☆ ᠴᠢ᠊·ᠳᠠᠯᠠᠢ
ᠳᠡᠭ᠍ᠷᠢ ᠡᠷᠭᠦᠭ᠍ᠰᠡᠨ ᠬᠤᠷᠸᠠ
ᠬᠠᠯᠠᠭᠤᠨ ᠠᠮᠢᠯᠠᠯ ᠤᠨ ᠣᠷᠤᠰᠢᠯ ᠳᠡᠨᠢᠭᠦ
ᠬᠠᠨᠠᠭᠠᠷ ᠭᠦᠪᠴᠢ ᠶᠢᠨ ᠰᠤᠷᠭᠤᠭ ᠵᠠᠢ ᠡᠴᠡ
ᠬᠠᠤᠠᠬᠤᠬᠤ ᠭᠡ ᠶᠢ ᠨᠢ ᠪᠢ ᠬᠠᠢ᠌ᠶᠠ
ᠬᠠᠨᠢ ᠶᠢᠨ ᠵᠠᠶᠠᠭᠠᠨ ᠳᠤ ᠬᠤᠷᠸᠠ ᠪᠠᠶᠠᠰᠬᠤ
ᠬᠠᠢ᠌ᠷᠠ ᠶᠢᠨ ᠴᠠᠭᠠᠨ ᠢᠷᠦᠭᠡᠯ ᠬᠠᠢ᠌ᠷᠠᠯᠠᠭᠰᠠᠨ
ᠬᠠᠪᠳᠠᠭᠠ ᠳᠡᠭᠡᠷᠡ ᠪᠠᠨ ᠴᠢ ᠣᠷᠠᠯᠠᠭᠠᠴᠢ
ᠨᠢᠭᠡ
ᠴᠠᠭᠠᠨ ᠬᠤᠷᠳᠤᠴᠠ ᠶᠢᠨ ᠥᠵᠦᠭᠦᠷ ᠳᠠᠷᠤᠵᠤ
ᠴᠠᠭᠠᠨ ᠶᠤᠯᠤ ᠶᠢᠨ ᠳᠠᠯᠠᠪᠴᠢ ᠡᠯᠡᠭᠡᠭ᠍ᠰᠡᠨ
ᠴᠡᠩᠭᠡᠷ ᠠᠰᠬᠠ ᠶᠢᠨ ᠱᠤᠭᠤᠨ ᠰᠡᠵᠢᠭᠦᠷ
ᠴᠠᠰᠤᠨ ᠡᠭᠦᠯᠡ ᠡᠴᠡ ᠳᠤᠳᠤᠷᠠᠨ ᠭᠡᠢ᠌ᠭᠦ ᠪᠠᠷ
ᠴᠡᠯᠡᠭᠡᠷ ᠬᠠᠷᠠᠭᠠᠢ ᠲᠡᠶ ᠦᠨᠳᠦᠷ ᠬᠠᠢ᠌ᠷᠠᠬᠠᠨ ᠤ
ᠴᠡᠴᠡᠭ᠍ᠳᠤ ᠨᠤᠭᠤᠭᠠᠨ ᠳᠡᠪᠰᠡᠭ᠌ ᠥᠭ᠍ᠰᠦᠭᠡᠤᠨ
ᠠᠯᠠᠭ ᠭᠦᠪᠴᠢ ᠶᠢᠨ ᠣᠷᠴᠢᠨ ᠳᠤ ᠵᠤᠭᠢᠴᠠᠨ
ᠠᠵᠠ ᠶᠢᠨ ᠬᠤᠷᠸᠠ ᠳᠤ ᠴᠠᠭᠢᠯᠤᠨ ᠶᠠᠪᠣᠬᠤ
ᠳᠤᠷᠭᠠᠨ ᠰᠤᠷ ᠲᠡᠶ ᠬᠠᠯᠢᠭᠤᠨ ᠪᠣᠭᠤ
ᠳᠤᠯᠪᠤᠨ ᠴᠤᠬᠤᠷ ᠭᠠᠩᠭ᠋ᠠᠨ ᠪᠣᠭᠤ
ᠦᠷ ᠤᠨ ᠰᠡᠷᠢᠭᠦᠨ ᠨᠠᠮᠢᠷᠠᠭᠠ ᠪᠣᠳᠠᠷᠠᠭᠠᠵᠤ
ᠡᠮᠳᠤ ᠨᠠᠪᠴᠢᠰ ᠤᠨ ᠨᠣᠢ᠌ᠷ ᠰᠡᠷᠢᠭᠡᠭ᠍ᠰᠡᠨ
ᠡᠷᠭᠡ ᠴᠡᠭᠡᠯ ᠤᠨ ᠵᠢᠪᠠᠷ ᠶᠢᠡᠷ ᠨᠠᠭᠠᠳᠤᠨ
ᠬᠠᠨᠢ ᠶᠢᠨ ᠪᠠᠶᠠ ᠳᠤ ᠰᠠᠤᠠᠭᠢᠯ ᠥᠶᠦᠭ᠍ᠳᠡᠵᠤ
ᠬᠠᠩᠭ᠋ᠠᠯ ᠣᠢ ᠳᠠᠭᠠᠨ ᠡᠩᠭᠡᠭᠡᠨ ᠪᠠᠢ᠌ᠬᠤ ᠶᠢ ᠣᠷᠠᠯᠠᠭᠠᠴᠢ᠃
ᠬᠤᠶᠠᠷ
ᠡᠳᠦᠷ ᠤᠨ ᠴᠠᠭᠠᠨ ᠨᠡᠭᠦᠳᠡᠯ ᠰᠦᠮᠠᠢ᠌ᠵᠤ
ᠣᠳᠤᠷ ᠤᠨ ᠴᠢᠮᠡᠭᠡ ᠬᠤᠯᠠᠳᠠᠨ ᠣᠤᠠᠬᠤ
ᠠᠯᠳᠠᠨ ᠰᠢᠷᠭᠠᠯ ᠵᠡᠷᠭᠡᠯᠭᠡᠨ ᠪᠣᠰᠤᠭᠰᠠᠨ
ᠠᠭᠢ ᠶᠢᠨ ᠭᠤᠪᠢ ᠲᠡᠶ ᠵᠠᠶᠠᠭᠠ ᠪᠠᠨ ᠬᠤᠯᠪᠤᠨ
ᠭᠠᠯᠳᠤ ᠵᠡᠪᠰᠡᠭ᠌ ᠤᠨ ᠳᠠᠭᠤ ᠭᠠᠷᠬᠤ ᠦᠭᠡᠶ
ᠭᠠᠵᠠᠷ ᠤᠨ ᠳᠠᠷᠠ ᠡᠩᠭᠡ ᠶᠢ ᠬᠠᠷᠠᠮᠨᠠᠬᠤ
ᠠᠮᠠᠷᠠᠭᠰᠢᠨ ᠳᠠᠰᠬᠤ ᠠᠷᠭᠠᠮᠵᠢ ᠳᠤ ᠣᠶᠠᠭᠳᠠᠭᠰᠠᠨ
ᠠᠪᠬᠠᠯᠵᠢ ᠳᠠᠩᠭᠢᠯ ᠣᠭᠤᠨᠤ ᠰᠢᠷᠠᠭᠴᠢᠨ
ᠬᠤᠯᠠ ᠶᠢᠨ ᠠᠨᠢᠷ ᠲᠤ ᠥᠷᠭᠦᠨ ᠪᠣᠰᠴᠤ
ᠬᠤᠷᠭᠤᠢ ᠳᠡᠭ᠍ᠷᠢ ᠲᠡᠶ ᠵᠠᠬᠠ ᠬᠠᠪᠣᠭᠰᠠᠨ
ᠬᠤᠷᠠ ᠲᠡᠶ ᠨᠠᠮᠤᠭᠤᠨ ᠰᠢᠯᠢ ᠶᠢ ᠴᠢᠭᠯᠡᠨ
ᠬᠤᠷᠳᠤᠨ ᠭᠦᠶᠦᠳᠡᠯ ᠶᠢᠡᠷ ᠳᠠᠪᠭᠢᠨ ᠪᠠᠢ᠌ᠬᠤ ᠶᠢ ᠣᠷᠠᠯᠠᠭᠠᠴᠢ᠃
ᠭᠤᠷᠪᠠ
ᠵᠤᠳ ᠤᠨ ᠴᠢᠮᠡᠭᠡ ᠳᠠᠰᠤᠷᠠᠭᠰᠠᠨ
ᠵᠤᠰᠠᠭᠠᠯ ᠤᠨ ᠰᠡᠷᠢᠭᠦᠨ ᠳᠠᠠᠵᠢᠨ ᠳᠤ
ᠣᠰᠤᠨ ᠵᠣᠢ᠌ᠳᠠᠯ ᠰᠠᠷᠠ ᠡᠷᠭᠦᠭ᠍ᠰᠡᠨ
ᠠᠭᠤᠵᠢᠮᠬᠠᠨ ᠮᠠᠠᠳᠠᠯ ᠳᠠᠳᠠᠬᠤ
ᠮᠢᠠᠳᠠᠰᠤ ᠰᠠᠵᠢᠭᠰᠠᠨ ᠰᠤᠯᠤᠩᠭ᠋ᠠᠨ ᠭᠤᠭᠴᠤᠭᠠ
ᠮᠢᠩᠭ᠋ᠠᠨ ᠠᠶᠠ ᠶᠢᠨ ᠱᠤᠤᠭᠢᠶᠠ ᠡᠯᠭᠦᠴᠢᠭᠦ ᠪᠠᠷ
ᠵᠤᠯᠠᠨ ᠳᠡᠭ᠍ᠷᠢ ᠶᠢᠨ ᠣᠷᠤᠢ ᠢᠯᠪᠢᠭᠦ
ᠵᠤᠯᠠᠢ ᠦᠨᠳᠦᠷ ᠲᠤ ᠬᠠᠯᠢᠬᠤ ᠦᠭᠡᠶ ᠭᠡᠯᠡ ᠴᠤ
ᠵᠤᠨ ᠭᠦᠮᠤᠨ ᠤ ᠭᠦᠰᠡᠯ ᠳᠡᠷᠪᠠᠭᠦ
ᠵᠠᠭᠤᠨ ᠥᠩᠭᠡ ᠶᠢᠨ ᠴᠡᠴᠡᠭᠡᠰ ᠭᠦᠪᠢᠵᠤ
ᠵᠢᠯ ᠤᠨ ᠵᠢᠰᠤ ᠠᠭᠤᠰᠬᠠᠬᠤ
ᠵᠢᠵᠢᠭ᠍ᠬᠡᠨ ᠬᠤᠤᠰ ᠡᠷᠪᠠᠭᠡᠢ
ᠭᠤᠸᠠ ᠵᠦᠢ ᠳᠡᠩᠭᠡᠭᠡ ᠠᠯᠳᠠᠮᠠ
ᠭᠤᠴᠤᠬᠠᠨ ᠪᠠᠢ᠌ᠭᠠᠯᠢ ᠢᠯᠳᠠᠮ ᠬᠠᠷᠠᠭᠰᠠᠨ
ᠢᠯᠠᠭᠠ ᠶᠢᠨ ᠵᠢᠭᠦᠷ ᠱᠥᠷᠭᠦᠮ ᠦᠭᠡᠶ
ᠢᠷᠭᠤᠢ ᠶᠢᠨ ᠳᠠᠯᠪᠢᠨ ᠳᠤ ᠬᠠᠮᠳᠤᠬᠠᠨ ᠪᠠᠢ᠌ᠬᠤ ᠶᠢ ᠣᠷᠠᠯᠠᠭᠠᠴᠢ᠃
ᠳᠦᠷᠪᠠ
ᠳᠤᠯᠠᠭᠠᠨ ᠬᠤᠷᠭᠤᠳᠠᠬᠤ ᠠᠭᠤᠯᠠᠨ ᠨᠠᠭᠤᠷ ᠲᠤ
ᠳᠤᠨᠢᠶᠠᠷᠬᠠᠨ ᠨᠠᠮᠤᠷ ᠤᠨ ᠰᠡᠷᠢᠭᠦᠨ ᠣᠨᠠᠵᠤ
ᠳᠠᠭᠤᠯᠠᠨ ᠵᠤᠰᠠᠭᠰᠠᠨ ᠬᠠᠷᠢ ᠶᠢᠨ ᠰᠢᠪᠠᠭᠤᠳ
ᠳᠤᠷᠠᠰᠤᠯ ᠣᠷᠭᠢᠨ ᠪᠣᠳᠠᠷᠠᠨᠠ ᠭᠡᠭᠦ ᠪᠠᠷ
ᠨᠠᠭᠤᠷ ᠶᠢᠡᠨ ᠭᠡᠭᠦ ᠰᠠᠤᠠᠭᠢᠯ ᠤᠨ ᠳᠡᠭᠡᠳᠤ
ᠨᠤᠳᠤᠭ ᠤᠨ ᠭᠢᠯᠢ ᠳᠤ ᠳᠠᠯᠠᠪᠴᠢ ᠳᠡᠪᠢᠭᠦ ᠦᠭᠡᠶ
ᠨᠡᠭᠦᠳᠡᠯ ᠤᠨ ᠵᠠᠢ ᠲᠡᠶ ᠳᠠᠯᠠ ᠰᠠᠨᠠᠭᠰᠠᠨ
ᠢᠵᠢᠯᠢᠭᠡᠨ ᠬᠤᠶᠠᠷ ᠬᠤᠨ
ᠢᠠᠵᠠᠭᠠ ᠬᠤᠷᠠ ᠲᠡᠶ ᠡᠷᠭᠢᠴᠡᠭᠦ
ᠢᠷᠠᠭᠤ ᠭᠦᠭᠡ ᠳᠤᠭᠤᠷᠢᠮ ᠶᠢᠡᠨ ᠰᠠᠭᠢᠭᠰᠠᠭᠠᠷ
ᠢᠷᠠᠵᠤ ᠶᠠᠪᠣᠭᠠ ᠡᠪᠦᠯ ᠢ ᠣᠭᠳᠤᠨ
ᠢᠳᠡᠭᠡᠯ ᠤᠨ ᠢᠯᠴᠢᠨ ᠳᠤ ᠪᠠᠶᠠᠰᠤᠨ ᠪᠠᠢ᠌ᠬᠤ ᠶᠢ ᠣᠷᠠᠯᠠᠭᠠᠴᠢ᠃
ᠲ᠋ᠠᠪᠣ
ᠠᠯᠤᠰ ᠳᠡᠷᠳᠡᠭᠡ ᠣᠨᠢᠶᠠᠷ ᠨᠠᠢ᠌ᠮᠠᠯᠵᠠᠵᠤ
ᠠᠢ᠌ᠯ ᠤᠨ ᠪᠠᠷᠠᠭᠠ ᠣᠢ᠌ᠷᠠᠬᠠᠨ ᠬᠠᠷᠠᠭᠳᠠᠭᠠᠤᠨ
ᠠᠩᠭ᠋ᠠᠭᠠ ᠳᠠᠢ᠌ᠯᠬᠤ ᠴᠡᠭᠡ ᠶᠢᠨ ᠦᠨᠦᠷ
ᠠᠶᠠᠰ ᠤᠨ ᠰᠠᠯᠭᠢᠨ ᠳᠤ ᠡᠶᠡᠷᠭᠡᠨ ᠰᠠᠩᠭᠢᠨᠠᠵᠤ
ᠠᠶᠠᠨ ᠤ ᠴᠢᠯᠡᠭᠡ ᠳᠦᠳᠡᠭᠡᠨ ᠭᠠᠷᠭᠠᠬᠤ
ᠠᠪᠣ ᠳᠡᠭᠡᠳᠤ ᠶᠢᠨ ᠪᠣᠭᠤᠷᠤᠯ ᠳᠤᠮᠤᠭ ᠲᠡᠶ
ᠠᠷᠢᠭᠤᠨ ᠪᠣᠮᠪᠠ ᠶᠢᠨ ᠣᠷᠤᠨ ᠰᠠᠨᠠᠭᠤᠯᠬᠤ
ᠠᠭᠢ ᠮᠢᠡᠴᠢ᠌ᠭ᠍ᠰᠡᠨ ᠱᠠᠯᠠ ᠶᠢ ᠳᠠᠭᠠᠵᠤ
ᠠᠮᠢᠳᠠᠨ ᠭᠦᠮᠤᠨ ᠤ ᠢᠰᠭᠡᠷᠦᠭᠡᠨ ᠳᠤ ᠳᠠᠰᠤᠭᠰᠠᠨ
ᠠᠷᠭᠠᠯᠢ ᠬᠤᠯᠠᠨ ᠤ ᠬᠤᠩᠭ᠋ᠤᠷᠬᠠᠨ ᠰᠥᠷᠦᠭ᠌
ᠠᠳᠤᠭᠤ ᠲᠡᠶ ᠨᠠᠢ᠌ᠯᠠᠨ ᠳᠤᠭᠯᠠᠬᠤ ᠰᠠᠨ ᠭᠡᠵᠤ
ᠠᠮᠤᠭᠤᠯᠠᠩ ᠦᠷ ᠤᠨ ᠭᠢᠷᠠᠭᠠ ᠭᠦᠳᠦᠯᠵᠤ
ᠠᠳᠠᠷ ᠤᠨ ᠪᠣᠯᠠᠭ ᠵᠥᠭᠯᠡᠨ ᠪᠠᠢ᠌ᠬᠤ ᠶᠢ ᠣᠷᠠᠯᠠᠭᠠᠴᠢ᠃
ᠵᠢᠷᠭᠤᠭᠠ
ᠣᠩᠭ᠋ᠤᠨ ᠰᠠᠷᠠ ᠳᠠᠢ᠌ᠪᠣᠭᠤᠬᠠᠨ ᠬᠤᠨᠤᠭᠯᠠᠬᠤ
ᠣᠳᠤᠳ ᠤᠨ ᠱᠤᠤᠭᠢᠶᠠᠯ ᠢᠰᠭᠡᠷᠤᠨ ᠪᠠᠭᠤᠬᠤ
ᠣᠭᠳᠠᠷᠭᠤᠢ ᠳᠤᠯᠤᠭᠰᠠᠨ ᠭᠦᠭᠡ ᠬᠠᠢ᠌ᠷᠠᠬᠠᠨ
ᠬᠤᠷᠠ ᠶᠢᠨ ᠴᠠᠭᠠᠨ ᠡᠭᠦᠯᠡᠰ ᠣᠷᠭᠤᠭᠠᠤᠨ
ᠰᠠᠷᠯᠤᠭ ᠤᠨ ᠰᠥᠷᠦᠭ᠌ ᠰᠠᠷᠪᠠᠯᠵᠠᠨ ᠪᠣᠰᠴᠤ
ᠭᠢᠷᠠ ᠪᠠᠨ ᠲᠠᠭᠠᠨ ᠠᠯᠠᠭᠯᠠᠴᠢᠬᠠᠬᠤ ᠪᠠᠷ
ᠢᠷᠡᠭᠦ ᠪᠣᠷᠤᠭᠠᠨ ᠤ ᠵᠥᠭᠡᠯᠡᠨ ᠴᠢᠮᠡᠭᠡ ᠶᠢ
ᠦᠨᠳᠦᠷ ᠤᠨ ᠭᠦᠳᠦᠯ ᠤᠨ ᠬᠤᠷᠮᠤᠢ ᠣᠷᠤᠭᠤ ᠳᠠᠭᠤᠨ
ᠥᠷᠦᠭᠡᠯ ᠤᠨ ᠦᠯᠮᠡᠢ ᠳᠤ ᠡ᠊ᠨᠳᠡᠭᠦᠯᠭᠦ ᠦᠭᠡᠶ ᠭᠡᠵᠤ
ᠥᠡᠳᠡᠭᠡ ᠪᠠᠨ ᠬᠠᠢ᠌ᠷᠠᠯᠠᠭᠰᠠᠨ ᠭᠦᠭᠡᠷᠦᠭᠦᠨ ᠣᠯᠢᠷ
ᠣᠢ᠌ᠤᠠᠬᠠᠷ ᠣᠨᠠᠬᠤ ᠦᠭᠡᠶ ᠴᠡᠭᠡᠯᠭᠡᠨ ᠳᠠᠭᠤ ᠪᠠᠷ
ᠠᠭᠤᠯᠠᠰ ᠳᠤᠮᠳᠠ ᠪᠠᠨ ᠣᠶᠠᠩᠭ᠋ᠠᠷᠠᠨ ᠪᠠᠢ᠌ᠬᠤ ᠶᠢ ᠣᠷᠠᠯᠠᠭᠠᠴᠢ᠃
ᠲ᠋ᠤᠯᠤᠭᠠ
ᠴᠡᠯᠡᠭᠡᠷ ᠴᠠᠢ᠌ᠳᠠᠮ ᠤᠨ ᠭᠦᠮᠤᠨ ᠠᠪᠠᠷᠢᠪᠠᠯ
ᠴᠡᠭᠡᠵᠢ ᠪᠠᠴᠢᠮᠳᠠᠨ ᠰᠦᠷ ᠲᠤ ᠳᠠᠷᠤᠭᠳᠠᠵᠤ
ᠴᠡᠴᠡᠭ᠍ᠳᠤ ᠵᠤᠨ ᠤ ᠭᠠᠯ ᠨᠠᠷᠠ ᠴᠤ
ᠴᠡᠩᠭᠡᠯ ᠤᠨ ᠨᠢᠭᠡ ᠰᠡᠷᠢᠭᠦᠤ ᠠᠪᠬᠤ
ᠮᠥᠩᠭᠡ ᠴᠠᠰᠤ ᠠᠢ᠌ᠴᠠ ᠡᠵᠡᠯᠡᠭ᠍ᠰᠡᠨ
ᠮᠥᠯᠢᠭᠡᠷ ᠬᠠᠳᠠ ᠲᠡᠶ ᠠᠭᠤᠯᠠᠰ ᠣᠢ᠌ᠷᠠᠳᠤᠵᠤ
ᠪᠣᠷᠤᠭᠠᠨ ᠤ ᠮᠠᠨᠠᠨ ᠭᠦᠷᠴᠤ ᠴᠢᠳᠠᠬᠤ ᠦᠭᠡᠶ
ᠪᠣᠭᠤᠷᠤᠯ ᠣᠷᠭᠢᠯ ᠱᠤᠮᠳᠠᠢ ᠬᠠᠷᠠᠭᠳᠠᠬᠤ ᠪᠠᠷ
ᠠᠷᠴᠠ ᠶᠢᠨ ᠥᠩᠭᠡ ᠴᠤ ᠣᠶᠠᠷᠠᠯ ᠳᠤᠰᠴᠤ
ᠠᠯᠢᠶᠠ ᠨᠤᠭᠤᠭᠠᠨ ᠮᠦᠴᠢᠷ ᠶᠢᠡᠨ ᠬᠤᠮᠢᠬᠤ
ᠠᠶᠤᠯ ᠳᠤ ᠭᠡᠨᠡᠭ᠍ᠳᠡᠭ᠍ᠰᠡᠨ ᠬᠠᠨᠢ ᠪᠠᠨ ᠰᠠᠭᠢᠨ
ᠠᠯᠤᠰ ᠤᠨ ᠴᠡᠭᠡᠯ ᠳᠤ ᠬᠤᠯᠠᠳᠤᠨ ᠣᠤᠠᠬᠤ ᠦᠭᠡᠶ
ᠬᠠᠢ᠌ᠷᠠ ᠪᠠᠨ ᠴᠢᠠᠳᠠᠮᠤᠨᠢᠯᠠᠭᠰᠠᠨ ᠭᠦᠷᠡᠩ ᠪᠦᠷᠭᠦᠤᠨ
ᠬᠠᠳᠠᠨ ᠤ ᠣᠢ ᠳᠤ ᠴᠢᠯᠠᠭᠤᠵᠢᠨ ᠪᠠᠢ᠌ᠬᠤ ᠶᠢ ᠣᠷᠠᠯᠠᠭᠠᠴᠢ᠃
ᠵᠤᠬᠢᠶᠠᠭᠴᠢ᠄ ᠴᠢ᠊·ᠳᠠᠯᠠᠢ
ᠢᠷᠡᠯᠲᠡ᠄ ᠨᠡᠷᠡᠡᠴᠡᠴᠡᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3150
ᠴᠠᠭ᠄ 2006 ᠤᠨ ᠤ 07 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ