☆ ᠳ᠋·ᠪᠦᠷᠢᠨᠲᠤᠭᠲᠠᠬᠤ
ᠵᠤᠯ ᠵᠢᠷᠭᠠᠯ ᠢ ᠭᠡᠷᠪᠡ ᠵᠢᠮᠢᠰ ᠰᠢᠭ᠌ ᠳᠡᠭᠦᠵᠤ ᠪᠣᠯᠳᠠᠭ ᠪᠣᠯ
1
ᠭᠦᠭᠡᠷᠡᠨ ᠦᠷᠭᠦᠯᠵᠢᠯᠡᠭᠦ ᠠᠭᠤᠯᠠᠰ ᠤᠨ ᠳᠡᠭᠡᠭᠦᠷ ᠵᠦᠷᠵᠢ ᠶᠢᠨ ᠥᠩᠭᠡ ᠲᠡᠶ ᠳᠤᠮᠤ ᠰᠢᠷᠭᠠᠯ ᠨᠠᠷᠠ ᠠᠯᠭᠤᠷᠬᠠᠨ ᠣᠨᠠᠵᠤ ᠪᠠᠢ᠌ᠬᠤ ᠶᠢ ᠪᠢ ᠴᠢᠮᠡᠭᠡ ᠥᠭᠡᠢ᠌ᠭᠡᠨ ᠬᠠᠷᠠᠵᠤ ᠵᠤᠭᠰᠤᠯᠠ᠃
ᠤᠢ᠌ᠷᠡ ᠶᠢᠨ ᠡᠳᠦᠷ ᠣᠨᠠᠬᠤ ᠨᠠᠷᠠ ᠶᠢ ᠬᠠᠷᠠᠬᠤ ᠳᠤᠷᠠ ᠲᠡᠶ ᠪᠣᠯᠤᠭᠰᠠᠨ ᠮᠦᠷᠳᠡᠭᠡᠨ ᠡᠢ᠌ᠮᠦᠭᠡᠨ ᠦᠶᠡ ᠳᠤ ᠯᠠ ᠶᠠᠮᠠᠷ ᠨᠢᠭᠡᠨ ᠦᠨᠡ ᠴᠠᠨᠠ ᠲᠡᠶ ᠶᠠᠭᠤᠮᠠ ᠪᠠᠨ ᠠᠯᠳᠠᠬᠤ ᠭᠡᠵᠤ ᠪᠠᠢ᠌ᠭᠠ ᠪᠣᠶᠤ ᠶᠠᠭ ᠰᠠᠢ᠌ᠬᠠᠨ ᠠᠯᠳᠠᠵᠤ ᠪᠠᠢ᠌ᠭᠠ ᠭᠦᠡᠳᠤ ᠰᠡᠷᠡᠭ᠍ᠳᠡᠯ ᠮᠢᠨᠤ ᠳᠤᠳᠤᠷᠠ ᠦᠯᠦ ᠮᠡᠳᠡᠭ᠌ ᠲᠦᠯᠭᠢᠯᠡᠭᠡᠳ ᠪᠠᠢ᠌ᠬᠤ ᠪᠣᠯᠤᠯᠠ᠃
ᠦᠪᠡᠷ ᠢ ᠪᠠᠨ ᠥᠪᠠᠷᠳᠡᠭᠡᠨ ᠵᠤᠪᠠᠭᠠᠨᠠ ᠭᠡᠵᠤ ᠡᠨᠡ ᠯᠠ ᠪᠢᠵᠠ ︖
2
ᠪᠢ ᠡᠷᠭᠢᠵᠤ ᠬᠠᠷᠠᠯᠠ᠂ ᠴᠢᠨᠤᠭᠢ ᠪᠠᠨ ᠪᠠᠢ᠌ᠭᠠ ᠳᠠᠷᠠ ᠵᠥᠭ᠌ ᠤᠨ ᠳᠡᠭ᠍ᠷᠢ ᠶᠢ ᠬᠠᠢ᠌ᠷᠠᠯᠠᠨ ᠰᠢᠷᠳᠡᠭᠦ ᠳᠤ ᠡᠯᠢᠭᠡ ᠵᠢᠷᠦᠭᠡ ᠮᠢᠨᠢ ᠡᠮᠳᠡᠷᠡᠵᠤ ᠡᠭᠢᠯᠡᠭᠦ ᠨᠢ ᠡ᠃
ᠰᠡᠯᠡᠭᠦᠭᠡᠨ ᠡᠨᠡ ᠴᠠᠭ ᠢ ᠵᠠᠪᠳᠤᠵᠤ ᠴᠢᠮᠠ ᠪᠠᠨ ᠳᠤᠷᠠᠰᠤᠨ ᠭᠡᠭᠡᠪᠴᠢ ᠲᠦᠰᠢᠨ ᠵᠤᠭᠰᠤᠬᠤ ᠳᠤ ᠰᠠᠢ᠌ᠬᠠᠨ ᠪᠦᠭᠦᠨ ᠤ ᠵᠦᠩᠨᠠᠯ ᠢ ᠳᠡᠷᠭᠡᠯ ᠵᠥᠭ᠌ ᠶᠢᠡᠨ ᠢᠷᠦᠭᠡᠭ᠍ᠰᠡᠨ ᠳᠤᠩᠭ᠋ᠠᠯᠠᠭ ᠰᠠᠷᠠ ᠮᠥᠩᠭᠦᠨ ᠳᠤᠶᠠᠭᠠ ᠪᠠᠨ ᠵᠥᠭᠡᠯᠡᠨ ᠵᠥᠭᠡᠯᠡᠨ ᠰᠠᠴᠤᠷᠠᠭᠤᠯᠤᠨ ᠮᠠᠠᠳᠤᠵᠤ ᠡᠭᠢᠯᠡᠪᠡ᠃
ᠡᠨᠡ ᠵᠢᠷᠭᠠᠯᠳᠤ ᠮᠦᠴᠡ ᠳᠤ ᠴᠢ ᠪᠢᠳᠠ ᠬᠤᠶᠠᠷ ᠭᠠᠷ ᠤᠨ ᠶᠢᠡᠨ ᠬᠠᠯᠠᠭᠤᠨ ᠠᠯᠠᠭᠠ ᠪᠠᠷ ᠨᠢᠭᠡ ᠨᠢᠭᠡᠨ ᠤ ᠪᠠᠨ ᠢᠯᠴᠢ ᠶᠢ ᠮᠠᠳᠠᠷᠠᠨ ᠣᠷᠤᠢ ᠶᠢᠨ ᠵᠥᠭᠡᠯᠡᠨ ᠵᠢᠪᠠᠷ ᠶᠢᠡᠷ ᠠᠶᠠᠷᠬᠠᠨ ᠢᠯᠪᠢᠭᠦᠯᠤᠨ ᠠᠯᠬᠤᠯᠠᠭᠰᠠᠨ ᠪᠣᠯ ᠁
3
ᠮᠢᠨᠤ ᠨᠤᠳᠤᠭ ᠤᠨ ᠭᠦᠷᠡᠩ ᠠᠭᠤᠯᠠᠰ ᠴᠢᠨᠤ ᠵᠥᠭ᠌ ᠤᠨ ᠶᠠᠭᠠᠨ ᠳᠡᠭ᠍ᠷᠢ ᠶᠢ ᠡᠷᠭᠦᠵᠤ ᠪᠦᠷᠦᠢ ᠶᠢᠨ ᠳᠤᠶᠠᠭᠠᠨ ᠳᠤ ᠰᠡᠭᠦᠢᠨ ᠵᠤᠭᠰᠤᠨᠠ᠃
ᠰᠡᠳᠭᠢᠯ ᠳᠤ ᠪᠠᠭᠤᠭᠰᠠᠨ ᠤᠢ᠌ᠳᠬᠠᠷ ᠲᠡᠶ ᠢᠵᠢᠯᠭᠡᠨ ᠰᠠᠷᠠᠯ ᠥᠩᠭᠡ ᠪᠠᠷ ᠴᠢᠨᠤ ᠵᠥᠭ᠌ ᠤᠨ ᠳᠡᠭ᠍ᠷᠢ ᠪᠣᠳᠤᠩᠳᠠᠨ ᠡᠭᠢᠯᠡᠨᠡ᠃
ᠠᠯᠤᠰ ᠤᠨ ᠪᠠᠷᠠ ᠳᠤ ᠣᠳᠤᠳ ᠭᠢᠯᠠᠯᠵᠠᠨᠠ᠂ ᠳᠠᠷᠠ ᠰᠠᠢ᠌ᠬᠠᠨ ᠣᠳᠤᠳ ᠤᠨ ᠴᠠᠭᠠᠬᠠᠨ ᠭᠡᠭᠡ ᠴᠢᠨᠤ ᠵᠠᠢ᠌ᠷ ᠲᠡᠶ ᠮᠠᠯᠮᠠᠢ ᠳᠤ ᠳᠤᠰᠴᠤ ᠪᠠᠢ᠌ᠭᠠ ᠪᠣᠯ ᠦᠦ ︖
ᠨᠠᠷᠠ ᠰᠠᠷᠠᠨ ᠤ ᠰᠠᠴᠤᠷᠠᠭ ᠶᠢᠡᠷ ᠠᠮᠢᠯᠠᠭᠰᠠᠨ ᠴᠢ ᠪᠢᠳᠠᠨ ᠤ ᠳᠤᠷᠠᠰᠤᠯ ᠮᠦᠷᠦᠭᠡᠳᠦᠯ ᠵᠤᠯ ᠵᠢᠷᠭᠠᠯ ᠤᠨ ᠳᠤᠳᠤᠷᠠᠭᠢ ᠵᠤᠪᠠᠭᠤᠷᠢ ᠵᠥᠳᠡᠭᠦᠷᠢ ᠭᠡᠵᠢ ᠦᠦ ︖
4
ᠪᠢ ᠰᠡᠳᠭᠢᠯ ᠤᠨ ᠰᠢᠭᠦᠳᠡᠷᠢ ᠪᠠᠨ ᠴᠢᠨᠤᠭᠢ ᠪᠠᠨ ᠭᠡᠷᠡᠯ ᠳᠤ ᠡᠭᠡᠭᠡᠶᠡ ᠭᠡᠵᠤ ᠰᠠᠨᠠᠨᠠ᠃
ᠴᠢᠨᠤ ᠰᠡᠳᠭᠢᠯ ᠤᠨ ᠳᠠᠯᠪᠢᠨ ᠳᠡᠭᠡᠷᠡ ᠪᠦᠮᠪᠦᠭᠡᠨᠡᠭ᠍ᠰᠡᠨ ᠳᠠᠷᠠ ᠠᠷᠢᠭᠤᠨ ᠰᠢᠭᠦᠳᠡᠷᠢ ᠪᠣᠯ ᠮᠢᠨᠤ ᠬᠠᠢ᠌ᠷᠠ ᠪᠠᠢ᠌ᠭᠠ ᠶᠤᠮ᠃
ᠴᠢ ᠪᠣᠯ ᠪᠣᠷᠬᠠᠨ ᠭᠦᠷᠦᠰᠤᠨ ᠡᠴᠡ ᠣᠷᠭᠤᠵᠤ ᠣᠶᠤᠨ ᠤ ᠭᠡᠷᠡᠯ ᠶᠢᠡᠷ ᠳᠡᠯᠭᠡᠷᠡᠭ᠍ᠰᠡᠨ ᠨᠢᠭᠡ ᠭᠡᠯᠳᠡᠰ ᠵᠤᠯᠭᠠᠷᠠᠰᠢ ᠦᠭᠡᠶ ᠭᠤᠶᠤ ᠴᠡᠴᠡᠭ᠌ ᠶᠦᠮ᠃
ᠮᠢᠨᠤ ᠵᠡᠭᠦᠳᠤ ᠪᠠ ᠭᠦᠰᠡᠯ ᠳᠤ ᠵᠥᠩᠳᠡᠭᠡᠨ ᠬᠠᠷᠠᠭᠳᠠᠳᠠᠭ ᠮᠥᠩᠭᠡ ᠶᠢᠨ ᠵᠤᠨ ᠤ ᠠᠮᠢᠰᠬᠤᠭᠠ ᠲᠡᠶ ᠳᠤᠷᠭᠠᠨ ᠴᠢᠮᠡᠭ᠌ ᠶᠤᠮ᠃
5
ᠭᠡᠷᠪᠡ ᠵᠤᠯ ᠵᠢᠷᠭᠠᠯ ᠢ ᠵᠢᠮᠢᠰ ᠰᠢᠭ᠌ ᠳᠡᠭᠦᠵᠤ ᠪᠣᠯᠳᠠᠭ ᠪᠣᠯ᠂ ᠳᠠᠷᠠ ᠵᠢᠮᠢᠰ ᠨᠢ ᠭᠡᠳᠦᠢ ᠦᠨᠳᠦᠷ ᠲᠤ ᠪᠠᠢ᠌ᠭᠰᠠᠨ ᠴᠤ ᠪᠣᠯᠤᠭ᠂ ᠪᠢ ᠠᠮᠢ ᠨᠠᠰᠤᠨ ᠤ ᠪᠠᠨ ᠬᠠᠮᠤᠭ ᠡᠴᠦᠰ ᠤᠨ ᠴᠢᠳᠠᠯ ᠶᠢᠡᠨ ᠰᠢᠪᠬᠠᠵᠤ ᠪᠠᠢ᠌ᠭᠠᠤᠨ ᠴᠤ ᠴᠢᠮᠠ ᠳᠠᠭᠠᠨ ᠳᠡᠭᠦᠵᠤ ᠦᠭᠭᠦᠨᠡ ᠡ᠂ ᠬᠠᠢ᠌ᠷᠠᠳᠤ ᠮᠢᠨᠢ᠃
ᠭᠡᠵᠢᠶᠡ ᠨᠢᠭᠡᠨ ᠡᠳᠦᠷ ᠴᠢᠨᠤᠭᠢ ᠪᠠᠨ ᠳᠡᠷᠭᠡᠳᠡ ᠰᠠᠭᠤᠵᠤ ᠡᠨᠡᠭᠦ ᠵᠢᠮᠢᠰ ᠢ ᠠᠮᠳᠠᠷᠬᠠᠨ ᠢᠳᠡᠭᠡ ᠭᠦᠭᠡᠷᠦᠭᠦᠨ ᠳᠦᠷᠢ ᠶᠢ ᠴᠢᠨᠢ ᠡᠩᠭᠦᠷᠡᠢ᠌ᠯᠡᠨ ᠬᠠᠷᠠᠳᠠᠭ ᠪᠣᠯ ᠡ᠂ ᠬᠠᠢ᠌ᠷᠠᠳᠤ ᠮᠢᠨᠢ᠃
2011 ᠣᠨ ᠤ 11 ᠰᠠᠷᠠ ᠶᠢᠨ 8 ᠊ᠤ ᠡᠳᠦᠷ ᠤᠨ ᠪᠦᠷᠦᠢ ᠪᠠᠷ ᠪᠢᠴᠢᠪᠠᠢ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠭᠠᠷᠢᠨ ᠤ ᠪᠠᠢ᠌ᠰᠢᠩᠳᠤ
ᠵᠤᠬᠢᠶᠠᠭᠴᠢ᠄ ᠳ᠋·ᠪᠦᠷᠢᠨᠲᠤᠭᠲᠠᠬᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2630
ᠴᠠᠭ᠄ 2011 ᠤᠨ ᠤ 11 ᠰᠠᠷᠠ ᠶᠢᠨ 08
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ