☆ ᠨᠠ᠊·ᠰᠦᠬᠡᠪᠠᠭᠠᠲᠤᠷ
ᠪᠣᠴᠠᠬᠤ ᠪᠠᠨ ᠮᠠᠷᠳᠠᠭᠰᠠᠨ ᠦᠷᠯᠦᠭᠡ
ᠣᠳᠤᠳ ᠤᠨ ᠮᠦᠷ ᠢ ᠳᠠᠷᠤᠭᠰᠠᠨ
ᠴᠤᠯᠮᠤᠨ ᠤ ᠭᠡᠭᠡ ᠳᠠᠰᠤᠷᠠᠵᠤ
ᠰᠦᠨᠢ ᠶᠢᠨ ᠴᠢᠮᠡᠭᠡ ᠬᠤᠯᠠᠳᠠᠨᠠ
ᠦᠷ ᠤᠨ ᠮᠦᠩᠭᠦᠨ ᠵᠠᠯᠠᠨ ᠳᠡᠭᠡᠷᠡ
ᠭᠦᠷᠪᠠᠵᠢᠭ᠍ᠰᠡᠨ ᠦᠣᠷᠰᠠᠵᠤ
ᠡᠳᠦᠷ ᠤᠨ ᠠᠨᠢᠷ ᠳᠦᠭᠦᠨᠡ᠃
ᠶᠠᠭᠠᠨ ᠰᠠᠷᠠᠨ ᠤ ᠳᠤᠶᠠᠭᠠ
ᠦᠷᠯᠦᠭᠡᠨ ᠤ ᠵᠢᠪᠠᠷ ᠲᠤ ᠰᠠᠢ᠌ᠷᠠᠨ
ᠴᠠᠭᠠᠨ ᠡᠭᠦᠯᠡᠨ ᠤ ᠭᠤᠭᠴᠤᠭᠠ
ᠦᠷ ᠤᠨ ᠭᠢᠷᠠᠭᠠᠨ ᠳᠤ ᠰᠠᠮᠠᠷᠠᠨ᠂
ᠱᠢᠷᠤᠨ ᠴᠡᠩᠭᠡᠷ ᠣᠨᠢᠶᠠᠷ
ᠨᠠᠭᠤᠷ ᠤᠨ ᠭᠦᠪᠠᠭᠡᠨ ᠳᠤ ᠮᠡᠯᠮᠡᠷᠡᠭᠦ ᠳᠤ
ᠰᠢᠭᠤᠭᠳᠠᠭᠰᠠᠨ ᠴᠠᠢ᠌ᠪᠣᠷ ᠭᠡᠭᠡ
ᠰᠢᠪᠠᠭᠤᠳ ᠤᠨ ᠦᠳᠦᠨ ᠳᠤ ᠮᠡᠯᠳᠡᠷᠡᠭᠦ ᠳᠤ
ᠰᠢᠷᠭᠠᠯ ᠳᠠᠯᠠ ᠶᠢᠨ ᠪᠠᠭᠤᠴᠠᠨ ᠡᠴᠡ
ᠨᠠᠮᠤᠷ ᠤᠨ ᠦᠷᠯᠦᠭᠡ ᠪᠣᠴᠠᠭᠠ ᠦᠭᠡᠶ᠃
ᠲ᠋ᠡᠭ᠍ᠷᠢ ᠶᠢᠨ ᠬᠠᠶᠠᠭᠠ
ᠡᠵᠢ ᠶᠢᠨ ᠳᠡᠷᠯᠢᠭ᠌ ᠤᠨ ᠬᠤᠷᠮᠤᠢ ᠰᠢᠭ ᠰᠦᠨ ᠳᠤ ᠳᠠᠪᠳᠤᠵᠤ
ᠨᠠᠷᠠᠨ ᠤ ᠦᠨᠦᠷ ᠨᠢ ᠰᠠᠭᠠᠯᠢ ᠶᠢᠨ ᠦᠨᠦᠷ ᠲᠡᠶ ᠢᠷᠠᠨᠡ᠂
ᠠᠷᠭᠠᠮᠵᠢᠶᠠ ᠲᠡᠶ ᠮᠤᠷᠢᠨ ᠤ ᠴᠢᠭᠢ ᠬᠠᠢ᠌ᠴᠢᠯᠠᠬᠤ ᠠᠨᠢᠷ ᠶᠢᠡᠷ
ᠠᠭᠠᠷᠤᠤᠯ ᠬᠠᠢ᠌ᠭᠰᠠᠨ ᠪᠣᠯᠵᠤᠮᠤᠷ ᠵᠢᠭᠦᠷ ᠳᠠᠪᠢᠨ ᠦᠷᠭᠦᠭᠦ ᠳᠤ
ᠠᠨᠢᠪᠴᠢᠨ ᠰᠢᠷᠭᠠᠯᠳᠤᠬᠤ ᠴᠡᠴᠡᠭᠡᠰ ᠤᠨ ᠳᠡᠯᠪᠠᠭᠡᠨ ᠳᠤ
ᠡᠯᠭᠦᠭ᠍ᠳᠡᠭ᠍ᠰᠡᠨ ᠳᠠᠭᠤᠨ ᠨᠢ
ᠠᠵᠢᠨᠠᠢ ᠶᠢᠨ ᠰᠤᠷ ᠲᠡᠶ ᠨᠤᠭᠤᠭᠠᠤᠨ ᠤᠨ ᠦᠨᠦᠷ ᠲᠤ ᠰᠤᠭᠳᠤᠭᠤ ᠱᠤᠯᠤᠭᠠᠨᠠᠨᠠ᠃
ᠨᠠᠷᠠ ᠶᠢ ᠬᠠᠢ᠌ᠵᠤ ᠨᠡᠭᠦᠭ᠍ᠰᠡᠨ ᠡᠭᠦᠯᠡ
ᠭᠢᠷᠠᠭᠤ ᠳᠠᠪᠢᠰᠴᠤ ᠪᠣᠴᠠᠨᠠ
ᠨᠠᠮᠤᠷ ᠢ ᠬᠠᠢ᠌ᠵᠤ ᠪᠠᠭᠤᠭᠰᠠᠨ ᠭᠢᠷᠠᠭᠤ
ᠪᠠᠭᠤᠴᠠ ᠭᠦᠳᠦᠯᠵᠤ ᠪᠣᠴᠠᠯᠤᠨᠠ
ᠨᠠᠮᠠ ᠶᠢ ᠬᠠᠢ᠌ᠵᠤ ᠣᠷᠤᠰᠢᠭᠰᠠᠨ ᠪᠠᠭᠤᠴᠠ
ᠨᠠᠷᠠ ᠶᠢ ᠭᠦᠯᠢᠶᠡᠵᠤ ᠦᠨᠳᠠᠯᠵᠠᠨᠡ᠃
ᠢᠳᠡᠭᠡᠰᠢᠭ᠍ᠰᠡᠨ ᠴᠠᠢ ᠶᠢᠨ ᠳᠤᠰᠤᠷᠬᠠᠭᠰᠠᠨ ᠦᠷᠤᠮᠠ ᠳᠤ ᠬᠤᠷᠭᠤᠳᠠᠵᠤ
ᠢᠪᠢᠯᠭᠡᠭ᠍ᠰᠡᠨ ᠰᠦᠨ ᠮᠠᠳᠤ ᠨᠠᠮᠤᠷ ᠤᠨ ᠦᠷᠯᠦᠭᠡ ᠪᠣᠴᠠᠬᠤ ᠪᠠᠨ ᠮᠠᠷᠳᠠᠵᠠᠢ᠃
ᠡᠴᠢᠭᠡ ᠶᠢᠨ
ᠭᠤᠷᠮᠤᠰᠤᠨ ᠬᠣᠢ᠌ᠪᠢ ᠲᠡᠶ ᠬᠤᠰᠤᠨ ᠣᠷᠭᠠᠨ ᠳᠤ
ᠭᠤᠴᠢᠨ ᠣᠨ ᠤ ᠡᠪᠦᠭᠡᠨ ᠰᠠᠯᠭᠢ ᠨᠤᠮᠤᠬᠠᠷᠠᠵᠤ ᠬᠤᠨᠤᠵᠠᠢ
ᠡᠭᠡ ᠶᠢᠨ
ᠭᠠᠤᠯᠢᠨ ᠰᠢᠷ ᠲᠡᠶ ᠬᠤᠷᠤᠳ ᠤᠨ ᠳᠠᠪᠠᠭ ᠲᠤ
ᠭᠤᠩᠬᠠᠭᠰᠠᠨ ᠰᠠᠷᠠᠨ ᠊ᠭ᠍ᠬᠢᠷ ᠦᠭᠡᠶ ᠭᠡᠭᠡ ᠭᠡᠪᠰᠢᠵᠤ ᠬᠤᠨᠤᠵᠠᠢ᠃
ᠠᠩᠭᠢᠷ ᠰᠢᠷᠭᠠᠯ ᠭᠡᠷᠡᠯ ᠶᠢᠡᠨ
ᠣᠩᠭ᠋ᠤᠨ ᠰᠠᠷᠠᠯ ᠤᠨ ᠮᠤᠠᠳᠠᠭᠠᠨ ᠳᠤ ᠵᠡᠭᠦᠯᠭᠡᠵᠤ
ᠵᠢᠩᠭᠢᠷ ᠪᠦᠯᠢᠶᠡᠨ ᠢᠯᠴᠢ ᠪᠠᠨ
ᠣᠷᠤᠭᠠ ᠠᠳᠠ ᠶᠢᠨ ᠪᠦᠭᠦᠨ ᠳᠤ ᠶᠡᠭᠦᠯᠡᠵᠤ
ᠨᠠᠮᠤᠷ ᠤᠨ ᠨᠠᠷᠠ ᠢᠷᠡᠭᠦ ᠳᠤ
ᠨᠠᠭᠠᠨᠠ ᠡᠴᠡ ᠨᠢ ᠣᠭᠳᠤᠭᠰᠠᠨ ᠣᠨᠢᠶᠠᠷ
ᠨᠠᠴᠢᠨ ᠴᠤᠴᠢᠷᠳᠠᠭᠤᠯᠤᠨ ᠨᠡᠭᠦᠵᠤ
ᠨᠠᠮᠬᠠᠨ ᠭᠦᠭᠡ ᠠᠭᠤᠯᠠᠰ
ᠦᠷᠯᠦᠭᠡ ᠪᠠᠨ ᠳᠡᠪᠠᠷᠢᠭᠡᠳ ᠰᠠᠷᠢᠨᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ 2008.10.10 ᠰᠢᠯᠢ ᠶᠢᠨ ᠬᠤᠳᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠯᠢᠶᠤᠤᠨᠢᠩ ᠶᠡᠭᠡ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠨᠠ᠊·ᠰᠦᠬᠡᠪᠠᠭᠠᠲᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2637
ᠴᠠᠭ᠄ 2010 ᠤᠨ ᠤ 05 ᠰᠠᠷᠠ ᠶᠢᠨ 11
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ