☆ ᠳ᠋·ᠲᠦᠮᠡᠠᠰᠠᠩ
ᠠᠪᠣ ᠪᠠ ᠨᠠᠮᠤᠷ ᠨᠠᠮᠤᠷ ᠤᠨ ᠬᠠᠳᠤᠯᠠᠩ
ᠳᠤᠯ ᠴᠡᠩᠭᠡᠷ ᠥᠩᠭᠡ ᠪᠠᠷ
ᠬᠤᠯᠠ ᠶᠢᠨ ᠳᠡᠭ᠍ᠷᠢ ᠴᠠᠯᠮᠠᠢ᠌ᠨᠠ
ᠳᠤᠳᠠᠭᠤ ᠣᠷᠭᠢᠭᠰᠠᠨ ᠰᠢᠯᠦᠭ᠌
ᠬᠤᠩᠭ᠋ᠤᠷ ᠨᠠᠮᠤᠷ ᠶᠢᠡᠷ ᠡᠭᠢᠯᠡᠨᠡ
ᠬᠠᠢ᠌ᠯᠠᠰᠤ᠂ ᠴᠠᠩᠳᠤ᠂ ᠬᠤᠵᠢᠷᠳᠤ
ᠠᠭᠤᠯᠠ ᠶᠢᠨ ᠰᠠᠢ᠌ᠬᠠᠨ ᠬᠠᠳᠤᠯᠠᠩ ᠪᠠᠢ᠌ᠯᠠ
ᠬᠠᠯᠢᠭᠤᠷᠠᠮᠠ᠂ ᠰᠡᠷᠢᠭᠦᠴᠡᠮᠡ᠂ ᠲ᠋ᠠᠭᠤᠯᠠᠮᠠ
ᠠᠪᠣ ᠶᠢᠨ ᠳᠠᠩᠰᠤᠭ ᠨᠠᠮᠤᠷ ᠪᠠᠢ᠌ᠯᠠ
ᠨᠠᠪᠴᠢᠨ ᠳᠡᠮᠡᠭᠢ᠂ ᠡᠭᠡᠭᠦᠨ ᠴᠠᠢ ᠬᠤᠶᠠᠷ ᠶᠢᠡᠷ
ᠶᠠᠳᠠᠷᠠᠭᠠ ᠪᠠᠨ ᠳᠠᠢ᠌ᠯᠤᠨᠠ
ᠨᠠᠷᠠᠨ ᠳᠤ ᠰᠢᠷᠠᠭᠳᠠᠭᠰᠠᠨ ᠭᠦᠯᠦᠰᠤᠨ ᠤ ᠭᠢᠨᠢ ᠦᠨᠦᠷ
ᠶᠠᠰᠤᠨ ᠳᠤ ᠨᠠᠪᠴᠢᠨᠠ
ᠦᠨᠳᠦᠰᠦ ᠮᠠᠯᠳᠠᠭᠰᠠᠨ ᠰᠤᠷᠪᠢ ᠳᠡᠭᠡᠷᠡ
ᠰᠠᠠᠳᠤᠤ ᠲᠡᠶ ᠪᠠᠨ ᠪᠦᠳᠦᠷᠢᠨᠡ
ᠡᠪᠳᠡᠭ᠍ᠳᠡᠭ᠍ᠰᠡᠨ ᠵᠠᠮ ᠤᠨ ᠲ᠋ᠤᠩᠰᠤᠯᠭᠠᠨ ᠳᠤ
ᠰᠡᠳᠭᠢᠯ ᠶᠢᠡᠷ ᠶᠢᠡᠨ ᠵᠦᠳᠠᠷᠠᠨᠠ
ᠴᠠᠷᠴᠠᠬᠠᠢ ᠴᠠᠷᠭᠢᠬᠤ ᠪᠠᠨ ᠪᠣᠯᠢᠳᠠᠯᠠ
ᠴᠠᠭᠠᠨ ᠭᠢᠷᠠᠭᠤ ᠡᠪᠠᠰᠤᠨ ᠳᠤᠯᠤᠭᠠᠢ ᠳᠤ ᠣᠨᠠᠳᠠᠯᠠ
ᠬᠠᠳᠤᠯᠠᠩ ᠤᠨ ᠨᠠᠷᠠ ᠶᠢ ᠠᠪᠣ ᠮᠢᠨᠢ
ᠣᠭᠳᠤᠨᠠ᠂ ᠦᠳᠡᠨᠠ
ᠵᠢᠷᠭᠠᠯᠠᠩ ᠤᠨ ᠰᠠᠷᠬᠤᠤᠨ ᠢ ᠠᠪᠣ ᠮᠢᠨᠢ
ᠣᠤᠭᠤᠨᠠ᠂ ᠲ᠋ᠠᠢ᠌ᠳᠬᠤᠷᠠᠨᠠ
ᠰᠤᠷᠭᠠᠭᠤᠯᠢ ᠳᠤ ᠶᠠᠪᠣᠬᠤ ᠴᠢᠨᠢ ᠳᠦᠭᠦᠵᠤ ᠳᠡ ᠭᠡᠵᠤ
ᠠᠪᠣ ᠥᠭᠡ ᠪᠠᠨ ᠳᠠᠪᠳᠠᠯᠠ ᠴᠤ
ᠰᠤᠨᠤᠯᠵᠠᠭᠰᠠᠨ ᠰᠢᠷᠠ ᠵᠠᠮ ᠢ ᠡᠪᠭᠡᠭᠡᠤᠨ ᠪᠢ
ᠠᠷᠤ ᠳᠤ ᠪᠠᠨ ᠣᠷᠭᠢᠵᠤ ᠳᠦᠪᠳᠡᠭᠦ ᠦᠭᠡᠶ
ᠭᠡᠭᠡᠷᠡ ᠶᠢᠨ ᠡᠪᠠᠰᠤ ᠶᠢ ᠰᠠᠯᠭᠢ ᠪᠠᠷ ᠳᠠᠭᠤᠴᠢᠵᠤ
ᠬᠠᠳᠤᠭᠤᠷ ᠤᠨ ᠢᠷ ᠬᠠᠩᠭᠢᠨᠠᠨᠠ
ᠭᠦᠳᠡᠭᠡ ᠶᠢᠨ ᠡᠪᠦᠷ ᠢ ᠠᠯᠳᠠ ᠪᠠᠷ ᠥᠩᠭᠡᠯᠡᠵᠤ
ᠬᠠᠯᠢᠭᠤᠨ ᠨᠠᠮᠤᠷ ᠰᠠᠩᠭᠢᠨᠠᠨᠠ
ᠨᠠᠮᠢ᠋ᠢ ᠭᠦᠳᠦᠯᠤᠨ ᠭᠡᠭᠡᠷᠡ ᠶᠢᠨ ᠰᠠᠯᠭᠢᠨ ᠳᠤ ᠠᠪᠠᠴᠢᠭᠰᠠᠨ
ᠨᠠᠰᠤ ᠶᠢ ᠡᠯᠡᠭᠡᠭ᠍ᠰᠡᠨ ᠪᠣᠭᠤᠷᠤᠯ ᠨᠢᠭᠡᠨ ᠠᠭᠤᠯᠠ
ᠨᠠᠮᠤᠷ ᠨᠠᠮᠤᠷ ᠤᠨ ᠬᠠᠳᠤᠯᠠᠩ ᠳ᠋ᠤ
ᠪᠠᠷᠠ ᠨᠢ ᠳᠤᠷᠠᠢ᠌ᠭᠰᠠᠭᠠᠷ
ᠨᠠᠮᠤᠷ ᠨᠠᠮᠤᠷ ᠤᠨ ᠬᠠᠳᠤᠯᠠᠩ ᠳᠤ
ᠪᠠᠶᠠ ᠨᠢ ᠴᠢᠯᠡᠭ᠍ᠰᠡᠭᠡᠷ
ᠣᠷᠭᠤᠭᠠ ᠪᠦᠭᠦᠨ ᠨᠠᠮᠤᠷ ᠪᠣᠯᠬᠤ ᠪᠠᠷ ᠣᠨᠠᠳᠠᠭ ᠪᠠᠢ᠌ᠨᠠ
ᠠᠭᠤᠯᠠ ᠠᠪᠣ ᠬᠤᠶᠠᠷ ᠯᠠ
ᠵᠤᠭᠰᠤᠭᠠ ᠪᠠᠷ ᠶᠢᠡᠨ ᠥᠯᠡᠳᠡᠳᠡᠭ᠌ ᠪᠠᠢ᠌ᠨᠡ ᠡ
ᠭᠡᠨᠡᠳᠲᠡ ᠬᠠᠷᠠᠬᠤ ᠳᠤ ᠠᠪᠣ ᠶᠢᠨ ᠰᠠᠠᠴᠢᠭ ᠲᠤ
ᠭᠢᠷᠠᠭᠤ ᠣᠨᠠᠵᠠᠢ
ᠭᠡᠷ ᠮᠠᠢ᠌ᠬᠠᠨ ᠶᠢᠡᠨ ᠡᠪᠭᠡᠵᠤ ᠬᠠᠳᠤᠯᠠᠩ ᠡᠴᠡ ᠪᠣᠴᠠᠬᠤ
ᠴᠠᠭ ᠪᠣᠯᠵᠠᠢ
ᠳᠤᠯ ᠴᠡᠩᠭᠡᠷ ᠥᠩᠭᠡ ᠪᠠᠷ
ᠬᠤᠯᠠ ᠶᠢᠨ ᠳᠡᠭ᠍ᠷᠢ ᠴᠠᠯᠮᠠᠢ᠌ᠨᠠ
ᠳᠠᠭᠤᠤ ᠰᠢᠯᠦᠭ᠌ ᠤᠨ ᠨᠤᠳᠤᠭ ᠲᠤ
ᠬᠤᠩᠭ᠋ᠤᠷ ᠨᠠᠮᠤᠷ ᠣᠷᠳᠤᠰᠤᠨᠠ ᠡ
ᠵᠤᠬᠢᠶᠠᠭᠴᠢ᠄ ᠳ᠋·ᠲᠦᠮᠡᠠᠰᠠᠩ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3008
ᠴᠠᠭ᠄ 2008 ᠤᠨ ᠤ 12 ᠰᠠᠷᠠ ᠶᠢᠨ 21
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ