☆ ᠳ᠋ᠦ᠋ᠩ ᠴᠢᠩ
ᠭᠦᠮᠤᠨ ᠮᠦᠰᠤ (ᠵᠥᠴᠦᠭᠡ)
ᠴᠠᠭ᠄ ᠣᠳᠤ ᠴᠠᠭ
ᠭᠠᠵᠠᠷ ᠣᠷᠤᠨ᠄ ᠨᠢᠭᠡᠨ ᠰᠤᠮᠤ ᠶᠢᠨ ᠬᠠᠤᠯᠢ ᠶᠢᠨ ᠳᠢᠩᠭᠢᠮ ᠳᠤ᠃
ᠭᠦᠮᠦᠰ᠄ ᠮᠸᠳᠡᠭ᠌ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠢᠷᠠᠨ ᠭᠡᠳᠤᠨ ᠨᠠᠰᠤᠳᠠᠢ᠂ ᠡᠮᠡᠭ᠍ᠳᠡᠢ᠂ ᠳᠠᠷᠢᠶᠠᠴᠢᠨ ᠭᠠᠷᠤᠯ ᠲᠡᠶ᠃
ᠭᠦᠷᠵᠡᠪ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠤᠴᠢ ᠭᠠᠷᠤᠢ ᠨᠠᠰᠤᠳᠠᠢ᠂ ᠡᠷᠡᠭ᠍ᠳᠡᠢ᠂ ᠬᠠᠤᠯᠢ ᠶᠢᠨ ᠳᠢᠩᠭᠢᠮ ᠤᠨ ᠳᠠᠷᠤᠭᠠ᠃
ᠦᠨᠡᠠᠴᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠷᠢᠨ ᠭᠡᠳᠤ ᠲᠡᠶ᠂ ᠡᠷᠡᠭ᠍ᠳᠡᠢ᠂ ᠬᠠᠤᠯᠢ ᠶᠢᠨ ᠳᠢᠩᠭᠢᠮ ᠤᠨ ᠠᠵᠢᠯᠳᠠᠨ᠃
ᠵᠢᠡᠵᠢᠭ᠍ᠮᠡ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠤᠴᠢᠨ ᠭᠡᠳᠤ ᠲᠡᠶ᠂ ᠡᠮᠡᠭ᠍ᠳᠡᠢ᠂ ᠳᠠᠷᠢᠶᠠᠴᠢᠨ ᠭᠠᠷᠤᠯ ᠲᠡᠶ᠃
ᠪᠠᠰᠠ ᠮᠸᠳᠡᠭ᠌ ᠤᠨ ᠡᠪᠦᠭᠡᠨ᠂ ᠵᠢᠡᠵᠢᠭ᠍ᠮᠡ ᠶᠢᠨ ᠡᠷᠡ ᠨᠥᠭᠦᠷ ᠵᠡᠷᠭᠡ ᠭᠦᠮᠦᠰ ᠪᠠᠢ᠌ᠯᠴᠠᠨᠠ᠃
ᠳᠠᠢ᠌ᠰᠠᠨ ᠵᠠᠰᠠᠯ᠄ ᠳᠠᠢ᠌ᠰᠠᠨ ᠤ ᠵᠡᠭᠦᠨ ᠳᠠᠯᠠ ᠪᠠᠷ 《ᠬᠠᠤᠯᠢ ᠶᠢᠨ ᠳᠢᠩᠭᠢᠮ》 ᠭᠡᠰᠡᠨ ᠥᠰᠦᠭ᠌ ᠲᠡᠶ ᠫᠠᠢ᠌ᠰᠠ ᠡᠯᠭᠦᠭ᠍ᠰᠡᠨ ᠡᠭᠦᠳᠡ ᠬᠠᠷᠠᠭᠳᠠᠵᠤ᠂ ᠳᠤᠳᠤᠷᠠ ᠳᠠᠯᠠ ᠳ᠋ᠤᠨᠢ ᠡᠰᠡᠷᠭᠦᠯᠡᠵᠤ ᠳᠠᠯᠪᠢᠭᠰᠠᠨ ᠬᠤᠶᠠᠷ ᠠᠯᠪᠠᠨ ᠰᠢᠷᠡᠭᠡ ᠪᠠ ᠰᠠᠠᠳᠠᠯᠢ ᠪᠣᠢ᠃ ᠪᠠᠷᠠᠭᠤᠨ ᠲ᠋ᠠᠯᠠ ᠪᠠᠷ ᠨᠢ ᠭᠤᠷᠪᠠᠨ ᠭᠦᠮᠤᠨ ᠤ ᠱᠠᠹᠠ ᠵᠢᠴᠢ ᠴᠠᠢ ᠶᠢᠨ ᠰᠢᠷᠡᠭᠡ ᠳᠠᠯᠪᠢᠭᠳᠠᠵᠤ᠂ ᠴᠠᠢ ᠶᠢᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠨᠢ ᠨᠠᠩᠬᠤ᠂ ᠴᠤᠮᠤ ᠵᠡᠷᠭᠡ ᠳᠠᠯᠪᠢᠭᠠᠰᠤᠳᠠᠢ᠃ ᠬᠣᠢ᠌ᠳᠤ ᠬᠠᠶᠠᠭᠠᠨ ᠳᠡᠭᠡᠷᠡ ᠨᠢ 《ᠠᠷᠢᠭᠤᠨ ᠴᠢᠭᠡᠴᠢ᠂ ᠲᠦᠪ ᠴᠢᠭᠢᠮᠠᠢ》 ᠭᠡᠰᠡᠨ ᠥᠰᠦᠭ᠌ ᠲᠡᠶ ᠰᠢᠯ ᠤᠨ ᠵᠢᠶᠠᠰᠠ ᠡᠯᠭᠦᠵᠤ ᠪᠣᠢ᠃
（ᠭᠦᠰᠢᠭᠡ ᠨᠡᠭᠡᠭᠡᠭ᠍ᠳᠡᠭᠦ ᠳᠤ᠂ ᠳᠢᠩᠭᠢᠮ ᠤᠨ ᠳᠠᠷᠤᠭᠠ ᠭᠦᠷᠵᠡᠪ ᠰᠠᠷᠪᠠᠭᠠᠷ ᠮᠠᠯᠠᠭᠠᠢ ᠪᠠᠷ ᠨᠢᠭᠤᠷ ᠶᠢᠡᠨ ᠬᠠᠯᠬᠠᠯᠠᠴᠢᠬᠠᠭᠰᠠᠨ ᠬᠠᠮᠠᠷ ᠳᠠᠳᠠᠨ ᠣᠠᠳᠠᠨᠠ）
ᠮᠸᠳᠡᠭ᠌᠄ （ᠮᠠᠢ᠌ᠵᠢᠭᠴᠢᠨ ᠠᠯᠬᠤᠯᠠᠭᠰᠠᠭᠠᠷ ᠳᠠᠢ᠌ᠰᠠᠨ ᠳᠤ ᠭᠠᠷᠴᠤ） ᠶᠤᠬᠤ᠂ ᠶᠤᠬᠤ︕ ᠥᠳᠡᠯᠭᠦ ᠳᠤ ᠠᠳᠠᠯᠢ ᠮᠠᠭᠤᠬᠠᠢ ᠶᠠᠭᠤᠮᠠ ᠶᠢᠷᠳᠢᠠᠴᠤ ᠳᠤ ᠥᠭᠡᠷᠡ ᠪᠠᠢ᠌ᠬᠤ ᠦᠭᠡᠶ᠂ ᠡᠨᠡᠭᠡᠨ ᠬᠤᠭᠤᠷᠤᠠᠳᠤ ᠠᠯᠬᠤᠭᠰᠠᠨ ᠴᠢᠨᠢ ᠠᠮᠢᠰᠬᠤᠯ ᠭᠦᠷᠳᠡᠯᠡ ᠳᠡᠭᠡᠷᠡᠳᠡᠴᠢᠭᠡᠯᠡ᠃ （ᠡᠭᠦᠳᠡᠨ ᠤ ᠳᠡᠷᠭᠡᠳᠡ ᠭᠦᠷᠴᠤ ᠫᠠᠢ᠌ᠰᠠᠨ ᠳᠡᠭᠡᠷᠡᠭᠢ ᠥᠰᠦᠭ᠌ ᠢ ᠨᠢᠳᠤ ᠰᠢᠭᠢᠯᠭᠡᠨ ᠰᠢᠷᠳᠠᠵᠤ ᠭᠡᠰᠡᠭ᠌ ᠵᠤᠭᠰᠤᠰᠭᠢᠭᠰᠠᠨ ᠶᠢᠡᠨ ᠳᠤᠳᠤᠭᠰᠢ ᠣᠷᠤᠨᠠ᠂ ᠨᠠᠰᠤᠳᠠᠨ ᠱᠠᠹᠠ ᠳᠡᠭᠡᠷᠡᠭᠢ ᠬᠠᠮᠠᠷ ᠳᠠᠳᠠᠨ ᠣᠠᠳᠠᠭᠠ ᠭᠦᠮᠤᠨ ᠢ ᠭᠡᠨᠡᠳᠲᠡ ᠣᠯᠵᠤ ᠬᠠᠷᠠᠭᠰᠠᠨ ᠶᠢᠡᠨ ᠶᠠᠭᠠᠭᠢᠬᠤ ᠪᠠᠨ ᠣᠯᠵᠤ ᠶᠠᠳᠠᠨ ᠭᠡᠰᠡᠭ᠌ ᠳᠠᠳᠠᠭᠠᠯᠵᠠᠨ ᠵᠤᠭᠰᠤᠭᠠᠤᠨ） ᠡᠩ ᠊᠊᠊᠊᠊᠊᠊᠊᠊᠊᠊᠊᠊᠊᠊ （ᠬᠤᠭᠤᠯᠠᠢ ᠵᠠᠰᠠᠨᠠ）
ᠭᠦᠷᠵᠡᠪ᠄ ᠬᠤᠷ᠂ ᠬᠤᠷ ᠁ （ᠬᠠᠮᠠᠷ ᠳᠠᠳᠠᠨᠠ）
ᠮᠸᠳᠡᠭ᠌᠄ ᠡᠩ ᠊᠊᠊᠊᠊᠊᠊᠊᠊᠊᠊᠊᠊᠊᠊ （ᠬᠤᠭᠤᠯᠠᠢ ᠪᠠᠨ ᠣᠯᠠᠮ ᠢᠳᠠ ᠲᠡᠶ ᠵᠠᠰᠠᠨᠠ）
ᠭᠦᠷᠵᠡᠪ᠄ （ᠦᠷᠪᠦᠩᠭᠢᠨ ᠭᠦᠶᠤᠨ ᠪᠣᠰᠬᠤ ᠳᠠᠭᠠᠨ ᠮᠠᠯᠠᠭᠠᠢ ᠪᠠᠨ ᠭᠦᠰᠡᠷ ᠣᠨᠠᠭᠠᠵᠤ᠂ ᠰᠠᠠᠳᠤᠷᠤᠤᠬᠠᠨ ᠳᠡᠭᠦᠵᠤ ᠠᠪᠤᠨ᠂ ᠨᠣᠢ᠌ᠷᠮᠤᠭ ᠪᠠᠢ᠌ᠳᠠᠯ ᠲᠡᠶ ᠡᠪᠰᠢᠶᠡᠯᠭᠡᠭ᠍ᠰᠡᠭᠡᠷ ᠰᠠᠠᠳᠠᠯᠢ ᠳᠡᠭᠡᠷᠡ ᠪᠠᠨ ᠣᠴᠢᠵᠤ ᠰᠠᠭᠤᠨ᠂ ᠬᠠᠷᠮᠠᠨ ᠡᠴᠡ ᠪᠠᠨ ᠶᠠᠩᠵᠤᠤᠷ ᠳᠠᠮᠠᠭᠢ ᠭᠠᠷᠭᠠᠨ ᠨᠤᠴᠤᠭᠠᠵᠤ᠂ ᠣᠳᠤᠭᠠ ᠶᠢ ᠨᠢ ᠥᠯᠢᠶᠡᠭᠦ ᠳᠠᠭᠠᠤ） ᠶᠠᠮᠠᠷ ᠣᠴᠢᠷ ᠲᠡᠶ ᠪᠣᠢ︖ （ᠣᠴᠠᠭᠠᠷᠳᠠᠩᠭ᠋ᠤᠢ ᠪᠠᠷ）
ᠮᠸᠳᠡᠭ᠌᠄ （ᠣᠷᠤᠭᠰᠢ ᠪᠠᠨ ᠭᠡᠳᠤᠨ ᠠᠯᠬᠤᠮ ᠳᠦᠭᠦᠵᠤ） ᠳᠠ ᠁ ᠳᠠ ᠴᠢᠨᠢ ᠁ ᠦᠨᠦ ᠳᠢᠩᠭᠢᠮ ᠤᠨ ᠳᠠᠷᠤᠭᠠ ᠭᠦᠷᠵᠡᠪ ᠮᠦᠨ ᠦᠦ︖ （ᠳᠤᠷᠴᠤ ᠳᠡᠭᠡᠭᠯᠡᠭ᠍ᠰᠡᠭᠡᠷ）
ᠭᠦᠷᠵᠡᠪ ᠄ ᠡᠩ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭ ᠪᠢ ᠮᠦᠨ᠂ ᠣᠴᠢᠷ ᠲᠡᠶ ᠦᠦ︖ ᠣᠴᠢᠷ ᠲᠡᠶ ᠪᠣᠯ ᠳᠦᠷᠭᠡᠨ ᠭᠡᠯᠡ︕ ᠪᠢ ᠪᠠᠰᠠ ᠶᠠᠭᠠᠷᠠᠤ ᠪᠠᠢ᠌ᠨᠠ᠃
ᠮᠧᠳᠡᠭ᠄ ᠡᠡᠱᠢᠭᠦᠢ᠂ ᠰᠠᠢ᠌ᠨ ᠪᠣᠯᠤᠯᠠ᠂ ᠦᠨᠦ ᠮᠠᠭᠤ ᠭᠡᠦᠭᠡᠨ ᠵᠢᠡᠵᠢᠭ᠍ᠮᠡ ᠵᠤᠭᠤᠰ ᠶᠢᠡᠨ ᠨᠡᠭᠡᠭᠦ ᠪᠠᠷ ᠣᠷᠤᠬᠤ ᠳᠤ ᠮᠠᠨᠢ ᠭᠦᠭ᠍ᠰᠢᠨ ᠮᠢᠨᠤ ᠳᠤᠯᠤᠭᠠᠢ ᠳᠡᠭᠡᠷᠡ ᠨᠢᠯᠪᠣᠵᠤ᠂ ᠬᠠᠴᠠᠷ ᠢ ᠨᠢᠭᠡ ᠠᠯᠠᠭᠠᠳᠠᠭᠠᠤᠨ ᠳᠠᠪᠠ ᠨᠢ ᠪᠠᠰᠠᠴᠤ ᠬᠠᠨᠤᠭᠰᠠᠨ ᠥᠭᠡᠢ 《ᠭᠦᠭ᠍ᠰᠢᠨ ᠵᠥᠨᠦᠭ᠌ ᠴᠢ ᠵᠠᠭᠠᠯᠳᠤᠬᠤ ᠭᠡᠤᠨ ᠬᠠᠤᠯᠠᠢ ᠶᠢᠨ ᠳᠢᠩᠭᠢᠮ ᠤᠨ ᠡᠭᠦᠳᠡ ᠬᠠᠮᠢᠭᠠᠰᠢ ᠪᠠᠨ ᠬᠠᠠᠳᠤᠵᠤ ᠪᠠᠢ᠌ᠭᠠ ᠶᠢ ᠮᠡᠳᠡᠭᠦ ᠶᠤᠮ ᠦᠦ︖》 ᠭᠡᠵᠤ ᠳᠤᠷᠤᠮᠵᠢᠯᠠᠭᠰᠠᠨ᠂ ᠦᠨᠦᠳᠤᠷ ᠪᠢ ᠶᠠᠭᠤ ᠭᠡᠰᠡᠨ ᠴᠤ ᠳᠠᠨ ᠲᠡᠶ ᠣᠯᠤᠭᠠᠤᠨ ᠵᠤᠯᠭᠠᠴᠢᠬᠠᠯᠠ （ᠪᠠᠶᠠᠷᠳᠠᠢ ᠭᠡᠭ᠍ᠴᠢ ᠪᠠᠷ）
ᠭᠦᠷᠵᠡᠪ᠄ ᠣᠴᠢᠷ ᠶᠢᠡᠨ ᠬᠤᠷᠳᠤᠨ ᠭᠡᠯᠡᠴᠢᠭᠡ︕ ᠬᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊ （ᠡᠪᠰᠢᠶᠡᠯᠭᠡᠨᠡ）
ᠮᠸᠳᠡᠭ᠌᠄ ᠪᠦᠭᠡᠷᠡ ᠡ᠂ ᠡᠵᠢ ᠨᠢ ᠨᠢᠭᠡ ᠭᠦᠮᠤᠨ ᠢ ᠵᠠᠭᠠᠯᠳᠤᠶᠠ ᠭᠡᠰᠡᠨ ᠶᠤᠮ ᠃ （ᠵᠤᠪᠠᠭᠰᠠᠨ ᠶᠠᠩᠵᠤ ᠲᠡᠶ）
ᠭᠦᠷᠵᠡᠪ᠄ ᠳᠠᠨᠤᠰ ᠡᠳᠦᠷᠵᠢᠨ ᠵᠠᠭᠠᠯᠳᠤᠯᠭᠠ᠂ ᠵᠠᠭᠠᠯᠳᠤᠯᠭᠠ ᠭᠡᠤᠨ᠂ ᠵᠠᠭᠠᠯᠳᠤᠯᠭᠠ ᠭᠢᠭᠦ ᠦᠭᠡᠶ ᠪᠣᠯ ᠠᠮᠢᠳᠤᠷᠠᠵᠤ ᠳᠡᠢ᠌ᠯᠭᠦ ᠦᠭᠡᠶ ᠶᠤᠮ ᠦᠦ︖ ᠪᠠᠰᠠ ᠭᠡᠨ ᠶᠢᠡᠨ ᠵᠠᠭᠠᠯᠳᠤᠬᠤ ᠭᠡᠤᠨ ᠁ （ᠭᠡᠭ᠍ᠵᠢᠭᠦᠨ ᠶᠢᠡᠷ）
ᠮᠸᠳᠡᠭ᠌᠄ ᠦᠨᠦ ᠳᠠᠷᠠ ᠮᠠᠨ ᠤ ᠵᠡᠷᠭᠡᠯᠳᠡᠭᠡ ᠭᠡᠷ ᠤᠨ ᠵᠢᠡᠵᠢᠭ᠍ᠮᠡ ᠶᠢ ᠰᠢᠳᠠ᠃
ᠭᠦᠷᠵᠡᠪ᠄ （ᠭᠠᠢ᠌ᠬᠠᠨ ᠰᠤᠴᠢᠭᠰᠠᠨ ᠶᠠᠩᠵᠤ ᠲᠡᠶ） ᠬᠠᠮᠢᠭᠠᠭᠢ ᠵᠢᠡᠵᠢᠭ᠍ᠮᠡ ᠭᠡᠨᠡ︖
ᠮᠸᠳᠡᠭ᠌᠄ ᠮᠠᠨ ᠤ ᠠᠢ᠌ᠯ ᠤᠨ ᠵᠢᠡᠵᠢᠭ᠍ᠮᠡ᠃
ᠭᠦᠷᠵᠡᠪ᠄ （ᠠᠭᠤᠷᠯᠠᠵᠤ） ᠮᠠᠨ ᠤ ᠠᠢ᠌ᠯ᠂ ᠮᠠᠨ ᠤ ᠠᠢ᠌ᠯ ᠯᠠ ᠭᠡᠭᠦ ᠶᠤᠮ᠂ ᠲ᠋ᠠᠨ ᠤ ᠠᠢ᠌ᠯ ᠴᠢᠨᠢ ᠨᠠᠷᠠ ᠦᠭᠡᠶ ᠶᠤᠮ ᠦᠦ︖
ᠮᠸᠳᠡᠭ᠌᠄ （ᠮᠠᠩᠨᠠᠢ ᠪᠠᠨ ᠭᠦᠩᠭᠡᠭᠡᠨ ᠠᠯᠠᠭᠠᠳᠠᠭᠠᠤᠨ） ᠶᠣ᠊᠂ ᠡᠵᠢ ᠨᠢ ᠦᠨᠦ ᠳᠡᠷᠭᠡᠨ ᠤ ᠣᠴᠢᠷ ᠲᠤ ᠵᠤᠪᠠᠭᠰᠠᠭᠠᠷ ᠪᠠᠢ᠌ᠭᠠᠤᠨ ᠳᠠᠷᠢᠭᠢ ᠳᠤᠯᠤᠭᠠᠢ ᠣᠯᠠᠮ ᠮᠤᠨᠤᠴᠢᠬᠠᠵᠠᠢ᠃ ᠠᠢ᠌ᠯ ᠤᠨ ᠶᠢᠡᠨ ᠨᠠᠷᠠ ᠶᠢ ᠴᠤ ᠭᠡᠯᠡᠵᠤ ᠦᠭᠭᠦ ᠪᠠᠨ ᠮᠠᠷᠳᠠᠴᠢᠬᠠᠯᠠ᠃ ᠡᠵᠢ ᠨᠢ ᠬᠠᠯᠢᠭᠤᠳᠤ ᠶᠢᠨ ᠭᠢ ᠰᠢᠤ᠃ ᠵᠢᠡᠵᠢᠭ᠍ᠮᠡ ᠭᠡᠳᠡᠭ᠌ ᠴᠢᠨᠢ ᠬᠠᠷᠠ ᠳᠤᠭᠤᠭᠠ ᠶᠢᠨ ᠡᠭᠡᠨᠡᠷ ᠢ ᠭᠡᠯᠡᠳᠡᠭ᠌᠃
ᠭᠦᠷᠵᠡᠪ᠄ ᠳᠠᠷᠠ ᠳᠠᠨ ᠢ ᠶᠠᠭᠠᠭᠢᠭᠰᠠᠨ ᠪᠣᠢ︖
ᠮᠸᠳᠡᠭ᠌᠄ ᠳᠠᠳᠠᠨ ᠤ ᠭᠢ ᠣᠷᠵᠢᠨᠤᠨ ᠬᠠᠪᠣᠷ ᠪᠢᠳᠠᠨ ᠤ ᠴᠤᠷ ᠤᠨ ᠭᠠᠭᠴᠠ ᠭᠦᠷᠦᠩᠭᠡ ᠬᠤᠭᠰᠢᠯ ᠪᠣᠯᠵᠤ ᠪᠠᠢ᠌ᠭᠰᠠᠨ ᠳᠦᠷᠪᠡᠨ ᠭᠦᠷᠳᠦᠳᠤ ᠳᠷᠠᠺᠲ᠋ᠤᠷ ᠢ ᠨᠠᠮᠤᠷ ᠪᠣᠴᠠᠭᠠᠨᠠ ᠭᠡᠵᠤ ᠳᠦᠷᠪᠡᠨ ᠮᠢᠩᠭ᠋ᠠᠨ ᠳᠦᠭᠦᠷᠢᠭ᠌ ᠶᠢᠡᠷ ᠱᠡᠭᠡᠯᠡᠵᠤ ᠠᠪᠠᠴᠢᠭᠠᠤᠨ ᠣᠳᠤ ᠪᠣᠯᠳᠠᠯᠠ ᠰᠤᠬᠤᠷ ᠵᠤᠭᠤᠰ ᠴᠤ ᠦᠭᠭᠦᠭᠡᠳᠦᠢ ᠮᠥᠷᠳᠡᠭᠡᠨ ᠨᠢᠭᠡᠮᠦᠰᠤᠨ ᠦᠭᠭᠦ ᠦᠭᠡᠶ ᠯᠠᠢ ᠭᠡᠨᠡ᠃ ᠬᠠᠮᠢᠭᠠ ᠣᠴᠢᠵᠤ ᠵᠠᠭᠠᠯᠳᠤᠪᠠᠯ ᠵᠠᠭᠠᠯᠳᠤ ᠭᠡᠨᠡ᠃ ᠡᠨᠡ ᠴᠢᠨᠢ ᠶᠠᠮᠠᠷ ᠥᠭᠡ ᠪᠣᠢ︖ ᠡᠪᠦᠭᠡᠨ ᠮᠢᠨᠢ ᠳᠠᠷᠢᠭᠢᠨ ᠳᠤ ᠴᠢᠰᠤ ᠬᠠᠷᠪᠣᠬᠤ ᠡᠪᠠᠦᠡᠴᠢᠨ ᠳᠤ ᠨᠡᠷᠪᠠᠭ᠍ᠳᠡᠭᠡᠤᠨ ᠦᠨᠦ ᠥᠵᠡᠭᠦᠯᠭᠦ ᠵᠤᠭᠤᠰ ᠦᠭᠡᠶ᠂ ᠥᠭᠦᠭᠦ ᠪᠠᠨ ᠭᠦᠯᠢᠶᠡᠭᠡᠤᠨ ᠬᠠᠠᠵᠤᠨ ᠳᠡᠭᠡᠷᠡ ᠪᠠᠨ ᠶᠤᠤᠯᠠᠨ ᠭᠡᠪᠳᠡᠵᠤ ᠪᠠᠢ᠌ᠨᠠ᠃ （ᠨᠢᠯᠪᠣᠰᠤ ᠪᠠᠨ ᠵᠥᠯᠭᠦᠨᠡ）
ᠦᠨᠡᠠᠴᠢ᠄ （ᠠᠵᠢᠯ ᠤᠨ ᠬᠤᠪᠴᠠᠰᠤ ᠪᠠᠨ ᠳᠠᠷᠢ ᠳᠡᠭ᠍ᠰᠢᠭᠡᠨ ᠡᠮᠦᠰᠴᠢᠭᠡᠭ᠍ᠰᠡᠨ ᠳᠢᠩᠭᠢᠮ ᠳᠤ ᠣᠷᠤᠵᠤ ᠢᠷᠠᠨ ᠳᠠᠷᠤᠭᠠ ᠲᠡᠶ ᠪᠠᠨ ᠮᠠᠠᠳᠤᠴᠢᠯᠠᠵᠤ᠂ ᠣᠷᠤᠨ ᠳᠠᠭᠠᠨ ᠣᠴᠢᠵᠤ ᠰᠠᠭᠤᠭᠰᠠᠨ ᠶᠢᠡᠨ） ᠳᠠᠷᠤᠭᠠ ᠡ᠂ ᠡᠨᠡ ᠨᠠᠰᠤᠳᠠᠨ ᠶᠠᠭᠤᠨ ᠳᠤ ᠣᠭᠢᠯᠠᠵᠤ ᠪᠠᠢ᠌ᠭᠠ ᠶᠤᠮ︖ （ᠦᠷᠦ ᠡᠪᠠᠳᠦᠩᠭᠡᠨ）
ᠭᠦᠷᠵᠡᠪ᠄ ᠬᠠᠢ︕ ᠳᠷᠠᠺᠲ᠋ᠤᠷ ᠶᠢᠡᠨ ᠪᠣᠰᠤᠳ ᠲᠤ ᠱᠡᠭᠡᠯᠡᠭᠡ ᠪᠠᠷ ᠦᠭᠭᠦᠭᠡᠤᠨ ᠭᠤᠷᠪᠠᠨ ᠵᠢᠯ ᠪᠣᠯᠳᠠᠯᠠ ᠵᠤᠭᠤᠰ ᠢ ᠨᠢ ᠣᠯᠤᠭᠠ ᠦᠭᠡᠶ ᠭᠡᠨᠡ᠃
ᠦᠨᠡᠠᠴᠢ᠄ （ᠠᠭᠤᠷᠯᠠᠨ） ᠶᠠᠮᠠᠷ ᠶᠤᠰᠤ ᠭᠡᠯᠡᠭᠦ ᠦᠭᠡᠶ ᠠᠮᠢᠳᠠᠨ ᠨᠢ ᠢᠩᠭᠢᠵᠤ ᠠᠭᠠᠰᠢᠯᠠᠵᠤ ᠪᠠᠢ᠌ᠭᠠ ᠶᠤᠮ︖ ᠨᠠᠰᠤᠳᠠᠨ ᠳᠠ ᠳᠡᠷᠭᠡ ᠪᠠᠨ ᠦᠭᠭᠦ ᠳᠡᠭᠡᠨ ᠭᠡᠷᠡᠴᠢ ᠪᠢᠴᠢᠭᠦᠯᠵᠤ ᠠᠪᠣᠭᠰᠠᠨ ᠦᠦ︖
ᠮᠸᠳᠡᠭ᠌᠄ ᠭᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠡᠷᠡᠭᠡ ᠵᠢᠷᠤᠭᠠ ᠦᠭᠡᠶ ᠶᠠᠪᠣᠯᠴᠠᠳᠠᠭ ᠣᠯᠤᠰ ᠶᠤᠮ ᠴᠢᠨᠢ ᠬᠠᠮᠢᠭᠠ ᠦᠭᠡᠶ ᠪᠠᠢ᠌ᠯᠭᠦᠢ ᠭᠡᠤᠨ ᠵᠥᠭᠡᠷ ᠯᠠ ᠳᠡᠭᠡᠭᠡᠤᠨ ᠦᠭᠭᠦᠭᠡᠤᠨ ᠶᠠᠪᠣᠭᠤᠯᠴᠢᠬᠠᠭᠰᠠᠨ᠂ ᠭᠡᠳᠡᠯᠡ ᠣᠳᠤ ᠨᠤᠬᠠᠢ ᠪᠠᠨ ᠢᠳᠡᠭᠡᠭᠡᠤᠨ ᠬᠠᠠᠵᠤᠨ ᠳᠡᠭᠡᠷᠡ ᠪᠠᠨ ᠪᠠᠭᠠᠭᠰᠠᠨ ᠭᠡᠷᠡᠭ᠌ ᠭᠠᠷᠴᠢᠬᠠᠵᠠᠢ᠃
ᠦᠨᠡᠠᠴᠢ᠄ （ᠪᠠᠴᠢᠮᠳᠠᠩᠬᠠᠨ） ᠭᠡᠷᠡᠴᠢ ᠪᠠᠢ᠌ᠬᠤ ᠳᠤ ᠭᠦᠷᠪᠠᠯ ᠵᠤᠭᠤᠰ ᠶᠢᠡᠨ ᠠᠪᠬᠤ ᠳᠤ ᠳᠦᠭᠦᠮ ᠪᠢᠰᠢᠤ︖ ᠣᠳᠤ ᠶᠠᠭᠠᠭᠢᠳᠠᠭ ᠪᠢᠯᠠ︖ ᠶᠠᠳᠠᠵᠤ ᠡᠨᠡ ᠣᠴᠢᠷ ᠢ ᠴᠢᠨᠢ ᠥᠵᠡᠭ᠍ᠰᠡᠨ ᠬᠠᠷᠠᠭᠰᠠᠨ ᠭᠦᠮᠤᠨ ᠴᠤ ᠦᠭᠡᠶ ᠦᠦ︖
ᠮᠸᠳᠡᠭ᠌᠄ ᠥᠵᠡᠭ᠍ᠰᠡᠨ ᠭᠦᠮᠤᠨ ᠦᠦ︖ ᠪᠠᠢ᠌ᠨᠠ᠂ ᠪᠠᠢ᠌ᠨᠠ᠃ ᠡᠪᠦᠭᠡᠨ ᠤ ᠨᠠᠢ᠌ᠵᠠ ᠨᠢ ᠳᠦᠭᠦᠷᠡᠩ ᠳᠠᠷᠠ ᠡᠳᠦᠷ ᠶᠠᠭ ᠮᠠᠨ ᠤ ᠳᠤ ᠣᠴᠢᠭᠠᠤᠨ ᠠᠷᠢᠭᠢᠳᠠᠵᠤ ᠪᠠᠢ᠌ᠵᠠᠢ᠃
ᠭᠦᠷᠵᠡᠪ᠄ ᠳᠡᠭᠡᠪᠠᠯ ᠳᠠ ᠣᠷᠢᠳᠠᠪᠠᠷ ᠬᠠᠷᠢᠵᠤ ᠪᠠᠢ᠌ᠭᠠᠷᠠᠢ︕ ᠳᠠᠷᠠᠭᠠ ᠪᠠᠷ ᠴᠢᠮᠡᠭᠡ ᠦᠭᠭᠦᠶᠡ᠃
ᠮᠸᠳᠡᠭ᠌᠄ ᠳᠡᠭᠡᠶᠡ᠂ ᠭᠡᠦᠭᠡ ᠡ᠃ ᠳᠠᠨ ᠢ ᠵᠤᠪᠠᠭᠠᠯᠠ ᠳ᠋ᠠ᠃ （ᠪᠠᠭᠤᠨᠠ）
ᠦᠨᠡᠠᠴᠢ᠄ （ᠳᠠᠷᠤᠭᠠ ᠥᠭᠡᠳᠡ ᠪᠠᠨ ᠬᠠᠠᠳᠤᠵᠤ） ᠳᠠ ᠡᠨᠡ ᠭᠡᠷᠡᠭ᠌ ᠢ ᠶᠠᠭᠠᠭᠢᠵᠤ ᠰᠢ᠌ᠦᠡᠪᠦᠷᠢᠯᠡᠭᠦ ᠭᠡᠵᠤ ᠪᠠᠢ᠌ᠭᠠ ᠪᠣᠢ︖ （ᠵᠥᠪᠳᠡᠭᠦ ᠮᠠᠶᠢᠭ ᠶᠢᠡᠷ）
ᠭᠦᠷᠵᠡᠪ᠄ ᠡᠨᠡ ᠭᠦᠭ᠍ᠰᠢᠨ ᠴᠢᠨᠢ ᠭᠡᠷᠡᠴᠢ ᠪᠠᠷᠢᠮᠳᠠ ᠴᠤ ᠦᠭᠡᠶ ᠳᠡᠭᠡᠷᠡ ᠪᠠᠨ ᠰᠥᠢᠦᠡᠭᠡᠯ ᠮᠥᠢᠦᠡᠭᠡᠯ ᠶᠢᠡᠨ ᠴᠤ ᠳᠤᠰᠢᠶᠠᠵᠤ ᠳᠡᠢ᠌ᠯᠭᠦ ᠦᠭᠡᠶ᠃ ᠳᠠᠷᠠ ᠭᠡᠨ ᠤ ᠭᠢᠨᠢ ᠨᠠᠭᠠᠴᠤ ᠡᠮᠡᠭᠡ ᠪᠣᠯᠴᠢᠬᠠᠭᠰᠠᠨ ᠪᠣᠢ︖ ᠪᠣᠯᠢᠭᠰᠠᠨ ᠳᠡᠭᠡᠷᠡ᠃
ᠦᠨᠡᠠᠴᠢ᠄ ᠭᠦ ᠳᠠᠷᠤᠭᠠ ᠡ᠂ ᠳᠠᠨ ᠤ ᠡᠨᠡ ᠴᠢᠨᠢ ᠳᠠᠭᠠᠷᠠᠬᠤ ᠦᠭᠡᠶ ᠰᠢᠤ᠂ ᠠᠷᠠᠤᠨ ᠲᠦᠮᠡᠨ ᠤ ᠠᠰᠢᠭ ᠳᠤᠰᠠ ᠶᠢ ᠬᠠᠮᠠᠭᠠᠯᠠᠬᠤ ᠪᠣᠯ ᠴᠢ ᠪᠢᠳᠠᠨ ᠤ ᠲᠦᠯᠬᠢᠵᠤ ᠪᠣᠯᠤᠰᠢ ᠦᠭᠡᠶ ᠳᠠᠷᠬᠠᠨ ᠬᠠᠷᠢᠭᠤᠴᠠᠯᠭᠠ ᠮᠦᠨ᠃ ᠭᠤᠤᠯᠴᠢ ᠪᠣᠰᠤ ᠣᠢ᠌ᠯᠠ ᠶᠠᠪᠣᠳᠠᠯ ᠢ ᠨᠢᠳᠤ ᠪᠠᠨ ᠪᠦᠯᠳᠡᠢ᠌ᠳᠡᠯᠡ ᠬᠠᠷᠠᠵᠤ ᠪᠠᠢ᠌ᠭᠠᠤᠨ ᠬᠠᠮᠢᠶᠠᠷᠬᠤ ᠦᠭᠡᠶ ᠪᠣᠯ ᠢᠳᠡᠭᠡᠵᠤ ᠪᠢᠰᠢᠷᠡᠭ᠍ᠰᠡᠨ ᠠᠷᠠᠤᠨ ᠲᠦᠮᠡᠨ ᠳᠡᠭᠡᠨ ᠣᠰᠤᠯᠳᠠᠨᠠ᠃
ᠰᠥᠢᠦᠡᠭᠡᠯ ᠳᠤᠰᠢᠶᠠᠵᠤ ᠳᠡᠢ᠌ᠯᠭᠦ ᠦᠭᠡᠶ ᠰᠢᠯᠳᠠᠭ ᠶᠢᠡᠷ ᠭᠡᠷᠡᠭ᠌ ᠢ ᠦᠯᠦ ᠬᠠᠢ᠌ᠬᠤᠷᠬᠤ ᠭᠡᠳᠡᠭ᠌ ᠴᠢᠨᠢ ᠶᠤᠰᠤᠨ ᠳᠤ ᠨᠡᠢ᠌ᠴᠡᠭᠦ ᠦᠭᠡᠶ ᠶᠠᠪᠣᠳᠠᠯ᠂ ᠴᠢᠨᠤ ᠭᠡᠯᠡᠭᠦ ᠪᠠᠷ ᠵᠤᠭᠤᠰ ᠦᠭᠡᠶ ᠭᠦᠮᠤᠨ ᠨᠢ ᠡᠭᠦᠷᠢᠳᠡ ᠪᠣᠰᠤᠳ ᠲᠤ ᠳᠤᠷᠤᠮᠵᠢᠯᠠᠭᠳᠠᠨᠠ ᠭᠡᠰᠡᠨ ᠥᠭᠡ ᠦᠦ︖ ᠭᠡᠷᠡᠴᠢ ᠭᠡᠭᠦ ᠳᠤ ᠥᠵᠡᠭ᠍ᠰᠡᠨ ᠭᠦᠮᠤᠨ ᠪᠠᠢ᠌ᠭᠠ ᠪᠢᠰᠢᠤ︖ （ᠠᠭᠤᠷᠳᠠᠢ᠌ᠬᠠᠨ ᠶᠢᠡᠷ）
ᠭᠦᠷᠵᠡᠪ᠄ ᠴᠢᠨᠤ ᠡᠨᠡ ᠴᠢᠨᠢ ᠶᠠᠭᠠᠭᠢᠵᠤ ᠠᠭᠠᠰᠢᠯᠠᠵᠤ ᠪᠠᠢ᠌ᠬᠤ ᠪᠣᠢ︖ ᠣᠳᠤᠷᠢᠳᠤᠯᠭᠠ ᠶᠢᠨ ᠶᠢᠡᠨ ᠥᠭᠡᠳᠡ ᠡᠴᠡ ᠢᠩᠭᠢᠵᠤ ᠨᠢᠳᠤ ᠡᠷᠡᠢ᠌ᠭᠦ ᠭᠡᠳᠡᠭ᠌ ᠴᠢᠨᠢ᠃ ᠴᠢ ᠭᠡᠳᠥᠢᠪᠠᠷ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠡᠭᠦᠰᠦᠭ᠍ᠰᠡᠨ ᠦᠨᠡᠮᠯᠠᠯ ᠲᠡᠶ ᠭᠡᠳᠡᠭ᠌ ᠪᠣᠯᠪᠠᠴᠤ ᠮᠢᠨᠤ ᠡᠷᠭᠡᠨ ᠳᠤᠤᠷᠠ ᠠᠵᠢᠯᠯᠠᠵᠤ ᠪᠠᠢ᠌ᠨᠠ ᠭᠡᠳᠡᠭ᠌ ᠶᠢᠡᠨ ᠪᠢᠳᠡᠭᠡᠢ ᠮᠠᠷᠳᠠ︕ ᠪᠢ ᠴᠢᠮᠢ᠋ᠢ ᠵᠠᠷᠤᠨᠠ ᠭᠡᠪᠠᠯ ᠵᠠᠷᠤᠨᠠ᠂ ᠵᠠᠷᠤᠬᠤ ᠦᠭᠡᠶ ᠭᠡᠪᠠᠯ ᠪᠦᠭ᠍ᠰᠡ ᠶᠢ ᠴᠢᠨᠢ ᠨᠢᠭᠡᠯᠡ ᠠᠯᠠᠭᠠᠳᠠᠭᠠᠤᠨ ᠥᠭᠡᠷᠡ ᠭᠠᠵᠠᠷ ᠶᠠᠪᠣᠭᠤᠯᠴᠢᠬᠠᠨᠠ᠃
ᠦᠨᠡᠠᠴᠢ᠄ ᠥᠭᠡᠷᠡ ᠭᠠᠵᠠᠷ ᠶᠠᠪᠣᠳᠠᠭ ᠡᠴᠡ ᠠᠶᠤᠳᠠᠭ ᠭᠦᠮᠤᠨ ᠪᠢ ᠪᠢᠰᠢ᠂ ᠭᠡᠳᠡᠯᠡ ᠴᠢ ᠡᠨᠡ ᠨᠠᠰᠤᠳᠠᠨ ᠤ ᠣᠴᠢᠷ ᠢ ᠬᠠᠮᠢᠶᠠᠷᠬᠤ ᠦᠭᠡᠶ ᠪᠠᠢ᠌ᠵᠤ ᠪᠣᠯᠬᠤ ᠦᠭᠡᠶ᠃
ᠭᠦᠷᠵᠡᠪ᠄ ᠬᠠᠮᠢᠶᠠᠷᠬᠤ ᠦᠭᠡᠶ ᠪᠣᠯ ᠶᠠᠭᠠᠭᠢᠳᠠᠭ ᠶᠤᠮ︖
ᠦᠨᠡᠠᠴᠢ᠄ ᠴᠢ ᠬᠠᠮᠢᠶᠠᠷᠬᠤ ᠦᠭᠡᠶ ᠴᠤ ᠪᠢ ᠡᠨᠡ ᠭᠡᠷᠡᠭ᠌ ᠢ ᠯᠠᠪ ᠰᠢ᠌ᠤᠠᠪᠣᠷᠢᠯᠠᠨᠠ᠃
（ᠠᠭᠤᠷᠳᠠᠢ ᠭᠠᠷᠴᠤ ᠶᠠᠪᠣᠨᠠ）
ᠭᠦᠷᠵᠡᠪ᠄ ᠴᠢ ᠁ （ᠭᠢᠯᠢᠩᠳᠠᠢ ᠬᠤᠴᠤᠷᠤᠨᠠ）
ᠵᠢᠡᠵᠢᠭ᠍ᠮᠡ᠄ （ᠵᠢᠠᠵᠠᠢ᠌ᠵᠤ ᠵᠠᠠᠵᠠᠢ᠌ᠳᠠᠯᠠ ᠵᠠᠰᠠᠴᠢᠬᠠᠭᠰᠠᠨ ᠳᠠᠢ᠌ᠰᠠᠨ ᠳᠤ ᠭᠠᠷᠴᠤ） ᠳᠤᠭ᠂ ᠳᠤᠭ᠂ ᠳᠤᠭ ᠁ （ᠡᠭᠦᠳᠡ ᠳᠤᠭᠰᠢᠨᠠ）
ᠭᠦᠷᠵᠡᠪ᠄ ᠣᠷᠤᠵᠤ ᠢᠷᠠ︕ （ᠠᠭᠤᠷᠳᠠᠢ᠌ᠬᠠᠨ）
ᠵᠢᠡᠵᠢᠭ᠍ᠮᠡ᠄ ᠶᠣ᠊᠂ ᠮᠢᠨᠤ ᠬᠦ᠊ ᠠᠬᠠ ᠶᠢ ᠭᠡᠨ ᠠᠭᠤᠷᠯᠠᠭᠤᠯᠴᠢᠬᠠᠭᠰᠠᠨ ᠪᠣᠢ︖ ᠠᠬᠠ ᠳᠠᠨ ᠢ ᠪᠠᠨ ᠡᠨᠡ ᠰᠠᠨᠠᠭᠰᠠᠨ ᠭᠡᠵᠢ ᠡ᠃ （ᠮᠤᠰᠭᠢᠯᠳᠤᠨ ᠢᠨᠢᠶᠡᠭ᠍ᠰᠡᠭᠡᠷ ᠱᠠᠹᠠ ᠳᠡᠭᠡᠷᠡ ᠣᠴᠢᠵᠤ ᠰᠠᠭᠤᠨᠠ）
ᠭᠦᠷᠵᠡᠪ᠄ （ᠴᠢᠷᠠᠢ ᠪᠠᠨ ᠳᠡᠭ᠍ᠰᠢᠯᠡᠵᠤ） ᠳᠤᠭᠤᠭᠠ ᠳᠠᠨ ᠤ ᠬᠤᠶᠠᠷ ᠰᠢᠭᠡᠰᠤᠨ ᠭᠡᠷᠡᠭ᠌ ᠶᠢᠡᠨ ᠪᠠᠷᠠᠭᠠᠳᠤᠢ ᠪᠠᠷ ᠪᠠᠰᠠ ᠪᠠᠭᠠᠰᠤᠨ ᠭᠡᠷᠡᠭ᠌ ᠳᠠᠳᠠᠴᠢᠬᠠᠯᠠ᠃ ᠪᠣᠰᠤᠳ ᠤᠨ ᠮᠤᠳᠤ ᠶᠢ ᠬᠤᠯᠠᠭᠠᠢ᠌ᠯᠠᠵᠤ ᠬᠤᠳᠠᠯᠳᠤᠭᠰᠠᠨ ᠣᠴᠢᠷ ᠢ ᠴᠢᠨᠢ ᠳᠦᠩᠭᠡᠵᠢ ᠨᠢᠭᠡ ᠳᠠᠷᠤᠵᠤ ᠳᠠᠯᠪᠢᠭᠰᠠᠨ ᠪᠠᠢ᠌ᠬᠤ ᠳᠤ ᠣᠳᠤ ᠪᠠᠰᠠ᠁ ᠡᠨᠡ ᠣᠳᠠᠭᠠ ᠳᠠᠷᠠ ᠪᠠᠭᠠ ᠡᠪᠦᠭᠡ ᠴᠢᠨᠢ ᠭᠡᠷᠡᠭ᠌ ᠢ ᠵᠠᠪᠠᠯ ᠪᠠᠢ᠌ᠴᠠᠭᠠᠨᠠ ᠭᠡᠤᠨ ᠨᠠᠮᠢ᠋ᠢ ᠰᠠᠠᠳᠤᠷᠭᠠᠵᠤ ᠪᠠᠢ᠌ᠨᠠ᠃ ᠨᠠᠭᠠᠴᠤ ᠡᠮᠡᠭᠡ ᠳᠠᠭᠤᠳᠠᠶᠠ ᠳᠠᠨ ᠢ᠂ ᠳᠡᠷᠭᠡᠨ ᠵᠤᠭᠤᠰ ᠶᠢ ᠨᠢ ᠳᠦᠷᠭᠡᠨ ᠠᠪᠠᠴᠢᠭᠠᠤᠨ ᠥᠭ᠍ᠴᠢᠭᠡ᠂ ᠳᠠᠷᠠ ᠭᠦᠭ᠍ᠰᠢᠨ ᠳᠤ ᠭᠡᠷᠡᠴᠢ ᠭᠦᠮᠤᠨ ᠲᠡᠶ᠃
ᠵᠢᠡᠵᠢᠭ᠍ᠮᠡ᠄ ᠠᠢ ᠶᠠ︕ ᠬᠦ᠊ ᠠᠬᠠ ᠡ᠂ ᠡᠨᠡ ᠡᠪᠦᠭᠡᠨ ᠡᠮᠡᠭᠡᠨ ᠴᠤ ᠰᠥᠷᠡᠭᠡᠢ ᠭᠦᠮᠦᠰ ᠰᠢᠤ᠂ ᠡᠳᠡ ᠪᠠᠰᠠ ᠪᠢᠳᠠᠨ ᠳᠤ ᠣᠪᠣᠭᠠ ᠦᠷᠢ ᠲᠡᠶ᠂ ᠳᠠᠷᠠ ᠵᠢᠯ ᠭᠤᠷᠪᠠᠨ ᠮᠠᠳᠠᠢ ᠡᠷᠳᠡᠨᠢ ᠰᠢᠰᠢ ᠶᠢ ᠵᠢᠭᠡᠯᠡᠵᠤ ᠢᠳᠡᠭᠡᠤᠨ ᠪᠣᠴᠠᠭᠠᠭᠰᠠᠨ ᠦᠭᠡᠶ᠂ ᠪᠠᠰᠠ ᠮᠠᠨ ᠤ᠁
ᠭᠦᠷᠵᠡᠪ᠄ （ᠥᠭᠡ ᠶᠢ ᠨᠢ ᠳᠠᠰᠤᠯᠵᠤ） ᠡᠭᠦᠨ ᠢ ᠴᠢᠨᠢ ᠭᠡᠨ ᠭᠡᠷᠡᠴᠢᠯᠡᠭᠦ ᠪᠣᠢ︖ ᠭᠡᠷᠡᠴᠢᠯᠡᠭᠦ ᠭᠦᠮᠤᠨ ᠦᠭᠡᠶ ᠪᠣᠯ ᠬᠠᠤᠯᠢ ᠳᠡᠭᠡᠷᠡ ᠭᠦᠴᠤᠨ ᠦᠭᠡᠶ ᠰᠢᠤ ᠳ᠋ᠠ᠃ （ᠳᠤᠬᠤ ᠪᠠᠨ ᠮᠠᠭᠠᠵᠢᠵᠤ᠂ ᠭᠡᠰᠡᠭ᠌ ᠪᠣᠳᠤᠯᠭᠠᠷᠠᠰᠢᠭᠰᠠᠨ ᠶᠢᠡᠨ ᠭᠡᠨᠡᠳᠲᠡ） ᠣᠤᠬᠠᠢ︕ ᠡᠰᠡᠭᠦᠯᠡ ᠴᠢ ᠳᠠᠷᠠ ᠡᠪᠦᠭᠡᠨ ᠳᠤ （ᠬᠤᠷᠤᠭᠤ ᠪᠠᠨ ᠢᠮᠠᠷᠴᠤ） ᠢᠩᠭᠢᠴᠢᠭᠡ︕
ᠵᠢᠡᠵᠢᠭ᠍ᠮᠡ᠄ ᠳᠠᠷᠠ ᠡᠪᠦᠭᠡᠨ ᠴᠤ ᠶᠠᠭᠤ ᠪᠠᠢ᠌ᠬᠤᠪ︖ ᠭᠠᠭᠴᠠᠬᠦ ᠠᠬᠠ ᠳᠠ ᠯᠠ ᠨᠢᠭᠡ ᠨᠢᠳᠤ ᠪᠠᠨ ᠠᠨᠢᠵᠤ ᠨᠢᠭᠡ ᠨᠢᠳᠤ ᠪᠠᠨ ᠨᠡᠭᠡᠭᠡᠤᠨ ᠥᠩᠭᠡᠷᠡᠭᠡᠴᠢᠭᠡᠳᠡᠭ᠌ ᠶᠤᠮ ᠪᠣᠯ ᠲᠦᠮᠡᠨ ᠭᠡᠷᠡᠭ᠌ ᠳᠡᠭᠦᠰ ᠪᠦᠳᠦᠴᠢᠭᠡᠭᠦ ᠨᠢ ᠳᠠᠷᠠ᠃ （ᠬᠠᠷᠮᠠᠨ ᠶᠢᠡᠨ ᠠᠭᠤᠳᠠᠯᠯᠠᠵᠤ᠂ ᠣᠯᠠᠭᠠᠨ ᠴᠠᠭᠠᠰᠤᠨ ᠪᠠᠭᠯᠠᠭᠠ ᠭᠠᠷᠭᠠᠨ ᠭᠦᠷᠵᠡᠪ ᠤᠨ ᠡᠮᠦᠨᠡ ᠳᠠᠯᠪᠢᠨᠠ）
ᠭᠦᠷᠵᠡᠪ᠄ （ᠰᠠᠠᠳᠤᠷᠤᠨ ᠬᠤᠷᠢᠭᠯᠠᠵᠤ） ᠭᠦᠢ᠂ ᠭᠦᠢ᠂ ᠢᠩᠭᠢᠵᠤ ᠪᠣᠯᠬᠤ ᠦᠭᠡᠶ᠂ ᠴᠢᠨᠤ ᠡᠨᠡ ᠴᠢᠨᠢ ᠬᠠᠤᠯᠢ ᠶᠢ ᠵᠦᠷᠢᠴᠠᠵᠤ᠂ ᠠᠬᠠ ᠨᠠᠮᠢ᠋ᠢ ᠪᠠᠨ ᠬᠤᠤᠷᠯᠠᠵᠤ ᠪᠠᠢ᠌ᠭᠠ ᠶᠠᠪᠣᠳᠠᠯ ᠰᠢᠤ᠃
ᠵᠢᠡᠵᠢᠭ᠍ᠮᠡ᠄ ᠪᠣᠯᠵᠠᠢ︕ ᠣᠪᠯᠠᠬᠤ ᠭᠡᠷᠡᠭ᠌ ᠦᠭᠡᠶ᠂ ᠠᠬᠠ ᠳᠠᠨ ᠢ ᠶᠠᠮᠠᠷ ᠪᠢ ᠣᠢ᠌ᠯᠠᠭᠠᠬᠤ ᠦᠭᠡᠶ ᠪᠢᠰᠢ᠂ ᠳᠠ ᠶᠠᠮᠠᠷ ᠳᠠᠢ᠌ᠮᠤ ᠵᠤᠭᠤᠰ ᠤᠨ ᠨᠥᠭᠡᠨ ᠳᠤ ᠣᠨᠠᠭᠰᠠᠨ ᠭᠦᠮᠤᠨ ᠦᠦ︖ ᠭᠡᠳᠡᠯᠡ ᠵᠤᠭᠤᠰ ᠦᠭᠡᠶ ᠪᠠᠷ ᠶᠠᠭᠠᠭᠢᠵᠤ ᠠᠮᠢᠳᠤᠷᠠᠬᠤ ᠪᠣᠢ︖ ᠳᠠᠢ᠌ᠮᠤ ᠦᠭᠡᠶ ᠦᠦ︖ （ᠭᠤᠬᠠ ᠲᠡᠶ ᠨᠢᠳᠤ ᠪᠠᠷ ᠢᠮᠠᠷᠴᠤ） ᠭᠢ᠂ ᠭᠢ ᠁ （ᠵᠢᠰᠤᠷᠯᠠᠨ ᠢᠨᠢᠶᠠᠨᠠ）
ᠦᠨᠡᠠᠴᠢ᠄ （ᠨᠠᠰᠤᠳᠠᠨ ᠢ ᠲᠦᠰᠢᠵᠤ᠂ ᠳᠠᠢ᠌ᠰᠠᠨ ᠳᠤ ᠭᠠᠷᠴᠤ᠂ ᠡᠭᠦᠳᠡᠨ ᠤ ᠳᠡᠷᠭᠡᠳᠡ ᠭᠦᠷᠦᠭᠡᠤᠨ ᠴᠢᠩᠨᠠᠨᠠ）
ᠭᠦᠷᠵᠡᠪ᠄ ᠵᠠ᠂ ᠪᠣᠯᠵᠠᠢ᠂ ᠡᠨᠡ ᠪᠣᠯ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠣᠳᠠᠭᠠ ᠰᠢᠤ᠂ ᠳᠠᠭᠢᠭᠠᠤᠨ ᠢᠩᠭᠢᠪᠠᠯ ᠪᠢ ᠬᠠᠮᠢᠶᠠᠷᠬᠤ ᠦᠭᠡᠶ᠃ ᠠᠬᠠ ᠨᠢ ᠪᠠᠰᠠ ᠥᠷᠭᠡᠰᠤ （ᠦᠨᠡᠠᠴᠢ ᠶᠢᠨ ᠰᠢᠷᠡᠭᠡ ᠶᠢ ᠵᠢᠭᠠᠵᠤ） ᠢᠷᠡᠭ᠍ᠰᠡᠨ ᠡᠴᠡ ᠨᠠᠰᠢ ᠰᠠᠤᠠᠭᠢᠯ ᠠᠮᠤᠷ ᠦᠭᠡᠶ ᠪᠣᠯᠴᠢᠬᠠᠯᠠ᠂ ᠡᠭᠦᠨ ᠢ ᠶᠠᠭᠠᠭᠢᠵᠤ ᠨᠢᠭᠡ ᠠᠷᠭᠠᠯᠠᠳᠠᠭ ᠪᠢᠯᠠ︖ （ᠵᠤᠪᠠᠯᠠᠩᠳᠠᠢ ᠴᠢᠷᠠᠢ ᠭᠠᠷᠭᠠᠨᠠ）
ᠵᠢᠡᠵᠢᠭ᠍ᠮᠡ᠄ （ᠡᠭᠦᠳᠡ ᠨᠡᠭᠡᠭᠡᠨ ᠬᠣᠢ᠌ᠰᠢ ᠬᠠᠠᠳᠤᠭᠰᠠᠨ ᠴᠢᠭ᠌ ᠲᠡᠭᠡᠨ） ᠪᠠᠢ᠂ ᠪᠠᠢ︕ （ᠭᠠᠷ ᠤᠨ ᠠᠯᠠᠭᠠ ᠪᠠᠨ ᠣᠷᠤᠭᠤᠯ ᠳᠡᠭᠡᠷᠡ ᠪᠠᠨ ᠨᠠᠭᠠᠨᠠ）
ᠭᠦᠷᠵᠡᠪ᠄ （ᠣᠯᠠᠭᠠᠨ ᠴᠠᠭᠠᠰᠤᠨ ᠪᠠᠭᠯᠠᠭᠠ ᠶᠢ ᠪᠠᠷᠢᠭᠰᠠᠨ ᠭᠡᠪ ᠶᠢᠡᠷ ᠡᠭᠦᠳᠡᠨ ᠳᠡᠭᠡᠷᠡ ᠵᠤᠭᠰᠤᠭᠠ ᠦᠨᠡᠠᠴᠢ ᠪᠣᠯᠤᠨ ᠭᠦᠭ᠍ᠰᠢᠨ ᠢ ᠬᠠᠷᠠᠭᠠᠤᠨ ᠠᠮᠠ ᠪᠠᠨ ᠠᠩᠭ᠋ᠠᠢ᠌ᠯᠭᠠᠨ ᠮᠠᠯᠠᠷᠠᠨᠠ）
ᠦᠨᠡᠠᠴᠢ᠄ （ᠳᠤᠳᠤᠭᠰᠢ ᠳᠦᠷᠭᠡᠯᠡᠨ ᠠᠯᠬᠤᠵᠤ᠂ ᠪᠠᠭᠯᠠᠭᠠ ᠲᠡᠶ ᠵᠤᠭᠤᠰ ᠢ ᠡᠷᠡᠤ ᠪᠠᠷ ᠵᠢᠭᠠᠭᠰᠠᠨ ᠶᠢᠡᠨ ᠶᠡᠭᠡᠳᠡ ᠢᠨᠢᠶᠠᠵᠤ） ᠭᠦ ᠳᠠᠷᠤᠭᠠ ᠡ᠂ ᠵᠢᠡᠵᠢᠭ᠍ᠮᠡ ᠪᠠᠷᠭᠡᠨ ᠳᠡᠷᠭᠡᠨ ᠤ ᠵᠤᠭᠤᠰ ᠶᠢᠡᠨ ᠡᠢ᠌ᠮᠤ ᠬᠤᠷᠳᠤᠨ ᠠᠪᠴᠢᠷᠠᠭᠠᠤᠨ ᠥᠭ᠍ᠴᠢᠭᠡᠵᠤ ᠦᠦ︖ ᠳᠠ ᠴᠢᠨᠢ ᠣᠷᠤᠨ ᠳᠠᠭᠠᠨ ᠰᠠᠭᠤᠵᠤ ᠪᠠᠢ᠌ᠭᠠᠤᠨ ᠭᠡᠷᠡᠭ᠌ ᠰᠢ᠌ᠦᠡᠭᠡᠴᠢᠭᠡᠭᠦ ᠠᠢ᠌ᠬᠤᠪᠳᠤᠷ ᠣᠪᠠᠳᠢᠰ ᠲᠡᠶ ᠭᠦᠮᠤᠨ ᠪᠠᠢ᠌ᠨᠠ ᠰᠢᠳᠠ᠃ ᠬᠨ᠂ ᠬᠨ ᠁
ᠭᠦᠷᠵᠡᠪ᠄ （ᠵᠤᠭᠤᠰ ᠪᠠᠷᠢᠭᠰᠠᠨ ᠭᠠᠷ ᠨᠢ ᠰᠠᠯᠠᠭᠠᠨᠠᠨ ᠴᠠᠴᠠᠷᠭᠢᠯᠠᠵᠤ） ᠡᠨᠡ ᠁ ᠥ ᠁ ᠡᠨᠡ ᠦᠦ︖ ᠵᠢᠡᠵᠢᠭ᠍ᠮᠡ ᠪᠣᠷᠤᠭᠤ ᠪᠠᠨ ᠮᠡᠳᠡᠭᠡᠤᠨ ᠵᠤᠭᠤᠰ ᠶᠢᠡᠨ ᠠᠪᠴᠢᠷᠠᠵᠤ ᠥᠭ᠍ᠴᠡᠢ᠃ ᠣᠷᠢᠳᠠᠪᠠᠷ ᠨᠢᠭᠡ ᠪᠦᠯᠦᠭ᠌ ᠢ ᠨᠢ ᠥᠭ᠍ᠴᠤ ᠪᠠᠢ᠌ᠶᠠ ᠭᠡᠨᠡ᠃
ᠵᠢᠡᠵᠢᠭ᠍ᠮᠡ᠄ （ᠴᠢᠷᠠᠢ ᠬᠤᠵᠠᠢ᠌ᠯᠭᠠᠨ ᠵᠤᠭᠰᠤᠨᠠ）
ᠮᠸᠳᠡᠭ᠌᠄ （ᠪᠠᠶᠠᠷᠯᠠᠨ） ᠬᠦ᠊ ᠳᠠᠷᠤᠭᠠ ᠡ᠂ ᠳᠠᠨ ᠳᠤ ᠳᠠᠯᠠᠷᠬᠠᠯᠠ᠂ ᠡᠵᠢ ᠨᠢ ᠡᠨᠡ ᠵᠤᠭᠤᠰ ᠢ ᠣᠯᠬᠤ ᠡᠴᠡ ᠭᠡᠳᠥᠢᠨ ᠥᠩᠭᠡᠷᠡᠵᠤ ᠳ᠋ᠠ ᠭᠡᠵᠤ ᠪᠣᠳᠤᠵᠤ ᠪᠠᠢ᠌ᠭᠰᠠᠨ ᠶᠤᠮ᠃ ᠥᠨᠡᠭᠡᠷ ᠶᠢᠷᠳᠢᠠᠴᠤ ᠳᠡᠭᠡᠷᠡ ᠪᠠᠰᠠ ᠡᠭᠡᠯ ᠠᠷᠠᠤᠨ ᠪᠢᠳᠠᠨ ᠤ ᠶᠤᠰᠤ ᠭᠡᠯᠡᠭᠦ ᠭᠠᠵᠠᠷ ᠪᠠᠢ᠌ᠳᠠᠭ ᠶᠤᠮ ᠪᠠᠢ᠌ᠨᠠ᠃ （ᠨᠢᠯᠪᠣᠰᠤ ᠪᠠᠨ ᠠᠷᠴᠢᠨ ᠭᠦᠷᠵᠡᠪ ᠤᠨ ᠭᠠᠷ ᠢ ᠪᠠᠷᠢᠨᠠ）
ᠭᠦᠷᠵᠡᠪ᠄ ᠡᠨᠡ ᠁ ᠬᠠᠢ︕ （ᠰᠠᠨᠠᠭᠠ ᠠᠯᠳᠠᠨᠠ）
（ᠳᠡᠭᠦᠰᠦᠨᠡ）
ᠵᠤᠬᠢᠶᠠᠭᠴᠢ᠄ ᠳ᠋ᠦ᠋ᠩ ᠴᠢᠩ
ᠢᠷᠡᠯᠲᠡ᠄ ᠳ᠋ᠦ᠋ᠩ ᠴᠢᠩ
ᠬᠠᠷᠢᠶᠠ᠄
ᠥᠭᠥᠯᠡᠯᠭᠡᠳᠠᠷᠤᠮ᠄ 9232
ᠴᠠᠭ᠄ 2005 ᠤᠨ ᠤ 11 ᠰᠠᠷᠠ ᠶᠢᠨ 23
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ