☆ ᠦ᠊·ᠠᠯᠳᠠᠠᠪᠣᠯᠠᠭ
ᠨᠥᠭᠦᠷ
ᠵᠤᠪᠠᠵᠤ ᠶᠠᠪᠣᠬᠤ ᠶᠢᠨ ᠴᠠᠭ ᠳᠤ
ᠵᠤᠪᠠᠯᠠᠩ ᠶᠢᠡᠨ ᠬᠤᠪᠢᠶᠠᠯᠴᠠᠭᠰᠠᠨ ᠨᠥᠭᠦᠷ
ᠵᠠᠭᠤᠷᠳᠠᠬᠠᠨ ᠢᠷᠡᠭᠦ ᠵᠢᠷᠭᠠᠯ ᠵᠢᠠᠨ
ᠬᠤᠪᠢᠶᠠᠯᠴᠠᠨᠠ ᠦᠤ ᠥᠭᠡᠢ ᠦᠦ ᠪᠣᠤ ᠮᠠᠳᠠ᠃
ᠵᠢᠷᠤᠭᠠ ᠢᠷᠡᠳᠡᠭ᠌ ᠣᠯᠠᠷᠢᠯ
ᠵᠤᠤᠵᠢ ᠦᠭᠡᠶ ᠪᠣᠯᠬᠤᠷ
ᠵᠢᠷᠤᠮᠠᠯ ᠨᠢᠭᠤᠷ ᠲᠡᠶ ᠭᠦᠮᠤᠨ ᠤ
ᠵᠢᠷᠦᠭᠡ ᠶᠢ ᠶᠠᠭᠠᠭᠢᠵᠤ ᠴᠤ ᠮᠠᠳᠠᠨᠠ᠃
ᠵᠢᠷᠭᠠᠯ ᠳ᠋ᠤ ᠪᠣᠯᠬᠠᠵᠤ ᠶᠠᠪᠣᠬᠤ ᠳ᠋ᠠᠭᠠᠨ
ᠵᠠᠶᠠᠭᠠ ᠪᠠᠨ ᠬᠠᠮᠳᠤᠳᠬᠠᠭᠰᠠᠨ ᠨᠥᠭᠦᠷ
ᠵᠠᠮ ᠵᠠᠮ ᠤᠨ ᠰᠠᠯᠪᠣᠷᠢ ᠳᠡᠭᠡᠷᠡ
ᠵᠤᠷᠢᠯᠭᠠ ᠨᠠᠢ᠌ᠯᠠᠨᠠ ᠦᠦ ᠪᠣᠤ ᠮᠠᠳᠠ᠃
ᠶᠢᠷᠳᠢᠠᠴᠤ ᠶᠢᠨ ᠬᠠᠳᠠᠭᠤ ᠰᠢᠯᠭᠠᠭᠤᠷᠢ ᠳ᠋ᠤ
ᠢᠳᠡᠭᠡᠯ ᠳᠦᠰᠢᠯᠴᠡᠭ᠍ᠰᠡᠨ ᠨᠥᠭᠦᠷ ᠯᠠ ᠰᠠᠶᠢ
ᠶᠢᠯᠸᠢ ᠢᠯᠪᠢ ᠲᠡᠶ ᠶᠤᠮ ᠰᠢᠭ᠌ ᠠᠮᠢᠳᠤᠷᠠᠯ ᠳ᠋ᠤ
ᠢᠯᠡᠭᠦᠤ ᠳᠤᠳᠠᠭᠤ ᠪᠠᠨ ᠨᠥᠭᠦᠴᠡᠯᠳᠡᠭ᠌ ᠶᠤᠮ᠃
ᠵᠢᠷᠭᠠᠯ ᠵᠤᠪᠠᠯᠠᠩ ᠬᠤᠶᠠᠷ ᠭᠡᠭ᠍ᠴᠢ
ᠵᠣᠢ᠌ᠷᠠᠢ ᠳᠦᠷᠦᠭ᠍ᠰᠡᠨ ᠠᠬᠠ ᠳᠡᠭᠦᠤ ᠪᠣᠯᠬᠤᠷ
ᠵᠢᠱᠢᠶᠠᠨ ᠳᠠᠭᠠᠨ ᠢᠷᠡᠭ᠍ᠰᠡᠨ ᠭᠦᠮᠤᠨ ᠤ ᠳᠦᠷᠤᠯ
ᠵᠠᠢ᠌ᠯᠠᠵᠤ ᠭᠠᠷᠬᠤ ᠵᠠᠮ ᠦᠭᠡᠶ ᠶᠤᠮ᠃
ᠭᠦᠮᠤᠨ ᠨᠢ ᠭᠦᠮᠤᠨ ᠶᠢᠡᠨ ᠢᠳᠡᠭᠡᠭᠦ ᠭᠡᠭ᠍ᠴᠢ
ᠭᠦᠡᠳᠤ ᠵᠢᠷᠤᠮ ᠤᠨ ᠭᠦᠷᠦᠩᠭᠡ ᠶᠤᠮ
ᠭᠦᠷᠴᠤ ᠪᠣᠯᠬᠤ ᠢᠷᠡᠭᠡᠳᠦᠢ ᠵᠢᠨ
ᠭᠦᠰᠢᠵᠤ ᠨᠡᠭᠡᠭᠡᠭ᠍ᠰᠡᠨ ᠬᠠᠭᠠᠯᠭᠠ ᠶᠤᠮ
ᠴᠠᠭ ᠵᠠᠭᠤᠷᠠ ᠶᠢᠨ ᠬᠠᠯᠠᠭᠤᠷᠠᠯ
ᠴᠠᠭᠠᠨ ᠰᠡᠳᠭᠢᠯ ᠤᠨ ᠬᠠᠶᠢᠭ ᠪᠢᠰᠢ
ᠴᠠᠰᠢ ᠡᠷᠭᠢᠭᠦ ᠨᠢᠭᠡ ᠴᠢᠯᠦᠭᠡᠨ ᠳ᠋ᠤ
ᠴᠢᠠᠵᠠᠯ ᠪᠠᠷᠢᠭᠠᠤᠨ ᠴᠢᠴᠢᠵᠤ ᠮᠠᠳᠠᠨᠠ
ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠤ ᠨᠢᠯᠤᠭᠤᠨ ᠦᠭᠡ
ᠠᠭᠠᠳᠤᠮ ᠨᠠᠮᠤᠰ ᠠᠯᠢᠨ ᠴᠤ ᠪᠣᠯᠤᠨᠠ
ᠨᠠᠷᠠᠳᠤ ᠶᠢᠨ ᠵᠠᠢ ᠳᠤ ᠴᠢᠭᠡᠵᠢᠯᠡᠭᠦ
ᠨᠡᠭᠡᠯ ᠬᠠᠳᠠᠭᠤ ᠢᠳᠡᠭᠡᠯ ᠪᠢᠰᠢ ᠡ ︕
ᠪᠦᠳᠦᠷᠢᠭ᠍ᠰᠡᠨ ᠦᠶᠡ ᠳᠤ ᠳᠦᠰᠢᠭᠡᠳ ᠠᠪᠳᠠᠭ
ᠪᠣᠭᠢᠷ ᠭᠠᠷ ᠢ ᠪᠣᠤ ᠮᠠᠷᠳᠠ
ᠪᠦᠳᠦᠭᠦᠯᠢᠭ᠌ ᠪᠣᠯᠪᠠᠴᠤ ᠪᠦᠯᠭᠦᠮᠳᠡᠯ ᠨᠢᠭᠡᠳᠡᠢ
ᠪᠦᠳᠦᠭᠦᠨ ᠬᠤᠷᠤᠭᠤ ᠨᠢ ᠭᠦᠴᠤ ᠲᠡᠶ ᠶᠤᠮ᠃
ᠲ᠋ᠡᠭ᠍ᠵᠢᠷᠡᠭᠦ ᠦᠶᠡ ᠳᠤ ᠳᠤᠯᠳᠤᠭᠠᠨᠠᠭᠰᠠᠨ
《ᠳᠡᠯᠡᠭᠡ ᠢᠰᠢᠭᠡ》ᠶ᠋ᠢ᠌ ᠪᠣᠤ ᠬᠠᠢ᠌ᠷᠠᠯᠠ
ᠳᠠᠯᠠᠩ ᠲᠡᠶ ᠪᠦᠭᠦᠨ ᠢ ᠡᠭᠡ ᠪᠠᠨ ᠭᠡᠮᠡᠨ
ᠲ᠋ᠡᠩᠳᠡᠭᠦᠤ ᠢᠳᠡᠭᠡᠭ᠍ᠰᠡᠨ ᠨᠢᠭᠡ ᠨᠢ ᠶᠤᠮ᠃
ᠡᠪᠠᠷ ᠣᠷᠭᠤᠵᠤ ᠡᠷᠡ ᠤᠷᠦᠪᠠᠯ
ᠡᠷᠡᠤ ᠥᠭᠡᠳᠡ ᠰᠠᠵᠢᠵᠤ ᠮᠠᠳᠠᠨᠠ
ᠡᠩᠬᠦᠷᠡᠢ᠌ᠯᠡᠵᠤ ᠶᠠᠪᠣᠭᠰᠠᠨ ᠬᠠᠷᠢᠭᠤ ᠳᠠᠷᠠ
ᠡᠨᠡᠷᠢᠯ ᠳᠤ ᠬᠠᠷᠢᠭᠤᠯᠤᠭᠰᠠᠨ ᠠᠴᠢ ᠴᠤ ᠳᠠᠷᠠ ︕
ᠬᠠᠯᠠᠭᠠᠢ ᠰᠢᠭ ᠬᠠᠭᠠᠷᠢᠵᠤ ᠶᠠᠪᠣᠳᠠᠭ
ᠬᠠᠳᠠᠭᠤ ᠥᠭᠡ ᠪᠠᠷ ᠰᠢᠭᠦᠮᠵᠢᠯᠡᠵᠤ ᠪᠠᠢ᠌ᠳᠠᠭ
ᠬᠠᠶᠠ ᠪᠠᠰᠠ ᠣᠭᠢᠯᠠᠵᠤ ᠥᠵᠡᠳᠡᠭ᠌
ᠬᠠᠷᠠ ᠭᠦᠮᠤᠨ ᠢ ᠪᠣᠤ ᠭᠤᠯᠤ ︕
ᠠᠪᠴᠤ ᠴᠢᠳᠠᠳᠠᠭ᠂ ᠥᠭ᠍ᠴᠤ ᠴᠤ ᠴᠢᠳᠠᠳᠠᠭ
ᠠᠪᠣ ᠶᠢᠨ ᠭᠦᠤ ᠭᠤᠤᠯ ᠶᠢᠡᠷ ᠶᠢᠡᠨ ᠶᠤᠮ
ᠠᠯᠳᠠᠨ ᠳᠡᠯᠡᠭᠡᠢ ᠳᠤ ᠨᠥᠭᠦᠷᠯᠡᠵᠤ ᠪᠣᠯᠳᠠᠭ
ᠠᠷᠢᠭᠤᠨ ᠢᠳᠡᠭᠡᠯ ᠤᠨ ᠪᠦᠷᠢᠯᠸᠡ ᠶᠤᠮ
ᠨᠢᠭᠦᠯᠳᠡᠨ ᠡᠰᠡᠷᠭᠦᠤ ᠨᠢᠳᠤᠷᠭᠠ ᠵᠠᠩᠭᠢᠳᠴᠤ
ᠨᠢᠩᠵᠢᠨ ᠤ ᠥᠭᠡᠳᠡ ᠨᠢᠯᠪᠣᠰᠤ ᠣᠨᠠᠭᠠᠳᠠᠭ
ᠨᠢᠰᠤᠩᠬᠠᠢ ᠭᠦᠤ ᠶᠢ ᠪᠣᠤ ᠪᠠᠰᠤ
ᠨᠢᠭᠤᠴᠠ ᠨᠢ ᠵᠠᠳᠠᠷᠠᠭᠰᠠᠨ ᠨᠢᠭᠡ ᠨᠢ ᠶᠤᠮ᠃
ᠵᠠᠩ ᠢ ᠨᠢ ᠮᠡᠳᠡᠭᠦ ᠦᠭᠡᠶ ᠰᠤᠪᠢᠵᠤ
ᠵᠠᠵᠢᠨ ᠦᠰᠤ ᠪᠠᠨ ᠴᠠᠢ᠌ᠷᠠᠭᠤᠯᠬᠤ ᠪᠠᠷ
ᠠᠭᠠᠰᠢ ᠶᠢ ᠨᠢ ᠮᠡᠳᠡᠳᠡᠭ᠌ ᠨᠢᠭᠡᠨ ᠳ᠋ᠡᠭᠡᠨ
ᠠᠮᠠᠷᠠᠭ ᠬᠠᠠᠳᠤᠬᠤ ᠰᠠᠢ᠌ᠬᠠᠨ ᠯᠠ ᠶᠤᠮ᠃
ᠪᠣᠰᠤᠭᠠ ᠶᠠᠪᠣᠬᠤ ᠨᠠᠰᠤᠨ ᠳ᠋ᠠᠭᠠᠨ
ᠪᠣᠯᠭᠤᠮᠵᠢᠳᠠᠢ ᠠᠮᠢᠳᠤᠷᠠᠬᠤ ᠵᠦᠢ ᠶᠤᠮ
ᠪᠣᠯᠳᠠᠭ᠂ ᠪᠣᠯᠬᠤ ᠦᠭᠡᠶ ᠠᠯᠢᠨ ᠳᠤ ᠴᠤ
ᠪᠣᠭᠤᠨᠢ ᠵᠠᠢ ᠪᠠᠷ ᠵᠦᠷᠢᠳᠡᠭ᠌ ᠶᠤᠮ
ᠪᠣᠶᠠᠨ ᠨᠢᠭᠦᠯ ᠬᠤᠶᠠᠷ ᠳᠠᠢ
ᠰᠡᠢ᠌ᠳᠡᠵᠤ ᠮᠡᠭᠦᠳᠡᠵᠤ ᠥᠵᠡᠳᠡᠭ᠌ ᠶᠤᠮ
ᠪᠣᠷᠬᠠᠨ ᠴᠢᠳᠭᠦᠷ ᠬᠤᠶᠠᠷ ᠳᠠᠢ
ᠨᠢᠭᠤᠵᠤ ᠳᠤᠭᠯᠠᠵᠤ ᠨᠠᠭᠠᠳᠳᠠᠭ ᠶᠤᠮ᠃
ᠨᠥᠭᠦᠷ ᠤᠨ ᠰᠠᠢ᠌ᠨ ᠢ ᠣᠯᠤᠶᠠ ᠭᠡᠪᠠᠯ
ᠨᠥᠮᠵᠦᠭ᠌ ᠰᠠᠨᠠᠭᠠ ᠲᠡᠶ ᠶᠠᠪᠣᠳᠠᠭ ᠶᠤᠮ
ᠨᠥᠯᠦᠭᠡ ᠰᠡᠭᠦᠳᠡᠷ ᠬᠤᠶᠠᠷ ᠳᠠᠭᠠᠨ
ᠡᠵᠡᠨ ᠪᠣᠯᠵᠤ ᠠᠮᠢᠳᠤᠷᠠᠳᠠᠭ ᠶᠤᠮ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠳᠦᠷᠪᠠᠤᠨ ᠬᠤᠰᠢᠭᠤᠨ ᠤ ᠵᠢᠭᠠᠬᠤ ᠶᠢ ᠰᠤᠳᠤᠯᠬᠤ ᠳᠠᠰᠤᠭ
ᠵᠤᠬᠢᠶᠠᠭᠴᠢ᠄ ᠦ᠊·ᠠᠯᠳᠠᠠᠪᠣᠯᠠᠭ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2682
ᠴᠠᠭ᠄ 2012 ᠤᠨ ᠤ 04 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ