☆ ᠪᠣᠷᠵᠢᠭᠢᠨ·ᠮᠥᠩᠭᠡᠤ᠋ᠳᠽᠡᠷ
ᠪᠠᠶᠠᠨ ᠰᠠᠷᠠᠭᠤᠯ ᠤᠨ ᠠᠳᠤᠭᠤ
ᠴᠡᠯᠮᠡᠭ᠌ ᠣᠭᠳᠠᠷᠭᠤᠢ ᠳᠤ ᠪᠣᠷᠤᠭᠠᠨ ᠤ ᠡᠭᠦᠯᠡᠰ ᠨᠡᠭᠦᠳᠡᠯᠯᠡᠭᠦ ᠰᠢᠭ᠌
ᠴᠡᠴᠡᠭ᠍ᠳᠤ ᠳᠠᠯᠠ ᠳᠤ ᠮᠢᠷᠠᠯᠵᠠᠬᠤ ᠵᠡᠷᠭᠡᠯᠭᠡᠨ ᠥᠶᠡᠷᠯᠡᠭᠦ ᠰᠢᠭ᠌᠂
ᠪᠠᠷᠠᠭᠤᠨ ᠡᠮᠦᠨᠡ ᠡᠴᠠ ᠪᠣᠳᠠᠩ ᠮᠠᠨᠠᠨ ᠳᠡᠭ᠍ᠳᠡᠭ᠍ᠰᠡᠭᠡᠷ ᠯᠠ
ᠪᠠᠶᠠᠨ ᠰᠠᠷᠠᠭᠤᠯ ᠤᠨ ᠠᠳᠤᠭᠤᠳ ᠢᠷᠠᠯᠠ ᠭᠡᠵᠤ ᠭᠦᠭ᠍ᠰᠡᠯᠵᠡᠭᠡᠳᠡᠭ᠌᠂
ᠬᠤᠷ ᠳᠠᠯ ᠲᠡᠶ ᠪᠦᠮ ᠤᠨ ᠳᠠᠮᠠᠭᠠᠳᠤ ᠠᠳᠤᠭᠤ ᠪᠠᠨ
ᠬᠤᠩᠬᠤᠷ ᠤᠨ ᠴᠥᠩᠭᠦᠯ ᠳᠤ ᠠᠳᠤᠭᠤᠴᠢᠨ ᠬᠠᠰᠢᠵᠤ ᠳᠤᠭᠳᠠᠭᠠᠭᠠᠤᠨ᠂
ᠬᠤᠳᠣᠢ᠌ᠭᠰᠠᠨ ᠣᠷᠤᠮ ᠭᠦᠪᠠᠭᠡ ᠡᠴᠡ ᠨᠢ ᠮᠡᠳᠡᠭ᠍ᠳᠡᠭᠡ ᠦᠭᠡᠶ ᠪᠣᠯ
ᠬᠤᠨᠤᠭ ᠤᠨ ᠠᠳᠤᠭᠤᠳ ᠭᠡᠪ ᠶᠢᠡᠷ ᠶᠢᠡᠨ ᠪᠠᠢ᠌ᠨᠠ ᠭᠡᠵᠤ ᠵᠢᠰᠦᠯᠴᠡᠭᠡᠭᠡᠳ
ᠬᠤᠰᠤᠨ ᠣᠷᠭᠠ ᠪᠠᠨ ᠡᠮᠦᠨᠡᠰᠢ ᠪᠠᠨ ᠵᠢᠭᠠᠵᠤ ᠬᠤᠷᠣᠢ᠌ᠯᠠᠬᠤ ᠳᠤ
ᠬᠤᠷᠠᠭᠠᠨ ᠡᠭᠦᠯᠡᠰ ᠣᠷᠠᠭᠠᠨ ᠬᠣᠢ᠌ᠪᠢ ᠳ᠋ᠤᠨᠢ ᠭᠤᠭᠴᠤᠭᠠᠷᠠᠵᠤ᠂
ᠳᠠᠭᠠ ᠰᠠᠷᠪᠠᠭᠠ ᠰᠡᠭᠦᠳᠡᠷ ᠡᠴᠡ ᠪᠠᠨ ᠥᠷᠭᠦᠨ ᠪᠣᠯᠭᠢᠵᠤ
ᠳᠠᠯᠠ ᠶᠢ ᠵᠦᠰᠤᠨ ᠠᠳᠤᠭᠤᠨ ᠰᠥᠷᠦᠭ ᠢᠷᠠᠯᠵᠠᠳᠠᠭ᠂
ᠮᠤᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠭᠡᠯᠳᠡᠭᠡᠢ ᠰᠠᠭᠤᠭᠰᠠᠨ ᠠᠳᠤᠭᠤᠴᠢᠨ
ᠮᠠᠭᠰᠢᠬᠤ ᠪᠦᠷᠭᠦᠤᠨ ᠰᠢᠭ ᠡᠮᠡᠭᠡᠯ ᠳᠡᠭᠡᠷᠡ ᠪᠠᠨ ᠥᠡᠳᠡᠢ᠌ᠭᠦ ᠳᠤ᠂
ᠮᠠᠯᠠᠭᠠᠢ ᠶᠢᠨ ᠵᠠᠯᠠᠭᠠ ᠨᠢ ᠰᠠᠯᠭᠢᠨ ᠤ ᠠᠶᠠᠰ ᠶᠢᠡᠷ ᠭᠡᠢ᠌ᠰᠴᠤ
ᠮᠠᠠᠳᠤᠬᠤ ᠨᠠᠷᠠᠨ ᠤ ᠣᠭᠤᠰᠤᠷ ᠭᠡᠮᠡᠷ ᠬᠠᠷᠠᠭᠳᠠᠨᠠ᠂
ᠬᠤᠢ᠂ ᠬᠠᠢ᠂ ᠠᠳᠤᠭᠤ ᠪᠠᠨ ᠵᠠᠯᠠᠬᠤ ᠳᠠᠭᠤᠤ ᠨᠢ
ᠬᠤᠯᠠ ᠶᠢᠨ ᠬᠤᠯᠠ ᠠᠭᠤᠯᠠ ᠳᠠᠮᠵᠢᠨ ᠴᠤᠤᠷᠢᠶᠠᠯᠠᠵᠤ᠂
ᠬᠤᠳᠠᠴᠢ ᠨᠤᠬᠠᠢ ᠨᠢ ᠡᠵᠡᠨ ᠶᠢᠡᠨ ᠳᠤᠰᠬᠤ ᠪᠠᠷ ᠭᠠᠩᠭᠢᠠᠨᠠᠵᠤ
ᠬᠤᠩᠭ᠋ᠤᠷ ᠪᠦᠰᠡᠭᠦᠢ ᠨᠢ ᠭᠠᠯ ᠶᠢᠡᠨ ᠭᠦᠭ᠍ᠵᠡᠭᠡᠵᠤ ᠶᠠᠭᠠᠷᠠᠳᠠᠭ᠂
ᠦᠨᠦ ᠪᠢ ᠪᠠᠶᠠᠠᠰᠠᠷᠠᠭᠤᠯ ᠳᠤ ᠭᠦᠷᠴᠤ
ᠥᠷᠭᠡᠨ ᠳᠠᠯᠠ ᠵᠥᠭ᠌ ᠠᠳᠤᠭᠤᠨ ᠰᠥᠷᠦᠭ᠌ ᠶᠢᠡᠨ ᠪᠠᠷᠠᠭᠠᠯᠠᠪᠠᠯ᠂
ᠮᠤᠳᠤᠷ ᠨᠢᠰᠭᠡᠭ᠍ᠰᠡᠨ ᠭᠡᠳᠤᠨ ᠰᠤᠭᠳᠤᠭᠤ ᠭᠦᠮᠦᠰ
《ᠮᠤᠩᠭ᠋ᠤᠯ ᠭᠦᠮᠤᠨ》 ᠢ ᠫᠢᠷᠭᠢᠯ ᠬᠤᠭᠤᠯᠠᠢ ᠪᠠᠷ ᠠᠶᠠᠯᠠᠭᠤᠯᠤᠨᠠ᠂
ᠳᠦᠷᠦᠭᠡ ᠱᠥᠷᠭᠦᠭᠡᠳᠡᠭ᠌ ᠳᠠᠷᠠᠰᠤᠨ ᠤ ᠪᠠᠷᠠ ᠴᠤ ᠳᠠᠰᠤᠷᠠᠭᠠᠤᠨ
ᠳᠠᠯ ᠰᠠᠢ᠌ᠳᠤ ᠠᠳᠤᠭᠤᠨ ᠤ ᠴᠢᠮᠡᠭᠡ ᠴᠤ ᠬᠤᠯᠠᠳᠠᠭᠠᠤᠨ᠂
ᠳᠡᠯᠡᠭᠡᠢ ᠳ᠋ᠠᠭᠢᠨ ᠳᠠᠷᠢᠶᠠᠯᠠᠩ ᠪᠣᠯᠵᠠᠢ ᠭᠡᠰᠡᠨ ᠰᠢᠭ
ᠳᠡᠭ᠍ᠳᠡᠭᠦ ᠳᠤᠭᠤᠰᠤ ᠯᠠ ᠬᠠᠭᠠᠯᠤᠭᠰᠠᠨ ᠭᠦᠷᠦᠰᠤᠨ ᠡᠴᠡ ᠪᠣᠷᠭᠢᠨᠠ᠂᠂
ᠪᠠᠭᠠᠷᠢᠨ ᠨᠤᠳᠤᠭ ᠤᠨ ᠰᠦᠯᠳᠡ ᠬᠤᠷᠤᠢ ︕
ᠪᠠᠶᠠᠨ ᠰᠠᠷᠠᠭᠤᠯ ᠤᠨ ᠠᠳᠤᠭᠤ ᠬᠤᠷᠤᠢ ︕
ᠠᠳᠠᠷ ᠳᠠᠯᠠ ᠶᠢᠨ ᠭᠡᠰᠢᠭ᠌ ᠬᠤᠷᠤᠢ ︕
ᠠᠳᠤᠭᠤᠴᠢᠨ ᠡᠷᠡ ᠶᠢᠨ ᠣᠮᠤᠭ ᠬᠤᠷᠤᠢ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠭᠡᠵᠢᠩ ᠬᠤᠳᠠ ᠶᠢᠨ ᠨᠠᠢ᠌ᠷᠠᠯᠳᠤ ᠨᠠᠢ᠌ᠷᠠᠮᠳᠠᠬᠤ ᠰᠦᠮᠡ 12 ᠨᠤᠮᠸᠷ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ·ᠮᠥᠩᠭᠡᠤ᠋ᠳᠽᠡᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2622
ᠴᠠᠭ᠄ 2009 ᠤᠨ ᠤ 12 ᠰᠠᠷᠠ ᠶᠢᠨ 05
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ