☆ ᠨᠠ᠊·ᠬᠦᠬᠡᠰᠢᠭᠤᠢ
ᠡᠬᠡ ᠨᠤᠲᠤᠭ
（ᠴᠥᠷᠭᠦᠯᠡᠭᠡ ᠨᠢᠭᠡ）
ᠠᠷᠤ ᠳᠤ ᠮᠢᠨᠢ ᠬᠤᠴᠤᠷᠤᠭᠰᠠᠨ
ᠨᠢᠭᠡ ᠭᠡᠰᠡᠭ᠌ ᠬᠠᠯᠠᠭᠤᠨ ᠰᠢᠷᠤᠢ ᠪᠠᠨ
ᠪᠢ ᠭᠡᠵᠢᠶᠡᠳᠡ ᠡᠭᠡ ᠨᠤᠳᠤᠭ ᠭᠡᠨᠡ
ᠠᠩᠭᠢᠷ ᠪᠠᠭᠠ ᠶᠢᠨ ᠳᠤᠷᠠᠰᠤᠯ ᠮᠥᠷᠦᠭᠡᠳᠦᠯ ᠢ
ᠳᠠᠷᠠ ᠳᠦᠷᠡᠯᠵᠡᠭᠦᠯᠵᠤ ᠪᠠᠢ᠌ᠳᠠᠭ
ᠵᠡᠭᠦᠳᠤᠨ ᠳᠤ ᠳᠤᠶᠠᠭᠠᠷᠠᠭᠰᠠᠨ
ᠵᠡᠭᠦᠨ ᠮᠠᠩᠬᠠᠨ ᠤ ᠰᠠᠷᠠ ᠪᠠᠨ
ᠪᠢ ᠡᠭᠦᠷᠢᠳᠡ ᠡᠭᠡ ᠨᠤᠳᠤᠭ ᠭᠡᠨᠡ
ᠵᠢᠷᠦᠭᠡᠨ ᠡᠴᠡ ᠣᠠᠳᠤᠷᠤᠭᠰᠠᠨ ᠬᠠᠢ᠌ᠷᠠ ᠪᠠᠶᠠᠰᠤᠯ ᠢ
ᠳᠠᠷᠠ ᠢᠭ᠍ᠳᠦᠯᠦᠭᠦᠯᠵᠤ ᠪᠠᠢ᠌ᠳᠠᠭ
ᠣᠭᠢᠯᠠᠵᠤ ᠰᠠᠯᠤᠯᠴᠠᠭᠰᠠᠨ
ᠣᠤᠭᠠᠨ ᠳᠤᠷᠠᠯᠠᠯ ᠤᠨ ᠦᠳᠡᠰᠢ ᠪᠠᠨ
ᠪᠢ ᠮᠦᠨ ᠡᠭᠡ ᠨᠤᠳᠤᠭ ᠭᠡᠨᠡ
ᠣᠷᠢ ᠵᠠᠯᠠᠭᠤ ᠶᠢᠨ ᠭᠡᠨᠡᠨ ᠴᠠᠭᠠᠨ ᠢ
ᠳᠠᠷᠠ ᠳᠡᠮᠳᠡᠭᠯᠡᠵᠤ ᠪᠠᠢ᠌ᠳᠠᠭ
ᠠᠭᠤᠵᠢᠷᠠᠳᠠᠯᠠ ᠵᠤᠭᠤᠭᠳᠠᠭᠰᠠᠨ
ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠨᠠᠢ᠌ᠵᠠ ᠪᠠᠨ
ᠪᠢ ᠪᠠᠰᠠ ᠡᠭᠡ ᠨᠤᠳᠤᠭ ᠭᠡᠨᠡ
ᠦᠨᠡᠠᠴᠢ ᠰᠠᠢ᠌ᠬᠠᠨ ᠨᠥᠭᠦᠷᠯᠡᠯ ᠢ
ᠳᠠᠷᠠ ᠢᠯᠡᠳᠭᠡᠵᠤ ᠪᠠᠢ᠌ᠳᠠᠭ
ᠪᠣᠷᠤᠭᠠᠨ ᠤ ᠳᠤᠮᠳᠠ ᠳᠠᠳᠠᠭᠰᠠᠨ ᠰᠤᠯᠤᠩᠭ᠋ᠠ
ᠴᠠᠰᠤᠨ ᠤ ᠳᠤᠤᠷᠠ ᠡᠴᠡ ᠣᠷᠭᠤᠭᠰᠠᠨ ᠨᠤᠭᠤᠭᠠ
ᠪᠣᠳᠠᠨ ᠤ ᠳᠤᠮᠳᠠ ᠡᠴᠡ ᠥᠷᠭᠦᠭ᠍ᠰᠡᠨ ᠰᠢᠪᠠᠭᠤ
ᠮᠠᠨᠠᠨ ᠤ ᠳᠤᠮᠳᠠ ᠳᠦᠭᠡᠷᠢᠭ᠍ᠰᠡᠨ ᠠᠳᠤᠭᠤ ᠪᠠᠨ
ᠪᠢ ᠪᠦᠷ ᠡᠭᠡ ᠨᠤᠳᠤᠭ ᠭᠡᠨᠡ
ᠮᠢᠨᠤ ᠨᠤᠭᠤᠷᠠᠯ ᠪᠦᠳᠦᠷᠢᠯ ᠭᠦᠰᠡᠯ ᠭᠦᠭᠡᠭᠡᠴᠡᠯᠳᠦᠯ ᠢ
ᠳᠠᠷᠠ ᠳᠡᠷᠪᠠᠭᠦᠯᠵᠤ ᠪᠠᠢ᠌ᠳᠠᠭ
ᠰᠤᠭᠳᠠᠪᠠᠯ ᠳᠠᠭᠤᠯᠠᠳᠠᠭ ᠨᠢᠭᠡ ᠪᠠᠳᠠᠭ ᠳᠠᠭᠤᠤ
ᠰᠡᠷᠭᠦᠪᠠᠯ ᠮᠠᠷᠳᠠᠳᠠᠭ ᠨᠢᠭᠡ ᠠᠩᠭᠢ ᠵᠡᠭᠦᠳᠤ
ᠰᠤᠴᠢᠪᠠᠯ ᠳᠠᠭᠤᠳᠠᠳᠠᠭ ᠨᠢᠭᠡ ᠠᠶᠠᠭᠠ ᠣᠰᠤ
ᠣᠢ᠌ᠴᠢᠪᠠᠯ ᠨᠠᠭᠠᠯᠳᠤᠳᠠᠭ ᠨᠢᠭᠡ ᠪᠠᠶᠠ ᠡᠯᠡᠰᠤ ᠪᠠᠨ
ᠪᠢ ᠪᠦᠭᠦᠨ ᠢ ᠡᠭᠡ ᠨᠤᠳᠤᠭ ᠭᠡᠨᠡ
ᠮᠢᠨᠤ ᠠᠮᠢ ᠠᠮᠢᠳᠤᠷᠠᠯ ᠤᠨ ᠠᠯᠢᠪᠠ ᠪᠦᠭᠦᠨ ᠢ
ᠳᠠᠷᠠ ᠬᠤᠷᠣᠢ᠌ᠯᠠᠵᠤ ᠪᠠᠢ᠌ᠳᠠᠭ ᠡ ᠁
ᠳᠠᠷᠢᠶᠠ ᠠᠯᠳᠠᠭᠰᠠᠨ ᠵᠢᠯ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠷᠴᠢᠮ ᠤᠨ ᠭᠡᠳᠤᠨ ᠵᠢᠯ ᠡᠭᠡ ᠨᠤᠳᠤᠭ ᠮᠢᠨᠢ ᠭᠠᠩᠳᠠᠬᠤ ᠭᠡᠴᠡᠭᠦᠤ
ᠡᠪᠦᠯ ᠴᠠᠰᠤ ᠠᠯᠳᠠᠪᠠ
ᠬᠠᠪᠣᠷ ᠴᠢᠭᠢ ᠠᠯᠳᠠᠪᠠ
ᠵᠤᠨ ᠪᠣᠷᠤᠭᠠᠨ ᠠᠯᠳᠠᠪᠠ
ᠨᠠᠮᠤᠷ ᠳᠠᠷᠢᠶᠠ ᠠᠯᠳᠠᠪᠠ
ᠳᠡᠭ᠍ᠷᠢ ᠭᠠᠯ ᠠᠯᠳᠠᠪᠠ
ᠭᠠᠵᠠᠷ ᠣᠰᠤ ᠠᠯᠳᠠᠪᠠ
ᠰᠢᠪᠠᠭᠤ ᠠᠮᠢ ᠠᠯᠳᠠᠪᠠ
ᠭᠦᠮᠤᠨ ᠳᠡᠰᠭᠦ ᠠᠯᠳᠠᠪᠠ
ᠠᠪᠣ ᠣᠨᠤᠭᠠ ᠠᠯᠳᠠᠪᠠ
ᠡᠵᠢ ᠰᠠᠨᠠᠭᠠ ᠠᠯᠳᠠᠪᠠ
ᠪᠢ ᠰᠤᠷᠤᠯᠭᠠ ᠠᠯᠳᠠᠪᠠ
ᠡᠮᠡᠭᠡ ᠣᠤᠯᠭᠠ ᠠᠯᠳᠠᠪᠠ ᠁
ᠵᠤᠬᠢᠶᠠᠭᠴᠢ᠄ ᠨᠠ᠊·ᠬᠦᠬᠡᠰᠢᠭᠤᠢ
ᠢᠷᠡᠯᠲᠡ᠄ ᠵᠤᠬᠢᠶᠠᠭᠴᠢ ᠡᠴᠡ ᠬᠠᠩᠭᠠᠪᠠ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3515
ᠴᠠᠭ᠄ 2005 ᠤᠨ ᠤ 07 ᠰᠠᠷᠠ ᠶᠢᠨ 07
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ