☆ ᠲ·ᠡᠷᠳᠡᠨᠢᠴᠢᠮᠡᠭ
ᠬᠠᠢ᠌ᠷᠠ ᠶᠢᠨ ᠬᠢᠯᠢ ᠳᠡᠭᠡᠷᠡ
( ᠭᠦᠳᠦᠯᠦᠭᠡ ᠨᠢᠭᠡ)
ᠠᠮᠢᠳᠤᠷᠠᠯ ᠭᠡᠭ᠍ᠴᠢ ᠭᠦᠯ ᠦᠭᠡᠶ ᠣᠰᠤᠨ ᠤ ᠬᠤᠶᠠᠷ ᠡᠷᠭᠢ ᠡᠴᠡ
ᠠᠮᠢ ᠨᠠᠰᠤᠨ ᠤ ᠮᠦᠷᠤᠢ ᠪᠢᠳᠠᠨ ᠬᠤᠶᠠᠷ ᠢ ᠰᠢᠯᠭᠠᠨᠠ
ᠭᠦᠯ ᠠᠯᠳᠠᠬᠤ ᠳᠤ ᠪᠠᠯᠠᠨ ᠴᠢᠨᠤ ᠭᠡᠨᠡᠨ ᠳᠤᠭᠳᠤᠯᠤᠯ ᠡᠴᠡ
ᠭᠦᠰᠡᠯ ᠴᠢᠨᠦᠭ᠍ᠰᠡᠨ ᠣᠷᠤᠭᠤᠯ ᠶᠢᠡᠨ ᠪᠣᠷᠤᠭᠤᠯᠠᠵᠤ
ᠬᠠᠷᠠᠴᠠ ᠪᠠᠷ ᠶᠢᠡᠨ ᠪᠢ ᠴᠢᠮᠢ᠋ᠢ ᠠᠷᠭᠠᠳᠠᠨᠠ
ᠬᠠᠷᠠᠬᠠᠨ ᠭᠡᠵᠢᠭᠡ ᠮᠢᠨᠢ ᠵᠠᠳᠠᠭᠠᠢ ᠰᠠᠯᠭᠢ ᠰᠢᠭ ᠠᠰᠬᠠᠷᠠᠵᠤ
ᠬᠤᠷᠢᠭᠠ ᠦᠭᠡᠶ ᠬᠠᠢ᠌ᠷᠠ ᠦᠶᠠᠷ ᠪᠣᠯᠵᠤ ᠴᠢᠤᠠᠬᠤᠯᠠᠭᠰᠠᠨ ᠴᠤ
ᠬᠠᠩᠬᠠᠯ ᠨᠠᠰᠤ ᠪᠠᠨ ᠴᠢᠨᠤ ᠡᠮᠦᠨᠡ ᠡᠴᠡ ᠠᠷᠭᠠᠮᠵᠢᠭᠠᠤᠨ
ᠬᠠᠨᠤᠮᠠ ᠦᠭᠡᠶ ᠮᠥᠷᠦᠭᠡᠳᠦᠯ ᠳᠡᠭᠡᠨ ᠪᠦᠳᠦᠴᠢᠭᠰᠡᠭᠡᠷ ᠶᠠᠪᠣᠵᠤ ᠣᠳᠤᠨᠠ
ᠴᠠᠭᠠᠳᠤ ᠡᠷᠭᠢᠨ ᠳᠤ ᠴᠢ ᠴᠢᠯᠠᠭᠤᠨ ᠱᠤᠭᠤᠮᠠᠯ ᠠᠳᠠᠯᠢ
ᠴᠢᠰᠤ ᠵᠢᠷᠦᠭᠡ ᠴᠢᠨᠢ ᠳᠠᠪᠴᠢᠶᠠᠷᠢ ᠠᠯᠳᠠᠨ ᠮᠢᠨᠤ ᠵᠦᠭ᠌ ᠵᠢᠭᠤᠳᠠᠨᠠ
ᠭᠡᠳᠦᠯᠴᠢᠭᠡᠵᠤ ᠪᠣᠯᠳᠠᠭ ᠦᠭᠡᠶ ᠴᠡᠭᠡᠯ ᠭᠦᠯ ᠳᠤᠤᠷᠠ ᠴᠢᠨᠢ ᠮᠠᠯᠮᠠᠷᠠᠨᠠ
ᠬᠠᠰᠢᠴᠢᠬᠠᠵᠤ ᠴᠢᠳᠠᠳᠠᠭ ᠦᠭᠡᠶ ᠰᠠᠤᠠᠭᠢᠯ ᠮᠠᠨᠠᠨ ᠳᠤᠮᠳᠠ ᠡᠴᠡ ᠳᠠᠮᠠᠤᠯᠤᠨᠠ
᠁ ᠁
ᠦᠨᠢ ᠡᠷᠳᠡᠨ ᠪᠠ ᠢᠷᠡᠭᠦ ᠴᠠᠭ ᠢ ᠬᠤᠯᠪᠣᠭᠰᠠᠨ
ᠥᠯᠢᠭᠡᠷ ᠤᠨ ᠶᠤᠮ ᠰᠢᠭ᠌ ᠭᠦᠰᠡᠯᠳᠤ ᠣᠷᠴᠢᠯᠠᠩ ᠳ᠋ᠤ
ᠦᠰᠤᠨ ᠳᠤ ᠴᠢᠨᠢ ᠣᠨᠠᠭᠰᠠᠨ ᠭᠢᠷᠠᠭᠤ ᠪᠣᠴᠠᠬᠤ ᠦᠭᠡᠶ ᠴᠤ
ᠥᠭᠦᠯ ᠳᠠᠪᠠᠵᠤ ᠬᠠᠢ᠌ᠷᠠ ᠮᠥᠩᠭᠡᠷᠡᠨᠡ
ᠳᠤᠨᠢᠷᠬᠠᠯ
ᠠᠪᠢᠶᠠᠰ ᠲᠠᠭᠠᠨ ᠡᠷᠳᠦᠵᠤ ᠴᠢ ᠣᠮᠤᠭᠯᠠᠩ ᠠᠯᠬᠤᠳᠠᠭ
ᠠᠷᠤ ᠡᠴᠡ ᠴᠢᠨᠢ ᠪᠠᠷᠠᠯᠠᠵᠤ ᠦᠭᠢᠤᠨ ᠠᠷᠭᠠ ᠪᠠᠨ ᠪᠠᠷᠠᠨ ᠳᠤᠷᠠᠯᠠᠳᠠᠭ
ᠠᠷᠭᠠ ᠦᠭᠡᠶ ᠳᠠᠳᠠᠨ ᠤ ᠨᠢᠭᠡ ᠨᠢ ᠪᠢ ᠪᠠᠢ᠌ᠳᠠᠭ ᠶᠤᠮ
ᠠᠷᠠᠢ ᠯᠠ ᠣᠠᠳᠤᠤ ᠨᠢ ᠴᠢᠮᠠ ᠡᠴᠡ ᠳᠠᠩᠴᠤ ᠭᠦᠡᠳᠡᠢ᠌ᠭᠡᠨ
ᠰᠡᠭᠡᠭᠦᠨ ᠢᠨᠢᠶᠡᠳᠤ ᠶᠢ ᠮᠢᠨᠢ ᠴᠢ ᠬᠠᠷᠠᠳᠠᠭ
ᠰᠡᠷᠭᠦᠯᠡᠩ ᠭᠤᠨᠢᠭ ᠢ ᠮᠢᠨᠢ ᠭᠡᠵᠢᠶᠡ ᠴᠤ ᠬᠠᠷᠠᠬᠤ ᠥᠭᠡᠢ
ᠴᠢᠨᠤ ᠡᠮᠦᠨᠡ ᠪᠢ ᠪᠠᠷᠳᠠᠮ ᠪᠠᠢ᠌ᠬᠤ ᠳᠤᠷᠠᠳᠠᠢ
ᠴᠡᠭᠡᠵᠢᠨ ᠤ ᠥᠭᠡ ᠪᠠᠨ ᠨᠢᠭᠤᠵᠤ ᠶᠠᠪᠣᠬᠤ ᠡᠷᠭᠡ ᠳᠠᠢ
ᠣᠷᠢ ᠵᠠᠯᠠᠭᠤ ᠶᠢᠨ ᠵᠠᠳᠠᠭᠠᠢ ᠭᠡᠵᠢᠭᠡ
ᠣᠮᠤᠭᠯᠠᠩ ᠠᠷᠠᠠᠰᠢᠨ ᠶᠢᠡᠨ ᠭᠠᠢ᠌ᠬᠠᠭᠤᠯᠵᠤ
ᠦᠶᠠ ᠶᠢᠨ ᠵᠠᠯᠠᠭᠤᠰ ᠲᠡᠶ ᠨᠠᠷᠭᠢᠵᠤ ᠶᠠᠪᠣᠬᠤ ᠳ᠋ᠠᠭᠠᠨ
ᠡᠭᠦᠯᠡᠰᠢᠭ᠍ᠰᠡᠨ ᠴᠢᠷᠠᠢ ᠡᠴᠡ ᠴᠢᠨᠢ ᠬᠠᠷᠠᠳᠠᠯ ᠣᠩᠰᠢᠵᠤ ᠳᠠᠢ᠌ᠤᠠᠬᠤᠷᠠᠳᠠᠭ
ᠨᠢᠭᠤᠭᠳᠠᠵᠤ ᠳᠤᠭᠯᠠᠬᠤ ᠳᠠᠭᠠᠨ ᠦᠶᠠ ᠦᠶᠠ ᠣᠢ᠌ᠮᠤᠷᠠᠳᠠᠭ ᠴᠤ
ᠨᠡᠭᠡᠵᠤ ᠢᠷᠡᠭᠦ ᠬᠠᠷᠠᠴᠠᠨ ᠳᠤ ᠴᠢᠨᠢ ᠣᠯᠵᠠᠯᠠᠭᠳᠠᠬᠤ ᠠᠭᠱᠠᠨ
ᠨᠢᠭᠤᠴᠠᠬᠠᠨ ᠳᠤᠷᠠᠯᠠᠯ ᠳᠠᠭᠠᠨ ᠭᠦᠯ ᠠᠯᠳᠠᠨ ᠪᠦᠱᠦᠭᠦᠷᠭᠡᠳᠡᠭ᠌
ᠨᠢᠳᠤ ᠶᠢ ᠴᠢᠨᠢ ᠮᠥᠷᠦᠭᠡᠦᠡᠴᠤ ᠨᠣᠢ᠌ᠷ ᠬᠤᠯᠵᠢᠭᠰᠠᠨ ᠣᠯᠠᠨ ᠣᠯᠠᠨ ᠰᠦᠨᠢ
ᠨᠠᠷᠠ ᠶᠢ ᠴᠢᠨᠢ ᠳᠤᠷᠠᠰᠴᠤ ᠣᠶᠠᠷᠠᠵᠤ ᠭᠦᠯᠢᠶᠡᠭ᠍ᠰᠡᠨ ᠣᠳᠠᠭᠠᠨ ᠡᠳᠦᠷ ᠤᠨ ᠳᠤᠭᠳᠤᠯᠤᠯ
ᠨᠤᠭᠤᠭᠠᠨ ᠬᠠᠪᠢᠰᠤᠳᠠᠢ ᠳᠠᠪᠳᠠᠷ ᠡᠴᠡ ᠮᠢᠨᠢ ᠭᠦᠰᠡᠯ ᠵᠢᠭᠦᠷᠯᠡᠵᠤ ᠠᠮᠢᠯᠠᠬᠤ ᠳ᠋ᠤ
ᠨᠡᠷᠡᠯᠭᠡᠭ᠌ ᠪᠣᠳᠤᠯ ᠤᠨ ᠣᠨᠢᠰᠤ ᠪᠠᠷ ᠪᠠᠳᠤ ᠴᠠᠭᠤᠷᠭᠠᠯᠠᠵᠤ ᠣᠷᠭᠢᠯᠠ ᠁
ᠴᠡᠴᠡᠭ᠌ ᠲᠤ ᠬᠤᠷᠭᠤᠳᠠᠭᠰᠠᠨ ᠡᠷᠪᠠᠭᠡᠢ ᠪᠣᠯᠵᠤ ᠳᠡᠷᠭᠡᠳᠡᠭᠦᠷ ᠴᠢᠨᠢ ᠪᠢ ᠡᠷᠭᠢᠯᠳᠦᠳᠡᠭ᠌
ᠳᠡᠰᠭᠡᠯ ᠠᠯᠳᠠᠨ ᠭᠠᠩᠬᠤᠭᠰᠠᠨ ᠳᠠᠯᠪᠢᠨ ᠳᠤ ᠴᠢᠨᠢ ᠬᠠᠷᠢᠨ ᠪᠠᠭᠤᠭᠠ ᠥᠭᠡᠢ
ᠳᠠᠪᠢᠯᠠᠩ ᠵᠠᠶᠠᠭᠠᠨ ᠡᠴᠡ ᠪᠠᠨ ᠦᠷᠢᠰᠴᠤ ᠵᠦᠭ᠌ ᠪᠣᠷᠤᠭᠤᠯᠠᠨ ᠵᠢᠭᠤᠳᠠᠭᠰᠠᠭᠠᠷ
ᠳᠠᠷᠠ ᠪᠢᠳᠠᠨ ᠬᠤᠶᠠᠷ ᠴᠠᠢ᠌ᠯᠭᠠᠨ ᠥᠰᠢᠶᠡᠷᠭᠡᠯ ᠳᠡᠭᠡᠨ ᠳᠡᠢ᠌ᠯᠳᠡᠳᠡᠭ᠌
ᠪᠣᠴᠠᠬᠤ ᠵᠠᠮ ᠦᠭᠡᠶ ᠳᠤᠷᠠᠯᠠᠯ ᠳᠠᠭᠠᠨ ᠭᠦᠳᠦᠯᠦᠭ᠍ᠳᠡᠭ᠍ᠰᠡᠨ ᠴᠤ
ᠪᠠᠶᠠ ᠪᠠᠶᠠᠨ ᠳᠡᠭᠡᠨ ᠳᠤᠨᠢᠷᠬᠠᠵᠤ ᠶᠠᠪᠣᠳᠠᠭ
ᠪᠢᠳᠠᠨ ᠬᠤᠶᠠᠷ ᠤᠨ ᠳᠦᠭᠡᠷᠭᠡ ᠭᠡᠵᠤ
ᠪᠦᠭᠦᠭᠦ ᠶᠢᠨ ᠰᠤᠪᠢᠩ ᠠᠨᠢᠷᠯᠠᠭᠠ ᠥᠭᠡᠢ
ᠪᠢᠳᠡᠭᠦᠭᠡᠨ ᠭᠡᠷᠡᠯᠳᠦᠭ᠍ᠰᠡᠨ ᠵᠤᠯᠠ ᠪᠠᠢ᠌ᠵᠠᠢ ᠳ᠋ᠠ
ᠵᠤᠭᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠰᠢᠯᠤᠭᠤᠨ ᠭᠦᠪᠠᠭᠡᠳᠤ ᠴᠠᠭᠠᠨ ᠬᠤᠰᠢᠭᠤᠨ ᠤ ᠰᠢᠤᠳᠠᠨ ᠳᠤᠪᠴᠢᠶᠠᠨ ᠤ 181 ᠵᠠᠭᠢᠳᠠᠯ ᠤᠨ ᠬᠠᠢ᠌ᠷᠴᠠᠭ
ᠵᠤᠬᠢᠶᠠᠭᠴᠢ᠄ ᠲ·ᠡᠷᠳᠡᠨᠢᠴᠢᠮᠡᠭ
ᠢᠷᠡᠯᠲᠡ᠄ ᠬ·ᠪᠦᠬᠡᠮᠠᠨᠳᠤᠯᠠ
ᠬᠠᠷᠢᠶᠠ᠄ 《
ᠦᠨᠢᠷ ᠴᠡᠴᠡᠭ 》
ᠳᠠᠷᠤᠮ᠄ 10285
ᠴᠠᠭ᠄ 2009 ᠤᠨ ᠤ 05 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ