☆ ᠣᠷᠭᠢᠯᠤᠮᠠ
ᠪᠢ ᠪᠠᠰᠠ ᠪᠢᠴᠢᠨᠠ
ᠳᠡᠭ᠍ᠷᠢ ᠮᠢᠨᠢ ᠴᠡᠩᠭᠡᠷ ᠪᠠᠢ᠌ᠭᠰᠠᠨ
ᠳᠠᠯᠠ ᠮᠢᠨᠢ ᠳᠡᠨᠢᠭᠡᠷ ᠪᠠᠢ᠌ᠭᠰᠠᠨ
ᠳᠡᠭᠡᠳᠦᠰ ᠮᠢᠨᠢ ᠠᠶᠤᠩᠭ᠋ᠠ ᠪᠠᠢ᠌ᠭᠰᠠᠨ
ᠪᠢ ᠪᠠᠰᠠ ᠪᠢᠴᠢᠨᠠ
ᠪᠢᠷ ᠮᠢᠨᠢ ᠬᠤᠷᠴᠠ ᠪᠠᠢ᠌ᠭᠰᠠᠭᠠᠷ
ᠪᠢᠯᠢᠭ᠌ ᠮᠢᠨᠢ ᠰᠠᠷᠠᠭᠤᠯ ᠪᠠᠢ᠌ᠭᠰᠠᠭᠠᠷ
ᠪᠢᠴᠢᠭ᠌ ᠮᠢᠨᠢ ᠪᠣᠰᠤᠭᠠ ᠪᠠᠢ᠌ᠭᠰᠠᠭᠠᠷ
ᠪᠢ ᠪᠠᠰᠠ ᠪᠢᠴᠢᠨᠠ
ᠴᠢᠰᠤ ᠮᠢᠨᠢ ᠣᠨᠤᠨ ᠭᠤᠤᠯ ᠡᠴᠡ ᠡᠭᠢ ᠲᠡᠶ
ᠰᠡᠳᠭᠢᠯ ᠮᠢᠨᠢ ᠮᠤᠩᠭ᠋ᠤᠯ ᠳᠠᠯᠠ ᠳᠤ ᠪᠠᠨ ᠦᠨᠳᠦᠰᠦ ᠲᠡᠶ
ᠰᠢᠠᠳᠠᠰᠤ ᠮᠢᠨᠢ ᠬᠤᠯᠠᠨ ᠳᠠᠭᠢ ᠶᠢᠨ ᠳᠦᠪᠠᠷᠭᠡᠨ ᠲᠡᠶ
ᠪᠢ ᠪᠠᠰᠠ ᠪᠢᠴᠢᠨᠠ
ᠣᠩᠰᠢᠵᠤ ᠨᠢᠳᠦᠯᠡᠭᠦ ᠡᠴᠡ ᠮᠤᠩᠭ᠋ᠤᠯ ᠮᠠᠯᠮᠠᠢ ᠲᠡᠶ
ᠣᠬᠠᠵᠤ ᠰᠡᠭᠡᠷᠡᠭᠦ ᠡᠴᠡ ᠮᠤᠩᠭ᠋ᠤᠯ ᠳᠤᠪᠴᠢᠶᠠᠨ ᠲᠡᠶ
ᠣᠶᠠᠷᠠᠭᠤᠯᠵᠤ ᠢᠭ᠍ᠳᠦᠭᠦᠯᠭᠦ ᠡᠴᠡ ᠣᠷᠳᠤ ᠶᠢᠨ ᠳᠠᠭᠤᠤ ᠳᠠᠢ
ᠪᠢ ᠪᠠᠰᠠ ᠪᠢᠴᠢᠨᠠ
ᠠᠪᠣ ᠶᠢᠨ ᠰᠤᠷᠭᠠᠯ ᠳᠤ ᠪᠣᠭᠴᠤ ᠡᠭᠦᠷᠦᠭ᠍ᠰᠡᠨ
ᠠᠠᠳᠠ ᠶᠢᠨ ᠠᠴᠢ ᠳᠤ ᠪᠢᠷ ᠬᠤᠷᠴᠠᠯᠠᠭᠰᠠᠨ
ᠠᠰᠢᠳᠠ ᠶᠢᠨ ᠭᠦᠰᠡᠯ ᠳᠤ ᠨᠣᠢ᠌ᠷ ᠬᠤᠯᠵᠢᠭᠰᠠᠨ
ᠪᠢ ᠪᠠᠰᠠ ᠪᠢᠴᠢᠨᠠ
ᠪᠣᠰᠤᠭᠠ ᠶᠠᠪᠣᠭᠰᠠᠨ ᠳᠡᠭᠡᠳᠦᠰ ᠶᠢᠡᠨ ᠮᠤᠷᠢ ᠲᠡᠶ ᠨᠢ ᠪᠢᠴᠢᠨᠠ
ᠪᠣᠳᠠᠷᠠᠵᠤ ᠰᠠᠷᠨᠢᠭᠰᠠᠨ ᠳᠡᠦᠭᠡ ᠪᠠᠨ ᠮᠦᠷ ᠲᠡᠶ ᠨᠢ ᠪᠢᠴᠢᠨᠠ
ᠪᠦᠳᠦᠵᠤ ᠡᠪᠳᠡᠷᠡᠭ᠍ᠰᠡᠨ ᠬᠤᠶᠠᠷ ᠢ ᠦᠨᠡᠨ ᠲᠡᠶ ᠨᠢ ᠪᠢᠴᠢᠨᠠ
ᠪᠢ ᠪᠠᠰᠠ ᠪᠢᠴᠢᠨᠠ
ᠳᠠᠭᠢᠨᠢ ᠡᠴᠡ ᠮᠡᠷᠭᠡᠨ ᠠᠯᠤᠠᠭᠤᠸᠠ ᠡᠭᠡ ᠶᠢᠨ ᠰᠤᠷᠭᠠᠯ ᠢ ᠪᠢᠴᠢᠨᠠ
ᠳᠠᠭᠢᠨᠢ ᠡᠴᠡ ᠥᠩᠭᠡᠳᠡᠢ ᠥᠭᠡᠯᠤᠨ ᠡᠭᠡ ᠶᠢᠨ ᠠᠴᠢᠯᠠᠯ ᠢ ᠪᠢᠴᠢᠨᠠ
ᠳᠠᠭᠢᠨᠢ ᠡᠴᠡ ᠰᠠᠴᠠᠨ ᠮᠠᠠᠳᠤᠬᠠᠢ ᠬᠠᠳᠤᠨ ᠤ ᠣᠢ᠌ᠯᠠᠰ ᠢ ᠪᠢᠴᠢᠨᠠ
ᠪᠢ ᠪᠠᠰᠠ ᠪᠢᠴᠢᠨᠠ
ᠳᠠᠮᠤᠵᠢᠨ᠂ ᠪᠣᠭᠤᠷᠴᠤ ᠬᠤᠶᠠᠷ ᠤᠨ ᠨᠥᠭᠦᠷᠯᠡᠯ ᠡᠴᠡ ᠨᠢ ᠪᠢᠴᠢᠨᠠ
ᠪᠠᠳᠠᠢ᠂ ᠭᠢᠰᠢᠯᠢᠭ᠌ ᠬᠤᠶᠠᠷ ᠤᠨ ᠭᠡᠯᠡ ᠡᠴᠡ ᠨᠢ ᠪᠢᠴᠢᠨᠠ
ᠳᠤᠭᠳᠠᠬᠤ᠂ ᠭᠠᠳᠠ ᠬᠤᠶᠠᠷ ᠤᠨ ᠪᠣᠰᠤᠯᠭᠠ ᠡᠴᠡ ᠨᠢ ᠪᠢᠴᠢᠨᠠ
ᠪᠢ ᠪᠠᠰᠠ ᠪᠢᠴᠢᠨᠠ
ᠳᠠᠩᠭ᠋ᠠᠷᠢᠭ ᠡᠴᠡ ᠪᠠᠨ ᠳᠡᠷᠰᠯᠡᠭ᠍ᠰᠡᠨ ᠵᠠᠮᠤᠬᠠ ᠶᠢᠨ ᠡᠴᠦᠰᠯᠡᠯ ᠢ ᠪᠢᠴᠢᠨᠠ
ᠳᠦᠷᠤ ᠪᠠᠨ ᠮᠥᠭᠦᠭᠡᠭ᠍ᠰᠡᠨ ᠬᠠᠭᠠᠤᠨ ᠤᠨ ᠭᠡᠮᠰᠢᠯ ᠢ ᠪᠢᠴᠢᠨᠠ
ᠳᠠᠢ᠌ᠴᠢᠩ ᠲᠦᠷᠤ ᠶᠢ ᠲᠡᠳᠬᠦᠭ᠍ᠰᠡᠨ ᠸᠡᠩ ᠤᠨ ᠭᠠᠪᠢᠶᠠ ᠶᠢ ᠪᠢᠴᠢᠨᠠ
ᠪᠢ ᠪᠠᠰᠠ ᠪᠢᠴᠢᠨᠠ
ᠳᠠᠢ᠌ᠵᠢ ᠢᠠᠵᠠᠠᠨᠠᠰᠢ ᠶᠢᠨ ᠶᠢᠡᠨ ᠰᠤᠳᠤᠷ ᠡᠴᠡ ᠨᠢ ᠪᠢᠴᠢᠨᠠ
ᠳᠠᠨᠢᠮᠠᠷ ᠬᠠᠰᠪᠣ ᠶᠢᠨ ᠶᠢᠡᠨ ᠵᠡᠭᠦᠳᠤᠨ ᠡᠴᠡ ᠨᠢ ᠪᠢᠴᠢᠨᠠ
ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠶᠢᠡᠨ ᠵᠢᠰᠤᠮ ᠡᠴᠡ ᠨᠢ ᠪᠢᠴᠢᠨᠠ
ᠪᠢ ᠪᠠᠰᠠ ᠪᠢᠴᠢᠨᠠ
ᠣᠷᠭᠤᠵᠤ ᠪᠠᠢ᠌ᠭᠠ ᠨᠠᠷᠠ ᠶᠢ ᠳᠤᠯᠤᠩ ᠲᠡᠶ ᠨᠢ ᠪᠢᠴᠢᠨᠠ
ᠠᠮᠢᠯᠠᠭᠤᠯᠵᠤ ᠪᠠᠢ᠌ᠭᠠ ᠬᠤᠷᠠ ᠶᠢ ᠡᠭᠦᠯᠡ ᠲᠡᠶ ᠨᠢ ᠪᠢᠴᠢᠨᠠ
ᠦᠪ ᠵᠠᠯᠭᠠᠭᠰᠠᠨ ᠨᠢᠯᠬᠠ ᠪᠠᠨ ᠵᠡᠭᠦᠳᠤ ᠲᠡᠶ ᠨᠢ ᠪᠢᠴᠢᠨᠠ
ᠪᠢ ᠪᠠᠰᠠ ᠪᠢᠴᠢᠨᠠ
ᠡᠳ᠋ ᠰᠤᠷᠢᠠᠵᠢᠨ ᠴᠤ ᠥᠵᠦᠭ᠌ ᠶᠢᠡᠨ ᠳᠠᠳᠠᠭᠳᠠᠭᠤᠯᠬᠤ ᠥᠭᠡᠢ
ᠡᠷᠭᠡ ᠠᠭᠤᠯᠠ ᠴᠤ ᠡᠷᠢᠯ ᠶᠢᠡᠨ ᠳᠠᠷᠤᠭᠳᠠᠭᠤᠯᠬᠤ ᠥᠭᠡᠢ
ᠶᠢᠷᠳᠢᠠᠴᠤ ᠡᠷᠢᠶᠡᠨ ᠴᠤ ᠰᠡᠳᠭᠢᠯ ᠶᠢᠡᠨ ᠪᠣᠯᠠᠩᠭᠢᠷᠳᠤᠭᠤᠯᠬᠤ ᠦᠭᠡᠶ
ᠪᠢ ᠪᠠᠰᠠ ᠪᠢᠴᠢᠨᠠ
ᠪᠠᠷᠠᠭᠤᠨ ᠭᠠᠷ ᠶᠢᠡᠷ ᠶᠢᠡᠨ ᠶᠠᠭᠤ ᠪᠦᠳᠦᠭᠡᠵᠤ ᠴᠢᠳᠠᠭᠰᠠᠨ ᠴᠤ
ᠪᠢᠷ ᠪᠠᠷᠢᠵᠤ ᠪᠢᠴᠢᠭ᠌ ᠵᠤᠬᠢᠶᠠᠯ ᠣᠷᠤᠯᠳᠤᠭᠠ ᠦᠭᠡᠶ ᠪᠣᠯ
ᠪᠠᠶᠠ ᠡᠷᠡᠭᠦᠯ ᠴᠤ ᠪᠢᠯᠢᠭ᠌ ᠡᠷᠡᠮᠳᠡᠭ᠌ ᠪᠣᠯᠬᠤ ᠨᠢ ᠡ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠲᠦᠰᠢᠶᠠᠳᠤ
ᠵᠤᠬᠢᠶᠠᠭᠴᠢ᠄ ᠣᠷᠭᠢᠯᠤᠮᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2636
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 13
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ