☆ ᠬᠠᠰᠭᠢᠷᠤᠯ
ᠢᠰᠡᠭᠡᠢ
ᠬᠠᠯᠠᠭᠤᠨ ᠬᠤᠰᠢᠭᠤᠳᠤ ᠬᠤᠨᠢᠨ ᠤ
ᠪᠠᠶᠠᠨ ᠤ ᠵᠥᠭᠡᠯᠡᠨ ᠨᠤᠤᠰᠤ
ᠬᠠᠢ᠌ᠴᠢᠨ ᠤ ᠳᠤᠷᠭᠠᠨ ᠢᠷ ᠡᠴᠠ
ᠬᠠᠶᠠᠯᠠᠨ ᠪᠠᠭᠤᠠᠠᠰᠠᠨ ᠭᠠᠷᠤᠯᠳᠠ
ᠡᠵᠢ ᠶᠢᠨ ᠰᠠᠪᠠᠭᠠ ᠳᠤ ᠪᠦᠵᠢᠭᠯᠡᠭ᠍ᠰᠡᠨ
ᠡᠪᠭᠡᠷᠡᠭᠡ ᠴᠠᠭᠠᠨ ᠣᠪᠣᠭᠠ
ᠢᠰᠡᠭᠡᠢ ᠶᠠᠰᠠᠬᠤ ᠪᠠᠷ ᠬᠤᠷᠢᠶᠠᠭᠰᠠᠨ
ᠢᠯᠴᠢᠳᠤ ᠳᠤᠯᠠᠭᠠᠨ ᠭᠦᠷᠦᠩᠭᠡ
ᠰᠠᠢ᠌ᠨ ᠡᠳᠦᠷ ᠤᠨ ᠵᠤᠯᠠᠢ ᠳ᠋ᠤ
ᠳᠠᠪᠢᠰᠴᠤ ᠪᠦᠳᠦᠭᠡᠭᠦ ᠣᠢ᠌ᠯᠠᠰ
ᠰᠠᠪᠠᠭᠰᠠᠨ ᠨᠤᠤᠰᠤ ᠪᠠᠨ ᠵᠤᠯᠠᠭᠠᠤᠨ
ᠳᠡᠪᠳᠦᠭᠡᠵᠤ ᠰᠢᠷᠡᠯᠳᠡᠭᠦᠯᠭᠦ ᠣᠢ᠌ᠯᠠ
ᠬᠤᠨ ᠴᠠᠭᠠᠨ ᠨᠤᠤᠰᠤ
ᠬᠤᠷᠠᠵᠤ ᠨᠠᠢ᠌ᠯᠠᠨᠠ
ᠬᠤᠷᠤᠭᠠᠨ ᠤ ᠳᠤᠷᠭᠠᠨ ᠠᠷ ᠲᠤ
ᠬᠤᠮᠢᠷᠠᠵᠤ ᠨᠢᠭᠳᠠᠷᠠᠨᠠ
ᠳᠠᠷᠳᠠᠩ ᠢᠰᠡᠭᠡᠢ
ᠳᠠᠷᠤᠭᠳᠠᠵᠤ ᠪᠦᠳᠤᠨᠡ
ᠳᠠᠪᠬᠤᠷ ᠡᠪᠭᠡᠭᠡᠳ
ᠳᠠᠪᠳᠠᠵᠤ ᠪᠦᠷᠢᠨᠡ
ᠬᠤᠷᠳᠤ ᠭᠦᠯᠦᠭ᠌ ᠤᠨ ᠡᠷᠴᠢ
ᠳᠡᠩᠭᠡᠯᠢᠭ᠌ ᠳᠤ ᠠᠭᠤᠰᠴᠤ ᠢᠷᠠᠨᠡ
ᠬᠤᠷᠠᠭᠰᠠᠨ ᠣᠯᠠᠨ ᠭᠡᠢ᠌ᠴᠢᠨ
ᠢᠰᠡᠭᠡᠢ ᠪᠠᠨ ᠮᠢᠯᠢᠶᠠᠨ ᠨᠠᠢ᠌ᠷᠯᠠᠨᠠ︕
ᠨᠠᠷᠠ ᠰᠠᠷᠠ ᠪᠦᠮᠪᠦᠷᠢᠵᠤ ᠳᠠᠪᠠᠳᠠᠭ
ᠭᠡᠷ ᠤᠨ ᠮᠢᠨᠢ ᠳᠡᠭᠡᠪᠦᠷ ᠢᠰᠡᠭᠡᠢ
ᠨᠠᠰᠤ ᠵᠢᠯ ᠨᠦᠮᠤᠷᠯᠠᠨ ᠡᠷᠭᠢᠳᠡᠭ᠌
ᠭᠤᠯᠤᠮᠳᠠ ᠶᠢᠨ ᠮᠢᠨᠢ ᠳᠤᠭᠤᠷᠭᠠ ᠢᠰᠡᠭᠡᠢ
ᠨᠢ᠋ᠮᠠᠨ ᠬᠠᠨᠠᠳᠤ ᠭᠡᠷ ᠤᠨ ᠮᠢᠨᠢ
ᠯᠠᠠᠵᠠᠨ ᠡᠷᠢᠶᠡ ᠲᠡᠶ ᠡᠭᠦᠳᠡ ᠢᠰᠡᠭᠡᠢ
ᠨᠠᠢ᠌ᠷ ᠤᠨ ᠭᠡᠢ᠌ᠴᠢᠳ ᠵᠠᠯᠠᠷᠠᠭᠰᠠᠨ
ᠦᠯᠵᠡᠢ ᠭᠡᠭᠡ ᠲᠡᠶ ᠣᠯᠪᠣᠭ ᠢᠰᠡᠭᠡᠢ
ᠬᠠᠶᠠᠭᠠᠨ ᠤ ᠪᠠᠷᠠᠭᠠ
ᠳᠠᠩᠬᠠᠭ ᠰᠠᠪᠠ ᠢᠰᠡᠭᠡᠢ
ᠬᠠᠷᠠᠭᠠᠴᠠ ᠳᠠᠷᠤᠭᠰᠠᠨ ᠡᠷᠦᠭᠡ
ᠳᠠᠯᠠ ᠰᠠᠷᠠᠨ ᠢᠰᠡᠭᠡᠢ
ᠡᠵᠢ ᠡᠴᠠ ᠪᠠᠨ ᠵᠠᠶᠠᠭᠠᠬᠤ ᠳ᠋ᠤ
ᠡᠯᠢᠭᠡᠨ ᠴᠠᠭᠠᠨ ᠮᠠᠠᠴᠤᠢ ᠮᠢᠨᠢ
ᠢᠰᠡᠭᠡᠢ ᠪᠠᠢ᠌ᠭᠰᠠᠨ
ᠡᠭᠡᠯ ᠲᠦᠮᠡᠨ ᠤ
ᠡᠩᠭᠡᠵᠢᠨ ᠠᠮᠢᠳᠤᠷᠠᠳᠠᠭ ᠥᠯᠦᠭᠡᠢ
ᠢᠰᠡᠭᠡᠢ ᠪᠠᠢ᠌ᠭᠰᠠᠨ
ᠬᠠᠭᠢᠷ ᠡᠪᠦᠯ ᠤᠨ ᠭᠦᠢᠳᠡᠨ ᠳ᠋ᠤ
ᠭᠠᠷ ᠤᠨ ᠮᠢᠨᠢ ᠭᠡᠷ ᠪᠣᠯᠤᠭᠰᠠᠨ ᠢᠰᠡᠭᠡᠢ
ᠬᠠᠳᠠᠭᠤ ᠬᠤᠯᠠ ᠶᠢ ᠳᠤᠭᠤᠯᠬᠤ ᠳᠤ
ᠭᠤᠳᠤᠯ ᠤᠨ ᠮᠢᠨᠢ ᠣᠯᠠᠪᠴᠢ ᠪᠣᠯᠤᠭᠰᠠᠨ ᠢᠰᠡᠭᠡᠢ
ᠰᠢᠪᠰᠢᠵᠤ ᠣᠷᠭᠢᠭᠰᠠᠨ ᠱᠠᠭᠠᠢ
ᠢᠰᠡᠭᠡᠢ ᠳᠡᠭᠡᠷᠡ ᠪᠠᠳᠠᠷᠠᠵᠤ ᠠᠰᠬᠠᠷᠠᠳᠠᠭ
ᠰᠢᠨᠡ ᠪᠠᠷᠢ ᠶᠢᠨ ᠦᠳᠡ ᠳᠠᠪᠢᠯᠭᠠ
ᠢᠰᠡᠭᠡᠢ ᠳᠡᠭᠡᠷᠡ ᠪᠠᠭᠤᠵᠤ ᠠᠮᠠᠷᠠᠳᠠᠭ
ᠡᠷᠳᠡᠨᠢ ᠶᠢᠨ ᠬᠠᠷᠠ ᠳᠤᠯᠤᠭᠠᠢ ᠳᠤ ᠮᠢᠨᠢ
ᠢᠰᠡᠭᠡᠢ ᠮᠠᠯᠠᠭᠠᠢ ᠭᠡᠪ ᠳᠠᠢ
ᠡᠷᠪᠠᠭᠡᠷ ᠦᠷᠡ ᠶᠢᠨ ᠮᠢᠨᠢ ᠭᠦᠯ ᠳ᠋ᠤ
ᠢᠰᠡᠭᠡᠢ ᠪᠣᠢ᠌ᠳᠠᠭ ᠡᠪ ᠳᠠᠢ
ᠬᠤᠶᠠᠭ ᠳᠤᠭᠤᠯᠭᠠ
ᠳᠤᠳᠤᠷ ᠶᠢᠡᠨ ᠢᠰᠡᠭᠡᠢ ᠳᠠᠢ
ᠭᠢᠳᠤᠭᠠ ᠬᠤᠷᠴᠠᠳᠠᠨ
ᠬᠤᠢ ᠲᠠᠭᠠᠨ ᠢᠰᠡᠭᠡᠢ ᠳᠠᠢ
ᠭᠠᠩᠭ᠋ᠠᠷ ᠱᠠᠭᠠᠵᠠᠩ ᠤᠨ ᠭᠡᠷ ᠪᠣᠯᠤᠭᠰᠠᠨ
ᠭᠠᠯ ᠳᠤᠭᠤᠭᠠᠨ ᠤ ᠪᠠᠷᠢᠭᠤᠯ ᠪᠣᠯᠤᠭᠰᠠᠨ
ᠬᠠᠭᠤᠷᠴᠤ ᠡᠷᠭᠢᠭᠦᠯᠳᠡᠭ᠌ ᠶᠤᠭᠳᠠ ᠪᠣᠯᠤᠭᠰᠠᠨ
ᠬᠤᠮᠨᠠᠵᠤ ᠠᠴᠢᠳᠠᠭ ᠵᠠᠭᠠᠰᠠ ᠪᠣᠯᠤᠭᠰᠠᠨ
ᠬᠤᠷᠴᠠ ᠬᠠᠪᠬᠠᠨ ᠤ ᠵᠢᠭᠢᠷᠡᠭ᠌
ᠳᠡᠪᠭᠡᠨ ᠤ ᠳᠠᠪᠠᠭ ᠢᠰᠡᠭᠡᠢ
ᠬᠤᠷᠤᠭᠠ ᠢᠰᠢᠭᠡᠨ ᠤ ᠮᠠᠠᠴᠤᠢ
ᠡᠪᠠᠰᠦᠳᠡᠢ ᠳᠤᠭᠳᠤᠢ ᠢᠰᠡᠭᠡᠢ
ᠬᠤᠷᠳᠤᠨ ᠭᠦᠯᠦᠭ᠌ ᠤᠨ ᠳᠤᠬᠤᠯᠭᠠ
ᠡᠮᠡᠭᠡᠯ ᠤᠨ ᠵᠥᠭᠡᠯᠡᠨ ᠬᠤᠮ ᠢᠰᠡᠭᠡᠢ
ᠬᠤᠷᠠ ᠰᠠᠯᠭᠢᠨ ᠤ ᠬᠠᠯᠬᠠᠪᠴᠢ
ᠬᠤᠪᠴᠠᠰᠤᠨ ᠤ ᠳᠡᠭᠡᠳᠤ ᠭᠡᠮᠡᠯᠢᠭ᠌ ᠢᠰᠡᠭᠡᠢ
ᠠᠷᠪᠠᠨ ᠬᠤᠷᠤᠭᠠᠨ ᠤ ᠡᠷᠳᠡᠮ ᠰᠢᠩᠭᠡᠭ᠍ᠰᠡᠨ
ᠠᠵᠢᠯᠰᠠᠭ ᠮᠠᠯᠴᠢᠳ ᠤᠨ ᠡᠳ᠋ᠯᠡᠯ
ᠠᠶᠠᠠᠴᠢᠨ ᠮᠤᠩᠭ᠋ᠤᠯ ᠤᠨ ᠬᠠᠢ᠌ᠷᠠ ᠰᠢᠩᠭᠡᠭ᠍ᠰᠡᠨ
ᠠᠮᠪᠠᠨ ᠴᠠᠭᠠᠨ ᠭᠡᠷᠡᠭ᠍ᠰᠡᠯ
ᠴᠢᠩᠭᠡᠰ ᠤᠨ ᠠᠪᠣ
ᠶᠢᠰᠦᠭᠡᠢ ᠪᠠᠭᠠᠳᠤᠷ
ᠴᠢ ᠪᠢᠳᠠᠨ ᠤ
ᠢᠰᠡᠭᠡᠢ ᠪᠠᠭᠠᠳᠤᠷ
ᠡᠷᠭᠢᠮ ᠨᠠᠷᠠ ᠮᠢᠨᠢ
ᠢᠰᠡᠭᠡᠢ ᠳᠤᠭᠤᠷᠭᠠᠳᠠᠨ
ᠡᠷᠢᠯ ᠤᠨ ᠮᠦᠷ ᠮᠢᠨᠢ
ᠢᠰᠡᠭᠡᠢ ᠭᠤᠳᠤᠯᠴᠢᠨ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠳᠡᠯᠡᠭᠡᠢ ᠬᠤᠳᠠ
ᠵᠤᠬᠢᠶᠠᠭᠴᠢ᠄ ᠬᠠᠰᠭᠢᠷᠤᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 12929
ᠴᠠᠭ᠄ 2011 ᠤᠨ ᠤ 03 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ