☆ ᠯ·ᠣᠳᠤᠨ (ᠬᠦᠬᠡᠨᠠᠭᠤᠷ)
ᠴᠠᠭᠠᠨ ᠢᠷᠠᠯᠠ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠯᠠᠨ ᠮᠤᠩᠭ᠋ᠤᠯᠴᠤᠳ ᠲᠠᠭᠠᠨ ᠰᠢᠨᠡ ᠵᠢᠯ ᠤᠨ ᠮᠠᠠᠳᠤ ᠶᠢᠨ ᠬᠠᠳᠠᠭ ᠪᠣᠯᠭᠠᠪᠠᠢ︕
ᠠᠪᠳᠠᠷᠠ ᠳᠡᠭᠡᠷᠡ ᠪᠠᠭᠤᠭᠰᠠᠨ ᠰᠢᠷᠤᠢ ᠶᠢ ᠣᠨᠠᠭᠠᠨ ᠴᠠᠭᠠᠨ ᠢᠷᠠᠯᠠ
ᠠᠶᠠᠭᠠᠨ ᠳᠤ ᠨᠠᠭᠠᠯᠳᠤᠭᠰᠠᠨ ᠭᠢᠯᠭᠠᠰᠤ ᠭᠡᠢ᠌ᠰᠭᠡᠨ ᠴᠠᠭᠠᠨ ᠢᠷᠠᠯᠠ
ᠠᠢ᠌ᠯ ᠤᠨ ᠬᠤᠳᠠᠨ ᠳᠤ ᠰᠢᠨᠡ ᠮᠦᠷ ᠭᠠᠷᠭᠠᠨ ᠴᠠᠭᠠᠨ ᠢᠷᠠᠯᠠ
ᠠᠮᠠᠷᠠᠭ ᠤᠨ ᠰᠡᠳᠭᠢᠯ ᠳᠤ ᠮᠦᠷᠦᠭᠡᠳᠦᠯ ᠥᠶᠡᠯᠡᠭᠦᠯᠤᠨ ᠴᠠᠭᠠᠨ ᠢᠷᠠᠯᠠ
ᠡᠵᠢ ᠶᠢᠨ ᠪᠦᠷᠢᠭ᠍ᠰᠡᠨ ᠳᠠᠷᠠᠭ ᠤᠨ ᠦᠷᠤᠮᠠ ᠶᠢ ᠢᠷᠠᠨ ᠴᠠᠭᠠᠨ ᠢᠷᠠᠯᠠ
ᠡᠭᠡᠴᠢ ᠶᠢᠨ ᠴᠢᠨᠠᠭᠰᠠᠨ ᠴᠠᠢ ᠶᠢᠨ ᠳᠤᠰᠤ ᠶᠢ ᠦᠯᠢᠶᠠᠨ ᠴᠠᠭᠠᠨ ᠢᠷᠠᠯᠠ
ᠡᠷᠦᠭᠡ(1) ᠵᠢᠨ ᠰᠡᠢ᠌ᠮᠡᠭᠡᠢ ᠪᠠᠷ ᠣᠳᠤᠳ ᠠᠢ᠌ᠯᠴᠢᠯᠠᠨ ᠴᠠᠭᠠᠨ ᠢᠷᠠᠯᠠ
ᠡᠳᠦᠷ ᠤᠨ ᠨᠠᠷᠠᠨ ᠡᠴᠡ ᠭᠡᠷᠡᠯ ᠠᠮᠢᠰᠬᠤᠨ ᠴᠠᠭᠠᠨ ᠢᠷᠠᠯᠠ
ᠢᠷᠭᠡᠪᠴᠢ(2) ᠵᠢᠨ ᠳᠤᠤᠭᠤᠷ ᠰᠠᠯᠭᠢ ᠨᠠᠭᠠᠳᠤᠭᠤᠯᠤᠨ ᠴᠠᠭᠠᠨ ᠢᠷᠠᠯᠠ
ᠢᠰᠡᠭᠡᠢ ᠭᠡᠷ ᠤᠨ ᠳᠤᠭᠤᠨᠤ ᠪᠠᠷ ᠰᠠᠷᠠ ᠱᠠᠭᠠᠢ᠌ᠨ ᠴᠠᠭᠠᠨ ᠢᠷᠠᠯᠠ
ᠢᠩᠭᠡᠨ ᠤ ᠭᠦᠭᠦᠨ ᠡᠴᠡ ᠰᠥ᠋ ᠢᠪᠢᠯᠭᠡᠨ ᠴᠠᠭᠠᠨ ᠢᠷᠠᠯᠠ
ᠢᠰᠢᠭᠡᠨ ᠤ ᠣᠷᠤᠭᠤᠯ ᠳᠤ ᠰᠢᠭᠢᠷ ᠠᠮᠳᠠᠯᠠᠭᠳᠠᠨ ᠴᠠᠭᠠᠨ ᠢᠷᠠᠯᠠ
ᠣᠨ ᠤ ᠵᠤᠯᠠᠢ ᠳᠤ ᠬᠠᠳᠠᠭ ᠳᠤᠬᠤᠨ ᠴᠠᠭᠠᠨ ᠢᠷᠠᠯᠠ
ᠣᠳᠤᠷ ᠤᠨ ᠳᠤᠭᠤᠰᠤᠨ ᠳᠤ ᠲᠦᠯ ᠳᠤᠰᠤᠨ ᠴᠠᠭᠠᠨ ᠢᠷᠠᠯᠠ
ᠣᠭᠤᠨᠤ ᠶᠢᠨ ᠪᠠᠯᠴᠢᠭᠡᠷ ᠡᠴᠡ ᠨᠤᠭᠤᠭᠠ ᠦᠨᠦᠷᠯᠠᠨ ᠴᠠᠭᠠᠨ ᠢᠷᠠᠯᠠ
ᠣᠭᠳᠠᠷᠭᠤᠢ ᠶᠢᠨ ᠡᠭᠦᠯᠡᠨ ᠳᠤ ᠭᠦᠰᠡᠯ ᠨᠡᠭᠦᠯᠭᠡᠨ ᠴᠠᠭᠠᠨ ᠢᠷᠠᠯᠠ
ᠣᠳᠤᠭᠠᠳᠤ ᠭᠡᠷ ᠤᠨ ᠭᠦ᠋ ᠠᠷᠴᠢᠨ ᠴᠠᠭᠠᠨ ᠢᠷᠠᠯᠠ
ᠣᠨᠢᠨ ᠤ ᠥᠵᠦᠭᠦᠷ ᠲᠤ ᠭᠡᠭᠡ ᠠᠷᠬᠠᠯᠠᠨ ᠴᠠᠭᠠᠨ ᠢᠷᠠᠯᠠ
ᠣᠳᠤᠮᠳᠤ ᠮᠤᠩᠭ᠋ᠤᠯ ᠤᠨ ᠮᠠᠠᠳᠤ ᠭᠦᠷᠭᠡᠨ ᠴᠠᠭᠠᠨ ᠢᠷᠠᠯᠠ
ᠣᠰᠤᠨ ᠤ ᠠᠨᠢᠷ ᠶᠢᠡᠷ ᠭᠦᠭᠡᠮᠡᠢ ᠠᠶᠠᠯᠤᠨ ᠴᠠᠭᠠᠨ ᠢᠷᠠᠯ
ᠦᠷᠦᠭᠡ ᠪᠠᠢ᠌ᠰᠢᠩ ᠤᠨ ᠠᠭᠠᠷ ᠰᠤᠯᠢᠨ ᠴᠠᠭᠠᠨ ᠢᠷᠠᠯᠠ
ᠦᠨᠳᠦᠷ ᠮᠤᠳᠤᠨ ᠤ ᠪᠦᠷ ᠰᠠᠮᠨᠠᠨ ᠴᠠᠭᠠᠨ ᠢᠷᠠᠯᠠ
ᠥᠳᠡᠯᠦᠭᠡ ᠪᠣᠭᠤᠷᠤᠯ ᠤᠨ ᠪᠣᠶᠠᠨ ᠵᠤᠵᠠᠭᠠᠯᠠᠨ ᠴᠠᠭᠠᠨ ᠢᠷᠠᠯᠠ
ᠥᠩᠭᠡᠷᠡᠭᠦ ᠵᠢᠯ ᠤᠨ ᠰᠡᠭᠦᠯ ᠳᠠᠷᠤᠨ ᠴᠠᠭᠠᠨ ᠢᠷᠠᠯᠠ
ᠦᠨᠡᠨ ᠤ ᠳᠤᠭᠤᠭᠠᠨ ᠳᠤ ᠠᠢ᠌ᠷᠠᠭ ᠪᠣᠴᠠᠯᠭᠠᠨ ᠴᠠᠭᠠᠨ ᠢᠷᠠᠯᠠ
ᠣᠢ᠌ᠯᠠᠰ ᠤᠨ ᠭᠠᠯ ᠳᠤ ᠨᠠᠢ᠌ᠷᠠᠭ ᠰᠢᠷᠭᠠᠭᠠᠨ ᠴᠠᠭᠠᠨ ᠢᠷᠠᠯᠠ
ᠦᠨᠢᠶᠠᠨ ᠵᠠᠯᠠᠨ ᠡᠴᠡ ᠠᠷᠭᠠᠯ ᠬᠤᠷᠮᠣᠢ᠌ᠯᠠᠨ ᠴᠠᠭᠠᠨ ᠢᠷᠠᠯᠠ
ᠦᠳᠡ ᠶᠢᠨ ᠭᠠᠵᠠᠷ ᠡᠴᠡ ᠴᠡᠭᠡ ᠬᠠᠩᠬᠤᠯᠤᠭᠤᠯᠤᠨ ᠴᠠᠭᠠᠨ ᠢᠷᠠᠯᠠ ᠡ
ᠴᠠᠭᠠᠨ ᠢᠷᠠᠯᠠ᠂ ᠰᠠᠢ᠌ᠨ ᠰᠢᠨᠡᠯᠡᠭᠡᠷᠡᠢ︕
2011 ᠣᠨ ᠤ 1 ᠰᠠᠷᠠ ᠶᠢᠨ 26
(1) ᠳᠤᠭᠤᠨᠤ
(2) ᠰᠠᠯᠭᠢ ᠭᠦᠢᠳᠡᠨ ᠡᠴᠡ ᠬᠠᠯᠬᠠᠯᠠᠨ ᠬᠠᠨᠠ ᠶᠢᠨ ᠳᠤᠤᠭᠤᠷ ᠣᠷᠢᠶᠠᠭᠰᠠᠨ ᠵᠤᠵᠠᠭᠠᠨ ᠢᠰᠡᠭᠡᠢ ᠳᠤᠯᠠᠭᠠᠪᠴᠢ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠦᠬᠡᠨᠠᠭᠤᠷ ᠮᠤᠵᠢ ᠶᠢᠨ ᠣᠯᠠᠭᠠᠨ ᠰᠢᠶᠠᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠯ·ᠣᠳᠤᠨ (ᠬᠦᠬᠡᠨᠠᠭᠤᠷ)
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2628
ᠴᠠᠭ᠄ 2011 ᠤᠨ ᠤ 01 ᠰᠠᠷᠠ ᠶᠢᠨ 26
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ