☆ ᠠᠮᠤᠷ
ᠮᠤᠩᠭ᠋ᠤᠯ ᠥᠰᠦᠭ᠌ ᠮᠢᠨᠢ
ᠰᠠᠷᠢᠳᠠᠭ ᠤᠨ ᠭᠦᠭᠡ ᠴᠥᠭᠦᠷᠡᠰᠤ ᠰᠢᠤᠬᠠᠨ ᠰᠢᠯᠤᠭᠤᠨ ᠨᠢᠷᠤᠭᠤ ᠳᠠᠢ
ᠰᠠᠭᠯᠠᠭᠠᠷ ᠴᠥᠭᠦᠷᠡᠰᠤ ᠶᠢᠨ ᠰᠠᠯᠠᠭᠠ ᠰᠢᠤᠬᠠᠨ ᠰᠢᠯᠪᠢ᠂ ᠠᠴᠤᠭ ᠲᠡᠶ
ᠰᠠᠯᠠᠭᠠᠨ ᠳ᠋ᠤᠨᠢ ᠡᠯᠭᠦᠭ᠍ᠳᠡᠭ᠍ᠰᠡᠨ ᠰᠠᠷᠠ ᠰᠢᠤᠬᠠᠨ ᠰᠠᠠᠵᠢ᠂ ᠭᠡᠳᠡᠰᠤ ᠲᠡᠶ
ᠰᠠᠢ᠌ᠬᠠᠨ ᠮᠤᠩᠭ᠋ᠤᠯ ᠥᠰᠦᠭ᠌ ᠮᠢᠨᠢ ᠰᠠᠳᠭᠢᠯ ᠤᠨ ᠴᠢᠮᠡᠭ᠌ ᠡ᠂
ᠮᠢᠩᠭᠠᠨ ᠣᠨ ᠤ ᠴᠥᠭᠦᠷᠡᠰᠤ ᠬᠤᠪᠬᠠᠢ᠌ᠷᠠᠳᠠᠭ ᠴᠤ
ᠮᠤᠩᠭ᠋ᠤᠯ ᠥᠰᠦᠭ᠌ ᠮᠥᠩᠭᠡ ᠪᠣᠰᠤᠭᠠ ᠪᠠᠷ ᠶᠢᠡᠨ᠃
ᠡᠮᠡᠭᠡᠯ ᠳᠤ ᠰᠥᠡᠳᠡᠷᠯᠡᠭ᠍ᠰᠡᠨ ᠡᠷᠡ ᠰᠢᠦᠬᠠᠨ ᠲᠡᠨᠢᠭᠦᠨ ᠪᠢᠴᠢᠯᠭᠡ ᠲᠡᠶ
ᠡᠷᠡ ᠶᠢᠨ ᠰᠤᠩᠭ᠋ᠠᠭᠰᠠᠨ ᠣᠷᠭᠠ ᠰᠢᠤᠬᠠᠨ ᠳᠤᠭᠤᠢ ᠳᠤᠯᠤᠭᠠᠢ ᠲᠡᠶ
ᠣᠷᠭᠠ ᠡᠴᠡ ᠰᠢᠪᠠᠷᠡᠭ᠍ᠰᠡᠨ ᠰᠢᠭᠦᠳᠡᠷᠢ ᠰᠢᠤᠬᠠᠨ ᠳᠤᠰᠤᠯ᠂ ᠴᠢᠭ᠌ ᠲᠡᠶ
ᠡᠷᠳᠡᠨᠢ ᠮᠤᠩᠭ᠋ᠤᠯ ᠥᠰᠦᠭ᠌ ᠮᠢᠨᠢ ᠡᠷᠳᠡᠮ ᠤᠨ ᠳᠡᠭᠡᠵᠢ ᠡ᠂
ᠮᠤᠷᠢᠨ ᠤ ᠨᠢᠷᠤᠭᠤᠨ ᠳᠤ ᠡᠷᠡ ᠥᠳᠡᠯᠳᠡᠭ᠌ ᠴᠤ
ᠮᠤᠩᠭ᠋ᠤᠯ ᠥᠰᠦᠭ᠌ ᠥᠨᠢ ᠵᠠᠯᠠᠭᠤ ᠪᠠᠷ ᠶᠢᠡᠨ᠃
ᠬᠤᠨᠢᠨ ᠳᠠᠭᠠᠨ ᠶᠠᠪᠣᠭᠰᠠᠨ ᠭᠡᠦᠭᠡᠨ ᠰᠢᠤᠬᠠᠨ ᠣᠷᠠᠯᠢᠭ ᠳᠠᠳᠠᠯᠭᠠ ᠲᠡᠶ
ᠭᠡᠦᠭᠡᠨ ᠤ ᠭᠡᠢ᠌ᠰᠭᠡᠭ᠍ᠰᠡᠨ ᠬᠤᠷᠮᠤᠢ ᠰᠢᠤᠬᠠᠨ ᠣᠷᠭᠢᠴᠠ ᠰᠡᠭᠦᠯ ᠲᠡᠶ
ᠬᠤᠷᠮᠤᠢ ᠳ᠋ᠤᠨᠢ ᠨᠠᠯᠠᠭᠰᠠᠨ ᠰᠠᠷᠠᠯᠠᠩ ᠰᠢᠤᠬᠠᠨ ᠣᠷᠤᠭᠰᠢᠯᠠᠭᠠ ᠴᠠᠴᠤᠯᠭᠠ ᠲᠡᠶ
ᠬᠤᠪᠢᠳᠠᠢ ᠮᠤᠩᠭ᠋ᠤᠯ ᠥᠰᠦᠭ᠌ ᠮᠢᠨᠢ ᠬᠤᠷᠸᠠ ᠶᠢᠨ ᠭᠠᠢ᠌ᠬᠠᠮᠰᠢᠭ ᠡ᠂
ᠮᠠᠨᠤ ᠪᠠᠷ ᠴᠢᠮᠡᠭᠡᠤᠨ ᠭᠡᠦᠭᠡᠨ ᠬᠠᠷᠢᠯᠠᠳᠠᠭ ᠴᠤ
ᠮᠤᠩᠭ᠋ᠤᠯ ᠥᠰᠦᠭ᠌ ᠮᠢᠨᠢ ᠨᠠᠰᠤᠨ ᠤ ᠬᠠᠨᠢ ᠰᠢᠤ᠃
2008/12/13 ᠪᠣᠭᠤᠳᠤ
ᠵᠤᠬᠢᠶᠠᠭᠴᠢ᠄ ᠠᠮᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3330
ᠴᠠᠭ᠄ 2008 ᠤᠨ ᠤ 12 ᠰᠠᠷᠠ ᠶᠢᠨ 15
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ