☆ ᠴᠤ᠋·ᠣᠷᠭᠢᠯᠳᠤ
ᠠᠶᠤᠮᠠᠷ ᠠᠬᠠ ᠳᠡᠭᠦᠤ
ᠰᠢᠶᠠᠨ ᠤ ᠳᠠᠰ ᠲᠤ ᠭᠢᠯᠠᠷᠠᠭᠤᠯᠵᠤ ᠪᠠᠢ᠌ᠭᠠ
ᠰᠠᠢ᠌ᠨ ᠨᠠᠢ᠌ᠵᠠ
ᠰᠠᠷᠠ ᠶᠢᠨ ᠭᠠᠵᠠᠷ ᠡᠴᠠ
ᠰᠠᠨᠠᠮᠰᠠᠷ ᠦᠭᠡᠶ ᠭᠦᠷᠦᠭᠡᠳ ᠢᠷᠠᠯᠠ
ᠰᠢᠷᠡᠭᠡ ᠵᠠᠰᠠᠵᠤ
ᠰᠡᠳᠬᠢᠯ ᠤᠨ ᠥᠭᠡ ᠪᠠᠨ ᠳᠡᠯᠭᠡᠯᠴᠡᠨ
ᠬᠤᠠᠳᠠᠭᠠ ᠡᠷᠭᠦᠨ ᠰᠠᠭᠤᠬᠤ ᠵᠠᠭᠤᠷᠠ
ᠪᠣᠯᠵᠤᠭᠠ ᠲᠡᠶ ᠶᠤᠮ ᠰᠢᠭ᠌
ᠡᠳᠦᠷ ᠤᠨ ᠳᠤᠷᠰᠢ
ᠥᠵᠡᠯᠴᠡᠭᠡᠳ ᠪᠠᠢ᠌ᠳᠠᠭ ᠭᠡᠳᠤᠨ ᠨᠠᠢ᠌ᠵᠠ
ᠣᠰᠤᠨ ᠳᠤᠯᠤᠭᠠᠢ᠌ᠯᠠᠭᠰᠠᠭᠠᠷ
ᠶᠠᠭᠠᠭᠢᠭᠰᠠᠨ ᠰᠠᠢ᠌ᠬᠠᠨ ᠬᠤᠪᠢᠶᠠᠷᠢᠯᠠᠯ ᠪᠣᠢ ᠭᠡᠳ
ᠰᠢᠷᠡᠭᠡ ᠬᠠᠪᠴᠢᠭᠠᠤᠨ ᠰᠠᠭᠤᠴᠢᠬᠠᠯᠠ
ᠳᠠᠨᠢᠯ ᠮᠢᠨᠤ ᠨᠠᠢ᠌ᠵᠠ ᠵᠢ
ᠳᠠᠨᠢᠬᠤ ᠨᠢᠭᠡ ᠨᠢ
ᠠᠷᠢᠭᠢ ᠵᠠᠰᠠᠭᠠᠤᠨ ᠰᠠᠯᠤᠯᠴᠠᠬᠤ ᠦᠭᠡᠶ᠂
ᠳᠠᠨᠢᠬᠤ ᠦᠭᠡᠶ ᠨᠢᠭᠡ ᠨᠢ
ᠠᠷᠭᠠ ᠪᠠᠷᠠᠭᠳᠠᠵᠤ ᠪᠠᠢ᠌ᠨᠠ
ᠪᠠᠷᠢᠬᠤ ᠠᠷᠢᠭᠢ ᠪᠠᠨ ᠬᠤᠷᠳᠤᠨ ᠰᠢᠭ᠌ ᠭᠡᠳ
ᠪᠠᠭᠠ ᠵᠢᠭᠠᠬᠠᠨ ᠰᠢᠷᠡᠭᠡᠨ ᠤ
ᠪᠠᠢ᠌ᠳᠠᠭ ᠡᠷᠭᠡ ᠶᠢ ᠡᠵᠡᠮᠳᠡᠪᠡ ︕
ᠬᠠᠯᠠᠭᠰᠠᠨ ᠨᠢᠭᠡ ᠨᠢ
ᠬᠠᠯᠳᠤ ᠮᠦᠯᠳᠤ ᠵᠤᠭᠰᠤᠭᠠᠤᠨ
ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠠᠳᠠᠭᠠ ᠪᠠᠷᠢᠭᠰᠠᠨ
ᠭᠤᠷᠪᠠᠨ ᠬᠤᠷᠤᠭᠤ ᠶᠢᠨ ᠠᠷᠤ ᠪᠠᠷ
ᠪᠠᠷᠴᠢᠭᠢᠨᠠᠭᠤᠯᠤᠭᠰᠠᠨ ᠨᠢᠰᠤ ᠪᠠᠨ ᠵᠥᠯᠭᠦᠴᠢᠭᠡᠭᠡᠳ
ᠵᠡᠭᠦᠨ ᠠᠯᠠᠭᠠ ᠶᠢᠨ ᠬᠤᠷᠤᠭᠤ ᠪᠠᠷ ᠶᠢᠡᠨ
ᠮᠠᠩᠨᠠᠢ ᠶᠢᠨ ᠭᠦᠯᠦᠰᠤ ᠪᠠᠨ ᠰᠠᠴᠤᠴᠢᠬᠠᠭᠠᠤᠨ
ᠵᠥᠩᠰᠡ ᠲᠡᠶ ᠠᠷᠢᠭᠢ ᠪᠠᠨ ᠪᠠᠷᠢᠵᠤ ᠭᠡᠮᠨᠡᠭᠡᠳ
ᠳᠠᠭᠤᠤ ᠲᠡᠶ ᠠᠷᠢᠭᠢ ᠪᠠᠷᠢᠯᠠ
ᠦᠪᠡᠷ ᠤᠨ ᠳᠠᠭᠤᠨ ᠳᠤ ᠦᠪᠡᠷ ᠶᠢᠠᠨ ᠣᠶᠠᠷᠠᠵᠤ
ᠣᠷᠤᠰᠬᠤ ᠨᠢᠯᠪᠣᠰᠤ ᠨᠢ
ᠦᠶᠡᠷ ᠤᠨ ᠣᠰᠤ ᠰᠢᠭ᠌ ᠠᠰᠬᠠᠷᠠᠯᠠ
ᠣᠭ ᠡᠴᠠ ᠪᠠᠨ ᠭᠢᠳᠠᠯ ᠲᠡᠶ ᠪᠠᠢ᠌ᠭᠰᠠᠨ ᠶᠤᠮ᠂
ᠣᠷᠤᠨ ᠭᠡᠷ ᠡᠴᠠ ᠪᠠᠨ ᠰᠠᠯᠤᠭᠰᠠᠨ ᠡᠴᠠ
ᠣᠤᠭᠤᠳᠠᠭ ᠤᠨ ᠶᠢᠩ ᠲᠡᠶ ᠪᠣᠯᠤᠭᠰᠠᠨ ᠶᠤᠮ
ᠣᠭ ᠡᠴᠠ ᠪᠠᠨ ᠬᠠᠢ᠌ᠷᠠᠳᠠᠢ ᠪᠠᠢ᠌ᠭᠰᠠᠨ ᠶᠤᠮ᠂
ᠣᠷᠤᠭᠯᠠᠭᠠᠤᠨ ᠣᠳᠠᠭᠰᠠᠨ ᠥᠭᠡᠢ
ᠣᠴᠢᠷ ᠶᠠᠭᠤᠨ ᠭᠠᠷᠤᠭᠰᠠᠨ ᠶᠤᠮ ᠭᠡᠵᠤ ᠳᠠᠭᠤᠯᠠᠬᠤ ᠳ᠋ᠤ
ᠨᠢᠯᠪᠣᠰᠤ ᠬᠤᠠᠳᠠᠭᠠᠨ ᠳᠤ ᠳᠤᠰᠤᠯᠠᠯᠠ
ᠣᠤᠭᠤᠳᠠᠭ ᠨᠠᠢ᠌ᠵᠠ ᠮᠢᠨᠢ
ᠣᠤᠭᠤᠳᠠᠭ ᠦᠭᠡᠶ ᠳᠤᠭᠳᠠᠭᠠᠴᠢᠬᠠ ᠭᠡᠭᠦ ᠳ᠋ᠤ
ᠭᠦᠳᠡᠭᠡ ᠶᠢᠨ ᠨᠠᠮᠢ᠋ᠢ᠌
ᠭᠦᠮᠤᠨ ᠶᠢᠡᠷ ᠥᠵᠡᠭ᠍ᠰᠡᠨ ᠦᠭᠡᠶ ᠴᠢ᠂
ᠨᠤᠳᠤᠭ ᠡᠴᠠ ᠪᠠᠨ ᠰᠠᠯᠤᠭᠰᠠᠨ ᠪᠢᠳᠠᠨ ᠳ᠋ᠤ
ᠣᠷᠤᠬᠤ ᠭᠡᠷ ᠳᠤᠭᠢᠷᠠᠭᠤᠯᠤᠭᠰᠠᠨ ᠦᠭᠡᠶ ᠴᠢ ᠭᠡᠵᠤ
ᠡᠴᠢᠭᠡ ᠡᠭᠡ ᠡᠴᠠ
ᠥᠩᠭᠡᠷᠡᠭ᠍ᠰᠡᠨ ᠬᠠᠳᠠᠭᠰᠠᠨ
ᠠᠮᠠᠨ ᠳᠤ ᠪᠠᠭᠳᠠᠬᠤ ᠦᠭᠡᠶ ᠥᠭᠡ ᠶᠢ ᠴᠤ ᠭᠡᠯᠡᠪᠡ
᠊ᠭ᠍ᠱᠡᠨ ᠵᠠᠭᠤᠷᠠ
ᠠᠶᠠᠭᠠ ᠫᠢᠯᠠ ᠬᠠᠷᠴᠢᠭᠢᠨᠠᠵᠤ
ᠠᠷᠢᠭᠢᠨ ᠯᠤᠩᠬᠤ ᠰᠢᠳᠡᠭ᠍ᠳᠡᠨ
ᠰᠢᠷᠡᠭᠡ ᠰᠠᠠᠳᠠᠯᠢ ᠪᠠᠯᠪᠠᠷᠠᠪᠠ
ᠠᠷᠭᠠ ᠶᠢᠨ ᠰᠠᠢ᠌ᠨ ᠶᠢᠠᠷ
ᠰᠠᠢ᠌ᠨ ᠨᠠᠢ᠌ᠵᠠ ᠪᠠᠨ
ᠠᠷᠤ ᠬᠤᠭᠤᠯᠠᠨ ᠭᠡᠷ ᠶᠢᠡᠷ ᠳᠤᠳᠠᠭᠠᠯᠭᠠᠯᠠ
ᠮᠠᠭᠤᠬᠠᠢ ᠪᠣᠯᠤᠯᠠ ᠭᠡᠵᠤ
ᠰᠠᠢ᠌ᠨ ᠨᠠᠢ᠌ᠵᠠ ᠳᠠᠭᠠᠨ ᠣᠰᠤᠯ ᠭᠦᠯᠢᠶᠡᠭᠦ ᠳ᠋ᠤ
ᠰᠠᠢ᠌ᠨ ᠨᠠᠢ᠌ᠵᠠ ᠮᠢᠨᠢ
ᠶᠠᠭᠠᠭᠢᠭᠰᠠᠨ ᠠᠶᠤᠮᠠᠷ ᠠᠬᠠ ᠳᠡᠭᠦᠤ ᠲᠡᠶ ᠶᠠᠭᠤᠮᠠ ᠪᠣᠢ
ᠵᠠ ᠬᠠᠮᠢᠭᠠ ᠥᠭᠡᠢ
ᠪᠠᠶᠠ ᠶᠢ ᠮᠢᠨᠢ ᠬᠠᠮᠠᠭᠠᠯᠠᠭᠰᠠᠨ ᠳᠤ ᠳᠠᠯᠠᠷᠬᠠᠯᠠ ᠭᠡᠳ
ᠭᠡᠷ ᠲᠤ ᠴᠤ ᠣᠷᠤᠭᠰᠠᠨ ᠥᠭᠡᠢ
ᠳᠡᠷᠭᠡᠨ ᠵᠢᠯᠤᠭᠤᠴᠢ ᠪᠠᠨ ᠳᠠᠭᠤᠳᠠᠭᠰᠠᠭᠠᠷ ᠶᠠᠪᠣᠴᠢᠬᠠᠯᠠ ︕
ᠠᠶᠤᠮᠠᠷ ᠠᠬᠠ ᠳᠡᠭᠦᠤ ᠪᠢᠰᠢ ᠰᠢᠤ
ᠮᠠᠨᠤᠰ ᠴᠢᠨᠢ ᠠᠷᠭᠠ ᠦᠭᠡᠶ ᠪᠠᠢ᠌ᠨᠠ ᠰᠢᠤ ᠭᠡᠵᠤ ᠭᠡᠯᠡᠭᠦ ᠵᠢ
ᠰᠤᠨᠤᠰᠤᠭᠰᠠᠨ ᠴᠤ ᠦᠭᠡᠶ ᠶᠠᠪᠣᠴᠢᠬᠠᠯᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠷᠳᠤᠰ ᠬᠤᠳᠠ ᠶᠢᠨ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠳᠤᠪᠴᠢᠶᠠ
ᠵᠤᠬᠢᠶᠠᠭᠴᠢ᠄ ᠴᠤ᠋·ᠣᠷᠭᠢᠯᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2643
ᠴᠠᠭ᠄ 2011 ᠤᠨ ᠤ 11 ᠰᠠᠷᠠ ᠶᠢᠨ 26
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ