ᠭᠢᠯᠢᠩ

ᠭᠡᠭᠦᠳᠡᠭ᠌ ᠳᠦᠭᠦᠷᠡᠩ ᠳᠦᠷᠡᠯᠵᠡᠭᠦ

ᠣᠳᠤᠭ᠎ᠠ ᠦᠭᠡᠶ ᠳᠣᠢ᠌ᠮᠠᠷ ᠶᠤᠮ᠂

ᠭᠡᠷᠡᠭᠦᠯ ᠵᠤᠳᠤᠭ᠎ᠠ ᠪᠠᠷ ᠳᠡᠭᠦᠰᠭᠦ

ᠦᠨ᠎ᠡ ᠦᠭᠡᠶ ᠱᠠᠩᠨᠠᠯ ᠶᠤᠮ᠃

ᠦᠨᠡᠨ ᠵᠦᠪ ᠶᠢᠡᠨ ᠣᠯᠤᠯᠴᠠᠪᠠᠯ

ᠣᠰᠤᠨ ᠵᠢᠷᠤᠭ᠎ᠠ ᠮᠤᠷᠢ ᠶᠤᠮ᠂

ᠦᠷᠭᠦᠯᠵᠢᠯᠡᠨ ᠠᠭᠠᠰᠢᠯᠠᠵᠤ ᠵᠠᠩᠨᠠᠪᠠᠯ

ᠣᠰᠤ ᠨᠢᠳᠦᠯᠡᠭᠦ ᠬᠠᠷᠠᠮᠰᠠᠯ ᠶᠤᠮ᠃

ᠪᠠᠶ᠎ᠠ ᠪᠠᠨ ᠪᠠᠷᠢᠵᠤ ᠳᠠᠢ᠌ᠯᠪᠠᠯ

ᠭᠡᠷ ᠲᠤ ᠳᠦᠷᠢᠭᠡᠰᠦᠳᠡᠢ ᠭᠢᠳᠤᠭ᠎ᠠ ᠶᠤᠮ᠂

ᠪᠢᠰᠢᠭᠦᠢ ᠨᠢᠳᠤᠷᠭ᠎ᠠ ᠵᠡᠩᠭᠢᠳᠦᠪᠠᠯ

ᠵᠢᠳᠠ ᠳᠤᠰᠤᠭᠰᠠᠨ ᠪᠠᠮᠪᠠᠢ ᠶᠤᠮ᠃

ᠨᠠᠪᠴᠢ

ᠨᠠᠪᠴᠢ ᠪᠣᠯ ᠨᠠᠮᠤᠷ ᠤᠨ ᠨᠢᠯᠪᠣᠰᠤ ᠶᠤᠮ

ᠭᠦᠷᠦᠰᠤ ᠪᠠᠨ ᠣᠮᠳᠠᠯᠠᠵᠤ

ᠭᠦᠭᠡᠷᠦᠭᠦᠨ ᠨᠡᠭᠢᠶ᠎ᠡ ᠪᠣᠯᠤᠨ ᠰᠤᠶᠤᠭᠠᠯᠠᠶ᠎ᠠ ᠭᠡᠰᠡᠨ

ᠭᠦᠳᠡᠰᠤᠨ ᠳᠡᠯᠡᠭᠡᠢ ᠶᠢᠨ ᠰᠦᠨᠠᠰᠤ ᠶᠤᠮ᠂

ᠨᠠᠪᠴᠢ ᠪᠣᠯ ᠬᠠᠪᠣᠷ ᠶᠢᠨ ᠣᠶᠠᠩᠭ᠋᠎ᠠ ᠶᠤᠮ

ᠡᠭᠡ ᠪᠠᠢ᠌ᠭᠠᠯᠢ ᠪᠠᠨ ᠦᠮᠴᠢᠯᠠᠵᠤ

ᠡᠷᠡᠭᠦᠯ ᠪᠦᠳᠤᠨ ᠠᠮᠢᠯᠠᠶ᠎ᠠ ᠭᠡᠰᠡᠨ

ᠡᠷᠭᠢᠭᠦ ᠪᠦᠮᠪᠦᠷᠴᠡᠭ᠌ ᠤᠨ ᠠᠨᠢᠰᠤ ᠶᠤᠮ᠂

ᠨᠠᠪᠴᠢ ᠪᠣᠯ ᠬᠤᠷᠸ᠎ᠠ ᠶᠢᠨ ᠭᠦᠰᠡᠯ ᠶᠤᠮ᠃

ᠴᠡᠴᠡᠭ᠌ ᠰᠢᠭ᠌ ᠦᠵᠡᠮᠵᠢ ᠦᠭᠡᠶ ᠴᠤ

ᠴᠠᠯ ᠨᠤᠭᠤᠭᠠᠨ ᠢᠳᠡᠭᠡᠯ ᠬᠠᠢ᠌ᠷᠠᠯᠠᠭᠰᠠᠨ

ᠴᠡᠩᠭᠡᠯ ᠪᠠᠶᠠᠷ ᠤᠨ ᠳᠠᠭᠤᠤ ᠶᠤᠮ᠃

ᠠᠳᠠᠭᠠᠷᠬᠠᠯ

ᠬᠤᠶᠠᠷ ᠬᠠᠷ᠎ᠠ ᠨᠢᠳᠤᠨ ᠡᠴᠡ

ᠭᠦᠮᠦᠰᠭᠡ ᠭᠠᠳᠠᠨ᠎ᠠ ᠪᠠᠢ᠌ᠳᠠᠭ ᠲᠤᠨᠢ

ᠰᠤᠷᠮᠤᠰᠤ ᠪᠠᠨ ᠦᠷᠤᠪᠳᠤᠵᠤ ᠠᠳᠠᠭᠠᠷᠬᠠᠨ᠎ᠠ

ᠭᠡᠯᠡ ᠭᠡᠳᠦᠢ ᠠᠠᠬᠠᠷ ᠴᠤ

ᠭᠦᠵᠦᠭᠦᠤ ᠭᠤᠷᠪᠠ ᠣᠷᠢᠶᠠᠳᠠᠭ ᠳᠤᠨᠢ

ᠣᠷᠤᠭᠤᠯ ᠡᠴᠡ ᠳᠠᠷᠰᠯᠠᠵᠤ ᠠᠳᠠᠭᠠᠷᠬᠠᠨ᠎ᠠ

ᠳᠤᠯᠤᠭᠠᠢ ᠴᠤᠮᠤᠷᠠᠭᠰᠠᠨ ᠢᠴᠢᠭᠦᠷᠢ ᠪᠠᠨ

ᠳᠤᠭᠤᠷᠴᠤᠭ ᠳᠤᠳᠤᠷ᠎ᠠ ᠪᠠᠨ ᠨᠢᠭᠤᠳᠠᠭ ᠳᠤᠨᠢ

ᠰᠤᠷᠪᠢ ᠦᠯᠠᠳᠠᠵᠤ ᠠᠳᠠᠭᠠᠷᠬᠠᠨ᠎ᠠ᠃

ᠣᠭᠢᠯᠠᠵᠤ ᠣᠷᠴᠢᠯᠠᠩ ᠳᠡᠭᠡᠷ᠎ᠡ ᠮᠡᠡᠳᠦᠯᠡᠭᠡᠳ

ᠣᠭᠢᠯᠠᠭᠤᠯᠵᠤ ᠬᠤᠷᠸ᠎ᠠ ᠡᠴᠡ ᠠᠩᠭᠢᠵᠢᠷᠠᠳᠠᠭ ᠳ᠋ᠤᠨᠢ

ᠮᠥᠩᠭᠡᠷᠡᠭᠦ ᠦᠭᠡᠶ ᠨᠠᠷ᠎ᠠ ᠶᠢᠨ ᠶᠢᠡᠨ ᠲᠦᠯᠦᠭᠡ ᠠᠳᠠᠭᠠᠷᠬᠠᠨ᠎ᠠ᠃

ᠣᠢ᠌ᠤᠠᠬᠠᠷ

ᠰᠡᠭᠦᠷᠡᠰᠤ ᠲᠡᠶ ᠪᠣᠳᠤᠯ ᠤᠨ ᠵᠢᠭᠤᠷᠭᠠᠨ ᠢ

ᠰᠡᠭᠦᠯᠴᠢ ᠶᠢᠨ ᠣᠬᠠᠭᠠᠷᠠᠯ ᠶᠢᠡᠷ ᠠᠷᠭᠠᠳᠠᠵᠤ

ᠡᠭᠦᠰᠦᠭ᠍ᠰᠡᠨ ᠦᠭᠡᠶ ᠶᠤᠮᠰᠢᠭ ᠣᠪᠯᠠᠶ᠎ᠠ ᠭᠡᠵᠤ

ᠣᠢ᠌ᠤᠠᠬᠠᠷ ᠤᠨ ᠳᠠᠷᠤᠭᠠᠰᠤᠨ ᠳᠤ ᠵᠢᠮᠡᠯᠡᠭ᠍ᠳᠡᠭᠦ ᠳᠡᠭᠡᠨ

ᠡᠮᠳᠡᠷᠡᠭ᠍ᠰᠡᠨ ᠵᠢᠷᠦᠭᠡᠨ ᠤ ᠴᠤᠭᠢᠯᠭ᠎ᠠ ᠪᠠᠷ

ᠡᠷᠭᠢᠵᠤ ᠦᠪᠡᠷ ᠢ ᠪᠠᠨ ᠳᠠᠢ᠌ᠤᠠᠬᠤᠷᠠᠭᠤᠯᠬᠤ ᠳᠠᠭᠠᠨ

ᠥᠩᠭᠡᠷᠡᠭ᠍ᠰᠡ ᠰᠦᠨᠢ ᠶᠢᠨ ᠬᠠᠷᠠᠭᠤᠰᠤᠯ ᠤᠨ

ᠦᠷᠢ ᠶᠢ ᠨᠢ ᠪᠢ ᠨᠢᠯᠪᠣᠰᠤ ᠪᠠᠷ ᠲᠦᠯᠦᠭᠦ ᠦᠭᠡᠶ᠃

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ᠄ ᠪᠠᠶᠠᠠᠭᠤᠤᠯ ᠵᠸᠤ ᠶᠢᠨ ᠾᠸᠠᠵᠢᠩ ᠰᠢᠶᠠᠨ