☆ ᠰᠤᠷᠴᠢᠨ
ᠨᠤᠳᠤᠭ ᠤᠨ ᠥᠭᠡᠭᠦᠨ ᠴᠢᠯᠠᠭᠤ
ᠨᠤᠳᠤᠭ ᠤᠨ ᠥᠭᠡᠭᠦᠨ ᠴᠢᠯᠠᠭᠤ
ᠦᠰᠦᠶᠠ ᠭᠡᠰᠡᠨ ᠰᠠᠨᠠᠭᠠ ᠪᠠᠨ ᠨᠢᠭᠤᠳᠠᠭ ᠥᠭᠡᠢ
ᠥᠡᠳᠡᠭᠡᠨ ᠴᠠᠭᠠᠨ ᠥᠭᠡᠭᠦᠨ ᠴᠢᠯᠠᠭᠤ
ᠡᠯᠡ ᠳᠠᠯᠠ ᠳᠠᠰᠢ ᠪᠠᠨ ᠲ᠋ᠡᠭ᠍ᠰᠢᠭᠡᠨ ᠳᠠᠷᠤᠭᠰᠠᠨ
ᠡᠪᠭᠡᠷᠭᠡᠨ ᠰᠠᠮᠠᠵᠠᠨ ᠵᠥᠭᠡᠯᠡᠨ ᠴᠢᠯᠠᠭᠤ
ᠰᠠᠷᠠᠯ ᠤᠨ ᠮᠢᠨᠢ ᠰᠡᠵᠢᠭᠦᠷ ᠲᠤ ᠳᠤᠷᠤᠯᠵᠠᠭᠰᠠᠨ
ᠬᠤᠯᠠ ᠶᠠᠪᠣᠬᠤ ᠳᠤ ᠨᠢᠳᠤᠳᠠᠢ ᠴᠢᠯᠠᠭᠤ
ᠰᠡᠮᠡᠭᠡᠷ ᠦᠪᠡᠷ ᠢ ᠮᠢᠨᠢ ᠬᠤᠳᠠᠯᠳᠤᠳᠠᠭ ᠥᠭᠡᠢ
ᠬᠤᠨ ᠴᠠᠭᠠᠨ ᠠᠶᠠᠯᠭᠤ ᠲᠡᠶ ᠴᠢᠯᠠᠭᠤ
ᠵᠠᠢ᠌ᠷᠮᠠᠭ ᠰᠠᠷᠠᠨ ᠳᠤ ᠴᠠᠴᠠᠷᠠᠨ ᠪᠠᠢ᠌ᠭᠰᠠᠨ
ᠵᠠᠭᠠᠯ ᠪᠣᠯᠬᠤ ᠪᠠᠷ ᠯᠠᠪᠳᠠᠢ ᠭᠦᠳᠡᠩ ᠲᠡᠶ ᠴᠢᠯᠠᠭᠤ
ᠵᠢᠷᠭᠠᠯ ᠤᠨ ᠮᠢᠨᠢ ᠵᠡᠭᠦᠳᠤ ᠶᠢ ᠰᠠᠮ ᠳᠤᠨᠤᠷᠬᠠᠳᠠᠭ
ᠵᠢᠭᠰᠠᠭᠠᠯ ᠨᠢ ᠬᠤᠯᠪᠣᠯᠳᠤᠭᠰᠠᠨ ᠡᠶᠡᠷ ᠲᠡᠶ ᠴᠢᠯᠠᠭᠤ
ᠨᠠᠷᠠᠨ ᠤ ᠴᠡᠭᠡᠨ ᠭᠡᠷᠡᠯ ᠰᠢᠩᠭᠡᠭ᠍ᠰᠡᠨ
ᠬᠤᠷᠠ ᠶᠢᠨ ᠣᠰᠤᠨ ᠳᠤ ᠭᠦᠭ᠍ᠵᠢᠮ ᠲᠡᠶ ᠴᠢᠯᠠᠭᠤ
ᠭᠠᠵᠠᠷ ᠤᠨ ᠬᠤᠷᠮᠤᠢ ᠳᠤ ᠴᠡᠴᠡᠭᠯᠡᠭ᠍ᠰᠡᠨ
ᠳᠠᠯᠠ ᠶᠢᠨ ᠡᠯᠢᠭᠡᠨ ᠤ ᠪᠦᠦᠪᠠᠢ ᠲᠡᠶ ᠴᠢᠯᠠᠭᠤ ᠁
ᠭᠦᠭᠡ ᠳᠠᠩᠭᠢᠰ
ᠰᠡᠳᠭᠢᠯ ᠤᠨ ᠨᠤᠭᠤᠭᠠᠨ ᠡᠷᠭᠢ ᠪᠠᠨ ᠳᠠᠪᠠᠯᠭᠠᠨ ᠶᠢᠡᠷ ᠮᠠᠨᠠᠭᠰᠠᠭᠠᠷ ᠪᠢ ᠳᠠᠳᠴᠢᠬᠠᠭᠰᠠᠨ ᠶᠤᠮ
ᠰᠡᠷᠮᠡᠭᠦᠨ ᠳᠤᠮᠳᠠᠭᠤᠷᠠᠬᠤ ᠭᠤᠨᠢᠭ ᠤᠨ ᠰᠠᠷᠠᠨ ᠬᠠᠶᠠ ᠭᠡᠴᠢᠨᠡᠨ ᠪᠣᠯᠪᠠᠰᠤᠷᠠᠩᠭ᠋ᠤᠢ ᠠᠪᠣᠷᠢᠯᠠᠵᠤ ᠴᠡᠭᠡᠯ ᠪᠠᠷ ᠶᠢᠡᠨ ᠳᠠᠨᠤᠨᠡ
ᠡᠰᠡᠭᠦᠯᠡ ᠪᠢ ᠶᠡᠭᠦᠷᠡᠭᠦ ᠦᠭᠡᠶ ᠪᠤᠯ ᠨᠢᠭᠡᠨᠲᠡ ᠬᠦᠭᠦᠷᠴᠢᠭᠡᠭᠰᠡᠨ
ᠨᠤᠮᠢᠨ ᠳᠠᠯᠠᠪᠴᠢ ᠪᠣᠯ ᠡᠷᠭᠢ ᠶᠢᠨ ᠴᠡᠯᠭᠡᠷᠭᠡᠨ ᠳᠠᠠᠵᠢ ᠭᠡᠳᠡᠭ᠌ ᠢ ᠲ᠋ᠡᠨᠢᠭᠡᠷᠭᠡᠨ ᠮᠡᠳᠡᠭ᠍ᠰᠡᠨ ᠴᠤ ᠪᠣᠯᠪᠠᠤ ᠳ᠋ᠠ
ᠭᠠᠩᠳᠠᠪᠠᠯ ᠭᠠᠩᠳᠠᠭ᠂ ᠪᠣᠷᠤᠭᠠᠯᠠᠪᠠᠯ ᠪᠣᠷᠤᠭᠠᠯᠠᠭ ᠭᠡᠭᠦ ᠳᠤ ᠣᠳᠤᠳ ᠠᠨᠢᠪᠴᠢᠬᠤ ᠪᠠᠨ ᠣᠮᠠᠷᠳᠠᠨ
ᠭᠠᠢ᠌ᠭᠤᠢ ᠪᠣᠵᠢᠭᠢᠨᠠᠯᠳᠤᠭᠰᠠᠨ ᠡᠭᠦᠯᠡᠰ ᠪᠣᠯᠤᠳ ᠤᠨ ᠰᠠᠯᠠᠮᠠ ᠪᠠᠷ ᠶᠢᠡᠨ ᠨᠠᠮᠠ ᠶᠢ ᠬᠠᠢ᠌ᠷᠠ ᠨᠠᠢ᠌ᠷ ᠦᠭᠡᠶ ᠳᠠᠰ ᠨᠢᠰ ᠴᠠᠪᠴᠢᠵᠤ ᠢᠷᠠᠨᠡ
ᠭᠠᠩᠳᠠᠭᠤᠨ ᠳᠠᠪᠠ ᠬᠠᠨᠤᠭᠰᠠᠨ ᠪᠣᠯᠤᠯᠳᠢ ᠬᠠᠳᠠᠭᠠᠨᠠᠳᠠᠯᠠ ᠦᠰᠦᠷᠴᠤ ᠭᠦᠭᠡᠷᠴᠤ ᠢᠨᠢᠶᠡᠨᠡ ᠁
ᠬᠠᠶᠠ ᠰᠡᠳᠭᠢᠯ ᠤᠨ ᠭᠦᠨ ᠢ ᠭᠡᠳᠡᠵᠤ ᠴᠢᠯᠡᠭᠤᠳ ᠴᠢᠩᠨᠠᠨᠠ
ᠰᠡᠳᠭᠢᠯ ᠨᠢ ᠥᠯᠦᠰᠭᠦᠯᠡᠩ ᠭᠡᠵᠤ ᠪᠢ ᠮᠦᠯᠣᠢ᠌ᠵᠤ ᠣᠳᠤᠨᠠ
ᠬᠠᠶᠠ ᠪᠣᠳᠤᠯ ᠤᠨ ᠴᠡᠭᠡᠯ ᠢ ᠨᠠᠩᠵᠢᠵᠤ ᠨᠠᠷᠠᠨ ᠳᠤᠳᠤᠷᠠ ᠬᠠᠯᠭᠤᠨ ᠣᠷᠭᠢᠳᠠᠯᠠ ᠬᠠᠷᠪᠣᠨᠠ
ᠰᠡᠷᠮᠡᠭᠦᠨ ᠣᠶᠠᠷᠠᠨ ᠭᠡᠮᠭᠡᠷᠡᠭ᠍ᠰᠡᠨ ᠬᠠᠢ᠌ᠷ ᠴᠢᠯᠠᠭᠤ ᠯᠠ ᠦᠨᠡᠨ ᠶᠢᠡᠷ ᠵᠢᠠᠨ ᠬᠠᠯᠭᠢᠨ ᠵᠢᠵᠢᠭ᠍ᠷᠡᠨᠡ
ᠭᠦᠭᠡ ᠳᠡᠭ᠍ᠷᠢ ᠮᠢᠨᠤ ᠣᠷᠤᠰᠬᠠᠯ ᠳᠤ ᠭᠦᠭᠡ ᠪᠠᠨ ᠮᠡᠷᠳᠡᠨ ᠭᠦᠳᠡᠩᠳᠡᠨ ᠵᠡᠭᠦᠷᠮᠡᠭᠯᠡᠨᠡ
ᠮᠢᠨᠤ ᠵᠡᠭᠦᠳᠦᠨ ᠳᠤ ᠰᠤᠭᠳᠤᠭᠤᠷᠠᠵᠤ ᠬᠠᠯᠢᠬᠤ ᠦᠭᠡᠶ
ᠭᠦᠪᠠᠭᠡ ᠦᠭᠡᠶ ᠳᠡᠭᠡᠳᠤ ᠳᠡᠭ᠍ᠷᠢ ᠳᠤ ᠬᠠᠶᠠ ᠰᠢᠪᠠᠭᠤᠳ ᠤᠨ ᠳᠠᠭᠤᠨ ᠳᠤᠩ ᠨᠣᠢ᠌ᠳᠠᠨ ᠥᠩᠭᠡᠷᠡᠭ᠍ᠰᠡᠨ ᠵᠢᠡᠨ ᠮᠦᠷᠦᠭᠡᠰᠤᠨᠡ ᠁
ᠮᠦᠨ ᠴᠤ ᠳᠡᠪᠳᠡᠷᠢᠭᠦ ᠵᠠᠩ ᠶᠢᠡᠨ ᠳᠤᠷᠠᠳᠬᠠᠨᠠ
ᠬᠠᠪᠣᠷ ᠤᠨ ᠬᠠᠷᠢᠶᠠᠴᠠᠢ
ᠵᠢᠭᠦᠷ ᠶᠢᠡᠨ ᠮᠦᠷᠦᠭᠡᠰᠴᠤ
ᠵᠥᠭ᠌ ᠨᠢ ᠣᠮᠠᠷᠠᠰᠢ ᠰᠤᠮᠤᠳᠠᠨᠠ
ᠵᠡᠭᠦᠳᠤ ᠪᠠᠨ ᠬᠠᠢ᠌ᠴᠢᠯᠠᠵᠤ
ᠵᠦᠩ ᠨᠢ ᠬᠣᠢ᠌ᠰᠢ ᠳᠠᠪᠢᠨᠡ
ᠪᠠᠷᠠᠭᠠᠨ ᠨᠢᠳᠤ ᠪᠠᠨ ᠬᠠᠢ᠌ᠷᠠᠯᠠᠵᠤ
ᠪᠠᠬᠠ ᠨᠢ ᠳᠡᠭ᠍ᠷᠢ ᠪᠠᠨ ᠵᠢᠭᠤᠷᠠᠯᠳᠤᠨᠠ
ᠪᠠᠢ᠌ᠳᠠᠭ ᠳᠠᠭᠤᠨ ᠶᠢᠡᠨ ᠬᠠᠳᠠᠭᠠᠯᠠᠵᠤ
ᠪᠦᠭᠡ ᠡᠩᠨᠡᠭᠡ ᠪᠠᠨ ᠨᠠᠢ᠌ᠷᠠᠨᠠ ᠁
ᠬᠠᠪᠣᠷ ᠤᠨ ᠳᠡᠭ᠍ᠷᠢ
ᠭᠦᠭᠡ ᠪᠠᠷ ᠶᠢᠡᠨ ᠳᠤᠯᠠᠭᠠᠷᠠᠳᠠᠭ ᠬᠠᠪᠣᠷ ᠤᠨ ᠲ᠋ᠡᠭ᠍ᠷᠢ ᠵᠢᠨ
ᠡᠭᠦᠯᠡᠰ ᠨᠢ ᠴᠠᠭᠠᠨ ᠪᠠᠢ᠌ᠯᠠ
ᠭᠦᠳᠡᠭᠡ ᠭᠠᠵᠠᠷ ᠤᠨ ᠵᠦᠭᠡᠯᠡᠨ ᠰᠠᠯᠭᠢᠨ ᠤ ᠢᠯᠪᠢᠭᠡᠨ ᠤ
ᠡᠩᠭᠦᠷᠡᠢ ᠨᠢ ᠨᠤᠭᠤᠭᠠᠨ ᠪᠠᠢ᠌ᠯᠠ
ᠭᠦᠭ᠍ᠰᠡᠵᠤ ᠮᠠᠠᠳᠤᠬᠤ ᠣᠯᠠᠪᠣᠷ ᠨᠠᠷᠠᠨ ᠤ
ᠮᠦᠰᠢᠶᠠᠯ ᠨᠢ ᠴᠠᠢ᠌ᠯᠭᠠᠨ ᠪᠠᠢ᠌ᠯᠠ
ᠭᠦᠷᠴᠢᠭᠢᠨᠡᠵᠤ ᠪᠠᠢ᠌ᠭᠰᠠᠨ ᠬᠠᠢ᠌ᠯᠠᠰᠤᠨ ᠤ
ᠮᠦᠴᠢᠷ ᠨᠢ ᠦᠷᠭᠡᠯᠡᠵᠤ ᠪᠠᠢ᠌ᠯᠠ
ᠪᠣᠷᠤ ᠠᠯᠠᠭ ᠪᠢᠯᠵᠤᠤᠬᠠᠢ ᠵᠢᠨ
ᠵᠢᠷᠭᠢᠭᠡᠨ ᠨᠢ ᠬᠠᠯᠠᠭᠤᠨ ᠪᠠᠢ᠌ᠯᠠ
ᠨᠤᠭᠤᠭᠠᠨ ᠳᠠᠯᠠ ᠶᠢᠨ ᠵᠠᠮ ᠤᠨ
ᠰᠦᠯᠵᠢᠶᠠᠨ ᠨᠢ ᠳᠤᠳᠤᠨᠤ ᠪᠠᠢ᠌ᠯᠠ ᠁
ᠨᠠᠷᠠᠨ ᠬᠤᠸᠠᠷ
ᠳᠠᠯᠪᠠᠭᠠᠷ ᠳᠠᠯᠪᠠᠭᠠᠷ ᠨᠤᠭᠤᠭᠠᠨ ᠨᠠᠪᠴᠢᠰ ᠨᠢ
ᠵᠢᠷᠦᠭᠡᠨ ᠤ ᠠᠶᠠᠯᠭᠤ ᠲᠡᠶ ᠪᠠᠨᠰᠠᠷᠪᠠᠯᠵᠠᠨᠡ
ᠳᠠᠯᠮᠠᠢ᠌ᠶᠠᠷᠠᠭᠰᠠᠨ ᠭᠦᠭᠡᠷᠦᠭᠦᠨ ᠮᠦᠰᠢᠶᠠᠯ ᠨᠢ
ᠵᠢᠷᠢᠭ᠍ᠰᠡᠭᠡᠷ ᠨᠠᠷᠠᠨ ᠵᠥᠭ᠌ ᠶᠢᠡᠨ ᠮᠡᠭᠦᠢᠨᠡ
ᠦᠨᠳᠦᠰᠦ ᠰᠠᠬᠠᠯ ᠨᠢ ᠭᠦᠷᠦᠰᠤᠨ ᠳᠤ ᠪᠠᠨ
ᠭᠠᠵᠠᠷ ᠶᠢᠡᠨ ᠳᠠᠪᠠᠷᠢᠨ ᠵᠡᠭᠦᠳᠦᠯᠡᠨᠡ
ᠰᠢᠷᠭᠠᠯ ᠳᠠᠯᠪᠢ ᠨᠢ ᠡᠰᠢᠨ ᠳᠤ ᠪᠠᠨ
ᠳᠡᠷᠭᠡᠯᠭᠡᠨ ᠰᠥᠰᠦᠭ᠌ ᠶᠢᠡᠨ ᠮᠠᠨᠠᠨᠠ
ᠨᠢᠭᠤᠴᠠ ᠪᠠᠨ ᠨᠠᠷᠠᠨ ᠳᠤ ᠪᠠᠨ ᠳᠡᠯᠭᠡᠵᠤ
ᠠᠶᠤᠮᠠᠬᠠᠢ ᠪᠢᠰᠢ ᠪᠠᠳᠠᠷᠠᠭᠤᠨ ᠣᠷᠭᠤᠨᠠ
ᠨᠠᠯᠠᠭᠠᠷ ᠰᠠᠷᠠᠨ ᠳᠤ ᠪᠠᠨ ᠳᠡᠷᠡᠢ᠌ᠭ᠍ᠰᠡᠭᠡᠷ
ᠠᠢ᠌ᠯ ᠤᠨ ᠭᠦᠮᠤᠨ ᠳᠤ ᠥᠵᠡᠰᠭᠦᠯᠡᠩ ᠭᠠᠩᠬᠤᠯᠵᠠᠨᠠ ᠁
ᠮᠤᠩᠭ᠋ᠤᠯ ᠭᠡᠷ
ᠮᠤᠩᠭ᠋ᠤᠯ ᠭᠡᠷ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠳᠡᠩᠭᠡᠯᠢᠭ᠍ᠳᠤ ᠬᠤᠷᠸᠠ ᠳᠤ ᠡᠩᠭᠡᠵᠢᠨ ᠪᠣᠰᠤᠭᠰᠠᠨ ᠴᠠᠭᠠᠨ ᠥᠰᠦᠭ᠌
ᠳᠠᠰᠪᠣᠷᠢ ᠰᠠᠢ᠌ᠳᠠᠢ ᠪᠠᠷᠠᠭᠠᠨ ᠰᠦᠨᠢ ᠶᠢ ᠰᠥᠯᠡᠭ᠍ᠰᠡᠨ ᠳᠡᠭ᠍ᠷᠢᠯᠢᠭ᠌ ᠭᠠᠷ
ᠳᠡᠷᠳᠡᠭᠡ ᠬᠤᠯᠠ ᠶᠢ ᠰᠡᠳᠭᠢᠯ ᠳᠤ ᠪᠠᠨ ᠡᠪᠭᠡᠭ᠍ᠰᠡᠨ ᠨᠠᠷᠠᠨ ᠤ ᠡᠭᠡᠯᠢ
ᠳᠡᠷᠭᠡᠯ ᠰᠥᠰᠦᠭ᠌ ᠵᠢᠠᠨ ᠲ᠋ᠠᠯᠠ ᠳᠤ ᠪᠠᠨ ᠮᠥᠩᠭᠡᠯᠡᠭ᠍ᠰᠡᠨ ᠭᠠᠯ ᠤᠨ ᠰᠠᠭᠢᠶᠠ
ᠮᠤᠩᠭ᠋ᠤᠯ ᠭᠡᠷ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠮᠠᠯ ᠤᠨ ᠭᠦᠯ ᠶᠢᠡᠨ ᠭᠠᠳᠠᠨᠠ ᠪᠠᠢ᠌ᠯᠭᠠᠭᠰᠠᠨ ᠭᠦᠮᠤᠨ ᠤ ᠵᠢᠪᠬᠤᠭᠠ
ᠮᠠᠯᠴᠢᠨ ᠤ ᠦᠷᠠᠰ ᠶᠢᠡᠨ ᠳᠡᠯᠡᠭᠡᠢ ᠪᠠᠭᠳᠠᠭᠠᠭᠰᠠᠨ ᠳᠠᠯᠠ ᠶᠢᠨ ᠭᠡᠢ᠌ᠮᠦᠷᠢ
ᠠᠭᠤᠯᠠᠨ ᠤ ᠰᠦᠷ ᠲ᠋ᠠᠢ ᠣᠰᠤᠨ ᠤ ᠨᠥᠮᠵᠦᠭ᠌ ᠲᠡᠶ ᠪᠣᠳᠤᠯ ᠤᠨ ᠣᠷᠤᠰᠬᠠᠯ
ᠠᠭᠤᠤ ᠶᠡᠭᠡ ᠪᠠᠷ ᠶᠢᠡᠨ ᠳᠡᠭ᠍ᠷᠢ ᠱᠠᠳᠤᠯᠠᠭᠰᠠᠨ ᠠᠷᠠᠤᠨ ᠤᠨ ᠣᠬᠠᠭᠠᠨ
ᠮᠤᠩᠭ᠋ᠤᠯ ᠭᠡᠷ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠴᠢᠯᠠᠭᠤᠨ ᠣᠪᠣᠭᠠ ᠲᠡᠶ ᠪᠠᠨ ᠵᠠᠮ ᠵᠠᠮ ᠶᠢᠡᠨ ᠬᠤᠯᠪᠣᠭᠰᠠᠨ ᠪᠢᠯᠢᠭ᠌ ᠤᠨ ᠨᠢᠳᠤ
ᠴᠠᠭᠠᠨ ᠣᠳᠤᠳ ᠲᠡᠶ ᠪᠠᠨ ᠡᠶᠡ ᠠᠶᠠ ᠪᠠᠨ ᠵᠠᠬᠠᠯᠠᠭᠰᠠᠨ ᠭᠠᠵᠠᠷ ᠤᠨ ᠴᠡᠴᠡᠭ᠌
ᠴᠠᠭᠠᠨ ᠡᠭᠦᠯᠡᠰ ᠲᠡᠶ ᠪᠠᠨ ᠳᠠᠯᠠ ᠳᠠᠯᠠ ᠪᠠᠨ ᠮᠡᠳᠡᠯᠴᠡᠭ᠍ᠰᠡᠨ ᠳᠡᠭ᠍ᠷᠢ ᠶᠢᠨ ᠵᠠᠶᠠᠭᠠ
ᠴᠠᠭᠠᠨ ᠰᠦ᠋ ᠲᠡᠶ ᠪᠠᠨ ᠳᠡᠯᠡᠭᠡᠢ ᠪᠠᠶᠠᠰᠬᠠᠨ ᠨᠠᠮᠢᠷᠠᠭᠰᠠᠨ ᠣᠠᠳᠤᠷᠤᠯ ᠤᠨ ᠲ᠋ᠤᠭ᠁
ᠨᠤᠭᠤᠭᠠᠨ ᠳᠠᠯᠠ ᠪᠠᠨ ᠣᠩᠰᠢᠭᠰᠠᠨ ᠭᠡᠰᠡᠭ᠌ ᠳᠦᠷᠦᠭ᠍ᠳᠡᠯ
ᠣᠭᠠᠯᠵᠠᠯᠠᠵᠤ ᠣᠷᠤᠰᠬᠤ ᠭᠤᠤᠯ ᠨᠢ
ᠣᠬᠠᠭᠠᠨ ᠳᠤ ᠣᠶᠠᠩᠭ᠋ᠠᠨ ᠵᠢᠷᠤᠭ ᠪᠢᠯᠠ
ᠣᠶᠠᠬᠠᠨ ᠵᠥᠭᠡᠯᠡᠨ ᠰᠠᠯᠭᠢᠨ ᠨᠢ
ᠣᠴᠠᠷᠠᠯ ᠤᠨ ᠭᠠᠩᠭ᠋ᠠᠩ ᠰᠤᠪᠢᠩ ᠪᠢᠯᠠ
ᠴᠠᠢ᠌ᠯᠵᠠᠨ ᠣᠷᠤᠰᠬᠤ ᠭᠤᠤᠯ ᠨᠢ
ᠭᠦᠭᠡ ᠳᠡᠭ᠍ᠷᠢ ᠶᠢᠨ ᠠᠷᠢᠭᠤᠨ ᠭᠡᠰᠢᠭ᠌ ᠪᠢᠯᠠ
ᠭᠦᠳᠡᠭᠡ ᠴᠠᠭᠠᠨ ᠰᠦᠷᠦᠭ᠌ ᠨᠢ
ᠭᠦᠳᠡᠯᠮᠦᠷᠢ ᠶᠢᠨ ᠨᠠᠷᠠᠨ ᠲᠡᠶ ᠪᠣᠶᠠᠨ ᠪᠢᠯᠠ
ᠬᠠᠷᠠᠭᠤᠯᠳᠠᠵᠤ ᠶᠠᠪᠣᠭᠰᠠᠨ ᠮᠠᠯᠴᠢᠳ ᠨᠢ
ᠨᠠᠷᠠᠨ ᠤ ᠳᠤᠤᠷᠠᠭᠢ ᠵᠤᠯᠪᠣᠭᠠ ᠪᠢᠯᠠ
ᠰᠠᠷᠠᠨ ᠭᠡᠯᠳᠡᠢ᠌ᠵᠤ ᠳᠦᠭᠡᠷᠡᠴᠢᠭᠡᠳᠡᠭ᠌ ᠨᠢ
ᠣᠳᠤᠳ ᠤᠨ ᠴᠤᠭᠳᠠᠢ ᠣᠷᠤᠨ ᠪᠢᠯᠠ
ᠨᠤᠭᠤᠭᠠᠨ ᠡᠪᠠᠰᠤ ᠨᠢ ᠬᠠᠯᠢᠭᠤᠷᠠᠭᠰᠠᠨ ᠨᠢ
ᠨᠢᠯ ᠨᠢᠯ ᠰᠡᠳᠭᠢᠯ ᠤᠨ ᠳᠤᠭᠳᠤᠯᠤᠯ ᠲᠡᠶ ᠪᠢᠯᠠ
ᠨᠤᠭᠳᠤ ᠲᠡᠶ ᠮᠤᠷᠢ ᠶᠢᠨ ᠰᠦᠷᠵᠢᠶᠭᠡᠨ ᠳᠤ ᠨᠢ
ᠨᠠᠮᠠᠰ ᠨᠠᠮᠠᠰ ᠭᠠᠵᠠᠷ ᠤᠨ ᠭᠦᠭ᠌ ᠲᠡᠶ ᠪᠢᠯᠠ ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠢᠩᠭ᠋ᠠᠨ ᠤ ᠳᠤᠮᠳᠠᠳᠤ ᠬᠤᠰᠢᠭᠤ
ᠵᠤᠬᠢᠶᠠᠭᠴᠢ᠄ ᠰᠤᠷᠴᠢᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2654
ᠴᠠᠭ᠄ 2012 ᠤᠨ ᠤ 03 ᠰᠠᠷᠠ ᠶᠢᠨ 28
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ