☆ ᠪᠠ᠊·ᠣᠤᠠᠬᠤᠠᠪᠠᠭᠠᠳᠤᠷ
ᠮᠢᠨᠤ ᠡᠭᠡ ᠣᠷᠤᠨ
ᠮᠤᠭᠠᠢ ᠵᠢᠯ ᠤᠨ
ᠥᠭᠡᠯᠵᠢᠨ ᠰᠠᠷᠠ ᠵᠢᠨ
ᠬᠤᠷᠢᠨ ᠳ᠋ᠤ
ᠡᠵᠢ ᠪᠠᠨ ᠰᠢᠨᠠᠯᠭᠠᠵᠤ
ᠭᠦᠤ ᠪᠣᠯᠤᠭᠰᠠᠨ ᠶᠤᠮ ᠪᠢ
ᠭᠦᠳᠦᠰᠤᠨ ᠨᠡᠭᠡᠢ ᠳᠤ ᠮᠠᠠᠴᠣᠢ᠌ᠯᠠᠬᠤ
ᠬᠡᠦᠬᠡᠳ ᠤᠨ ᠨᠢᠷᠠᠢ ᠳᠠᠭᠤ ᠪᠠᠷ
ᠭᠦᠳᠡᠭᠡᠯᠢ ᠪᠣᠷᠤ
ᠡᠵᠢ ᠮᠢᠨᠢ ᠳᠡᠭᠡᠭᠡᠳ
ᠰᠦ᠋ ᠲᠡᠶ ᠪᠠᠨ ᠣᠠᠳᠤᠷᠤᠬᠤ
ᠮᠢᠨᠤ ᠡᠭᠡ ᠣᠷᠤᠨ
ᠨᠠᠷᠠᠨ ᠤ ᠠᠯᠳᠠᠨ
ᠰᠠᠴᠤᠷᠠᠭ ᠢ ᠳᠠᠭᠠᠵᠤ
ᠨᠠᠰᠤ ᠪᠠᠨ ᠶᠠᠰᠤᠵᠢᠭᠤᠯᠵᠤ
ᠳᠤᠷᠨᠢᠭᠰᠠᠨ ᠶᠤᠮ
ᠰᠠᠯᠭᠢᠨ ᠤ ᠵᠥᠭᠡᠯᠡᠨ
ᠢᠯᠪᠢᠯᠳᠠ ᠳᠤ ᠠᠯᠠᠭᠠᠳᠠᠭᠤᠯᠤᠨ
ᠨᠢᠷᠠᠢ᠌ᠯᠢᠭ ᠴᠢᠷᠠᠢ ᠪᠠᠨ
ᠭᠦᠷᠦᠰᠦᠭᠦᠯᠳᠡᠭ᠌ ᠶᠤᠮ
《ᠭᠠᠯ ᠥᠭ᠍ᠪᠠᠯ ᠡᠮᠭᠦᠴᠢᠭᠡᠳᠡᠭ᠌
ᠭᠠᠷᠠᠭ ᠥᠭ᠍ᠪᠠᠯ ᠳᠡᠪᠠᠷᠢᠴᠢᠭᠡᠳᠡᠭ᠌》
ᠮᠥᠯᠭᠦᠭᠡ ᠪᠠᠷ ᠵᠢᠠᠨ
ᠭᠦᠯ ᠳᠤ ᠣᠷᠤᠳᠠᠭ
ᠮᠢᠨᠤ ᠡᠭᠡ ᠣᠷᠤᠨ
ᠡᠵᠢ ᠶᠢᠨ ᠬᠤᠷᠮᠤᠢ ᠵᠢᠨ
ᠠᠷᠤ ᠡᠮᠦᠨᠡ ᠡᠴᠠ ᠨᠢ ᠵᠠᠭᠤᠷᠠᠵᠤ
ᠢᠰᠢᠭᠡ ᠶᠢᠨ ᠮᠠᠢ᠌ᠯᠠᠭᠠ ᠳᠠᠢ
ᠳᠠᠭᠤ ᠨᠡᠢ᠌ᠯᠡᠭᠦᠯᠤᠨ ᠳᠤᠷᠨᠢᠭᠰᠠᠨ ᠶᠤᠮ
ᠣᠭᠵᠢᠵᠤ ᠥᠰᠭᠡᠭ᠍ᠰᠡᠨ
ᠣᠭᠤᠳᠠᠩ ᠳᠤᠭᠤᠯ ᠤᠨ
ᠪᠢᠷᠠ ᠲᠡᠶ ᠨᠤᠴᠤᠯᠳᠤᠨ
ᠡᠷᠡ ᠶᠢᠨ ᠴᠢᠭᠢᠷᠠᠭ ᠢ
ᠪᠠᠶᠠ ᠳᠡᠭᠡᠨ ᠰᠢᠩᠭᠡᠭᠡᠭ᠍ᠰᠡᠨ
ᠮᠢᠨᠤ ᠡᠭᠡ ᠣᠷᠤᠨ
ᠢᠰᠢᠭᠡ ᠬᠠᠷᠢᠭᠤᠯᠬᠤ ᠪᠠᠷ
ᠠᠢ᠌ᠯ ᠤᠨ ᠬᠡᠦᠬᠡᠳ ᠲᠡᠶ ᠪᠣᠯᠵᠤᠬᠤ
ᠡᠯᠡᠰᠤᠨ ᠡᠩᠭᠡᠷ ᠤᠨ
ᠪᠠᠯ ᠢ ᠡᠷᠭᠢᠴᠡᠭᠦᠯᠤᠨ ᠨᠤᠳᠤᠭᠰᠢᠬᠤ
ᠨᠠᠷᠢᠨ ᠬᠤᠯᠤᠰᠤᠨ ᠮᠤᠷᠢᠳ ᠵᠢᠠᠨ
ᠥᠩᠭᠡᠳᠤ ᠪᠦᠰ ᠶᠢᠡᠷ ᠨᠤᠭᠳᠤᠯᠠᠬᠤ
ᠡᠮᠳᠡᠷᠭᠡᠢ ᠸᠠᠭᠠᠷ ᠤᠨ ᠬᠠᠶᠠᠭᠳᠠᠮᠠᠯ ᠵᠢᠠᠷ
ᠠᠶᠠᠭᠠ ᠰᠠᠪᠠ ᠪᠠᠨ ᠳᠡᠭᠡᠵᠢᠯᠡᠭᠦ
ᠠᠢ᠌ᠯ ᠪᠣᠯᠤᠨ
ᠵᠤᠴᠢᠨ ᠶᠢᠡᠨ ᠣᠭᠳᠤᠬᠤ
ᠶᠡᠭᠡᠴᠦᠦᠯ ᠤᠨ ᠶᠤᠰᠤ ᠵᠢ
ᠣᠳᠤᠭᠠ ᠰᠤᠭᠤᠨᠠᠭᠯᠠᠭᠰᠠᠨ
ᠠᠮᠢᠳᠤᠷᠬᠠᠵᠤ ᠪᠢ
ᠨᠢᠰᠤᠩᠬᠠᠢ ᠰᠢᠷᠠ
ᠠᠢ᠌ᠯ ᠤᠨ ᠭᠡᠦᠭᠡᠨ ᠵᠢᠠᠷ
ᠪᠠᠷᠢ ᠪᠠᠨ ᠪᠣᠯᠭᠠᠨ
ᠪᠣᠭᠳᠤᠯᠠᠵᠤ ᠪᠠᠭᠤᠯᠭᠠᠬᠤ
ᠰᠢᠪᠠᠭ ᠤᠨ ᠨᠠᠮᠠᠭᠠ ᠶᠢ ᠥᠭ᠍ᠳᠡᠭᠦᠯᠤᠨ
ᠬᠤᠭᠤᠯᠠ ᠪᠣᠴᠤᠭᠠᠯᠭᠠᠨ ᠵᠢᠷᠭᠠᠬᠤ
ᠡᠷᠭᠢᠨ ᠡᠮᠳᠡᠷᠭᠡᠢ ᠪᠠᠷ
ᠰᠤᠮᠤ ᠭᠢᠯᠴᠠᠨ ᠪᠠᠢ᠌ᠯᠳᠤᠬᠤ
ᠡᠷᠡ ᠶᠢᠨ ᠪᠦᠭᠡ ᠳ᠋ᠤ
ᠨᠠᠭᠠᠳᠤᠮ ᠤᠨ ᠳᠦᠷᠦᠭᠦᠤ ᠱᠠᠩ ᠳᠠᠢ
ᠨᠢᠭᠡ ᠮᠡᠳᠡᠭᠦ ᠪᠠᠷ
ᠠᠢ᠌ᠯ ᠤᠨ ᠰᠦᠷᠦᠭ᠌ ᠳᠤ
ᠮᠠᠯ ᠶᠢᠡᠨ ᠨᠡᠢ᠌ᠯᠡᠭᠦᠯᠵᠤ
ᠡᠵᠢ ᠳᠤ ᠪᠠᠨ ᠵᠠᠩᠨᠠᠭᠤᠯᠤᠨ
ᠬᠠᠯᠠᠭᠤᠨ ᠪᠣᠤᠪᠣ ᠠᠮᠰᠠᠬᠤ ᠪᠠᠷ
ᠦᠷᠯᠦᠭᠡ ᠶᠢᠨ ᠨᠠᠷᠠᠨ
ᠦᠳᠡ ᠬᠠᠵᠠᠢ᠌ᠨ
ᠬᠠᠷᠢᠬᠤ ᠪᠠᠨ ᠨᠢᠭᠡ
ᠰᠠᠨᠠᠭᠠᠨ ᠳᠤ ᠣᠷᠤᠳᠠᠭ
ᠣᠷᠤᠭᠤ ᠴᠢᠷᠠᠢ᠌ᠯᠠᠨ
ᠰᠦᠷᠦᠭ᠌ ᠶᠢᠡᠨ ᠢᠯᠭᠠᠬᠤ
ᠡᠳᠦᠷ ᠤᠨ ᠭᠡᠮᠰᠢᠯ ᠢ
ᠮᠠᠷᠭᠠᠰᠢ ᠪᠠᠷ ᠮᠠᠷᠳᠠᠳᠠᠭ
ᠳᠤᠮᠤᠭᠠ ᠦᠭᠡᠶ ᠨᠠᠰᠤᠨ ᠤ
ᠣᠬᠠᠭᠠ ᠦᠭᠡᠶ ᠵᠢᠷᠭᠠᠯ
ᠳᠤᠭᠤᠭᠠᠴᠠᠭᠠ ᠦᠭᠡᠶ ᠭᠡᠨᠡᠨ
ᠮᠢᠨᠤ ᠡᠭᠡ ᠣᠷᠤᠨ
ᠡᠷᠳᠡ ᠣᠷᠢᠳᠤ ᠵᠢᠨ
ᠴᠠᠭ ᠭᠡᠭᠦ ᠪᠠᠷ
ᠡᠵᠢ ᠶᠢᠨ ᠠᠮᠠᠨ ᠡᠴᠠ
ᠥᠯᠢᠭᠡᠷ ᠢᠩᠭᠢᠵᠤ
ᠪᠠᠭᠤᠳᠠᠭ ᠶᠤᠮ
ᠡᠷᠡᠤ ᠪᠠᠨ ᠲᠦᠰᠢᠨ
ᠮᠠᠩᠬᠠ ᠵᠠᠢ᠌ᠳᠠᠯᠠᠨ
ᠣᠬᠠᠭᠠᠨ ᠤ ᠰᠤᠶᠤᠯ ᠢ
ᠡᠵᠢ ᠡᠴᠠ ᠪᠠᠨ
ᠠᠩᠬᠠ ᠰᠤᠷᠤᠭᠰᠠᠨ ᠶᠤᠮ
ᠬᠤᠷ ᠳᠠᠯ ᠳᠠᠢ
ᠬᠤᠯᠠᠨ ᠲ᠋ᠠᠭᠠ ᠶᠢᠨ ᠨᠢᠷᠤᠭᠤᠨ ᠳ᠋ᠤ
ᠠᠪᠣ ᠪᠠᠨ ᠲᠦᠰᠢᠨ
ᠠᠯᠠᠪᠭᠢᠨ ᠰᠠᠭᠤᠬᠤ ᠵᠢ
ᠰᠠᠨᠠᠭᠰᠠᠨ ᠶᠤᠮ
ᠬᠠᠳᠠᠭᠤ ᠬᠠᠷᠠᠢ᠌ᠯᠳᠠ ᠳ᠋ᠤ
ᠪᠦᠭ᠍ᠰᠡ ᠳᠤᠭᠳᠠᠵᠤ ᠴᠢᠳᠠᠭᠠ ᠥᠭᠡᠢ
ᠬᠤᠷᠸᠠ ᠶᠢᠨ ᠭᠡᠰᠢᠭ᠌ ᠢ
ᠰᠢᠷᠤᠢ ᠲᠡᠶ ᠨᠢ ᠡᠮᠭᠦᠵᠤ
ᠠᠮᠰᠠᠭᠰᠠᠨ ᠶᠤᠮ
ᠬᠤᠪᠢ ᠢᠷᠦᠭᠡᠯ ᠳᠠᠢ
ᠳᠦᠷᠦᠭᠦᠯᠦᠭ᠍ᠰᠡᠨ ᠨᠤᠳᠤᠭ ᠵᠢᠠᠨ
ᠢᠩᠭᠢᠵᠤ ᠪᠢ ᠳᠠᠨᠢᠭᠰᠠᠨ ᠶᠤᠮ
ᠦᠷᠯᠦᠭᠡ ᠪᠣᠰᠬᠤ ᠪᠠᠷ
ᠠᠯᠠᠭᠠᠨ ᠡᠭᠦᠯᠡ
ᠴᠡᠩᠭᠡᠷ ᠣᠭᠳᠠᠷᠭᠤᠢ ᠳᠤ ᠬᠤᠷᠭᠤᠳᠠᠬᠤ ᠪᠠᠷ
ᠦᠳᠡ ᠶᠢᠨ ᠵᠠᠬᠠ ᠪᠠᠷ
ᠠᠶᠤᠩᠭᠠ ᠵᠠᠩᠭᠢᠷᠠᠨ
ᠪᠣᠷᠤᠭᠠᠯᠠᠳᠠᠭ ᠴᠤ ᠶᠤᠮ
ᠦᠩᠭᠡᠨ ᠳᠤᠯᠤᠭᠠᠨ
ᠰᠤᠯᠤᠩᠭ᠋ᠠᠤᠨ ᠶᠢᠡᠨ ᠳᠠᠳᠠᠵᠤ
ᠨᠠᠷᠠ ᠳᠤᠩᠭ᠋ᠠᠯᠠᠭᠰᠢᠨ
ᠴᠡᠯᠮᠡᠭ᠍ᠰᠢᠳᠡᠭ᠌ ᠴᠤ ᠶᠤᠮ
ᠴᠠᠪᠠᠷ ᠳᠤᠩᠭ᠋ᠠᠯᠠᠭ ᠠᠮᠢᠰᠬᠤᠯ ᠵᠢᠠᠷ
ᠭᠦᠮᠤᠨ ᠮᠠᠯ ᠪᠠᠯᠴᠢᠭᠡᠷ ᠲᠡᠶ ᠪᠠᠨ
ᠴᠡᠭᠡᠵᠢ ᠣᠩᠭ᠋ᠣᠢ᠌ᠨ ᠳᠡᠨᠡᠢᠳᠡᠭ᠌ ᠴᠤ ᠶᠤᠮ
ᠵᠢᠪᠬᠤᠭᠠᠳᠤ ᠮᠤᠩᠭ᠋ᠤᠯ ᠣᠷᠤᠨ
ᠠᠮᠤᠭᠠᠯᠠᠩᠳᠤ ᠳᠦᠷᠢ ᠲᠡᠶ ᠪᠠᠨ ᠪᠠᠶᠠᠰᠳᠠᠭ
ᠥᠩᠭᠡᠳᠤ ᠶᠢᠷᠳᠢᠠᠴᠤ ᠵᠢᠨ
ᠦᠯᠵᠡᠢ ᠶᠢᠨ ᠭᠡᠢ᠌ᠮᠦᠷᠢ ᠪᠠᠷ ᠵᠠᠶᠠᠭᠠᠭᠰᠠᠨ
ᠮᠢᠨᠤ ᠡᠭᠡ ᠣᠷᠤᠨ
ᠣᠯᠠᠨ ᠨᠢᠳᠤᠳᠤ
ᠴᠠᠭᠠᠰᠤᠨ ᠴᠤᠩᠬᠤ ᠳᠠᠢ
ᠪᠠᠷᠢᠭᠠᠳᠠ ᠶᠢᠨ ᠳᠤᠵᠢᠨ ᠭᠡᠷ ᠳᠤ
ᠰᠢᠪᠠᠷ ᠶᠢᠡᠷ ᠦᠷᠦᠭ᠍ᠰᠡᠨ
ᠰᠢᠷᠡᠭᠡ ᠪᠣᠶᠤ ᠰᠠᠠᠳᠠᠯᠢ
ᠡᠨ ᠨᠨ ᠪᠠ ᠫᠠ
ᠠᠶᠠ ᠳᠠᠳᠠᠨ ᠳᠠᠭᠤᠳᠠᠬᠤ
ᠰᠤᠶᠤᠯ ᠮᠦᠷ ᠤᠨ
ᠠᠩᠬᠠᠨ ᠤ ᠪᠣᠱᠤᠭᠠ
ᠭᠤᠷᠪᠠᠬᠠᠨ ᠰᠤᠷᠤᠭᠴᠢ ᠳᠠᠢ
ᠠᠩᠭᠢ ᠶᠢᠨ ᠭᠡᠷ
ᠮᠢᠨᠤ ᠡᠭᠡ ᠣᠷᠤᠨ
ᠰᠢᠰᠢ ᠶᠢᠨ ᠪᠣᠤᠪᠣ
ᠴᠥᠯᠢᠭᠡᠷ ᠤᠨ ᠭᠤᠯᠢᠷ ᠳᠤ
ᠭᠡᠳᠡᠰᠤ ᠮᠤᠷᠣᠢ᠌ᠨ ᠬᠤᠷᠴᠢᠭᠢᠨᠠᠵᠤ
ᠡᠪᠦᠯ ᠣᠩᠭ᠋ᠠᠰᠤᠨ ᠳᠤ ᠨᠢ ᠳᠤᠯᠠᠭᠠᠴᠠᠨ
ᠵᠤᠨ ᠭᠦᠷᠦᠰᠤᠨ ᠳᠤ ᠨᠢ ᠰᠡᠷᠢᠭᠦᠴᠡᠳᠡᠭ᠌
ᠢᠰᠢᠭᠡᠨ ᠭᠦᠡᠵᠢᠯᠡ ᠳᠠᠢ
ᠳᠠᠯᠠᠭᠠᠤᠨ ᠣᠨ
ᠮᠢᠨᠤ ᠡᠭᠡ ᠣᠷᠤᠨ
ᠰᠤᠷᠬᠤ ᠶᠢᠨ ᠭᠠᠭᠴᠠ
ᠮᠦᠷ ᠢ ᠪᠠᠷᠢᠵᠤ
ᠮᠠᠯ ᠤᠨ ᠰᠡᠭᠦᠯ
ᠮᠤᠰᠭᠢᠬᠤ ᠦᠭᠡᠶ ᠭᠡᠵᠤ
ᠰᠤᠷᠮᠠᠭᠠᠢ ᠣᠯᠠᠨ
ᠪᠠᠭᠰᠢ ᠶᠢᠨ ᠳᠤᠤᠷᠠ
ᠡᠷᠳᠡᠮ ᠭᠦᠯᠢᠶᠡᠨ ᠳᠤᠰᠤᠭᠰᠠᠨ ᠶᠤᠮ
ᠰᠤᠷᠳᠠᠯ ᠦᠨᠳᠦᠷ
ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ
ᠬᠤᠪᠢ ᠲᠡᠶ ᠪᠠᠨ ᠪᠣᠴᠠᠯᠭᠠᠵᠤ
ᠭᠦᠷᠦᠭ᠍ᠰᠡᠨ ᠶᠤᠮ
ᠰᠢᠷᠠᠬᠤᠳᠠ ᠶᠢᠨ ᠬᠠᠭᠤᠴᠢᠨ ᠪᠠᠭᠤᠷᠠᠢ ᠳ᠋ᠤ
ᠰᠤᠷᠤᠭᠴᠢ ᠭᠠᠷᠤᠯ ᠲᠡᠶ ᠶᠠᠪᠣᠭᠰᠠᠨ ᠶᠤᠮ
ᠠᠰᠠᠷ ᠳᠠᠭᠳᠤ ᠵᠢ
ᠠᠩᠬᠠ ᠡ᠊ᠨᠳᠡ ᠳᠠᠨᠢᠭᠰᠠᠨ ᠶᠤᠮ
ᠠᠩᠭᠢ ᠶᠢᠨ ᠨᠥᠭᠦᠤᠨ ᠲᠡᠶ ᠪᠠᠨ
ᠬᠠᠮᠳᠤ ᠶᠢᠨ ᠬᠤᠪᠴᠠᠰᠤ ᠲᠡᠶ ᠪᠣᠯᠤᠭᠰᠠᠨ ᠶᠤᠮ
ᠳ᠋ᠸᠩ ᠯᠢ ᠵᠢᠶᠦ᠋ᠨ ᠤ
ᠣᠶᠠᠬᠠᠨ ᠳᠠᠭᠤᠨ ᠵᠢᠠᠷ
ᠡᠭᠡᠨᠡᠷ ᠠᠪᠬᠤ ᠶᠢᠨ
ᠪᠣᠳᠤᠯ ᠳᠦᠷᠦᠭᠦᠯᠵᠤ
ᠠᠩᠭᠢ ᠶᠢᠨ ᠦᠬᠢᠳ ᠡᠴᠠ
ᠵᠢᠰᠤ ᠲᠡᠶ ᠶᠢ ᠨᠢ ᠬᠠᠷᠠᠨ
ᠰᠢᠡᠵᠢᠭ᠍ᠰᠡᠨ ᠶᠤᠮ
ᠠ᠊·ᠰᠠ᠊·ᠫᠦᠱᠺᠢᠨ ᠤ
ᠰᠢᠯᠦᠭ᠌ ᠤᠨ ᠨᠤᠮ ᠳ᠋ᠤ
ᠠᠮᠳᠠᠷᠬᠠᠵᠤ ᠪᠢ
ᠨᠠᠢ᠌ᠷᠠᠭ ᠲᠤ ᠱᠤᠮᠪᠠᠬᠤ
ᠰᠢᠯᠦᠭ᠌ ᠤᠨ ᠣᠩᠭ᠋ᠤᠳ ᠵᠢᠠᠨ
ᠰᠣᠢ᠌ᠭᠰᠠᠨ ᠯᠠ ᠶᠤᠮ
ᠴᠠᠭᠠᠨ ᠮᠠᠠᠳᠠᠤ ᠳ᠋ᠤ
ᠴᠠᠭ ᠲᠠᠭᠠᠨ ᠴᠠᠳᠳᠠᠭ
ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯ
ᠥᠭᠡᠷᠡᠴᠢᠯᠡᠯᠳᠡ ᠨᠡᠭᠡᠭᠡᠯᠳᠡ ᠵᠢᠨ
ᠡᠭᠦᠳᠡ ᠶᠢ ᠰᠡᠭᠦᠭ᠍ᠰᠡᠨ
ᠳ᠋ᠸᠩ ᠰᠢᠶᠤᠤ ᠫᠢᠩ ᠤᠨ ᠣᠨᠤᠯ
ᠡᠷᠦᠭᠡ ᠳᠤ ᠳᠠᠭᠠᠭᠠᠴᠢᠯᠠᠭᠤᠯᠬᠤ ᠳᠦᠷᠢᠮ ᠵᠢᠠᠷ
ᠳᠠᠯᠠ ᠳᠤ ᠪᠠᠨ ᠠᠮᠢᠵᠢᠷᠠᠯ ᠭᠦᠷᠳᠡᠭ᠍ᠰᠡᠨ
ᠭᠡᠳᠡᠰᠤ ᠪᠠᠨ ᠪᠣᠭᠤᠭᠰᠠᠨ ᠠᠷᠠᠤᠨ
ᠮᠠᠩᠨᠠᠢ ᠳᠠᠨᠠᠢ᠌ᠨ ᠪᠣᠰᠤᠭᠰᠠᠨ
ᠮᠢᠨᠤ ᠡᠭᠡ ᠣᠷᠤᠨ
ᠣᠷᠳᠤ ᠰᠠᠬᠠᠯ ᠳᠠᠢ
ᠮᠠᠷᠺᠰ ᠤᠨ ᠣᠨᠤᠯ
ᠣᠯᠤᠰ ᠳᠦᠷᠤ
ᠭᠦᠨ ᠣᠬᠠᠭᠠᠨ ᠢ
ᠢᠷᠭᠡᠨ ᠪᠠᠭᠰᠢ ᠵᠢᠨ
ᠢᠷ ᠲᠡᠶ ᠠᠮᠠᠨ ᠡᠴᠠ
ᠵᠡᠭᠦᠤ ᠥᠵᠦᠭᠦᠷᠯᠡᠨ
ᠰᠤᠷᠴᠤ ᠶᠠᠪᠣᠬᠤ ᠪᠠᠷ
ᠡᠷᠳᠡᠮᠳᠤ ᠶᠡᠭᠡ ᠶᠠᠷᠠᠨ ᠣᠨ
ᠰᠤᠶᠤᠯ ᠦᠨᠳᠦᠷ
ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ
ᠳᠡᠭᠡᠳᠤ ᠰᠤᠷᠭᠠᠭᠤᠯᠢ
ᠮᠢᠨᠤ ᠡᠭᠡ ᠣᠷᠤᠨ
ᠥᠭᠡᠷᠡᠴᠢᠯᠡᠯᠳᠡ ᠴᠢᠯᠦᠭᠡᠵᠢᠯ ᠤᠨ
ᠦᠷᠯᠦᠭ᠌ ᠭᠠᠪᠢᠶᠠ
ᠳᠤᠮᠳᠠᠳᠤ ᠲᠦᠮᠡᠨ ᠢ
ᠳᠠᠭᠤᠤ ᠲᠡᠶ ᠨᠢ ᠡᠷᠭᠦᠵᠤ ᠪᠣᠰᠬᠠᠭᠰᠠᠨ ᠶᠤᠮ
ᠰᠢᠡᠵᠢᠯᠡᠭᠦ ᠣᠬᠠᠭᠠᠨ
ᠳᠸᠭ᠍ᠨᠢᠭ᠌ ᠮᠡᠷᠭᠡᠵᠢᠯ ᠵᠢᠠᠷ
ᠰᠢᠨᠡᠴᠢᠯᠡᠭᠦ ᠵᠠᠮ ᠳᠤ ᠣᠷᠤᠭᠤᠯᠤᠭᠰᠠᠨ ᠶᠤᠮ
ᠰᠦᠷᠳᠠᠰᠢ ᠥᠭᠡᠢ
ᠰᠦᠷ ᠳᠠᠯᠠᠢ᠌ᠴᠢᠳᠠᠢ ᠭᠦᠴᠤᠨ ᠵᠢᠠᠷ
ᠬᠤᠷᠢᠭᠤᠯ ᠬᠤᠷᠢᠭᠠ ᠳᠠᠢ
ᠬᠤᠷᠢᠨ ᠨᠢᠭᠡᠨ ᠵᠠᠭᠤᠨ ᠢ
ᠰᠢᠳᠤ ᠵᠠᠭᠤᠨ ᠳᠠᠭᠠᠷᠢᠳᠠᠭ
ᠮᠢᠨᠤ ᠡᠭᠡ ᠣᠷᠤᠨ
ᠣᠢ᠌ᠯᠠᠳᠪᠣᠷᠢ ᠶᠢᠨ ᠣᠳᠤᠭᠠᠤᠨ
ᠠᠭᠠᠷ ᠲᠤ ᠪᠠᠳᠠᠭᠠᠨᠠᠨ
ᠡᠭᠦᠯᠡᠰᠢᠭ᠍ᠰᠡᠨ
ᠮᠠᠯ ᠰᠦᠷᠦᠭ᠌
ᠬᠠᠰᠢᠶᠠᠨ ᠤ ᠰᠠᠷᠠᠪᠴᠢᠨ ᠳ᠋ᠤ
ᠬᠤᠨᠤᠠᠠᠰᠢᠠᠠᠰᠠᠨ
ᠪᠠᠯᠴᠢᠭᠡᠷ ᠣᠰᠤ
ᠰᠡᠯᠡᠭᠦᠴᠡᠨ ᠠᠮᠠᠷᠠᠵᠤ
ᠳᠤᠤᠷᠯᠠᠭᠳᠠᠭᠰᠠᠨ
ᠭᠦᠮᠤᠨ ᠠᠷᠠᠤᠨ ᠨᠢ
ᠨᠥᠭᠦᠭᠦᠪᠦᠷᠢ ᠬᠠᠷᠮᠠᠯᠠᠨ
ᠵᠢᠷᠭᠠᠭᠰᠠᠨ
ᠳᠦᠷᠤ ᠶᠢᠨ ᠪᠣᠳᠤᠯᠭᠠ
ᠲᠦᠮᠡᠨ ᠢ ᠠᠮᠤᠷᠵᠢᠭᠤᠯᠤᠭᠰᠠᠨ
ᠮᠢᠨᠤ ᠡᠭᠡ ᠣᠷᠤᠨ
ᠮᠠᠯ ᠤᠨ ᠮᠦᠷ ᠵᠢᠠᠷ
ᠳᠤᠰᠤ ᠪᠣᠯᠳᠠᠭ ᠤᠨ ᠵᠢᠮᠠ ᠪᠠᠷ
ᠮᠠᠯᠴᠢᠨ ᠲᠦᠮᠡᠨ
ᠬᠤᠳᠠ ᠶᠢᠨ ᠵᠠᠮ ᠶᠢᠡᠷ ᠨᠡᠭᠦᠳᠡᠯᠯᠡᠨᠡ
ᠰᠠᠭᠠᠯᠢ ᠰᠠᠭᠤᠰᠤᠭᠰᠠᠨ (ᠪᠢᠯᠬᠠᠷᠠᠭᠰᠠᠨ)
ᠣᠨ ᠵᠢᠯ ᠶᠢᠡᠨ ᠣᠷᠭᠢᠵᠤ
ᠰᠠᠯᠭᠢ ᠵᠠᠯᠭᠢᠭᠰᠠᠨ
ᠰᠡᠯᠡᠭᠦᠤ ᠠᠮᠢᠳᠤᠷᠠᠯ ᠳ᠋ᠤ
ᠳᠠᠰᠬᠤ ᠦᠭᠡᠶ ᠡᠷᠭᠢᠴᠡᠭᠦ
ᠪᠣᠷᠪᠢᠨ ᠤ ᠪᠠᠨ ᠮᠢᠬᠠ ᠶᠢ ᠵᠠᠵᠢᠯᠠᠬᠤ
ᠪᠠᠯᠡᠭᠡᠨ ᠠᠮᠢᠳᠤᠷᠠᠯ ᠳᠤ ᠵᠢᠷᠭᠠᠭᠰᠠᠨ
ᠮᠢᠨᠤ ᠡᠭᠡ ᠣᠷᠤᠨ
ᠣᠢ᠌ᠳᠠᠮᠠ ᠣᠷᠳᠤ
ᠰᠢᠷᠠ ᠡᠳᠦᠷ ᠤᠳ ᠵᠢᠠᠷ
ᠦᠷ ᠶᠢᠡᠷ ᠰᠤᠯᠤᠩᠭ᠋ᠠᠷᠠᠬᠤ
ᠪᠣᠷᠤ ᠪᠦᠰᠡᠭᠦᠢ ᠶᠢᠨ ᠴᠢᠷᠠᠢ
ᠦᠰᠢᠯᠳᠤᠵᠤ ᠬᠤᠴᠢᠬᠤ
ᠪᠠᠭᠠᠯ ᠨᠤᠬᠠᠢ᠌ᠳ ᠤᠨ ᠠᠷᠭᠢᠯᠭᠠ ᠳᠠᠢ
ᠨᠤᠪᠰᠢ ᠶᠢᠨ ᠣᠪᠣᠭᠠᠨ ᠳ᠋ᠤ
ᠠᠮᠢ ᠳᠡᠵᠢᠭᠡᠨ ᠣᠠᠳᠤᠷᠠᠬᠤ
ᠨᠣᠢ᠌ᠳᠠᠨ ᠭᠦᠢᠳᠡᠨ ᠢ
ᠨᠣᠢ᠌ᠷ ᠲᠠᠭᠠᠨ ᠵᠠᠯᠭᠢᠭᠰᠠᠨ
ᠮᠢᠨᠤ ᠡᠭᠡ ᠣᠷᠤᠨ
ᠠᠷᠳᠠᠭ ᠳᠠᠪᠭᠢᠳᠠᠭ
ᠠᠭᠳᠠ ᠮᠤᠷᠢᠳ ᠤᠨ ᠳᠤᠭᠤᠰᠤ
ᠣᠳᠤᠭᠠ ᠰᠤᠭᠤᠨᠤᠭᠯᠠᠭᠰᠠᠨ
ᠮᠤᠩᠭ᠋ᠤᠯ ᠭᠡᠷ ᠤᠨ ᠳᠤᠭᠤᠨᠤ
ᠠᠷᠤᠭ ᠡᠭᠦᠷᠦᠭ᠍ᠰᠡᠨ
ᠡᠵᠢ ᠶᠢᠨ ᠲᠦᠯᠭᠡᠭᠡᠨ ᠳᠦᠷᠢ
ᠣᠭᠤᠳᠤᠩ ᠳᠤᠭᠤᠯ ᠤᠨ
ᠪᠣᠯᠳᠠᠴᠢᠨ ᠨᠠᠭᠠᠳᠳᠠᠭ ᠴᠠᠢ᠌ᠳᠠᠮ
ᠢᠰᠢᠭᠡ ᠬᠠᠷᠢᠭᠤᠯᠳᠠᠭ
ᠳᠤᠭᠤᠷᠢᠮ ᠤᠨ ᠶᠡᠭᠡ ᠵᠠᠳᠠᠭᠠᠢ
ᠳᠠᠷᠠ ᠪᠦᠭᠦᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠳᠠᠷᠢᠭᠢᠨ ᠳᠤ ᠬᠠᠳᠠᠭᠠᠯᠠᠭᠳᠠᠬᠤ
ᠳᠠᠨᠠᠨ ᠴᠠᠭᠠᠨ ᠳᠤᠷᠠᠳᠬᠠᠯ
ᠬᠠᠨᠠᠨ ᠳᠤ ᠡᠯᠭᠦᠭ᠍ᠳᠡᠭᠦ
ᠳᠠᠷᠤᠰᠤᠮᠵᠢ ᠶᠢᠨ ᠭᠤᠸᠠᠯᠢᠭ ᠭᠦᠷᠳᠡᠭᠡᠮᠵᠢ
ᠳᠠᠮᠢᠷ ᠳᠡᠵᠢᠭᠡᠭᠦ
ᠣᠬᠠᠭᠠᠨ ᠢ ᠣᠮᠳᠠᠯᠠᠭᠰᠠᠨ
ᠳᠡᠦᠭᠡᠨ ᠮᠦᠷ ᠵᠢᠠᠷ
ᠱᠤᠭᠰᠢᠨ ᠥᠩᠭᠡᠷᠡᠳᠡᠭ᠌
ᠮᠢᠨᠤ ᠡᠭᠡ ᠣᠷᠤᠨ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠷᠳᠤᠰ ᠬᠤᠳᠠ ᠶᠢᠨ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠠᠵᠤ ᠣᠢ᠌ᠯᠠᠳᠪᠣᠷᠢ ᠬᠤᠳᠠᠯᠳᠤᠭᠠᠨ ᠤ ᠬᠤᠯᠪᠣᠭᠠ
ᠵᠤᠬᠢᠶᠠᠭᠴᠢ᠄ ᠪᠠ᠊·ᠣᠤᠠᠬᠤᠠᠪᠠᠭᠠᠳᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3876
ᠴᠠᠭ᠄ 2011 ᠤᠨ ᠤ 05 ᠰᠠᠷᠠ ᠶᠢᠨ 25
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ