☆ ᠭᠦᠭᠡ᠊ᠠ᠋ᠭᠤᠯᠠ
ᠴᠢᠮᠠ ᠶᠢ ᠮᠠᠷᠳᠠᠶᠠ ᠭᠡᠭᠦ ᠳ᠋ᠤ
ᠴᠢᠮᠠ ᠶᠢ ᠮᠠᠷᠳᠠᠶᠠ ᠭᠡᠭᠦ ᠳ᠋ᠤ
ᠠᠭᠠᠯᠢᠨ ᠳᠤ ᠴᠢᠨᠢ
ᠠᠷᠪᠠᠨ ᠨᠢ᠌ᠮᠠᠨ ᠨᠠᠰᠤ
ᠪᠦᠮᠪᠦᠷᠢᠭᠡᠳ ᠢᠷᠠᠨᠠ
ᠴᠢᠮᠠ ᠶᠢ ᠮᠠᠷᠳᠠᠶᠠ ᠭᠡᠭᠦ ᠳ᠋ᠤ
ᠠᠭᠠᠰᠢᠨ ᠳᠤ ᠴᠢᠨᠢ
《ᠠᠷᠪᠠᠨ ᠳᠠᠪᠤᠨ ᠤ ᠰᠠᠷᠠ》
ᠣᠶᠠᠩᠭ᠋ᠠᠷᠠᠭᠠᠤᠨ ᠢᠷᠠᠨᠠ
ᠴᠢᠮᠠ ᠵᠢ
ᠰᠠᠨᠠᠬᠤ ᠦᠭᠡᠶ ᠭᠡᠭᠦ ᠳ᠋ᠤ
ᠰᠡᠮᠡᠷᠡᠭ᠍ᠰᠡᠨ ᠰᠡᠳᠭᠢᠯ ᠵᠢᠠᠨ
ᠬᠠᠪᠣᠵᠤ ᠳᠡᠢ᠌ᠯᠭᠦ ᠥᠭᠡᠢ
ᠴᠢᠮᠠ ᠵᠢ
ᠵᠡᠭᠦᠳᠦᠯᠡᠭᠦ ᠦᠭᠡᠶ ᠭᠡᠭᠦ ᠳ᠋ᠤ
ᠨᠣᠢ᠌ᠷ ᠤᠨ ᠬᠠᠭᠠᠯᠭᠠ
ᠲᠦᠯᠭᠢᠭᠦᠷ ᠶᠢᠡᠨ ᠨᠢᠭᠤᠵᠤ ᠳᠡᠢ᠌ᠯᠭᠦ ᠥᠭᠡᠢ
ᠴᠢᠮᠠ ᠶᠢ
ᠬᠠᠷᠠᠬᠤ ᠦᠭᠡᠶ ᠭᠡᠭᠦ ᠳ᠋ᠤ
ᠴᠢᠨᠤ ᠶᠠᠪᠣᠭᠰᠠᠨ ᠵᠥᠭ᠌ ᠡᠴᠡ
ᠬᠠᠷᠠᠭᠠ ᠪᠠᠨ ᠬᠠᠮᠢᠶᠠᠷᠴᠤ ᠳᠡᠢ᠌ᠯᠭᠦ ᠥᠭᠡᠢ
ᠴᠢᠨᠤ ᠲᠦᠯᠦᠭᠡ
ᠣᠭᠢᠯᠠᠬᠤ ᠦᠭᠡᠶ ᠭᠡᠭᠦ ᠳ᠋ᠤ
ᠨᠢᠳᠤᠨ ᠣᠬᠤᠷᠬᠠᠢ
ᠨᠢᠯᠪᠣᠰᠤ ᠪᠠᠨ ᠰᠠᠭᠠᠳᠤᠭᠤᠯᠵᠤ ᠳᠡᠢ᠌ᠯᠭᠦ ᠥᠭᠡᠢ
ᠴᠢᠮᠡ ᠶᠢ ᠮᠠᠷᠳᠠᠶᠠ ᠭᠡᠭᠦ ᠳᠤ
ᠣᠨ ᠵᠢᠯ ᠤᠨ
ᠬᠠᠭᠤᠴᠢᠷᠠᠭᠰᠠᠨ ᠨᠢᠭᠤᠷ
ᠥᠩᠭᠡ ᠪᠠᠨ ᠬᠠᠯᠠᠬᠤ ᠥᠭᠡᠢ
ᠴᠢᠮᠠ ᠶᠢ ᠬᠠᠢ᠌ᠷᠠᠯᠠᠭᠰᠠᠨ ᠮᠢᠨᠢ
ᠨᠢᠭᠡᠨ ᠴᠠᠭ ᠤᠨ ᠵᠢᠷᠭᠠᠯ ᠴᠤ ᠶᠤᠮ ᠦᠦ ᠳ᠋ᠠ
ᠴᠢᠮᠠᠳᠤ ᠬᠠᠢ᠌ᠷᠠᠯᠠᠭᠳᠠᠭᠰᠠᠨ ᠦᠭᠡᠶ ᠮᠢᠨᠢ
ᠨᠢᠭᠡ ᠨᠠᠰᠤᠨ ᠤ ᠬᠠᠷᠠᠮᠰᠠᠯ ᠴᠤ ᠶᠤᠮ ᠦᠦ ᠳ᠋ᠠ
ᠴᠢᠮᠠ ᠶᠢ ᠮᠠᠷᠳᠠᠶᠠ ᠭᠡᠭᠦ ᠳ᠋ᠤ
ᠠᠭᠠᠯᠢᠨ ᠳᠤ ᠴᠢᠨᠢ
ᠠᠷᠪᠠᠨ ᠨᠢ᠌ᠮᠠᠨ ᠨᠠᠰᠤ
ᠪᠦᠮᠪᠦᠷᠢᠭᠡᠳ ᠢᠷᠠᠨᠠ
ᠴᠢᠮᠠ ᠶᠢ ᠮᠠᠷᠳᠠᠶᠠ ᠭᠡᠭᠦ ᠳ᠋ᠤ
ᠠᠭᠠᠰᠢᠨ ᠳᠤ ᠴᠢᠨᠢ
《ᠠᠷᠪᠠᠨ ᠳᠠᠪᠤᠨ ᠤ ᠰᠠᠷᠠ》
ᠣᠶᠠᠩᠭ᠋ᠠᠷᠠᠭᠠᠤᠨ ᠢᠷᠠᠨᠠ
ᠵᠤᠬᠢᠶᠠᠭᠴᠢ᠄ ᠭᠦᠭᠡ᠊ᠠ᠋ᠭᠤᠯᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2626
ᠴᠠᠭ᠄ 2010 ᠤᠨ ᠤ 12 ᠰᠠᠷᠠ ᠶᠢᠨ 27
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ