☆ ᠷᠢ᠊·ᠰᠡᠴᠡᠨᠴᠤᠭᠳᠤ
ᠳᠤᠰᠤᠨ ᠪᠤᠳᠤᠭ ᠤᠨ ᠨᠢᠭᠡᠨ ᠡᠳᠦᠷ
ᠨᠠᠮᠣᠷ ᠤᠨ ᠵᠢᠷᠣᠭ
ᠵᠠᠬᠡᠰᠥᠨ ᠲᠣᠯᠣᠭᠠᠢ ᠳᠤ ᠦᠷᠯᠦᠬᠡᠨ ᠤ ᠨᠠᠷᠠ ᠠᠯᠳᠠ ᠲᠥᠷᠬᠢᠨᠡ
ᠵᠠᠯᠠᠨ ᠳᠤ ᠬᠣᠨᠣᠭᠰᠠᠨ ᠮᠠᠨᠠᠨ ᠰᠠᠭᠠᠷᠠᠯ ᠵᠤᠭᠳᠣᠷ ᠶᠢᠠᠨ ᠲᠠᠪᠢᠰᠣᠨᠠ
ᠵᠠᠷᠮᠡᠬᠡᠬᠡᠨ ᠡᠬᠥᠯᠡ ᠡᠴᠡ ᠲᠣᠭᠣᠷᠣᠤ ᠶᠢᠨ ᠲᠠᠭᠣ ᠲᠣᠭᠣᠨᠣ ᠪᠠᠷ ᠣᠨᠠᠨᠠ
ᠵᠠᠰ ᠲᠠᠪᠣᠷᠠ ᠡᠴᠡ ᠡᠵᠢ ᠪᠣᠳᠠᠭᠠ ᠲᠡᠶ ᠴᠠᠢ ᠲᠣᠩᠭ᠋ᠣᠷᠠᠭᠠᠨᠠ᠃
ᠰᠦᠮᠡ ᠶᠢᠨ ᠵᠢᠷᠣᠭ
ᠠᠷᠭᠠ ᠪᠠᠨ ᠪᠠᠷᠠᠭᠰᠠᠨ ᠪᠣᠷᠬᠠᠨ ᠳᠤ
ᠠᠪᠣᠷᠠᠯ ᠭᠣᠶᠣᠭᠰᠠᠨ ᠡᠬᠡ ᠣᠴᠢᠭᠠᠳ
ᠠᠯᠠᠭ ᠦᠨᠢᠶᠡᠨ ᠤ ᠰᠥ᠋
ᠠᠷᠪᠠᠨ ᠶᠤᠧᠨᠨ ᠲᠡᠶ ᠮᠥᠷᠬᠥᠪᠡ ᠬᠡᠨᠡ
ᠠᠷᠭᠠ ᠪᠠᠨ ᠪᠠᠷᠠᠭᠰᠠᠨ ᠡᠬᠡ ᠳᠤ
ᠠᠪᠣᠷᠠᠯ ᠭᠣᠶᠣᠭᠰᠠᠨ ᠪᠣᠷᠬᠠᠨ ᠪᠣᠴᠠᠭᠠᠳ
ᠵᠠᠭᠣᠨ ᠶᠤᠧᠨᠨ
ᠵᠤᠯᠠ ᠶᠢᠨ ᠲᠣᠰᠣ ᠵᠠᠬᠢᠪᠠ ᠬᠡᠨᠡ᠃
ᠪᠣᠷᠬᠠᠨ ᠤ ᠵᠢᠷᠣᠭ
ᠵᠠᠪᠢᠯᠠᠭᠰᠠᠨ ᠪᠣᠷᠬᠠᠨ ᠵᠠᠪᠢᠯᠠᠭᠠ ᠪᠠᠷ ᠶᠢᠠᠨ ᠮᠦᠩᠬᠡᠷᠡᠵᠡᠢ
ᠵᠠᠯᠪᠠᠷᠢᠭᠰᠠᠨ ᠡᠬᠡ ᠵᠠᠯᠪᠠᠷᠢᠭᠠ ᠪᠠᠷ ᠶᠢᠠᠨ ᠡᠳᠡᠬᠡᠵᠡᠢ᠃
ᠲᠣᠰᠣᠨ ᠪᠣᠳᠣᠭ ᠤᠨ ᠨᠢᠬᠡᠨ ᠡᠳᠣᠷ
ᠲᠣᠰᠣᠨ ᠪᠣᠳᠣᠭ ᠤᠨ ᠵᠢᠷᠣᠭ ᠡᠴᠡ ᠣᠰᠣ ᠦᠨᠥᠷᠳᠦᠨᠠ
ᠲᠣᠳᠣᠷᠠ ᠨᠢ ᠵᠤᠭᠰᠣᠭᠠ ᠠᠳᠣᠭᠣᠨ ᠡᠴᠡ ᠰᠢᠪᠠᠷ ᠦᠨᠥᠷᠳᠥᠨᠠ᠃
ᠭᠠᠯ ᠦᠳᠡ ᠶᠢᠨ ᠭᠣᠪᠢ
ᠬᠦᠷᠪᠡᠯ ᠤᠨ ᠬᠦᠯ ᠡᠴᠡ ᠰᠡᠬᠥᠳᠡᠷ ᠲᠠᠮᠳᠠᠷᠢᠨᠠ
ᠬᠡᠷ ᠤᠨ ᠵᠠᠬᠥᠠᠳᠡᠢ ᠬᠣᠳᠠᠴᠢ
ᠬᠦᠨ ᠣᠯᠠᠭᠠᠨ ᠬᠡᠯᠡ ᠡᠴᠡ ᠪᠠᠨ ᠡᠯᠡᠭ᠍ᠳᠡᠨᠡ
ᠣᠳᠣᠭᠠ ᠣᠭᠣᠬᠢᠭᠰᠠᠨ ᠲᠡᠬᠡᠪᠥᠷ ᠲᠡᠬᠡᠷᠡ
ᠠᠭᠠᠭ ᠲᠡᠶ ᠠᠭᠠᠷᠣᠣᠯ ᠡᠪᠬᠡᠷᠡᠨᠡ
ᠣᠰᠣᠨ ᠵᠠᠷᠬᠡᠯᠬᠡᠨ ᠲᠠᠰᠣᠳᠠᠵᠣ
ᠨᠢᠴᠥᠬᠥᠨ ᠢᠩᠬᠡ ᠨᠡᠬᠥᠨᠡ
ᠬᠦᠷᠡᠨᠭ᠌ ᠪᠣᠷᠣ ᠣᠨᠢᠶᠠᠷ ᠤᠨ ᠲᠣᠮᠳᠠᠭᠣᠷ
ᠪᠣᠴᠠᠬᠣ ᠨᠠᠷᠠᠨ ᠬᠠᠯᠬᠢᠨᠠ
ᠬᠦᠬᠡᠪᠳᠥᠷ ᠬᠠᠷᠭᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠤ
ᠪᠣᠳᠣᠭᠣᠨ ᠤ ᠪᠣᠢ᠌ᠯᠠᠭᠠ ᠰᠠᠮᠠᠷᠠᠨᠠ᠃
ᠲᠣᠰᠣᠨ ᠪᠣᠳᠣᠭ ᠤᠨ ᠵᠢᠷᠣᠭ ᠡᠴᠡ ᠲᠣᠰᠣ ᠦᠨᠥᠷᠳᠦᠨᠠ
ᠲᠣᠳᠣᠷᠠ ᠨᠢ ᠵᠢᠷᠭᠠᠭᠠ ᠨᠠᠷᠠᠨ ᠡᠴᠡ ᠬᠣᠰᠣᠮ ᠦᠨᠥᠷᠳᠥᠨᠠ᠃
ᠰᠢᠷᠠ ᠲᠠᠯᠠ ᠶᠢᠨ ᠣᠰᠣᠨ ᠵᠢᠷᠣᠭ
ᠬᠦᠭ᠍ᠯᠠᠬᠡᠷ ᠮᠠᠨᠠᠨ ᠰᠡᠬᠥᠵᠦ
ᠱᠠᠩᠳᠣ ᠶᠢᠨ ᠨᠠᠷᠠ ᠦᠨᠳᠡᠢᠨᠡ
ᠮᠠᠷᠺᠣ· ᠫᠣᠯᠣ᠋ ᠶᠢᠨ ᠡᠪᠠᠰᠣᠨ ᠨᠠᠯᠠᠷᠬᠠᠢ ᠪᠠᠷ
ᠬᠥᠭ᠍ᠰᠢᠨ ᠧᠦ᠋ᠷᠣᠫᠡ ᠨᠠᠭᠠᠰᠢ ᠪᠠᠨ ᠰᠡᠬᠡᠨᠡ᠃
ᠬᠠᠢ᠌ᠷᠠᠳᠠᠢ ᠪᠢ
ᠨᠠᠷᠠ ᠠᠷᠭᠠᠮᠵᠢᠭᠰᠠᠨ
ᠬᠦᠷᠡᠨᠭ᠌ ᠭᠣᠪᠢ ᠶᠢᠨ
ᠪᠣᠭᠣ ᠶᠢᠨ ᠴᠢᠯᠠᠭᠣᠨ ᠳᠤ ᠬᠠᠢ᠌ᠷᠠᠳᠠᠢ ᠪᠢ
ᠨᠠᠳᠠ ᠡᠴᠡ ᠲᠥᠷᠣᠬᠥᠬᠡᠨ
ᠬᠦᠯ ᠳᠤ ᠣᠷᠣᠭᠰᠠᠨ
ᠪᠣᠭᠣᠷᠣᠯ ᠲᠡᠯᠠᠬᠡᠢ ᠳᠡᠭᠡᠨ ᠬᠠᠢ᠌ᠷᠠᠳᠠᠢ ᠪᠢ
ᠨᠠᠭᠠᠳᠣᠮ ᠤᠨ ᠲᠠᠷᠠᠭᠠ
ᠭᠠᠭᠴᠠᠭᠠᠷ ᠶᠢᠠᠨ ᠬᠡᠢ᠌ᠰᠴᠦ ᠶᠠᠪᠣᠭᠠ
ᠰᠢᠬᠢᠷ ᠤᠨ ᠴᠠᠭᠠᠰᠣᠨ ᠳᠤ ᠬᠠᠢ᠌ᠷᠠᠳᠠᠢ ᠪᠢ
ᠨᠠᠮᠣᠷ ᠣᠷᠣᠢ
ᠲᠠᠭᠠᠷᠠᠬᠣ ᠪᠠᠨ ᠮᠡᠳᠡᠬᠡ ᠦᠭᠡᠶ
ᠲᠣᠭᠣᠷᠣᠤ ᠶᠢᠨ ᠲᠡᠭ᠍ᠳᠡᠬᠡᠬᠡᠢ ᠳᠤ ᠬᠠᠢ᠌ᠷᠠᠳᠠᠢ ᠪᠢ
ᠣᠳᠣᠳᠠᠢ ᠰᠦᠨᠢ ᠪᠠᠷ
ᠡᠩᠬᠡᠷ ᠲᠤ ᠣᠨᠠᠭᠰᠠᠨ
ᠨᠠᠷᠠᠨ ᠤ ᠨᠢᠯᠪᠣᠰᠣᠨ ᠳᠤ ᠬᠠᠢ᠌ᠷᠠᠳᠠᠢ ᠪᠢ
ᠣᠳᠣ ᠪᠣᠯᠳᠠᠯᠠ
ᠣᠬᠢᠯᠠᠵᠣ ᠯᠠ ᠶᠠᠪᠣᠭᠠ
ᠨᠠᠴᠣᠭᠳᠣᠷᠵᠢ ᠶᠢᠨ ᠣᠳᠣᠨ ᠳᠤ ᠬᠠᠢ᠌ᠷᠠᠳᠠᠢ ᠪᠢ
ᠪᠣᠷᠣᠭᠠᠨ ᠤ ᠲᠠᠷᠠᠭᠠ
ᠨᠣᠢ᠌ᠳᠠᠨ ᠠᠷᠭᠠᠯ ᠵᠤᠷᠣᠭᠰᠠᠨ
ᠨᠠᠷᠠᠨ ᠤ ᠬᠡᠷᠡᠯ ᠳᠤ ᠬᠠᠢ᠌ᠷᠠᠳᠠᠢ ᠪᠢ
ᠪᠣᠷᠣᠭᠠ ᠲᠣᠰᠣᠨ
ᠦᠷᠴᠢ᠌ᠵᠦ ᠬᠦᠶᠥᠭᠰᠡᠨ
ᠨᠢᠯᠬᠠ ᠵᠠᠷᠠᠭᠠ ᠳᠤ ᠬᠠᠢ᠌ᠷᠠᠳᠠᠢ ᠪᠢ
ᠨᠡᠬᠥᠳᠡᠯ ᠵᠠᠮ ᠶᠢᠠᠷ
ᠬᠡᠷ ᠶᠢᠡᠨ ᠡᠬᠥᠷᠥᠨ ᠵᠢᠷᠢᠯᠵᠡᠭ᠍ᠰᠡᠨ
ᠪᠥᠭ᠍ᠳᠥᠷ ᠰᠢᠷᠠ ᠰᠢᠷᠭᠣᠯᠵᠢ ᠳᠤ ᠬᠠᠢ᠌ᠷᠠᠳᠠᠢ ᠪᠢ
ᠨᠢᠳᠣ ᠮᠢᠨᠢ ᠶᠣᠮ ᠪᠤᠯᠬᠤᠷ
ᠬᠦᠮᠥᠨ ᠳᠤ ᠬᠡᠵᠢᠶᠡᠳᠡ ᠦᠭ᠍ᠬᠥ ᠦᠭᠡᠶ
ᠬᠦᠬᠡᠷᠥᠬᠥᠢ ᠡᠨᠠ ᠨᠣᠳᠣᠭ ᠲᠠᠭᠠᠨ ᠬᠠᠢ᠌ᠷᠠᠳᠠᠢ ᠪᠢ᠃
〔ᠨᠠᠢ᠌ᠷᠠᠭᠣᠯᠣᠭᠴᠢ ᠶᠢᠨ ᠴᠣᠬᠣᠯᠳᠠ〕 ᠵᠢᠷᠣᠭ ᠢ ᠰᠢᠯᠥᠭ ᠪᠣᠯᠭᠠᠬᠣᠢ ᠳᠤᠷ ᠰᠢᠯᠥᠭ ᠪᠣᠳᠣᠭ ᠲᠡᠶ ᠪᠣᠯᠣᠭᠠᠳ᠂ ᠰᠢᠯᠥᠭ ᠢ ᠵᠢᠷᠣᠭ ᠪᠣᠯᠭᠠᠬᠣᠢ ᠳᠤᠷ ᠵᠢᠷᠣᠭ ᠣᠶᠠᠩᠭᠠ ᠲᠡᠶ ᠪᠣᠯᠣᠮᠣᠢ᠃ 《 ᠲᠣᠰᠣᠨ ᠪᠣᠳᠣᠭ ᠤᠨ ᠨᠢᠬᠡᠨ ᠡᠳᠣᠷ 》 ᠤᠨ ᠲᠣᠰᠣᠨ ᠪᠣᠳᠣᠭ ᠡᠴᠡ ᠨᠢ ᠰᠢᠷᠠ ᠲᠣᠰᠣ ᠦᠨᠥᠷᠲᠦᠵᠦ᠂ ᠣᠰᠣᠨ ᠪᠣᠳᠣᠭ ᠡᠴᠡ ᠨᠢ ᠰᠥ᠋ ᠦᠨᠥᠷᠳᠥᠨᠠ᠃ ᠡᠨᠠ ᠢᠨᠣ ᠰᠢᠯᠥᠭᠴᠢ ᠶᠢᠨ ᠮᠣᠩᠭ᠋ᠣᠯ ᠦᠨᠥᠷ ᠪᠣᠶᠣ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠰᠢᠯᠣᠭᠣᠨ ᠬᠦᠬᠡ ᠬᠣᠰᠢᠭᠣᠨ ᠤ ᠣᠣᠠᠬᠠ ᠣᠷᠠᠯᠢᠭ ᠤᠨ ᠬᠢᠨ ᠤ ᠬᠣᠯᠪᠣᠭᠠ
ᠵᠤᠬᠢᠶᠠᠭᠴᠢ᠄ ᠷᠢ᠊·ᠰᠡᠴᠡᠨᠴᠤᠭᠳᠤ
ᠢᠷᠡᠯᠲᠡ᠄ ᠬ·ᠪᠦᠬᠡᠮᠠᠨᠳᠤᠯᠠ
ᠬᠠᠷᠢᠶᠠ᠄ 《
ᠦᠨᠢᠷ ᠴᠡᠴᠡᠭ 》
ᠳᠠᠷᠤᠮ᠄ 8787
ᠴᠠᠭ᠄ 2009 ᠤᠨ ᠤ 05 ᠰᠠᠷᠠ ᠶᠢᠨ 09
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ