☆ ᠪᠦᠷᠢᠠᠳᠤᠩᠭ᠋ᠠᠯᠠᠭ
ᠠᠪᠣ ᠶᠢᠨ ᠮᠢᠨᠢ ᠰᠡᠭᠦᠷᠡᠰᠤ
ᠨᠠᠮᠬᠠᠨ ᠭᠦᠳᠦᠯ ᠤᠨ ᠣᠷᠤᠢ ᠳ᠋ᠤ
ᠡᠪᠦᠭᠡᠨ ᠱᠠᠩᠰᠢ ᠱᠤᠤᠭᠢᠬᠤ ᠮᠠᠳᠤ
ᠨᠠᠶᠠ ᠶᠢᠨ ᠨᠠᠮᠳᠠᠷ ᠳᠡᠪᠳᠡᠷᠯᠡᠭ᠍ᠰᠡᠨ
ᠥᠳᠡᠯᠦᠭᠡ ᠠᠪᠣ ᠮᠢᠨᠢ ᠰᠡᠭᠦᠷᠡᠰᠦᠯᠡᠭᠦ ᠪᠣᠯᠪᠠ᠃
ᠬᠠᠪᠣᠷ ᠤᠨ ᠵᠢᠪᠠᠷ ᠤᠨ ᠭᠦᠩᠭᠡᠭᠡᠨ ᠳᠤᠵᠢᠭᠢᠨᠠᠭᠠ ᠪᠠᠷ
ᠬᠠᠬᠠᠵᠤ ᠪᠦᠳᠡᠮᠡ ᠳᠤᠭᠤᠰᠤ ᠪᠣᠵᠢᠭᠢᠨᠠᠬᠤ ᠳᠤ
ᠬᠠᠭᠤᠷᠠᠢ ᠰᠢᠷᠭᠠᠯ ᠳᠡᠭ᠍ᠷᠢ ᠭᠠᠵᠠᠷ ᠵᠢᠠᠨ
ᠬᠠᠷᠠᠭᠠ ᠪᠠᠯᠠᠷᠳᠠᠭᠤᠯᠤᠨ ᠰᠢᠷᠳᠡᠭᠡᠳ ᠰᠡᠭᠦᠷᠡᠰᠦᠯᠡᠪᠡ᠃
ᠳᠠᠷᠢᠶᠠ ᠦᠷᠭᠡᠳᠴᠤ ᠳᠠᠯᠠ ᠪᠠᠷᠠᠭᠳᠠᠬᠤ ᠪᠠᠷ
ᠮᠠᠯ ᠴᠥᠭᠡᠷᠡᠵᠤ ᠳᠤᠤᠷ ᠠᠷᠪᠢᠳᠤᠬᠤ ᠪᠠᠷ
ᠮᠤᠲ᠋ᠤᠷ ᠣᠯᠠᠳᠠᠵᠤ ᠮᠤᠷᠢ ᠬᠤᠪᠣᠷᠳᠠᠬᠤ ᠪᠠᠷ
ᠳᠤᠭᠤᠰᠤᠷᠠᠭᠰᠠᠨ ᠡᠮᠡᠭᠡᠯ ᠶᠢᠡᠨ ᠵᠥᠯᠭᠦᠭᠦ ᠪᠦᠷᠢ ᠳᠡᠭᠡᠨ ᠰᠡᠭᠦᠷᠡᠰᠦᠯᠡᠪᠡ᠃
ᠣᠰᠤᠨ ᠤ ᠰᠢᠪᠠᠭᠤᠳ ᠨᠢ ᠨᠢᠰᠤᠨ ᠬᠤᠯᠠᠳᠤᠭᠠᠤᠨ
ᠳᠤᠭᠤᠷᠢᠮ ᠤᠨ ᠨᠠᠭᠤᠷ ᠤᠨ ᠱᠠᠯᠪᠠᠭ ᠭᠠᠩᠰᠠᠷᠠᠬᠤ ᠪᠠᠷ
ᠦᠰᠪᠦᠷᠢ ᠬᠡᠦᠬᠡᠳ ᠨᠢ ᠰᠠᠮᠪᠠᠷᠠ ᠲᠡᠶ ᠪᠠᠨ ᠨᠡᠭᠦᠭᠡᠳ
ᠳᠤᠰᠬᠤᠨ ᠤ ᠰᠤᠷᠭᠠᠭᠤᠯᠢ ᠡᠵᠡᠭᠦᠢᠷᠡᠭᠦ ᠳᠤ ᠰᠡᠭᠦᠷᠡᠰᠦᠯᠡᠪᠡ᠃
ᠬᠤᠪᠢᠯᠢᠭ ᠦᠬᠢᠳ ᠨᠢ ᠬᠤᠳᠠ ᠣᠷᠤᠭᠠᠤᠨ
ᠬᠣᠢ᠌ᠰᠢ ᠡᠷᠭᠢᠭᠦ ᠪᠠᠷᠠ ᠦᠭᠡᠶ ᠳ᠋ᠤ
ᠳᠤᠷᠪᠢᠯᠢᠭ ᠭᠦᠪᠠᠭᠦᠤᠨ ᠨᠢ ᠭᠤᠨᠢᠭ ᠳᠠᠪᠠᠷᠢᠵᠤ
《ᠳᠠᠯᠠ ᠶᠢᠨ ᠴᠢᠨ᠋ᠸᠠ》 ᠳᠠᠭᠠᠨ ᠳᠡᠪᠳᠦᠭᠦ ᠳᠤ ᠰᠡᠭᠦᠷᠡᠰᠦᠯᠡᠪᠡ᠃
ᠬᠠᠩᠰᠢ ᠥᠩᠭᠡᠷᠡᠭᠡᠳ ᠬᠠᠭᠳᠠ ᠨᠢᠳᠦᠯᠡᠭᠦ ᠦᠭᠡᠶ ᠳ᠋ᠤ
ᠬᠠᠷᠢᠶᠠᠴᠠᠢ ᠢᠷᠡᠭᠡᠳ ᠪᠣᠷᠤᠭᠠᠨ ᠣᠷᠤᠭᠰᠠᠨ ᠦᠭᠡᠶ ᠳ᠋ᠤ
ᠬᠠᠰᠢᠶᠠᠨ ᠳᠠᠭᠠᠨ ᠳᠠᠭᠢᠰᠢᠷᠠᠭᠰᠠᠨ ᠳᠤᠭᠤᠯ ᠶᠢᠡᠨ ᠣᠰᠤᠯᠠᠬᠤ ᠳ᠋ᠠᠭᠠᠨ
ᠬᠠᠢ︕ ᠭᠡᠵᠤ ᠣᠷᠳᠤ ᠡᠴᠡ ᠣᠷᠳᠤᠬᠠᠨ ᠴᠤ ᠰᠡᠭᠦᠷᠡᠰᠦᠯᠡᠪᠡ᠃
ᠠᠭᠰᠢᠷᠠᠭᠠ ᠠᠪᠣ ᠶᠢᠨ ᠮᠢᠨᠢ ᠰᠡᠭᠦᠷᠡᠰᠤᠨ ᠳ᠋ᠤ
ᠠᠭᠳᠠ ᠶᠢᠨ ᠦᠤᠷᠰᠠᠯ ᠪᠣᠳᠤᠭᠤ ᠶᠢᠨ ᠪᠣᠢ᠌ᠯᠠᠭᠠ ᠡᠷᠢᠭ᠍ᠳᠡᠨᠡ᠂
ᠠᠢ᠌ᠷᠠᠭ ᠴᠡᠭᠡ᠂ ᠰᠦ᠋ ᠶᠢᠨ ᠦᠨᠦᠷ ᠡᠷᠢᠭ᠍ᠳᠡᠨᠡ᠂
ᠠᠭᠠᠭ ᠲᠡᠶ ᠵᠠᠯᠠᠭᠤ ᠨᠠᠰᠤ ᠨᠢ ᠡᠷᠢᠭ᠍ᠳᠡᠨᠡ᠃
ᠥᠭ᠍ᠭᠢᠶᠡᠮᠦᠷ ᠳᠠᠩᠰᠤᠭ ᠨᠤᠳᠤᠭ ᠣᠰᠤ ᠨᠢ ᠥᠭᠡᠢ᠌ᠯᠡᠭ᠍ᠳᠡᠨᠡ᠂
ᠡᠪᠦᠯ ᠵᠤᠨ ᠤ ᠣᠳᠤᠷ ᠨᠡᠭᠦᠳᠡᠯ ᠨᠢ ᠥᠭᠡᠢ᠌ᠯᠡᠭ᠍ᠳᠡᠨᠡ᠂
ᠦᠨᠢᠷ ᠰᠥᠷᠦᠭ᠌ ᠡᠪᠠᠰᠤ ᠪᠠᠯᠴᠢᠭᠡᠷ ᠨᠢ ᠥᠭᠡᠢ᠌ᠯᠡᠭ᠍ᠳᠡᠨᠡ᠂
ᠥᠷᠯᠦᠭᠡ ᠦᠳᠡᠰᠢ ᠶᠢᠨ ᠴᠠᠪᠠᠷ ᠠᠭᠠᠷ ᠨᠢ ᠥᠭᠡᠢ᠌ᠯᠡᠭ᠍ᠳᠡᠨᠡ᠃
ᠠᠪᠣ ᠶᠢᠨ ᠮᠢᠨᠢ ᠰᠡᠭᠦᠷᠡᠰᠤ ᠶᠢ ᠳᠠᠭᠠᠵᠤ
ᠠᠢ᠌ᠯ ᠤᠨ ᠮᠢᠨᠢ ᠮᠠᠢ᠌ᠵᠢᠭᠢ ᠭᠡᠷ ᠤᠳ ᠳᠤᠷᠣᠢ᠌ᠨᠠ︕
ᠠᠬᠤᠢ ᠶᠢᠨ ᠱᠤᠷᠪᠣᠭ ᠭᠦᠯᠦᠰᠤ ᠤᠳ ᠣᠷᠤᠰᠤᠨᠠ︕
ᠠᠮᠢᠳᠤᠷᠠᠯ ᠤᠨ ᠡᠮᠵᠡᠭ᠌ ᠨᠢᠯᠪᠣᠰᠤ ᠤᠳ ᠮᠠᠯᠮᠠᠷᠠᠨᠠ ︕
ᠥᠩᠭᠡᠷᠡᠵᠤ ᠣᠳᠤᠭᠰᠠᠨ ᠣᠨ ᠵᠢᠯ ᠁
ᠥᠩᠭᠡᠴᠡᠭ᠍ᠳᠡᠵᠤ ᠡᠪᠳᠡᠭ᠍ᠳᠡᠭ᠍ᠰᠡᠨ ᠣᠨᠠᠭᠠᠨ ᠪᠠᠢ᠌ᠭᠠᠯᠢ ᠁
ᠥᠭᠡᠷᠡᠳᠤᠨ ᠬᠤᠪᠢᠷᠠᠭᠠ ᠠᠯᠢ ᠪᠦᠭᠦᠨ ᠢ ᠬᠠᠷᠠᠭᠰᠠᠭᠠᠷ ᠁
ᠦᠪᠡᠷ ᠶᠢᠡᠨ ᠰᠤᠴᠢᠳᠠᠯᠠ ᠠᠪᠣ ᠮᠢᠨᠢ ᠰᠡᠭᠦᠷᠡᠰᠦᠯᠡᠪᠡ᠃
ᠵᠤᠬᠢᠶᠠᠭᠴᠢ᠄ ᠪᠦᠷᠢᠠᠳᠤᠩᠭ᠋ᠠᠯᠠᠭ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2756
ᠴᠠᠭ᠄ 2009 ᠤᠨ ᠤ 06 ᠰᠠᠷᠠ ᠶᠢᠨ 13
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ