☆ ᠴᠡᠩᠭᠡᠯᠳᠤ
ᠰᠠᠢ᠌ᠬᠠᠨ ᠭᠦᠮᠤᠨ ᠤ ᠳᠤᠤᠯᠢ
— 《ᠨᠥᠭᠦᠷ ᠮᠢᠨᠢ ᠰᠠᠢ᠌ᠬᠠᠨ ᠭᠦᠮᠤᠨ ᠪᠠᠢ᠌ᠭᠰᠠᠨ ᠶᠤᠮ》 ᠭᠡᠵᠤ ᠳᠤᠷᠠᠰᠴᠤ ᠰᠠᠭᠤᠳᠠᠭ ᠨᠢᠭᠡ ᠪᠦᠰᠡᠭᠦᠢ ᠳᠤ ᠪᠢᠴᠢᠯᠠ
ᠨᠢᠭᠡ
ᠨᠥᠭᠦᠷ ᠴᠢᠨᠢ ᠰᠠᠢ᠌ᠨ ᠭᠦᠮᠤᠨ ᠪᠠᠢ᠌ᠭᠰᠠᠨ ᠶᠤᠮ
ᠨᠥᠭᠡᠯᠭᠡᠨ ᠰᠠᠯᠭᠢᠨ ᠳᠤ ᠰᠢᠳᠠᠴᠢᠬᠠᠮᠠᠷ ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ
ᠨᠥᠮᠦᠭᠡᠨ ᠳᠠᠪᠠᠯ ᠤᠨ ᠴᠢᠨᠢ ᠳᠤᠪᠴᠢ ᠰᠢᠭ ᠭᠢᠯᠠᠯᠵᠠᠵᠤ
ᠨᠥᠭᠦᠷ ᠡᠴᠡ ᠴᠢᠨᠢ ᠥᠭᠡᠷᠡ ᠰᠠᠢ᠌ᠨ ᠭᠦᠮᠤᠨ ᠪᠠᠢ᠌ᠭᠰᠠᠨ ᠦᠭᠡᠶ ᠶᠤᠮ
ᠬᠤᠷᠸᠠ ᠶᠢᠨ ᠵᠤᠪᠠᠯ ᠢ ᠪᠠᠶᠠ ᠪᠠᠷ ᠶᠢᠡᠨ ᠨᠥᠭᠦᠭᠦ ᠭᠡᠵᠤ
ᠬᠠᠠᠴᠤᠢ ᠰᠢᠭ ᠡᠯᠡᠭ᠍ᠳᠡᠭ᠍ᠰᠡᠨ ᠣᠬᠤᠷᠬᠠᠨ ᠨᠠᠰᠤᠨ ᠳ᠋ᠠᠭᠠᠨ
ᠬᠤᠨᠢᠨ ᠪᠣᠷᠤ ᠨᠢᠳᠤᠨ ᠦᠬᠢᠳ ᠢ ᠨᠢᠯᠪᠣᠰᠤ ᠪᠠᠷ ᠨᠢ ᠣᠭᠢᠶᠠᠵᠤ
ᠬᠠᠢ᠌ᠴᠢ ᠰᠢᠭ ᠢᠷᠠᠳᠠᠢ ᠠᠮᠢᠳᠤᠷᠠᠯ ᠡᠴᠡ ᠣᠷᠪᠠᠭᠠᠤᠨ ᠶᠠᠪᠣᠭᠰᠠᠨ ᠶᠤᠮ
ᠰᠠᠢ᠌ᠬᠠᠨ ᠴᠤ ᠭᠦᠮᠤᠨ ᠶᠠᠪᠣᠵᠠᠢ ᠨᠥᠭᠦᠷ ᠴᠢᠨᠢ
ᠰᠠᠨᠠᠵᠤ ᠣᠭᠢᠯᠠᠵᠤ ᠠᠷᠤ ᠳ᠋ᠤᠨᠢ ᠦᠯᠠᠳᠠᠵᠠᠢ ᠣᠯᠠᠨ ᠴᠤ ᠭᠦᠮᠤᠨ
ᠵᠤᠪᠠᠭᠰᠠᠨ ᠶᠠᠷᠳᠢᠠᠴᠤ ᠶᠢᠨ ᠵᠤ᠋ ᠨᠢᠷᠤᠭᠤ ᠭᠦᠩᠭᠡᠷᠡᠭᠡ ᠥᠭᠡᠢ
ᠵᠤᠤᠪᠠᠡᠭ᠌ ᠳᠠᠳᠠᠨ ᠥᠩᠭᠡᠷᠡᠳᠡᠭ᠌ ᠨᠠᠷᠠ ᠨᠢ ᠭᠦᠷᠳᠡᠯᠡ ᠨᠢᠯᠪᠣᠰᠤ ᠳᠠᠢ
ᠠᠮᠠᠷᠠᠭᠯᠠᠬᠤ ᠶᠢᠨ ᠵᠢᠷᠭᠠᠯ ᠳᠤ ᠴᠠᠳᠤᠭᠠ ᠥᠭᠡᠢ
ᠠᠷᠤ ᠭᠠᠵᠠᠷ ᠡᠴᠡ ᠰᠡᠭᠦᠳᠡᠷ ᠶᠢᠡᠨ ᠳᠠᠰᠤᠯᠠᠭᠰᠠᠨ ᠨᠢᠭᠡ ᠰᠢᠪᠠᠭᠤ
ᠬᠠᠢ᠌ᠷᠠᠯᠠᠬᠤ ᠶᠢᠨ ᠢᠷᠦᠭᠡᠯ ᠳᠤ ᠪᠠᠭᠳᠠᠭᠠ ᠥᠭᠡᠢ
ᠬᠠᠨ ᠠᠭᠤᠯᠠᠨ ᠳᠤ ᠬᠤᠷᠭᠤᠳᠠᠵᠤ ᠦᠯᠡᠳᠡᠭ᠍ᠰᠡᠨ ᠨᠢᠭᠡᠨ ᠳᠠᠭᠤᠤ
ᠨᠥᠭᠦᠷ ᠴᠢᠨᠢ ᠰᠠᠢ᠌ᠨ ᠭᠦᠮᠤᠨ ᠪᠠᠢ᠌ᠭᠰᠠᠨ ᠶᠤᠮ
ᠥᠭᠡᠴᠢᠯᠡᠭ᠍ᠰᠡᠨ ᠵᠢᠷᠤᠭ ᠨᠢ ᠰᠢᠨᠡᠭᠡᠨ ᠦᠯᠠᠳᠠᠪᠠ
ᠳᠤᠭᠤᠰᠤᠨ ᠳᠤᠮᠳᠠ ᠳᠠᠪᠰᠠᠵᠤ ᠶᠠᠪᠣᠭᠰᠠᠨ ᠮᠦᠷ ᠨᠢ
ᠳᠤᠷᠤᠨᠠᠳᠤ ᠶᠢᠨ ᠴᠠᠭᠠᠨ ᠳᠠᠯᠠ ᠳᠤ ᠦᠯᠢᠭᠡᠷ ᠪᠣᠯᠤᠨ ᠦᠳᠡᠯᠪᠠ
《ᠡᠢ᠌ᠮᠤ ᠰᠠᠢ᠌ᠨ ᠭᠦᠮᠤᠨ ᠢ ᠴᠠᠭ ᠰᠡᠭᠦᠳᠡᠷ ᠳᠠᠭᠠᠷᠢᠵᠤ ᠁》 ᠭᠡᠵᠤ
ᠡᠩᠬᠦᠷᠡᠢ ᠬᠤᠩᠭ᠋ᠤᠷ ᠭᠦᠮᠦᠰ ᠮᠢᠨᠢ ᠪᠣᠤ ᠪᠣᠳᠤᠭᠠᠷᠠᠢ
ᠡᠮᠵᠡᠭᠯᠡᠭ᠍ᠰᠡᠨ ᠨᠢᠯᠪᠣᠰᠤ ᠪᠠᠨ ᠠᠯᠠᠭᠠᠨ ᠤ ᠪᠠᠨ ᠠᠷᠤ ᠪᠠᠷ ᠠᠷᠴᠢᠵᠤ
ᠡᠪᠦᠷ ᠬᠠᠳᠠᠭᠤ ᠠᠮᠢᠳᠤᠷᠠᠯ ᠲᠡᠶ ᠡᠶᠡᠳᠡᠵᠤ ᠳᠠᠰᠤᠭᠠᠷᠠᠢ
ᠦᠬᠢᠨ ᠴᠢᠨᠢ ᠣᠭᠢᠯᠠᠵᠤ ᠳᠠᠭᠤᠯᠠᠵᠤ ᠢᠨᠢᠶᠠᠵᠤ
ᠣᠯᠠᠨ ᠴᠤ ᠬᠡᠦᠬᠡᠳ ᠤᠨ ᠳᠤᠮᠳᠠ ᠥᠰᠭᠦ ᠪᠣᠢ
ᠣᠷᠤᠵᠤ ᠢᠷᠡᠭᠡᠳ ᠮᠠᠩᠨᠠᠢ ᠶᠢ ᠮᠢᠨᠢ ᠥᠨᠦᠰᠳᠡᠭ᠌ ᠶᠤᠮ ᠳ᠋ᠠ ᠭᠡᠵᠤ
ᠦᠷᠦᠭᠡᠨ ᠤ ᠪᠠᠨ ᠡᠭᠦᠳᠡᠨ ᠳᠤ ᠭᠦᠯᠢᠶᠡᠵᠤ ᠳᠤᠮᠤ ᠪᠣᠯᠬᠤ ᠪᠣᠢ
《ᠠᠪᠣ ᠴᠢᠨᠢ ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠶᠠᠪᠣᠭᠰᠠᠨ ᠶᠤᠮ》 ᠭᠡᠵᠤ
ᠡᠵᠢ ᠴᠢᠨᠢ ᠬᠠᠢ᠌ᠷᠠ ᠶᠢᠨ ᠳᠡᠩᠭᠡᠭᠡ ᠪᠠᠷ ᠠᠷᠭᠠᠳᠠᠵᠤ
ᠠᠯᠤᠰ ᠤᠨ ᠴᠡᠮᠴᠡᠭᠡᠷ ᠠᠭᠤᠯᠠᠰ ᠢ ᠪᠣᠭᠤᠷᠤᠯᠳᠤᠳᠠᠯᠠ ᠰᠡᠭᠦᠷᠡᠰᠦᠯᠡᠵᠤ
ᠡᠷᠢᠭᠡ ᠰᠢᠭ᠌ ᠰᠤᠪᠣᠷᠠᠬᠤ ᠡᠳᠦᠷ ᠲᠡᠶ ᠨᠠᠮᠤᠷ ᠢᠷᠠᠨᠠ ᠪᠣᠢ
ᠬᠠᠳᠠᠭᠤ ᠳᠠᠷᠠᠰᠤ ᠰᠢᠭ ᠵᠢᠷᠭᠠᠯ ᠳ᠋ᠤ
ᠠᠮᠠᠷᠠᠭ ᠨᠢ ᠠᠷᠭᠠ ᠦᠭᠡᠶ ᠳᠠᠰᠴᠤ
ᠭᠠᠭᠴᠠᠬᠠᠨ ᠬᠠᠨᠢ ᠶᠢᠨ ᠵᠠᠶᠠᠭᠠ ᠪᠠᠷ ᠳᠤᠳᠠᠵᠤ
ᠠᠷᠠᠤᠨ ᠤᠨ ᠶᠢᠡᠨ ᠳᠤᠮᠳᠠ ᠶᠠᠪᠣᠨᠠ ᠪᠣᠢ
ᠨᠥᠭᠦᠷ ᠴᠢᠨᠢ ᠰᠠᠢ᠌ᠨ ᠭᠦᠮᠤᠨ ᠪᠠᠢ᠌ᠭᠰᠠᠨ ᠶᠤᠮ
ᠨᠥᠭᠡᠯᠭᠡᠨ ᠰᠠᠯᠭᠢᠨ ᠳᠤ ᠰᠢᠳᠠᠴᠢᠬᠠᠮᠠᠷ ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ
ᠨᠥᠮᠦᠭᠡᠨ ᠳᠠᠪᠠᠯ ᠤᠨ ᠴᠢᠨᠢ ᠳᠤᠪᠴᠢ ᠰᠢᠭ ᠭᠢᠯᠠᠯᠵᠠᠵᠤ
ᠨᠥᠭᠦᠷ ᠡᠴᠡ ᠴᠢᠨᠢ ᠥᠭᠡᠷᠡ ᠰᠠᠢ᠌ᠨ ᠭᠦᠮᠤᠨ ᠪᠠᠢ᠌ᠭᠰᠠᠨ ᠦᠭᠡᠶ ᠶᠤᠮ
ᠬᠤᠶᠠᠷ
ᠨᠥᠭᠦᠷ ᠮᠢᠨᠢ ᠪᠠᠢ᠌ᠬᠤ ᠳ᠋ᠤ
ᠨᠦᠮᠦᠷᠢ ᠨᠢ ᠨᠤᠳᠤᠭ ᠤᠨ ᠠᠭᠤᠯᠠ ᠰᠢᠭ ᠭᠦᠳᠡᠷ ᠪᠠᠢ᠌ᠪᠠ
ᠣᠷᠤᠭᠤ ᠭᠠᠵᠠᠷ ᠣᠷᠤᠰᠤᠭᠰᠠᠨ ᠣᠰᠤ ᠰᠢᠭ ᠭᠦᠴᠦᠳᠡᠢ ᠪᠠᠢ᠌ᠪᠠ
ᠣᠠᠳᠠᠬᠤ ᠳᠤ ᠵᠡᠭᠦᠳᠤ ᠮᠢᠨᠢ ᠭᠦᠷᠳᠡᠯᠡ ᠢᠳᠠᠳᠠᠢ ᠪᠠᠢ᠌ᠪᠠ
ᠣᠷᠤᠭᠤᠯ ᠤᠨ ᠪᠣᠳᠤᠭ ᠰᠢᠭ ᠰᠤᠷᠭᠤᠭ ᠨᠠᠰᠤᠨ ᠳᠤ ᠮᠢᠨᠢ
ᠳᠠᠪᠠᠯ ᠤᠨ ᠥᠩᠭᠡ ᠰᠢᠭ᠌ ᠳᠤᠳᠤᠬᠠᠨ ᠥᠭᠡ ᠪᠠᠷ ᠨᠠᠮᠢ᠋ᠢ ᠪᠠᠨ ᠭᠤᠶᠤᠵᠤ
ᠳᠡᠯᠡᠭᠡᠢ ᠳᠤ ᠬᠤᠪᠣᠷᠬᠠᠨ ᠳᠤᠷᠠᠯᠠᠯ ᠶᠢᠡᠷ ᠰᠡᠳᠭᠢᠯ ᠢ ᠮᠢᠨᠢ ᠴᠢᠮᠠᠵᠤ
ᠣᠰᠤᠨ ᠳᠠᠭᠠᠨ ᠠᠩᠭᠢᠷ ᠨᠢ ᠶᠤᠮ ᠰᠢᠭ ᠠᠮᠠᠷᠠᠭ ᠵᠢᠷᠭᠠᠭᠤᠯᠵᠤ
ᠬᠠᠨᠢ ᠲᠡᠶ ᠪᠣᠯ ᠵᠤᠪᠠᠬᠤ ᠳᠠᠭᠠᠨ ᠭᠦᠷᠳᠡᠯᠡ ᠥᠩᠭᠡ ᠲᠡᠶ ᠪᠠᠢ᠌ᠵᠤ
ᠬᠠᠠᠵᠠᠷᠠᠬᠠᠢ ᠭᠤᠳᠤᠯ ᠲᠡᠶ ᠴᠤ ᠰᠡᠳᠭᠢᠯ ᠪᠦᠳᠤᠨ ᠪᠠᠢ᠌ᠵᠤ
ᠬᠠᠢ᠌ᠷᠠᠳᠠᠢ ᠪᠣᠯ ᠬᠠᠷᠠᠳᠠᠬᠤ ᠳᠠᠭᠠᠨ ᠭᠦᠷᠳᠡᠯᠡ ᠡᠷᠴᠢᠳᠡᠢ ᠪᠠᠢ᠌ᠵᠤ
ᠬᠠᠷᠠᠩᠭ᠋ᠤᠢ ᠳᠤ ᠰᠢᠪᠠᠨᠡᠭ᠍ᠰᠡᠨ ᠥᠭᠡ ᠨᠢ ᠴᠤ ᠭᠡᠭᠡ ᠲᠡᠶ ᠪᠠᠢ᠌ᠵᠤ
ᠥᠨᠦᠰᠭᠦ ᠶᠢ ᠴᠢᠳᠠᠬᠤ ᠦᠭᠡᠶ ᠦᠬᠢᠨ ᠨᠠᠮᠢ᠋ᠢ ᠢᠴᠢᠭᠡᠵᠤ
ᠬᠠᠷᠠᠬᠠᠨ ᠭᠡᠵᠢᠭᠡ ᠶᠢ ᠮᠢᠨᠢ ᠳᠡᠭ᠍ᠷᠢ ᠶᠢᠨ ᠵᠠᠭᠠᠳᠠᠯ ᠡᠴᠡ ᠡᠪᠯᠢᠭ᠌ ᠬᠠᠭᠠᠯᠵᠤ
ᠦᠷᠡ ᠶᠢᠨ ᠶᠢᠡᠨ ᠦᠨᠦᠷ ᠲᠤ ᠦᠯᠦᠰᠭᠦ ᠪᠠᠨ ᠮᠠᠷᠳᠠᠵᠤ ᠳᠠᠭᠤᠯᠠᠳᠠᠭ
ᠬᠠᠢ᠌ᠯ ᠤᠨ ᠣᠰᠤ ᠰᠢᠭ ᠣᠶᠠᠬᠠᠨ ᠪᠣᠯᠭᠠᠭᠰᠠᠨ ᠶᠤᠮ
ᠣᠳᠤ ᠨᠥᠭᠦᠷ ᠮᠢᠨᠢ ᠪᠠᠢ᠌ᠬᠤ ᠥᠭᠡᠢ
ᠦᠣᠷ ᠤᠨ ᠳᠦᠯᠦᠡᠭ᠌ ᠲᠡᠶ ᠬᠠᠮᠳᠤ ᠰᠦᠨ ᠤ ᠭᠠᠵᠠᠷ ᠣᠷᠤᠭᠤ ᠭᠦᠶᠦᠳᠡᠭ᠌
ᠳᠠᠷᠠ ᠭᠦᠮᠤᠨ ᠳᠡᠭ᠍ᠷᠢ ᠶᠢᠨ ᠳᠤᠤᠷᠠ ᠪᠠᠢ᠌ᠬᠤ ᠥᠭᠡᠢ
ᠳᠠᠷᠠ ᠪᠠᠨ ᠬᠠᠯᠠᠭᠤᠬᠠᠨ ᠭᠡᠪ ᠲᠡᠭᠡᠨ ᠦᠯᠡᠳᠡᠭᠡᠭᠡᠳ ᠶᠠᠪᠣᠵᠠᠢ
ᠨᠤᠳᠤᠭ ᠤᠨ ᠳᠡᠭ᠍ᠷᠢ ᠨᠠᠮᠤᠷ ᠪᠣᠯᠤᠭᠠ ᠦᠭᠡᠶ ᠴᠠᠩᠳᠤᠵᠤ
ᠨᠤᠭᠤᠯᠠᠵᠤ ᠭᠦᠷᠦᠭ᠍ᠰᠡᠨ ᠭᠡᠵᠢᠭᠡ ᠮᠢᠨᠢ ᠰᠠᠠᠴᠢᠭ ᠡᠴᠡ ᠪᠠᠨ ᠪᠣᠭᠤᠷᠤᠯᠳᠤᠵᠤ
ᠪᠠᠯᠭᠤ ᠴᠠᠢ ᠶᠢᠨ ᠰᠥ᠋ ᠰᠢᠭ᠌ ᠠᠮᠳᠠ ᠪᠠᠷ ᠠᠮᠢᠳᠤᠷᠠᠯ ᠳᠤᠳᠠᠵᠤ
ᠪᠠᠢ᠌ᠭᠰᠠᠨ ᠭᠦᠮᠤᠨ ᠣᠷᠢᠳᠤ ᠰᠦᠨᠢ ᠢᠷᠡᠭ᠍ᠰᠡᠨ ᠦᠭᠡᠶ ᠰᠢᠭ᠌ ᠰᠠᠨᠠᠭᠳᠠᠵᠤ
ᠰᠠᠭᠠᠬᠠᠯᠳᠠ ᠶᠢᠨ ᠵᠠᠢ᠌ᠳᠠᠢ ᠭᠠᠵᠠᠷ ᠶᠠᠪᠣᠭᠠ ᠯᠠ ᠳ᠋ᠠ ᠭᠡᠵᠤ
ᠵᠡᠭᠦᠳᠤ ᠮᠢᠨᠢ ᠭᠠᠩᠰᠠᠷᠠᠵᠤ ᠭᠠᠳᠠᠭᠠ ᠬᠤᠨᠤᠨᠠ
ᠰᠠᠨᠠᠭᠰᠠᠨ ᠶᠢᠡᠨ ᠳᠤᠭᠠᠯᠠᠬᠤ ᠭᠦᠮᠤᠨ ᠦᠭᠡᠶ ᠡᠳᠦᠷ ᠣᠳᠠᠵᠤ
ᠵᠡᠭᠦᠪᠴᠢᠨ ᠤ ᠮᠢᠨᠢ ᠥᠩᠭᠡ ᠦᠵᠡᠳᠠᠯᠠ ᠭᠠᠵᠢᠷᠠᠨᠠ
ᠨᠥᠭᠦᠷ ᠮᠢᠨᠢ ᠪᠠᠢ᠌ᠬᠤ ᠦᠭᠡᠶ ᠴᠤ
ᠰᠡᠭᠦᠳᠡᠷ ᠨᠢ ᠬᠠᠨᠢ ᠪᠣᠯᠵᠤ ᠬᠠᠯᠠᠭᠤᠬᠠᠨ ᠪᠠᠢ᠌ᠨᠠ
ᠨᠥᠮᠦᠭᠡᠨ ᠳᠠᠪᠠᠯ ᠤᠨ ᠴᠢᠨᠢ ᠬᠠᠠᠴᠤᠢ ᠶᠢ ᠳᠠᠯᠢᠵᠤ
ᠰᠤᠭᠤ ᠰᠢᠭ ᠦᠬᠢᠨ ᠴᠢᠨᠢ ᠦᠨᠳᠦᠷ ᠦᠰᠴᠦ ᠪᠠᠢ᠌ᠨᠠ
ᠨᠥᠭᠦᠷ ᠮᠢᠨᠢ ᠪᠠᠢ᠌ᠬᠤ ᠳ᠋ᠤ
ᠨᠦᠮᠦᠷᠢ ᠨᠢ ᠨᠤᠳᠤᠭ ᠤᠨ ᠠᠭᠤᠯᠠ ᠰᠢᠭ ᠭᠦᠳᠡᠷ ᠪᠠᠢ᠌ᠪᠠ
ᠣᠷᠤᠭᠤ ᠭᠠᠵᠠᠷ ᠣᠷᠤᠰᠤᠭᠰᠠᠨ ᠣᠰᠤ ᠰᠢᠭ ᠭᠦᠴᠦᠳᠡᠢ ᠪᠠᠢ᠌ᠪᠠ
ᠣᠠᠳᠠᠬᠤ ᠳᠤ ᠵᠡᠭᠦᠳᠤ ᠮᠢᠨᠢ ᠭᠦᠷᠳᠡᠯᠡ ᠳᠠᠭᠤᠯᠠᠳᠠᠭ ᠪᠠᠢ᠌ᠪᠠ
ᠭᠤᠷᠪᠠ
ᠨᠥᠭᠦᠷ ᠤᠨ ᠶᠢᠡᠨ ᠡᠵᠡᠭᠦᠢ ᠳ᠋ᠤ
ᠨᠢᠭᠤᠨ ᠪᠠᠢ᠌ᠵᠤ ᠨᠠᠭᠤᠷ ᠪᠣᠯᠳᠠᠯᠠ ᠣᠭᠢᠯᠠᠶᠠ
ᠨᠢᠭᠡᠳᠦᠯ ᠳᠤ ᠣᠴᠢᠭᠠᠤᠨ ᠢᠷᠡᠭ᠍ᠰᠡᠨ ᠦᠭᠡᠶ ᠪᠠᠷ
ᠨᠥᠮᠵᠦᠭᠯᠡᠨ ᠰᠠᠨᠠᠵᠤ ᠭᠦᠯᠢᠶᠡᠶᠡ
ᠬᠤᠩᠭ᠋ᠤᠷ ᠬᠠᠯᠢᠭᠤᠨ ᠮᠤᠷᠢ ᠲᠡᠶ ᠪᠠᠨ
ᠳᠠᠭᠤᠯᠠᠭᠠᠤᠨ ᠢᠷᠡᠭᠦ ᠪᠠᠷ ᠪᠣᠳᠤᠵᠤ
ᠬᠤᠨᠢᠨ ᠴᠠᠭᠠᠨ ᠪᠠᠢ᠌ᠰᠢᠩ ᠳ᠋ᠠᠭᠠᠨ
ᠳᠡᠨᠢᠭᠦᠭᠡᠨ ᠵᠢᠷᠭᠠᠬᠤ ᠪᠠᠷ ᠭᠦᠰᠡᠶᠡ
ᠥᠭᠦᠯ ᠶᠠᠷᠤ ᠡᠴᠡ ᠬᠤᠳᠠᠯ ᠪᠠᠢ᠌ᠵᠤ
ᠦᠳᠡᠰᠢ ᠶᠢᠨ ᠵᠡᠭᠦᠳᠤ ᠰᠢᠭ᠌ ᠬᠤᠭᠤᠰᠤᠨ ᠪᠠᠢ᠌ᠵᠤ
ᠳᠤᠭᠤᠯ ᠤᠨ ᠪᠠᠯᠴᠢᠭᠡᠷ ᠲᠤ ᠪᠠᠨ ᠳᠦᠭᠡᠷᠢᠭ᠍ᠰᠡᠨ ᠪᠠᠢ᠌ᠵᠤ
ᠳᠤᠨᠤᠷᠠᠭᠰᠠᠨ ᠬᠠᠷᠠᠴᠠ ᠪᠠᠷ ᠰᠢᠪᠠᠭᠦᠯᠦᠭ᠍ᠰᠡᠨ ᠪᠠᠢ᠌ᠵᠤ
ᠬᠠᠪᠣᠷ ᠤᠨ ᠳᠡᠭ᠍ᠷᠢ ᠶᠢᠨ ᠠᠭᠠᠰᠢ ᠪᠠᠷ ᠣᠶᠠᠷᠠᠨ ᠪᠠᠢ᠌ᠵᠤ
ᠬᠠᠢ᠌ᠯ ᠤᠨ ᠣᠰᠤ ᠰᠢᠭ ᠣᠶᠠᠬᠠᠨ ᠮᠠᠯᠮᠠᠷᠠᠨ ᠪᠠᠢ᠌ᠵᠤ
ᠥᠩᠭᠡᠷᠡᠵᠤ ᠥᠭ᠍ᠳᠡᠭ᠌ ᠦᠭᠡᠶ ᠰᠠᠯᠭᠢᠠᠳᠤ ᠣᠯᠠᠷᠢᠯ ᠢ ᠬᠠᠷᠠᠨ ᠪᠠᠢ᠌ᠵᠤ
ᠦᠭᠡᠶ ᠪᠦᠭᠦᠨ ᠢ ᠪᠠᠢ᠌ᠬᠤ ᠪᠠᠷ ᠬᠠᠢ᠌ᠷᠠᠯᠠᠨ ᠪᠠᠢ᠌ᠵᠤ
ᠠᠷᠠᠰᠤᠨ ᠳᠠᠪᠠᠯ ᠳᠤ ᠴᠢᠨᠢ ᠰᠢᠩᠭᠡᠭ᠍ᠰᠡᠨ
ᠦᠷᠡ ᠶᠢᠨ ᠶᠢᠡᠨ ᠦᠨᠦᠷ ᠢ ᠮᠠᠷᠳᠠᠭᠠ ᠦᠭᠡᠶ ᠪᠠᠢ᠌ᠵᠤ
ᠠᠭᠤᠷ ᠢ ᠮᠢᠨᠢ ᠣᠠᠳᠠᠷᠠᠭᠠᠳᠠᠭ
ᠣᠴᠢᠷᠳᠠᠢ ᠢᠨᠢᠶᠠᠳᠤ ᠪᠠᠨ ᠬᠠᠶᠠᠭᠠ ᠦᠭᠡᠶ ᠪᠠᠢ᠌ᠵᠤ
ᠠᠭᠤᠯᠠ ᠰᠢᠭ ᠡᠩᠭᠡᠷ ᠢ ᠴᠢᠨᠢ ᠳᠠᠯᠢᠵᠤ
ᠠᠶᠠᠳᠠᠢ᠌ᠬᠠᠨ ᠡᠷᠭᠡᠯᠡᠳᠡᠭ᠌ ᠶᠢᠡᠨ ᠵᠡᠭᠦᠳᠦᠯᠡᠨ ᠪᠠᠢ᠌ᠵᠤ
ᠠᠮᠠᠷᠠᠭᠬᠠᠨ ᠵᠢᠷᠭᠠᠯ ᠢ ᠴᠢᠨᠢ ᠡᠯᠢᠵᠤ
ᠠᠯᠠᠭᠬᠠᠨ ᠵᠢᠷᠦᠭᠡ ᠪᠠᠨ ᠳᠦᠭ᠍ᠰᠢᠭᠦᠯᠤᠨ ᠪᠠᠢ᠌ᠵᠤ
ᠣᠳᠤᠳ ᠰᠢᠩᠭᠡᠷᠡᠳᠡᠯᠡ ᠣᠯᠠᠨ ᠰᠠᠷᠠᠵᠤ
ᠣᠷᠤᠭᠠᠤᠨ ᠢᠷᠡᠭᠦ ᠭᠡᠵᠤ ᠣᠷᠤᠨ ᠡᠴᠡ ᠪᠠᠨ ᠪᠣᠰᠴᠤ
ᠥᠵᠦᠭᠦᠷ ᠦᠭᠡᠶ ᠵᠤᠪᠠᠯ ᠢ ᠳᠠᠰᠤᠯᠵᠤ
ᠦᠣᠷ ᠶᠢᠡᠷ ᠡᠭᠦᠳᠡᠨ ᠳᠡᠭᠡᠨ ᠵᠤᠭᠰᠤᠵᠤ
ᠠᠮᠢᠳᠤᠷᠠᠯ ᠥᠭᠦᠯ ᠤᠨ ᠬᠤᠯᠠ ᠶᠢᠨ ᠵᠠᠢ ᠳ᠋ᠤ
ᠣᠶᠠᠬᠠᠨ ᠪᠦᠰᠡᠭᠦᠢ ᠡᠡᠭ᠍ᠰᠡᠷᠡᠵᠤ ᠶᠠᠪᠣᠨᠠ
ᠠᠢ᠌ᠯ ᠠᠶᠠᠨ ᠤ ᠤᠢ᠌ᠷᠠᠬᠠᠨ ᠬᠠᠶᠠᠭᠠᠨ ᠳ᠋ᠤ
ᠦᠨᠦᠴᠢᠨ ᠰᠢᠪᠠᠭᠤ ᠰᠢᠭ ᠭᠠᠩᠰᠠᠷᠠᠵᠤ ᠢᠷᠠᠨᠡ
ᠠᠯᠳᠠᠵᠤ ᠣᠯᠳᠠᠭ ᠬᠤᠷᠸᠠ ᠶᠢᠨ ᠵᠢᠮᠠ ᠪᠠᠷ
ᠰᠠᠢ᠌ᠬᠠᠨ ᠪᠦᠭᠦᠨ ᠢ ᠪᠣᠳᠤᠵᠤ ᠨᠠᠢ᠌ᠷᠠᠭᠯᠠᠯ ᠪᠢᠴᠢᠯᠠ
ᠠᠮᠢᠳᠤᠷᠠᠯ ᠤᠨ ᠣᠤᠠᠬᠤᠨ ᠬᠠᠪᠣᠷ ᠵᠢᠠᠷ
ᠰᠠᠢ᠌ᠬᠠᠨ ᠭᠦᠮᠤᠨ ᠳᠤ ᠳᠤᠤᠯᠢ ᠪᠢᠴᠢᠯᠠ
ᠨᠥᠭᠦᠷ ᠤᠨ ᠶᠢᠡᠨ ᠡᠵᠡᠭᠦᠢ ᠳ᠋ᠤ
ᠨᠢᠭᠤᠨ ᠪᠠᠢ᠌ᠵᠤ ᠨᠠᠭᠤᠷ ᠪᠣᠯᠳᠠᠯᠠ ᠣᠭᠢᠯᠠᠶᠠ
ᠨᠢᠭᠡᠳᠦᠯ ᠳᠤ ᠣᠴᠢᠭᠠᠤᠨ ᠢᠷᠡᠭ᠍ᠰᠡᠨ ᠦᠭᠡᠶ ᠪᠠᠷ
ᠨᠥᠮᠵᠦᠭᠯᠡᠨ ᠰᠠᠨᠠᠵᠤ ᠭᠦᠯᠢᠶᠡᠶᠡ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠣᠷᠳᠤᠰ
ᠵᠤᠬᠢᠶᠠᠭᠴᠢ᠄ ᠴᠡᠩᠭᠡᠯᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2637
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 09
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ