☆ ᠴᠤᠭᠳᠤ
ᠮᠠᠠᠳᠤ ᠶᠢᠨ ᠴᠡᠩᠭᠡᠷ ᠭᠦᠳᠡᠭᠡ ᠳᠤ ᠯᠠ ᠵᠤᠨ ᠤ ᠦᠷᠯᠦᠭᠡ ᠰᠠᠢ᠌ᠬᠠᠨ ᠪᠠᠢ᠌ᠳᠠᠭ
ᠮᠠᠠᠳᠤ ᠶᠢᠨ ᠴᠡᠩᠭᠡᠷ ᠭᠦᠳᠡᠭᠡ ᠳᠤ ᠯᠠ ᠵᠤᠨ ᠤ ᠦᠷᠯᠦᠭᠡ ᠰᠠᠢ᠌ᠬᠠᠨ ᠪᠠᠢ᠌ᠳᠠᠭ
ᠮᠡᠡᠳᠦᠭᠡᠨ ᠠᠮᠠᠷᠠᠭᠰᠠᠨ ᠠᠮᠢᠳᠠᠤᠨ ᠵᠥᠭᠡᠯᠡᠭᠡᠨ ᠢᠷᠠᠭᠯᠠᠵᠤ ᠰᠡᠷᠢᠳᠡᠭ᠌ ᠰᠠᠨ᠃
ᠳᠠᠭᠤ ᠪᠠᠨ ᠠᠪᠣᠯᠴᠠᠬᠤ ᠭᠤᠯᠢᠶᠠᠤᠨ ᠤᠨ ᠬᠤᠭᠤᠯᠠᠢ ᠶᠢᠨ ᠡᠭᠡᠰᠢᠭ᠌ ᠨᠢ ᠴᠡᠭᠡᠯᠭᠡᠨ
ᠳᠤᠷᠠᠰᠤᠯ ᠶᠢᠡᠨ ᠢᠯᠡᠭᠡᠯᠴᠡᠭᠦ ᠭᠠᠯᠠᠭᠤᠳ ᠤᠨ ᠦᠳᠦᠨ ᠤ ᠥᠩᠭᠡ ᠨᠢ ᠳᠤᠰᠤᠷᠬᠠᠭ
ᠪᠣᠰᠤᠭᠠᠤᠨ ᠳᠡᠪᠳᠡᠷᠢᠭ᠍ᠰᠡᠨ ᠰᠢᠪᠠᠭᠤᠳ ᠤᠨ ᠵᠢᠭᠦᠷ ᠨᠢ ᠬᠤᠷᠴᠠ ᠶᠠᠩᠵᠤ ᠪᠠᠷ ᠵᠢᠠᠨ
ᠪᠣᠳᠤᠭᠠᠤᠨ ᠬᠤᠨᠤᠭᠰᠠᠨ ᠬᠤᠩᠭ᠋ᠤᠷ ᠤᠨ ᠮᠢᠨᠢ ᠵᠢᠷᠦᠭᠡ ᠨᠢ ᠬᠠᠯᠠᠭᠤᠨ ᠭᠡᠪ ᠶᠢᠡᠷ ᠵᠢᠠᠨ
ᠵᠥᠭᠡᠯᠡᠭᠡᠨ ᠭᠡᠪᠢᠯᠡᠭᠦ ᠦᠨᠢᠶᠠᠤᠨ ᠤᠨ ᠰᠥ᠋ ᠨᠢ ᠠᠰᠬᠠᠷᠠᠮᠠ ᠰᠡᠷᠢᠭᠦᠭᠡᠨ
ᠵᠥᠭ᠌ ᠵᠥᠭ᠌ ᠡᠴᠡ ᠤᠢ᠌ᠷᠠᠳᠤᠯᠴᠠᠬᠤ ᠰᠠᠭᠠᠯᠢᠴᠢᠨ ᠭᠡᠦᠭᠡᠡᠴᠦᠳ ᠳᠤᠭᠳᠤᠯᠤᠩᠭ᠋ᠤᠢ᠃
ᠰᠡᠮᠭᠡᠨ ᠴᠢᠩᠨᠠᠬᠤ ᠳᠤᠭᠤᠯ ᠤᠳ ᠰᠦ᠋ ᠪᠠᠨ ᠰᠠᠨᠠᠮᠠ ᠨᠠᠮᠤᠬᠠᠨ
ᠰᠠᠩ ᠰᠠᠩ ᠪᠠᠷ ᠰᠢᠪᠳᠤᠷᠠᠬᠤ ᠳᠤ ᠰᠠᠭᠠᠮᠠᠭᠠᠢ ᠶᠢᠨ ᠳᠠᠯᠠᠩ ᠪᠦᠯᠢᠶᠡᠭᠡᠨ᠃
ᠳᠦᠷᠦᠭᠦᠴᠢ ᠶᠢᠨ ᠰᠦᠷᠦᠭ᠌ ᠭᠦᠳᠡᠯᠭᠦ ᠳᠤ ᠰᠠᠯᠭᠢ ᠨᠢ ᠣᠭᠳᠤᠭᠠᠤᠨ ᠳᠠᠭᠠᠳᠠᠢ᠌ᠬᠠᠨ
ᠳᠦᠷᠭᠡᠨ ᠭᠦᠶᠦᠳᠡᠯᠳᠤ ᠮᠤᠷᠢ ᠪᠠᠷ ᠶᠢᠡᠨ ᠬᠣᠢ᠌ᠨᠠ ᠡᠴᠡ ᠨᠢ ᠮᠤᠷᠳᠠᠬᠤ ᠳᠤ ᠪᠠᠬᠠᠳᠠᠢ᠌ᠬᠠᠨ᠃
ᠰᠡᠭᠦᠯᠴᠢ ᠶᠢᠨ ᠰᠦᠷᠦᠭ᠌ ᠭᠦᠳᠡᠯᠭᠦ ᠳᠤ ᠴᠤᠪᠣᠭᠠ ᠳᠠᠳᠠᠭᠠᠤᠨ ᠰᠠᠷᠠᠭᠤᠯᠬᠠᠨ
ᠰᠢᠭᠦᠳᠡᠷᠢ ᠶᠢᠨ ᠣᠰᠤ ᠨᠢ ᠪᠣᠳᠠᠷᠠᠭᠠᠤᠨ ᠰᠤᠪᠣᠳᠤᠨ ᠮᠥᠭᠦᠯᠢᠭ᠌ ᠰᠢᠭ᠌ ᠴᠤᠪᠣᠭᠤᠬᠠᠨ᠃
ᠠᠮᠠᠷᠠᠭ ᠨᠤᠳᠤᠭ ᠤᠨ ᠳᠡᠭ᠍ᠷᠢ ᠬᠠᠷᠠᠬᠤ ᠳᠤᠳᠤᠮ ᠳᠤᠯᠠᠭᠠᠬᠠᠨ
ᠠᠷᠭᠠᠯ ᠤᠨ ᠴᠡᠩᠭᠡᠷ ᠣᠳᠤᠭᠠ ᠰᠠᠪᠰᠠᠬᠤ ᠳᠤᠳᠤᠮ ᠰᠢᠯᠤᠭᠤᠬᠠᠨ᠃
ᠣᠴᠢᠷᠳᠠᠢ ᠠᠢ᠌ᠯ ᠤᠨ ᠪᠠᠷᠠ ᠤᠢ᠌ᠷᠠᠳᠤᠬᠤ ᠳᠤᠳᠤᠮ ᠬᠠᠯᠠᠭᠤᠬᠠᠨ
ᠣᠬᠠᠭᠠ ᠲᠡᠶ ᠪᠠᠷᠢ ᠶᠢᠨ ᠴᠠᠢ ᠰᠠᠮᠤᠷᠠᠬᠤ ᠳᠤᠳᠤᠮ ᠰᠢᠷᠭᠠᠯᠬᠠᠨ᠃
ᠣᠶᠠᠭᠠᠨ ᠳᠡᠭᠡᠷᠡ ᠨᠢ ᠪᠠᠭᠤᠬᠤ ᠳᠤ ᠨᠤᠬᠠᠢ ᠨᠢ ᠪᠣᠤᠷᠠᠭᠠᠤᠨ ᠳᠠᠨᠢᠯᠬᠠᠨ
ᠣᠭᠳᠤᠭᠠᠤᠨ ᠭᠠᠷᠬᠤ ᠪᠦᠰᠡᠭᠦᠢᠳ ᠤᠨ ᠴᠢᠷᠠᠢ ᠨᠢ ᠴᠠᠭᠠᠨᠠ ᠪᠠᠨ ᠮᠥᠰᠢᠶᠡᠩᠭᠦᠢ᠃
ᠣᠴᠠᠷᠠᠵᠤ ᠬᠠᠨᠢᠰᠤᠨ ᠰᠠᠭᠤᠬᠤ ᠳᠤ ᠮᠤᠩᠭ᠋ᠤᠯ ᠰᠡᠳᠬᠢᠯ ᠴᠠᠭᠠᠯᠬᠠᠨ
ᠣᠳᠠᠳᠠᠯᠠ ᠰᠠᠭᠤᠭᠠᠤᠨ ᠪᠣᠴᠠᠬᠤ ᠳᠤ ᠡᠷᠭᠢᠵᠤ ᠬᠠᠷᠠᠮᠠᠷ ᠢᠳᠡᠭᠡᠰᠢᠩᠭᠦᠢ ᠡ᠃
ᠡᠭᠢ ᠨᠤᠤᠷᠠᠭ ᠢ 1995 ᠣᠨ ᠤ 8 ᠰᠠᠷᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠴᠤᠭᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2627
ᠴᠠᠭ᠄ 2010 ᠤᠨ ᠤ 05 ᠰᠠᠷᠠ ᠶᠢᠨ 28
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ