ᠨᠢ 《ᠴᠠᠭᠠᠨ ᠢᠳᠡᠭᠡ ᠪᠣᠯ ᠢᠳᠡᠭᠡᠨ ᠤ ᠳᠡᠭᠡᠳᠤ ᠶᠤᠮ᠂ ᠢᠳᠡᠭᠡᠨ ᠤ ᠳᠡᠭᠡᠳᠤ ᠴᠠᠭᠠᠨ ᠢᠳᠡᠭᠡ ᠪᠠᠨ ᠡᠷᠭᠢᠮᠨᠡᠵᠤ ᠨᠠᠠᠳᠢᠩᠨᠠᠵᠤ ᠶᠠᠪᠣ》ᠭᠡᠰᠡᠨ ᠨᠢᠭᠡᠨ ᠶᠤᠰᠤᠨ ᠤ ᠰᠤᠷᠭᠠᠯ ᠪᠣᠯᠬᠤ ᠶᠤᠮ ︕
ᠴᠠᠭᠠᠨ ᠢᠳᠡᠬᠡᠨ ᠪᠣᠯ ᠢᠳᠠᠵᠤ ᠣᠤᠭᠤᠬᠤ ᠳᠤ ᠪᠠᠯᠠᠨ ᠳᠦᠭᠦᠮ ᠢᠳᠡᠭᠡᠨ ᠪᠣᠯᠬᠤ ᠪᠦᠭᠡᠤᠨ ᠬᠠᠳᠠᠭᠠᠯᠠᠵᠤ ᠬᠤᠷᠢᠶᠠᠬᠤ᠂ ᠠᠪᠴᠤ ᠶᠠᠪᠣᠵᠤ ᠰᠠᠭᠤᠬᠤ ᠳᠤ ᠴᠤ ᠳᠦᠭᠦᠮ ᠭᠢᠯᠪᠠᠷ ᠢᠳᠡᠭᠡᠨ ᠪᠤᠯᠤᠨᠡ︕ ᠭᠡᠳᠤᠨ ᠰᠠᠷᠠ᠂ ᠬᠠᠭᠠᠰ ᠵᠢᠯ ᠶᠢᠡᠷ ᠬᠠᠳᠠᠭᠠᠯᠠᠵᠤ ᠬᠤᠷᠢᠶᠠᠬᠤ ᠳᠤ᠂ ᠶᠠᠷᠤᠨᠢ ᠭᠡᠮᠳᠡᠵᠤ ᠡᠪᠳᠡᠷᠡᠳᠡᠭ ᠦᠭᠡᠶ᠃
ᠮᠤᠩᠭ᠋ᠤᠯᠴᠤᠳ ᠰᠥ᠋ ᠰᠠᠭᠠᠯᠢ ᠰᠠᠪᠠᠯᠠᠬᠤ ᠰᠠᠪᠠ ᠰᠠᠭᠤᠯᠭᠠ᠂ ᠭᠡᠷᠡᠭ᠍ᠰᠡᠯ ᠤᠨ ᠠᠷᠢᠭᠤᠨ ᠴᠠᠪᠠᠷ ᠪᠠᠢ᠌ᠬᠤ ᠶᠢ ᠣᠠᠴᠠ ᠠᠩᠬᠠᠷᠳᠠᠭ᠃ ᠪᠣᠵᠠᠷ ᠪᠣᠷᠳᠠᠭ ᠪᠣᠶᠤ ᠪᠣᠰᠤᠳ ᠤᠨ ᠭᠡᠷᠡᠭᠯᠡᠵᠤ ᠥᠩᠭᠡᠷᠡᠭ᠍ᠰᠡᠨ ᠰᠠᠪᠠ ᠭᠡᠷᠡᠭ᠍ᠰᠡᠯ ᠳᠤ ᠰᠥ᠋ ᠰᠠᠭᠠᠯᠢ ᠪᠠᠨ ᠰᠠᠪᠠᠯᠠᠳᠠᠭ ᠦᠭᠡᠶ᠃ ᠰᠥ᠋ ᠰᠠᠭᠠᠯᠢ ᠰᠠᠪᠠᠯᠠᠬᠤ ᠰᠠᠪᠠ ᠭᠡᠷᠡᠭ᠍ᠰᠡᠯ ᠤᠨ ᠳᠦᠷᠤᠯ ᠵᠣᠢ᠌ᠯ ᠂ ᠶᠠᠰᠤ ᠴᠢᠨᠠᠷ ᠢ ᠴᠤ ᠣᠠᠴᠠᠯᠠᠨ ᠠᠩᠬᠠᠷᠳᠠᠭ᠃ ᠣᠯᠠᠩᠭᠢ ᠳᠠᠭᠠᠨ ᠮᠤᠳᠤᠨ ᠰᠠᠪᠠ ᠰᠠᠭᠤᠯᠭᠠ ᠳᠤ ᠰᠥ᠋ ᠰᠠᠭᠠᠵᠤ᠂ ᠰᠠᠪᠠᠯᠠᠵᠤ ᠬᠠᠳᠠᠭᠠᠯᠠᠳᠠᠭ᠃ ᠮᠤᠳᠤᠨ ᠰᠠᠪᠠ ᠰᠠᠭᠤᠯᠭᠠ ᠨᠢ ᠴᠤᠯᠤ ᠪᠠᠢ᠌ᠭᠠᠯᠢᠯᠢᠬ ᠭᠢᠴᠠ ᠪᠦᠳᠦᠴᠡ ᠲᠡᠶ ᠪᠦᠭᠡᠤᠨ ᠪᠦᠭᠡᠯᠢᠭ᠌᠂ ᠰᠥ᠋ ᠰᠠᠭᠠᠯᠢ ᠰᠠᠪᠠᠯᠠᠭᠠᠤᠨ ᠳᠠᠯᠪᠢᠴᠢᠬᠠᠬᠤ ᠳᠤ᠂ ᠳᠠᠢ᠌ᠮᠤ ᠠᠮᠠᠷᠬᠠᠨ ᠢᠰᠴᠤ ᠬᠤᠪᠢᠯᠠᠳᠠᠭ ᠦᠭᠡᠶ᠃ ᠪᠣᠯᠪᠠᠰᠤᠷᠠᠭᠤᠯᠵᠤ ᠢᠳᠡᠭᠡᠰᠢᠭᠦᠯᠵᠤ ᠭᠠᠷᠭᠠᠭᠰᠠᠨ ᠠᠭᠠᠷᠴᠠ᠂ ᠬᠤᠷᠤᠳ᠂ ᠠᠭᠠᠷᠤᠤᠯ᠂ ᠪᠢᠰᠢᠯᠠᠭ ᠳᠡᠷᠢᠭᠦᠳᠡᠨ ᠶᠢᠡᠨ ᠴᠤ ᠠᠡᠭᠬᠠ ᠡᠭᠢᠯᠡᠨ ᠬᠠᠳᠠᠭᠠᠵᠤ ᠥᠪᠦᠷᠰᠢᠭᠦᠯᠭᠦ ᠳᠡᠭᠡᠨ᠂ ᠴᠤᠯᠤ ᠮᠤᠳᠤᠨ ᠭᠢᠴᠠ ᠲᠡᠶ ᠬᠠᠪᠳᠠᠰᠤ ᠪᠣᠶᠤ ᠢᠯᠳᠠᠰᠤᠨ ᠳᠡᠭᠡᠷᠡ ᠳᠡᠯᠭᠡᠵᠤ ᠬᠠᠳᠠᠭᠠᠵᠤ ᠬᠠᠭᠰᠠᠭᠠᠳᠠᠭ ᠃ ᠬᠠᠳᠠᠭᠠᠵᠤ ᠬᠠᠭᠰᠠᠭᠠᠵᠤ ᠭᠠᠷᠭᠠᠭᠰᠠᠨ ( ᠴᠠᠭᠠᠨ ᠢᠳᠡᠭᠡᠨ ᠊ᠤ ) ᠵᠣᠢ᠌ᠯᠠᠰ ᠶᠢᠡᠨ ᠴᠤ ᠴᠠᠪᠠᠷ ᠳᠤᠭᠢᠯᠠᠭ ᠪᠦᠰ ᠣᠭᠤᠳᠠ ( ᠰᠠᠪᠠ ) ᠪᠣᠶᠤ ᠠᠷᠠᠰᠤᠨ ᠳᠤᠯᠤᠮ ᠵᠢᠴᠢ ᠴᠢᠭᠢᠭ᠌ ᠨᠣᠢ᠌ᠳᠠᠨ ᠳᠤ ᠳᠠᠰᠪᠣᠷᠢ ᠳᠠᠭᠠᠭᠠᠴᠠᠳᠠᠢ ᠮᠤᠳᠤᠨ ᠰᠠᠪᠠ ᠭᠡᠷᠡᠭ᠍ᠰᠡᠯ ᠳᠤ ᠬᠤᠷᠢᠶᠠᠵᠤ ᠬᠠᠳᠠᠭᠠᠯᠠᠵᠤ ᠳᠠᠯᠪᠢᠳᠠᠭ᠃ ᠣᠳᠤ ᠶᠢᠨ ᠠᠳᠠᠯᠢ ᠰᠦᠯᠢᠶᠤᠤ ᠰᠠᠪᠠ ( ᠣᠭᠤᠳᠠ ) ᠳᠤ ᠰᠠᠪᠠᠯᠠᠵᠤ ᠬᠠᠳᠠᠭᠠᠯᠠᠬᠤ ᠪᠣᠶᠤ ᠴᠠᠭᠠᠰᠤᠨ ᠣᠭᠤᠳᠠᠨ ᠳᠤ ᠰᠠᠪᠠᠯᠠᠵᠤ ᠪᠠᠭᠯᠠᠵᠤ ᠬᠠᠳᠠᠭᠠᠯᠠᠳᠠᠭ ᠦᠭᠡᠶ᠃ ᠣᠴᠢᠷ ᠨᠢ ᠂ ᠰᠦᠯᠢᠶᠤᠤ ᠰᠠᠪᠠ (ᠣᠭᠤᠳᠠ) ᠳᠤ ᠰᠠᠪᠠᠯᠠᠵᠤ ᠬᠠᠳᠠᠭᠠᠯᠠᠬᠤ ᠪᠣᠶᠤ ᠴᠠᠭᠠᠰᠤᠨ ᠣᠭᠤᠳᠠ ᠳᠤ ᠭᠢᠵᠤ ᠴᠠᠭᠠᠰᠤᠨ ᠳᠤ ᠪᠠᠭᠯᠠᠵᠤ ᠰᠠᠪᠠᠯᠠᠵᠤ ᠬᠠᠳᠠᠭᠠᠯᠠᠬᠤ ᠨᠢ ᠠᠷᠢᠭᠤᠨ ᠴᠠᠪᠠᠷ ᠪᠣᠰᠤ᠂ ᠭᠦᠮᠤᠨ ᠤ ᠡᠷᠡᠭᠦᠯ ᠮᠠᠠᠳᠤ ᠳᠤ ᠠᠰᠢᠭ ᠦᠭᠡᠶ᠂ ᠰᠠᠪᠠᠯᠠᠵᠤ ᠭᠢᠭ᠍ᠰᠡᠨ ᠴᠠᠭᠠᠨ ᠢᠳᠡᠭᠡᠡ ᠣᠷᠳᠤ ᠬᠤᠭᠤᠴᠠᠭᠠ ᠬᠠᠳᠠᠭᠠᠯᠠᠭᠳᠠᠵᠤ ᠳᠡᠢ᠌ᠯᠭᠦ ᠦᠭᠡᠶ᠂ ᠭᠢᠯᠪᠠᠷᠬᠠᠨ ᠢᠰᠴᠤ ᠬᠤᠪᠢᠯᠠᠵᠤ ᠢᠯᠵᠢᠷᠠᠵᠤ ᠡᠪᠳᠡᠷᠡᠵᠤ ᠴᠢᠨᠠᠷ ᠬᠤᠪᠢᠷᠠᠳᠠᠭ᠃ ᠡᠭᠦᠨ ᠢ ᠮᠠᠨ ᠤ ᠮᠤᠩᠭ᠋ᠤᠯᠴᠤᠳ ᠠᠯᠢ ᠡᠷᠳᠡ ᠡᠴᠡ ᠮᠡᠳᠡᠳᠡᠭ᠌ ᠁
ᠢᠳᠡᠭᠡᠨ ᠤ ᠳᠡᠭᠡᠳᠤ ᠊᠊᠊᠊᠊᠊᠊᠊᠊᠊᠊᠊ ᠴᠠᠭᠠᠨ ᠢᠳᠡᠭᠡ ᠪᠠᠨ ᠪᠢᠳᠠ ᠡᠷᠭᠢᠮᠨᠡᠵᠤ ᠨᠠᠠᠳᠢᠩᠨᠠᠵᠤ ᠶᠠᠪᠣᠵᠠᠭᠠᠶᠠ ︕ ᠢᠳᠡᠭᠡᠰᠢᠭᠦᠯᠵᠤ ᠪᠣᠯᠪᠠᠰᠤᠷᠠᠭᠤᠯᠵᠤ ᠰᠤᠷᠴᠠᠭᠠᠶᠠ︕ ᠡᠳ᠋ᠯᠡᠵᠤ ᠭᠡᠷᠡᠭᠯᠡᠵᠤ ᠵᠠᠷᠤᠵᠠᠭᠠᠶᠠ ︕ ᠡᠯᠪᠠᠭ᠍ᠵᠢᠭᠦᠯᠵᠤ ᠪᠠᠶᠠᠯᠢᠭᠵᠢᠭᠤᠯᠵᠤ ᠶᠠᠪᠣᠵᠠᠭᠠᠶᠠ ︕
ᠵᠤᠭᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠬᠦᠬᠡᠬᠤᠳᠡ ᠶᠢᠨ ᠭᠢᠩᠭ᠋ᠠᠨ ᠵᠠᠮ ᠤᠨ ᠦᠠᠳᠤᠰᠤᠳᠠᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠭᠦᠷᠵᠠᠪ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠵᠠᠩ ᠤᠢ᠌ᠯᠠᠳᠠᠷᠤᠮ᠄ 9674
ᠴᠠᠭ᠄ 2011 ᠤᠨ ᠤ 04 ᠰᠠᠷᠠ ᠶᠢᠨ 17
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ