☆ ᠦ᠊·ᠠᠯᠳᠠᠠᠪᠣᠯᠠᠭ
ᠴᠠᠭ ᠬᠤᠪᠢᠷᠠᠯᠠ
ᠥᠩᠭᠡᠷᠡᠭᠦ ᠨᠠᠮᠤᠷ ᠤᠨ ᠪᠣᠷᠤᠭᠠᠨ ᠵᠢᠠᠷ
ᠦᠷᠭᠡᠰᠤ ᠪᠠᠭᠠᠬᠠᠨ ᠣᠷᠭᠤᠯᠠ
ᠥᠩᠭᠡ ᠥᠩᠭᠡ ᠶᠢᠨ ᠴᠡᠴᠡᠭ᠌ ᠤᠳ
ᠳᠡᠯᠭᠡᠷᠡᠭᠡᠳᠦᠢ ᠪᠠᠷ ᠵᠤᠯᠭᠠᠷᠠᠯᠠ
ᠡᠮᠦᠨᠡᠰᠢ ᠨᠡᠭᠦᠭ᠍ᠰᠡᠨ ᠭᠠᠯᠠᠭᠤᠳ
ᠡᠷᠭᠢᠵᠤ ᠭᠠᠩᠭ᠋ᠠᠨᠠᠬᠤ ᠨᠢ ᠬᠠᠰᠤᠭᠳᠠᠯᠠ
ᠡᠵᠢ ᠠᠪᠣ ᠵᠢᠨ ᠢᠨᠢᠶᠠᠳᠤᠨ ᠳ᠋ᠤ
ᠤᠢ᠌ᠳᠬᠠᠷ ᠰᠡᠭᠦᠷᠡᠰᠤ ᠬᠤᠯᠢᠭᠳᠠᠯᠠ᠃
ᠴᠠᠭ ᠤᠨ ᠶᠠᠭᠤᠮᠠ ᠴᠠᠭ ᠲᠠᠭᠠᠨ
ᠴᠡᠴᠡᠭ᠌ ᠪᠣᠯᠳᠠᠭ ᠶᠤᠰᠤ ᠲᠡᠶ ᠶᠤᠮ
ᠴᠠᠭᠠᠨ ᠳᠤᠯᠤᠭᠠᠢ ᠦᠨᠦᠳᠤᠷ
ᠴᠡᠭᠡᠷ ᠳᠠᠢ ᠪᠣᠯᠤᠭᠰᠠᠨ ᠢ ᠥᠵᠡᠭᠦᠯᠡ
ᠴᠡᠩᠭᠡᠷ ᠳᠡᠭ᠍ᠷᠢ ᠶᠢᠨ ᠣᠯᠠᠷᠢᠯ
ᠴᠠᠷᠪᠠᠵᠤ ᠥᠩᠭᠡᠷᠡᠭ᠍ᠰᠡᠨ ᠨᠢ ᠦᠨᠡᠨ ᠲᠡᠶ᠃
ᠴᠡᠯᠡᠭᠡᠷ ᠳᠠᠯᠠ ᠶᠢᠨ ᠳᠤᠭᠤᠷᠢᠮ ᠤᠳ
ᠴᠡᠭᠡᠯ ᠨᠢ ᠰᠢᠷᠭᠢᠭ᠍ᠰᠡᠨ ᠰᠤᠷᠠᠭ ᠲᠡᠶ᠃
ᠨᠢᠭᠤᠷ ᠠᠯᠠᠭ ᠪᠣᠬᠠᠠᠳᠠᠢ
ᠰᠦᠷᠦᠭ᠌ ᠶᠢᠡᠨ ᠭᠤᠯᠤᠭᠠᠤᠨ ᠵᠢᠭᠤᠳᠠᠯᠠ
ᠨᠢᠷᠤᠭᠤ ᠠᠯᠠᠭ ᠦᠨᠢᠶᠠᠤᠨ
ᠰᠥ᠋ ᠨᠢ ᠰᠢᠷᠭᠢᠭᠡᠳ ᠰᠤᠪᠠᠢ᠌ᠷᠠᠯᠠ
ᠨᠢᠰᠭᠦ ᠮᠥᠯᠭᠦᠭᠦ ᠬᠤᠶᠠᠷ
ᠰᠥᠪᠠᠭᠡ ᠨᠡᠢ᠌ᠯᠡᠭᠡᠳ ᠬᠠᠨᠢᠯᠠᠯᠡ
ᠨᠢᠭᠦᠯ ᠪᠣᠶᠠᠨ ᠬᠤᠶᠠᠷ ᠴᠤ
ᠰᠥᠰᠦᠭ᠌ ᠨᠡᠢ᠌ᠯᠡᠭᠡᠳ ᠪᠠᠯᠠᠢ᠌ᠷᠠᠯᠠ᠃
ᠰᠥᠮᠡᠭᠡᠷ ᠬᠤᠯᠠ ᠶᠢᠨ ᠠᠭᠤᠯᠠᠰ
ᠵᠡᠷᠭᠡᠯᠭᠡᠨ ᠳᠠᠳᠠᠬᠤ ᠪᠠᠨ ᠵᠤᠭᠰᠤᠯᠠ
ᠰᠦᠷᠭᠡᠤ ᠠᠷᠠᠤᠨ ᠤᠨ ᠰᠡᠳᠭᠢᠯ
ᠬᠠᠤᠯᠢ ᠳᠤᠭᠤᠬᠤ ᠪᠠᠨ ᠪᠣᠯᠢᠯᠠ
ᠰᠦᠨᠢ ᠰᠦᠨᠢ ᠶᠢᠨ ᠵᠡᠭᠦᠳᠤ
ᠬᠠᠷᠠ ᠳᠠᠷᠤᠬᠤ ᠣᠯᠠᠰᠢᠷᠠᠯᠠ
ᠰᠦᠷᠦᠭ᠌ ᠰᠦᠷᠦᠭ᠌ ᠡᠡᠳᠦᠭᠤ
ᠠᠯᠠᠰᠢᠨ ᠤ ᠭᠠᠵᠠᠷ ᠲᠤ ᠴᠥᠯᠡᠭ᠍ᠳᠡᠯᠡ᠃
ᠵᠤᠨ ᠣᠷᠤᠬᠤ ᠦᠭᠡᠶ ᠪᠣᠷᠤᠭᠠᠨ
ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠪᠠᠷ ᠰᠢᠪᠠᠷᠠᠯᠠ
ᠵᠢᠭᠤᠳᠠᠵᠤ ᠪᠣᠯᠬᠤ ᠦᠭᠡᠶ ᠠᠬᠤᠢ
ᠨᠠᠮᠢ᠋ᠢ ᠵᠢᠭᠤᠷᠠᠭᠠᠤᠨ ᠭᠦᠮᠦᠷᠢᠯᠡ
ᠵᠤᠯ ᠵᠠᠶᠠᠭᠠᠨ ᠤ ᠳᠡᠭ᠍ᠷᠢ
ᠵᠠᠭᠤᠷᠳᠠᠨ ᠬᠠᠶᠠ ᠱᠬᠠᠢ᠌ᠨᠠ
ᠵᠢᠷᠤᠯᠭᠠ ᠳᠤᠳᠠᠭᠤ ᠰᠢᠯᠦᠭ᠌
ᠵᠠᠮ ᠶᠢᠡᠷ ᠶᠢᠡᠨ ᠬᠠᠶᠠ ᠠᠢ᠌ᠯᠴᠢᠯᠠᠨᠠ᠃
ᠬᠤᠪᠢ ᠬᠤᠪᠢ ᠪᠠᠨ ᠪᠣᠷᠳᠤᠭᠰᠠᠨ
ᠬᠤᠭᠤᠰᠤᠨ ᠰᠦᠷ ᠲᠡᠶ ᠣᠯᠠᠷᠢᠯ
ᠬᠤᠪᠢᠷᠠᠳᠠᠭ ᠪᠣᠯ ᠦᠦ ᠶᠠᠭᠠᠭᠢᠳᠠᠭ ᠶᠤᠮ
ᠦᠨᠳᠦᠷ ᠵᠢᠩᠳᠠᠭᠠᠨ ᠭᠦᠮᠦᠰ ᠭᠡᠭ᠍ᠴᠢ
ᠦᠪᠡᠷ ᠦᠪᠡᠷ ᠲᠡᠭᠡᠨ ᠰᠥᠯᠪᠠᠭᠡᠯᠳᠡᠨ
ᠥᠭᠡᠢ ᠪᠠᠶᠠᠨ ᠤ ᠵᠦᠷᠢᠶᠠ
ᠭᠠᠵᠠᠷ ᠠᠪᠣᠭᠰᠠᠨ ᠡᠨᠡ ᠴᠠᠭ ᠡ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠵᠢᠭᠠᠬᠤ ᠶᠢ ᠰᠤᠳᠤᠯᠬᠤ ᠳᠠᠰᠤᠭ
ᠵᠤᠬᠢᠶᠠᠭᠴᠢ᠄ ᠦ᠊·ᠠᠯᠳᠠᠠᠪᠣᠯᠠᠭ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 10286
ᠴᠠᠭ᠄ 2012 ᠤᠨ ᠤ 04 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ